raghuram rajan

నోట్లరద్దు, జీఎస్‌టీలు అవరోధాలు

Updated By ManamSun, 11/11/2018 - 00:03
  • ఆర్బీఐ మాజీ గవర్నర్ రాజన్ వ్యాఖ్య

  • 7 శాతం వృద్ధి సరిపోదు

  • బ్యాంకుల ప్రక్షాళన అవసరం

  • నెలకు 10 లక్షల ఉద్యోగాలు కల్పించాల్సిన అవసరం ఉంది

  • మౌలిక వసతులు, విద్యుత్ రంగం, బ్యాంకింగ్‌లు అభివృద్ధికి కీలకం

gstవాషింగ్టన్: పెద్దనోట్ల రద్దు, వస్తూత్పత్తి, సేవల పన్ను (జీఎస్‌టీ) అనే రెండు ప్రధాన అంశాలు భారత ఆర్థిక వ్యవస్థను వెనక్కి నెట్టాయని రిజర్వు బ్యాంకు మాజీ గవర్నర్ రఘురాం రాజన్ అన్నారు. ప్రస్తుతం పెరిగిన ఏడు శాతం వృద్ధి ప్రస్తుత అవసరాలకు సరిపోదని ఆయన అభిప్రాయ పడ్డారు. బెర్ల్కిలోని యూనివర్సిటీ ఆఫ్ కాలీఫోర్నియాలో శుక్రవారం (అమెరికా కాలమానం ప్రకారం) ప్రసంగించిన ఆయన ఈ విషయాలను వెల్లడించారు. వరుసగా నాలుగేళ్లు (2012-2016 వరకు) భారత్ వృద్ధి సానుకూలంగా ఉన్నట్లు రాజన్ పేర్కొన్నారు.  ఆ తర్వాత నోట్లరద్దు, జీఎస్‌టీ వంటి విధానాల వల్ల వృద్ధికి బ్రేక్ పడిందని రాజన్ అభిప్రాయపడ్డారు. ‘‘ వెనువెంటనే వచ్చిన నోట్ల రద్దు, జీఎస్‌టీ పరిణామాల వల్ల భారత వృద్ధి రేటుపై తీవ్ర ప్రభావాన్ని చూపాయి. అంతర్జాతీయ వృద్ధి చెందుతుంటే భారత వృద్ధి మాత్రం తగ్గుముఖం పట్టింది’’ అని రాజన్ అని భట్టాచార్య లెక్చర్‌షిప్ రెండో ఎడిషన్‌లో ఫ్యూచర్ ఇండియా ప్రసంగంలో చెప్పారు. వృద్ధి రేటు 25 ఏళ్ల వరకు ఏడు శాతంగా ఉంది. ఇది అప్పుడు చాలా చాలా ఎక్కువ. కానీ ప్రస్తుతం ఏడు శాతం సరిపోదని ఆయన అన్నారు. లేబర్ మార్కెట్‌లోకి వస్తున్న ప్రజలకు ఉపాధి కల్పించాల్సిన అవసరం ఉంది.  కాబట్టి మన వృద్ధి ఇంకా పెరగాలి అని ఆయన అన్నారు. భారత్ మరింత ఓపెన్ ఎకానమిగా తయారవుతుందని దాని ద్వారా ప్రపంచ వృద్ధి పెరిగితే అంతకంటే ఎక్కువే భారత్‌కు అంతకంటే ఎక్కువ వృద్ధి చేంతే సత్తా ఉందని రాజన్ తెలిపారు. అయితే ఇందుకు విరుద్ధంగా 2017లో ప్రపంచమంత వృద్ధి చెందుతుంటే భారత్ మాత్రం వెనకబడిందని ఆయన అన్నారు. అంటే ఆ రెండు చర్యల ప్రభావం ఎంతగా ఉందో తెలుసుకోవచ్చని రాజన్ పేర్కొన్నారు. ఇంధన ధరలు పెరిగితే భారత ఆర్థిక వ్యవస్థ కొద్దిగా బ్బంది పడింది. అయితే ఆ ఒడిదుడుకులను తట్టుకుని తిరిగి భారత్ పుంజుకుందని రాజన్ చెప్పారు. నాన్-పర్‌ఫామింగ్ అసెట్స్ (ఎన్‌పీఏ)లపై స్పందిస్తూ ఈ పరిస్థితులను శుద్ధి చేయకత్పదన్నారు. ‘‘ మొండి బాకీలు’’ సరిదిద్దుకోవడంతో సరైన బ్యాలెన్స్ షీట్స్‌లతో బ్యాంకింగ్ వ్యవస్థ తిరిగి గాడిలో పడుతుందని అయాన అన్నారు.  మొండి రుణాలను తగ్గించుకునేకందుకు  సరైన వ్యవస్థ లేకపోవడంతో బ్యాంకింగ్ రంగం తిరిగి కోలుకోవడానికి ఇంత సమయం పట్టిందని రాజన్ అభిప్రాయ పడ్డారు. దివాల కోడ్ లనేది బ్యాంకుల్లో మొండి రుణాలను ప్రక్షాళన చేయడమే కాదు, దీర్ఘకాలిక మొండి రుణాల పరిష్కారానికి ఇదొక్కటే మార్గాన్ని అనుసరించడం సరికాదన్నారు. మొండి రుణాలను పరిష్కారానికి వేరు వేరు మార్గాలు అవసరమని చెప్పారు. భారత్ వృద్ధి ప్రస్తుతం ఉన్న 7 శాతం కంట తక్కువగా నమోదైతే కచ్చితంగా మనం ఏదో తప్పు చేస్తున్నామని గ్రహించాలన్నారు. అయితే ఇప్పుడున్న పరిస్థితుల కారణంగా నెలకు 10 లక్షల ఉద్యోగాలు సృష్టించాల్సిన అవసరం ఉందని రాజన్ అన్నారు. ప్రస్తుతం దేశం మౌలిక వసతులు, విద్యుత్, బ్యాంకింగ్ వ్యవస్థల రూపంలో అవరోధాలను ఎదుర్కొంటుందన్నా రు. అయితే మౌలిక వసతుల కల్పనలో ప్రధాన మైన నిర్మాణ రకంగం ఎదుగుదల ద్వారా ఆర్థిక వ్యవస్థ బలపడుతుదంది అయన అన్నారు. విద్యుత్ రంగాన్ని మెరుగు పర్చడం అవసరమని ఆయన చెప్పారు. ఇక బ్యాంకులను ప్రక్షాళన చేయడం ప్రధాన అంశమని ఆర్థిక వృద్ధికి ఇదే కీలకమని ఆయన అన్నారు.



‘రిజర్వ్ బ్యాంక్ సీటు బెల్టు లాంటిది’

Updated By ManamTue, 11/06/2018 - 22:14
  • అదిలేకపోతే ప్రమాదం: ఆర్బీఐ మాజీ గవర్నర్ రఘురామ్ రాజన్ 

Raghuram-Rajanన్యూఢిల్లీ: కేంద్ర బ్యాంక్ కారులో సీటు బెల్టు లాంటిదని, అది లేకపోతే ప్రమాదాలకు లోనయ్యే అవకాశముందని భారతీయ రిజర్వ్ బ్యాంక్ (ఆర్బీఐ) మాజీ గవర్నర్ రఘురామ్ రాజన్ మంగళవారంనాడు వ్యాఖ్యానించారు. ఆర్బీఐకి, ఆర్థిక మంత్రిత్వ శాఖకు మధ్య మాట పట్టింపులు పెరిగిన నేపథ్యంలో ఆయన వ్యాఖ్య ప్రాధాన్యం సంతరించుకుంది. ఆర్బీఐకి సంస్థాగతంగా ఉన్న స్వయం ప్రతిపత్తిని గౌరవించాలని ఆయన గట్టిగా వాదించారు. ప్రభుత్వం ఆర్బీఐ పట్ల ఉపేక్షా భావంతో ప్రవర్తిస్తే, కుదరదని చెప్పే స్వేచ్ఛ కేంద్ర బ్యాంక్‌నకు ఉందని రాజన్ అన్నారు. ఆర్బీఐ బోర్డు నవంబర్ 19న సమావేశం కానుంది. బోర్డు ఆశయం సంస్థను రక్షించడమేకానీ, ఇతరుల ప్రయోజనాలను నెరవేర్చడం కాదని అన్నారు. ‘‘ఆర్బీఐ ఒక రకంగా సీటు బెల్టు లాంటిది. ప్రభుత్వం డ్రైవరు సీటులో ఉంటుంది. డ్రైవరుగా అది సీటు బెల్టు పెట్టుకోకుండా నిర్లక్ష్యాన్ని ప్రదర్శించే అవకాశం ఉంది. మనం సీటు బెల్టు కనుక పెట్టుకోకపోతే ప్రమాదానికి గురయ్యే అవకాశముంది. ఆ ప్రమాదం చాలా తీవ్రమైనది కూడా కావచ్చు’’ అని ఆయన సి.ఎన్.బి.సి టీవీ 18తో అన్నారు. వృద్ధిని మెరుగుపరచడంపై దృష్టి కేంద్రీకరించాలని ప్రభుత్వం కోరుకుంటుంది. ఆర్బీఐ నిర్దేశించిన పరిమితుల లోపల అది చేయగలిగినదంతా చేస్తుంది. ఆర్బీఐ విధించే పరిమితులు ఫినాన్షియల్ స్థిరత్వాన్ని ఆధారం చేసుకున్నవై ఉంటాయి. ఆర్బీఐకి, ప్రభుత్వానికి మధ్య చారిత్రకంగా ఉన్న సంబంధం ఇదే. ‘‘కనుక ప్రభుత్వం కొన్నింటిని సాధించుకునేందుకు ప్రయత్నిస్తుంది. ఆర్బీఐ సానుకూలంగా నడచుకోవాలని కోరుకుంటుంది’’ అని ఆయన అన్నారు. కేంద్ర బ్యాంక్ వాటిని కూలంకషంగా పరిశీలిస్తుందని, ఫినాన్షియల్ స్థిరత్వానికి సంబంధించి ఉన్న రిస్కులను పరిగణనలోకి తీసుకుంటుందని ఆయన చెప్పారు. ‘‘ఫినాన్షియల్ స్థిరత్వ బాధ్యత మాదే (ఆర్బీఐదే). కనుక కొన్నింటికి కుదరదని చెప్పే అధికారం మాకుటుంది’’ అని రాజన్ అన్నారు. 

ఇప్పటికి కొన్ని నెలలుగా వివిధ అంశాలపై గవర్నర్ ఊర్జిత్ పటేల్ నేతృత్వంలోని ఆర్బీఐకి, ప్రభుత్వానికి మధ్య పొరపొచ్చాలు ఏర్పడ్డాయి. కేంద్ర బ్యాంక్ స్వాతంత్య్రాన్ని కాపాడడంలో విఫలమైతే ‘‘ఫినాన్షియల్ మార్కెట్ల ఆగ్రహాన్ని చవిచూడవలసి ఉంటుంది’’ అని ఆర్బీఐ డిప్యూటి గవర్నర్ విరాళ్ ఆచార్య ఇటీవల నిష్కర్షగా మాట్లాడడంతో ఆ అభిప్రాయభేదాలు బహిర్గతమయ్యాయి. ఎన్.పి.ఏ నిబంధనలను సడలింపజేయడంతో సహా కొన్ని అంశాల పరిష్కారానికి చట్టంలోని ఒక నిబంధనను ఇంతకుముందెన్నడూ ఉపయోగించని దానిని ప్రభుత్వం ప్రయోగించిందని ఆ తర్వాత వెల్లడైంది. నిరర్థక ఆస్తుల నిబంధనలను సడలిస్తే బ్యాంక్‌లు తిరిగి రుణాలివ్వడం మొదలుపెట్టవచ్చని, వృద్ధికి ఆలంబనగా నిలవవచ్చని ప్రభుత్వ యోచన. లిక్విడిటీని పెంపొందింపజేసేందుకు మరిన్ని నిధులను బదలీ చేయడం కూడా సాధ్యమవుతుందని ప్రభుత్వం భావించింది. కానీ, కేంద్ర బ్యాంక్ వాటికి వేటికీ మొగ్గు చూపలేదు. ‘‘అయితే, ఆర్బీఐ కుదరదని చెప్పడానికి దురహంకారం ఏమీ కారణం కాదు. పరిస్థితిని పరిశీలించిన పిమ్మట, ప్రభుత్వం చెప్పినవాటికి తలొగ్గితే ఫినాన్షియల్ అస్థిరత్వం పెచ్చుమీరే ప్రమాదం ఉందని భావించబట్టే కుదరదని చెప్పింది’’ అని రాజన్ అన్నారు. ‘‘ ఆ రకమైన పరిస్థితి చాలా కాలం కొనసాగి ఉంటుందని నేను భావిస్తున్నాను. ఆర్బీఐ కుదరదని చెప్పడం కూడా కొత్తేమీ కాదు. ప్రభుత్వం దీన్ని పరిశీలించండి, దాన్ని పరిశీలించండి, అంటూ అడుగుతూపోవచ్చు. కానీ, అది ఏదో ఒక దశలో, సరే, మీ నిర్ణయాన్ని మేం గౌరవిస్తున్నాం. మీరు ఫినాన్షియల్ స్థిరత్వ రెగ్యులేటర్. నేనే వెనక్కి తగ్గుతాను’’ అని చెప్పాల్సి ఉంటుంది. ‘‘ఒకసారి మీరు గవర్నర్‌ను, డిప్యూటి గవర్నర్లను నియమించిన తర్వాత, వారు చెప్పే మాటలను వినాల్సి ఉంటుంది. వారు చెప్పినట్లు నడచుకోవడానికే కదా, వారిని నియమించేది. వారే (ప్రభుత్వానికి) సీటు బెల్టులా వ్యవహరిస్తారు’’ అని రాజన్ అన్నారు. ప్రజా ప్రయోజనాలు ఇమిడి ఉన్న అంశాలపై ఆర్బీఐ గవర్నక్‌కు ఆదేశాలు జారీ చేసే అధికారాలు ఆర్బీఐ చట్టంలోని సెక్షన్ 7 కింద ప్రభుత్వానికి సంక్రమిస్తున్నాయని ప్రభుత్వం ముందుకు తెచ్చిన వాదన గురించి ప్రస్తావించినప్పుడు, రెండు పక్షాలు పరస్పరం ప్రేరణను, ఆలోచనలను గౌరవించుకుంటే మంచిదని రాజన్ జవాబిచ్చారు. 

‘‘ప్రభుత్వం చెప్పినదానిని విని, దాని విన్నపాలను పరిశీలించిన తర్వాత, వృత్తిపరంగా ఉత్తమమైన జవాబునే ఆర్బీఐ ఇస్తుంది. చారిత్రకంగా అదే పని చేస్తూ వస్తోంది. ఇప్పుడు కూడా అది అదే పని చేస్తోందనడంలో నాకెలాంటి సందేహం లేదు. దేశం పట్ల అది నిర్వర్తించవలసిన బాధ్యత ఉంది. ప్రభుత్వం చెప్పే మాటలను అది ఆలకించాలని నేనూ చెబుతాను. కానీ, అన్నీ విని ఆలోచించిన తర్వాత, అదొక నిర్ణయం తీసుకోవాల్సి ఉంటుంది. ఎందుకంటే, అంతిమంగా ఆ బాధ్యత దానిపైనే ఉంటుంది’’ అని రాజన్ అన్నారు. ఆర్బీఐ బోర్డు పాత్ర నిర్వహణాపరమైన నిర్ణయాలు తీసుకోవడం కాదని, విస్తృత వ్యూహంపై దృష్టి కేంద్రీకరించడం, సత్పరిపాలనకు పూచీపడడమని రాజన్ అన్నారు. అందుకనే బోర్డులో సమాజంలోని వివిధ వర్గాలకు చెందిన ప్రసిద్ధ వ్యక్తులు ఉంటారని ఆయన అన్నారు. ‘‘బోర్డు రాహుల్ ద్రావిడ్‌లా వివేకంతో, ఆలోచనాయుతంగా వ్యవహరించాలి. నవజ్యోత్ సిద్ధూలా కాదు. సిద్ధూ పట్ల తగినంత గౌరవంతోనే ఈ మాట చెబుతున్నాను’’ అని రాజన్ మరో పోలిక తీసుకొచ్చారు. ద్రవ్యోల్బణం విషయంలో పరిస్థితి ‘‘చాలా మెరుగ్గా’’ ఉందని కితాబునిచ్చారు. ఈ ఖ్యాతి ప్రభుత్వానికి, ఆర్బీఐకి రెండింటికీ దక్కుతుందన్నారు. 



ఆర్బీఐ.. ద్రవిడ్‌లా ఆడాలి.. సిద్ధూలా కాదు: రాజన్

Updated By ManamTue, 11/06/2018 - 16:26
  • సెంట్రల్ బ్యాంకు పనితీరును క్రికెటర్లతో పోల్చిన ఆర్బీఐ మాజీ గవర్నర్

  • ఆర్బీఐ వ్యవహారాల్లో ప్రభుత్వ జోక్యం తగదు: రఘురాం

Rahul Dravid, Navjot Sidhu, Raghuram Rajan, cricketing parallel for RBIన్యూఢిల్లీ: ప్రస్తుత భారత రిజర్వు బ్యాంకు (ఆర్బీఐ) పనితీరును మాజీ గవర్నర్ రఘురాం రాజన్ తప్పుబట్టారు. సెంట్రల్ బ్యాంకు తన కార్యకలాపాల నిర్వహణ విషయంలో స్వేచ్ఛగా వ్యవహరించాలే తప్ప ప్రభుత్వం జోక్యం సరికాదన్నారు. ఆర్బీఐ పనితీరును రాజన్ క్రికెటర్ల ఆటతీరుతో పోల్చారు. ఆర్బీఐ ఎప్పుడూ క్రికెటర్ కోచ్ రాహుల్ ద్రవిడ్‌లా ఆచితూచి అడుగులు వేయాలని, నవజత్ సింగ్ సిద్ధులా బ్యాటింగ్ చేయరాదన్నారు. ఆర్బీఐ, ప్రభుత్వం మధ్య విభేదాలపై రఘురాం  ఓ జాతీయ మీడియాకు ఇచ్చిన ఇంటర్వ్యూలో ప్రస్తావించారు. దేశ ఆర్థిక వ్యవస్థ పటిష్ఠంగా ఉండేలా ఆర్బీఐ స్వయం ప్రతిపత్తిని కలిగి ఉండాలని, ఇందులో ప్రభుత్వ జోక్యం అనవసరమని రాజన్  చెప్పారు. ప్రస్తుత పరిస్థితుల్లో ఆర్బీఐ బోర్డు పాత్ర ప్రభుత్వం చేతిలో కీలుబొమ్మలా మారిందని ఆయన అభిప్రాయపడ్డారు. ‘‘ఆర్బీఐ బోర్డు కూడా కోచ్ రాహుల్ ద్రవిడ్‌లా వివేకవంతంగా ఆడాలి. కానీ, నవజత్ సిద్ధూ కార్యాచరణ నిర్ణయాల్లా మాత్రం ఉండకూడదు’’ అని మాజీ గవర్నర్  సూచించారు.

మరో ఇంటర్వ్యూలో రాజన్ ఆర్బీఐ పనితీరును ఎండగట్టారు. ఆర్బీఐ స్థానాన్ని ‘సీటు బెల్ట్’తో పోల్చారు. ఇటీవల ఆర్బీఐ, ప్రభుత్వం మధ్య నెలకొన్న విభేదాలు పబ్లిక్‌లో బహిర్గతం కావడంపై డిప్యూటీ గవర్నర్ విరాల్ ఆచార్య గతనెలలో తప్పుబట్టిన సంగతి తెలిసిందే. ఆర్బీఐ వ్యవహరంలో ప్రభుత్వ జోక్యాన్ని ఆయన వ్యతిరేకిస్తూ.. సెంట్రల్ బ్యాంకు స్వతంత్రంగా సమర్థవంతంగా పనిచేయాలని, ప్రభుత్వం ఒత్తిడులకు తలొగ్గి తమ విధానాలను, అధికారులను విస్మరించరాదని హెచ్చరించారు. ప్రభుత్వ జోక్యంతో సెంట్రల్ బ్యాంకు కార్యకలాపాల్లో ఎదురయ్యే ఇబ్బందుల గురించి ఆర్బీఐని హెచ్చరించిన ఆచార్యను రాజన్ ఈ సందర్భంగా మెచ్చుకున్నారు.  



‘మొండి బాకీల్లో అందరి ప్రమేయం ఉంది’

Updated By ManamTue, 09/11/2018 - 22:22

raghuram-rajanన్యూఢిల్లీ: మొండి బాకీలు పెరిగిపోవడానికి బ్యాంకర్లు అతి నమ్మకంతో వ్యవహరించడం, ప్రభుత్వం నిర్ణయాలు తీసుకోవడంలో మందగతి, ఆర్థిక వృద్ధి మితంగా ఉండడం ప్రధాన కారణాలని రిజర్వ్ బ్యాంక్ మాజీ గవర్నర్ రఘురామ్ రాజన్ పార్లమెంటరీ ప్యానెల్‌కు సమర్పించిన ఒక నోట్‌లో పేర్కొన్నారు. ‘‘బొగ్గు గనుల కేటాయింపు సందేహాస్పదంగా ఉండడం, వాటిపై దర్యాప్తు జరిపేందుకు భయపడడం వంటి రకరకాల పాలనాపరమైన సమస్యలు ఢిల్లీలో యు.పి.ఏ, ఎన్.డి.ఏ ప్రభుత్వాలు రెండింటిలోను ప్రభుత్వ నిర్ణాయక క్రియను మందగతి పట్టించాయి’’ అని మురళీ మనోహర్ జోషీ నేతృత్వంలోని అంచనాల కమిటీకి సమర్పించిన పత్రంలో రాజన్ వ్యాఖ్యానించారు. 

అధిక లివరేజీతో సమస్య
నిలిచిపోయిన ప్రాజెక్టుల వ్యయాలు బాగా పెరిగిపోయాయి. ఫలితంగా, అవి రానురాను వడ్డీ కూడా చెల్లించలేని స్థితికి చేరుకున్నాయి. కొన్ని విద్యుదుత్పాదన కేంద్రాల కష్టాలు కొనసాగుతూనే ఉన్నాయి. భారతదేశంలో విద్యుచ్ఛక్తి కొరత ఉన్నప్పటికీ, అవి ఎటూ పాలుపోని స్థితిలో పడి ఉండడం, ప్రభుత్వం నిర్ణయాలు తీసుకునే క్రమం ఈరోజు వరకు కూడా వేగం పుంజుకోలేదని సూచిస్తోంది. ఆర్థిక వృద్ధి పటిష్టంగా ఉన్న 2006-2008 కాలంలోనే పెద్ద సంఖ్యలో మొండి బాకీలు బయటపడ్డాయని ఆయన వెల్లడించారు. విద్యుదుత్పాదన కేంద్రాల వంటి మౌలిక వసతుల ప్రాజెక్టులు ఇంతకుముందువి సకాలంలో, అనుకున్న బడ్జెట్ లోపలే పూర్తయ్యాయని కూడా ఆయన అన్నారు. ‘‘ఆ కాలంలోనే బ్యాంకులు తప్పిదాలు చేశాయి. అవి కంపెనీల పాత వృద్ధి, పనితీరును భవిష్యత్తుకు అన్వయించి చూసుకు న్నాయి. దాంతో ప్రమోటర్ ఈక్విటీ తక్కువగా ఉన్నా, ప్రాజెక్టులకు అధిక లివరేజి ఇచ్చేందుకు సుముఖత చూపాయి. కొన్ని సందర్భాల్లో అవి సొంతంగా జాగ్రత్తగా లెక్కలు వేసుకోకుండానే,  ప్రమోటర్లకు చెందిన ఇన్వెస్ట్ మెంట్ బ్యాంక్ సమర్పించిన ప్రాజెక్టు నివేదికలను ఆధా రం చేసుకుని రుణాలు ఇచ్చేందుకు సంతకాలు చేసిన మాట కూడా వాస్తవం’’ అని ఆయన అన్నారు. ‘‘అప్పట్లో బ్యాంకులు చేతికి చెక్కుబుక్కు ఇచ్చి అవసరమైన రుణ మొత్తాన్ని వేసుకోవాల్సిందిగా ఎలా కోరిందీ ఒక ప్రమోటర్ నాకు వివరించారు’’ అని రాజన్ చెప్పుకొ చ్చారు. నిర్హేతుక ఉత్సాహ, ఉద్వేగాలకు అదొక చారిత్రక ప్రతీక. ఆనాటి చక్రభ్రమణంలో అటువంటి దశలో మరి కొన్ని దేశాల్లో కూడా ఆ విధమైన ధోరణి చోటుచే సుకుందని ఆయన అన్నారు. ఊహించిన విధంగా వృద్ధి దురదృష్టవశాత్తు ఎల్లప్పుడూ చోటుచేసుకోదు. ప్రపంచ ఆర్థిక సంక్షోభానికి ముందు పటిష్టమైన ప్రపంచ ఆర్థిక వృద్ధి కొద్ది ఏళ్లు కనిపించింది.  ఆయితే, ఆ వృద్ధి తర్వాత సంక్షోభానికి ముందే మందమనం కూడా చోటుచేసుకుందని అన్నారు. ప్రపంచ ఆర్థిక వ్యవస్థతో మరింత మమేకమైన ఇండియాకు కూడా అది పాకిందని రాజన్ అన్నారు. 

లోపించిన శ్రద్ధాసక్తులు
దేశంలో డిమాండ్ మందగిస్తున్న కొద్దీ వివిధ ప్రాజెక్టులలో చూపిన పటిష్టమైన డిమాండ్ అవాస్తవి కమైనదిగా క్రమేపీ అవగతమైంది. ప్రమోటర్, బ్యాంకర్ ఇద్దరిలోనూ ఆసక్తి లోపించడం కూడా ఎన్.పి.ఏల పెరుగుదలకు కారణమని రాజన్ అన్నారు. ఎన్.పి.ఏల సమస్యలో దుష్కృత్యాలు, అవినీతి పాత్రను ప్రస్తావిస్తూ, ‘‘నిస్సందేహంగా, కొన్నింటిలో అదున్నమాట నిజమే. కానీ, బ్యాంకర్ల అత్యుత్సాహాన్ని, అసమర్థతను, అవినీ తిని వేరుగా చూపడం కష్టం’’ అని ఆయన అన్నారు. ‘‘బ్యాంకర్లు మితిమీరిన విశ్వాసంతో వ్యవహరించారనేది స్పష్టం. ఈ రుణాలలో కొన్నింటి విషయంలో వారు  నామమాత్రపు పరిశీలన మాత్రమే జరిపి ఉంటారు. చాలా మంది స్వతంత్ర విశ్లేషణ చేయలేదు. ఆ ప్రాథమి కమైన పనుల విషయంలో వారు ఎస్.బి.ఐ క్యాప్స్, ఐ.డి.బి.ఐలపై అతిగా ఆధారపడ్డారు. అటువంటి విశ్లేషణ ఔట్‌సోర్సింగ్ వ్యవస్థలో ఉన్న ఒక బలహీనత. అనుచిత ప్రభావానికి అది అవకాశాలు చాలా పెంచేస్తుంది’’ అని ఆయన ఆ నోట్‌లో పేర్కొన్నారు.

ఎన్.పి.ఏలకు అడ్డుకట్ట 
నిరర్థక ఆస్తుల సమస్య బ్యాంకింగ్ రంగంలో పునరావృత్తం కాకుండా నివారించడానికి తీసుకోవాల్సిన చర్యలలో ప్రభుత్వ రంగ బ్యాంకుల పాలనను మెరుగుపరచడం ఒకటిగా ఆయన తెలిపారు. ప్రాజెక్టు మూల్యాంకనం, పరిశీలన ప్రక్రియను కూడా చక్కదిద్దుకోవాలన్నారు. రికవరీ ప్రక్రియను పటిష్టపరచాలని కోరారు. ప్రభుత్వం నుంచి ప్రభుత్వ రంగ బ్యాంకులను దూరం చేయాలన్నారు. రాజన్ ఎన్.పి.ఏల సంక్షోభాన్ని గుర్తించి, దాన్ని పరిష్కరించేందుకు ప్రయత్నించారని మాజీ ప్రధాన ఆర్థిక సలహాదారు అరవింద్ సుబ్రమణియన్ ప్రశంసించిన తర్వాత, అంచనాలపై పార్లమెంట్ కమిటీ తమకు విషయ నివేదన చేయవలసిందని రాజన్‌ను ఆహ్వానించింది. రఘురామ్ రాజన్ 2016 సెప్టెంబర్ వరకు మూడేళ్ళపాటు ఆర్బీఐ గవర్నర్‌గా పనిచేశారు. ప్రస్తుతం షికాగో బూత్ స్కూల్ ఆఫ్ బిజినెస్‌లో ప్రొఫెసర్‌గా ఉన్నారు.



వృద్ధి అధోగతికి రాజన్ విధానాలే కారణం

Updated By ManamMon, 09/03/2018 - 22:34

raghuramన్యూఢిల్లీ: రుణాల ఎగవేతలో భారతీయ చిన్న మధ్యతరహా సంస్థలు  100 శాతం వృద్ధిని నమోదు చేసిన అపకీర్తిని మూటగట్టుకున్న, బ్యాంకులకు నిరర్ధక ఆస్తులు నానాటికి పెరిగిపోతున్న నేపథ్యంలో పరిశ్రమలకు రుణాలందని స్థితికి ఆర్బీఐ మాజీ గవర్నర్ రఘురామ్ రాజన్ అనుసరిమచిన విధానాలే కారణమని నీతి ఆయోగ్ వైస్ చైర్మన్ రాజీవ్ కుమార్ ఆరోపించారు. ‘‘వృద్ధి తగ్గుతూ వస్తున్న ధోరణి కొనసాగుతోంది. వృద్ధి ఎందుకు తగ్గుతూ వస్తోంది? బ్యాంకింగ్ రంగంలో ఎన్‌పీఏలు పెరిగిపోతుండటం వల్ల ఈ ప్రభుత్వం అధికారంలోకి వచ్చినప్పుడు అవి రూ. 4 లక్షల కోట్లుగా ఉన్నాయి. అవి 2017 మధ్య కాలానికి రూ. 10.5 లక్షల కోట్లకు పెరిగాయి. ఎందుకంటే ఆర్బీఐ గవర్నర్‌గా రాజన్ హయాంలో చితికిన చితికిన ఆస్తులు, నిరర్థక ఆస్తులను గుర్తించే యంత్రాంగాలను ఏర్పాటు  చేశారు. దాంతో బ్యాంకులు పరిశ్రమలకు రుణాలు ఇవ్వడాన్ని నిలిపివేశాయి ’’ అని కుమార్ సోమవారం అన్నారు. పెద్ద నోట్ల రద్దు తర్వాత వృద్ధి మందగించడానికి కారణం గురించి ప్రశ్నించినప్పుడు మందగమనానికి పాత రూ. 500, రూ.1000 నోట్ల రద్దు కారణం కాదని రాజన్ విధానాలే ఆ స్థితికి దారి తీశాయని ఆయన విమర్శించారు.

‘‘ఆర్థిక వ్యవస్థలో అప్పటికే క్షీణిస్తున్న ధోరణి ఉంది. వృద్ధి రేటు 2015-16 చివరి త్రైమాసికంలో  తగ్గిపోవడం ప్రారంభించింది. అది వరుసగా ఆరు త్రైమాసికాల పాటు క్షీణిస్తూ వచ్చింది’’  అని ఆయన అన్నారు. రెండో అతి పెద్ద ప్రభుత్వ రంగ బ్యాంక్ అయిన పంజాబ్ నేషనల్ బ్యాంక్ 2018-19 మొదటి త్రైమాసికంలో ప్రకటించిన ఫలితాలతో బ్యాంకిగ్ రంగంలో సంక్షోభం భయటపడింది. అది ప్రస్తుత ఆర్థిక సంవత్సరం క్యూ1లో రూ. 940 కోట్ల నికర నష్టాన్ని ప్రకటించింది. పరిస్థితులు మెరుగుపడడానికి ముందు మరింత అధ్వానంగా పరిణమించవచ్చని భారతీయ రిజర్వు బ్యాంకు 2018 జూన్‌నాటి ‘ఆర్థిక స్థిరత్వ నివేదిక’లో వెల్లడించింది. ఆర్బీఐ స్థూలంగా మూడు రకాల స్థితులను అంచనా వేసింది. అన్ని పరిస్థితులు సద్దుమణిగితే ఎన్‌పీఏలు 12.2 శాతం వరకు పెరగొచ్చు. పరిస్థితులు దారుణంగా మారితే 13.3 శాతం వరకు ఉండొచ్చు. ‘‘ముఖ్యంగా చిన్న తరహా పరిశ్రమలకు రుణాలివ్వడం తగ్గిపోయింది. పెద్ద పరిశ్రమల వృద్ధి రేటు కూడా 2 నుంచి 1.5 శాతం వరకు తగ్గిపోవచ్చు. కొన్ని త్రైమాసికాల్లో వృద్ధి ప్రతికూలంగా కూడా ఉండొచ్చు. దేశ ఆర్థిక వ్యవస్థలోనే తొలిసారి వాణిజ్య పరిశ్రమలు ఆస్తులు అమ్ముకుని రుణ భారాన్ని తగ్గించుకోవడం ఇప్పుడే అధికంగా ఉంది. వృద్ధి రేటు తగ్గడానికి ఇవే ప్రధాన కారణాలు. దీని వల్లే ప్రస్తుత ప్రభుత్వం మూలధన వ్యయాన్ని పెంపొందించింది’’ అని కుమార్ అన్నారు. గత ఆర్థిక సంవత్సరం చివరి త్రైమాసికంలోని  14.4 శాతంగా ఉన్న పెట్టుబడుల వృద్ధి  ప్రస్తుత ఆర్థిక సంవత్సరం మొదటి త్రైమాసికంలో తగ్గి పెట్టుబడుల్లో వృద్ధి 10 శాతంగా నమోదైంది. 



ఆ పదవికి దరఖాస్తు చేసుకోవాలనుకోవడం లేదు

Updated By ManamThu, 05/17/2018 - 10:52

Raghu Ram Rajan  న్యూఢిల్లీ: రిజర్వ్ బ్యాంక్ ఆఫ్ ఇండియా మాజీ గవర్నర్ రఘురామ్ రాజన్ బ్యాంక్ ఆఫ్ ఇంగ్లండ్‌ గవర్నర్‌ పదవికి దరఖాస్తు చేసినట్లు ఇటీవల వార్తలు రాగా.. తాజాగా వాటిపై ఆయన స్పందించారు. బ్యాంక్ ఆఫ్ ఇంగ్లండ్ గవర్నర్ ఉద్యోగానికి తాను దరఖాస్తు చేసుకోవాలని అనుకోవడం లేదని రాజన్ స్పష్టం చేశారు. ప్రస్తుతం షికాగో యూనివర్సిటీలో ప్రొఫెసర్‌గా చాలా హ్యాపీగా ఉన్నానని పేర్కొన్నారు.

ఇంకా చెప్పాలంటే తాను ప్రొఫెషనల్ సెంట్రల్ బ్యాంకర్‌ను కాదంటూ వ్యాఖ్యానించారు. అయితే బ్యాంక్ ఆఫ్ ఇంగ్లండ్ గవర్నర్‌గా మార్క్ కార్నీ పదవీకాలం వచ్చే ఏడాది ముగియనుంది. ఈ నేపథ్యంలో ఆ పదవికి రఘురామ్ రాజన్ దరఖాస్తు చేసుకోవాలని అనుకుంటున్నారని ఇటీవల వార్తలు వెలువడ్డాయి.

 



జైట్లీకి రఘురాం బడ్జెట్ టిప్

Updated By ManamWed, 01/24/2018 - 16:15
raghuram rajan

ఫిబ్రవరి 1న పార్లమెంటులో వార్షిక బడ్జెట్ సమర్పించేందుకు కేంద్ర ఆర్థిక మంత్రి అరుణ్ జైట్లీ సమాయత్తమవుతున్నారు. బడ్జెట్‌కు తుది మెరుగులు దిద్దడంలో ఆయన నిమగ్నమై ఉన్నారు. 2019లో జరిగే సార్వత్రిక ఎన్నికలకు ముందు మోదీ సర్కారు ప్రవేశపెట్టనున్న చివరి పూర్తిస్థాయి బడ్జెట్‌పై సర్వత్రా ఆసక్తి నెలకొంటోంది. ఈ నేపథ్యంలో బడ్జెట్ రూపకల్పనకు సంబంధించి ఆర్బీఐ మాజీ గవర్నర్ రఘురాం రాజన్...విత్త మంత్రికి ఓ సలహా ఇచ్చారు. జైట్లీ ద్రవ్య లోటు పెరగకుండా చూస్తారని ఆశిస్తున్నట్లు ఆయన ఓ ఇంటర్వ్యూలో పేర్కొన్నారు. ప్రభుత్వ యంత్రాంగంలో అధికరం కొందరి దగ్గరే కేంద్రీకరణ కావడం సరైన పరిణామం కాదన్నారు. 

ఆధార్‌ను తప్పనిసరి చేయకూడదని ఆయన అభిప్రాయపడ్డారు. ఆధార్ వివరాలు సురక్షితంగా ఉందన్న భరోసాను ప్రజల్లో కల్పించాలన్నారు. ఆధార్ గోప్యతకు సంబంధించిన హామీలు ఉల్లంఘనకు గురికావడం కాస్త ఆందోళన కలిగిస్తున్నట్లు చెప్పారు. ఆధార్‌ను ఎక్కడ వాడాలో? ఎక్కడ వాడకూడదో? ఓ సంస్థాగత వ్యవస్థ ఉండాలన్నారు.



మరోసారా..? ఇష్టం లేదు!

Updated By ManamThu, 11/09/2017 - 14:11
  • కేజ్రీవాల్ ఆఫర్‌కు రఘురామ్ రాజన్ తిరస్కారం.. అధ్యాపక వృత్తికి మరోసారి బ్రేక్ ఇచ్చే ఉద్దేశం లేదు

  • ఆయన తరఫున షికాగో యూనివర్సిటీ ప్రకటన

Former RBI Governor Raghuram Rajan file photoన్యూఢిల్లీ, నవంబరు 9: ఢిల్లీ ముఖ్యమంత్రి అరవింద్ కేజ్రీవాల్ రాజ్యసభ ఆఫర్‌ను ఆర్బీఐ మాజీ గవర్నర్ రఘురామ్ రాజన్ తిరస్కరించారు. మరోసారి తన అధ్యాపక వృత్తి నుంచి బ్రేక్ తీసుకునే ఉద్దేశం తనకు లేదని ఆయన ప్రస్తుతం పనిచేస్తున్న షికాగో యూనివర్సిటీ బుధవారం విడుదల చేసిన ప్రకటనలో తెలిపింది. ‘‘భారత్‌లో ఎన్నో విద్యా సంబంధమైన కార్యకలాపాల్లో ప్రొఫెసర్ రఘురామ్ రాజన్ పాల్గొంటున్నారు. ఆయన షికాగో యూనివర్సిటీలో ఫుల్‌టైం లెక్చరర్‌గా విధులు నిర్వర్తిస్తు్న్నారు. ఆ బాధ్యతల నుంచి తప్పుకొనే ఆలోచన అయితే ఇప్పుడు ఆయనకు లేదు’’ అని షికాగో యూనివర్సిటీ ఓ స్టేట్‌మెంట్ ఇచ్చింది. జనవరిలో ఏఏపీ (ఆమ్ ఆద్మీ పార్టీ)కి మూడు రాజ్యసభ సీట్లు వస్తాయని, అందులో ఒక స్థానాన్ని కేటాయిస్తామని రాజన్‌కు కేజ్రీవాల్ ఆఫర్ చేశారు. ఆ ఆఫర్‌ను తిరస్కరిస్తూ ఆయన తరఫున షికాగో యూనివర్సిటీ ప్రకటనను జారీ చేసింది. 



రఘురాం రాజన్‌కు కేజ్రీవాల్ ఆఫర్

Updated By ManamWed, 11/08/2017 - 16:51

Raghuram Rajanఆర్బీఐ మాజీ గవర్నర్ రఘురాం రాజన్‌ త్వరలో రాజ్యసభకు నామినేట్ కానున్నారు. రఘురాం రాజన్‌ను రాజ్యసభకు నామినేట్ చేయాలని ఆమ్ ఆద్మీ పార్టీ సూత్రప్రాయంగా నిర్ణయించినట్లు తెలుస్తోంది. వచ్చే ఏడాది జనవరిలో ఢిల్లీలో మూడు రాజ్యసభ స్థానాలు ఖాళీకానుండగా...వీటిలో ఒక స్థానాన్ని రఘురాం రాజన్‌తో భర్తీ చేయాలని ఆమ్ ఆద్మీ పార్టీ యోచిస్తున్నట్టు ప్రచారం జరుగుతోంది.

 

ఆమ్ ఆద్మీ పార్టీ అగ్రనేతల సమాచారంలో రఘురాం రాజన్ అభ్యర్థిత్వంపై చర్చ జరిగినట్లు సమాచారం. ఈ విషయంలో రఘురాం రాజన్ అభిప్రాయాన్ని తెలుసుకునేందుకు లేఖ పంపగా...దీనిపై రఘురాం రాజన్ ఎలాంటి ప్రతి స్పందన తెలియజేయలేదని తెలుస్తోంది. వాస్తవానికి ఈ రాజ్యసభ సభ్యత్వాన్ని ఆప్ నేత కుమార్ విశ్వాస్ ఆశిస్తున్నారు. ఆయనకు చెక్ పెట్టే ఉద్దేశంతోనే రఘురాం రాజన్ పేరును ఆప్ అగ్రనాయకత్వం తెరమీదకు తెచ్చిందన్న ప్రచారం జరుగుతోంది. తాజా పరిణామాలపై కుమార్ విశ్వాస్ ఎలా స్పందిస్తారో రాజకీయ వర్గాల్లో ఆసక్తిరేపుతోంది. 

మన్మోహన్ సింగ్ హయాంలో ఆర్బీఐ గవర్నర్‌ పదవిలో మూడేళ్లు కొనసాగిన రఘురాం రాజన్, రెండోసారి పొడగింపు పొందాలని ఆకాంక్షించారు. అయితే మోదీ సర్కార్ ఆయనకు రెండోసారి అవకాశం కల్పించేందుకు నిరాకరించింది. ప్రస్తుతం ఆయన యూనివర్సిటీ ఆఫ్ చికాగోలో అధ్యాపకుడిగా పనిచేస్తున్నారు. ఈ యేడాది ఆర్థిక శాస్త్రంలో నోబెల్ బహుమతి కోసం రఘురాం రాజన్ పేరును కూడా పరిశీలించినా...చివరకు అమెరికా ఆర్థికవేత్త రిచర్డ్ థాలెర్‌ను ఈ అవార్డు వరించింది.





Related News