suriya

ప్రధానిగా మోహన్‌లాల్.. లుక్ వైరల్

Updated By ManamSat, 10/06/2018 - 10:23

Mohanlalసూర్య హీరోగా కేవీ ఆనంద్ ఓ సినిమాను తెరకెక్కిస్తున్న విషయం తెలిసిందే. ఇందులో మలయాళ సూపర్‌స్టార్ మోహన్లాల్ విలన్‌గా కనిపించనున్నాడు. కాగా ఈ చిత్రంలో మోహన్లాల్‌కు సంబంధించిన ఓ లుక్ లీక్ అయ్యింది. ఆ లుక్‌లో చంద్రకాంత్ వర్మ అనే ప్రధాన మంత్రి పాత్రలో మోహన్‌లాల్ కనిపించనున్నాడు. కాగా ఈ చిత్రంలో సూర్య సరసన సాయేషా సైగల్ నటిస్తుండగా.. ఆర్య మరో కీలక పాత్రలో కనిపించనున్నాడు. లైకా ప్రొడక్షన్స్ నిర్మిస్తున్న ఈ చిత్రానికి హారీశ్ జైరాజ్ సంగీతం అందిస్తున్నాడు. వేసవి కానుకగా వచ్చే ఏడాది ఏప్రిల్ 14వ తేదిన విడుదల కానుంది. వీఐ ఆనంద్, సూర్య కాంబినేషన్లో ఇది వరకు వచ్చిన అయన్(వీడొక్కడే), మాట్రాన్(బ్రదర్స్)మంచి విజయాన్ని సాధించడంతో ఈ మూవీపై చాలా అంచనాలు ఉన్నాయి.



జగన్ పాత్ర లేనట్లేనా..?

Updated By ManamFri, 10/05/2018 - 11:45

Yatraదివంగత మాజీ ముఖ్యమంత్రి వైఎస్ రాజశేఖర్ రెడ్డి జీవితకథ ఆధారంగా తెరకెక్కుతున్న చిత్రం ‘యాత్ర’. మలయాళ మెగాస్టార్ మమ్ముట్టి ఈ చిత్రంలో రాజశేఖర్ పాత్రలో నటిస్తుండగా.. మహి వి రాఘవ్ దర్శకత్వం వహిస్తున్నాడు. విజయ్ చిల్లా, శశి దేవిరెడ్డి సంయుక్తంగా నిర్మిస్తున్నారు. ప్రస్తుతం షూటింగ్ జరుపుకుంటున్న ఈ చిత్రం డిసెంబర్ 21న ప్రేక్షకుల ముందుకు రానుంది. కాగా ఈ చిత్రంలో రాజశేఖర్ రెడ్డి తనయుడు, వైఎస్సార్‌సీపీ అధినేత జగన్ పాత్రలో సూర్య, కార్తి, విజయ్ దేవరకొండ పేర్లు వినిపించాయి.

అయితే తాజా సమాచారం ప్రకారం ఈ సినిమాలో జగన్ పాత్ర ఉండదని తెలుస్తోంది. సినిమాలో రాజశేఖర్ రెడ్డి పాదయాత్ర మొదలు ఆయన ముఖ్యమంత్రిగా గద్దెనెక్కడం వరకు మాత్రమే కథ కొనసాగనుందట. ఒకవేళ జగన్ పాత్ర ఉంటే ఆ పాత్రకి కూడా ప్రాధాన్యత ఇవ్వవలసి ఉంటుందని, దాంతో రాజశేఖర్ రెడ్డి పాత్రపై ఫోకస్ తగ్గుతుందని దర్శకనిర్మాతలు భావిస్తున్నట్లు తెలుస్తోంది. ఈ నేపథ్యంలో జగన్ పాత్ర ఉండదని టాక్. మరి ఇందులో నిజమెంతో తెలియాలంటే కొద్ది రోజులు ఆగాల్సిందే.



టాప్ హీరోకు విలన్‌గా మోహన్ బాబు..?

Updated By ManamWed, 08/29/2018 - 13:26

Mohan Babuవిలక్షణ నటుడు మోహన్ బాబు విలనిజం గురించి ప్రత్యేకంగా చెప్పాల్సిన అవసరం లేదు. కెరీర్ ప్రారంభంలోనే కాకుండా.. హీరోగా మారిన తరువాత కూడా తన విలనిజాన్ని కొనసాగించారు మోహన్ బాబు. ఇదిలా ఉంటే తాజాగా కోలీవుడ్ స్టార్ హీరోకు విలన్‌గా మోహన్ బాబు నటించనున్నాడన్న వార్త టాక్ ఆఫ్ ది ఇండస్ట్రీగా మారింది. ఇంతకు ఆ హీరో ఎవరంటే సూర్య.

ప్రస్తుతం వీఐ ఆనంద్ దర్శకత్వంలో ఓ చిత్రంలో నటిస్తున్న సూర్య, ఆ తరువాత గురు ఫేమ్ సుధా కొంకర దర్శకత్వంలో ఓ బైలింగ్వల్ చిత్రంలో నటించనున్నాడు. దీనికి సంబంధించిన ప్రీ ప్రొడక్షన్ పనులు ప్రస్తుతం జరుగుతుండగా.. అందులో విలన్ పాత్ర కోసం సుధా కొంకర మోహన్ బాబును కలిశారట. కథ విన్న మోహన్ బాబు ఇందులో నటించేందుకు ఓకే చెప్పినట్లు తెలుస్తోంది. మరి ఇందులో నిజమెంతో తెలియాలంటే కొద్ది రోజులు ఆగాల్సిందే.



వెంకటేశ్ చిత్రంలో సూర్య..?

Updated By ManamSat, 08/18/2018 - 09:55

Suriya, Venkatesh‘గురు’ తరువాత దాదాపు ఏడాదికిపైగా గ్యాప్ తీసుకున్న విక్టరీ వెంకటేశ్ ప్రస్తుతం ‘ఎఫ్2’, ‘వెంకీ మామ’ చిత్రాలలో నటిస్తున్నాడు. ఈ చిత్రాల తరువాత నేను లోకల్ ఫేమ్ త్రినాథరావు నక్కిన దర్శకత్వంలో ఓ యాక్షన్ థ్రిల్లర్‌లో నటించనున్నాడు. ప్రస్తుతం పోస్ట్ ప్రొడక్షన్ పనులు జరుగుతున్న ఈ చిత్రంలో కీలక పాత్ర కోసం కోలీవుడ్ స్టార్ హీరో సూర్యను సంప్రదించినట్లు సమాచారం.

కథను విన్న సూర్య, ఇందులో నటించేందుకు ఒప్పుకున్నట్లు వార్తలు వినిపిస్తున్నాయి. ప్రస్తుతం త్రినాథరావు, రామ్ హీరోగా హలో గురు ప్రేమ కోసమే చిత్రాన్ని తెరకెక్కిస్తున్నాడు. ఈ చిత్రం అక్టోబర్‌లో ప్రేక్షకుల ముందుకు రానుంది. ఆ తరువాత వెంకటేశ్ చిత్రం సెట్స్ మీదకు వెళ్లనుంది. సురేశ్ ప్రొడక్షన్స్ నిర్మిస్తున్న ఈ చిత్రంలో వెంకటేశ్, సూర్య ఇద్దరు పోలీస్ పాత్రలో కనిపించనున్నట్లు తెలుస్తోంది.



సూర్య కొత్త చిత్రం మొద‌లు అప్పుడే

Updated By ManamTue, 08/14/2018 - 15:06

Suriya`చిటికె మీద చిటికె వేయ‌రా! ... ` అంటూ ఈ ఏడాది లో గ్యాంగ్ చిత్రంతో సంద‌డి చేసిన హీరో సూర్య ఇప్పుడు రెండు సినిమాల్లో న‌టిస్తున్నారు. అందులో ఒక‌టి సెల్వ‌రాఘ‌వ‌న్ ద‌ర్శ‌క‌త్వంలో తెర‌కెక్కుతున్న `ఎన్.జి.కె`. ఈ సినిమాను ఇదే ఏడాదిన విడుద‌ల చేయ‌డానికి ప్లాన్ చేస్తున్నారు. కాగా కె.వి.ఆనంద్ ద‌ర్శ‌క‌త్వంలో ఓ భారీ బ‌డ్జెట్ చిత్రంలో న‌టిస్తున్నారు. ఈ సినిమా పూర్తి అయ్యి అవ‌గానే.. కొత్త సినిమాను స్టార్ట్ చేయ‌బోతున్నాడ‌ట సూర్య‌. వివ‌రాల్లోకెళ్తే.. న‌వంబ‌ర్ నుండి సుధా కొంగ‌ర ద‌ర్శ‌క‌త్వంలో సూర్య మూవీ చేస్తున్నాడు. త‌న స్వంత బ్యాన‌ర్ 2డి ఎంట‌ర్‌టైన్మెంట్స్‌లో సినిమాను నిర్మించ‌బోతున్నాడు. 



కేరళ వరద బాధితులకు కోలీవుడ్ హీరోల సాయం

Updated By ManamMon, 08/13/2018 - 09:20
Kamal Haasan, Karthi, Suriya, Vishal

గత కొన్ని రోజులుగా భారీ వర్షాలు కేరళలో ముంచెత్తాయి. ఈ వర్షాలతో భారీ ప్రాణ, ఆస్తి నష్టం జరిగింది. దాదాపు 54వేల మంది నిరాశ్రయులయ్యారు. ఈ నేపథ్యంలో వారిని ఆదుకునేందుకు కోలీవుడ్ హీరోలు నడుం బిగించారు. కేరళ ముఖ్యమంత్రి పినరయి విజయన్ విఙ్ఞప్తి మేరకు ముందుకు వచ్చిన కోలీవుడ్ హీరోలు దాదాపు 75లక్షల విరాళాన్ని ప్రకటించారు.

అందులో కమల్ హాసన్, విజయ్ టీవీ ఛానెల్ చెరో రూ.25లక్షలు ప్రకటించగా.. సూర్య, ఆయన సోదరుడు కార్తీ కలిపి రూ.25లక్షల విరాళాన్ని ఇస్తామని చెప్పారు. అలాగే వారిని ఆదుకునేందుకు హీరో విశాల్ ముందుకొచ్చాడు. కేరళ రెస్క్యూ పేరుతో విరాళాలను స్వీకరించిన విశాల్, వాటిని వరద బాధితులకు అందేలా చర్యలు తీసుకున్నాడు. మొత్తానికి సినిమాల్లోనే కాదు నిజజీవితంలోనూ తాము హీరోలని మరోసారి నిరూపించారు కోలీవుడ్ నటులు.



సూర్య చిత్రం నుంచి తప్పుకున్న మెగా హీరో

Updated By ManamSat, 07/21/2018 - 09:18

Surita, Sirish సూర్య హీరోగా ప్రముఖ దర్శకుడు కేవీ ఆనంద్ ఓ చిత్రాన్ని తెరకెక్కిస్తున్నాడు. ఇటీవలే ఈ చిత్ర మొదటి షెడ్యూల్ కూడా పూర్తైంది. కాగా ఈ చిత్రంలో మలయాళ సూపర్‌స్టార్ మోహన్‌లాల్ విలన్‌గా కనిపించనుండగా.. అల్లు శిరీశ్ మరో కీలక పాత్రలో నటించనున్నట్లు చిత్ర యూనిట్ అధికారికంగా ప్రకటించింది. అయితే తాజాగా ఈ మూవీ నుంచి అల్లు శిరీశ్ తప్పుకున్నాడు. ఈ విషయాన్ని ఆయనే స్వయంగా సోషల్ మీడియాలో తెలిపాడు.

ప్రస్తుతం శిరీశ్ మలయాళ చిత్రం ఏబీసీడీ రీమేక్‌లో నటిస్తుండగా.. డేట్స్ అడ్జెస్ట్ అవ్వకపోవడం వలనే సూర్య మూవీ నుంచి తప్పుకున్నట్లు శిరీశ్ చెప్పాడు. ఇక ఈ విషయాన్ని దర్శకుడు కేవీ ఆనంద్‌కు వివరించానని, ఆయన కూడా తన నిర్ణయానికి ఓకే చెప్పాడని శిరీశ్ తెలిపాడు. అయితే భవిష్యత్‌లో ఈ టీంతో పనిచేసే అవకాశం కోసం వస్తుందని భావిస్తున్నట్లు అల్లు శిరీశ్ పేర్కొన్నాడు. కాగా శిరీశ్ స్థానంలో కోలీవుడ్ నటుడు ఆర్య నటించనున్నట్లు తెలుస్తోంది. ఇక ఈ చిత్రాన్ని లైకా ప్రొడక్షన్స్ నిర్మిస్తుండగా.. వచ్చే ఏడాది ప్రేక్షకుల ముందుకు రానుంది.

 



సూర్య లండన్ షెడ్యూల్ పూర్తి

Updated By ManamMon, 07/16/2018 - 15:05

Suriya వీడొక్క‌డే, బ్ర‌ద‌ర్స్ సినిమాల త‌ర్వాత సూర్య‌, కె.వి.ఆనంద్ ద‌ర్శ‌క‌త్వంలో రూపొందుతోన్న చిత్రం లండ‌న్ షెడ్యూల్‌ను పూర్తి చేసుకుంది. సూర్యతో పాటు ఈ చిత్రంలో మోహ‌న్‌లాల్‌, అల్లు శిరీశ్‌, ఆర్య త‌దిత‌రులు ప్ర‌ధాన తారాగ‌ణంగా న‌టిస్తున్నారు. హ‌రీశ్ జైరాజ్ సంగీతం అందిస్తున్నారు. ఈ సినిమా లండ‌న్ షెడ్యూల్ రీసెంట్‌గానే స్టార్ట్ అయినా కూడా ఆ షెడ్యూల్‌ను యూనిట్ త్వ‌రగానే పూర్తి చేసేసింద‌ట‌. సూర్య కాస్త గ్యాప్ తీసుకుని `ఎన్‌.జి.కె` సినిమా చివ‌రి పార్ట్‌ని పూర్తి చేసేస్తాడ‌ట‌. ఎందుకంటే ఎన్‌.జి.కె దీపావ‌ళికి రిలీజ్ కావాల్సి ఉంది. త‌ర్వాత సూర్య సుధా కొంగ‌ర సినిమాపై ఫోకస్ చేయ‌నున్నారు.  



సూర్య పాట పాడుతున్న ధ‌నుష్‌

Updated By ManamMon, 07/16/2018 - 13:19

dhanush, suriya హీరో ధ‌నుష్ మంచి న‌టుడే కాదు...నిర్మాత‌గా.. ద‌ర్శ‌కుడిగా కూడా మంచి పేరు సంపాదించుకున్నారు. ధ‌నుష్‌కి వీలున్న‌ప్పుడ‌ల్లా వేరే హీరోల సినిమాల్లో పాట‌లు కూడా పాడుతుంటాడు. మంచి సింగ‌ర్ కూడా.  సాయిధ‌ర‌మ్ తేజ్ తిక్క‌, క‌న్న‌డలో వ‌జ్ర‌కాయ స‌హా త‌మిళంలో ప‌లు హీరోల సినిమాల్లో పాటలు కూడా పాడారు ధ‌నుశ్‌. ఇప్పుడు త‌మిళ హీరో సూర్య కోసం మ‌రోసారి త‌న గొంతు స‌వ‌రించుకోనున్నారు. వివ‌రాల్లోకెళ్తే..  సూర్య హీరోగా సెల్వ‌రాఘ‌వ‌న్ ద‌ర్శ‌క‌త్వంలో రూపొందుతోన్న చిత్రం `ఎన్‌.జి.కె`. యువ‌న్ శంక‌ర్ రాజా ఈ చిత్రానికి సంగీతం అందిస్తున్నారు. ఆ సినిమాలో ఓ పాట‌ను ధ‌నుష్ పాడ‌నున్నాడు. దీపావ‌ళికి విడుద‌ల కాబోతున్న ఈ సినిమాలో సూర్య స‌ర‌స‌న రకుల్ ప్రీత్ సింగ్, సాయి పల్లవి నటిస్తున్నారు.



‘చిన‌బాబు’ రివ్యూ

Updated By ManamFri, 07/13/2018 - 13:10
Chinababu

నిర్మాణ సంస్థ‌: 2డి ఎంట‌ర్‌టైన్‌మెంట్స్, ద్వార‌కా క్రియేష‌న్స్
తారాగ‌ణం: కార్తీ, సాయేషా, ప్రియా భవాని శంకర్, సత్య రాజ్, భానుప్రియ, సూరి, శంకర్, ఆర్థన బిను.
స్వ‌ర‌క‌ర్త‌: డి.ఇమాన్‌
ఛాయాగ్ర‌హ‌ణం: వేల్‌రాజ్‌
కూర్పు: రుబ‌న్‌
స‌హ నిర్మాత‌లు : సి.హెచ్. సాయి కుమార్ రెడ్డి, రాజశేఖర్ కర్పూర, సుందర పాండియ‌న్‌
నిర్మాత‌లు: సూర్య‌, మిరియాల ర‌వీంద‌ర్‌రెడ్డి
క‌థ‌-స్క్రీన్‌ప్లే-ద‌ర్శ‌క‌త్వం : పాండిరాజ్
సెన్సార్‌:  యు
విడుద‌ల‌: 13.07.2018

తొలి సినిమా నుంచి కూడా వైవిధ్య‌మైన స్క్రిప్ట్ లు ఎంపిక చేసుకుని సినిమాలు చేయ‌డానికి ముందుంటారు కార్తి. ఆయ‌న న‌టించిన తాజా త‌మిళ సినిమా `క‌డైకుట్టి సింగ‌మ్` తెలుగులో `చిన‌బాబు` పేరుతో విడుద‌ల‌వుతోంది. ఔట్ అండ్ ఔట్ ఫ్యామిలీ, కామెడీ చిత్రంగా తెర‌కెక్కిన ఈ సినిమా శుక్ర‌వారం ప్రేక్ష‌కుల ముందుకు వ‌చ్చింది. కార్తి త‌న గ‌త చిత్రం ` ఖాకి`తో మంచి మార్కులు స్కోర్ చేశారు. ఈ సినిమా ఆయ‌న్ని ఫ్యామిలీ ఆడియ‌న్స్ కి మ‌రింత ద‌గ్గ‌ర చేస్తుందా? ఎలా ఉంది? ఒక‌సారి చూసేయండి.

క‌థ‌: 
కృష్ణంరాజు (కార్తీ) రైతు. ఫార్మ‌ర్ అని చెప్పుకోవ‌డాన్ని గ‌ర్వంగా భావించే వ్య‌క్తి. ప‌దో త‌ర‌గ‌తి చ‌దువుకుని తండ్రి వ్య‌వ‌సాయ బాధ్య‌త‌ల‌ను తీసుకుని ఆర్గానిక్ ఫార్మింగ్ చేస్తుంటాడు. ఐదుగురు అక్క‌ల త‌ర్వాత పుట్టిన త‌మ్ముడు కావ‌డంతో అత‌నంటే అంద‌రూ ఇష్ట‌ప‌డ‌తారు. ఇద్ద‌రు అక్క‌లు త‌మ కుమార్తెను అత‌నికే ఇచ్చి పెళ్లి చేయాల‌నుకుంటారు. కృష్ణంరాజు తండ్రి రుద్ర‌రాజు (స‌త్య‌రాజ్‌)కి ఇద్ద‌రు భార్య‌లు. చివ‌రికి కృష్ణంరాజు ప‌రిస్థితి కూడా అలాగే త‌యార‌వుతుందేమోన‌ని అనుకుంటుండ‌గా ఓసారి బ‌స్సులో నీర‌ద (సాయేషా)ను చూస్తాను కృష్ణంరాజు. తొలిచూపులోనే ప్రేమిస్తాడు. త‌నతండ్రికి అమ్మాయిని చూపించి, ఆయ‌న అంగీకారంతోనే ప్రేమిస్తాడు. కొడుకు ప్రేమ‌ను అంగీక‌రించిన రుద్ర‌రాజు ఒక కండిష‌న్ కూడా పెడ‌తాడు. అదేంటి?  సురేంద‌ర్‌రాజు (శ‌త్రు) చేసిన త‌ప్పు ఏంటి? అత‌ని రాజ‌కీయ జీవితానికి కృష్ణంరాజు చేసిన అన్యాయం ఏంటి? త‌ండ్రి వ్య‌వ‌సాయ బాధ్య‌త‌ల‌ను తీసుకున్న కృష్ణంరాజు, ఆయ‌న బ‌తికి ఉండ‌గానే కుటుంబ బాధ్య‌త‌ల‌ను కూడా తీసుకున్నాడా? ఇద్ద‌రు మేన‌కోడ‌ళ్లు, మ‌ధ్య‌లో న‌చ్చిన అమ్మాయితో ఎలా న‌లిగిపోయాడు?  చివ‌రికి ఎవ‌రు క‌న్విన్స్ అయ్యారు? ఎవ‌రిని పెళ్లి చేసుకున్నాడు?  సురేంద‌ర్‌రాజు ప‌రిస్థితి ఏమ‌యింది? వ‌ంటివ‌న్నీ మిగిలిన అంశాలు

chinababu

ప్ల‌స్ పాయింట్లు
- కార్తీ, స‌త్య‌రాజ్‌, సాయేషా మిగిలిన వారి న‌ట‌న‌
- ద‌ర్శ‌కుడు తెర‌కెక్కించిన విధానం
- ఇమాన్ పాట‌లు, బ్యాక్‌గ్రౌండ్ మ్యూజిక్‌
- సిట్చువేష‌న‌ల్ కామెడీ

మైన‌స్ పాయింట్లు
- తెలుగువారికి అర్థం కాని త‌మిళ నేటివిటీ
- అన‌వ‌స‌ర‌మైన కొన్ని స‌న్నివేశాలు
- బ‌లవంతంగా చొప్పించిన విల‌నిజం

స‌మీక్ష‌
ఏ సంక్రాంతికో, ద‌స‌రాకో ఇలాంటి సినిమా వ‌చ్చి ఉంటే భారీ హిట్ కొట్టి ఉండేది. `చిన‌బాబు` ప‌క్కా పండుగ సినిమా. చ‌దువుల కోసం, ఉద్యోగాల కోసం ఎంత ప‌ట్ట‌ణాల్లో ఉన్నా.. మ‌న మూలాలు ప‌ల్లెటూళ్ల‌లోనే ఉంటాయి. పండ‌క్కో, ప‌బ్బానికి ఇంటిల్లిపాదినీ క‌లుసుకుంటే వ‌చ్చే ఆనందంతోనే మిగిలిన జీవితాన్నంతా సాగ‌దీస్తుంటాం. ఈ సినిమా చూస్తున్న‌ప్పుడు మ‌న ఇంట్లో వాళ్లంద‌రితో క‌లిసి భోజ‌నం చేసినంత ఆనందంగా అనిపిస్తుంది. తోబుట్టువులు, వాళ్ల ఇళ్ల‌ల్లో జ‌రిగే వేడుక‌లు, ఎవ‌రెవ‌రు ఏం చ‌దివిస్తున్నారోన‌నే ఆస‌క్తి, సారె పెట్ట‌డం... ఇవ‌న్నీ మ‌నం మ‌న ఇళ్ల‌ల్లో చూసే అంశాలే. అలిగే వారు కొంద‌రు, వారి అల‌క‌ల‌ను తీర్చేవారు మ‌రికొంద‌రు.. ఈ సినిమా అంతా ఇలాంటి అంశాల చుట్టూ సాగుతుంది. మంచి విందు భోజ‌నంలాంటి చిత్రంలో పంటికింద రాయిలా మ‌న‌కు ప‌రిచ‌య‌మైనా లేని త‌మిళ సంస్కృతి క‌నిపిస్తుంది. తెలుసుకోవ‌డంలో త‌ప్పులేదు కానీ, కొన్ని సార్లు, కొన్ని స‌న్నివేశాలు ఎందుకు వ‌స్తున్నాయో, పోతున్నాయో అర్థం కాదు. ఫ్యామిలీ ఎమోష‌న్స్ మాత్ర‌మే ఉంటే ఫైట్లు, యాక్ష‌న్ ఎపిసోడ్లు మిస్ అయిపోతాయ‌ని అనుకున్నారేమో.. ద‌ర్శ‌కుడు విల‌న్ పాత్ర‌ను సృష్టించారు. అయితే ఇందులోవిల‌నీ బ‌లంగా అనిపించ‌దు. ఒక వైపు హీరో విల‌న్‌ని అస‌లు ప‌ట్టించుకోడు. కానీ విల‌న్ మాత్రం ప‌గ ప‌గ అని అల్లాడుతుంటాడు. అది స‌రిగా అతికిన‌ట్టు అనిపిచందు. స్టార్టింగ్‌లో సూర్య క‌నిపించే స‌న్నివేశం మాత్రం అభిమానుల‌కు పండుగే. కొన్ని చోట్ల తెలుగు బోర్డులు పెట్టినట్టు, కొన్నిచోట్ల తెలుగు సాంప్ర‌దాయాల‌ను పెట్టి ఉంటే ఇంకా బావుండేది. సినిమా ఆద్యంతం రైతు గొప్ప‌దనాన్ని చెప్పిన తీరు, రైతును పాజిటివ్‌గా చూపించిన తీరు బావున్నాయి. 

రేటింగ్‌: 3/5
బాట‌మ్ లైన్‌: `చిన‌బాబు`.. మ‌న కుటుంబంలో వ్య‌క్తి.





Related News