Ravindra Jadeja

జడేజా సెంచరీ.. ఇండియా డిక్లేర్

Updated By ManamFri, 10/05/2018 - 14:53

Jadejaరాజ్‌కోట్: వెస్టిండీస్‌తో జరుగుతున్న తొలి టెస్ట్‌లో ఆల్‌రౌండర్ రవీంద్ర జడేజా సెంచరీ కొట్టాడు. 132 బంతుల్లో 5ఫోర్లు, 5 సిక్స్‌లతో కెరీర్‌తో తొలి సెంచరీని నమోదు చేశాడు. దీంతో భారత్ 9 వికెట్ల నష్టానికి 649 పరుగులు చేయగా.. ఆ తరువాత డిక్లరేషన్ ఇచ్చిన కెప్టెన్ విండీస్‌ను బ్యాటింగ్‌కు ఆహ్వానించాడు. కాగా టెస్ట్‌లో భాగంగా మొదటి రోజు 364 స్కోర్‌‌‌‌‌‌‌‌‌‌‌‌ను చేయగా.. రెండో రోజు వచ్చిన ఆటగాళ్లు అదే జోరును కొనసాగించారు. ఇక ఈ టెస్ట్‌లో కోహ్లీ, జడేశా, పృథ్వీ షా సెంచరీలు చేయగా.. రిషబ్ పంత్‌(92) కాస్తలో చేజార్చుకున్నాడు.



నిరూపించుకోవాల్సింది ఏమీ లేదు

Updated By ManamSun, 09/23/2018 - 00:00
  • ఆల్ రౌండర్ రవీంద్ర జడేజా   

imageదుబాయ్: టీమిండియాకు దూరమైన రోజుల్లో రవీంద్ర జడేజా ఒక్కో రోజును లెక్కపెట్టుకుంటేవాడు. అయితే పునః ప్రవే శం మ్యాచ్‌లో జడేజా నాలుగు వికెట్లు తీసి సత్తా చాటాడు. తాను ఎవ్వరికీ, ఎలాంటి నిరూపణ చేసుకోవాల్సిన అవస రం లేదని జడేజా అన్నాడు. దాదాపు 480 రోజులు టీమిండియాకు దూరమైన జడేజా ఆసియా కప్‌లో భాగంగా బంగ్లాదేశ్‌తో జరిగిన మ్యాచ్‌లో 29 పరుగులకు 4 వికెట్లు తీసి మ్యాన్ ఆఫ్ ది మ్యాచ్‌గా నిలిచాడు. ‘ఈ పునః ప్రవేశాన్ని నేను ఎల్లప్పుడు గుర్తుంచుకుంటాను. ఎందుకంటే 480 రోజుల తర్వాత మళ్లీ టీమిండియాలో నాకు చోటు దక్కింది. గతంలో ఎన్నడూ ఇన్ని రోజులు జట్టుకు దూరం కాలేదు. నన్ను నేను ఎవ్వరికీ నిరూపించుకోవాల్సిన అవసరం లేదు. నాలోని సామర్థ్యానికి పదును పెట్టుకున్నాను. నేనేమి చేయగలనో ఎవ్వరికీ చూపించుకోవాల్సిన అవసరం లేదు. నాకు నేను సవాల్ చేసు కుంటున్నాను’ అని జడేజా అన్నాడు. 

2019 వన్డే వరల్డ్ కప్‌కు ఏడాది కూడా సమయం లేదు. ఇటువంటి టైమ్‌లో తనను తాను సెలెక్టర్లకు గుర్తు చేశాడు జడేజా. తన సత్తా ఏంటో చూపించాడు. అయితే తాను అంత దూరం ఆలోచించడం లేదని జడేజా చెప్పాడు. ‘వరల్డ్ కప్‌కు ఇంకా చాలా సమయం ఉంది. దాని కంటే ముందు చాలా మ్యాచ్‌లు ఆడతాం. దానిపై మాట్లాదలచుకోలేదు. అయితే నాకు ఎప్పుడు అవకాశం ఇచ్చినా ఇప్పుడు రాణించినట్టే సత్తా చాటాలన్నది నా కోరిక. వరల్డ్ కప్ గురించి ఇప్పుడే ఆలోచించడం లేదు. ఈ సిరీస్‌లో చక్కని ప్రతిభ ప్రదర్శించడంపైనే దృష్టి పెట్టాను’ అని జడేజా అన్నాడు.



తిప్పేసిన జడేజా

Updated By ManamFri, 09/21/2018 - 23:46
  • రాణించిన భువీ, బుమ్రా జూఆసియా కప్

jadejaదుబాయ్: ఆసియాకప్‌లో భారత బౌలర్లు మరో సారి విజృంభించారు. బంగ్లాదేశ్‌ను మోస్తరు స్కోరుకే కట్టడి చేశారు. 173 పరుగులకే కుప్పకూల్చారు. పునరాగమనం మ్యాచ్‌లో స్పిన్నర్ రవీంద్ర జడేజా తన సత్తా చూపించాడు. 10-0-29-4తో బంగ్లా బ్యాట్స్‌మెన్‌పై చెలరేగాడు. ఐసీసీ ఛాంపియన్స్ ట్రోఫీ తర్వాత జడేజా వన్డేకు ఎంపికవ్వడం ఇదే తొలిసారి. భువీ, బుమ్రా తలో 3 వికెట్లు తీశారు. మణికట్టు మాంత్రికులు చాహల్, కుల్‌దీప్ పరుగులను నియంత్రించినా వికెట్లు తీయడంలో విఫలమయ్యారు. బంగ్లాదేశ్‌లో మెహదీ హసన్ (42, 50 బంతుల్లో 2 ఫోర్లు, 2 సిక్స్‌లతో) త్రుటిలో అర్ధశతకం చేజార్చుకున్నాడు. సూపర్-4 తొలి మ్యాచ్‌లో టాస్ ఓడి బ్యాటిం గ్‌కు దిగిన బంగ్లాకు భువీ, బుమ్రా శుభారంభం దక్కనివ్వలేదు. పాక్ బాటలోనే నడిపించారు. 15 పరుగుల వద్ద లిటన్ దాస్ (7)ను భువీ, 16 వద్ద నజ్ముల్ హుస్సేన్ (7)ను బుమ్రా పెవిలి యన్‌కు పంపించారు. దాంతో బంగ్లా తీవ్ర ఒత్తిడిలో ఆడింది. షకీబుల్‌హసన్ (17, 12 బంతుల్లో 3 ఫోర్లుతో), ముష్ఫికర్ రహీమ్ (21, 45 బంతుల్లో)  కాసేపు ప్రతిఘటించి నిలకడగా ఆడారు. వీరిద్దరిని జడేజా తన స్పిన్‌తో బోల్లా కొట్టించాడు.వారితో పాటు మహ్మద్ మిథున్, మొసాదిక్ హుస్సేన్‌నూ కూడా జడ్డూనే పెవిలియన్ పంపించాడు. దీంతో బంగ్లా 18 ఓవర్లకు 65/5తో పీకల్లోతు కష్టాల్లో పడింది. క్లిష్ట పరిస్థితుల్లో మహ్మదుల్లా (25, 51 బంతుల్లో 3 ఫోర్లు), మొసాదిక్ హుస్సేన్ (12) క్రీజులో నిలిచారు. వేగంగా పరుగులు చేయలేదు. 32.5వ బంతికి మహ్మదుల్లాను ఔట్ చేసి ఈ జోడీని భువీ విడదీశాడు. తర్వాత క్రీజులోకి వచ్చిన మెహదీ హసన్.. మొర్తజా సహకారంతో బంతికో పరుగు చొప్పున సాధిం చాడు. వీరిద్దరూ 8వ వికెట్‌కు 66 పరుగుల భాగస్వామ్యం అందించారు. వరుసగా రెండు సిక్సర్లు బాదిన మొర్త జాను 167 పరుగుల వద్ద భువి ఔట్ చేశాడు. మరో రెండు పరుగుల వ్యవధిలోనే హసన్‌ను, నాలుగు పరుగుల తేడాతో ముస్తాఫిజుర్ (3)ను బుమ్రా ఔట్ చేశాడు. దీంతో బంగ్లా 49.1 ఓవర్లకు 173 పరుగులకు ఆలౌటైంది. అనంతరం బ్యాటింగ్ కు దిగిన భారత్ జట్టు కడపటి వార్తలందేసరికి 10 ఓవర్లలో వికెట్ నష్టపోకుండా 51 పరుగులు చేసింది. క్రీజులో రోహిత్ (16 నాటౌట్), ధావన్ (34 నాటౌట్) పరుగులతో ఉన్నారు.



జడేజా భార్యపై పోలీస్ దాడి, గాయాలు

Updated By ManamTue, 05/22/2018 - 08:54

jadeja టీమిండియా ఆల్ రౌండర్ రవీంద్ర జడేజా భార్య రివాబా జడేజాపై ఓ పోలీస్ కానిస్టేబుల్ దాడి చేశాడు. ఈ దాడిలో ఆమెకు కొన్ని గాయాలు అయ్యాయి. ఈ ఘటన సోమవారం సాయంత్రం గుజరాత్‌లోని జామ్‌నగర్‌లో జరిగింది. 

అయితే జామ్‌నగర్‌లో రీవా సోలంకి ప్రయాణిస్తుండగా.. అదే సమయంలో రాంగ్ రూట్‌లో వస్తున్న కానిస్టేబుల్ సజయ్ అహిర్ బైక్‌ను ఆమె కారు ఢీకొంది. దీంతో ఆగ్రహానికి గురైన కానిస్టేబుల్ ఆమెతో వాగ్వాదానికి దిగి దాడి చేశాడు. ఒకానొక దశలో రివాబాను జుట్టు పట్టుకొని కొట్టడానికి ప్రయత్నించగా.. తాము అడ్డుకున్నామని ప్రత్యక్ష సాక్ష్యులు తెలిపారు. ఇక ఈ ఘటనపై కేసు నమోదు చేసుకున్న జామ్ నగర్ ఎస్పీ ప్రదీప్ సేజుల్.. దాడికి దిగిన కానిస్టేబుల్‌పై చర్యలు తీసుకుంటామని తెలిపారు.
 



'వణక్కమ్ చెన్నై', 'విజిల్ పొడు'

Updated By ManamFri, 01/05/2018 - 09:57

CSKరెండేళ్ల నిషేధం తరువాత ఈ సంవత్సరం ఐపీఎల్‌లో పునరాగమనం చేస్తుంది చెన్నై సూపర్ కింగ్స్ జట్టు. ఈ నేపథ్యంలో దిగ్గజ ఆటగాళ్లైన మహేంద్ర సింగ్ ధోని, సురేశ్ రైనా, రవీంద్ర జడేజాలను రీటెయిన్‌ చేసుకుంది చెన్నై సూపర్ కింగ్స్ జట్టు. ఈ సందర్భంగా సురేశ్ రైనా, రవీంద్ర జడేజా సంతోషాన్ని వ్యక్తం చేశారు. 'వణక్కమ్ చెన్నై', 'విజిల్ పొడు' అంటూ తమ ఆనందాన్ని తెలుపుతూ వీడియో సందేశాన్ని ఇచ్చారు.

అందులో "వణక్కమ్ చెన్నై. చెన్నై సూపర్ కింగ్స్ రీ ఎంట్రీ సంతోషంగా ఉంది. గత రెండేళ్లుగా కోల్పోయిన ఆటను మీ ముందు ఆటడానికి ఉవ్విళ్లూరుతున్నాను. చెపాక్ స్టేడియంలో మిమ్మిల్ని కలవడానికి ఉత్సాహంగా ఉన్నాను" అంటూ సురేశ్ రైనా తెలపగా.. "నేను సీఎస్‌కేలో మళ్లీ భాగమైనందుకు చాలా సంతోషంగా ఉన్నాను. మా ఆటను మీరు ఆస్వాదిస్తారని ఆశిస్తున్నా. మ్యాచ్ గెలిచేందుకు ప్రయత్నిస్తాం. విజిల్ పొడు" అంటూ జడేజా సందేశాన్ని ఇచ్చారు. అయితే ధోని నాయకత్వంలో సీఎస్‌కే రెండు సార్లు ఐపీఎల్‌ చాంపియన్స్‌గా నిలిచిన విషయం తెలిసిందే. 
 



లంక ఉఫ్!

Updated By ManamMon, 11/27/2017 - 14:05
  • రెండో టెస్ట్‌లో కోహ్లిసేన అతిపెద్ద ఇన్నింగ్స్ విజయం

  • లంకేయులను తిప్పేసిన భారత స్పిన్నర్లు..

  • మూడు టెస్టుల సిరీస్‌లో 1-0 తో ఆధిక్యంలో భారత్

  • శ్రీలంక తొలి ఇన్నింగ్స్ 205.. రెండో ఇన్నింగ్స్ 166 ఆలౌట్ 

  • టీమిండియా తొలి ఇన్నింగ్స్ 610/6 డిక్లేర్డ్

‘వరుస విజయాలతో దూసుకెళ్తున్న కోహ్లిసేన అతిపెద్ద టెస్టు విజయాన్ని సొంతం చేసుకుంది. లంక సొంతగడ్డపైనే క్లీన్‌స్వీప్ చేసిన భారత జట్టు స్వదేశంలోనూ అదే జోరును కొనసాగిస్తూ తిరుగులేని జట్టుగా అవతరించింది. మరోవైపు కెప్టెన్ విరాట్ కోహ్లి డబుల్ సెంచరీ, రోహిత్, పుజారా, మురళీ విజయ్‌లు సెంచరీలు నమోదు చేసి జట్టు విజయంలో కీలక పాత్ర పోషించారు.’  

Team India, Srilanka, 239 Huge runs Innings, 2nd Test, Nagpur, Virat Kohli, Ravindra Jadeja, Ravichandran Ashwinనాగ్‌పూర్: శ్రీలంకతో జరిగిన రెండో టెస్టులో విరాట్‌ కోహ్లీ సారథ్యంలోని భారత జట్టు అతిపెద్ద టెస్టు విజయం సాధించింది. విదర్భ క్రికెట్‌ సంఘం మైదానంలో పర్యాటక జట్టు శ్రీలంకతో జరిగిన రెండో టెస్టులో భారత స్పిన్ దిగ్గజాలు రవిచంద్రన్ అశ్విన్, రవీంద్ర జడేజాల తమ స్పిన్ మాయాజాలంతో లంకను తిప్పేశారు. భారత్ ఇన్నింగ్స్‌ 239 పరుగుల తేడాతో గెలిచింది. తద్వారా రాహుల్‌ ద్రవిడ్‌ సేన 2007లో బంగ్లాదేశ్‌పై సాధించిన ఇన్నింగ్స్‌ 239 పరుగుల రికార్డును కోహ్లీసేన సమం చేసింది. నాలుగో రోజు తొలి సెషన్‌లో ఆధిపత్యం కొనసాగించిన భారత స్పిన్నర్ల దెబ్బకు లంక బ్యాటింగ్ లైనప్ కుప్పకూలింది. 49.3 ఓవర్లలో 166 పరుగులకే ఆలౌట్‌ అయింది. దీంతో మూడు టెస్టుల సిరీస్‌లో 1-0తో కోహ్లిసేన ఆధిక్యంలో నిలిచింది. రెండో టెస్టులో డబుల్ సెంచరీ సాధించిన విరాట్ కోహ్లికి ప్లేయర్ ఆఫ్ ద మ్యాచ్ అవార్డు దక్కింది. నాగ్‌పూర్ టెస్టులో అశ్విన్ 8 వికెట్లు తీయగా, తొలి ఇన్నింగ్స్‌లో నలుగురు భారత బ్యాట్స్‌మెన్ సెంచరీలు సాధించారు. 

లంక విలవిల.. 
Team India, Srilanka, 239 Huge runs Innings, 2nd Test, Nagpur, Virat Kohli, Ravindra Jadeja, Ravichandran Ashwin21/1 ఓవర్‌నైట్‌ స్కోరుతో సోమవారం ఆట ప్రారంభించిన శ్రీలంక పేలవ ప్రదర్శనతో వెనువెంటనే వికెట్లు టపటపామని రాలిపోయాయి. 41వ ఓవర్లో భారత బౌలర్ ఇషాంత్‌ శర్మ వేసిన బంతిని బౌండరీగా మలిచిన లంక కెప్టెన్ దినేశ్‌ చండీమాల్‌ ( 110 బంతుల్లో 82 ఫోర్లు, 10 సిక్స్)లతో హాఫ్ సెంచరీ పూర్తి చేశాడు. ఓపెనర్‌ కరుణరత్నే (18), మాథ్యూస్‌ (10)ను స్వల్ప స్కోరుకే జడేజా పెవిలియన్‌కు పంపేశాడు. ఆ తరువాత క్రీజులోకి వచ్చిన శనక (17), పెరీరా (0), హెరాత్‌ (0)ను కూడా రవిచంద్రన్ అశ్విన్‌ తన స్పిన్ మాయాజాలంతో వరుసగా పెవిలియన్‌కు పంపాడు. డిక్వెలా (4) ఔటవ్వడంతో క్రీజులోకి వచ్చిన శనగ కాస్త దూకుడుగా ఆడాడు. 8 బంతుల్లో రెండు సిక్స్‌లు, ఒక ఫోర్‌ బాది స్కోరు బోర్డును పరిగెత్తించాడు.

34వ ఓవర్లో అశ్విన్‌.. దూకుడు మీదున్న లంక ఆటగాడు శనగ (17)ను వెనక్కి పంపడంతో లంక జోరుకు కళ్లెం పడింది. 41 ఓవర్లు ముగిసే సమయానికి లంక 8 వికెట్ల నష్టానికి 145 పరుగులు చేసింది. గమేజ్, పెరీరా, హెరాత్ పరుగులేమీ చేయకుండానే వెనుదిరిగారు. దీంతో లంక పీకల్లోతు కష్టాల్లో పడింది. జట్టును ఆదుకునే యత్నం చేసిన లంక కెప్టెన్ చండీమాల్ మినహా మరెవరూ కూడా భారీ స్కోరు చేయలేక చేతులేత్తేయడంతో లంక పతనం అనివార్యమైంది. భారత బౌలర్లలో ఇషాంత్ శర్మ, జడేజా, ఉమేశ్ యాదవ్ తలో రెండు వికెట్లు తీయగా, రవిచంద్రన్ అశ్విన్ 4 వికెట్లు తీసుకున్నాడు. అంతకుముందు భారత్‌ తన తొలి ఇన్నింగ్స్‌ను 610/6 వద్ద డిక్లేర్‌ చేసిన సంగతి తెలిసిందే.

300 వికెట్ల క్లబ్‌లో అశ్విన్
Team India, Srilanka, 239 Huge runs Innings, 2nd Test, Nagpur, Virat Kohli, Ravindra Jadeja, Ravichandran Ashwinభారత ప్రధాన స్పిన్నర్‌ రవి చంద్రన్‌ అశ్విన్‌ అరుదైన రికార్డు సాధించాడు. టెస్టుల్లో 300 వికెట్లను వేగవంతంగా సాధించిన స్పిన్ బౌలర్‌గా రికార్డు నెలకొల్పాడు. శ్రీలంకతో రెండో టెస్టులో భాగంగా రెండో ఇన్నింగ్స్‌లో​ లహిరు గామేగ్‌ అవుట్‌ చేసిన అశ్విన్‌ 300 వికెట్ల క్లబ్‌లో చేరాడు. ఈ మ్యాచ్‌కు ముందు 292 వికెట్లతో ఉన్న అశ్విన్‌.. ఎనిమిది వికెట్లు సాధించి మూడొందల వికెట్ల మార్కును చేరాడు. ఫలితంగా వేగవంతంగా 300 టెస్టు వికెట్లను తన ఖాతాలో వేసుకున్నాడు. 54 టెస్టు మ్యాచ్‌ల్లో  ఆడిన అశ్విన్‌ ఈ ఫీట్‌ను సాధించాడు. ఈ క్రమంలోనే ఆసీస్‌ దిగ్గజం డెన్నిస్‌ లిల్లీ సాధించిన 56 మ్యాచ్‌ల రికార్డును అశ్విన్‌ బ్రేక్‌ చేశాడు. ఈ మ్యాచ్‌ తొలి ఇన్నింగ్స్‌ లో 4 వికెట్లు సాధించిన అశ‍్విన్‌.. రెండో ఇన్నింగ్స్ఖ్‌లో కూడా 4 వికెట్లన తన ఖాతాలో వేసుకున్నాడు. 





Related News