ntr

అరవింద సమేత: మళ్లీ లీక్

Updated By ManamMon, 09/24/2018 - 17:02

Aravinda Samethaఎన్టీఆర్ హీరోగా త్రివిక్రమ్ తెరకెక్కిస్తున్న చిత్రం ‘అరవింద సమేత వీరరాఘవ’. క్రేజీ కాంబోగా తెరకెక్కిన ఈ సినిమాపై టాలీవుడ్‌లో భారీ అంచనాలు ఉన్నాయి. వాటికి తగ్గట్లుగా దర్శకుడు త్రివిక్రమ్ ఈ సినిమాను తెరకెక్కిస్తున్నాడు. అయితే ఈ చిత్రంపై లీకురాయుళ్లు పగ బట్టారు. చిత్ర యూనిట్ ఎన్ని జాగ్రత్తలు తీసుకున్నా.. ఏదోరకంగా చిత్రంలోని సీన్లు, వీడియోలు లీక్ చేస్తూ వస్తున్నారు. ఈ క్రమంలో మూవీలో హైలెట్ అవ్వనున్న మరో వీడియో బయటకు వచ్చింది.

నాగబాబు, ఎన్టీఆర్ కారులో వెళుతుండగా.. విలన్లు వారిపై దాడి చేసే సన్నివేశానికి సంబంధించిన ఓ వీడియో లీక్ అయ్యింది. చూస్తుంటే ఇది క్లైమాక్స్‌కు సంబంధించినదిగా ఉంది. దీన్ని చూసిన ఎన్టీఆర్ అభిమానులు సంతోషాన్ని వ్యక్తం చేస్తున్నప్పటికీ.. ఇలా లీక్ అవ్వడంపై విచారాన్ని వ్యక్తం చేస్తున్నారు. కాగా ఈ చిత్రం అక్టోబర్ 11వ తేదిన ప్రేక్షకుల ముందుకు రానున్న విషయం తెలిసిందే.



చెర్రీ ప్రొడక్షన్స్‌లో ఎన్టీఆర్..?

Updated By ManamSat, 09/22/2018 - 11:09

Ram Charan, NTRకొణిదెల ప్రొడక్షన్స్‌ను ప్రారంభించిన మెగా పవర్‌స్టార్ రామ్ చరణ్.. మొదటి చిత్రంగా తన తండ్రి చిరంజీవితో ‘ఖైదీ నంబర్.150’ను తెరకెక్కించారు. ఆ చిత్ర విజయం ఇచ్చిన ఊపుతో చిరంజీవి డ్రీమ్ ప్రాజెక్ట్ ‘సైరా నరసింహారెడ్డి’ని కూడా తన బ్యానర్‌లోనే నిర్మిస్తున్నాడు. ఈ చిత్రం వచ్చే ఏడాది ప్రేక్షకుల ముందుకు రానుంది. అయితే ఈ బ్యానర్‌లో తన ఫ్యామిలీ హీరోలతో పాటు మిగిలిన హీరోలతో కూడా సినిమాలను నిర్మించాలనుందని ఓ సందర్భంలో వెల్లడించిన రామ్ చరణ్ అందుకోసం ఏర్పాట్లు చేసుకుంటున్నట్లు తెలుస్తోంది. ఇందులో భాగంగా ముందుగా తన స్నేహితుడు ఎన్టీఆర్‌తో చెర్రీ ఓ చిత్రాన్ని తెరకెక్కించేందుకు సిద్ధమైనట్లు సమాచారం.

ప్రస్తుతం ఎన్టీఆర్, త్రివిక్రమ్ దర్శకత్వంలో అరవింద సమేత వీర రాఘవలో నటిస్తున్నాడు. ఈ చిత్రం తరువాత చెర్రీతో కలిసి రాజమౌళి తెరకెక్కించే మల్టీస్టారర్‌లో నటించనున్నాడు. ఈ చిత్రం తరువాత వైజయంతీ మూవీస్ బ్యానర్‌లో ఓ చిత్రంలో ఎన్టీఆర్ నటించనుండగా.. మరోవైపు చెర్రీ బ్యానర్‌లో కూడా నటించనున్నాట్లు తెలుస్తోంది. మరి ఇందులో నిజమెంతో తెలియాలంటే కొద్ది రోజులు ఆగాల్సిందే.



ఆ పాత్రలో ఎన్టీఆర్ తప్ప ఎవ్వరినీ ఊహించుకోలేను

Updated By ManamFri, 09/21/2018 - 15:25

NTR, Bobbyఎన్టీఆర్ హీరోగా బాబి దర్శకత్వంలో వచ్చిన చిత్రం ‘జై లవ కుశ’. ఈ చిత్రంలో త్రిపాత్రాభినయంలో మెప్పించాడు ఎన్టీఆర్. ముఖ్యంగా జై పాత్రలో అతడి నటన విమర్శకుల చేత ప్రశంసలు కురిపించేలా చేసింది. కాస్త నత్తితో విలన్‌గా ఎన్టీఆర్ ప్రతి ఒక్కరిని ఆకట్టుకున్నాడు. ఆ పాత్రను అతడు తప్ప మరెవరు చేయలేరు అన్న చందానా అద్భుతంగా నటించాడు ఎన్టీఆర్. కాగా ఈ చిత్రం విడుదలై తాజాగా ఏడాది పూర్తైంది.

ఈ విషయాన్ని దర్శకుడు బాబి సోషల్ మీడియాలో తెలుపుతూ.. ‘‘జై లవ కుశ ప్రేక్షకుల ముందుకు వచ్చి ఏడాది అయ్యిందంటే నమ్మలేకపోతున్నా. ఈ చిత్ర తొలి షో చూసిన తరువాత అభిమానుల స్పందనను ఎప్పటికీ మరిచిపోలేను. జై పాత్ర, డైలాగ్స్‌ను మెచ్చుకుంటూ ఇప్పటికీ ట్వీట్లు చేస్తున్నారు. జైగా తారక్ స్థానంలో మరెవర్నీ ఊహించుకోలేను. దేవీ శ్రీ ప్రసాద్ తన సంగీతంతో సినిమాను మరో స్థాయికి తీసుకెళ్లారు. ఈ సినిమా వెనుక ఉన్న కల్యాణ్ రామ్, కోన వెంకట్ తదితరులకు నా ధన్యవాదాలు’’ అంటూ పేర్కొన్నారు. కాగా ఈ చిత్రంలో ఎన్టీఆర్ సరసన నివేథా థామస్, రాశి ఖన్నా నటించగా.. కల్యాణ్ రామ్ నిర్మించిన విషయం తెలిసిందే.

 



రాజమౌళి చిత్రం కోసం ప్రముఖ మాటల రచయిత..?

Updated By ManamFri, 09/21/2018 - 13:22

Sai Madhav Burra‘బాహుబలి’ చిత్రంలో ప్రపంచవ్యాప్తంగా పేరును సంపాదించుకున్న దర్శకధీరుడు రాజమౌళి.. తన తదుపరి చిత్రాన్ని ఎన్టీఆర్, రామ్ చరణ్‌తో తెరకెక్కించనున్నారు. ప్రస్తుతం దానికి సంబంధించిన ప్రీ ప్రొడక్షన్ పనులు జరుగుతున్నాయి. భారీ బడ్జెట్‌తో అసలైన మల్టీస్టారర్‌గా తెరకెక్కనున్న ఈ చిత్రానికి సంబంధించిన ఓ ఆసక్తికర విషయం ఇప్పుడు టాలీవుడ్‌లో హల్‌చల్ చేస్తోంది.

అదేంటంటే ఈ చిత్రం కోసం ప్రముఖ రచయిత సాయి మాధవ్ బుర్రా పనిచేస్తున్నట్లు తెలుస్తోంది. దీనికి సంబంధించిన అగ్రిమెంట్‌ కూడా అయిపోనట్లు సమాచారం. కంచె, గౌతమీ పుత్ర శాతకర్ణి, ఖైదీ నంబర్.150, మహానటి వంటి హిట్ చిత్రాలకు మాటలను అందించిన సాయి మాధవ్.. ప్రస్తుతం సైరా, యన్‌టిఆర్ వంటి ప్రతిష్టాత్మక చిత్రాలకు పనిచేస్తున్నారు. ఇప్పుడు ఈ ప్రాజెక్ట్‌తో మరో బంపర్‌ఆఫర్‌ను సాయి మాధవ్ తన ఖాతాలో వేసుకున్నట్లు తెలుస్తోంది. కాగా రాజమౌళి చిత్రాన్ని డీవీవీ దానయ్య నిర్మిస్తుండగా.. కీరవాణి సంగీతం అందిస్తున్న విషయం తెలిసిందే. ఈ ఏడాది చివర్లో ఈ చిత్రం సెట్స్ మీదకు వెళ్లనుంది.



‘ఏఎన్నార్‌’ స్వయంగా దిగివచ్చిరా?

Updated By ManamThu, 09/20/2018 - 17:38
ntr

‘ఎన్టీఆర్’ బయోపిక్ మీద రోజు రోజుకు అంచనాలు పెరిగిపోతున్నాయి. గతవారం ఎన్టీ రామారావు గెటప్‌లో ఉన్న బాలయ్య ఫస్ట్ లుక్, ఆ తర్వాత నారా చంద్రబాబు నాయుడు పాత్రలో రానా ‘లుక్’ కి అదిరిపోయే రెస్పాన్స్ వచ్చింది. తాజాగా గురువారం ‘ఏఎన్నార్‌’ జయంతి సందర్బంగా ‘ఎన్టీఆర్’ బయో పిక్‌లో ఏఎన్నార్ క్యారెక్టర్‌‌‌లో నటిస్తున్న సుమంత్ లుక్‌ని రిలీజ్ చేశారు. ఈ లుక్ చూస్తుంటే ‘ఏఎన్నార్‌’ స్వయంగా ఎన్టీఆర్ బయోపిక్ కోసమే దిగి వచ్చారా అనే అనుభూతి కలుగుతోంది. ఈ లుక్స్ అన్నింటిని  చూస్తుంటే ‘ఎన్టీఆర్’ బయోపిక్‌పై భారీ అంచనాలే నెలకొన్నాయి. ఈ చిత్రానికి క్రిష్ దర్శకత్వం వహిస్తున్నాడు.

చదవండి:

 అచ్చు ‘అక్కినేని’లాగే.. ఆకట్టుకుంటున్న సుమంత్



అచ్చు ‘అక్కినేని’లాగే.. ఆకట్టుకుంటున్న సుమంత్

Updated By ManamThu, 09/20/2018 - 09:58

Sumanthఉమ్మడి ఆంధ్రప్రదేశ్  మాజీ ముఖ్యమంత్రి, నటసార్వభౌమ ఎన్టీఆర్ జీవిత కథ ఆధారంగా తెరకెక్కిస్తున్న చిత్రం ‘యన్‌టిఆర్’. బాలకృష్ణ ఇందులో ఎన్టీఆర్‌గా ప్రధానపాత్రలో నటిస్తుండగా.. క్రిష్ దర్శకత్వం వహిస్తున్నాడు. ఇక ఈ చిత్రంలో అక్కినేని నాగేశ్వరరావు పాత్రలో ఆయన మనవడు సుమంత్ నటిస్తున్నాడు. ఇటీవలే ఈ మూవీ షూటింగ్‌లో సుమంత్ పాల్గొనగా.. ఇవాళ అక్కినేని జయంతి సందర్భంగా మొదటి లుక్‌ను విడుదల చేసింది చిత్ర యూనిట్.

అందులో అక్కినేని నాగేశ్వరరావు లుక్‌లో నిజంగానే ఆయనేనా అన్నట్లుగా అచ్చు దిగిపోయాడు సుమంత్. కాగా ఈ చిత్రంలో ఎన్టీఆర్ సతీమణి బసవతారకం పాత్రలో బాలీవుడ్ బ్యూటీ విద్యాబాలన్ నటిస్తుండగా.. రానా, ప్రకాశ్ రాజ్, నరేశ్, కైకాల సత్యనారాయణ, కీర్తి సురేశ్ తదితరులు కీలక పాత్రలలో కనిపించనున్నారు. బాలకృష్ణ, సాయి కొర్రపాటి, విష్ణు ఇందూరి సంయుక్తంగా నిర్మిస్తున్న ఈ చిత్రానికి కీరవాణి సంగీతం అందిస్తున్నాడు. సంక్రాంతి కానుకగా వచ్చే ఏడాది జనవరి 9న ఈ చిత్రం ప్రేక్షకుల ముందుకు రానుంది. భారీ తారాగణంతో తెరకెక్కిన ఈ చిత్రంపై అటు అభిమానుల్లో పాటు ఇటు విమర్శకుల్లోనూ మంచి అంచనాలు ఉన్నాయి.



‘అరవింద’ నుంచి రెండో పాటకు వేళాయరా

Updated By ManamTue, 09/18/2018 - 12:37

Aravinda Samethaఎన్టీఆర్ హీరోగా త్రివిక్రమ్ తెరకెక్కిస్తున్న చిత్రం ‘అరవింద సమేత వీర రాఘవ’. ప్రస్తుతం షూటింగ్ జరుపుకుంటున్న ఈ చిత్రం నుంచి ఇటీవల విడుదలైన మొదటి సింగిల్ ఆకట్టుకోగా.. తాజాగా రెండో సింగిల్‌కు ముహూర్తం ఖరారు చేశారు. పెనివిటి అంటూ సాగే ఈ పాటను బుధవారం సాయంత్రం 4.50గంటలకు విడుదల చేయనున్నారు. చూస్తుంటే చిత్రంలో వచ్చే ఎమోషనల్ పాటగా ఇది ఉండనున్నట్లు తెలుస్తోంది.

ఇక యాక్షన్ ఎంటర్‌టైనర్‌గా తెరకెక్కుతున్న ఈ చిత్రంలో ఎన్టీఆర్ సరసన పూజా హెగ్డే నటించగా.. నాగబాబు, ఈషా రెబ్బా తదితరులు కీలక పాత్రలలో కనిపించనున్నారు. హారిక అండ్ హాసిని పతాకంపై రాధాకృష్ణ నిర్మిస్తున్న ఈ చిత్రానికి థమన్ సంగీతం అందిస్తున్నాడు. దసరా కానుకగా ఈ చిత్రం ప్రేక్షకుల ముందుకు రానుంది. క్రేజీ కాంబోగా తెరకెక్కిన ఈ సినిమాపై అటు అభిమానుల్లోనే కాకుండా ఇటు మూవీ ప్రేక్షకుల్లోనూ మంచి అంచనాలు ఉన్నాయి.



నేరుగా అరవింద పాటలు

Updated By ManamMon, 09/17/2018 - 10:50

Aravinda Samethaఎన్టీఆర్ హీరోగా త్రివిక్రమ్ తెరకెక్కించిన చిత్రం ‘అరవింద సమేత వీర రాఘవ’. ఇందులో ఎన్టీఆర్ సరసన పూజా హెగ్డే నటించగా.. నాగబాబు, ఈషా రెబ్బా, ఆదర్శ్ తదితరులు కీలకపాత్రలలో కనిపించనున్నారు. కాగా ఇటీవల ఈ చిత్రం నుంచి విడుదలైన సింగిల్ అందరినీ ఆకట్టుకోగా.. ఈ నెల 20న అన్నీ పాటలు నేరుగా మార్కెట్‌లోకి రానున్నాయి. ఇక మూవీ విడుదలకు ముందు ఈ చిత్ర ప్రీ రిలీజ్ ఈవెంట్‌ను నిర్వహించనున్నారు. వీటితో పాటు ఈ నెల 18న ఎన్టీఆర్ అభిమానులకు మరో సర్‌ప్రైజ్‌ను ఇవ్వనుంది చిత్ర యూనిట్. ఇక ఫ్యామిలీ ఎంటర్‌టైనర్‌గా తెరకెక్కుతున్న ఈ చిత్రాన్ని హారిక అండ్ అండ్ హాసిని బ్యానర్‌పై రాధాకృష్ణ నిర్మిస్తుండగా.. థమన్ సంగీతం అందిస్తున్న విషయం తెలిసిందే.

 



కలిసొచ్చిన మామా అల్లుడు

Updated By ManamThu, 09/13/2018 - 11:01

Chandrababu, Ranaవినాయక చవితి సందర్భంగా నందమూరి అభిమానులకు యన్‌టిఆర్ టీమ్ మరో సర్‌ప్రైజ్ ఇచ్చింది. ఇప్పటివరకు ఎన్టీఆర్, చంద్రబాబులకు సంబంధించి విడివిడి లుక్‌లు బయటకి రాగా.. తాజాగా వారిద్దరు కలిసి ఉన్న ఓ లుక్‌ను రిలీజ్ చేసింది. అందులో చంద్రబాబునాయుడుపై ఎన్టీఆర్ చేయి వేసి ప్రేమగా మాట్లాడుతున్నట్లు ఉంది. ఇక ఈ పోస్టర్ అందరినీ ఆకట్టుకుంటోంది. ఇక ఈ చిత్రంలో విద్యాబాలన్, ప్రకాశ్ రాజ్, కైకాల సత్యనారాయణ, నరేశ్ తదితరులు కీలక పాత్రలలో కనిపించనుండగా.. కీరవాణి సంగీతం అందించాడు. విష్ణు ఇందూరి, సాయి కొర్రపాటి, బాలకృష్ణ సంయుక్తంగా నిర్మిస్తున్న ఈ చిత్రం వచ్చే ఏడాది ప్రేక్షకుల ముందుకు రానుంది.



చంద్రబాబుగా రానా.. ఫస్ట్‌లుక్ రిలీజ్

Updated By ManamWed, 09/12/2018 - 14:49

Rana ఎన్టీఆర్ జీవితకథ ఆధారంగా తెరకెక్కుతున్న చిత్రం ‘యన్‌టిఆర్’. ఇందులో రానా, ఏపీ సీఎం, ఎన్టీఆర్ అల్లుడు చంద్రబాబునాయుడు పాత్రలో నటిస్తున్నాడు. వినాయకచవితి సందర్భంగా అతడికి సంబంధించిన ఫస్ట్‌లుక్‌ను తాజాగా చిత్రయూనిట్ విడుదల చేసింది. అందులో అచ్చు చంద్రబాబును పోలి ఉండి, అందరినీ ఆకట్టుకుంటున్నాడు రానా. కాగా చంద్రబాబునాయుడు భార్య నారా భువనేశ్వరిగా మంజిమా మోహన్ నటించనుంది. ఇక ప్రస్తుతం షూటింగ్ జరుపుకుంటున్న ఈ చిత్రం సంక్రాంతి కానుకగా వచ్చే ఏడాది ప్రేక్షకుల ముందుకు రానున్న విషయం తెలిసిందే.





Related News