Ys Jagan mohan reddy

బాబుది కపట ప్రేమ

Updated By ManamThu, 09/13/2018 - 04:12
  • ఎన్నికలప్పుడే మస్లింలు గుర్తుకొస్తారు

  • వైఎస్‌ఆర్ దుల్హన్ కింద రూ.లక్ష ఇస్తాం

  • కార్పొరేషన్ వ్యవస్థను ప్రక్షాళన చేస్తాం 

  • ముస్లింల ఆత్మీయ సమ్మేళనంలో వైఎస్ జగన్  

jaganవిశాఖపట్నం: ముస్లింల పట్ల చంద్రబాబు కపట ప్రేమ ఒలకబోస్తున్నారని వైసీపీ అధినేత, ప్రతిపక్ష నేత వైఎస్ జగన్మోహన్‌రెడ్డి అన్నారు. ప్రజాసంకల్పయాత్రలో భాగంగా బుధవారం విశాఖపట్నంలో ముస్లిం మైనార్టీల ఆత్మీయ సమావేశం నిర్వహించారు. ఈ సభలో వైఎస్ జగన్ ప్రసంగించారు. గత ఎన్నికల సందర్భంగా చంద్రబాబునాయుడు ముస్లింలకు అనేక హామీలు ఇచ్చారని, వాటన్నింటినీ తుంగలో తొక్కారని విమర్శించారు. దేశంలో ముస్లింలకు ప్రాతినిధ్యం లేని కేబినెట్ ఏదైనా ఉందంటే అది చంద్రబాబు ప్రభుత్వమే అని అన్నారు. వైసీపీ అధికారంలోకి రాగానే ఎస్సీ, ఎస్టీ, బీసీలకు కార్పొరేషన్ ద్వారా రుణాలు మంజూరు చేస్తామని హామీ ఇచ్చారు. చంద్రబాబు హయాంలో కార్పొరేషన్లు పూర్తిగా అవినీతిమయం అయ్యాయని, తమ ప్రభుత్వం అధికారంలోకి రాగానే కార్పొరేషన్ వ్యవస్థను ప్రక్షాళన చేస్తామన్నారు. టీడీపీ పాలనలో ముస్లింలు అత్యంత వెనుకబడి ఉన్నారని.. కేవలం ఎన్నికల సమయంలోనే చంద్రబాబుకు ముస్లింలు గుర్తుకు వస్తారని వైఎస్ జగన్ విమర్శించారు. ఎన్నికల ప్రణాళికలో భాగంగానే ఇటీవల గుంటూరులో ‘నారా హమారా.. ముస్లిం హమారా’ అనే కార్యక్రమం పెట్టారన్నారు. ముస్లింలకు మంత్రివర్గంలో ప్రాతినిథ్యం ఎందుకు లేదని ప్రశ్నించిన ముస్లిం పిల్లలపై అక్రమ కేసులు పెట్టించారని ధ్వజమెత్తారు. వైసీపీ అధికారంలోకి రాగానే వైఎస్సార్ దుల్హన్ పథకం ద్వారా వివాహ సమయంలో ప్రతీ ఆడబిడ్డకు లక్ష రూపాయలు సాయం చేస్తామన్నారు. వైఎస్సార్ ముస్లింలకు నాలుగు శాతం రిజర్వేషన్లు కల్పించి ఆదుకున్నారని గుర్తు చేశారు. 2014లో ఎన్నికల సమయంలో ముస్లింల సంక్షేమం కోసం చంద్రబాబు అనేక హామీలు ఇచ్చారు. కానీ నాలుగేళ్ల కాలంలో ఒక్క హామీ కూడా అమలు చేయలేకపోయారు. 2017-18 బడ్జెట్‌లో ముస్లింల సంక్షేమం కోసం 850 కోట్లు  కేటాయించారు. కానీ కేవలం 350 కోట్లు మాత్రమే ఖర్చుచేశారు. ముస్లింలకు ఇస్లామిక్ బ్యాంక్ ఏర్పాటు చేసి వాటి ద్వారా  రుణాలు మంజూరు చేస్తామని గతంలో చంద్రబాబు హామీ ఇచ్చారు. ఇప్పటివరకు ఏర్పాటు చేయలేదన్నారు. ఫాతిమా మెడికల్ కాలేజ్ విద్యార్థులను మోసం చేశారన్నారు. ముస్లిం బాలికలపై అత్యాచారాలు జరుగుతున్నా పట్టించుకోవడం లేదని జగన్ పేర్కొన్నారు.



చంద్రబాబు పచ్చి అవకాశవాది

Updated By ManamMon, 09/10/2018 - 23:54
  • సైంధవుడు.. ఓ మానసిక రోగి

  • ఆయన కంటే అవినీతిపరుడు లేడు.. ఎన్టీఆర్ ఆశయాన్ని హత్య చేశారు

  • బీజేపీపై విషం కుక్కుతున్నారు.. టీడీపీకి ఓ సిద్ధాంతం లేదు: కన్నా

jaganన్యూఢిల్లీ: చంద్రబాబు ప్రజల ముందు డ్రామాలాడుతున్నారని, ఆయన పచ్చి అవకాశవాది అని ఏపీ బీజేపీ అధ్యక్షుడు కన్నా లక్ష్మీనారాయణ అన్నారు. ఈ మేరకు సోమవారం ఆయన విలేకరులతో మాట్లాడారు. టీడీపీ, కాంగ్రెస్‌తో చేతులు కలపడం దారుణమని మండిపడ్డారు. కాంగ్రెస్ పార్టీకి వ్యతిరేకంగా టీడీపీ ఆవిర్భవించిందని ఈ సందర్భంగా కన్నా గుర్తు చేస్తున్నారు. టీడీపీకి ఓ సిద్ధాంతం అంటూ లేకుండా పోయిందన్నారు. ప్రపంచంలో చంద్రబాబుకు మించిన అవినీతిపరుడు మరొకరు లేరన్నారు. ఆపరేషన్ గరుడ అంటూ కొత్త నాటకంతో ఓ సినీనటుడు ముందుకు వచ్చాడని పేర్కొన్నారు. స్వలాభం కోసం చంద్రబాబు ఎవరితోనైనా చేతులు కలుపుతారని కన్నా లక్ష్మీనారాయణ ధ్వజమెత్తారు. 8, 9 తేదీల్లో నిర్వహించిన బీజేపీ జాతీయ కార్యవర్గ సమావేశం ఎన్నికల శంఖారావం పూరించామన్నారు. ఏపీలో బీజేపీతో పొత్తులో ఉంటూనే టీడీపీ రాహుల్‌తో అక్రమ సంబంధం నెరిపిందని తాము ముందు నుంచి చెబుతున్నామని కన్నా అన్నారు. రెండేళ్లుగా కాంగ్రెస్‌తో కలిసి ఓబీసీ, ట్రిపుల్ తలాక్ బిల్లులు రాజ్యసభ ముందుకు వచ్చినప్పుడు టీడీపీ వాటికి వ్యతిరేకంగా మాట్లాడిందన్నారు. ఎన్టీఆర్‌ను వెన్నుపోటు పొడిచి పార్టీని చేతుల్లోకి తీసుకున్న చంద్రబాబు, పార్టీని విలువలతో నడిపిస్తున్నానని చెప్పడం హాస్యాస్పదం అన్నారు. కాంగ్రెస్‌తో పొత్తు పెట్టుకుని ఎన్టీఆర్ సిద్ధాంతాలను హత్య చేశారన్నారు. అపరిచితుడు మాదిరిగా చంద్రబాబు మానసిక వ్యాధితో బాధపడుతున్నారని అన్నారు. తెలుగు డ్రామా కంపెనీ అవకాశవాదాన్ని ప్రజలు గుర్తించాలని కన్నా కోరారు. కేంద్ర ప్రభుత్వం ఇస్తున్న నిధులను తీసుకుంటూనే టీడీపీ ప్రభుత్వంపై బీజేపీపై విషం కక్కుతుందన్నారు. అవకాశవాద పార్టీలు ఏపీకి అవసరం లేదన్నారు. రాష్ట్రాభివృద్ధిని చంద్రబాబు ఎప్పుడో గాలికి వదిలేశారని, అభివృద్ధికి అడ్డుపడుతూ ఆయన సైందవుడులా మారారని ఎద్దేవా చేశారు. త్వరలోని అన్ని జిల్లాలో పర్యటించి ఇంటింటికీ బీజేపీని చేరువ చేస్తామని, పార్టీని ప్రజల్లోకి తీసుకెళ్తామని కన్నా లక్ష్మీనారాయణ తెలియజేశారు.



బ్రాహ్మణులకు సముచిత స్థానం

Updated By ManamMon, 09/10/2018 - 23:54
  • దేవుని ముందూ బాబు అబద్ధాలు చెబుతారు

  • బ్రాహ్మణుల ఆత్మీయ సమ్మేళనంలో వైఎస్ జగన్

jaganవిశాఖపట్నం: దేవుని ఎదుట కూడా అబద్ధాలు చెప్పే వ్యక్తి చంద్రబాబునాయుడు అని ప్రతిపక్ష నేత వైఎస్ జగన్ అన్నారు. వైసీసీ అధికారంలోకి వచ్చిన తర్వాత బ్రాహ్మణులకు సముచిత స్థానం కల్పిస్తామని ఆయన హామీ ఇచ్చారు. విశాఖపట్నంలో సోమవారం నిర్వహించిన బ్రాహ్మణుల ఆత్మీయ సమ్మేళనంలో జగన్ పాల్గొన్నారు. ఈ సందర్భంగా జగన్ మాట్లాడుతూ చంద్రబాబు నాయుడు పాలనలో బ్రాహ్మణులు పేదరికంలో అల్లాడుతున్నారని వ్యాఖ్యానించారు. బ్రాహ్మణులు .. ప్రజలకు దేవుడికి మధ్య వారధిలాంటి వారన్నారు. ఎన్నికల సమ యంలో చంద్రబాబు అనేక హామీలిచ్చారని వాటిని ఇప్పటివరకు అమలు చేయలే దని మండిపడ్డారు. పేద బ్రాహ్మణులకు ఐదు వేలు ఆర్థిక సాయం చేస్తామని బాబు హామీ ఇచ్చారని, ఇప్పటివరకు అమలు చేయలేదన్నారు. రమణ దీక్షితుల్ని అన్యా యంగా పదవి నుంచి తొలగించారన్నారు. బ్రాహ్మణులకు కనీసం ఎమ్మెల్యే టికెట్ కూడా ఇవ్వలేదన్నారు. టీడీపీ నేతలు, దేవాలయాలకు సంబంధించిన ఆస్తులను దోచుకుంటున్నారని, విజయవాడ కనకదుర్గమ్మ ఆలయానికి సంబంధించిన 1100 ఎకరాల భూమిని సిద్ధార్ధ అనే ప్రైవేటు కాలేజీకి కేవలం లక్ష రూపాయాలకే కట్టబెట్టారని మండిపడ్డారు దేవుడి ముందు కూడా అబద్దాలు చెప్పే వ్యక్తి చంద్రబాబు మాత్రమేనని, గుడిని, గుడిలోని లింగాన్నీ కూడా దోచుకుంటారని అన్నారు. 



259వ రోజు యాత్రను కొనసాగిస్తున్న జగన్

Updated By ManamMon, 09/10/2018 - 11:58

Jagan Mohan Reddyవిశాఖపట్నం: ఏపీ ప్రతిపక్ష నేత, వైసీపీ అధినేత వైఎస్ జగన్‌మోహన్ రెడ్డి చేపట్టిన ప్రజా సంకల్ప యాత్ర 259వ రోజు కొనసాగుతోంది. యాత్రలో భాగంగా సోమవారం ఉదయం విశాఖపట్నం నియోజకవర్గంలోని తాటిచెట్లపాలెం నుంచి పాదయాత్రను ప్రారంభించారు జగన్. అక్కడి నుంచి అక్కయ్యపాలెం, దొండపర్తి జంక్షన్, తెలుగు తల్లి ఫ్లైఓవర్, వాల్తేరు మీదుగా జగన్ తన పాదయాత్రను కొనసాగించనున్నారు. వాల్తేరులో బ్రాహ్మణుల ఆత్మీయ సదస్సులో జగన్ పాల్గొననున్నారు. కాగా యాత్రలో అక్కడి ప్రజలతో మమేకమౌతున్న జగన్ వారి సమస్యలను అడిగి తెలుసుకుంటున్నారు.



‘నిజాయితీగా రాజకీయాలు చేస్తున్నా’

Updated By ManamThu, 09/06/2018 - 17:27
bandaru satyanarayana murthy

అమరావతి : తన ఆస్తులపై బహిరంగ చర్చకు సిద్ధమని టీడీపీ ఎమ్మెల్యే బండారు సత్యనారాయణ మూర్తి సవాల్ విసిరారు. ఆయన గురువారమిక్కడ మీడియా పాయింట్ వద్ద మాట్లాడుతూ ‘నేను నిజాయితీగా రాజకీయాలు చేస్తున్నా. నా ఆస్తులు ఎక్కడ పెరిగాయో చూపించాలి. విశాఖలో ల్యాండ్ ఫూలింగ్ ఆపాం. వైఎస్ జగన్ పాదయాత్రకు ఆదరణ లేదు.

పాదయాత్రకు ప్రజలు రాకపోవడంతో నిరాశతో ఉన్నారు. ఆయన తండ్రి అవినీతిని మేము శుద్ధి చేస్తున్నాం. ఫార్మా సిటీ వల్ల కలుషితం అవుతుందని జగన్ అసత్యాలు చెబుతున్నాడు. చెరువులు, భూములు కబ్జా చేశానని నాపై ఆరోపణలు చేస్తున్నాడు. అధికార దాహం కోసమే ఆయన పాదయాత్ర చేస్తున్నాడు.’ అని ధ్వజమెత్తారు.



నేటి నుంచి అసెంబ్లీ 

Updated By ManamWed, 09/05/2018 - 23:49
  • 8 రోజులపాటు సమావేశాలు.. హాజరుకాబోమన్న విపక్షం

  • స్పీకర్‌కు వైసీపీ అధినేత జగన్ లేఖ.. అవసరమైతే సమావేశాలు పొడిగింపు: స్పీకర్

spekaerఅమరావతి: ఆంధ్రప్రదేశ్ అసెంబ్లీ వర్షాకాల సమావేశాలు గురువారం ప్రారంభమవుతున్నాయి. 7 నుంచి 8 రోజుల పాటు జరిగే సమావేశాలకు ప్రతిపక్ష వైసీపీ సభ్యులు హాజరుకావడం లేదని ఆ పార్టీ అధినేత జగన్ స్పష్టం చేస్తూ స్పీకర్ కోడెల శివప్రసాదరావుకు లేఖ రాశారు. ఫిరాయింపు సభ్యులను అనర్హులుగా ప్రకటించాలని జగన్ లేఖలో కోరారు. నలుగురు మంత్రులను కూడా బర్తరఫ్ చేయాలని జగన్ పేర్కొన్నారు. విజయవాడలో సమావేశమైన వైసీపీ ఎమ్మెల్యేలు ఇదే అంశంపై సీఎం చంద్రబాబుకు బహిరంగ లేఖ రాశారు. వైసీపీ నుంచి టీడీపీలోకి వచ్చిన 22 మందితో నడుపుతున్న దానిని శాసనసభ అంటారా అంటూ ప్రశ్నించారు. అందువల్లే తాము అసెంబ్లీ సమావేశాలకు హాజరుకావడం లేదంటూ పేర్కొన్నారు. దీంతో అసెంబ్లీ సమావేశాల్లో కూడా టీడీపీ సభ్యులు మినహా నలుగురు బీజేపీ ఎమ్మెల్యేలు మాత్రమే ఉంటారు. కాగా, తొలి రోజు సభలో మాజీ ప్రధాని అటల్ బిహార్ వాజ్‌పేయికి, రెండో రోజు నందమూరి హరికృష్ణకు సంతాపం ప్రకటించనున్నారు. అనంతరం ప్రశ్నోత్తరాల కార్యక్రమం నిర్వహిస్తారు. ఆంధ్రప్రదేశ్ అసెంబ్లీ సమావేశాలు ప్రారంభమయ్యే రోజునే తెలంగాణలో అసెంబ్లీ రద్దు చేయాలని టీఆర్‌ఎస్ ప్రభుత్వం చూస్తున్నట్లు తెలుస్తోంది. దీంతో తెలంగాణ అసెంబ్లీ రద్దు అంశం గురువారం రెండు రాష్ట్రాల్లోనూ ఆసక్తికరంగా మారనుంది. 

పటిష్ట భద్రత ఏర్పాట్లు : ఫరూఖ్
గురువారం నుంచి వర్షాకాల సమావేశాలు ప్రారంభమవుతున్న నేపథ్యంలో పటిష్టమైన భద్రత ఏర్పాటు చేయాలని పోలీసు అధికారులను శాసనమండలి చైర్మన్ ఎన్.ఎం.డి.ఫరూక్ ఆదేశించారు. సమావేశాలు జరుగుతున్న రోజుల్లో అసెంబ్లీ పరిసర ప్రాంతాల్లో ఎటువంటి అవాంఛనీయ సంఘటనలూ చోటు చేసుకోకుండా అప్రమత్తంగా ఉండాలన్నారు. అసెంబ్లీ కమిటీ హాల్‌లో పోలీసులు, అసెంబ్లీ భద్రతా సిబ్బందితో బుధవారం జరిగిన సమావేశంలో శాసనసభ స్పీకర్ కోడెల శివప్రసాదరావుతో కలిసి ఆయన పాల్గొన్నారు. ఇటీవల నారా హమారా...టీడీపీ హమారా సభలో జరిగిన గలాటాను ఆయన అధికారులకు వివరించారు. ప్రభుత్వానికి చెడ్డ పేరు తీసుకురావాలనే ఉద్దేశంతో కొందరు కుట్రలు పన్నుతున్నారన్నారు. వాటన్నింటినీ పరిగణలోనికి తీసుకుని అసెంబ్లీ సమావేశాల సందర్భంగా పోలీసులు అప్రమత్తంగా ఉంటూ పటిష్ట భద్రత ఏర్పాటు చేయాలన్నారు.  

ఎవ్వరినీ నొప్పించొద్దు: కోడెల 
వర్షాకాల సమావేశాలు గురువారం నుంచి ఏడెనిమిది రోజుల పాటు అసెంబ్లీ సమావేశాలు జరుగుతాయని శాసనసభ స్పీకర్ కోడెల శివప్రసాదరావు తెలిపారు. అవసరమనుకుంటే మరికొన్ని రోజులు పొడిగించే అవకాశముందన్నా రు. అసెంబ్లీకి వచ్చే ప్రజాప్రతినిధుల పట్ల గేట్ల వద్దే ఉండే పోలీసులు, భద్రతా సిబ్బంది మర్యాదపూర్వకంగా నడుచుకోవాలన్నారు. అసెంబ్లీ చుట్టూ సీసీ కెమెరాల ఏర్పాటు చేసి, గట్టి నిఘా పెట్టాలన్నారు. విజిటర్లకు ఇచ్చే పాస్‌లు క్షుణ్ణంగా పరిశీలించాకే లోపలి అనుమతించాలన్నారు. ప్రభుత్వ ప్రధాన కార్యదర్శి దినేష్ కుమార్ మాట్లాడుతూ గత సమావేశాల మాదిరిగా వర్షాకాల సమావేశాలకూ పటిష్ట భద్రత ఏర్పాటు చేయాలన్నారు. డీజీపీ ఆర్.పి.ఠాకూర్ మాట్లాడుతూ, అసెంబ్లీ సమావేశాల సందర్భంగా గట్టి బందోబస్తు ఏర్పాటు చేస్తున్నామన్నారు. ఇందుకోసం ఇప్పటికే అవసరమైన సిబ్బందిని నియమించామన్నారు. ఈ సమావేశాల్లో  పోలీసు అధికారులు, అసెంబ్లీ భద్రతా సిబ్బంది  పాల్గొన్నారు.

అన్ని ప్రశ్నలకు సమాధానాలివ్వాలి..
అసెంబ్లీలో సభ్యుల వేసే అన్ని ప్రశ్నలకూ సమాధానాలు ఇవ్వాల్సిందేనని శాసనమండలి చైర్మన్ ఎండీ ఫరూక్ స్పష్టంచేశారు. వివిధ శాఖల ప్రత్యేక ప్రధాన కార్యదర్శులు, ముఖ్య కార్యదర్శులతో ఫరూక్, కోడెల సమావేశమయ్యారు. ఇంత వరకూ జరిగిన 11 సెషన్లకు గానూ 792 ప్రశ్నలకు సమాధానాలు ఇంకా ఇవ్వాల్సి ఉందన్నారు.



విశాఖ భూములపై బాబు కన్నేశారు

Updated By ManamWed, 09/05/2018 - 22:59
  • ఆయన అనుమతిస్తారు.. చినబాబు వసూళ్లు చేస్తారు

  • మాయ చేసి పెందుర్తిలో అసైన్డ్ భూములు కాజేశారు

  • సబ్బవరం బహిరంగ సభలో వైఎస్ జగన్మోహన్‌రెడ్డి

jaganవిశాఖపట్నం: విశాఖపట్నం జిల్లాలోని భూములుపై చంద్రబాబు కన్నుపడిందని ప్రతిపక్షనేత, వైసీపీ అధ్యక్షుడు వైఎస్ జగన్మోహన్‌రెడ్డి అన్నారు.  255వ రోజు ప్రజాసంకల్పయాత్రలో భాగంగా విశాఖ జిల్లా సబ్బవరంలో బుధవారం జరిగిన భారీ బహిరంగ సభలో జగన్ ప్రసంగించారు. రాష్ట్రంలో గజానికో కబ్జాకోరుని చంద్రబాబు తయారు చేశారని మండిపడ్డారు. అక్రమాలు చేయడానికి పెద్దబాబు అనుమతులిస్తే, చినబాబు కమీషన్‌లు వసూలు చేస్తున్నారని పేర్కొన్నారు. రికార్డులు తారుమారు చేసి పెందుర్తిలో అసైన్డ్ భూములు కాజేశారన్నారు. ల్యాండ్ పూలింగ్ పేరుతో రైతుల దగ్గర నుంచి భూములను లాక్కుని ప్రభుత్వానికి ఇచ్చారని తెలిపారు. మళ్లీ అవే భూముల్లో పేదలకు ఇళ్లు నిర్మించి ఇస్తామని బాబు చెబుతున్నారన్నారు. భూ దందాలు చేస్తున్న టీడీపీ నాయకులకు చంద్రబాబు అండగా ఉంటున్నారన్నారు. దేశం మొత్తంలో 16 లా యూనివర్సిటీలు ఉండగా.. ఏపీలో ఒక యూనివర్సిటీ ఉండాలని వైఎస్ రాజశేఖర రెడ్డి పట్టుబట్టారని, ఆయన చొరవతోనే సబ్బవరంలో దామోదరం సంజీవయ్య లా యూనివర్సిటీ ఏర్పాటైందని వెల్లడించారు. పెందుర్తి నియోజకవర్గంలో మహిళపై దాడులు జరుగుతున్నా ప్రభుత్వం పట్టించుకోవడం లేదని వైఎస్ జగన్ మండిపడ్డారు. పెందుర్తి నియోజకవర్గం బుదిరెడ్డిపాలెం శివారు నుంచి బుధవారం 255వ రోజు జగన్ పాదయాత్రను ప్రారంభించారు. ఉపాధ్యాయ దినోత్సవాన్ని పురస్కరించుకుని శిబిరంలో దివంగత మాజీ రాష్ట్రపతి సర్వేపల్లి రాధాకృష్ణన్ చిత్రపటానికి జగన్ పూలమాల వేసి నివాళి అర్పించారు. తె అనంతరం ఆంధ్ర విశ్వవిద్యాలయం మాజీ ఉపకులపతులు పలువురిని జగన్ సన్మానించారు. విశాఖపట్నంలోని కళా ఆస్పత్రి అధినేత, ప్రముఖ వైద్యుడు పైడి వెంకటరమణమూర్తి పార్టీ అధ్యక్షుడు జగన్ సమక్షంలో బుధవారం వైసీపీలో చేరారు. విజయనగరం జిల్లాకు చెందిన బీజేపీ నేత, జిల్లా గ్రంథాలయ సంస్థ మాజీ చైర్మన్ ఇందుకూరి రఘురాజు గుల్లేపల్లి వద్ద జగన్‌ను కలిసి ఆయన సమక్షంలో వైసీపీలో చేరారు. గుంటూరు జిల్లా పోలీసులు వేధింపులకు గురైన ముస్లిం యువకులు ఆదిరెడ్డిపాలెం గ్రామ శివారులో ఏర్పాటు చేసిన శిబిరం వద్ద జగన్‌ను కలిశారు. సభలో ప్లకార్డులు ప్రదర్శించినందుకు తమను ఏ విధంగా వేధించారో. పోలీసులు ఎలా హింసాంచారో, ఇతరత్రా వివరాలను వారు జగన్‌కు తెలిపారు. 



వైఎస్సార్ సీపీలో చేరిన రఘురాజు

Updated By ManamWed, 09/05/2018 - 17:01
  • జగన్ సమక్షంలో పార్టీలో చేరిన కళా ఆస్పత్రి అధినేత డాక్టర్‌ పైడి వెంకట రమణమూర్తి

Indukuri Raghu Raju, kala hospital murthy Joins YSRCP

విశాఖ : వైఎస్సార్ కాంగ్రెస్ పార్టీలో చేరికలు జోరుగా కొనసాగుతున్నాయి. ఇటీవలే మాజీమంత్రి ఆనం రాంనారాయణ రెడ్డి పార్టీలో చేరగా, విశాఖ, విజయనగరం జిల్లాకు చెందిన పలువురు వైఎస్సార్ సీపీ కండువా కప్పుకున్నారు. విశాఖకు చెందిన  ప్రముఖ వైద్య నిపుణులు, కళా ఆస్పత్రి అధినేత డాక్టర్‌ పైడి వెంకట రమణమూర్తితో పాటు విజయనగరం జిల్లాకు చెందిన బిజేపీ నాయకుడు, జిల్లా గ్రంథాలయ సంస్థ మాజీ చైర్మన్‌ ఇందుకూరి రఘురాజు కూడా వైఎస్సార్ సీపీలో చేరారు. 

వీరిరువురు బుధవారం పార్టీ అధ్యక్షుడు వైఎస్ జగన్ మోహన్ రెడ్డిని కలిశారు. వీరికి కండువా కప్పి పార్టీలోకి సాదరంగా ఆహ్వానించారు. పార్టీ సీనియర్‌ నేత బొత్స సత్యనారాయణ సమక్షంలో వైఎస్ జగన్‌ను కలిసిన ఇందుకూరి రఘురాజు పార్టీ సభ్యత్వం స్వీకరించారు. అలాగే డాక్టర్ రమణమూర్తితో పాటు  ఆయన సతీమణి డాక్టర్ కళావతి, ఆయన మామ రామారావుతో పాటుగా, పెద్ద ఎత్తున ఆయన అనుచరులు వైఎస్సార్ సీపీలో చేరారు.

కాగా విశాఖ జిల్లా  రావలమ్మపాలెం క్రాస్‌ మీదుగా పాదయాత్రగా వైఎస్ జగన్ ఆదిరెడ్డిపాలెం చేరుకున్నారు. భోజన విరామం కోసం శిబిరం వద్ద ఉన్న ఆయనను గుంటూరు జిల్లా పోలీసుల వేధింపులకు గురైన ముస్లిం యువకులు కలిశారు.

చంద్రబాబు సభలో ప్లకార్డులు ప్రదర్శించినందుకు పోలీసులు తమను ఏ విధంగా చిత్రహింసలు పెట్టింది, ఏయే కేసులు నమోదు చేశారన్న అంశాలను వారు ఈ సందర్భంగా జగన్ దృష్టికి తీసుకు వెళ్లారు.  ముస్లింలకు తాము అన్నివిధాలా అండగా ఉంటామని, పార్టీ అధికారంలోకి వస్తే ఆ కేసులన్నింటినీ రద్దు చేస్తామని ఆయన హామీ ఇచ్చారు.



జగన్ పాదయాత్రకు బ్రహ్మరథం

Updated By ManamTue, 09/04/2018 - 22:36

jaganకె.కోటపాడు: ప్రతిపక్ష నేత, వైసీపీ అధ్యక్షుడు వైఎస్ జగన్‌మోహన్‌రెడ్డి చేపట్టిన ప్రజాసంకల్పయాత్ర విశాఖపట్నంలో కొనసాగుతుంది. 254వ రోజు మంగళవారం ఉదయం జోగన్నపాలెం నుంచి పాదయాత్ర ప్రారంభించారు. రామచంద్రాపురం, బొట్టవానిపాలెం, కె.సంతపాలెం, చంద్రయ్యపేట, అయ్యన్నపాలెం మీదుగా బుద్దిరెడ్డిపాలెం క్రాస్ వరకు వరకు యాత్ర కొనసాగింది. జగన్ పాదయాత్రకు ప్రజలు పెద్ద ఎత్తున మద్దతు పలికారు. పాదయాత్రలో భాగంగా రామచంద్రాపురం చేరుకున్న జగన్‌ను కలిసిన రైవాడ రిజర్వాయర్ ఆయకట్టు రైతులు తమ సమస్యలను విన్నవించుకున్నారు. జీవీఎంసీ నీటి సరఫరా (రైవాడ కాలువ) లస్కర్లు కూడా జగన్‌ను కలిశారు. అవుట్ సోర్సింగ్ విధానంలో జీవీఎంసీలో 21 ఏళ్ల నుంచి పని చేస్తున్నామని తమ సర్వీసును క్రమబద్దీకరించాలని జగన్‌ను కోరారు. బొట్టవానిపాలెం మీదుగా పాదయాత్రగా కె.సంతపాలెం చేరుకున్న జగన్‌ను పలువురు విద్యార్థులు కలిశారు. ఫీజు రియింబర్స్‌మెంట్, మధ్యాహ్న భోజనం తదితర అంశాల్లో తాము ఎదుర్కొంటున్న సమస్యలను చెప్పుకున్నారు. అధికారంలోకి వచ్చిన తర్వాత సీపీఎస్ విధానం రద్దు చేస్తామని వైఎస్ జగన్ చేసిన ప్రకటన పట్ల ఉద్యోగులు హర్షం వ్యక్తం చేస్తున్నారు. ఈ మేరకు పలువురు ఉద్యోగుల సంఘం నేతలు జగన్‌ను కలిసి కృతజ్ఞతలు తెలిపారు. స్థానిక నేతలు పలువురు జగన్ సమక్షంలో వైసీపీలో చేరారు. పాదయాత్రలో వైసీపీ విశాఖ జిల్లా నేతలు గుడివాడ అమర్‌నాథ్, అదీప్‌రాజ్ తదితరులు పాల్గొన్నారు.

వైసీపీలోకి డాక్టర్ పీవీ రమణమూర్తి
‘కళా’ ఆసుపత్రి అధినేత, సామాజికవేత్త డాక్టర్ పీవీ రమణమూర్తి వైఎస్‌ఆర్‌సీపీలో చేరుతున్నారు. ఇప్పటికే అనేక సేవా కార్యక్రమాలు చేస్తున్న పీవీ.రమణమూర్తి ప్రజలకు మరింత చేరువ కావడం కోసం రాజకీయ అరంగేట్రం చేస్తున్నారు. పార్టీలో చేరాలని వైసీపీ నుంచి కూడా ఆహ్వానం అందడంతో జగన్ పార్టీలో చేరేందుకు సిద్ధమయ్యారు. వైసీపీ అధినేత జగన్ సమక్షంలో బుధవారం ఆయన పార్టీలో చేరనున్నారు.



బాబు పాలనలో నష్టాల్లో సహకారం

Updated By ManamMon, 09/03/2018 - 23:40
  • సీఎం ప్రజల జీవితాలతో ఆడుకుంటున్నారు

  • కె.కోటపాడులో వైసీపీ అధినేత వైఎస్ జగన్ 

jaganవిశాఖపట్నం: చంద్రబాబు పాలనలో సహకార రంగం నష్టాల బాట పట్టిందని ప్రతిపక్షనేత, వైసీపీ అధినేత వైఎస్ జగన్మోహన్‌రెడ్డి ధ్వజమెత్తారు. వైఎస్ జగన్ చేపట్టిన ప్రజాసంకల్ప యాత్రలో భాగంగా 253వ రోజు సోమవారం విశాఖ జిల్లా మాడుగుల నియోజకవర్గంలో ఆయన పాదయాత్ర చేశారు. అనంతరం కె.కోటపాడు వద్ద బహిరంగ సభలో మాట్లాడారు. వైఎస్ రాజశేఖర్‌రెడ్డి హయాంలో లాభాల బాటలో ఉన్న సహకార రంగాలను 2014లో చంద్రబాబు సీఎం అయ్యాక పూర్తిగా నష్టాల్లోకి తీసుకెళ్లారని అని జగన్ అన్నారు. కేవలం నాలుగేళ్ల కాలంలో వేలకోట్ల నష్టాల్లోకి చెక్కర ఫ్యాక్టరీని తీసుకెళ్లారన్నారు. స్థానికంగా తయారు చేసే మోలాసిస్‌ను ప్రభుత్వం కేవలం 600కు కొని వారి బినామీలకు రెండు వేలకు అమ్ముతున్నారని ఆరోపించారు. సీఎం స్థానంలో ఉన్న చంద్రబాబే అవినీతి, అక్రమాలకు పాల్పడి ప్రజల జీవితాలతో ఆడుకుంటున్నారని మండిపడ్డారు. మాడగుల నియోజకవర్గానికి ఆయువుపట్టుగా ఉన్న రైవాడ రిజర్వాయర్ నీటిని విశాఖకు తరలిస్తున్నారని, దీంతో ఆయకట్టు రైతులు కష్టాలు పడుతున్నారన్నారు. పోలవరం ప్రాజెక్టు పూర్తి అయితే ఆ నీటిని విశాఖకు తరలించి.. రైవాడ రిజర్వాయర్ నీటిని పూర్తిగా ఈ ప్రాంతానికే కేటాయించవచ్చన్నారు. కానీ చంద్రబాబు హయాంలో పోలవరం ప్రాజెక్టు ఎట్టి పరిస్థితుల్లో పూర్తి కాదన్నారు. చంద్రబాబు వారి బంధువులకు, బినామీలకు పోలవరం ప్రాజెక్టు నిర్మాణంలో కాంట్రాక్టులు ఇచ్చి ఇష్టమొచ్చినట్లుగా దోచుకుంటున్నారని వైఎస్ జగన్ అన్నారు. చోడవరం, కోటపాడు మధ్య రోడ్లు దారుణంగా ఉన్నాయని జగన్ అన్నారు. చంద్రబాబు పాలనలో ఇసుక మాఫీయానే కాకుండా మట్టి మాఫీయా కూడా తీవ్ర స్థాయికి చేరిందన్నారు.నీరుచెట్టు పథకం కింద చెరువుల్లో విచ్చలవిడిగా తవ్వి మట్టిని దోచుకుంటున్నారన్నారు. మాడగులలో డిగ్రీ కళాశాలను నిర్మిస్తామని ఎన్నికలప్పుడు హామీ ఇచ్చిన చంద్రబాబు నాలుగేళ్లు దాటినా దానిని నెరవేర్చలేదన్నారు. ఈ ప్రాంతానికి కీలకమైన బోడ్డెరు ఆనకట్ట హుద్‌హుద్ తుఫాన్ అప్పుడు తెగిపోతే, దానిని ఇప్పటివరకు ఆధునీకరించలేదన్నారు. మంత్రి వర్గంలో ముస్లింలకు చోటు ఇవ్వలేదని ప్లకార్డులు చూపిన ముస్లిం పిల్లలపై చంద్రబాబు అక్రమ కేసులు బనాయించారన్నారు.  గతంలో కాపు ఉద్యమం సమయంలో తునిలో రైలును తగలపెట్టి.. వైసీపీపై నిందలు వేశారన్నారు. ఎన్నికల్లో ఇచ్చిన ఒక్క హామీని కూడా చంద్రబాబు నెరవేర్చలేదన్నారు. చంద్రబాబు పాలనలో అవినీతి, అన్యాయం, అక్రమాలు తప్ప ఇంకేం లేవన్నారు. వైసీపీ అధికారంలోకి వచ్చిన వెంటనే నవరత్నాలను అమలు చేస్తామని, ప్రతి పేదవాడి కష్టాలు తీరుస్తామని జగన్ హామీ ఇచ్చారు. కాగా, సోమవారం పాదయాత్రకు ముందు పార్టీ శ్రేణులు నిర్వహించిన కృష్ణాష్టమి వేడుకల్లో వైఎస్ జగన్ పాల్గొన్నారు.





Related News