tamilnadu

తమిళనాట మరోసారి ఐసిస్ కలకలం

Updated By ManamTue, 10/02/2018 - 13:01

Prisonచెన్నై: తమ సభ్యుడు అన్సర్‌ మీరన్‌ను విడుపించుకునేందుకు కడలూరు సెంట్రల్ జైలుపై ఐసిస్ తీవ్రవాదులు కుట్ర పన్నారని కేంద్ర దర్యాప్తు సంస్థ (ఎన్‌ఐఏ) హెచ్చరించింది. దీంతో అప్రమత్తమైన పోలీసులు జైలు ప్రాంగణంలో భద్రత పెంచారు. అన్సర్‌ను విడిపించుకునేందుకు కొందరు ఐసిస్‌ తీవ్రవాదులు కడలూరుకు రానున్నారని, అతడు ఉండే గదిని కూల్చేందుకు కూడా వారు ప్రాణాళికలు వేసుకున్నారని దర్యాప్తు సంస్థ పేర్కొంది. 
దీంతో కడలూరు జైలుకు వెళ్లిన తిరుచ్చి రీజియన్‌ డీఐజీ షణ్ముగసుందరం.. భద్రతా విధులకు ప్రత్యేక బృందాన్ని అక్కడ నియమించారు. జైలు ప్రాంగణంలో అనుమానాస్పదంగా ఉన్న ప్రదేశాలను జల్లెడ పట్టారు. ఖైదీలకు కేటాయించిన గదులు, పాలనా విభాగాలు, అధికారుల గదులు తదితర ప్రాంతాలను క్షుణ్నంగా తనిఖీ చేశారు. అయితే కన్యాకుమారి జిల్లా తిరువిదన్‌కాడ్‌కు చెందిన అన్సర్‌ మీరన్‌ ఐసిస్‌ కార్యకలాపాల్లో పాలుపంచుకుంటున్నట్లు తెలియడంతో ఇటీవల ఎన్‌ఐఏ అతడిని అరెస్టు చేసిన విషయం తెలిసిందే. ప్రస్తుతం అతడు కడలూరు జైలులో ఉన్నాడు.



అమ్మ వీడియోలు మా వద్ద లేవు

Updated By ManamThu, 09/20/2018 - 09:00

Jayalalithaaచెన్నై: తమిళనాడు దివంగత మాజీ ముఖ్యమంత్రి జయలలితకు తమ ఆసుపత్రిలో చికిత్స చేసినప్పుడు చిత్రీకరించిన వీడియోలు ప్రస్తుతం తమ వద్దని లేవని అపోలో ఆసుపత్రి యాజమాన్యం స్పష్టం చేసింది. అమ్మ మరణంపై తమిళనాడు ప్రభుత్వం ఆర్ముగస్వామి చైర్మన్‌గా విచారణ కమిషన్ ఏర్పాటు చేసిన విషయం తెలిసిందే. విచరాణలో భాగంగా వీడియోలు ఇవ్వాలంటూ అపోలో ఆసుపత్రిని కమిషన్ కోరింది.

దీనిపై ఈ నెల 11న ఆసుపత్రి యాజమాన్యం రాసిని లేఖ తాజాగా బయటపడింది. సీసీటీవీల్లో రికార్డయిన వీడియోలు నెలరోజులకు మించి తమ వద్ద ఉండవని, నెల తరువాత అవి చెరిగిపోతాయని, జయ చికిత్స వీడియోలు కూడా ఇలానే చెరిగిపోయాయని లేఖలో ఆసుపత్రి యాజమాన్యం పేర్కొంది. దీంతో ఆసుపత్రిలోని సర్వర్లను పరిశీలించి నిపుణుల బృందం సాయంతో చెరిగిపోయిన దృశ్యాలను మళ్లీ రాబట్టాలని కమిషన్ నిర్ణయించింది.



పెళ్లి గిఫ్ట్‌గా పెట్రోల్

Updated By ManamMon, 09/17/2018 - 12:33

Friends present petrol as wedding giftచెన్నై: రోజురోజుకు పెట్రోల్ ధరలు పెరిగిపోతున్నాయి. దీంతో సామాన్యులు చాలా ఇబ్బందులు పడుతున్నారు. ఈ ఇబ్బందులు కొత్త దంపతులకు రాకూడదనుకున్నారో ఏమో తెలీదు కానీ.. పెళ్లి కొడుకు స్నేహితులు వినూత్నంగా ఆలోచించారు. తమ స్నేహితుడి పెళ్లికి గిఫ్ట్‌గా ఐదు లీటర్ల పెట్రోల్ క్యాన్‌ను బహుమతిగా ఇచ్చారు. దీంతో అక్కడున్న వారందరూ సంభ్రమాశ్చర్యాలకు లోనయ్యారు. ఈ ఘనట తమిళనాడులో జరిగింది.

తమిళనాడులోని చిదంబరంలో ఆదివారం ఓ జంటకి పెళ్లి అవ్వగా.. పెళ్లి కొడుకు స్నేహితులు 5లీటర్ల పెట్రోల్‌ను బహుకరించారు. ఈ బహుమానంపై పెళ్లికూతురు, పెళ్లికొడుకు కూడా ఆనందం వ్యక్తం చేశారు. అయితే పెట్రోల్ ధరలను అదుపు చేయడంలో కేంద్ర ప్రభుత్వ వైఫల్యంపై సర్వాత్రా విమర్శలు వస్తున్న విషయం తెలిసిందే.



బాణాసంచా పేలి ముగ్గురు సజీవ దహనం

Updated By ManamWed, 09/12/2018 - 13:11
Three killed in cracker blast in tamilnadu

చెన్నై : తమిళనాడు చెన్నైలో విషాద ఘటన చోటుచేసుకుంది. బాణాసంచా పేలి ముగ్గురు సజీవ దహనం అయిన దుర్ఘటన నగరంలో  శాస్త్రినగర్లో బుధవారం ఉదయం జరిగింది. టపాసులను కొనుగోలుచేసిన ఓ వ్యక్తి వాటిని వాహనంలోకి లోడ్ చేయిస్తుండగా, ఒక్కసారిగా పేలుడు సంభవించింది.

ఈ ఘటనలో ముగ్గురు అక్కడికక్కడే సజీవ దహనం అయ్యారు. పలువురు తీవ్రంగా గాయపడ్డారు.  మరోవైపు  పేలుడు ధాటికి సమీపంలోని అయిదు ఇళ్లతో పాటు, ఓ అపార్ట్‌మెంట్ పూర్తిగా ధ్వంసం అయ్యాయి. పోలీసులు కేసు నమోదు చేసి దర్యాప్తు చేపట్టారు. క్షతగాత్రులను చికిత్స నిమిత్తం ఆస్పత్రికి తరలించారు. 



చేయి చేసుకున్నారు, ఫోన్ లాక్కున్నారు..

Updated By ManamSat, 09/08/2018 - 16:09
  • తమిళనాడులో యోగేంద్ర యాదవ్‌ నిర్బంధం

Manhandled, Phone Snatched, Says Yogendra Yadav, Detained In Tamil Nadu

చెన్నై : సమాజ్ ఇండియా పార్టీ చీఫ్, ప్రొఫెసర్ యోగేంద్ర యాదవ్‌కు తమిళనాడులో చేదు అనుభవం ఎదురైంది. తిరువణ్నామలై విమానాశ్రయంలో యోగేంద్ర యాదవ్‌తో పాటు ఆయన అనుచరులను పోలీసులు అదుపులోకి తీసుకున్నారు. భూములు కోల్పోయిన రైతులు నిరసనకు మద్దతుగా వెళుతున్న ఆయనను పోలీసులు మధ్యలోని నిలిపివేశారు.

ఈ నేపథ్యంలో ఎనిమిది లైన్ల జాతీయ రహదారి నిర్మాణం కోసం భూములు కోల్పోయిన రైతులకు మద్దతుగా మాట్లాడుతున్న.. తనపట్ల పోలీసులు దురుసుగా వ్యవహరించినట్లు యోగేంద్ర యాదవ్ తెలిపారు. తమ సెల్‌ఫోన్లు లాక్కోవడమే కాకుండా బలవంతంగా పోలీస్ వాహనంలోకి తోసేశారని, అదేమని ప్రశ్నించినందుకు చేయి చేసుకున్నారని ఆయన ఆరోపించారు.

ఆ తర్వాత తమను చెంగమ్ పోలీస్ స్టేషన్‌లో నిర్బంధించినట్లు తెలిపారు. ఈ మేరకు యోగేంద్ర యాదవ్ ట్వీట్ చేశారు. అయితే యోగేంద్ర యాదవ్ ఆరోపణలను పోలీసులు ఖండించారు.  రైతులను కలిసేందుకు అనుమతి లేనందునే యోగేంద్ర యాదవ్‌ను ముందస్తుగా అదుపులోకి తీసుకున్నట్లు పోలీసులు తెలిపారు. పరిస్థితి ఉద్రిక్తంగా మారకూడదనే వారిని అక్కడ నుంచి తరలించినట్లు చెప్పారు. 

కాగా ఆమ్ ఆద్మీ పార్టీ నుంచి బయటకు వచ్చిన తర్వాత యోగేంద్ర యాదవ్ సమాజ్ ఇండియా పార్టీని స్థాపించారు. అలాగే  గత ఏడాది నుంచి జై కిసాన్ ఉద్యమం ప్రారంభించి అప్పటి నుంచి రైతుల హక్కుల కోసం పోరాడుతున్నారు.



సీబీఐ వలలో మంత్రి..డీజీపీ!

Updated By ManamThu, 09/06/2018 - 00:31
  • తమిళనాట గుట్కా స్కాం కలకలం.. మంత్రి, డీజీపీ ఇళ్లలో సీబీఐ సోదాలు

  • మరికొందరు సీనియర్ పోలీసులపైనా.. ఏక కాలంలో 40 ప్రదేశాలలో దాడులు

  • గుట్కా తయారీదారుల నుంచి లంచాలు.. వారి వద్ద డైరీలో మంత్రి.. డీజీపీల పేర్లు

tamilnaduచెన్నై: తమిళనాడులో ఒక్కసారిగా కలకలం రేగింది. ఆ రాష్ట్ర ఆరోగ్యశాఖ మంత్రి సి. విజయభాస్కర్, రాష్ట్ర డీజీపీ టీకే రాజేం ద్రన్‌ల ఇళ్లపై సీబీఐ దాడులు చేసింది. వందల కోట్ల విలువైన గుట్కా స్కాంకు సంబంధించి బుధవారం తెల్లవారుజాము నుంచి ఈ దాడులు మొదలయ్యాయి. ఉదయం 7 గంటలకు ఏక కాలంలో 40 ప్రదేశాలలో సీబీఐ అధికారులు మోహరించారు. వీళ్లిద్దరితో పాటు మాజీ డీజీపీ ఎస్. జార్జి సహా మరికొందరు సీనియర్ పోలీసు అధికారుల ఇళ్లలోనూ సోదాలు చేశారు. రాష్ట్రవ్యాప్తంగా దాడులు జరిగాయని మాత్రమే సీబీఐ అధికారులు తెలిపారు తప్ప మిగిలిన వివరాలు వెల్లడించలేదు. తమిళనాడులోని కొన్ని పాన్ మసాలా, గుట్కా తయారీ కేంద్రాలు, వాటి తయారీదారుల ఇళ్లపై ఆదాయపన్ను శాఖ అధికారులు 2017 జూలై 8న దాడులు చేశారు. అప్పుడే గుట్కా స్కాం వెలుగులోకి వచ్చింది. దాదాపు రూ. 250 కోట్ల మేర పన్నులు ఎగవేసి నట్లు తెలిసింది. దాడుల సమయంలో అక్కడ ఒక డైరీ దొరికింది. అందులో రాష్ట్ర ఆరోగ్యశాఖ మంత్రి సి. విజయ భాస్కర్, రాష్ట్ర డీజీపీ టీకే రాజేంద్రన్‌ల పేర్లున్నా యి. గుట్కా తయారీదా రుల నుంచి మంత్రి, డీజీపీ తీసుకున్న లంచాల బాగోతాలన్నీ బయట పడ్డాయి. కేన్సర్ కారకాలైన గుట్కా, పాన్‌మసా లాల తయారీ, విక్రయాలను 2013లోనే తమిళ నాడులో నిషేధించారు. అయినా అవి యథేచ్ఛగా మార్కెట్లలోకి వస్తూనే ఉన్నాయి. అన్నాడీఎంకే నాయకులు నిందితులతో చేతులు కలిపారన్న ఆరోపణలు ఎప్పటినుంచో వినిపిస్తున్నాయి. డీఎంకే ఎమ్మెల్యే అంబళగన్ ఈ స్కాంపై సీబీఐ విచారణకు ఆదేశించాలని కోర్టును ఆశ్రయించ డంతో, ఈ మేరకు మద్రాస్ హైకోర్టు ఈ సంవత్సరం ఏప్రిల్ నెలలో ఆదేశించింది. తమిళనాడు ప్రభుత్వాధికారులు, సెంట్రల్ ఎక్సైజ్ శాఖ, ఆరోగ్యభద్రత శాఖలపై మే నెలలో సీబీఐ అధికారులు ఎఫ్‌ఐఆర్ దాఖలుచేశారు. ఇప్పుడు ఏకంగా మంత్రి, డీజీపీల ఇళ్లలోనే సోదాలు చేయడంతో ఇది ఇంకెంత దూరం వెళ్తుందోనని చూస్తున్నారు.



సీబీఐ వలలో మంత్రి.. డీజీపీ!

Updated By ManamWed, 09/05/2018 - 12:03
  • తమిళనాట గుట్కా స్కాం కలకలం

  • మంత్రి, డీజీపీ ఇళ్లలో సీబీఐ సోదాలు

  • మరికొందరు సీనియర్ పోలీసులపైనా..

  • ఏక కాలంలో 40 ప్రదేశాలలో దాడులు

  • గుట్కా తయారీదారుల నుంచి లంచాలు

  • వారి వద్ద డైరీలో మంత్రి.. డీజీపీల పేర్లు

Gutka Scam: CBI Raids Tamil Nadu Health Minister C Vijaya Baskar

చెన్నై : తమిళనాడులో ఒక్కసారిగా కలకలం రేగింది. ఆ రాష్ట్ర ఆరోగ్యశాఖ మంత్రి సి. విజయభాస్కర్, రాష్ట్ర డీజీపీ టీకే రాజేంద్రన్‌ల ఇళ్లపై సీబీఐ దాడులు చేసింది. వందల కోట్ల విలువైన గుట్కా స్కాంకు సంబంధించి బుధవారం తెల్లవారుజాము నుంచి ఈ దాడులు మొదలయ్యాయి. ఉదయం 7 గంటలకు ఏక కాలంలో 40 ప్రదేశాలలో సీబీఐ అధికారులు మోహరించారు. వీళ్లిద్దరితో పాటు మాజీ డీజీపీ ఎస్. జార్జి సహా మరికొందరు సీనియర్ పోలీసు అధికారుల ఇళ్లలోనూ సోదాలు చేశారు. రాష్ట్రవ్యాప్తంగా దాడులు జరిగాయని మాత్రమే సీబీఐ అధికారులు తెలిపారు తప్ప మిగిలిన వివరాలు వెల్లడించలేదు. 

ఏమిటీ గుట్కా స్కాం?
తమిళనాడులోని కొన్ని పాన్ మసాలా, గుట్కా తయారీ కేంద్రాలు, వాటి తయారీదారుల ఇళ్లపై ఆదాయపన్ను శాఖ అధికారులు 2017 జూలై 8న దాడులు చేశారు. అప్పుడే గుట్కా స్కాం వెలుగులోకి వచ్చింది. దాదాపు రూ. 250 కోట్ల మేర పన్నులు ఎగవేసినట్లు తెలిసింది. దాడుల సమయంలో అక్కడ ఒక డైరీ దొరికింది. అందులో రాష్ట్ర ఆరోగ్యశాఖ మంత్రి సి. విజయభాస్కర్, రాష్ట్ర డీజీపీ టీకే రాజేంద్రన్‌ల పేర్లున్నాయి. గుట్కా తయారీదారుల నుంచి మంత్రి, డీజీపీ తీసుకున్న లంచాల బాగోతాలన్నీ బయటపడ్డాయి. కేన్సర్ కారకాలైన గుట్కా, పాన్‌మసాలాల తయారీ, విక్రయాలను 2013లోనే తమిళనాడులో నిషేధించారు. అయినా అవి యథేచ్ఛగా మార్కెట్లలోకి వస్తూనే ఉన్నాయి.

అన్నాడీఎంకే నాయకులు నిందితులతో చేతులు కలిపారన్న ఆరోపణలు ఎప్పటినుంచో వినిపిస్తున్నాయి. డీఎంకే ఎమ్మెల్యే అంబళగన్ ఈ స్కాంపై సీబీఐ విచారణకు ఆదేశించాలని కోర్టును ఆశ్రయించడంతో, ఈ మేరకు మద్రాస్ హైకోర్టు ఈ సంవత్సరం ఏప్రిల్ నెలలో ఆదేశించింది. తమిళనాడు ప్రభుత్వాధికారులు, సెంట్రల్ ఎక్సైజ్ శాఖ, ఆరోగ్యభద్రత శాఖలపై మే నెలలో సీబీఐ అధికారులు ఎఫ్‌ఐఆర్ దాఖలుచేశారు. ఇప్పుడు ఏకంగా మంత్రి, డీజీపీల ఇళ్లలోనే సోదాలు చేయడంతో ఇది ఇంకెంత దూరం వెళ్తుందోనని చూస్తున్నారు. 

కొన్ని నెలల క్రితమే తమిళనాడు మంత్రుల ఇళ్లలో ఐటీ దాడులతో మొదలైన ఈ కేసు చివరికి గుట్కా మాఫియా దగ్గర ఆగింది. ఎమ్‌డీఎమ్ పేరుతో గుట్కా అమ్ముతున్నారని వాదించిన పిటిషనర్ తరపు న్యాయవాది కేసుకు సంబంధించిన పలు సాక్ష్యాలను కోర్టుకు సమర్పించారు. తమిళనాడు ఆరోగ్యమంత్రికి నెలకు 14లక్షల రూపాయలు చొప్పున మూడు నెలల పాటు ముడుపులు ఇచ్చారని, ఓ సెంట్రల్ ఎక్సైస్ విభాగం అధికారికి నెలకు రూ.2లక్షల వరకు చెల్లించారని పిటిషనర్ తరపు న్యాయవాది తెలిపారు.

దీంతో పాటు రెడ్ హిల్స్ ప్రాంతానికి చెందిన ఓ ఏసీపీకి నెలకు 10లక్షల మామూళ్లు ఇచ్చేవారని సాక్ష్యాల్లో పేర్కొన్నారు. 250 కోట్ల విలువైన ఈ స్కాంపై సీబీఐ సమగ్ర విచారణ జరిపించాలని మద్రాసు హైకోర్టు ఆదేశించడంతో అధికారులు ఆపరేషన్ మొదలైంది.



రూ.కోటి విలువైన రద్దైన నోట్లు సీజ్..

Updated By ManamMon, 09/03/2018 - 14:02
Police arrested four men with demonetised notes with the face value of Rs 1 crore

చెన్నై : పెద్ద నోట్లు రద్దు చేసి ఏడాదిన్నర పూర్తి కావస్తున్నా... ఇంకా ఆ నోట్లు పెద్ద ఎత్తున వెలుగులోకి వస్తున్నాయి. తాజాగా తమిళనాడు మధురైలో రూ.కోటి విలువైన పెద్ద నోట్లను నిన్న పోలీసులు సీజ్ చేశారు. ఇందుకు సంబంధించిన నలుగురిని అదుపులోకి తీసుకున్నారు. కాగా ఓ కారులో ఈ నగదును తరలిస్తుండగా... వాహనాల తనిఖీల్లో భాగంగా ఈ నోట్లు బయటపడ్డాయి. పోలీసులు కేసు నమోదు చేసి, దర్యాప్తు చేపట్టారు.



మా రాష్ట్రంలో వరదలకు తమిళనాడే కారణం: కేరళ

Updated By ManamFri, 08/24/2018 - 08:59

Keralaతిరువనంతపురం: గత కొద్ది రోజులుగా ప్రకృతి చేసిన విలయతాండవం నుంచి ఇప్పుడిప్పుడే కోలుకుంటోంది కేరళ. మానవతప్పిదం వలనే కేరళలో ఇలా వరదలు వచ్చాయని పలువురు భావిస్తుండగా.. తమ రాష్ట్రంలో వరదలకు పక్కనున్న తమిళనాడే కారణమని కేరళ ఆరోపిస్తూ కోర్టుకెక్కింది. తమ రాష్ట్రంలో ఉన్న ముళ్ల పెరియార్ ప్రాజెక్టు నుంచి నీటిని విడుదల చేయడంతో ఆ నీరంతా ఇడుక్కి డ్యామ్‌లో చేరిందని కేరళ పేర్కొంది. ఈ నెల 15న ఇడుక్కి డ్యామ్ గేట్లు ఎత్తివేయడంతో తమ రాష్ట్రాన్ని వరద ముంచెత్తిందని కేరళ ఆరోపించింది. ఈ మేరకు సుప్రీంకోర్టులో దాఖలు చేసిన అఫిడవిట్‌లో పేర్కొంది.

అయితే తమిళనాడు ప్రజలకు నీటిని అందించాలన్న లక్ష్యంతో 150ఏళ్ల క్రితం ముళ్ల పెరియార్ ప్రాజెక్టును కేరళలో నిర్మించారు. ఈ ప్రాజెక్టు నిర్వహణ బాధ్యతను తమిళనాడే చూసుకుంటోంది. అయితే ప్రాజెక్ట్ కట్టి చాలా సంవత్సరాలు అవుతుండటంతో దానిని కూల్చివేసి కొత్తది నిర్మించాలని కేరళ ఎప్పటినుంచో డిమాండ్ చేస్తూ వస్తోంది. దీంతో పాటు డ్యామ్‌లో నీటి నిల్వ సామర్థ్యాన్ని 142 నుంచి 139 అడుగులకు తగ్గించాలని కోరింది. అయితే కేరళ విజ్ఞప్తిని తమిళనాడు పట్టించుకోలేదు. ఇప్పుడీ ప్రాజెక్టు నుంచి నీటిని విడుదల చేయడం వల్లే ఈ వరదలు ముంచెత్తాయని కేరళ ఆరోపిస్తోంది.



జయలలితకు చికిత్స చేసిన వైద్యులకు సమన్లు

Updated By ManamSat, 08/18/2018 - 14:37

Jayalalithaaచెన్నై: తమిళనాడు దివంగత ముఖ్యమంత్రి జయలలితకు చివరి రోజుల్లో చికిత్స అందించిన ముగ్గురు వైద్యులకు జస్టిస్ అరుముగస్వామి కమిషన్ సమన్లు జారీ చేసింది. ఈ ముగ్గురు ఆగష్టు 23, 24 తేదీల్లో కమిషన్ ఎదుట హాజరవ్వాలని సమన్లలో తెలిపారు. అందులో పల్మొనాలజీ విభాగానికి చెందిన బీసీ ఖిలానీ, అనస్తియాలజీ ప్రొఫెసర్ అంజన్ త్రిఖా, కార్డియాలజీకి చెందిన ప్రొఫెసర్ నితీశ్ నాయక్‌లు ఉన్నారు.

అయితే అనారోగ్యంతో 2016 సెప్టెంబర్ 22న ఆసుపత్రిలో చేరిన జయలలిత చికిత్స తీసుకుంటూ డిసెంబర్ 5న కన్నుమూశారు. అయితే ఆమె మృతిపై పలు అనుమానాలు వ్యక్తమయ్యాయి. చికిత్స సమయంలో అమ్మను చూసేందుకు ఎవ్వరినీ అనుమతించకపోవడంతో భిన్నాభిప్రాయాలు వినిపించాయి. దీంతో తమిళనాడు ప్రభుత్వం అమ్మ మృతిపై విచారణ జరిపేందుకు కమిషన్‌ను ఏర్పాటు చేసిన విషయం తెలిసిందే.





Related News