Praja Sankalpa yatra

జగన్ పాదయాత్రకు భారీ భద్రత

Updated By ManamMon, 11/12/2018 - 12:17

Jagan Mohan Reddyఅమరావతి: దాదాపు 17రోజుల విరామం తరువాత ఏపీ ప్రతిపక్షనేత వైఎస్ జగన్ మోహన్ రెడ్డి తన పాదయాత్రను ప్రారంభించారు. విజయనగరం జిల్లా మక్కువ మండలం పాయకపాడు నుంచి జగన్ తన పాదయాత్రను పున:ప్రారంభించారు. ఈ నేపథ్యంలో జగన్‌కు భారీ భద్రతను ఏర్పాటు చేశారు. అడుగడుగునా పోలీస్ సెక్యురిటీ, సీసీ కెమెరాలను ఏర్పాటు చేశారు. ఈ సందర్భంగా గ్రీన్, బ్లూ, రెడ్ విభాగాలుగా సెక్యూరిటీని విభజించారు. జగన్‌ను కలుసుకోవాలనుకునే వారి కోసం రెడ్ కార్డులను ఇష్యూ చేశారు. అలాగే జగన్‌ను అనుసరించే ఎమ్మెల్యేలు, నేతలు, ఇతర సిబ్బందికి బ్లూ కార్డులు, బందోబస్తులో ఉన్న పోలీసులకు గ్రీన్ కార్డులను ఇచ్చారు. కాగా కేసు విచారణ నిమిత్తం హైదరాబాద్‌కు వస్తున్న వైఎస్ జగన్ మోహన్ రెడ్డిపై విశాఖపట్నం విమానాశ్రయంలో హత్యాయత్నం జరిగిన విషయం తెలిసిందే.



రేపటి నుంచి జగన్ యాత్ర ప్రారంభం

Updated By ManamSun, 11/11/2018 - 10:18

YS Jagan Mohan Reddyఅమరావతి: ఏపీ ప్రతిపక్షనేత వైఎస్ జగన్‌మోహన్ రెడ్డి ప్రజా సంకల్ప యాత్ర సోమవారం నుంచి పున: ప్రారంభమవ్వనుంది. గత నెల 25న విశాఖ విమానాశ్రయంలో జరిగిన దాడిలో గాయపడిన జగన్.. పాదయాత్రకు విరామం ఇచ్చారు. ప్రస్తుతం ఆయన కోలుకున్నందున సోమవారం నుంచి తిరిగి పాదయాత్రను కొనసాగించాలని నిర్ణయం తీసుకున్నట్లు పార్టీ ప్రధాన కార్యదర్శి తలశిల రఘరాం తెలిపారు. విజయనగరం జిల్లా సాలూరు నియోజకవర్గంలోని మక్కువ నుంచి జగన్ పాదయాత్ర ప్రారంభమవ్వనుందని తెలిపారు. అయితే పాదయాత్ర సందర్భంగా ఎట్టి పరిస్థితుల్లోనూ ఎడమ చేతిని ఎవరూ తాకకుండా చూసుకోవాలని, సాధ్యమైనంత వరకూ ఆ చేతిని పైకి లేపే ప్రయత్నం చేయవద్దని డాక్టర్లు జగన్‌కు తెలిపారు. ఈ మేరకు తగు జాగ్రత్తలు తీసుకోవాలని, లేకుంటే గాయం పూర్తిగా మానేందుకు సమయం పడుతుందని వారు హెచ్చరించారు. 



12 నుంచి జగన్ ప్రజాసంకల్పయాత్ర

Updated By ManamSat, 11/10/2018 - 12:05
ys Jagan mohan reddy To Resume Padayatra From Nov 12

హైదరాబాద్ :  కత్తిదాడి నుంచి కోలుకుంటున్న వైఎస్ జగన్ మోహన్ రెడ్డి తిరిగి ప్రజాసంకల్పయాత్రను ప్రారంభించనున్నారు. ఆయన ఈ నెల 12వ తేదీ నుంచి పాదయాత్రను చేపట్టనున్నట్లు వైఎస్సార్ కాంగ్రెస్ పార్టీ ప్రధాన కార్యదర్శి తలశిల రఘురాం శనివారం అధికారికంగా ఓ లేఖను విడుదల చేశారు. కాగా విశాఖ విమానాశ్ర‌యంలో గ‌త నెల 25వ తేదీన వైఎస్ జగన్‌పై హ‌త్యాయ‌త్నం జ‌రిగిన నేప‌థ్యంలో వైద్యులు ఆయ‌న‌కు చికిత్స జ‌రిపి విశ్రాంతి తీసుకోవాల‌ని సూచించడంతో పాద‌యాత్ర‌కు విరామం ప్రకటించారు.

గాయం నుంచి కోలుకున్న వైఎస్ జగన్ ముందుగా ప్ర‌క‌టించిన విధంగా ఇచ్చాపురం వ‌ర‌కు త‌న పాద‌యాత్ర‌ను కొన‌సాగించాల్సి ఉన్నందున విరామం అనంత‌రం సోమ‌వారం నుంచి విజ‌య‌న‌గ‌రం జిల్లా సాలూరు నియోజ‌క‌వ‌ర్గం మ‌క్కువ నుంచి పాద‌యాత్ర పునః ప్రారంభించనున్నారు.



జగన్‌ ‘ప్రజా సంకల్ప యాత్ర’కు ఏడాది 

Updated By ManamTue, 11/06/2018 - 08:55

 

YS Jagan Mohan Reddy

అమరావతి: ప్రజల సమస్యలను తెలుసుకునేందుకు ఏపీ ప్రతిపక్షనేత, వైఎస్సార్‌సీపీ అధినేత వైఎస్ జగన్ మోహన్ తలపెట్టిన ప్రజా సంకల్ప యాత్రకు ఏడాది పూర్తి అయ్యింది. 2017 నవంబర్ 6న వైఎస్సార్ జిల్లా ఇడుపుల పాయ వద్ద జగన్ మోహన్ రెడ్డి పాదయాత్రను ప్రారంభించారు. ఈ ఏడాదిలో 11జిల్లాలను పూర్తిచేసిన జగన్.. 12వ జిల్లాలో యాత్రను కొనసాగిస్తున్నారు. ఈ క్రమంలో ఇప్పటివరకు 122 నియోజవర్గాలు, 205మండలాల్లో పాదయాత్రను పూర్తిచేశారు. అలాగే 113 బహిరంగసభలు, 42చోట్ల ముఖాముఖిలను చేపట్టారు జగన్.

అయితే ఓ కేసు విచారణ నిమిత్తం గత నెల 25న హైదరాబాద్‌కు బయల్దేరిన జగన్‌పై విశాఖ విమానాశ్రయంలో హత్యాయత్నం జరిగింది. శ్రీనివాసరావు అనే వ్యక్తి కోడి పందేలకు ఉపయోగించే కత్తితో జగన్‌పై దాడి చేయడంతో ఆయన చేతికి గాయం అయ్యింది. దీంతో ఆయన విశ్రాంతి తీసుకుంటుండగా.. ఈ నెల 10 నుంచి పాదయాత్ర మళ్లీ ప్రారంభం కానుంది. కాగా పాదయాత్రలో జగన్ ఇప్పటివరకు 3211.5కిలోమీటర్లు నడిచారు జగన్.

ప్రతి ఒక్కరికి నమస్కరిస్తున్నా:వైఎస్ జగన్ మోహన్ రెడ్డి
తన పాదయాత్ర ఏడాది పూర్తి చేసుకోవడంపై జగన్ మోహన్ రెడ్డి ట్విట్టర్‌లో స్పందించారు. ‘‘ఏడాదిగా పాదయాత్ర కొనసాగుతోంది. ఈ యాత్రలో నాకు మద్దతు తెలిపిన ప్రతి ఒక్కరికి నమస్కరిస్తున్నా. గాయం నుంచి కోలుకుంటున్నా. త్వరలో పాదయాత్రను తిరిగి ప్రారంభిస్తా’’ అని జగన్ ట్వీట్ చేశారు.



జగన్ పాదయాత్రకు బ్రేక్..?

Updated By ManamFri, 10/26/2018 - 09:26

YS Jagan Mohan Reddyహైదరాబాద్: గురువారం కత్తి దాడిలో గాయపడ్డ ఏపీ ప్రతిపక్షనేత వైఎస్ జగన్ మోహన్ రెడ్డి పాదయాత్రకు బ్రేక్ పడే అవకాశాలు ఉన్నట్లు తెలుస్తోంది. ప్రస్తుతం ఆయన హైదరాబాద్‌లో న్యూరో సిటీ సెంటర్‌ ఆసుపత్రిలో చికిత్స తీసుకుంటుండగా.. రిపోర్ట్స్ వచ్చిన తరువాత జగన్ డిశ్చార్జ్‌పై వైద్యులు నిర్ణయం తీసుకోనున్నారు. జగన్  పరిస్థితి ఇప్పుడు నిలకడగా ఉన్నప్పటికీ.. నాలుగైదు రోజులు ఆయనకు విశ్రాంతి అవసరమని వైద్యులు చెబుతున్నారు.

ఈ క్రమంలో జగన్ తలపెట్టిన ప్రజా సంకల్పయాత్రకు బ్రేక్ పడే అవకాశాలు కనిపిస్తున్నట్లు తెలుస్తోంది. అలాగే ఇవాళ కోర్టుకు హాజరు అవ్వనున్న విషయంలోనూ ఇంకా సంగిగ్ధత నెలకొంది. కాగా జగన్ తల్లి వైఎస్ విజయమ్మ ఇవాళ ఆసుపత్రికి వచ్చి జగన్‌ను పరామర్శించారు. ఈ సందర్భంగా జగన్‌ను చూసి ఆమె కన్నీరుమున్నీరైంది. మరోవైపు ఆయనను పరామర్శించేందుకు పార్టీ కీలక నేతలు హైదరాబాద్‌కు చేరుకుంటున్నారు. దీంతో ఆసుపత్రి ప్రాంతం కిక్కిరిసింది.



మానవత్వం చాటుకున్న జగన్.. సర్వత్రా ప్రశంసలు

Updated By ManamThu, 10/04/2018 - 11:58

Jagan Mohan Reddyవిజయనగరం: ఏపీ ప్రతిపక్షనేత, వైఎస్సార్‌సీపీ అధినేత జగన్ మోహన్ రెడ్డి మానవత్వాన్ని చాటుకున్నారు. ప్రజా సంకల్ప యాత్రలో భాగంగా విజయనగరం జిల్లా నెల్లిమర్లలో జగన్ బుధవారం బహిరంగ సభను నిర్వహించగా.. ఆయన ప్రసంగం వినేందుకు జనాలు వేలసంఖ్యలో వచ్చారు. అదే సమయంలో పురిటి నొప్పులతో బాధపడుతున్న ఓ గర్భిణిని ఆటోలో అటుగా తీసుకెళ్తున్నారు. అయితే జనం కిక్కిరిసి ఉండటంతో ఆటో అక్కడ నుంచి కదలలేకపోయింది. ఈ విషయాన్ని గమనించిన జగన్ తన ప్రసంగాన్ని ఆపేసి ఆటోకు దారిని ఇవ్వాలని అక్కడున్న ప్రజలను అభ్యర్థించారు. దీంతో వారు ఒక్కొక్కరుగా కదులుతూ ఆటోకు మార్గాన్ని ఇచ్చారు. దీనికి సంబంధించిన వీడియో ప్రస్తుతం సోషల్ మీడియాలో వైరల్‌గా మారగా.. జగన్‌పై సర్వత్రా ప్రశంసలు కురిపిస్తున్నారు.



జగన్ పాదయాత్రకు వెళ్లారని..

Updated By ManamTue, 10/02/2018 - 13:24

YS Jaganవిశాఖపట్నం: ఏపీ ప్రతిపక్షనేత వైఎస్ జగన్ చేస్తోన్న ప్రజా సంకల్ప యాత్రల్లో పాల్గొన్నారని తొమ్మిది మంది ఉపాధ్యాయులు సస్పెన్షన్‌కు గురయ్యారు. ఆదివారం వారు జగన్ పాదయాత్రలో పాల్గొనగా.. వారిని సస్పెండ్ చేస్తూ విశాఖపట్నం జిల్లా విద్యాశాఖాధికారి లింగేశ్వరరెడ్డి ఉత్తర్వులు వెలవరించారు. ఈ ఉత్తర్వులు ఇప్పుడు జిల్లాలో తీవ్ర కలకలం రేపుతున్నాయి. 

అయితే తాను ముఖ్యమంత్రి అయితే నెలరోజుల్లోనే కాంట్రిబ్యూటరీ ఫించన్ పథకాన్ని రద్దు చేస్తానని జగన్ హామీ ఇచ్చారు. దీంతో సంతోషం వ్యక్తం చేసిన ఆ తొమ్మిది మంది జగన్‌ను కలిసి కృతఙ్ఞతలు చెప్పారు. వీరంతా జగన్‌ను సీఎం చేసేందుకు కలిసి పనిచేస్తామని నినాదాలు చేసినట్లు పలు వార్తాపత్రికల్లో కథనాలు వచ్చాయి. దీనిపై స్పందించిన లింగేశ్వరరెడ్డి ఆ ఉపాధ్యాయులను విధుల నుంచి తప్పించారు. గవర్నమెంట్ సర్వీస్ నిబంధనలకు వ్యతిరేకంగా వ్యవహరించినందుకే వీరిపై చర్యలు తీసుకున్నామని ఆయన అన్నారు.



జగన్‌ను కలిసిన దర్శకుడు కృష్ణారెడ్డి, నిర్మాత అచ్చిరెడ్డి

Updated By ManamWed, 09/26/2018 - 12:27

Jagan Mohan Reddy, Krishna Reddy, Atchi Reddyవిజయనగరం: ప్రజల సమస్యలను తెలుసుకునేందుకు ప్రజాసంకల్పయాత్ర చేస్తున్న జగన్ పాదయాత్ర బుధవారానికి 271వ రోజుకు చేరింది. ఈ నేపథ్యంలో ఆయన విజయనగరంలో పర్యటిస్తుండగా.. టాలీవుడ్ దర్శకుడు ఎస్వీ కృష్ణారెడ్డి, నిర్మాత అచ్చిరెడ్డి కలిశారు. ఈ సందర్భంగా జగన్‌తో కాసేపు ముచ్చటించిన ఈ ఇద్దరు పాదయాత్రకు తమ సంఘీభావం ప్రకటించారు. కాగా గతేడాది నవంబర్‌లో పాదయాత్రను ప్రారంభించిన జగన్.. దేశపాత్రునిపాలెం వద్ద సోమవారం మూడు వేల కిలోమీటర్ల మైలురాయిని దాటిని విషయం తెలిసిందే. ఈ సందర్భంగా అక్కడ పైలాన్‌తో పాటు రావి చెట్టును నాటారు జగన్.



267వ రోజు జగన్ యాత్ర సాగనుందిలా

Updated By ManamSat, 09/22/2018 - 10:01

Jagan Mohan Reddyవిశాఖపట్నం: ఏపీ ప్రతిపక్ష నేత, వైసీపీ అధ్యక్షుడు జగన్‌మోహన్‌ రెడ్డి చేపట్టిన ప్రజాసంకల్పయాత్ర విశాఖపట్నం జిల్లాలో విజయవంతంగా కొనసాగుతోంది. శనివారం ఉదయం భీమిలి నియోజకవర్గంలోని పప్పలవానిపాలెం క్రాస్‌ నుంచి తన పాదయాత్రను జగన్ ప్రారంభించారు. అక్కడి నుంచి కొలవానిపాలెం క్రాస్‌, భీమేంద్రపాలెం, ఎర్రవానిపాలెం క్రాస్‌, రామవరం మీదుగా గండిగుండం క్రాస్‌ వరకు జగన్ పాదయాత్ర కొనసాగనుంది. యాత్రలో భాగంగా ప్రజలను కలుసుకుంటున్న జగన్.. వారి సమస్యలను తెలుసుకుంటున్నారు. కాగా మరోవైపు ఇప్పటికే 3వేల కిలోమీటర్ల మైలురాయిని వైఎస్ జగన్ అధిగమించిన విషయం తెలిసిందే.



259వ రోజు యాత్రను కొనసాగిస్తున్న జగన్

Updated By ManamMon, 09/10/2018 - 11:58

Jagan Mohan Reddyవిశాఖపట్నం: ఏపీ ప్రతిపక్ష నేత, వైసీపీ అధినేత వైఎస్ జగన్‌మోహన్ రెడ్డి చేపట్టిన ప్రజా సంకల్ప యాత్ర 259వ రోజు కొనసాగుతోంది. యాత్రలో భాగంగా సోమవారం ఉదయం విశాఖపట్నం నియోజకవర్గంలోని తాటిచెట్లపాలెం నుంచి పాదయాత్రను ప్రారంభించారు జగన్. అక్కడి నుంచి అక్కయ్యపాలెం, దొండపర్తి జంక్షన్, తెలుగు తల్లి ఫ్లైఓవర్, వాల్తేరు మీదుగా జగన్ తన పాదయాత్రను కొనసాగించనున్నారు. వాల్తేరులో బ్రాహ్మణుల ఆత్మీయ సదస్సులో జగన్ పాల్గొననున్నారు. కాగా యాత్రలో అక్కడి ప్రజలతో మమేకమౌతున్న జగన్ వారి సమస్యలను అడిగి తెలుసుకుంటున్నారు.





Related News