assembly elections

తెలంగాణ అసెంబ్లీ ఎన్నికల నోటిఫికేషన్ విడుదల

Updated By ManamMon, 11/12/2018 - 10:21

Telangana Assembly Electionsహైదరాబాద్: తెలంగాణలో జరగనున్న అసెంబ్లీ ఎన్నికలకు నోటిఫికేషన్ జారీ అయ్యింది. ఈసీ ఆదేశాల ప్రకారం అన్ని జిల్లాల్లోనూ ఎన్నికల నోటిఫికేషన్‌ గెజిట్‌లు జారీ అవుతున్నాయి. అందులో ఈ రోజు నుంచి ఈ నెల 19వరకు నామినేషన్లు సమర్పించేందుకు గడువును విధించగా.. 22న ఉపసంహరణకు గడువును ఇచ్చారు. అలాగే ఉదయం 11 గంటల నుంచి 3 గంటల వరకు అభ్యర్థుల నామినేషన్లను స్వీకరించనున్నారు. 

నామినేషన్ దాఖలు చేసేందుకు 48గంటల ముందు తాము తెరిచిన బ్యాంకు ఖాతా వివరాలను అభ్యర్థులు వెల్లడించాల్సి ఉంటుంది. అయితే శని, ఆదివారాలు సెలవులు కావడంతో ఈ రోజు బ్యాంకు ఖాతాలు ప్రారంభించిన తరువాతే ప్రక్రియ మొదలుకానుంది. ఇక ఈ రోజు నుంచి ఈ నెల 22వరకు అన్ని ఎమ్మార్వో ఆఫీసులలో 144సెక్షన్‌ను అమలుపరచనున్నారు. కాగా డిసెంబర్ 7న తెలంగాణ ఎన్నికలు జరగనుండగా.. 11న ఫలితాలు వెలువడనున్న విషయం తెలిసిందే.



ఛత్తీస్‌గఢ్‌లో మొదలైన తొలిదశ పోలింగ్

Updated By ManamMon, 11/12/2018 - 08:55

Polling In Chattisgarhరాయ్‌పూర్: శాసనసభ ఎన్నికలకు గానూ ఛత్తీస్‌గఢ్‌లో తొలి దశ పోలింగ్‌ సోమవారం ఉదయం ప్రారంభమైంది. మొదటిదశలో బీజాపూర్‌, నారాయణ్‌పూర్‌, కాంకేర్‌, బస్తార్‌, సుక్మా, రాజనందగావ్‌, దంతెవాడ జిల్లాలోని 18 నియోజకవర్గాలకు ఈ ఎన్నికలు జరుగుతున్నాయి. పది మావోయిస్టు ప్రభావిత ప్రాంతాల్లో మధ్యాహ్నం 3 గంటలకు పోలింగ్‌ ముగియనుండగా.. మిగతా ప్రాంతాల్లో సాయంత్రం 5 గంటల వరకూ పోలింగ్‌ జరగనుంది. మొత్తం 32 లక్షల ఓటర్ల కోసం 4,336 పోలింగ్‌ కేంద్రాలను ఏర్పాటు చేశారు. మరోవైపు ఎన్నికలు బహిష్కరించాలంటూ మావోయిస్టులు పిలుపునిచ్చిన నేపథ్యంలో ఈ ప్రాంతాల్లో భారీ భద్రతా ఏర్పాట్లు చేశారు. 



74 మంది అభ్యర్థులు ఖరారు: కాంగ్రెస్  

Updated By ManamFri, 11/09/2018 - 07:00
  • ముగిసిన కాంగ్రెస్ సెంట్రల్ ఎలక్షన్ కమిటీ సమావేశం

  • రాష్ట్ర కాంగ్రెస్ వ్యవహారాల ఇంఛార్జి కుంతియా

  • 93 స్థానాల్లో పోటీ చేయనున్న కాంగ్రెస్.. భాగస్వామ్య పక్షాలకు 25

  • 10న 74 మంది అభ్యర్థులతో కూడిన తొలి జాబితా 

  • 14 టీడీపీ, 8 టీజేఎస్, సీపీఐ 3 స్థానాలు

  • తెలంగాణ ఇంటి పార్టీకి 1 స్థానం కేటాయింపు 

Congress finalise, 74 candidates, Assembly Elections, TJS, CPI, Telangana Assembly electionsన్యూఢిల్లీ: తెలంగాణ అసెంబ్లీ ఎన్నికల్లో మహాకూటమి సీట్ల సర్దుబాటు ఎట్టకేలకు ఓ కొలిక్కి వచ్చింది. మహాకూటమిలో భాగస్వామ్య పక్షాలకు కేటాయించే సీట్ల విషయంపై కూడా కాంగ్రెస్‌ స్పష్టతనిచ్చింది. గురువారం సోనియా గాంధీ నివాసంలో జరిగిన కాంగ్రెస్ పార్టీ సెంట్రల్ ఎలక్షన్ కమిటీ సమావేశం ముగిసింది. ఈ సమావేశంలో 74 మంది అభ్యర్థులను కాంగ్రెస్ ఎలక్షన్ కమిటీ ఎంపిక చేసింది. ఇప్పటికే 54 మంది అభ్యర్థులను ఖరారు చేయగా.. తాజాగా మరో 20 మంది అభ్యర్థులను పార్టీ హైకమాండ్ ఖరారు చేస్తూ నిర్ణయం తీసుకుంది.

ఇందులో 14 టీడీపీ, 8 టీజేఎస్, 3 సీపీఐ, తెలంగాణ ఇంటి పార్టీకి 1 స్థానాన్ని నిర్ణయించినట్టు రాష్ట్ర కాంగ్రెస్ వ్యవహారాల ఇంఛార్జి కుంతియా వెల్లడించారు. ఈ నెల 10న 74 మంది అభ్యర్థులతో కూడిన మొదటి జాబితాను విడుదల చేయనున్నట్టు  వెల్లడించారు. భాగస్వామ్యపక్షాలకు మొత్తం 25 సీట్లు కేటాయించినట్టు చెప్పారు. మిగిలిన స్థానాల అభ్యర్థుల ఎంపిక కోసం ఢిల్లీలో కసరత్తు చేసిన కాంగ్రెస్ నేతలు.. ఈ నెల 11 తరువాత మిగతా అభ్యర్థుల జాబితాను ప్రకటిస్తామన్నారు.

స్ర్కీనింగ్ కమిటీ అందజేసిన అభ్యర్థుల జాబితాను కాంగ్రెస్ సీఈసీ పరిశీలించింది. దాంతో 11న ఫైనల్ జాబితా విడుదలయ్యే అవకాశం ఉందని కాంగ్రెస్ వర్గాలు భావిస్తున్నాయి. అయితే ఎన్నికల్లో మొత్తం 93 స్థానాల్లో కాంగ్రెస్ పోటీ చేయనుంది. సీపీఐకి వైరా, బెల్లంపల్లి, హుస్నాబాద్ స్థానాలను ఖరారు చేశారు. ఈ నేపథ్యంలో రేపు (శుక్రవారం) సీపీఐ రాష్ట్ర కార్యవర్గ సమావేశం జరుగనుంది.  టీజేఎస్ అధినేత కోదండరాంకు ఏఐసీసీ నుంచి పిలుపు రావడంతో కోదండరాంను ఢిల్లీకి రావాలని ఏఐసీసీ కోరినట్టు సమాచారం.  

టీజేఎస్ పోటీ చేసే స్థానాలు ఇవే..
వరంగల్ ఈస్ట్-గాదె ఇన్నయ్య
మల్కాజ్ గిరి-దిలీప్
మెదక్-జనార్ధన్ రెడ్డి
దుబ్బాక-రాజ్ కుమార్
సిద్ధిపేట-భవానీ
మహబూబ్ నగర్-రాజేందర్ రెడ్డి
చెన్నూరు, మిర్యాలగూడ పెండింగ్
ఇక తెలంగాణ ఇంటి పార్టీ పోటీ చేసే ఒక స్థానం నకరేకల్

స్థానాల వారీగా అభ్యర్థుల పేర్లు... 
ఆదిలాబాద్ జిల్లా
1.సిర్పూర్    పి. హరీష్‌రావు
2.అసిఫాబాద్ (ఎస్‌టీ)    ఆత్రం సక్కు
3.ఖానాపూర్ (ఎస్‌టీ)    రమేష్‌రాథోడ్
4.అదిలాబాద్    గంట్రోతు సుజాత
5.బోద్ (ఎస్‌టీ)    సోయం బాబురావు
6.నిర్మల్    మహేశ్వర్‌రెడ్డి
7.ముధోల్    రామారావుపటేల్
8.చెన్నూరు (ఎస్సీ)     వెంకటేశ్ నేత
9.బెల్లంపల్లి (ఎస్సీ)     శంకర్
10.మంచిర్యాల్    పెండింగ్
కరీంనగర్ జిల్లా
1.ధర్మపురి (ఎస్సీ)    పెండింగ్
2.జగిత్యాల్    టి. జీవన్‌రెడ్డి
3.కోరుట్ల    జువ్వాది నర్సింగ్‌రావు
4.రామగుండం    పెండింగ్
5.మంథని    శ్రీధర్‌బాబు
6.పెద్దపల్లి    విజయరామారావు
7.కరీంనగర్    పొన్నం ప్రభాకర్
8.చొప్పదండి (ఎస్సీ)    మోడిపల్లి సత్యం
9.వేములవాడ    ఆది శ్రీనివాస్
10.సిరిసిల్లా    కె.కె. మహేందర్‌రెడ్డి
11.మానకొండూరు    ఆరెపల్లి మోహన్
12.హుజూరాబాద్    కౌశిక్ రెడ్డి
13.హుస్నాబాద్    ప్రవీణ్‌రెడ్డి
నిజామాబాద్ జిల్లా
1.ఆర్మూర్     పెండింగ్
2.బోధన్    సుదర్శన్‌రెడ్డి
3.నిజామాబాద్ అర్బన్    మహేశ్ కుమార్ గౌడ్
4.నిజామాబాద్ రూరల్    పెండింగ్
5.బాల్కొండ    అనిల్
6.జుక్కల్(ఎస్సీ)    గంగారామ్
7.బాన్స్ వాడ     బాలరాజు
8.ఎల్లారెడ్డి    పెండింగ్
9.కామారెడ్డి    షబ్బీర్ అలీ
మెదక్ జిల్లా
1.నారాయణ్‌ఖేడ్    పెండింగ్
2.ఆందోల్ (ఎస్సీ)    దామోదర రాజనర్సింహ
3.జహీరాబాద్ (ఎస్సీ)     గీతారెడ్డి
4.సంగారెడ్డి    జగ్గారెడ్డి
5.పటాన్‌చెరు    పెండింగ్
6.మెదక్    విజయశాంతి
7.నర్సాపూర్    సునితా లకా్ష్మరెడ్డి
8.సిద్దిపేట    టీజేఎస్
9.దుబ్బాక    టీజేఎస్
10.గజ్వేల్    వి.ప్రతాప్‌రెడ్డి
వరంగల్ జిల్లా
1.వరంగల్ వెస్టు    పెండింగ్
2.వరంగల్ ఈస్టు    టీజేఎస్
3.వర్దన్నపేట (ఎస్సీ)    టీజేఎస్
4.భూపాలపల్లి    గండ్ర వెంకట రమణారెడ్డి
5.పర్కాల్    కొండా సురేఖ
6.నర్సంపేట    దొంతి మాధవరెడ్డి
7.మహబూబాబాద్    బలరామ్‌నాయక్
8.ములుగు    సీతక్క
9.జనగాం    పొన్నాల లక్ష్మయ్య
10.పాలకుర్తి    జంగా రాఘవ రెడ్డి
11. డోర్నకల్    రామచందర్ నాయక్
12.స్టేషన్ ఘన్‌పూర్         ఇందిర
మహబూబ్‌నగర్ జిల్లా
1.కొడంగల్    రేవంత్‌రెడ్డి
2.నారాయణ్‌పేట    శివకుమార్‌రెడ్డి
3.మహబూబ్‌నగర్    పెండింగ్
4.జడ్చర్ల    మల్లు రవి
5. దేవరకద్ర    పెండింగ్
6.మక్తల్    టీడీపీ
7.షాద్‌నగర్    ప్రతాప్‌రెడ్డి
8.వనపర్తి    చిన్నారెడ్డి
9.గద్వాల    డి.కె, అరుణ
10.అలంపూర్    సంపత్
11.నాగర్ కర్నూల్    నాగం జనార్ధన్‌రెడ్డి
12.అచ్చంపేట    వంశీకృష్ణ
13.కల్వకుర్తి    వంశీచందర్‌రెడ్డి
14.కొల్లాపూర్     హర్షవర్ధన్‌రెడ్డి
నల్లగొండ జిల్లా
1.దేవరకొండ    పెండింగ్
2.నాగార్జున సాగర్     కె. జానారెడ్డి
3.మిర్యాలగూడ    పెండింగ్
4.హుజూర్‌నగర్    ఉత్తమ్ కుమార్‌రెడ్డి
5.కోదాడ    ఎన్. పద్మావతి
6.సూర్యాపేట    దామోదర్ రెడ్డి
7.నల్లగొండ    కోమటిరెడ్డి వెంకట్‌రెడ్డి
8.మునుగోడు    పెండింగ్
9.భువనగిరి    అనిల్‌రెడ్డి
10.నకిరేకల్    చిరుమర్తి లింగయ్య
11.తుంగతుర్తి    డాక్టర్. రవి
12.ఆలేరు     బిక్షమయ్య గౌడ్
ఖమ్మం జిల్లా
1.పినపాక    రేగా కాంతారావు
2.ఇల్లెందు    పెండింగ్
3.భద్రాచలం     పెండింగ్
4.ఖమ్మం    టీడీపీ
5.పాలేరు    కె. ఉపేందర్‌రెడ్డి
6.మదిర     భట్టి విక్రమార్క
7.వైరా    రాములు నాయక్
8.సత్తుపల్లి    టీడీపీ
9.కొత్తగూడెం     వనమా వెంకటేశ్వర్లు
10.అశ్వరావుపేట    పెండింగ్
హైదరాబాద్ జిల్లా
1.చాంద్రాయణగుట్ట    పెండింగ్
2.యాకుత్‌పురా    పెండింగ్
3.బహుదూర్ పురా    పెండింగ్
4.ముషీరాబాద్    అనిల్ కుమార్ యాదవ్
5.అంబర్‌పేట    పెండింగ్
6.ఖైరతాబాద్     పెండింగ్
7.జూబ్లిహిల్స్    విష్ణువర్ధన్‌రెడ్డి
8.సనత్‌నగర్     మర్రి శశిధర్‌రెడ్డి
9.సికింద్రాబాద్    పెండింగ్
10.నాంపల్లి     ఫారూక్ ఖాన్
11.కార్వాన్    పెండింగ్
12.గోషామహల్     ముఖేష్‌గౌడ్
13.చార్మినార్    పెండింగ్
14.మలక్‌పేట్    టీజేఎస్
15.సికింద్రాబాద్     సర్వే సత్యనారాయణ
కంటోన్మెంట్    
రంగారెడ్డి జిల్లా
1.మేడ్చల్    పెండింగ్
2.మల్కాజిగిరి    పెండింగ్
3.కుత్బుల్లాపూర్    కూన శ్రీశైలం గౌడ్
4.కూకట్‌పల్లి    టీడీపీ
5.ఉప్పల్    టీడీపీ
6.ఎల్.బి. నగర్    సుధీర్‌రెడ్డి
7.మహేశ్వరం    సబితా ఇంద్రారెడ్డి
8.ఇబ్రహీంపట్టణం    పెండింగ్
9.రాజేంద్రనగర్    పెండింగ్
10.శేరిలింగంపల్లి    పెండింగ్
11.చేవెల్ల    పెండింగ్
12.పరిగి    రామ్మోహన్‌రెడ్డి
13.వికారాబాద్    గడ్డం ప్రసాద్
14.తాండూర్    రోహిత్‌రెడ్డి



బీజేపీ మూడో జాబితా విడుదల 

Updated By ManamThu, 11/08/2018 - 19:49
  • ఈ 28న మధ్యప్రదేశ్ అసెంబ్లీ ఎన్నికలు

  • డిసెంబర్ 11న ఎన్నికల ఫలితాలు.. 

BJP, third list of 32 candidates, Madhya Pradesh, Assembly electionsన్యూఢిల్లీ: మధ్యప్రదేశ్ అసెంబ్లీ ఎన్నికల నేపథ్యంలో బీజేపీ గురువారం 32 మంది అభ్యర్థులతో కూడిన మూడో జాబితాను విడుదల చేసింది. మధ్యప్రదేశ్ 230 అసెంబ్లీ స్థానాలకు ఈ నెల 28న ఎన్నికలు జరుగనున్నాయి. ఎన్నికల ఫలితాలు డిసెంబర్ 11న వెల్లడి కానున్నాయి. ఇటీవల బీజేపీ రెండు జాబితాలను విడుదల చేయగా అందులో తొలి జాబితా 177, రెండో జాబితాలో 17 మంది అభ్యర్థులు ఉన్నారు. బుధ్ని స్థానం నుంచి ముఖ్యమంత్రి శివరాజ్ సింగ్ చౌహన్ బరిలో దిగనున్నారు.

మధ్యప్రదేశ్ అసెంబ్లీ ఎన్నికలకు సంబంధించి బుధవారమే కాంగ్రెస్ 29 మంది అభ్యర్థులతో కూడిన నాల్గో జాబితాను విడుదల చేసిన సంగతి విదితమే. అంతకుముందు కాంగ్రెస్ మూడు జాబితాలను విడుదల చేయగా 155, 16, 13 మందితో కూడిన అభ్యర్థులు 230 అసెంబ్లీ స్థానాల్లో పోటీ చేయనున్నారు. ముఖ్యమంత్రి శివరాజ్ సింగ్ చౌహన్ బావమరిది సంజయ్ సింగ్ వారాసియోని నుంచి కాంగ్రెస్ అభ్యర్థిగా బరిలోకి దిగనున్నారు. 



టీటీడీపీ తొలి జాబితా సిద్ధం

Updated By ManamSat, 09/22/2018 - 09:02
TTDP

హైదరాబాద్: తెలంగాణలో సార్వత్రిక ఎన్నికల వేళ తొలి జాబితాను సిద్ధం చేసింది టీటీడీపీ. ఈ ఎన్నికల్లో కాంగ్రెస్, సీపీఐ, తెలంగాణ జనసమితితో టీడీపీ పొత్తు పెట్టుకున్న విషయం తెలిసిందే. ఈ నేపథ్యంలో తమ ప్రాభల్యం ఎక్కువగా ప్రాంతాలపై ఇప్పటికే ఓ అంచనాను వేసిన టీటీడీపీ.. తాజాగా తొలి జాబితాను సిద్ధం చేసింది. 

అభ్యర్థుల జాబితా
శేరిలింగంపల్లి – మొవ్వ సత్యనారాయణ
కూకట్‌పల్లి- మందాడి శ్రీనివాసరావు
సికింద్రాబాద్ – కూన వెంకటేష్‌గౌడ్
ఉప్పల్- వీరేందర్‌గౌడ్
ఖైరతాబాద్ -బి.ఎన్.రెడ్డి
సికింద్రాబాద్ కంటోన్మెంట్ – శ్రీనివాసరావు
రాజేంద్రనగర్-ఎమ్ భూపాల్‌రెడ్డి
సత్తుపల్లి – సండ్ర వెంకట వీరయ్య
సిట్టింగ్ ఎమ్మెల్యే ఖమ్మం – నామా నాగేశ్వరరావు
మిర్యాలగూడ -శ్రీనివాస్
కోదాడ – బొల్లం మల్లయ్యయాదవ్
ఆలేరు – శోభారాణి
పరకాల-రేవూరి ప్రకాష్‌రెడ్డి
ఆర్మూర్ – ఏలేటి అన్నపూర్ణ
హుజూరాబాద్ – ఇనగాల పెద్దిరెడ్డి
దేవరకద్ర – రావుల చంద్రశేఖర్‌రెడ్డి
మహబూబ్‌నగర్- చంద్రశేఖర్
మక్తల్ – కొత్తకోట దయాకర్‌‌రెడ్డి అభ్యర్థులుగా బరిలో దిగనున్నారు.



అసెంబ్లీ ఎన్నికల బరిలో అమృత..?

Updated By ManamWed, 09/19/2018 - 10:00

Amrutha Varshiniమిర్యాలగూడ: తన తండ్రికి ఉన్న కులపిచ్చితో ప్రాణంగా ప్రేమించి, పెళ్లి చేసుకున్న ప్రణయ్‌ను తన కళ్ల ముందే పోగొట్టుకుంది అమృత వర్షిణి. ప్రస్తుతం అమృత ఐదు నెలల గర్భిణి కాగా., ఇలాంటి పరిస్థితి పగవారికి కూడా రాకూడదంటూ పలువురు సానుభూతిని ప్రకటిస్తున్నారు. మరోవైపు కుల వివక్ష లేని సమాజాన్ని చూడాలని ప్రణయ్ తనతో ఎప్పుడూ అంటుండే వాడని, అతడి ఆశయాన్ని నెరవేర్చేందుకు ఇప్పుడు తాను కృషి చేస్తానని అమృత చేస్తోంది. ఇలాంటి నేపథ్యంలో రానున్న అసెంబ్లీ ఎన్నికల బరిలో అమృతను పోటీలో నిలబడనున్నట్లు తెలుస్తోంది.

అమృతను ఏకగ్రీవంగా అసెంబ్లీకి పంపాలని సీపీఎం, టీ-మాస్ ప్రతిపాదించాయి. అమృతను ఓదార్చేందుకు వెళ్లిన సీపీఎం రాష్ట్ర కార్యదర్శి తమ్మినేని వీరభద్రం, టీ-మాస్ చైర్మన్ కంచె ఐలయ్యలు.. ఆమెను పోటీకి నిలిపితే ఏకగ్రీవం చేసేందుకు సిద్ధంగా ఉన్నామని.. ఈ విషయంపై అపద్ధర్మ సీఎం కేసీఆర్ చొరవ చూపితే స్వాగతిస్తామని చెప్పారు. కుల దురహంకారానికి బలైన ప్రణయ్ హత్యకు కారకులైన వారిని కఠినంగా శిక్షించాలని వారు డిమాండ్ చేశారు. మరి ఎన్నికల బరిలోకి దిగేందుకు అమృత ఆసక్తిని చూపుతుందో లేదో చూడాలి.



'మహాకూటమి.. మహావైఫల్యం తప్పదు'

Updated By ManamWed, 09/12/2018 - 21:17
  • తెలంగాణ భవన్‌లో మీడియా సమావేశం.. 

  • విపక్షాలపై మంత్రి జూపల్లి కృష్ణారావు ధ్వజం

Jupalli Krishnarao, Opposition parties, TRS party, KCR, Assembly elections, Massive allianceహైదరాబాద్: రానున్న ఎన్నికల్లో విపక్షాల మహాకూటమి మహా వైఫల్యం చెందబోతుందని మంత్రి జూపల్లి కృష్ణారావు జోస్యం చెప్పారు. రాష్ట్రం విశాల ప్రయోజనం కోసమే పొత్తులు కుదుర్చుకుంటున్నట్టు ప్రతిపక్షాలు ప్రకటించడం హాస్యాస్పదంగా ఉందన్నారు. బుధవారం తెలంగాణ భవన్‌లో ఏర్పాటు చేసిన మీడియా సమావేశంలో జూపల్లి మాట్లాడారు. ఈ సందర్భంగా జూపల్లి విపక్షాలపై తీవ్రస్థాయిలో విరుచకపడ్డారు. తెలంగాణ ఉద్యమం సందర్భంగా ఈ విశాల ప్రయోజనం ఎక్కడికి వెళ్ళింది ?  అని సూటిగా ప్రశ్న లేవనెత్తారు. కేవలం ఆపద్ధర్మ సీఎం కేసీఆర్‌ను గద్దె దించడం అనే అవకాశవాదం కోసం ఈ మహా కూటమి ఏర్పడుతుందని దుయ్యబట్టారు. ఉమ్మడి పాలమూరు జిల్లాలో మొత్తం 14 సీట్లు గెలవబోతున్నామని ధీమా వ్యక్తం చేశారు. తెలంగాణలో టీఆర్ఎస్ భారీ సంఖ్యలో సీట్లు గెలిచి మళ్ళీ అధికారంలోకి రాబోతోందని స్పష్టం చేశారు. సురేష్ రెడ్డి లాంటి వారు కాంగ్రెస్ టికెట్ ఖరారైనా దాన్ని కాదనుకుని టీఆర్ఎస్‌లో చేరారని జూపల్లి ప్రశంసించారు. 

వనపర్తిలో కాంగ్రెస్ నేత చిన్నారెడ్డి తాను ఘోరంగా ఓటమి పాలవుతున్నట్టు కార్యకర్తలతో అంటున్నారని, తనకు కాకుండా కాంగ్రెస్ టికెట్ వేరే వారికిచ్చినా బాగుండు అని చిన్నారెడ్డి అంటున్నారని మంత్రి జూపల్లి చెప్పారు. వనపర్తిలో ఈసారి నిరంజన్ రెడ్డి గెలవడం ఖాయమని తేల్చిచెప్పారు. టీఆర్ఎస్‌ను మహా కూటమి, ఏ మాయల కూటమి ఏం చేయలేదన్నారు. పాలమూరు రంగారెడ్డి ప్రాజెక్టుని అడ్డుకుంటున్న చంద్రబాబు పార్టీని మహబూబ్ నగర్‌లో తరిమి కొడతారన్నారు. విజయవాడలో పాలమూరు రంగారెడ్డికి వ్యతిరేకంగా తీర్మానం చేసిన బాబు పార్టీకి మహబూబ్ నగర్‌లో స్థానం లేదన్నారు. ఓట్లు అడిగేందుకు టీడీపీకి ఆ పార్టీతో కలుస్తున్న కాంగ్రెస్‌పై నిప్పులు చెరిగారు. ఎవరినో భయపెట్టి టీఆర్ఎస్ గెలవాలనుకోవట్లేదని, గతంలో ఉన్న ప్రభుత్వాలు భయ పెట్టినా ప్రజలు భయపడ లేదని, తెలంగాణ వాదానికే ఓటు వేశారని మంత్రి జూపల్లి స్పష్టం చేశారు. 



తెలంగాణలో టీడీపీతో సీపీఐ పొత్తు ఖరారు

Updated By ManamSun, 09/09/2018 - 19:09

TDP-CPI alliance, finalized discussions, Assembly electionsహైదరాబాద్: తెలంగాణలో టీడీపీ, సీపీఐ పొత్తు ఖరారైంది. తెలంగాణలో ముందస్తు ఎన్నికల నేపథ్యంలో ఆదివారం టీడీపీతో సీపీఐ పొత్తుపై చర్చలు జరిగాయి. తెలంగాణ టీడీపీతో అసెంబ్లీ ఎన్నికల్లో కలిసి పనిచేస్తామని సీపీఐ నిర్ణయించింది. చర్చలు ముగిసిన అనంతరం సీపీఐ రాష్ట్ర కార్యదర్శి చాడ వెంకటరెడ్డి మాట్లాడుతూ.. మహాకూటమి కావాలనుకుంటున్నామని, కలిసి వచ్చే వారందరితో మాట్లాడతామని చెప్పారు. గెలిచే సీట్లు మాత్రమే అడుగుతామన్నారు. ఈ ప్రభుత్వానికి అధికారమే తప్ప రైతు సమస్యలు ముఖ్యం కాదని చాడ విమర్శలు గుప్పించారు. 

మహాకూటమి జెండా ఎగురవేస్తాం: ఎల్ రమణ
సీపీఐతో చర్చల అనంతరం తెలంగాణ టీడీపీ అధ్యక్షుడు ఎల్ రమణ మాట్లాడుతూ.. రేపు, ఎల్లుండి మిగతా పార్టీలతో మాట్లాడతామని, కాంగ్రెస్‌ పార్టీతోనూ మాట్లాడుతామని చెప్పారు. రానున్న రోజుల్లో మహాకూటమి జెండా ఎగురవేస్తామన్నారు. కేసీఆర్‌కు రాజకీయ, నైతిక విలువలు లేవని విమర్శించారు. అన్ని పార్టీలకు చెందిన ఎమ్మెల్యేలను నిస్సిగ్గుగా కలుపుకున్నారని దుయ్యబట్టారు. తెలంగాణలో టీడీపీ గెలుపు చారిత్రక అవసరమన్నారు. 



నవంబర్‌లో ఎన్నికలు.. డిసెంబర్‌లో ఫలితాలు..

Updated By ManamThu, 09/06/2018 - 20:10
  • ఆపద్ధర్మ ముఖ్యమంత్రి కేసీఆర్ స్పష్టం

  • హుస్నాబాద్‌ నుంచి ఎన్నికల ప్రచారం మొదలు.. 

  • డిసెంబరు మొదటి వారంలో ఎన్నికల ఫలితాలు

Assembly elections, November, Four states elections, TRS, KCR, Assembly dissolveహైదరాబాద్‌: నవంబర్‌లోనే తెలంగాణలో అసెంబ్లీ ఎన్నికలు జరుగుతాయని ఆపద్ధర్మ ముఖ్యమంత్రి కేసీఆర్ స్పష్టం చేశారు. అక్టోబర్‌లో ఎన్నికల ప్రక్రియ ప్రారంభమై నవంబర్‌లో ముగుస్తాయని వెల్లడించారు. నాలుగు రాష్ట్రాల ఎన్నికలతో పాటే తెలంగాణలో కూడా ఎన్నికల ప్రక్రియ కొనసాగుతుందని చెప్పారు. ‘‘టీఆర్ఎస్ అధ్యక్షుడి హోదాలో హుస్నాబాద్‌ నుంచి ఎన్నికల ప్రచారం మొదలుపెట్టబోతున్నాం. మంచి సమయంలో చేస్తే అంతా మంచే జరుగుతుంది. చెడ్డ సమయంలో చెడ్డగానే జరుగుతుంది. 9న అమావాస్య. 7వ తేదీ శ్రావణమాసం శుక్రవారం మంచిరోజు. అదేరోజున ఒక సభను ప్రారంభిస్తాం. చెడురోజులు వచ్చేలోపు కార్యక్రమంతా ముగించుకోవాలి. ఎన్నికలు కూడా వీలైనంత తొందరగా వచ్చే అవకాశం ఉంది.

రాజ్యాంగం ప్రకారం కచ్చితంగా ఎన్నికలు నిర్వహించాలి. అక్టోబర్‌ మొదటి వారంలో ఎన్నికల ప్రక్రియ మొదలై నోటిఫికేషన్‌ వస్తుంది. నవంబర్‌లో ఎన్నికలు జరుగుతాయి. డిసెంబరు మొదటి వారంలో ఎన్నికల ఫలితాలు ప్రకటించే అవకాశముంది. మీడియా చాలా ప్రయత్నాలు చేసినప్పటికీ కొన్ని విషయాలు వెలుగులోకి రానివ్వలేదు. కేంద్ర ముఖ్య ఎన్నికల అధికారితో, మిగతా ఇద్దరు కమిషనర్లతో స్వయంగా మాట్లాడాను. ఆషామాషీగా చేయరు కదా. సీఎస్‌ ఎస్‌.కె.జోషి, రాష్ట్ర ప్రభుత్వ సలహాదారు రాజీవ్‌శర్మ కూడా మాట్లాడారు. అన్ని విషయాలు చర్చించాకే ఈ నిర్ణయాన్ని వెల్లడించాం’’ అని కేసీఆర్ స్పష్టం చేశారు. 



తెలంగాణలో ముందస్తు ఎన్నికలు?

Updated By ManamMon, 08/20/2018 - 13:40
Uttam Kumar Reddy

హైదరాబాద్ : తెలంగాణలో ముందస్తు ఎన్నికలు ఊహాగానాలు జోరందుకున్నాయి. టీఆర్ఎస్ సర్కార్ ...అసెంబ్లీని రద్దు చేసి, ఎన్నికలు వెళతుందని కొద్దిరోజుల క్రితం వార్తలు వెలువడగా, తాజాగా టీ పీసీసీ అధ్యక్షుడు ఉత్తమ్ కుమార్ రెడ్డి నోటి నుంచి కూడా ముందస్తు ఎన్నికలు వినిపిస్తున్నాయి. ఆయన సోమవారమిక్కడ మాట్లాడుతూ.. హామీలపై ప్రజలు నిలదీస్తారనే భయంతోనే టీఆర్ఎస్ సర్కార్ ముందస్తుకు వెళుతుందని విమర్శించారు. తాము అధికారంలోకి రాగానే రైతులకు రూ.2 లక్షల రుణమాఫీ చేసి చూపిస్తామని ఉత్తమ్ పేర్కొన్నారు. 

త్వరలోనే ఇంటింటికి కాంగ్రెస్ కార్యక్రమాన్ని చేపడతామని ఆయన, వచ్చే ఎన్నికల్లో టీఆర్ఎస్ పార్టీకి ప్రజలు బుద్ధి చెబుతారన్నారు. కాంగ్రెస్ అధికారంలోకి రాగానే అందరికీ ప్రాధాన్యత ఇస్తామని ఉత్తమ్ హామీ ఇచ్చారు.  ఓటర్ల జాబితాలో ఓటర్లు తమ పేరు ఉందో లేదో సరిచూసుకోవాలని సూచించారు. ఇక వచ్చే ఎన్నికల్లో అభ్యర్థుల ఎంపికకు సంబంధించి ఆన్‌లైన్ పోలింగ్ ద్వారా అభిప్రాయాలు తీసుకుంటామన్నారు. టీఆర్ఎస్ సర్కార్...సర్పంచ్ నుంచి ఎంపీ వరకూ ప్రతి ఒక్కర్ని కొనుగోలు చేస్తుందన్నారు.





Related News