nagababu

‘అరవింద’ నుంచి రెండో పాటకు వేళాయరా

Updated By ManamTue, 09/18/2018 - 12:37

Aravinda Samethaఎన్టీఆర్ హీరోగా త్రివిక్రమ్ తెరకెక్కిస్తున్న చిత్రం ‘అరవింద సమేత వీర రాఘవ’. ప్రస్తుతం షూటింగ్ జరుపుకుంటున్న ఈ చిత్రం నుంచి ఇటీవల విడుదలైన మొదటి సింగిల్ ఆకట్టుకోగా.. తాజాగా రెండో సింగిల్‌కు ముహూర్తం ఖరారు చేశారు. పెనివిటి అంటూ సాగే ఈ పాటను బుధవారం సాయంత్రం 4.50గంటలకు విడుదల చేయనున్నారు. చూస్తుంటే చిత్రంలో వచ్చే ఎమోషనల్ పాటగా ఇది ఉండనున్నట్లు తెలుస్తోంది.

ఇక యాక్షన్ ఎంటర్‌టైనర్‌గా తెరకెక్కుతున్న ఈ చిత్రంలో ఎన్టీఆర్ సరసన పూజా హెగ్డే నటించగా.. నాగబాబు, ఈషా రెబ్బా తదితరులు కీలక పాత్రలలో కనిపించనున్నారు. హారిక అండ్ హాసిని పతాకంపై రాధాకృష్ణ నిర్మిస్తున్న ఈ చిత్రానికి థమన్ సంగీతం అందిస్తున్నాడు. దసరా కానుకగా ఈ చిత్రం ప్రేక్షకుల ముందుకు రానుంది. క్రేజీ కాంబోగా తెరకెక్కిన ఈ సినిమాపై అటు అభిమానుల్లోనే కాకుండా ఇటు మూవీ ప్రేక్షకుల్లోనూ మంచి అంచనాలు ఉన్నాయి.



ఎస్.వి.రంగారావుగా...

Updated By ManamWed, 09/05/2018 - 22:28

imageనందమూరి తారక రామారావు జీవిత కథ ఆధారంగా తెరకెక్కుతున్న చిత్రం ‘యన్.టి.ఆర్’. ఈ చిత్రంలో ఎన్టీఆర్ పాత్రను నందమూరి బాలకృష్ణ పోషిస్తున్నారు. క్రిష్ దర్శకత్వంలో రూపొందుతున్న ఈ చిత్రాన్ని నందమూరి బాలకృష్ణ స్వయంగా నిర్మిస్తున్నారు. ఈ చిత్రంలోని ప్రతి పాత్రా ఎంతో కీలకం కాబట్టి ఆయా పాత్రల కోసం ప్రముఖ తారాగణాన్ని ఎంపిక చేస్తున్నారు. అక్కినేని నాగేశ్వరరావు పాత్రను సుమంత్ పోషిస్తుండగా, ఎస్.వి.రంగారావు పాత్రలో నాగబాబును ఫైనల్ చేసినట్టు తెలుస్తోంది. మొదట ఈ పాత్ర కోసం మోహన్‌బాబు పేరు పరిశీలనలో ఉంది. ఇటీవల విడుదలై సంచలన విజయం సాధించిన ‘మహానటి’ చిత్రంలో ఎస్.వి.రంగారావు పాత్రను మోహన్‌బాబు పోషించిన విషయం తెలిసిందే. కానీ, ఆ పాత్రకు నాగబాబును ఎంపిక చేసినట్టు సమాచారం. అయితే దీనికి సంబంధించి ఎలాంటి అధికారిక ప్రకటన వెలువడలేదు.



‘గీత గోవిందం’ రివ్యూ

Updated By ManamWed, 08/15/2018 - 13:21
Geetha Govindam

హీరో విజ‌య్ దేవ‌ర‌కొండ న‌టించిన‌ `పెళ్లిచూపులు`, `అర్జున్ రెడ్డి` సినిమాల త‌ర్వాత రిలీజ్‌కి ముందు ఆ రేంజ్‌లో ప‌బ్లిసిటీ వ‌చ్చిన సినిమా `గీత గోవిందం`. తొలి సినిమా `చ‌లో`తో గోల్డెన్ లెగ్‌గా పేరు తెచ్చుకున్న ర‌ష్మిక మండ‌న్న ఇందులో హీరోయిన్‌. వీరిద్ద‌రు క‌లిసి క‌నిపించిన `ఇంకేం ఇంకేం కావాలే` సాంగ్ సూప‌ర్ హిట్‌. సినిమా రిలీజ్‌కి ముందు పైర‌సీ అయి కొన్ని సీన్లు లీక‌య్యాయి. ఇవ‌న్నీ ఎక్స్ పెక్టేష‌న్స్ ని భారీగా పెంచాయి. సినిమా వాటికి ధీటుగా ఉంటుందా? ఆల‌స్య‌మెందుకు.. రివ్యూ చ‌దివేయండి. 

బ్యాన‌ర్‌:  జిఎ2 పిక్చ‌ర్స్
తారాగ‌ణం: విజ‌య్ దేవ‌ర‌కొండ‌, ర‌ష్మిక మందాన్న, నాగ‌బాబు, సుబ్బ‌రాజు, వెన్నెల కిషోర్‌,  రాహుల్ రామ‌కృష్ణ‌, గిరిబాబు, అన్న‌పూర్ణ‌మ్మ‌, మౌర్యాని, సుభాష్‌, అభ‌య్‌, స్వ‌ప్న‌క‌, స‌త్యం రాజేష్‌, దువ్వాసి మెహ‌న్‌, గుండు సుద‌ర్శ‌న్‌, గౌతంరాజు, అనీష‌, క‌ళ్యాణి న‌ట‌రాజ‌న్‌, సంధ్య జ‌న‌క్ త‌దిత‌రులు...
మ్యూజిక్‌: గోపిసుంద‌ర్‌
సినిమాటోగ్ర‌ఫీ: మ‌ణికంద‌న్‌
ఎడిట‌ర్‌: మార్తాండ్‌.కె.వెంక‌టేష్
ఆర్ట్‌: ర‌మ‌ణ వంక‌
ఎగ్జిక్యూటివ్ ప్రోడ్యూస‌ర్‌: స‌త్య గ‌మిడి
లిరిక్స్‌: అనంత్ శ్రీరామ్‌, శ్రీమ‌ణి, 
ప్రెజెంట్స్: అల్లు అర‌వింద్‌
ప్రొడ్యూస‌ర్‌: బ‌న్నివాసు
స్టోరీ-స్క్రీన్‌ప్లే-డైలాగ్స్-డైర‌క్ష‌న్‌: ప‌రశురామ్‌
విడుద‌ల తేదీ: 15.08.2018

క‌థ‌
విజ‌య్ గోవింద్ (విజ‌య్ దేవ‌ర‌కొండ) ప్రైవేట్ ఇంజ‌నీరింగ్ కాలేజీలో లెక్చ‌ర‌ర్‌. గీత (ర‌ష్మిక‌) సాఫ్ట్ వేర్ ఎంప్లాయీ. గీత కంపెనీ ఓన‌ర్ కూతురు నీలు కి విజ‌య్ అంటే ఇష్టం. అత‌న్ని పెళ్లి చేసుకోవాల‌ని క‌ల‌లు కంటుంది. త‌న చెల్లెలి నిశ్చితార్థం కోసం ప‌ల్లెటూరికి వెళ్తాడు విజ‌య్‌. బ‌స్సులో అత‌ని ప‌క్క సీట్లో గీత ట్రావెల్ చేస్తుంది. అనుకోకుండా ఆమెతో అత‌నికి లిప్ లాక్ అవుతుంది. త‌న త‌ప్పేం లేద‌ని చాలా మొత్తుకుంటాడు విజ‌య్‌.

అత‌ని మాట విన‌కుండా త‌న అన్న‌య్య‌కు ఫోన్ చేసి విష‌యం చెబుతుంది. అత‌న్ని చంపేయాల‌ని తిరుగుతుంటాడు ఆమె అన్న‌య్య (సుబ్బ‌రాజు). అయినా అనుకోని ప‌రిస్థితుల కార‌ణంగా గీత‌, విజ‌య్ క‌లిసి తిరగాల్సి వ‌స్తుంది. దీని వ‌ల్ల ఏమైంది?  విజ‌య్ చెల్లెలి పెళ్లి సంగ‌తేంటి?  గీత అన్న‌య్య విజ‌య్ మీద ప‌గ పెంచుకున్నాడా? అతనికి ఇత‌నిపై ఎలాంటి అభిప్రాయం ఉంది? వ‌ంటివ‌న్నీ ఆస‌క్తిక‌ర‌మైన అంశాలు. 

geeta govindam

స‌మీక్ష‌
ప్ర‌తి వ్య‌క్తికీ పెళ్లి ఒక క‌ల‌. చేసుకోబోయే అమ్మాయి ఎలా ఉండాలి?  చేసుకున్నాక ఎలా చూసుకోవాలి.. వంటివ‌న్నీ అబ్బాయిల జేబుల్లో లిస్ట్ అయి రెడీగా ఉంటుంది. ఈ సినిమాలో విజ‌య్ పాత్ర కూడా అలాంటిదే. చిన్న‌ప్పుడే త‌ల్లిని పోగొట్టుకుని, క‌నుసైగ‌ల్లో అర్థం చేసుకునే భార్య రావాల‌ని కోరుకుంటుంటాడు. తొలి చూపులోనే గీతతో ప్రేమ‌లో ప‌డ‌తాడు. అనుకోని పొర‌పాటు వ‌ల్ల త‌న ప్రేమ‌ను వ్య‌క్తం చేసే సంద‌ర్భం అత‌నికి రాదు.

త‌న మ‌న‌సులోని మాట‌ను తీరా అవ‌త‌లి వ్య‌క్తి చెప్పే సంద‌ర్భ‌మే ఎదురైనా తృణీక‌రిస్తాడు. త‌ర్వాత త‌ప్పు తెలుసుకుని బాధ‌ప‌డ‌తాడు. బావ‌ను కాళ్లావేళ్లా ప‌డి త‌ను అనుకున్న‌ది సాధిస్తాడు. ఇదంతా ఏంటి? అంటే కంటికి క‌నిపించ‌ని శ‌త్రువుల‌తో వ్య‌క్తులు చేసే యుద్ధ‌మే. క్లిష్ట‌మైన ప‌రిస్థితుల‌ను త‌మ‌కు తాము సృష్టించుకుంటున్న ప‌లువురు యువ‌త‌కు నిద‌ర్శ‌నం విజ‌య్ పాత్ర‌. గీత పాత్ర కూడా నేటి స‌మాజానికి అద్దం ప‌టే పాత్రే. ఈ పాత్ర‌ల చుట్టూ ద‌ర్శ‌కుడు క‌థ అల్లుకున్నారు.

అయితే సీన్లు కాసింత కొత్త‌గా రాసుకుని ఉంటే బావుండేది. భావోద్వేగాల్లో ఇంకాస్త ప‌దును చూపించి ఉంటే స‌రిపోయేది. ముందే హిట్ట‌యిన పాట‌ల ఊపు సినిమాకు ప‌నికొచ్చింది. ఎన్న‌డూ లేనంత‌మంది యువ‌త‌ను థియేట‌ర్ల వైపు తీసుకొచ్చింది. ప్రారంభ‌పు వ‌సూళ్ల‌ను పిచ్చ‌గా రాబ‌ట్టింది. సినిమా యువ‌త‌కు న‌చ్చుతుంది. స‌కుటుంబంగా చూసేలా ఉంది. విజ‌య్ దేవ‌ర‌కొండ సినిమాకు ప్ల‌స్‌.

ర‌ష్మిక కూడా ప్ల‌స్సే. .. కాక‌పోతే క్లైమాక్స్ లో ఏడ‌వ‌డం స‌రిగా రాలేదు. ఆమె ఏడుస్తున్నా.. చిత్రమేంటో న‌వ్వుతున్న‌ట్టే అనిపించింది. అన్న‌పూర్ణ‌మ్మ‌, వెన్నెల కిశోర్ కామెడీ బావుంది. నాగ‌బాబుకు గొంతు అరువిచ్చారు. అయితే అదేదో కృత్తిమంగా అనిపించింది. సుబ్బ‌రాజుకు చాన్నాళ్ల త‌ర్వాత మంచి పాత్ర ప‌డింది. ద‌ర్శ‌కుడు సినిమాను చ‌క్క‌గా తీసినా, ఆయ‌న గ‌త సినిమాల్లో ఉన్న సెంటిమెంట్ స‌న్నివేశాలు, ప‌దునైన డైలాగులు ఇందులో అంత‌గా క‌నిపించ‌లేదు.

ప్ల‌స్ పాయింట్లు
- పాట‌లు
- న‌టీన‌టులు
- కామెడీ
- కెమెరా

మైన‌స్ పాయింట్లు
- నాగ‌బాబు వాయిస్‌
- ర‌ష్మిక న‌ట‌న‌
- పేల‌వంగా సాగే స‌న్నివేశాలు
- క‌థ ఫ్లాట్‌గా ఉండ‌టం

రేటింగ్‌: 3/5
బాట‌మ్ లైన్‌:  యూత్ కోసం `గీత గోవిందం`.



మళ్లీ లీకైన అరవింద సమేత ఫొటోలు.. తలలు పట్టుకుంటున్న యూనిట్

Updated By ManamSat, 08/11/2018 - 11:01

NTR ఎన్టీఆర్ హీరోగా మాటల మాంత్రికుడు త్రివిక్రమ్ తెరకెక్కిస్తున్న చిత్రం ‘అరవింద సమేత’. సెట్స్ మీదకు వెళ్లినప్పటి నుంచి ఈ చిత్ర షూటింగ్ శరవేగంగా జరుగుతుండగా.. మరోవైపు లీకురాయుళ్లు తమ పనిని మొదలుపెట్టారు. ఈ చిత్రానికి సంబంధించిన కొన్ని ఫొటోలను లీక్ చేస్తున్నారు. ఇటీవలే ఈ చిత్రానికి సంబంధించిన ఎన్టీఆర్, నాగబాబు ఉన్న ఫొటో ఒకటి లీక్ అవ్వగా.. తాజాగా కూడా వారిద్దరికి సంబంధించిన ఫొటోలు బయటకు వచ్చాయి.

విడుదలైన ఫొటోలలో సీన్‌కు సంబంధించిన సమయం కూడా ఉండటంతో యూనిట్‌లో వారే ఎవరో వీటిని నెట్‌లో పెట్టి ఉంటారని సమాచారం. షూటింగ్ స్పాట్‌లోకి ఫోన్లు తీసుకురాకుండా దర్శకుడు ఎన్ని జాగ్రత్తలు తీసుకుంటున్నా.. లీకులు అవుతుండటంతో చిత్రయూనిట్ తలలు పట్టుకుందట. దీంతో షూటింగ్‌ స్పాట్‌లో మరింత కఠినంగా దర్శకుడు వ్యవహరించనున్నట్లు తెలుస్తోంది. కాగా స్వాతంత్ర్యదినోత్సవం కారణంగా ఈ చిత్ర టీజర్‌ విడుదల కానున్నట్లు తెలుస్తోంది.



‘అరవింద సమేత’లో ఎన్టీఆర్, నాగబాబు ఫొటో లీక్

Updated By ManamMon, 07/23/2018 - 13:17

ntr ఎన్టీఆర్ హీరోగా త్రివిక్రమ్ తెరకెక్కిస్తున్న చిత్రం ‘అరవింద సమేత’. దసరాకు ఈ చిత్రాన్ని విడుదల చేయనుండగా.. అందుకు తగ్గట్లుగా షూటింగ్ శరవేగంగా జరుగుతోంది. కాగా ఈ చిత్రం నుంచి తాజాగా ఓ ఫొటో లీక్ అయ్యింది. అందులో వర్షం పడుతుండగా.. నాగబాబు తీవ్ర గాయాలతో ఉన్నాడు. అతడిని కారులో తీసుకెళ్తూ, ధీనంగా చూస్తూ, గడ్డం పట్టుకొని లేపుతున్నట్లుగా ఉంది. చూస్తుంటే ఈ ఫొటో చిత్రానికి కీలకమైన సన్నివేశమని తెలుస్తోంది. ఇక పిక్‌ను ఎవరు లీక్ చేశారో తెలీదు కానీ, ప్రస్తుతం సోషల్ మీడియాలో వైరల్‌గా మారింది.

కాగా ఫ్యాక్షన్ కథాంశంతో తెరకెక్కుతున్న ఈ చిత్రంలో ఎన్టీఆర్ సరసన పూజా హెగ్డే నటిస్తుండగా.. ఈషా రెబ్బా కీలక పాత్రలో కనిపించనుంది. హారిక అండ్ హాసిని పతాకంపై రాధాకృష్ణ నిర్మిస్తున్న ఈ చిత్రానికి థమన్ సంగీతం అందిస్తున్నాడు.



‘మెగా’ ఫొటో వెనుక కథ చెప్పిన పవన్

Updated By ManamFri, 07/06/2018 - 10:01

తన అన్నలు చిరంజీవి, నాగబాబు అక్క, చెల్లితో తీసుకున్ ఓ ఫొటోను జనసేన అధినేత పవన్ కల్యాన్ గురువారం సోషల్ మీడియాలో అభిమానులు చేశారు. ఈ సందర్భంగా ఆ ఫొటో వెనుక ఉన్న కథను కూడా చెప్పారు. అప్పుడు మేము నెల్లూరులో ఉన్నాం. నేను ఏడో తరగతి చదువుతున్నా. చాలా కాలం బ్రాంకెటిస్‌తో బాధపడ్డా. దాని నుంచి బయటపడ్డాక ఈ ఫొటో తీసుకున్నాం అంటూ పవన్ తెలిపారు. మరోవైపు ఈ ఫొటోపై మెగాభిమానులు సంతోషం వ్యక్తం చేస్తున్నారు. మెగా ఫొటో అంటూ వారు ఆ ఫొటోను షేర్ చేస్తున్నారు. ఇదిలా ఉంటే వచ్చే ఎన్నికల్లో ఏపీలో పోటీ చేయాలనుకుంటున్న పవన్ కల్యాణ్ తన ప్రచారంలో వేగాన్ని పెంచారు. అధికార పార్టీ లోపాలను ఎత్తిచూపుతూ ఆయన ప్రచారాన్ని కొనసాగిస్తున్నారు.



ఫ్యాక్షన్ నేపథ్యంతో ఎన్టీఆర్ సినిమా

Updated By ManamWed, 05/02/2018 - 16:35

ntrయంగ్ టైగర్ ఎన్టీఆర్ హీరోగా ఏస్ డైరెక్టర్ త్రివిక్రమ్ శ్రీనివాస్ దర్శకత్వంలో ఓ సినిమా రూపొందుతున్న విషయం తెలిసిందే. హారిక అండ్ హాసినీ క్రియేషన్స్ పతాకంపై ఎస్.రాధాకృష్ణ నిర్మిస్తున్న ఈ చిత్రంలో పూజా హెగ్డే హీరోయిన్‌గా నటిస్తోంది. రాజకీయ నేపథ్యం కలిగిన కుటుంబ కథా చిత్రంగా ఈ సినిమా తెరకెక్కుతోంద‌ని స‌మాచారం. కాగా.. అంతర్లీనంగా ఫ్యాక్షన్ నేపథ్యంతో సాగే ఈ కథలో జగపతిబాబు, నాగ‌బాబు ఫ్యాక్షనిస్టుల పాత్రలు పోషిస్తున్నట్లు సమాచారం. వీరిద్ద‌రి కాంబినేష‌న్‌లో ఒక యాక్షన్ సన్నివేశంతో సినిమా మొదలవుతుందనీ.. కథకి అదే మూలమని అంటున్నారు. ఇదిలా ఉంటే.. తాజాగా తొలి షెడ్యూల్‌ను పూర్తిచేసిన‌ చిత్రబృందం.. తదుపరి షెడ్యూల్‌ను వచ్చే వారం నుంచి హైదరాబాద్‌లో ప్రారంభించ‌నుంది. ఈ షెడ్యూల్‌లో ఎన్టీఆర్, పూజా హెగ్డేపై కొన్ని కీలక సన్నివేశాలను చిత్రీక‌రించ‌నున్నారు. సెప్టెంబర్ కల్లా సినిమాని పూర్తి చేసి.. అక్టోబర్‌లో దసరా సందర్భంగా విడుదల చేయడానికి దర్శకనిర్మాతలు ప్లాన్ చేస్తున్నారు.



హెచ్‌బీవోలో ‘సూర్య’

Updated By ManamTue, 05/01/2018 - 12:59

allu arjun స్టైలిష్ స్టార్ అల్లు అర్జున్ నటించిన తాజా చిత్రం ‘నా పేరు సూర్య- నా ఇల్లు ఇండియా’. మే 4న ఈ చిత్రం ప్రేక్షకుల ముందుకు రానుంది. ఈ నేపథ్యంలో ప్రమోషన్లలోనూ వేగాన్ని పెంచేసింది చిత్ర యూనిట్. అయితే ఈ ప్రమోషన్స్ కేవలం తెలుగులోనే కాదు ఇంగ్లీష్ ఛానెల్స్‌లోనూ జరుగుతున్నాయి. ప్రముఖ ఇంటర్నేషనల్ టెలివిజన్ హెచ్‌బీవో(HBO) ఇండియా కోసం అల్లు అర్జున్ అంబాసిడర్‌గా వ్యవహరిస్తుండగా.. ఆ ఛానెల్‌లోనూ నా పేరు సూర్య ప్రమోషన్స్ జరగనున్నాయి. దీంతో దేశవ్యాప్తంగా మరింతమందిని కనెక్ట్ అవ్వనున్నాడు బన్నీ.

కాగా యాక్షన్ ఎంటర్‌టైనర్‌గా తెరకెక్కిన ఈ చిత్రంలో బన్నీ సరసన అను ఇమ్మాన్యుఎల్ నటిస్తుండగా.. అర్జున్, నదియా, శరత్ కుమార్, రావు రమేశ్ తదితరులు ముఖ్యపాత్రలలో కనిపించనున్నారు. లగడపాటి శిరీషా శ్రీధర్, నాగబాబు సంయుక్తంగా నిర్మిస్తున్న ఈ చిత్రానికి వక్కంతం వంశీ దర్శకత్వం వహిస్తుండగా, బాలీవుడ్ ద్వయం విశాల్-శేఖర్ సంగీతం అందించారు.

 



కోపం వచ్చినప్పుడు బూతులే వస్తాయి, మంత్రాలు రావు

Updated By ManamSat, 04/28/2018 - 12:02

NSNI అల్లు అర్జున్ హీరోగా వక్కంతం వంశీ తెరకెక్కించిన చిత్రం ‘నా పేరు సూర్య- నా ఇల్లు ఇండియా’. మే 4న ఈ చిత్రం ప్రేక్షకుల ముందుకు రానుంది. తాజాగా ఈ చిత్ర ట్రైలర్ తాజాగా విడుదలైంది. యాంగ్రీ ఆర్మీ ఆఫీసర్‌గా ట్రైలర్‌లో మరింత రెచ్చిపోయాడు అల్లు అర్జున్. ‘‘ఒక మనిషి సమాజంలో బ్రతకాలంటే ఫ్యామిలీ, కెరియర్, ఫ్రెండ్స్, లవ్ ఇవన్ని కనీసం ఉండాలి’’, ‘‘కోపం వచ్చినప్పుడు బూతులే వస్తాయి, మంత్రాలు రావు’’, ‘‘ఇండియా కావాలి, ఇచ్చెయ్’’ అనే డైలాగ్‌లు ఆకట్టుకున్నాయి. మొత్తానికి ట్రైలర్‌తో సినిమాపై మరింత అంచనాలను పెంచేశాడు అల్లు అర్జున్. 

ఇక ఈ చిత్రంలో బన్నీ సరసన అనూ ఇమ్మాన్యుల్ నటిస్తుండగా.. అర్జున్, శరత్ కుమార్, నదియా, రావు రమేశ్ తదితరులు ముఖ్య పాత్రలలో కనిపించనున్నారు. లగడపాటి శ్రీధర్, నాగబాబు నిర్మించిన ఈ చిత్రానికి విశాల్-శేఖర్ సంగీతం అందించారు. 

 



మెగా ఫ్యామిలీని ఏకిపారేసిన నటి శ్రీరెడ్డి!

Updated By ManamMon, 04/23/2018 - 18:26

Actress Sri Reddy Latest Comments on Mega Family

టాలీవుడ్‌లో ‘కాస్టింగ్ కౌచ్’తో మొదలైన వివాదం వ్యక్తిగతంగా వెళ్లి పలుములుపులు తిరిగి.. మెగా ఫ్యామిలి దాకా వెళ్లింది.! ఇటీవల నటి శ్రీరెడ్డి.. ప్రముఖ నటుడు, జనసేన అధినేత పవన్ కల్యాణ్‌‌పై తీవ్ర దుమారం రేపే విమర్శలు గుప్పించడంతో ఆగ్రహానికి లోనైన మెగా కుటుంబం మీడియా ముందుకొచ్చి తమ ఆక్రోశాన్ని వెల్లగక్కారు. అయితే పవర్‌స్టార్ పవన్ కల్యాణ్ ఈ వ్యవహారంలోకి ఎంటరవ్వడంతో సీన్ మొత్తం మారిపోయింది. శ్రీరెడ్డి తిట్టిన మాటలను పదేపదే ప్రసారం చేసిన టీవీ చానెల్స్‌ను పవన్ విమర్శించడమే కాకుండా వారిపై లీగల్‌‌గా వెళతానని చెప్పడంతో అసలేం జరుగుతోందా.. తెలియని పరిస్థితులు నెలకొన్నాయి. శ్రీరెడ్డితో తిట్టించింది తానేనని సంచలన దర్శకుడు రాంగోపాల్ వర్మ.. ఇప్పటికే సుమారు 30 సార్లు క్షమాపణలు కోరారు. అయినా వాటన్నింటినీ లెక్కచేయని మెగా ఫ్యామిలీ లీగల్ వెళ్లి టీవీ చానెల్స్, తమ కుటుంబాన్ని అనరాని మాటలన్న శ్రీరెడ్డి, ఆ మాటలు అనిపించిన వారిపై లీగల్ వెళ్లాలని కీలక నిర్ణయం తీసుకున్నారు.

అయితే పవన్ చెప్పుకొచ్చిన ఆ రెండు చానెల్స్ సైతం ఏ మాత్రం తగ్గకుండా ఇప్పటికే నోటీసులివ్వడం.. మేం కూడా లా పరంగా వెళ్లి తేల్చుకుంటామన్నట్లుగా ముందుకెళ్తున్నారు. అయితే ఈ క్రమంలో మరోసారి సోషల్ మీడియాకు ఎక్కిన రాంగోపాల్ వర్మ, శ్రీరెడ్డి మెగా ఫ్యామిలీని టార్గెట్ చేస్తూ పలు ప్రశ్నలు గుప్పించడంతో పాటు, సంచలన ఆరోపణలు చేయడంతో మెగాభిమానులు, జనసేన కార్యకర్తలు తీవ్ర ఆగ్రహంతో ఊగిపోతున్నారు. అయితే తాజాగా అగ్గికి ఆజ్యం పోసినట్లుగా మెగా ఫ్యామిలీకి సంబంధించి పలు విషయాలపై శ్రీరెడ్డి మరో సంచలనాన్ని వెలుగులోకి తెచ్చింది.. అసలు శ్రీరెడ్డి ఏం చెప్పదలుచుకుంది? ఆమె మనసులో ఏముందనే విషయాలను ఇప్పుడు చూద్దాం..!
 
శ్రీరెడ్డి తన ఫేస్‌బుక్‌లో పోస్ట్ చేసిన విషయాలు యథావిధిగా...

  1. దగ్గర దగ్గర 28 శాతం విస్తరించి ఉన్న ఒక సామాజిక వర్గం, కులాభిమానం మెండు గా ఉండి అది తలకెక్కి ఆ ఒక్క కుటుంబం బాగుంటే మేము బాగున్నట్టే అనుకొని ఒక పిచ్చి భ్రమ లో బతుకున్నారు.

  2. మా కులంలో ఒక గొప్ప హీరో ఉన్నాడు, మిగిలిన ఇంకో సామజిక వర్గానికి ధీటైన పోటీ ఇచ్చాడు, మా పరువు నిలుపుతున్నాడు.... అనుకుంటూ ఒంటి మీద చొక్కా, కాలికి జోళ్ళు ఉన్నాయో లేదో చూసుకోకుండా 30 ఏళ్లుగా ఆ ఒక్క కుటుంబాన్ని మోస్తున్నారు.... ఏం ఒరిగింది మీకు ??

  3. ఆ కుటుంబం అద్దె ఇంటి నుండి డాబాకి , ఆడ నుండి మేడలోకి ఆపై రాజ భవనం లాంటి ఇళ్ళలోకి మారి భుజాన మోస్తున్న మిమ్మల్ని గేటు దగ్గరే ఆపేసారు. అందులో మీకు వచ్చింది మా కులం లో ఒక పెద్ద హీరో ఉన్నాడు అని ఒక ఫాల్స్ 'క్యాస్ట్ ప్రైడ్' అంతే.

  4. ఆ కులాభిమానం వీక్నెస్ ని....ఆ కుటుంబం క్యాష్ చేస్కొని... ఆయన కుటుంబం నుండి ఇప్పటికి 8 మంది ని హీరోస్ ని చేసి మీ మీదకి వదిలాడు. మీకు వచ్చింది ఏం ఉంది అందులో ??

  5. ఆ యబ్బి బ్లడ్ బ్యాంకు పెట్టి ....రక్తం నువు ఇస్తే పబ్లిసిటీ తను చేస్కోన్నాడు..... ఐ బ్యాంకు పెట్టి కళ్ళు నువ్వు దానం చేస్తే ఆయన గొప్పతనం గా ప్రమోట్ చేస్కోన్నాడు ..! అందులో నీకు వచ్చింది ఏం ఉంది ??

  6. ఆ తరువాత.....రాజకీయాల్లోకి వచ్చి నీ భుజాన పార్టి జెండా పెట్టి.... టికెట్స్ తను అమ్ముకొని సొమ్ము చేస్కోన్నాడు..... కొడుక్కి 'రోల్స్ రాయీస్' లాంటి ఖరీదైన కార్లు కొన్నాడు..... నీకు ఏం పెట్టాడు..... చేతిలో చిప్ప తప్ప ..!

  7. 294 లో ఒక పది టికెట్స్ అయినా 3 దశాబ్దాలు గా ఆయన్ని మోస్తున్న ఫాన్స్ ప్రెసిడెంట్స్ కి అయినా ఇచ్చడా ?? లేదు డబ్బు సంచులతో ఎవడు వస్తే వాడికే ఇచ్చాడు.

  8. కలెక్షన్స్ బాగా దండుకొని అంత అయ్యాక పార్టి మూసేసి.... నన్ను అమాయకుణ్ణి చేసి ముంచేసారని మొసలి కన్నీళ్ళు కారిస్తే.....నువ్వు పెడ బొబ్బలు పెట్టావ్.... మా అన్న మంచోడు చుట్టూ చేరి ముంచేసారని ..!

  9. ఎన్టీఆర్ గారు అదే సినిమా ప్రపంచం నుండి వచ్చి.... పార్టీ పెట్టి తన ఫాన్స్ ప్రెసిడెంట్స్ గా ఉన్న శ్రీపతి రాజేశ్వర్, నెల్లూరు రమేష్ రెడ్డి,బి వి మోహన్ రెడ్డి...... లాంటి వాళ్ళకి టికెట్స్ ఇచ్చి గెలిపించి మంత్రుల్ని చేసాడు. మరి ప్రజలు లేని ఒక రాజ్యం అనే పార్టి పెట్టినా ఆ అన్న ఏం చేసాడు ??

  10. ఇవ్వాళ తముడు..... ఇంకో పార్టి పెట్టి కొత్త అవతారం ఎత్తాడు. పార్టి పెట్టి ....పెట్టక ముందే ఒక మంచి ప్యాకేజీ కుదుర్చుకొని ప్రీ ప్రొడక్షన్ లో పార్టి ఉండగానే టేబుల్ ప్రాఫిట్ చూసాడు.. మహా తెలివిగలోడు.

  11. ఎంత తెలివి అంటే ఒక మనిషి తనని తిడితే మా తల్లి ని తిట్టింది అని నిమ్మళంగా నాలుగు రోజులాగి దానిని రాజకీయం చేసి , మీడియా మీద బురద జల్లి దాంట్లో కొంచెం ప్రత్యర్ది పార్టి కి పూసి తను పెట్టబోయే కొత్త ఛానల్ కి ప్రమోట్ చేస్కునేంత తెలివిగలోడు.....

  12. అసలు చెప్పిన నిజాలు నీకు ఒప్పుకోవడానికి మనసొప్పదు..... సరే నేను ఒకటి అడుగుతా చెప్పు...... 30 ఏళ్లుగా NO 1 ఉంటూ సగానికి పైగా థియేటర్స్ కంట్రోల్ లో పెట్టుకొని సినిమా ఇండస్ట్రీ లో మకుటం లేని మహారాజు గా ఉన్న ఆ పెద్ద మనిషి... ఒక్క నటుడి నైనా మీ కులం లో నుండి హీరో గా రమ్మని గాని....... వచ్చిన వాళ్ళని ఎంకరేజ్ చేయడం గాని జరిగిందా ??

  13. లేదు..... ఆయన కుటుంబంలోనే డజను మందిని దింపి .....నీ భుజాన మోపాడు. ఏం మీ కులం లో ఆ కుటుంబం తప్పించి హీరోస్ అయ్యే అర్హత ఇంకెవరికి లేదా ??

  14. అదే సినిమా ప్రపంచం లో ఇంకో కులం కూడా ఉంది.... 3 శాతం కూడా లేని.....ఆ కులం నుండి 30 రకాల కుటుంబాలు బోలెడు డైరెక్టర్స్.......బొచ్చెడు మంది హీరోస్ ఉన్నారు. మరి 30 శాతం ఉన్న మీ కులం ఉండి ఆ కుటుంబం తప్పించి ఇంకోకళ్లని ఆ కుటుంబం ఎందుకు తీస్కు రావట్లేదు..... అదే వ్యాపారం అంటే మీ కులానికి తానే ప్రతినిధిని అని చెప్పుకుంటూ చేసే మోనోపోలీ బిజినెస్ అది.

  15. ఏనాడైనా మీరు బాగా చదువుకుని బాగుపడండిరా....మా వెనక తిరగొద్దు ....అన్నారా?.. తెలుసుకో....... ఇప్పటికైనా కళ్ళు తెరువు....... టికెట్స్ కోసం సిగపట్లు పట్టి ......చిరిగినా చొక్కా తెగిన జోళ్ళు చూసుకో.!

  16. కులం మాటున చేసే ఆ బానిస మనస్తత్వం వదిలి నీ గురించి నీ కుటుంబం గురించి ఆలోచించు..... ఒళ్ళు వంచి కష్టపడు అపుడు రిజర్వేషన్ అడగాల్సిన అవసరం కూడా ఉండదు.!

  17. నిన్న కూడా సరిగ్గా వయసు కూడా రాని కుర్రోళ్ళు.....ఫాన్స్ పేరుతో....టీవీ వాహనాలు పగలగొట్టారు.....ఓ వ్యక్తిని....పోలీసు చొక్కా పట్టుకుని లాక్కెళ్లడం కూడా చూసాం....వాళ్ళు వచ్చారా...?

  18. సమయం అంత ఆ కుటుంబం తీసిన సినిమాలు.....పెట్టిన పార్టీలు..... ఇచ్చిన పిలుపులకి స్పందిచటానికి ఖర్చు పెడితే నీ భార్య బిడ్డలకి ఏం తెచ్చి పెడతావ్......ఎలా పోషిస్తావ్ ??

  19. కొంతమంది నా ప్రాణ మిత్రులు...సోదరులు.... ఫాన్స్ గా చెప్పుకుంటూ 'క్యాస్ట్ ప్రైడ్' తో కాలర్ ఎగరేసే చాలా మందిని చూసి జాలి వేసి రాయాలి అనిపించి రాసా ..! 

‘ఇక ఏం చేయదలుచుకున్నారో మీ విజ్ఞతకే వదిలేస్తున్నాను’ అని శ్రీరెడ్డి తన ఫేస్‌బుక్ ఖాతాలో పోస్ట్ చేసింది.

కాగా ఈ ఒక్క పోస్ట్‌ను చేసినందుకు మాత్రం చాలా మంది శ్రీ శక్తిని మెచ్చుకుంటున్నారు. మరికొందరు ఆమెను రాయలేని పదాలతో అసభ్యంగా కామెంట్స్ చేస్తున్నారు. ఇటీవల జరిగిన పరిణామాలన్నింటిపై శ్రీరెడ్డి సోషల్ మీడియా వేదికగా పవన్, ఆమె అభిమానులకు క్షమాపణ చెప్పింది. అయితే ఆ సారీ చెప్పిన కొన్ని గంటలకే ఈ రేంజ్‌‌లో ఏకిపారేయడం గమనార్హం. అయితే ఇప్పటి వరకు శ్రీరెడ్డి వ్యవహారంలో మీడియా ముందుకొచ్చి స్ట్రాంగ్ కౌంటర్స్, వార్నింగ్ ఇచ్చిన మెగా ఫ్యామిలీ ఈ సంచలన పోస్ట్‌కు ఎలా స్పందిస్తుందో వేచిచూడాల్సిందే.

 

దగ్గర దగ్గర 28 శాతం విస్తరించి ఉన్న ఒక సామాజిక వర్గం, కులాభిమానం మెండు గా ఉండి అది తలకెక్కి ఆ ఒక్క కుటుంబం బాగుంటే మేము...

Posted by Sri Reddy on Monday, April 23, 2018

Actress Sri Reddy Latest Comments on Mega Family

 





Related News