tvs

స్టార్ సిటీ ప్లస్ కొత్త వేరియంట్

Updated By ManamMon, 09/24/2018 - 22:20

tvsన్యూఢిల్లీ: దేశీయ మోటార్ సైకిల్ దిగ్గజం టీవీఎస్ మోటార్స్ కొత్త వేరియంట్ స్టార్ సిటీ ప్లస్‌ను సోమవారం ఆవిష్కరించింది. దీని ధర రూ. 52,907 (ఢిల్లీ ఎక్స్ షోరూం)గా నిర్ణయించింది. 110 సీసీతో వస్తున్న ఈ బైక్ సింక్రనైజ్డ్ బ్రేకింగ్ టెక్నాలజీ (ఎస్‌బీటీ), డ్యుయల్ టోన్ మిర్రర్స్‌ను కలిగి ఉంది. ఎస్‌బీటీ బ్రేకింగ్ సిస్టమ్ సమన్వయంతో ముందు, వెనుక  చక్రాలు రెండింటిని ఒకే సారి నిలుపుతుంది. ఇది బైక్ స్కిడ్ అవడానికున్న  అవకాశాన్ని తగ్గిస్తుంది. మార్కెట్లో ఇంత వరకు ఉన్న అన్ని 110 సీసీ ఇంజన్ ద్విచక్ర వాహనాల్లో  ఎస్‌బీటీని అందిస్తున్న కంపెనీ టీవీఎస్ మాత్రమేనని కంపెనీ పేర్కొంది.



మెక్సికోలో సత్తా చాటనున్న టీవీఎస్

Updated By ManamFri, 09/21/2018 - 22:12

tvsన్యూఢిల్లీ: మెక్సికోలో ఆటోమొబైల్స్‌లో ప్రధాన పంపిణీదారుగా ఉన్న టొరినో మోటార్స్‌తో భాగస్వామ్యం కుదుర్చుకున్నట్లు దేశీయ మోటార్ వాహనాల తయారీ దిగ్గజం టివిఎస్ మోటార్స్ ఇటీవల ప్రకటించింది. దీంతో మెక్సికోలో కంపెనీ మరింత పటిష్టంగా తయారవుతుందని టీవీఎస్ తెలిపింది. ఈ ఒప్పందంలో భాగంగా మొదటి ఏడాదిలో టీవీఎస్ మోటార్స్ ద్విచక్ర వాహనాల పంపిణీకి 40  ప్రత్యేకమైన స్టోర్‌లను ఆటోఫిన్ అనుబంధ సంస్ధ టొరినో ప్రారంభించనుంది. ఆటోమొబైల్స్ పంపిణీలో మెక్సికోలో టొరినో మోటార్స్‌కి 40 ఎళ్లకు పైగా అనుభవం ఉందని టీవీఎస్ మోటార్స్ అంతర్జాతీయ వ్యాపారాల విభాగ సీనియర్ అధ్యక్షుడు ఆర్. దిలీప్ చెప్పారు. ‘‘వారికి మెక్సికో వ్యాప్తంగా ఉన్న విక్రయ వ్యవస్థ ఆ దేశమంతటా మా ద్విచక్ర వాహనాలను చేరుస్తాయి’’ అని ఆయన పేర్కొన్నారు. ‘‘ టీవీఎస్ కంపెనీ ఆఫర్‌లు స్థానిక మెక్సికన్ ద్విచక్ర వాహన కొనుగోలుదార్లకు  బాగా నచ్చుతాయి. ఈ ఒప్పందం విజయ వంతం అవుతుందని మేము నమ్మకంగా ఉన్నాం’’ అని టొరినో మోటార్స్ సీఈఓ జార్జ్ గార్సియా అన్నారు. టీవీఎస్ కంపెనీకి చెందిన ఉత్తమ బైక్ అపాచి ఆర్‌టీఆర్, స్కూటర్ విభాగంలోని వుయ్‌గో, ఎన్‌టార్క్ 125తో పాటు మిగతా అన్ని ద్విచక్ర వాహనాలను అధిక సంఖ్యలో విక్రయించనున్నట్లు ఆయన పేర్కొన్నారు. 



శ్రీలంకలో  ఎన్‌టార్క్

Updated By ManamWed, 09/12/2018 - 22:33

Entarkన్యూఢిల్లీ: దేశీయ ప్రముఖ ద్విచక్ర, త్రిచక్ర వాహనాల తయారీ సంస్థ టివిఎస్  దాని స్కూటర్ మోడల్ ఎన్‌టార్క్125ని శ్రీలంకలో బుధవారం ఆవిష్కరించింది. టివిఎస్ మోటార్ కంపెనీ చైన్నై కేంద్రంగా పని చేస్తుంది. ఆ బైక్ డ్రమ్ (శ్రీలంక రూపాయల్లో  2,54,900), డిస్క్ (2,65,900) వెర్షన్‌లలో లభించనున్నట్లు కంపెనీ పేర్కొంది. ‘‘టివిఎస్ ఎన్‌టార్క్125ని ఆకర్షణీయమైన, ఉన్నతమై ఫీచర్‌లతో తీర్చిదిద్దాం. ముఖ్యంగా స్కూటర్లను కొనుగోలు చేసే యువతను ఉద్దేశించి దీన్ని తీసుకొచ్చాం ’’ అని టివిఎస్ అంతర్జాతీయ వ్యాపారాల విభాగ సీనియర్ అధ్యక్షుడు ఆర్. దిలీప్ అన్నారు. టివిస్ స్మార్ట్‌ఎక్సోనెట్, టివిఎస్ ప్రత్యేక ఎన్‌టార్క్ మొబైల్‌యాప్ ద్వారా పనిచేసే  బ్లూటూత్ సాంకేతికతను ఈ స్కూటర్‌లో పొందుపర్చారు. ‘‘శ్రీలంకలో స్కూటర్ మార్కెట్ వృద్ధి చెందుతోంది. అందులోనూ యువత వాటిపట్ల ఎక్కువగా ఆసక్తి చూపుతోంది. సరికొత్త 125 సీసీ స్కూటర్ కొత్త స్టైల్, స్మార్ట్ టెక్నాలజీ, ఉత్తమ పనితీరుతో యువ వినియోగదార్లని ఆకర్షిస్తోంది ’’ అని టివిఎస్ శ్రీలంక ప్రైవేట్ లిమిటెడ్ సీఈఓ రవి లియనగే అన్నారు.





Related News