kamal hasan

సీక్వెల్‌లోనూ డబుల్ రోల్!

Updated By ManamWed, 09/05/2018 - 00:07

imageకమల్ హాసన్, శంకర్ కాంబినేషన్‌లో 22 సంవత్సరాల క్రితం వచ్చిన ‘భారతీయుడు’ ఎంతటి సంచలనం సృష్టించిందో అందరికీ తెలిసిందే. తెలుగు, తమిళ్, హిందీ భాషల్లో విడుదలైన ఈ చిత్రానికి సీక్వెల్‌గా ‘భారతీయుడు 2’ రూపొందనుందన్న వార్త ఆమధ్య వైరల్ అయిపోయింది. ఈ చిత్రాన్ని తాను నిర్మించబోతున్నానని దిల్‌రాజు ప్రకటించారు. కొన్ని కారణాల వల్ల దిల్‌రాజు ఈ ప్రాజెక్ట్ నుంచి తప్పుకున్నారు.

ఇప్పుడు భారతీయుడు చిత్రాన్ని నిర్మించిన ఎ.ఎం.రత్నం ‘భారతీయుడు 2’ చిత్రాన్ని కూడా నిర్మిస్తారని తెలుస్తోంది. ఈ చిత్రానికి సంబంధించిన ఓ విశేషం మీడియాలో చక్కర్లు కొడుతోంది. ఈ సీక్వెల్‌లో కూడా కమల్‌హాసన్ ద్విపాత్రాభినయం చేయనున్నాడని అంటున్నారు. ఆ సినిమా క్లైమాక్స్‌లో ఒక కమల్‌హాసన్ చనిపోతాడు. మరి సీక్వెల్‌లో కమల్ హాసన్ రెండు పాత్రలు ఎలా చేయబోతున్నారన్న ఆసక్తి అందరిలోనూ ఉంది. ఈ చిత్రంలో కమల్‌హాసన్ సరసన నయనతార హీరోయిన్‌గా నటిస్తుందని సమాచారం. 



అపూర్వ కలయికలో...

Updated By ManamThu, 08/30/2018 - 23:57

imageసినిమా హీరోల్లో విలక్షణ నటనకు కమల్  పెట్టింది పేరు. ఆ తర్వాత విక్రమ్ అంత పేరును దక్కించుకున్నారు. పాత్ర కోసం వీరు ఎంతటి రిస్క్ అయినా తీసుకుంటారు. ఇలాంటి ఇద్దరు అపూర్వ నటుల కలయికలో సినిమా అంటే ఎలా ఉంటుందో అని ప్రత్యేకంగా చెప్పనక్కర్లేదు. అయితే వీరు కలయికలో రాబోయే చిత్రంలో ఇద్దరూ హీరోలుగా నటించడం లేదు. కమల్ హాసన్ సమర్పణలో విక్రమ్ కథానాయకుడిగా సినిమా చేస్తున్నారు."

‘చీకటిరాజ్యం’ ఫేమ్ రాజేష్ ఎమ్.సెల్వ ఈ సినిమాను డైరెక్ట్ చేస్తున్నారు. ఈ సినిమా చెన్నైలో స్టార్ట్ అయింది. ఈ సినిమాలో కమల్ హాసన్ రెండో తనయ అక్షర హాసన్ హీరోయిన్‌గా నటించనుంది. జిబ్రాన్ సంగీతం అందిస్తుండగా.. శ్రీనివాస్ రెడ్డి సినిమాటోగ్రఫీ అందిస్తున్నారు. పూజా కుమార్ కీలకపాత్రలో నటించబోతున్నారు. 



ప్రజల రుణం తీర్చుకోవాలి

Updated By ManamSun, 08/05/2018 - 02:17

సినిమా అనేది కేవలం వినోదమే కాదు.. విజ్ఞానాన్ని కూడా పెంచే ఓ మాధ్యమం. చాలా మంది ప్రశ్నించలేని ప్రశ్నలను సినిమా ప్రశ్నిస్తుంది. ప్రశ్న అనేది ఉన్నప్పుడు మార్పు ఉంటుంది. కాబట్టి ప్రశ్నించే తత్వాన్ని వదులుకోకూడదు అని అంటున్నారు కమల్ హాసన్. సినిమాల్లో నాలుగున్నర దశబ్దాల అనుభవమున్న ఈ లోక నాయకుడు.. ఇప్పుడు తనకు ఇంత గొప్ప స్థానాన్ని, పేరు ప్రఖ్యాతులను ఇచ్చిన ప్రజల రుణం తీర్చుకుంటా అంటూ రాజకీయాల్లోకి అడుగుపెట్టారు. ఆయన నటించిన ‘విశ్వరూపం 2’ ఆగస్ట్ 10న విడుదలవుతున్న సందర్భంగా కమల్‌హాసన్ ఇంటర్వ్యూ....
 

kamal

ప్రేక్షకులు మరచిపోలేదు..
‘విశ్వరూపం 2’ ఆలస్యానికి మేం కారణం కాదు.. ఒక వైపు రాజ కీయాలు.. మరోవైపు సాంకేతిక కారణాలతోనే సినిమా ఆలస్యమైంది. ఇప్పుడు సినిమా లైఫ్ స్పాన్ రెండు, మూడు వారాలకు వచ్చింది. నాలుగు సంవత్సరాల తర్వాత సీక్వెల్ వస్తుందంటే ప్రేక్షకులు మరచిపోయారేమో అనుకున్నా.. కానీ ప్రేక్షకులు ఇంకా మా సినిమాను మరచిపోలేదు. 

ప్లాన్ చేయలేదు..
 ‘విశ్వరూపం’ సినిమా రెండు భాగాలుగా ఉండాలని ముందుగానే అనుకున్నాం. అంతే తప్ప సక్సెస్ అయితే మరో పార్ట్ చేద్దామని ప్లాన్ చేయలేదు. నాలుగేళ్ల క్రితమే సినిమా షూటింగ్‌ను పూర్తి చేసేశాం. పోస్ట్ ప్రొడక్షన్ మాత్రం గత ఏడాది చేశాం. టెక్నికల్‌గా సినిమా బావుంటుంది. సినిమా కథలో చిత్రీకరణ పరంగా ఎలాంటి మార్పులు చేయలేదు. ఇదేమీ వివాదస్పద చిత్రం కాదు. మొదటి భాగం విషయంలో కొంత మంది మాత్రమే వివాదం చేయాలని చూశారు. అయితే రెండో భాగానికి అలాంటిదేమీ లేదు. నా రాజకీయాలకు, ఈ సినిమాకు సంబంధం లేదు. సినిమా అనే దాన్ని మన ఆలోచనలను, అభిప్రాయాలను చెప్పే ఓ ఫ్లాట్‌ఫామ్‌గా చూడాలంతే.

టెక్నికల్‌గా డెవలప్ అవుతున్నాం...
ప్రస్తుతం ఇండియన్ సినిమా హాలీవుడ్ స్టాండర్డ్స్‌ను రీచ్ అవుతుంది. టెక్నికల్‌గా సినిమా ఎంతగానో డెవలప్ అయింది. మన సినిమాల కోసం హాలీవుడ్ టెక్నీషియన్స్ కూడా పనిచేస్తున్నారు. ది మంచి పరిణామమే కదా.

పోరాడాల్సిన తరుణం వచ్చింది...
స్వాతంత్య్రం వచ్చి 71 ఏళ్లు వచ్చింది. మనం అందరం స్వేచ్చ కోసం పోరాడాల్సిన తరుణం వచ్చింది. కానీ మనం 1948లోనే ఆగిపోయి ఉన్నాం. మార్పు కావాలి. అందుకోసం మనం అంతా కలిసి పోరాడాల్సిన బాధ్యత ఎంతైనా ఉంది. నేను ఇప్పుడు ఉన్న స్థానానికి ప్రేక్షకులే కారణం. పేరు, డబ్బు అన్నీ ఇచ్చారు. వారి రుణం తీర్చుకోవాలనే నేను రాజకీయాల్లోకి వచ్చాను. వాళ్లు ఇన్‌వెస్ట్ చేసిన ప్రొడక్ట్‌లాంటి నేను.. ఇప్పుడు ఆయుధంలా తయారయ్యాను. ఆయుధాన్ని ప్రజలే ఉపయోగించుకోవాలి.
 
లేయర్స్‌గా ఉంటాయి...
 విశ్వరూపం మొదటిభాగంలో హీరో ఎందుకు టీచర్‌లా ఉంటాడు?. అతనికి పెళ్లి ఎలా జరుగుతుంది?. అసలు అమెరికాకు ఎందుకు వచ్చారు? ఆల్‌ఖైదాతో లింక్ ఎలా ఏర్పడుతుంది? అనే విషయాలను మొదటి పార్ట్‌లో ఎక్కడా చూపించలేదు. అవన్నీ లేయర్స్ రూపంలో సెకండ్ పార్ట్‌లో రివీల్ అవుతాయి. మంచి ఎమోషనల్ పార్ట్ కూడా సినిమాలో ఉంటుంది. 

జాతీయత అనేది ...
 జాతీయతకు అర్థం ప్రతి వంద కిలోమీటర్లకు ఓసారి మారుతుంది. ఒకప్పుడు పెషావర్ మనదేశంలో భాగంగానే ఉండేది. కానీ ఇప్పుడు లేదు. దాని వల్ల జాతీయత మారింది కదా.. ఇలాంటి వాటిపై చాలా చర్చలు జరుగుతూనే ఉంటాయి. జరగాలి కూడా. దేశభక్తి అంటే నాకు తెలుసు. నీలో ఎంత దేశభక్తి ఉందని అంటే ఏం చెప్పను. 

ఇంకా నేర్చుకోవాలి...
 మనకు క్రియేటివ్ ఫ్రీడమ్ తక్కువగానే ఉంది. సెన్సార్‌బోర్డ్ ఉండకూడదు. సర్టిఫికేట్ బోర్డు ఉంటే చాలు అని పోరాడాం. కానీ కుదరలేదు. ఫ్రీడమ్ ఆఫ్ స్పీచ్ గురించి ఇంకా నేర్చుకోవాలి. 

టాలెంట్ పెరుగుతుందే కానీ...
 ఇండియాలో చాలా మంది నటీనటులున్నారు. వారితో నా దగ్గరున్న అన్‌టోల్డ్ స్టోరీస్‌తో సినిమాలు చేస్తాను. నేను నటించకపోవచ్చునేమో కానీ.. టాలెంట్ మాత్రం పెరుగుతుందే తప్ప.. తగ్గదు. కళ.. ఎవరితోనూ ముగియకూడదు.
 



ఆగస్ట్ 10న విశ్వరూపం 2

Updated By ManamFri, 07/27/2018 - 22:33

VISWAROOPAM-2యూనివర్సల్ హీరో కమల్‌హాసన్ స్వీయ దర్శకత్వంలో నటించి నిర్మించిన ‘విశ్వరూపం’ ఎంతటి ఘనవిజయం సాధించిందో అందరికీ తెలిసిందే. ఈ చిత్రానికి సీక్వెల్‌గా రూపొందిన చిత్రం ‘విశ్వరూపం 2’. ఆగస్ట్ 10న ఈ చిత్రాన్ని ప్రపంచవ్యాప్తంగా విడుదల చేసేందుకు సన్నాహాలు చేస్తున్నారు. ఆస్కార్ ఫిలిం (ప్రై) లిమిటెడ్ వి.రవిచంద్రన్ సమర్పణలో రాజ్‌కమల్ ఫిలింస్ ఇంటర్నేషనల్ పతాకంపై నిర్మించిన ఈ భారీ చిత్రంపై ప్రేక్షకుల్లో చాలా హై ఎక్స్‌పెక్టేషన్స్ ఉన్నాయి. తెలుగు, తమిళ్, మలయాళం, హిందీ భాషల్లో భారీ బడ్జెట్‌తో, ఇంటర్నేషనల్ స్టాండర్డ్స్‌లో, హై టెక్నికల్ వేల్యూస్‌తో నిర్మించిన ఈ చిత్రాన్ని ఆగస్ట్ 10న ప్రపంచవ్యాప్తంగా విడుదల చేస్తున్నట్లు ఆస్కార్ ఫిలింస్ వి.రవిచంద్రన్ తెలిపారు. కమల్‌హాసన్, రాహుల్ బోస్, పూజా కుమార్, ఆండ్రియా, శేఖర్ కపూర్, వహీదా రెహమాన్ ముఖ్యపాత్రలు పోషించిన ఈ చిత్రానికి సంగీతం: మహమ్మద్ గిబ్రాన్, పాటలు: రామజోగయ్యశాస్త్రి, సినిమాటోగ్రఫీ: శామ్‌దత్, షైనుదీన్, షను జాన్ వర్గీస్, ఎడిటింగ్: మహేష్ నారాయణన్, విజయ్ శంకర్, మాటలు: శశాంక్ వెన్నెలకంటి, నిర్మాతలు: ఎస్.చంద్రహాసన్, కమల్‌హాసన్,  రచన, దర్శకత్వం: కమల్‌హాసన్. 



అందరూ మేలుకోవాలి..ప్రశ్నించాలి

Updated By ManamSun, 07/08/2018 - 04:08

వైవిధ్యైమెన సినిమాలు.. కమర్షియల్ సినిమాలు ఎవైనా ప్రేక్షకుడిని ఆకట్టుకోవడానికే.. కమర్షియల్ సినిమాలను ప్రేక్షకులు ఎంత ఎంజాయ్ చేసినా.. ఎంత పెద్ద భారీ విజయాన్ని కట్టబెట్టినా.. వారిని వెంటాడేవి మాత్రం వైవిధ్యైమెన చిత్రాలే. ఇలా వైవిధ్యత గురించి ప్రస్తావించిన ప్రతిసారి సగటు సినీ ప్రేక్షకుడికి గుర్తుకొచ్చే నటుడు కమల్‌హాసన్. కొత్త ప్రాతైలెనా.. కొత్త టెక్నాలజీతో అయినా సినిమాలు చేస్తూ మెపిస్తూ వచ్చారు. ఒకటి..రెండు కాదు.. యాబై ఎనిమిదేళ్లు. నటుడిగా ఐదు దశాబ్దాలకు పైగా అనుభవమున్న ఈ లోకనాయకుడిని నడిచే సినిమా లైబ్రరీ అంటే అతిశయోక్తి కాదేమో. సినిమాల్లో తనైదెన ప్రభంజనం సృష్టించిన ఈయన తనైదెన ముద్ర వేయడానికి రాజకీయాల్లోనూ అడుగుపెట్టారు. అలాగే మరో వైపు రియాలిటీ షో బిగ్‌బాస్‌తో బుల్లితెర ప్రేక్షకులను రంజింపచేస్తున్నారు. ఒక వైపు బిగ్‌బాస్,  మరోవైపు రాజకీయాలు, ఇంకో వైపు ‘విశ్వరూపం-2’ సినిమా విడుదల.. బిజీగా ఉన్నారు కమల్ హాసన్ ఇటీవల ఓ తమిళ పత్రికకు ఇంటర్వ్యూ ఇచ్చారు. దాని సారాంశం..

image

మార్పు ఎప్పుడూ నిదానంగానే ఉంటుంది.. ‘విశ్వరూపం 2’ ట్రైలర్‌లో తమిళ్ డైలాగులు మార్చినట్టున్నారే?
అలాంటిదేమీ లేదు. సినిమా చూస్తే ఆ విషయం అర్థమవుతుంది. ఎందుకంటే తమిళ భాషకు, హిందీకి వాక్య నిర్మాణం వేరుగా ఉంటుంది. అందువల్ల కొన్ని డైలాగుల్లో మార్పులు కనిపించి ఉండవచ్చు. అంతే కాదు.. ట్రైలర్ కూడా చాలా తక్కువ నిడివితో ఉంది. ఇలాంటి విషయాలను కూడా పట్టించుకుని పెద్దవి చేస్తారని అనుకోలేదు. సోషల్ మీడియా కాలం కదా... అందుకే చర్చ జరిగింది. కానీ, నేను ఇంతకన్నా ఘాటుగా రాజకీయాల గురించి మాట్లాడీ ఉన్నాను, రచయితగానూ రాసిన సందర్భాలున్నాయి.

‘విశ్వరూపం2’ సినిమాకు ప్రేక్షకులు ఎలాంటి అంచనాలతో రావొచ్చు?
ఇది పూర్తిగా రాజకీయ సినిమా కాదు. కానీ ఇందులో రాజకీయం ఉంది. దేశమంటే ఏంటి? శత్రువులు అంటే ఎవరు? వంటి ప్రస్తావన కూడా ఉంటుంది. మొదటి భాగంతో పోలిస్తే ఇందులో ప్రేమ, కుటుంబం ఎక్కువగా ఉంటాయి. తొలి భాగం అమెరికాలో జరిగింది. ఇందులో ఇండియాకి వచ్చేస్తాం. ఇది చాన్నాళ్లుగా ఉన్న కథ. కమర్షియల్ సినిమా బాణీలో, లోతైన, బరువైన కథను చెప్పగలుగుతాం అనేది నా నమ్మకం. ఆర్ట్ సినిమా వేరు, కమర్షియల్ సినిమా దారి వేరు అనే తేడాలు లేకుండా ప్రజలకు వెళ్లి చేరాల్సిన కథగా ఈ సినిమా రూపొందింది.


‘విశ్వరూపం’ చిత్రాన్ని డీటీహెచ్‌లో విడుదల చేస్తానని అన్నప్పుడు పలువురు వ్యతిరేకించారు. ఆ జ్ఞాపకాలు మిమ్మల్ని ఇప్పటికీ వెంటాడుతున్నాయా?
గతం కన్నా ఇప్పుడు ఇంకా దృఢంగా, పరిపక్వతతో ఉన్నాను. ఎవరో చేసే వ్యాపారంలో నేను దూరుతున్నానని అనుకున్నారు. ధర్మంగా లాభాలు రావాలంటే థియేటర్ల సంఖ్య పెరగాలి. తెలుగు రాష్ట్రాల్లో ఆ క్లారిటీ ఉంది. కానీ బ్లాక్ మార్కెట్ అని, ఇంకోటనీ... తమిళ సినిమాల్లో ఉన్న .ఇలాంటి  వాతావరణాన్ని నేను ఇష్టపడటం లేదు.

మీ దూరదృష్టిని మీ రంగంలోని వాళ్లే అర్థం చేసుకోనప్పుడు.. మీకు ఎలా అనిపిస్తుంటుంది?
మార్పు ఎప్పుడూ నిదానంగానే ఉంటుంది. తన ఎదురుగా ఉన్న వ్యక్తిని మనిషిగా కాకుండా, కేవలం మాంసంగానే చూసే రోజులు మారడానికి ఎన్ని లక్షల ఏళ్లు పట్టిందో కదా! ‘కులమతాలు లేవు’ అని చెప్పడానికి చాలా ఆనందంగా ఉంటుంది. కానీ దాన్నే నిజ జీవితంలో అమలు చేయడానికి ప్రయత్నిస్తే ‘ముందు మీ ఇంట్లో చూసుకోండి’ అని అంటున్నారు. ఇలాంటి వాటన్నిటికీ నేను ఉదాహరణగా నిలుచోవాలనే ఆశిస్తాను. అంతేగానీ నాకు వచ్చిన ఆలోచనను ‘నువ్వు చెయ్యి’ అని అవతలివాళ్ల మీదకు నెట్టి, నేను వేడుక చూడను. నేనే చేసేస్తాను. చేసి చూపిస్తాను. అందరూ దాన్ని అర్థం చేసుకుని, నాతో కలిసి నడవడానికి టైమ్ పడుతుంది.

image

ఎం.ఎస్.విశ్వనాథన్, ఇళయరాజా, రెహమాన్.. నుంచి ఇప్పటి జిబ్రాన్ వరకు ఎంతో మందితో పనిచేశారు. ఈ సంగీత ప్రయాణం ఎలా ఉంది?
‘కళత్తూర్ కన్నమ్మా’ సినిమాకు సంగీతం అందించింది సుదర్శనం. ఆయనతో మొదలుపెట్టి ఎందరో మహానుభావులతో కలిసి పనిచేశాను. ఎం.ఎస్.వి., కె.బాలచందర్,  కన్నదాసన్, వాలి.. వీళ్లందరూ కూర్చుని ఓ పాట కోసం ఎలా కృషి చేస్తారో పక్కనే కూర్చుని చూసిన వాడిని. అవన్నీ నేను నేర్చుకున్న గొప్ప పాఠాలు. సలీల్ చౌదరి అనే సంగీత దర్శకుడు స్వరాలు కూర్చేటప్పుడు పక్కనే ఇళయరాజా అని ఒక వ్యక్తి గిటారుతో వచ్చి కూర్చునేవారు. ఆయనకు నేను తెలియదు. నాకూ ఆయన తెలియదు. కానీ ఒకరికొకరు తెలుసుకున్న తర్వాత కలిసి 100 సినిమాలు చేశాం. ఆ తర్వాత రెహమాన్ వచ్చినప్పుడు కూడా మేమెవ్వరం అతనివైపు తిరిగి చూడలేదు. మాకు రాజా ఉన్నాడు కదా అని అనుకున్నాం. రెహమాన్ తన పనితీరుతో మొత్తం ప్రపంచాన్ని తనవైపు తిరిగి చూసేలా చేసుకున్నారు. ప్రపంచంలో నేనూ ఉన్నాను కదా. నేనూ చూశాను. ప్రతిభావంతులను చూసిన ప్రతిసారీ నాకు పర్సనల్‌గా ఏదో ఆస్తి సమకూరినట్టు ఆనందంగా ఉంటుంది. ఇళయరాజాగారితో పనిచేయడం గొప్ప విద్య. ప్రత్యేకమైన విద్య అంటాను. ఇక అలాంటి అనుభవం మరొకరితో వస్తుందా అనేది అనుమానమే. తమిళంలో ‘వాగై సూడవా’ అని ఒక సినిమా విడుదలైంది. సంగీత దర్శకుడు ఎవరా? అని ఆరా తీస్తే జిబ్రాన్. సరేనని అతనితో పనిచేయాలని అనుకున్నా. కానీ అతన్ని చూస్తే చాలా చిన్న వయసు వ్యక్తిగా అనిపించింది. ‘తొందరపడలేదు కదా’ అని కూడా అనిపించింది. అయితే సంగీతం పట్ల ఆయనకున్న మమకారం, ఆయన చేసే కృషి చూసి ఆశ్చర్యపోయాను. ఆయన కూర్చిన స్వరాలు విన్నప్పుడు ఆ ఆశ్చర్యం నమ్మకంగా మారింది. 

ఇళయరాజా, ఎస్.పి.బాలసుబ్రమణ్యంకి ఆ మధ్య ఏర్పడిన వివాదం గురించి ఏమంటారు?
దాని గురించి నన్నేం చెప్పమంటారు. ఇద్దరూ నాకు అన్నలే. ఒకసారి ఇద్దరి మధ్య సంధ్య కూర్చడానికి వెళ్తే ఇరు వైపుల నుంచి దెబ్బలు పడ్డాయి. వాళ్లిద్దరికీ వారి వారి రంగాల్లో నా కన్నా అనుభవం, ప్రతిభ ఎక్కువ. వాళ్లకు తెలియదా? ఏం చేయాలో ఏం చేయకూడదో...

అభిమానులు సినిమాలను రాజకీయాలుగా చూడటం గురించి ఏమంటారు?
అన్నాదురై ‘వేలైక్కారి’, కరుణానిధి ‘పరాశకి’ సమయం నుంచీ అలాగే ఉంది. ఇప్పుడు సోషల్ మీడియా కాలం నడుస్తోంది. ఇప్పుడు ఇంకా అది ఎక్కువైంది. అది నాకు నచ్చింది కూడా. ప్రతి ఒక్కరూ ప్రశ్నించగలుగుతున్నారు. ఇలా ‘అందరూ మేలుకోవాలి. ప్రశ్నించాలి’ అనేదే నేను మెచ్చే అంశం.

‘శభాష్ నాయుడు’ సినిమా ఎంత వరకు వచ్చింది? 
సినిమా షూటింగ్ 40 శాతం పూర్తయింది. టైటిల్‌ని మార్చేయాల్సిన ఆవశ్యకత ఏమీ లేదు.

తమిళనాడులో పెరియార్‌తో ఉన్నప్పుడు దేవుడు లేడని అన్న అన్నాదురై, ఆయన విడిగా పార్టీని పెట్టినప్పుడు ‘ఒకటే కులం. ఒకడే దేవుడు’ అన్నారు. అలా మీరు కూడా రాజకీయానాయకుడు అయ్యాక మీ సిద్ధాంతాలు మారుతాయా?
నేను నా పుట్టుకను మార్చి చెప్పలేను కదా. నా పుట్టుకలో నాకు గర్వమో, హీనమో లేదు. ఇప్పుడు లోకజ్ఞానం అనే ఇంట్లో కాపురం ఉంటున్నాను. ఇది నా స్థానం. నా స్థానాన్ని మార్చుకోను. ఇది నా స్వాతంత్రం. నా లోకజ్ఞానాన్ని ఎట్టి పరిస్థితుల్లోనూ వదులుకోను. మరొకరిని నా స్థితికి చేరుకోమని బలవంతం చేయను. 

కుల ప్రస్తావన లేకుండా నా పిల్లలను స్కూల్లో చేర్పించాను అని  చెప్పుకునే మీరే, సినిమాలో కుల ప్రస్తావన తీసుకొచ్చారే?
ఎం.ఆర్.రాధా అన్న కులాలను వ్యతిరేకించి ఎంతో మాట్లాడేవారు. కానీ కుల ప్రస్తావనతోనే డైలాగులు పెట్టేవారు. పేరు పెట్టినంత మాత్రాన కులాలను గురించి మాట్లాడుతున్నట్టు కాదు.

చిన్నప్పుడు సావిత్రిని చూశారు. ఇప్పుడు ‘మహానటి’ సినిమా వచ్చింది. ఈ సినిమా చూస్తున్నప్పుడు పాత రోజులు గుర్తుకొచ్చాయా?
సమయాభావం వల్ల సినిమా చూడలేదు. కానీ కీర్తి సురేశ్, ఆమె తల్లి.. ఇద్దరితోనూ ఫోనులో మాట్లాడాను. సావిత్రమ్మకు పెళ్లయి పిల్లలు లేకుండా ఉన్నప్పుడు ‘నువు నాతో వచ్చేయ్. నిన్ను దత్తత తీసుకుంటా’ అని అన్నారు. నేను మా అమ్మ దగ్గరికి వెళ్లి ‘నీకు నలుగురు పిల్లలున్నారు. పాపం సావిత్రమ్మ నన్ను అడుగుతోంది. ఇచ్చేయొచ్చు కదా’ అని అడిగాను. అందుకు మా అమ్మ ‘నీ గురించి తెలియకుండా అడిగి ఉంటారు. నీతో రెండు రోజులు వేగలేరు. పాపం’ అని అన్నారు. 

మీ రాజకీయ అరంగేట్రం హఠాత్తుగా ఎలా జరిగింది?
నాకు అంతా సినిమానే. అన్నీ సినిమాలే అని అనుకుంటూ ఉన్నాను. నేను సినిమాల్లో అనుకున్నవాటిని అన్నిటినీ చేయలేకపోయాను అనేది నిజం. ఎందుకని ఆలోచించాను. పునాదులు సరిగా లేకుండా, కేశాలంకరణలు చేస్తున్నామేమోనని అనిపించింది. నేను రాజకీయాల్లోకి రావడం ‘హేరామ్’ నుంచే మొదలైంది. 
    - మోహన్‌కుమార్ తుమ్మల



‘విశ్వరూపం 2’కి లైన్ క్లియర్

Updated By ManamSat, 03/17/2018 - 23:59

viswaroopam 2కమల్ హాసన్ హీరోగా నటించి, దర్శకత్వం వహించిన ‘విశ్వరూపం’ ఎన్నో వివాదాలను ఎదుర్కొంటూనే ఘనవిజయం సాధించిన విషయం తెలిసిందే. ఈ చిత్రానికి సీక్వెల్‌గా ‘విశ్వరూపం 2’ చిత్రాన్ని ప్లాన్ చేసిన కమల్ హాసన్ చాలా కాలంగా అదే పనిమీద ఉన్నారు. ఎన్నో అవాంతరాల మధ్య ఈ సినిమా షూటింగ్ పూర్తి చేసుకుంది. పోస్ట్ ప్రొడక్షన్ పనులు కూడా పూర్తయ్యాయి. ఇటీవల సెన్సార్ కార్యక్రమాలు పూర్తి చేసుకున్న ఈ సినిమా యు/ఎ సర్టిఫికెట్ పొందింది. త్వరలోనే ఈ చిత్రం ఆడియోతోపాటు ట్రైలర్‌ని కూడా విడుదల చేయడానికి సన్నాహాలు చేస్తున్నారు కమల్. సినిమా విడుదల తేదీని కూడా త్వరలోనే ప్రకటిస్తారని తెలుస్తోంది.

రాహుల్ బోస్, శేఖర్‌కపూర్, నాజర్ ఈ చిత్రంలో కీలకపాత్రలు పోషిస్తున్నారు. రాజ్‌కమల్ ఫిలింస్ ఇంటర్నేషనల్ పతాకంపై కమల్ హాసన్ ఈ చిత్రాన్ని నిర్మిస్తున్నారు. జిబ్రాన్ ఈ చిత్రానికి సంగీతం అందిస్తున్నారు. ప్రస్తుతం రాజకీయాల్లో బిజీగా ఉన్న కమల్.. త్వరలో శంకర్ దర్శకత్వంలో రూపొందే ‘భారతీయుడు 2’ చిత్రంలో నటించనున్నారు.



'విశ్వ‌రూపం 2' ట్రైల‌ర్ అప్‌డేట్‌

Updated By ManamThu, 03/01/2018 - 22:03

viswaroopam 2లోక‌నాయ‌కుడు క‌మ‌ల్ హాస‌న్ న‌టించ‌డ‌మే కాకుండా స్వీయ ద‌ర్శ‌క‌త్వంలో తెర‌కెక్కించిన చిత్రం 'విశ్వ‌రూపం'. ఐదేళ్ళ క్రితం విడుద‌లైన ఈ సినిమా మంచి విజ‌యం సాధించింది. ఇప్పుడు ఈ చిత్రానికి కొన‌సాగింపుగా మ‌రో సినిమా రాబోతోంది. అదే 'విశ్వ రూపం 2'. ఆండ్రియా, పూజా కుమార్ ఇత‌ర ప్ర‌ధాన పాత్ర‌ల్లో న‌టించిన ఈ సినిమా ఈ ఏడాది ప్ర‌థ‌మార్థంలో తెర‌పైకి రానుంది. ఇదిలా ఉంటే.. ఈ సినిమా ట్రైల‌ర్‌ను త్వ‌ర‌లోనే విడుద‌ల చేయ‌నున్నారు. దీనిపై ఈ వారంలోనే క్లారిటీ వ‌చ్చే అవ‌కాశ‌ముంది.



తనను చిన్నతనం నుంచి చూశా!

Updated By ManamMon, 02/26/2018 - 05:39

అప్పట్లో తనను కరెక్ట్ చేసే బాధ్యత నాదే
నటిగా, తల్లిగా శ్రీదేవి నిబద్ధత కనబరిచారు
తన ఆకస్మిక మరణం తీరని లోటు: కమల్

kamalచెన్నై: సినీ రంగంలో అతిలోక సుందరిగా పేరొందిన శ్రీదేవి అకాల మరణం తీరని లోటని సినీ నటుడు, రాజకీయవేత్త కమల్ హాసన్ పేర్కొన్నారు. బాలనటిగా సినిమా ఇండస్ట్రీలో అడుగుపెట్టిన శ్రీదేవి అత్యున్నత స్థానాన్ని అందుకోవడం వెనక అలుపెరగని కృషి ఉందన్నారు. తన కృషికి తగ్గ స్థానాన్ని పొందారని తెలిపారు. తను కూడా బాల నటుడిగా సినీ రంగ ప్రవేశం చేసిన కారణంగా శ్రీదేవి ఎదుగుదలను దగ్గరి నుంచి చూడగలిగానని కమల్ వివరించారు. తామిద్దరం కలిసి పనిచేసిన సమయంలో శ్రీదేవి ఇంకా చిన్నపిల్లేనని.. అప్పుడప్పుడు నటనలో, డ్యాన్స్‌లో తనను కరెక్ట్ చేసే బాధ్యతను బాలచందర్ తనపైనే పెట్టేవారని గుర్తుచేసుకున్నారు. తొలినాళ్లలో నటనాపరంగా పరిణతి లేదు.. అయితే, ప్రతీరోజూ కొత్త విషయాలను నేర్చుకుంటూ తన ప్రతిభను సానబెట్టుకున్నారని కమల్ పేర్కొన్నారు. ఆమె ఒక్కో మెట్టు ఎక్కుతున్న తీరు నన్ను దిగ్భమ పరిచేదని చెప్పారు. నేనంటే తనకు, తనంటే నాకు ప్రత్యేక అభిమానం.. అయితే, తీరికలేని షెడ్యూల్ మూలంగా మా మధ్య దూరం పెరిగిందన్నారు. వృత్తిపై శ్రద్ధ, చేసే పనిపై చిత్తశుద్ధి విషయంలో మేమిద్దరమూ ఒకేలా ఉండేవాళ్లం.. అందుకే ఒకరిపై ఒకరికి అభిమానం ఉండేదని వివరిం చారు. ఈ ఏడాది జనవరిలో తనను చివరిసారిగా కలిసానని కమల్ గుర్తుచేసుకున్నారు. ఆ సమయం లో.. ఇప్పుడు కూడా సద్మా గీతం నా చెవుల్లో వినబడుతోందని చెప్పారు. అసమాన ప్రతిభావం తురాలైన, అందమైన నటి శ్రీదేవికి ఇదే కరెక్ట్ జోల పాట అని నాకన్పిస్తోందని పేర్కొన్నారు. సినీ రంగంలోనే కాదు ఓ తల్లిగా కూడా శ్రీదేవి నిబద్దతను చూపించారని కమల్ కొనియాడారు. జాన్వి, ఖుషిల పెంపకంలో ఆదర్శవంతమైన తల్లిగా నిలిచారన్నారు. కాగా, శ్రీదేవి ఆకస్మిక మరణంతో తీవ్ర విషాదంలో మునిగిన బోనీ కపూర్ కుటుంబానికి ప్రగాఢ సానుభూతి తెలియజేస్తున్నట్లు కమల్ పేర్కొన్నారు.



శ్రీ‌దేవి లాలిపాట వెంటాడుతోంది - క‌మ‌ల్‌

Updated By ManamSun, 02/25/2018 - 13:13

sreedeviక‌మల్ హాస‌న్‌, శ్రీ‌దేవి.. త‌మిళ తెర‌పై సెన్సేష‌న‌ల్ కాంబినేష‌న్‌. ఎన్నో హిట్ చిత్రాల్లో వీరి కెమిస్ట్రీ ప్ర‌ధాన ఆక‌ర్ష‌ణ‌గా నిలిచింది. త‌న‌కు హిట్ పెయిర్‌గా నిలిచిన శ్రీ‌దేవి అకాల మృతిపై క‌మ‌ల్ ఇలా స్పందించారు. ''శ్రీ‌దేవి యువ‌తిగా ఉన్న ద‌శ నుంచి అద్భుత‌మైన (ప‌రిపూర్ణ‌) మ‌హిళ‌గా మారిపోయిన ద‌శ వ‌ర‌కు ఆమె జీవితానికి నేను ఓ సాక్ష్యంలా నిలిచాను. ఆమె త‌న‌కు ద‌క్కిన స్టార్ డ‌మ్‌కు అన్ని విధాలా అర్హురాలు. త‌ను ప‌రిచ‌యం అయిన‌ప్ప‌టి నుంచి చివ‌ర‌గా మేమిద్ద‌రం ఎదురుప‌డిన సంద‌ర్భం వ‌ర‌కు ఎన్నో జ్ఞాప‌కాలు న‌న్ను ఫ్లాష్‌లా వెంటాడుతున్నాయి. ఇప్పుడైతే 'స‌ద్మా' (వ‌సంత కోకిల‌)లోని లాలి పాట వెంటాడుతోంది. మ‌న‌మంతా త‌న‌ని మిస్ అయ్యాం'' అంటూ ట్విట్ట‌ర్‌లో పేర్కొన్నారు.



రాజకీయంగా కమల్ వికసిస్తారా?

Updated By ManamSat, 02/24/2018 - 08:12

kamalఇల్లు అలకగానే పండుగ కాదు. సభ విజయవంతైవెునంత మాత్రాన రాజకీయంగా విజయం సాధిస్తారనే గ్యారంటీ ఏమీ లేదు. మదురై సభ ఓ రాజకీయ వేదికే కావచ్చు. కానీ, కమల్ హాసన్ ఓ షోమాన్‌గా ఓ వెలుగు వెలిగారు. ఆయన మొదటి షో బాగా హిట్టయింది. హాస్యం, వ్యంగ్యం మేళవించి ఏకవాక్య డైలాగులతో ఆయన చేసిన ప్రసంగం లక్షలాది మంది అభిమానులను, ప్రేక్షకులను, వీక్షకులను ఆకట్టుకుంది. నిజానికి ఆయ న ఆ సభలో మాట్లాడినవన్నీ వాస్తవాలే. తమిళనాడు రాజకీయ వేదిక మీద ఒక కొత్త నాయకుడు అవతరించాడన్న అభిప్రాయాన్ని ఆయన విజయవంతంగా కలిగించారు. ఆయన తమిళనాడు అవినీతిని క్షాళన చేస్తోరో లేదో ఇప్పుడే చెప్పలేం కానీ, ఆయన ప్రసంగించిన తీరు మాత్రం బాగుంది. ఆయనలో ఓ అసలు సిసలు నాయకుడు ఉన్నాడనిపించింది. ఆయన మీదా, ఆయన పార్టీ మక్కల్ నీతి మయ్యం మీదా దేశవ్యాప్తంగా ఆసక్తి రేగడానికి ఆయ న స్టార్ హోదాయే కారణమనడంలో సందేహం లేదు. అటు దేశ, విదేశీ పత్రికలు, ఇటు స్థానిక పత్రికలు సైతం రజనీకాంత్ కంటే కమల్ హాసనే నయం అన్న రీతిలో వార్తలు గుప్పించాయి. తమిళ సూపర్‌స్టార్ రజనీకాంత్ కూడా రాజకీయ ప్రవేశానికి సిద్ధంగా ఉన్న విషయం విదితమే. కమల్ హాసన్ గురించి ప్రస్తుతం ఆసక్తి కనబరుస్తున్నవారంతా, ప్రతి గ్రామం లోనూ కార్యకర్తలు ఉన్న పెద్ద పార్టీలు డీఎంకే, అన్నాడీఎంకేలను సైతం చిన్నవి చేసి చూపించడం విశేషం. కమల్ హాసన్ పార్టీ రావడంతో ఇక ఆ పార్టీల గురిం చి పెద్దగా చెప్పుకోవాల్సిందేమీ లేదన్నట్టు రాష్ట్రంలో పరిస్థితి మారిపోయింది. 

ఢిల్లీకి, తమిళనాడుకు ఎంతో భేదం
నిజానికి తమిళనాడు రాజకీయాల గురించి తెలిసిన వ్యక్తులందరికీ, ఇటువంటి అభిప్రాయంలో వాస్తవం లేదని ఇట్టే అర్థైవెుపోతుంది. ఢిల్లీలో అరవింద్ కేజ్రీవాల్ నేతృత్వంలోని ఆమ్ ఆద్మీ పార్టీతో ఈ పార్టీని పోల్చడం కూడా వాస్తవదూరం. ఓ రాష్ట్రమన్న పేరే గానీ ఢిల్లీ ఓ పెద్ద నగరపాలక సంస్థ. అనేక కులాలు, కులతత్వాలు, పట్టణాలు, నగరాలతో ఉన్న తమిళనాడు వంటి రాష్ట్రం ఢిల్లీకే కాక, ఇతర రాష్ట్రాలకు సైతం భిన్నైమెంది. కమల్ హాసన్, రజనీకాంత్‌లు రాజకీయంగా సాగించబోయే పోరాటాలు ప్రస్తుత రాజకీయ వ్యవస్థకు, రాజకీయ సంస్కృతికి పూర్తిగా విరుద్ధం. అయితే, కమల్ హాసన్ అరంగేట్రం బాగుందని మాత్రమే ఇక్కడ పెద్దగా చెప్పుకోవచ్చు. 
ఓ పార్టీని నిర్మించడం ఎంతో వ్యయప్రయాస లతో కూడుకున్న పని. రాజకీయాలు ఆషామాషీ వ్యవహారం కాదు. ఇక్కడ రాజకీయాల్లో బతికి బట్టకట్టాలన్నా, ఎన్నికల్లో పోటీ చేయాలన్నా ప్రసంగాలతో సరిపోదు. భారీగా నిధులు అవసరం. ఇక బూత్ స్థాయి నిర్వహణ సామర్థ్యం అత్యవసరం. కమల్ హాసన్ తన పార్టీ నిర్మాణానికి, ఎన్నికల్లో పోటీ చేయడానికి నిష్కళంకైమెన నిధులు తీసుకు వస్తానంటున్నారు. భారతదేశంలో రాజకీయ పార్టీల తీరుతెన్నులు చూసినవారికి ఇదెంత పెద్ద సవాలో తేలికగా అర్థమవుతుంది. నాలుగున్నర దశాబ్దాలుగా చలనచిత్ర జీవితంలో మునిగి తేలుతున్న కమల్ హాసన్‌కు ఇది కొత్త వ్యవహారం. రాజకీయ వ్యాపారంలో వృత్తి నిపుణులు ఎందరో ఉన్నారు. వీరితో తలపడడం సినిమాల్లో విలన్లతో తలపడడం అంత తేలిక కాదు. 

ఇంకా మొగ్గ దశలోనే....
అనేక రాజకీయ, ఆర్థిక, సామాజిక అంశాల మీ ద ఆయన ఆలోచనలన్నీ ఇంకా పూర్తిగా రూపుదిద్దుకోలేదు. వాస్తవ పరిస్థితులకు అనుగుణంగా అవి ఓ స్థిరైమెన భావాలుగా మారాలంటే కొంతకాలం పడుతుంది. అంతేకాదు, అనేక అంశాల మీద ఆయన ధోరణి ఇంకా చలనచిత్ర నిర్మాణానికి దగ్గరగానే ఉం ది. ఏ దర్శకుడో పక్కనే ఉండి యాక్షన్, కట్ వంటి మాటలతో ఆయనను నియంత్రించాల్సి ఉందేమోనని కూడా అనిపించింది. వాస్తవ జీవితానికి, సినిమా జీవితానికిహస్తిమశకాంతరం తేడా ఉందనే సంగతి ఆ యన గ్రహించుకోవడానికి మరి కొంతకాలం పడుతుంది. 

కమల్ రాజకీయాలలో నిలదొక్కుకోవడానికి దోహదపడే సానుకూల అంశాలేమిటి అన్నది ఆలోచించాలి.  తమిళనాడులో ప్రస్తుతం చక్రం తిప్పుతు న్న కీలక రాజకీయ నాయకులంతా  ప్రజల నమ్మకానికి దూరం అవుతున్న సమయంలో కమల్ హాసన్ రాజకీయ అరంగేట్రమ్ చేశారు. తాను ప్రజలకు సరైన నాయకుడినని, వారి ఆకాంక్షలను తీర్చే విషయంలో తనపై పూర్తి నమ్మకం పెట్టుకోవచ్చని ఆయన ము న్ముందు నిరూపించుకోవాల్సి ఉంటుంది. ఆయన, రజనీకాంత్ తమ రాజకీయ ప్రవేశంతో వివిధ పార్టీల అధ్యక్షులు, అధినేతలలో పోటీ దిగుతున్నారన్న విషయాన్ని గమనించాలి. కమల్ హాసన్ కన్నా ముందే ఎం.కె. స్టాలిన్, టి.టి.వి. దినకరన్, అంబుమణి రామదాస్ వంటి నాయకులు ఇక్కడి రాజకీయాలలో పాతుకుపోయి ఉన్నారు. వారిని కాదని ప్రజలు కమల్ హాసన్‌ను ఆదరించాలన్నా, వారితో కమల్ ఢీకొనాలన్నా అంత తేలిైకెన విషయం కాదు. కేవలం సినిమా హీరో అనుభవంతో వీరిని నెగ్గుకు రావడం కష్టం. ప్రజల భావోద్వేగాలు కొంత కాలైమెన తర్వాత చల్లబడే అవకాశం ఉంది. ఈలోగా కమల్ తనను తాను నిరూపించుకోవాలి. 

తమిళ భాషాభిమానం గురించి కమల్ హాసన్ తన ప్రసంగంలో ఎక్కువ సేపు మాట్లాడారు. దేశమంతా ఒకే భాష ఉండాలని కేంద్ర ప్రభుత్వం ప్రయత్నాలు చేస్తున్న సమయంలో ఆయన తమిళ ప్రాధాన్యం గురించి మరీమరీ నొక్కి చెప్పడం ఆలోచించాల్సిన విషయం. దేశంలో బహుళ భాషలుండడం సహజైమెన విషయమనీ, రాష్ట్రంలో తమిళాన్ని కాపాడుకోవడానికి చేయగలిగిందంతా చేయాలని ఆయన చెప్ప డం ఓ పెద్ద సవాలుగానే పరిగణించాలి. భాష విషయంలో తమిళ ప్రజల ఆకాంక్షలు నెరవేరుస్తానని ఆయన చెబితే చెప్పి ఉండవచ్చు. కానీ, ఈ భాషను కాపాడడానికి ప్రస్తుత పరిస్థితుల్లో ఎంత చేసినా సరిపోదు. 

దక్షిణాదితో మవేుకం
ఆయన తన పార్టీ లోగోలో దక్షిణ భారతావనికి అత్యంత ప్రాధాన్యం ఇచ్చారు. తన రాజకీయాలు, తన ఆకాంక్షలు కేవలం తమిళనాడుకే పరిమితం కాదని, ఇవి తమిళనాడు ఎల్లలు దాటుతున్నాయని ఆయన చెప్పకనే చెప్పారు. ద్రవిడ దృక్పథం, ద్రవిడ ఆలోచనా ధోరణి అనేవి దక్షిణాది రాష్ట్రాలకన్నిటికీ ఒకే విధంగా ఉంటాయనేది ఆయన అభిప్రాయం కావ చ్చు. విధానాల విషయంలోనూ, నిధుల పంపిణీ, హిందీ అమలు తదితర రాజకీయ నిర్ణయాలలోనూ కేంద్రం దక్షిణ భారతదేశాన్ని వేరుగా చూస్తోందన్న అభిప్రాయం కూడా ఆయన ప్రసంగంలో వ్యక్తైమెంది. బహుశా అందుకనేనేమో, ఆయన ఆంధ్రప్రదేశ్ ముఖ్యమంత్రి ఎన్.చంద్రబాబు నాయుడు, తెలంగాణ ఐటీ శాఖ మంత్రి కె.తారక రామారావు, కేరళ ముఖ్యమంత్రి పినరాయి విజయన్, కర్ణాటకకు చెందిన నటుడు ప్రకాశ్‌రాజ్ వంటి వారితో మాటామంతీ జరిపారు. ఆయన రాజకీయ ప్రవేశంపై ఈ నాయకులంతా ఆయనను ప్రత్యేకంగా అభినందిం చారు. అంటే, దక్షిణాదిలో క్రమంగా ఓ ఒత్తిడి వర్గం రూపుదిద్దుకుంటోందని అర్థం చేసుకోవాలి. 

ఆయన ఆలోచనలన్నీ గందరగోళంగా ఉంటాయని ఆయన విమర్శకులు చెబుతుంటారు. అయితే, ఆయన అస్తవ్యస్త భావాల వెనుక ఓ ఆదర్శం కూడా ఉందని గమనించాలి. ఆయన వాస్తవవాది కాదని కూడా కొంతమంది విమర్శకులు వాదిస్తుంటారు. ఆరువేల రూపాయల చొప్పున తీసుకుని ఓటు వేయడమన్నది దీర్ఘకాలంలో ప్రజాస్వామ్యానికి శ్రేయస్కరం కాదని, మద్యానికి, ఉచిత కానుకలకు లొంగిపోవద్దని ఆయన చెప్పడం అందుకు కారణం. నిజానికి ఇటువంటి మాటలు ఎన్నికల ముందు ప్రతి రాజకీయ నాయకుడి నోటి నుంచి వచ్చేవే. అయితే, ఆయన ప్రజలకు ఇటువంటి మంచి సలహా ఇవ్వడం తప్పేమీ అనిపించుకోదు. రాజకీయ అవినీతిని ఆయన సీరియస్ అంశంగా పరిగణిస్తున్న విషయం ఇది చెప్పకనే చెబుతోంది. 

కమల్ హాసన్ ప్రసంగాన్ని లక్షలాది మంది విన్నారంటే అందుకు ఆయన నటుడు కావడం ఒక్క టే కారణం కాదు. కొద్ది కాలంగా తమిళనాడు రాజకీయాలు బురదమయం అయిపోయాయి. వీటి నుంచి ఓ సరైన నాయకుడు అవతరించకపోతాడా అని ప్రజలు వెయ్యి కళ్లతో ఎదురు చూస్తున్నారు. అందులోనూ జయలలిత మరణానంతరం అన్నాడీఎంకే వ్యవహారాలు మరీ అధ్వానంగా మారిపోయాయని జనం భావిస్తున్నారు. మిగిలిన పార్టీల నాయకుల పట్ల జనంలో అభిమానం అడుగంటుతోంది. ఉత్తర భారతదేశం నుంచి వచ్చే పార్టీలను తమిళ ప్రజలు ఏ నాడో తిరస్కరించారు. తమిళనాట, తమిళ అభిమా నం కలిగి ఉండి, సరైన నాయకత్వాన్ని అందించగలిగిన అవినీతి రహిత నాయకుడైతే నెత్తి మీద పెట్టుకుందామని జనం ఆశిస్తున్నారు. ఇటువంటి సమయంలో రజనీకాంత్ ముందు వచ్చినా ఆయనను ఇదే విధంగా జనం ఆదరించేవారు. ముందుగా కమల్ హాసన్ రంగ ప్రవేశం చేయడంతో జనం దృష్టి ఆయన మీద కేంద్రీకృతైమెంది. 

ఇల్లు అలకగానే పండుగ కాదు. కమల్ హాసన్ మదురై సభ విజయవంతైవెునంత మాత్రాన ఆయన రాజకీయంగా విజయం సాధిస్తారనే గ్యారంటీ ఏమీ లేదు. సినిమా నటులను విపరీతంగా అభిమానించే తమిళనాడులో ఓ 20 వేల మంది ప్రేక్షకులను కూడగట్టడం పెద్ద కష్టమేమీ కాదు. తిరుపతిలో నటుడు చిరంజీవి బహిరంగ సభ ఏర్పాటు చేసి ప్రజారాజ్యం పార్టీని ప్రకటించినప్పుడు లక్షలాది మంది హాజరయ్యారు. కమల్ హాసన్ పార్టీ పేరు కూడా ప్రజా అనే మాటతోనే ప్రారంభం కావడం కాకతాళీయమే. అయి తే, చివరికి ప్రజారాజ్యం పార్టీ నిలవలేకపోయింది. చిరంజీవి కూడా కాంగ్రెస్‌లో చేరిపోవడం గుర్తుండే ఉంటుంది. కమల్ హాసన్ ఏం చేయబోతున్నారన్నది కాలమే చెప్పాలి. తమిళనాడులో సినిమా రంగం నుంచి వచ్చినవారిలో ఎం.జి. రామచంద్రన్, జయలలిత, కరుణానిధి తమిళనాడు రాజకీయాలను అనేక దశాబ్దాలపాటు శాసించారు. కమల్ హాసన్ కూడా వారిలా రాజకీయాలను చక్కని మలుపు తిప్పాలని ఆయన అభిమానులు కోరుకుంటున్నారు.

politicallyజి. రాజశుక 

సచేతన





Related News