aadhar

ఆధార్ వాడకానికి చట్టం అవసరం

Updated By ManamSat, 10/06/2018 - 22:30

Arun-Jaitleyన్యూఢిల్లీ: బయో మెట్రిక్ ఐడెంటిటి ఆధార్‌ను మొబైల్ ఫోన్లకు, బ్యాంక్ ఖాతాలకు తప్పనిసరిగా అనుసంధానపరచ డాన్ని పార్లమెంట్ ఆమోదించిన చట్టం పునరుద్ధరించడానికి అవకాశముందని ఆర్థిక మంత్రి అరుణ్ జైట్లీ శనివారం పేర్కొన్నారు. కానీ, ప్రభుత్వం దీని కోసం కొత్త చట్టం తీసుకు వస్తుందని ఆయనేమీ వెల్లడిం చలేదు. బయోమెట్రిక్ ఆధా రిత 12 సంఖ్యల అనన్య గుర్తింపు సంఖ్య ఆధార్ రాజ్యాంగ బద్ధతను సుప్రీం కోర్టు గత నెలలో ధ్రువీక రించింది. కా నీ, మొబైల్ ఫోన్ వాడకం దారు గుర్తింపు ను సరిపోల్చు కోవడం కోసం టెలికాం ఆపరేటర్ల వంటి ప్రైవేటు సంస్థలు వాటిని ఉపయోగించుకోవడాన్ని నిషేధించింది. తీర్పును ఆయన ‘‘సిసలైనదిగా, సాధారణంగా అందరూ ఇష్టపడేదిగా’’ అభివర్ణించా రు. ఆధార్ విషయంలో ప్రభుత్వ ఆశయం న్యాయబద్ధమైనదేనని కోర్టు అంగీకరించిందని జైట్లీ అన్నారు. ‘‘ఆధార్ పౌరసత్వ కార్డు కాదు’’ అని ఆయన ఇక్కడ హిందూస్థాన్ టైమ్స్ నాయకత్వ శిఖరాగ్ర సదస్సులో అన్నారు. ‘‘ఎందుకంటే, మన దగ్గర ప్రభుత్వానికి చెందిన భారీ మొత్తంలో నగదును అన్ని వర్గాల వ్యక్తులకు వివిధ రూపాలలో సహాయంగా, సబ్సిడీలుగా అందించే వ్యవస్థ ఉంది. ఆధార్ ముఖ్య ఉద్దేశం అదే’’ అని ఆయన అన్నారు. ఆధార్ వల్ల చేయదగిన చాలా పనులను సుప్రీం కోర్టు అంగీకరించిందని ఆయన అన్నారు. ‘‘కోర్టు సమ్మతించ నిది రెండు కేటగిరీలలోకి వస్తుంది. 

Arun-Jaitley

ఈ కేసులలో ఆధార్ ఎంతవరకు సహా యపడగలదే సమానతా సూత్రం. రెండు. సముచితమైన చట్టంతో ఆ పనిని నిర్వహించడం. ప్రైవేటు కంపెనీలు దానిని ఉప యోగించకూడదనే వాదనకు సెక్షన్ 57లో జవాబు లభిస్తోంది. చట్టం ద్వారా కాంట్రాక్టు ద్వారా ఇతరులను అధీకృతం చేయవచ్చు. కాంట్రాక్టు ద్వారా ఆ పని చేయకూడదన్నదాన్ని మాత్రమే కోర్టు కొట్టేసింది’’ అని ఆయన అన్నారు. చట్టం ద్వారా ఒక న్యాయ నిబంధన తీసుకొచ్చి,  మొబైల్ ఫోన్లు, బ్యాంక్ ఖాతాలతో ఆధార్ అనుసంధానాన్ని పునరుద్ధరించే పని చేయవచ్చని ఆర్థిక మంత్రి పేర్కొన్నారు. ‘‘చట్టం ద్వారా ఆ పని ఇప్పటికీ చేయ వచ్చు. కాకపోతే తగిన న్యాయ నిబంధన కింద ఆ పని చేయాలి. ఈ రంగంలో అది అవసరం అనే ప్రాతిపదికన ఆ పని చేయవచ్చు’’ అని జైట్లీ అన్నారు. అయితే, దీని నిమిత్తం ప్రభు త్వం పార్లమెంట్ ద్వారా ఒక చట్టం చేస్తుందా అనే సంగతిని ఆయన వెల్లడించలేదు. ‘‘అనురూపత సూత్రాన్ని’’ ఆధారం చేసుకుని ఆదాయ పన్ను వంటి వివిధ విభాగాల్లో ఆధార్‌ను అనుసంధానపరచడానికి సుప్రీం కోర్టు అనుమతించిందని జైట్లీ చెప్పారు. ‘‘మొబైల్ టెలిఫోనీలో ఆధార్ అనుసంధానం వల్ల ప్రయోజనం చేకూరుతుందనే డాటాను చూపించగలగాలి. అప్పుడది సాధ్య పడుతుంది. మొబైల్, బ్యాంక్ ఖాతాలు రెండు కీలకమైన విభాగాలు’’ అని ఆయన అన్నారు. ప్రతి పౌరునికి ఒక బయోమెట్రిక్ ఐడెంటిటీని ఇవ్వాలన్న ప్రభుత్వ అనుపమాన ప్రయత్నం రాజ్యాంగబద్ధమైనదేనని  సుప్రీం కోర్టు ప్రకటించింది. అయితే, బయోమెట్రిక్ ప్రమాణీకరణ రెండు రకాల వాడకం మధ్య అది స్పష్టమైన విభజన రేఖను గీసింది. సబ్సిడీల చెల్లింపుల వంటి ప్రభుత్వం సమ కూర్చే సహాయాలకు వాడుకోవడం. పన్నుల రికార్డుల కు వాడుకోవడం. ఈ రెండూ ఆమోదయోగ్యమైన వేనని చెప్పింది. టెలికాం కంపెనీలు, బ్యాంకులు వంటి ప్రైవేటు రంగ సంస్థలు ప్రమాణీకరణకు వాటిని ఉపయోగించుకోవడాన్ని నిషేధించింది.



అదుపులతో ఆమోదం

Updated By ManamFri, 09/28/2018 - 01:13

imageవ్యక్తిగత గోపత్యకు భంగరమని ముప్ఫైకి పైగా వ్యాజ్యాలతో క్లిష్టమైన న్యాయ వివాదంలో కూరుకునిపోయిన ఆధార్ ప్రాజెక్టు ఎట్టకేలకు గట్టెక్కింది. ఆధార్ డేటా భద్రతపై తీవ్రంగా చర్చలు జరుగుతున్న నేపథ్యంలో ఆధార రాజ్యాంగ బద్ధమైనదేనని, అయితే ప్రైవేట్ సంస్థలకు ఆ డాటా అందించ వలసిన అవసరం లేదని కొన్ని షరతులు విధిస్తూ సుప్రీంకోర్టు అయిదుగురు ధర్మాసనం బుధవారం తీర్పు ఇచ్చింది. అయితే అక్రమ వలసదారులు అక్రమ మార్గాల ద్వారా ఆధార్ కార్డు పొందకుండా జాగ్రత్తలు తీసుకోవాలని, సాధ్య మైనంత త్వరగా సమాచార సంరక్షణ (డేటా భద్రత)కు చట్టాన్ని తీసుకు రావాలని కేంద్రాన్ని ఆదేశించింది. ఆధార్ లేదన్న కారణంగా పౌరుల ప్రాథ మిక హక్కుల్ని కాలరాయకూడదని సుప్రీం ధర్మాసనం స్పష్టం చేసింది.

గత ఏడాది తొమ్మిది మందితో కూడిన ధర్మాసనం వ్యక్తిగత గోప్యతను ప్రాథమిక పౌరుల ప్రాథమిక హక్కుగా పరిగణిస్తూ తీర్పునిచ్చిన నేపథ్యంలో యునిక్ ఐడెంటిఫికేషన్ కార్యక్రమం న్యాయపరీక్షకు నిలబడలేదన్న సందేహాలు ఏర్ప డ్డాయి. రాజ్యసభలోని ఓటింగ్ తప్పించుకోవడం కోసం కేంద్రం దాన్ని ద్రవ్య బిల్లుగా చిత్రీకరించి ప్రవేశపెట్టడం ‘వంచన’ అనీ, దాంతో ఈ పథకం రాజ్యాంగబద్ధం కాదని ధర్మాసనంలోని జస్టిస్ చంద్రచూడ్ తన అసమ్మతిని తెలియజేశారు. వ్యక్తిగత గోప్యత, నిఘా తదితర అభ్యంతరాల మాట ఎలా వున్నా, ప్రభుత్వ సంక్షేమ పథకాలు ఆధార్‌తో అనుసంధానించడం వల్ల ఆహా ర పంపిణీలో అవకతవకలు ఏర్పడి ఆకలిచావులు సంభవిస్తున్న నేపథ్యంలో సుప్రీం ధర్మాసనం చారిత్రాత్మక సంచలన తీర్పు ఇచ్చిందంటూ పలు మీడి యా కథనాలు, సంపాదకీయాలు రావడం దురదృష్టకరం.

ప్రజాపంపిణీ వ్యవస్థ అవినీతికి అడ్డుకట్టవేసే లక్ష్యంతో మొట్టమొదటగా ఆధార్ వ్యవస్థను రూపొందించారు. ఆ తర్వాత దాన్ని క్రమంగా ప్రభుత్వ, ప్రైవేట్ రంగాలన్నిటికీ విస్తరించే ప్రయత్నం జరగడంతో వ్యక్తిగత గోప్యత, సమాచార భద్రత, నిఘా తదితర అంశాల పునాదిగా ఆధార్ వ్యవస్థపై అనేక విమర్శలు వచ్చాయి. అయితే ఆధార్ వినియోగంతో అవినీతికి కళ్లెం పడి ప్రభుత్వ ఖజానాకు రూ.80వేల కోట్లకు పైగా ప్రజాధనం ఆదా అయిందని మోదీ సర్కారు చెబుతోంది. ప్రభుత్వ సబ్సిడీలు పొందేవారు ఆధార్ వంటి ఏదో ఒక గుర్తింపు చూపాలంటున్న చట్టంలోని ఏడో అధికరణ రాజ్యాంగబ ద్ధమేనని ధర్మాసనంలో మెజారిటీ అభిప్రాయ పడింది. బ్యాంకు అకౌంట్లు, మొబైల్ సేవలు, ఉన్నత చదువులు, స్కూల్ అడ్మిషన్లు, ఎంట్రన్స్ పరీక్షలు తదితర అవసరాలకు ఆధార్ తప్పనిసరి అని ప్రభుత్వం నిబంధన విధించిన నేపథ్యంలో ఈ తీర్పు  మధ్యతరగతికి కొంత ఊరట కలిగించింది. సామాన్యులకు ఆధారంగా నిలిచే ప్రజాపంపిణీ వ్యవస్థ, స్కాలర్‌షిప్పులు, వంట గ్యాస్, మధ్యాహ్న భోజన పథకాలు వంటి వాటిపై ఆధార్ నీలినీడలు ఇంకా కొనసాగుతుండడం దురదృష్టకరం. ప్రైవేట్ సంస్థలను ఆధార్ వ్యవస్థ నుంచి దూరం చేయడం వల్ల వ్యక్తిగత గోప్యత, నిఘా, సమాచార భద్రత వంటి స మస్యల వల్ల ప్రజలకు, దేశ ఆర్థిక వ్యవస్థకు కలిగే నష్టం కన్నా, ఎలాంటి ని యంత్రణ లేని కార్పొరేట్ సంస్థల అక్రమాల వల్ల జరిగే నష్టమే అధికంగా ఉం టుందన్న విషయాన్ని గుర్తించడంలో ధర్మాసనం విఫలమైంది. వ్యక్తిగత గో ప్యత వంటి వాటి సాంకేతిక అంశాలను కట్టుదిట్టం చేసి ప్రైవేట్ రంగాన్ని ఆ ధార వ్యవస్థతో అనుబంధితం చేస్తే కార్పొరేట్ అరాచకాలకు కళ్లెం వేసినట్లవు తుంది.

ఆధార్ సమాచార భద్రతకు సంబంధించిన ప్రభుత్వ హామీలు, కార్పొ రేట్ సంస్థలు ఆ డేటాను దుర్వినియోగపరచకుండా కట్టుదిట్టమైన నిఘా వ్యవస్థను రూపొందించాలని ధర్మాసనం తీర్పు చెప్పివుంటే దేశ ప్రయోజనాలు నెరవేరేవి. సామాన్యులకు అందించే ప్రభుత్వ సంక్షేమ కార్యక్రమాలకు ఆధార్ వ్యవస్థను పరిమితం చేయడం ప్రజావ్యతిరేక తీర్పుగా చరిత్రలో నిలుస్తుంది.

ఆధార్ కారణంగానే దేశవ్యాప్తంగా వేలాది మంది ప్రభుత్వ కార్య క్రమా లకు, సంక్షేమ పథకాలకు, సబ్సిడీలకు దూరమై ఆకలిచావులు, ఆత్మహత్య లకు పాల్పడుతున్నారనీ, సామాన్యులకు వాటిని దూరంచేసే పని ఉద్దేశ పూర్వ కంగా జరుగుతున్నదని అనేక స్వచ్ఛంద సంస్థలు ఇప్పటికే ఆధారాలతో బయ టపెట్టినా సుప్రీం ధర్మాసనం వాటిని సవ్యంగా పట్టించుకోలేదు. కేవలం వ్యక్తి గత గోప్యత, డేటా దుర్వినియోగం వంటి సమస్యలకే పరిమితమై ప్రైవేట్ రంగం ఆధార్ వ్యవస్థకు దూరంగా ఉంచాలని ప్రభుత్వాన్ని ఆదేశించడం వల్ల ప్రజలకు కాక కార్పొరేట్ సంస్థలకే ఎక్కువ ప్రయోజనాలు చేకూరుస్తుంది. ఇప్పటికే నూటపాతిక కోట్లకు పైగా జారీ అయిన ఆధార్ అన్ని రకాలుగా రా జ్యాంగ విరుద్ధమే కాక, ప్రజాప్రయోజనాలను, హక్కులను దెబ్బతీస్తుంది. పౌ రుల వ్యక్తిగత డేటా పరిరక్షణపై జూలైలో శ్రీకృష్ణ కమిటీ కొన్ని సిఫార్సులు చేసింది. వాటి ఆధారంగా ప్రైవేటు సంస్థలు డాటాను వినియోగించుకోవ డానికి వీలు కల్పించే ఆధార్ చట్టంలోని సెక్షన్ 57ను ధర్మాసనం రద్దు చేసినా టెలికాం సంస్థలు, బ్యాంకులు, డిజిటల్ పేమెంట్ సంస్థలు సేకరించిన సమా చార స్థితి ఏమిటో స్పష్టత లేదు. డేటా భద్రతపై కాక చట్టప్రాతిపదిక లేదనే సాకుతో ఈ సెక్షన్‌ను రద్దుచేస్తున్నట్లు ఇచ్చిన తీర్పు, చట్టంలో పొందుపరిస్తే తిరిగి అమలులోకి వస్తుంది. ఏ ప్రభుత్వ సంస్థ అయినా ఆధార్ ధ్రువీకరణ రికార్డును ఆర్నెల్లు మించి తమ వద్ద ఉంచుకోవడానికి వీల్లేదన్న తీర్పు ఏ మేర కు వినియోగదారులకు ఊరట కలిగిస్తుందో సందేహమే. అదేవిధంగా టెలికాం సంస్థలు సేకరించిన డేటాను రెండువారాల్లో తొలగించేలా చర్యలు తీసుకోవా లని కేంద్రాన్ని, టెలికాం నియంత్రణ సంస్థ (ట్రాయ్)ని ఆదేశించిన జస్టిస్ చంద్రచూడ్ బ్యాంకుల వద్ద ఉన్న డేటాను ప్రస్తావించకపోవడం విచారకరం.

సమాచార భద్రత, వ్యక్తిగత గోప్యత వంటి ప్రాథమిక హక్కుల మాటెలా ఉన్నా ఆధార్ కార్డులు లేని పేదలకు సంక్షేమ పథకాలను ఎలా అందించాలన్న సమస్యను తేల్చకుండానే ప్రభుత్వ సంక్షేమ పథకాలన్నీ ఆధార్‌తో లింక్ అయి ఉండాలని సుప్రీంకోర్టు  ఆదేశించడంలో ఔచిత్యం ఏమిటి? ఇప్పటికే 96 కోట్ల బ్యాంక్ అకౌంట్లు, 80 కోట్ల మేరకు ప్రైవేట్ సెల్‌ఫోన్ ఆపరేటర్ల సిమ్‌లతో అనుసంధానమై ఉన్న వివరాల మాటేమిటి? పాన్‌కార్డు-ఆధార్ అనుసంధా నం తప్పనిసరి, బ్యాంకు అకౌంట్‌కు పాన్‌కార్డు తప్పనిసరి చేస్తే ఒకవిధంగా బ్యాంకు అకౌంట్లకు ఆధార్ అనుసంధానం తప్పనిసరి చేసినట్లేగదా? ప్రభుత్వ పథకాలకు ఆధార్ తప్పనిసరి చేస్తూ సామాన్యుల ప్రయోజనాలను దెబ్బతీయ డమేకాక, ఆధార్ నియంత్రణ నుంచి విముక్తి కల్పించడం ద్వారా ప్రైవేట్ కంపెనీల ప్రయోజనాలకు లబ్ధి చేకూర్చే సుప్రీం ధర్మాసనం ఇచ్చిన తీర్పు విస్మయాత్మక సంచలనంగా నిలుస్తుందేగానీ, మీడియా మేడిపండు కథనాల్లో అభివర్ణించినట్లు దీన్ని చారిత్రాత్మక తీర్పుగా ఆమోదించడం ఎలా సాధ్యం?



నిరాధారం

Updated By ManamWed, 09/26/2018 - 00:30

ప్రపంచం లోనే అతిపెద్ద ప్రజాస్వామిక దేశం భారత్. ప్రపం చంలోనే అతిపెద్ద బయోమెట్రిక్ ఐడి వ్యవస్థ ‘ఆధార్’. సగటు భారతీయ పౌరుణ్ణి అతని శారీరక, భౌగోళిక సమాచా రం ఆధారంగా గుర్తించే కంప్యూటర్ ఆధారిత వ్యవస్థ ఇది. బ్యాంకు ఖాతా తెరవాల న్నా, విద్యా సంస్థల్లో ఉపకార వేతనాన్ని పొందాలన్నా, ఆసుప త్రుల్లో ప్రభుత్వ పథకాల కింద ఆరోగ్యపరమైన ప్రయోజనాలు పొందాలన్నా, రేషన్ షాపుల్లో సరుకులు పొందాలన్నా... ఏం కావాలన్నా ఆధార్ నెంబర్ కావాలి. ఆధార్ కార్టు లేని భారతీయుడు నిరాధారంగా నిలబడి పోవాల్సిందే. మనలో ప్రతిఒక్కరి గురించిన సమాచారం ‘ఆధార్ కార్డు నెంబరు’ రూపంలో కంప్యూటర్ డేటాగా రికార్డు అయిపోయింది. అయితే మన సమాచారాన్ని ‘వాళ్ళ’ చేతుల్లో పెట్టి, అన్ని అవసరాలకు ఆ ఒక్క నెంబరు చుట్టూ తిరిగే మన జీవితాలకు ‘ఆధార్’ పేరిట ఒరిగే భద్రత ఏపాటిది?

image


ఇందు పదేళ్ళ పిల్ల, దళిత బాలిక. ఆంధ్రప్రదేశ్‌లోని అనంతపురానికి చెందిన ఇందుకి రాష్ట్ర ప్రభుత్వం ఎస్‌సి/ఎస్‌టి/ ఒబిసి చట్టం కింద ఏడాదికి 1,200 రూపాయల ఉపకార వేతనం అందిస్తుంది. ఆ ఉపకార వేతనం కోసం ఇందు సంబంధిత అధికారుల్ని కలిసింది. వాళ్ళు ఆమె ఆధార్ కార్డు తెమ్మన్నారు. ఇందు ఆ కార్డును తెచ్చి ఇచ్చింది. కానీ దురదృష్టమేమిటంటే, కార్డులో ఇందు పేరుకు అదనంగా ‘హెచ్’ అనే అక్షరాన్ని కలిపి ‘హిందు’ అని నమోదు అయి ఉంది. అధికారులు ఇందుకు ఉపకార వేతనాన్ని నిరాకరించారు. ఆమె తల్లిదండ్రులు, పాఠశాల ఉపాధ్యాయులు బాలికకు కొత్త ఆధార్ కార్డును తీసుకోవడం కోసం మళ్ళీ రిజిస్టరు కూడా చేశారు. ఆమె జన్మ ధృవీకరణ పత్రం, ఫోటోను కూడా అప్‌లోడ్ చేశారు. అయినా సరే, మళ్ళీ ‘హిందూ’ అనే పేరుతోనే కొత్త ఆధార్‌కార్డు వచ్చింది. ఇక ఏం చేయాలో తెలియని ఇందు తన ఉపకార వేతనం మీద ఆశ వదులుకుంది.
 
 గౌరవ్ పాంధీ ఒక రాజకీయపార్టీ నాయకుడు, పూర్వా శ్రమంలో ఆయన బ్యాంకు ఉద్యోగి కూడా. కానీ ఆయన కు గత జనవరి 15 వ తేదీన ఢిల్లీలోని ఐసిఐ సిఐ బ్యాంకు వారి పశ్చిమ్ విహార్ బ్రాంచి నుంచి ఒక మెసేజ్ వచ్చిం ది. ‘బ్యాంకు ఖాతాకు మీ ఆధార్ నెంబర్‌ను అనుసంధానం చేయా లన్న మీ అభ్యర్థనను మేము స్వీకరించాం. మరి కొన్ని రోజుల్లో మీ ఆధార్ నెంబర్‌ను మీ ఖాతాకు అనుసంధానిస్తాం’ అన్నది ఆ మెసేజ్  సారాంశం. కానీ తాను తన ఖాతాకు ఆధార్ నెంబర్‌ను అనుసంధానం చేయాల్సిందిగా ఆ బ్యాంకును కోరలేదని, తన అనుమతి లేకుండా బ్యాంకు తన బయోమెట్రిక్ డాటా వివరాల్ని బ్యాంకు ఖాతాకు అనుసంధానం చేయడం తనను బాధించిందని గౌరవ్ పాంధీ తన ట్విటర్ ఖాతాలో వాపోయారు. 

తెలంగాణలోని పెద్దపల్లి జిల్లా, ధర్మారంలో సంతోష్ కుమార్ అనే వ్యక్తి ప్రీ పెయిడ్ ఒడాఫోన్ సిమ్ కార్డుల్ని అమ్మేవాడు. అతను డిగ్రీ చదువును అర్థంతరంగా ఆపేశాడు. అయితే ప్రభుత్వ వెబ్‌సైట్ల నుంచి కుమార్ జూన్, 2018లో దాదాపు 3000 మంది ఆధార్ నెంబర్లని అక్రమంగా సేకరించి, వారికి తెలియకుండానే సిమ్ కార్డుల వ్యాపారాన్ని కొనసాగించాడు. ఎందుకంటే ఎన్ని ఎక్కువ సిమ్ కార్డుల్ని అతను అమ్మగలిగితే, టెలికామ్ కంపెనీ అతనికి అంత ఎక్కువ కమీషన్ ఇస్తుంది కాబట్టి! అతను ఫోర్జరీకి పాల్పడి ‘ఇ కెవైసి’ (నో యువర్ కస్టమర్) పద్ధతి ద్వారా సిమ్ కార్డుల్ని యాక్టివేట్ చేయగలిగాడు. మూడువేల మందికి చెందిన ఆధార్ వివరాలు అతని చేతిలోకి వెళ్ళిపోయాయి. అతను వాటిని అక్రమంగా వినియోగించాడు. దీనికి సంబంధించి ఒక వ్యక్తి ఫిర్యాదు చేసేంత వరకు ఈ అక్రమం వెలుగు చూడలేదు. ఆధార్ వ్యవస్థలోని లోపాలకు ఇలాంటి సంఘటనలన్నీ ఉదాహరణలే! ఇవన్నీ మన భారత విశిష్ఠ గుర్తింపు కార్డు తాలూకు మహిమలే! 

ఒక వ్యక్తి తాలూకు శారీరక, భౌగోళిక అంశాలకు సంబంధించిన వ్యక్తిగత వివరాల్ని భద్రంగా దాచి ఉంచేటంతటి పటిష్టమైన వ్యవస్థ, సామర్థ్యం మనకు ఉన్నాయా అన్నదే ఇప్పుడు ప్రశ్నార్థకం. దేశపౌరులకు సంబం ధించిన ఇలాంటి కీలక వివరాల గురించిన భద్రత ప్రశ్నార్థకమైన తరువాత ఆధార్ విశ్వసనీయత వివాదాస్పదమైంది. తాజాగా ఛత్తీస్‌గఢ్‌లోని ధామ్‌తరి జిల్లా ప్రజలు ఆధార్ బాధితులై అల్లాడి పోతున్నారు. ప్రధాని నరేంద్ర మోడి 2014 నాటి తన ఎన్నికల ప్రచారంలో కాంగ్రెస్‌పార్టీ అవినీతికి పాల్పడి ప్రజాధనాన్ని దుర్వినియోగం చేస్తోందని విరుచుకుపడ్డారు. స్వచ్ఛపాలనను అందిస్తానని వాగ్దానం చేశారు. ఇప్పటికిప్పుడు ఆయన ప్రభుత్వం రాఫెల్ కుంభకోణం విషయంలో నానా ఇబ్బందుల్ని ఎదుర్కొంటున్నప్పటికీ మోడీ తీరులో మార్పు లేదు. ఆధార్ వ్యవస్థకు అనుసంధానం చేయడం ద్వారా పలు ప్రభుత్వ సంక్షేమ పథకాలు, వేతనాల చెల్లింపుల్లో ఎలాంటి అవినీతి చోటు చేసుకోకుండా రక్షణ కల్పిస్తున్నామని ఆయన ఘంటాపథంగా చెబుతూనే ఉన్నారు. ఈ నేపథ్యంలో ఛత్తీస్‌గఢ్‌లోని ధామర్తి జిల్లాలో ప్రజలకు ఎదురైన ‘ఆధార్ కష్టాల’ గురించి తెలుసుకోవాల్సిందే! 

సేవ్తిసాహు అనే మహిళ ఒక ఆరోగ్య కార్యకర్త, ఆమె 2017లో  ధామ్‌తరి జిల్లాలోని కొర్రాగ్రామంలో శిశువులకు ఆరోగ్య పరీక్షలు నిర్వ హించి 6,400 రూపాయల్ని ఆర్జించింది. ఆమె అందించిన ఈ ఆరోగ్యసేవలకు గాను తాము చెల్లించాల్సిన ఈ 6,400 రూపాయల్ని జూలై, అక్టోబరు, డిసెంబరు నెలల్లోనే దఫాల వారీగా చెల్లించేశామని రాష్ట వైద్య ఆరోగ్య శాఖ అధికారులు అంటున్నారు. కానీ ఆ సొమ్ము ఆ మహిళ బ్యాంకు ఖాతాకు జమ కానే లేదు. కొన్ని నెలల పాటు తన సొమ్ము కోసం తిరిగి, తిరిగి ఆఖరుకు ఆ డబ్బు టెలికామ్ కంపెనీ ‘ఎయిర్ టెల్’కు చేరుకుందని సేవ్తిసాహు తెలుసుకుంది. అలాగే మరొక సామాజిక ఆరోగ్య కార్యకర్త నిర్మలా రాజ్‌ఫుత్‌కు కూడా ఇదే అనుభవం ఎదురైంది. ఆమె గడాధి గ్రామానికి చెందిన ఆరోగ్య కార్యకర్త. నిర్మలకు వైద్య ఆరోగ్య శాఖ చెల్లించాల్సిన 10,320 రూపా యలు మరో మహిళ ఖాతాలోకి వెళ్ళిపోయాయి. ఛత్తీస్‌గఢ్‌కు చెందిన రమారమి మూడువేల మంది గ్రామీణ ఆరోగ్య కార్యకర్తలు ప్రతినెలా ఇలా వేతనాల చెల్లింపుల్లో చోటు చేసుకుంటున్న అవకతవకలతో ఇబ్బం దులను ఎదుర్కొంటున్నట్టు తెలిసింది. ఇదివరకు జరిపిన బ్యాంకు లావా దేవీల్లో ఇలాంటి ఇబ్బందులు ఎదురు కాలేదని, ఆధార్ ఆధారిత బ్యాంకు లావాదేవీల్ని మొదలు పెట్టినప్పటి నుంచి ఈ ఇబ్బందులు చోటు చేసుకుంటున్నాయని పేరు చెప్పడానికి ఇష్టపడని వైద్య ఆరోగ్య శాఖ ఉద్యోగి ఒకరు తెలిపారు.

బ్యాంకు అధికారులు డేటా ఎంట్రీలో పొరపాట్లు చేసిన ఫలితంగా నిర్మలకు రావలసిన డబ్బు వేరొక మహిళ అక్కౌంట్‌లోకి వెళ్ళిపోయింది. అయితే సాహుకు రావలసిన డబ్బు వ్యవహారం మాత్రం కాస్త జటిలమైందే! ఆ టెలికామ్ కంపెనీ తన ఖాతాదారుల అనుమతితో నిమిత్తం లేకుండా పేమెంట్స్ ఖాతాల్ని తెరచి, వారికి వచ్చే చెల్లింపుల్ని ఆయా ఖాతాల్లోకి మళ్ళిస్తోంది. మొబైల్ నెంబర్లకు ఆధార్‌ను అనుసంధానం చేయాలన్న ప్రభుత్వ నిబంధన కారణంగా ఆ టెలికామ్ కంపెనీ తన ఖాతాదారుల ఆధార్ నెంబర్లని సేకరించగలిగింది.‘ఆధార్ పేమెంట్ బ్రిడ్జి సిస్టమ్’ను మోడీ ప్రభుత్వం  గ్రామీణ ఉపాధి హామీ పథకాలతో సహా దాదాపు 433 పథకాలకు విస్తరించింది. ఆరు లక్షల కోట్ల రూపాయల విలువ చేసే పథకాలివి. వేతన చెల్లింపులకు ఆధార్‌తో అవసరం లేదని పైకి చెబుతూనే, ఆధార్ అనుసంధానం జరిగిన బ్యాంకు అక్కౌంట్లకు మాత్రమే చెల్లింపు లు జరపాలని కేంద్ర ప్రభుత్వం రాష్ట్రాల్ని ఆదేశించింది. కేంద్ర ఆరోగ్య మంత్రిత్వ శాఖ తాజాగా ఆగస్టు 13న రాష్ట్రాలకు చెంది న ఆరోగ్య శాఖ కార్యదర్శులకు లేఖలు రాస్తూ, ‘ఆధార్ అనుసంధానం చేసిన బ్యాంకు అక్కౌంట్లకే డబ్బు చెల్లించ డమన్నది కేంద్ర ప్రభుత్వ ప్రధాన లక్ష్యమని మీకు తెలుసు. కాబట్టి ఈ వ్యవహారాన్నంతటినీ కేంద్ర మంత్రిమండలి పర్యవేక్షిస్తుంది’ అని తెలిపింది. పన్నెండంకెలతో కూడిన ఆధార్ నెంబర్ ను మోడీ ప్రభుత్వం తన ‘డిజిటల్ ఇండియా’కు ఆరాధ్యదైవంగా భావిస్తున్న విషయం తెలిసిందే! 

దేశంలో లంచగొండితనం పెచ్చరిల్లిపోయిందని, ముఖ్యంగా సంక్షేమ పథకాల్లో అవినీతికి అంతే లేకుండా పోయిందని ప్రధాని నరేంద్ర మోడీ వాపోతుంటారు. ఆ లంచగొండితనాన్ని కూకటి వేళ్లతో సహా పెకిలించి వేయడానికే తాను ఈ ఆధార్ వ్యవస్థను ముందుకు తీసుకు వెళుతు న్నానని ఆయన చెబుతుంటారు. వేతనాల్ని, సంక్షేమ పథకాల తాలూకు ఆర్థిక ప్రయోజనాల్ని మధ్యవర్తులకు కాకుండా నిజమైన లబ్దిదారులకే ప్రత్యక్షంగా చేర్చాలన్నది తన ఆశయంగా ఆయన చెప్పుకుంటారు. అయితే వాస్తవానికి ఆధార్ వల్ల ఆ నిజమైన లబ్దిదారులే తమకు చెందా ల్సిన ప్రయోజనాలకు దూరమవుతున్నారు. ప్రభుత్వం జరుపుతున్న చెల్లింపుల్ని, ఆ వ్యవహారంలో వస్తున్న ఫిర్యాదుల్ని నమోదు చేయడానికి తగిన వ్యవస్థ ఏదీ లేదు. దాని ఫలితమే ఛత్తీస్‌గఢ్ ఉదంతం. మహాత్మా గాంధీ జాతీయ గ్రామీణ ఉపాధి కార్యక్రమం కింద 2017 నుంచి 2018 కాలానికి 500 కోట్ల రూపాయల చెల్లింపులు తిరస్కరణకు గురయ్యాయని ప్రముఖ ఆర్థికవేత్త జీన్ డ్రెజ్ తెలిపారు. ఒక్క ఛత్తీస్‌గఢ్‌లో పరిస్థితి ఇలా ఉంటే, జాతీయ స్థాయిలో సంక్షేమ పథకాల చెల్లింపుల పరిస్థితి ఎలా ఉంటుందో ఊహించుకోవచ్చు. మనదేశంలోని గ్రామాల్లో బ్యాంకుల బ్రాంచీలు చాలినన్ని ఉండవు. డిజిటల్ చెల్లింపులకు అవసరమైన ఇంటర్‌నెట్ అందుబాటులో ఉండదు. ‘సర్వర్ డౌన్’, ‘లింక్ ఫెయిల్యూర్’ వంటి పదాలు ఇవాళ ఇంగ్లీష్ రాని మన గ్రామీణుల నిత్య జీవితంలో భాగమై పోయాయి. 

‘మోడీ ప్రభుత్వం వికేంద్రీకరణ గురించి ఉపన్యాసాలిస్తోంది. కానీ ఆచరణలో డిజిటలైజేషన్ రూపంలో కేంద్రీకృత పాలనకు బాటలు పరుస్తోంది. దీనికి ప్రజలు సహకరించరు’ అని మధ్యప్రదేశ్, మండ్లా జిల్లాలోని నారాయణ్‌గంజ్ పంచాయితీకి చెందిన ఉపసర్పంచ్ భూపేంద్ర వర్కాడే అంటున్నారు. ఆధార్ పేమెంట్ బ్రిడ్జి సిస్టమ్ ద్వారా ప్రతి ఒక్కరికి ఆధార్ నెంబర్‌తో అనుసంధానమైన ఒక బ్యాంకు అక్కౌంట్ ఉండి తీరాలని ప్రభుత్వం సంకల్పించింది. అయితే 2016-17 కాలంలో ప్రభుత్వం అన్ని బ్యాంకు ఖాతాల్ని ఆధార్ నెంబర్‌కు అనుసంధానం చేయాల్సిందిగా బ్యాంకుల్ని ఒత్తిడి చేసింది. దాంతో ఒకే ఆధార్ నెంబర్ మీద ఒకే వ్యక్తికి చెందిన పలు బ్యాంకు ఖాతాలు పని చేయడం మొద లైంది. చిట్ట చివరగా ఏ అక్కౌంటైతే ఆధార్ నెంబర్‌కు అనుసం ధానమైందో, ఆ అక్కౌంట్‌కే చెల్లింపులు వచ్చి పడడం ప్రారంభమైంది. ప్రజలకు ఈ విషయం తెలియదు. చివరికి ప్రభుత్వ విభాగాల చెల్లింపు లన్నీ ఆధార్ పేమెంట్ బ్రిడ్జి వ్యవస్థ కిందికి వచ్చేశాయనే విషయం కూడా ప్రజలకు తెలియదు. ఈ విషయంలో గ్రామీణులే కాదు పట్టణాలకు, నగరాలకు చెందిన ప్రజల్లో కూడా అయోమయం నెలకొని ఉంది. ఈ అయోమయం ఎంత దారుణంగా ఉందంటే, ఛత్తీస్‌గఢ్‌లోని సంబల్‌పూ ర్-అమోలీ పంచాయితీ ఆధార్ నెంబర్ ఒకానొక గ్రామస్తుని బ్యాంకు అక్కౌంట్‌కు పొరపాటున అనుసంధానమైంది. గ్రామస్తుడి దగ్గరి నుంచి తన సొమ్మును రాబట్టలేని పంచాయితీ ఇవాళ ‘ఆడిట్’ను ఎదుర్కొం టోంది. నిరక్ష్యరాస్యుల పరిస్థితి మరింత దారుణంగా ఉంది. వృద్ధాప్య పింఛన్లను కూడా తీసుకోలేని పరిస్థితిలో వారు ఇబ్బందుల పాలవుతున్నారు. కొండనాలుక్కి మందేస్తే ఉన్న నాలు క ఊడిపోవడమంటే ఇదేనేమో?! రోజుల తరబడి, నెలల తరబడి, సంవ త్సరాల తరబడి నానా కష్టాలు పడి సంపాదించుకున్న ప్రజల కష్టార్జితం ఇవాళ ఆధార్ పుణ్యమాని నేలమీద ఒలికి పోయిన పాదరసం చందంగా మారిపోయిం ది. మరి ఈ ఆధార్ ఇక్కట్ల నుంచి ప్రజల్ని ఎలా బయటపడేస్తారో ప్రభుత్వం తేల్చి చెప్పాల్సి ఉంది.

బయోమెట్రిక్ కార్డు: కనుపాప, వేలిముద్రల వంటి ఆధారాలతో వ్యక్తిని గుర్తించడం ద్వారా రూపొందించే గుర్తింపు కార్డును బయోమెట్రిక్ కార్డు అంటారు. వేలిముద్రలతో పాటు, చెవులు, చేతుల ఆకారం, రెటీనా, కంఠస్వరం, డిఎన్‌ఎ వంటి సమాచారాన్ని కూడా పొందుపరచి కొన్ని దేశాల్లో గుర్తింపు కార్డుల్ని రూపొందిస్తారు. ఒక్కో దేశం ఒక్కో రకమైన జాతీయ గుర్తింపు కార్డుల్ని కలిగి ఉంటుంది. మనదేశంలో ఆధార్‌కార్డులాంటివి ఈ కోవకు చెందుతాయి. కంప్యూటర్ల వినియోగం పెరిగిన 20 వ శతాబ్దంలో ఇలాంటి బయోమెట్రిక్ కార్డుల వినియోగం కూడా బాగా పెరిగింది. వ్యక్తి పౌరసత్వాన్ని గుర్తించడానికి కనుపాపను ఒక సాధనంగా ఎంచుకోవడమన్నది 1930ల నుంచే ప్రారంభమైనట్టు తెలుస్తోంది.

ఐడి పంజరం
డిజిటలైజేషన్ పరిష్కారం కాదు

imageధృవీకరణ పత్రాలు మన దైనందిన జీవితంలో సింహభాగాన్ని ఆక్రమించుకుంటున్న రోజుల్లో మనం జీవిస్తున్నాం. ఓటు చేయాలన్నా, బ్యాంకు అక్కౌంట్ తెరవాలన్నా, పన్నులు చెల్లించాలన్నా, సంక్షేమ పథకాల నుంచి ప్రయోజనాల్ని పొందాలన్నా మనకు వేలకొద్దీ సంతకాలు, పాస్‌పోర్టు సైజ్ ఫోటోలు, కెవైసిలు (నో యువర్ కస్టమర్), ఇంకా ఇతర సరంజామా అంతా అవసరం. పౌరునిగా మన విశ్వనీయతను నిరూపించుకునేందుకు ఉపయోగపడే ఈ ధృవీకరణ పత్రాల రూపకల్పన వెనుక పౌరప్రయోజనాల కన్నా రాజకీయ ప్రయోజనాలే అధికంగా ఉండడం శోచనీయం. మన వ్యక్తిగత వివరాలన్నీ సంక్లిష్టమైన, జటిలమైన పత్రాల దొంతరలో ఇరుక్కుని పోతోంది. ఒక్కోరకమైన ప్రయోజనానికి ఒక్కోరకమైన వ్యక్తిగా మనం మారుతున్నాం. మనకు మనమే మన అవసరాల నిమిత్తం ధృవీకరణ పత్రాలుగా రూపాం తరం చెందుతున్నాం. 

మనల్ని మనం ‘ధృవీకరించుకునే’ ఈ యుద్ధంలో సగటు భారతీయుడు ఎంత సుదీర్ఘమైన ప్రయాణం చేశాడన్న విషయాన్ని ‘ఇన్ పర్‌సూట్ ఆఫ్ ప్రూఫ్ - ఎ హిస్టరీ ఆఫ్ ఐడెండిటిఫికేషన్ డాక్యుమెంట్స్ ఇన్ ఇండియా’ అనే పుస్తకం విశదీకరిస్తోంది. పుస్తక రచయిత తరంగిణీ శ్రీరామన్ బెంగళూరులోని అజీమ్ ప్రేమ్‌జీ విశ్వవిద్యా లయంలోని స్కూల్ ఆఫ్ లిబరల్ స్టడీస్‌లో చరిత్ర, రాజనీతి శాస్త్రాల్ని బోధిస్తున్నారు. గుర్తింపు పత్రాలకు అంతమంటూ ఉండదు. ఏ ఉద్దేశంతో అయితే వీటిని రూపొందిస్తారో, అనంతరకాలంలో అవి తమ నిర్దేశిత ఉద్దేశాల్ని దాటి ప్రవర్తిస్తాయి.
 
బ్రిటిష్ వలసపాలన కాలం నుంచి భారతదేశంలో గుర్తింపు పత్రాల ప్రక్రియ జరుగుతూనే ఉంది. తొలుత రెండవimage ప్రపంచయుద్ధకాలంలో ఆహార పదార్థాల పంపిణీ అవసరాల నిమిత్తం గుర్తింపు కార్డుల ప్రస్థానం మొదలైంది. రేషన్ కార్డుల రూపకల్పన కూడా ఆ కాలంలోనే మొదలైంది. వ్యక్తుల పేర్లు, కుటుంబ సభ్యుల వివరాలు, చిరునామాల్ని నమోదు చేసుకుని, తదనుగుణంగా నిత్యావసర వస్తువుల్ని పంపిణీ చేసేవారు. ఈ కార్డు పొందిన వ్యక్తికి తన కుటుంబానికి అవసరమైన ఆహార పదార్థాల్ని చవకధరలకు పొందే వీలు కలిగింది. స్థిరమైన చిరునామా లేకుంటే రేషన్‌కార్డును పొందడం మాత్రం గగనమయ్యేది. వివిధ రాష్ట్రాలు తమ భౌగోళిక, రాజకీయ పరిస్థితులకు అనుగుణంగా పలు విధాలైన గుర్తింపు కార్డుల్ని జారీ చేయడం మొదలు పెట్టాయి.

రేషన్ కార్డుల రూపకల్పనలో కూడా ఆయా రాష్ట్రాలు తమదైన నియమ నిబంధనల్ని రూపొందించు కుని, అనుసరించడం ప్రారంభించాయి. ప్రజల జాతి, కుల, మత ప్రాతిపదికపై కూడా విభిన్నమైన కార్డుల రూపకల్పన జరిగింది. దేశ తొలి ప్రధాని నెహ్రూ కాలంలో రేషన్ కార్డు సామాజిక సంక్షేమ పథకాలకు నాంది పలికింది. నెహ్రూ తరువాత లాల్‌బహదూర్, 1965లో ఇందిరా గాంధీల పాలనలో ఆహార పదార్థాల్ని, నిత్యావసర వస్తువుల పంపిణీని క్రమబద్ధం చేసేందుకు రేషన్ కార్డు ఉపయోగ పడింది. ‘రోటీ, కపడా ఔర్ మకాన్’ నినాదం కింద సబ్సిడీపై ఆహార దినుసుల్ని పొందడానికి రేషన్ కార్డు తప్పనిసరైంది. 

దేశ విభజన తరువాత వెల్లువెత్తిన శరణార్థుల సమస్యతో సతమతమవుతున్న వ్యవస్థకు తోడు 1990ల్లో నాటి ప్రధాని వి.పి.సింగ్ రేషన్‌కార్డుల లభ్యతను పెంచే దిశగా నియమ నిబంధనల్ని మరింత విస్తృతం చేశారు. సంక్షేమం అనే పేరుతో గుర్తింపు కార్డుల చుట్టూ అల్లుకున్న గందరగోళాన్ని పరిష్కరించేందుకే ఆధార్ కార్డు రూపకల్ప నకు తలుపులు తెరిచానని అంటోంది మోడీ ప్రభుత్వం. జాతీయ స్థాయిలో పౌరుల వివరాల్ని నిక్షిప్తం చేయడ మంటే ఇదొక అత్యంత వ్యయప్రయాసలతో కూడుకున్న జాతీయ ప్రాజెక్టు. అయితే బయోమెట్రిక్ విధివిధానాల్లో ప్రధానపాత్ర పోషించే వేలి ముద్రలకు సంబంధించిన సాంకేతిక పరిజ్ఞానాన్ని అందించే ప్రైవేటు రంగ సంస్థల మీద ఈ ప్రాజెక్టు ఎక్కువగా ఆధారపడింది. పౌరుల వ్యక్తిగత, శారీరక, భౌగోళిక వివరాల్ని డిజిటలైజ్ చేసేందుకు అవసరమైన పరికరాల్ని ఈ సంస్థలు అందిస్తాయి. అవినీతి, అధికార దుర్వినియోగం, ఆశ్రిత పక్షపాతం వంటి అవలక్షణాల నుంచి ఈ ఒక్క కార్డు భారతీయ పౌరుణ్ణి కాపాడేస్తుందా? ఎంతమాత్రం కాదని తరంగిణి వాదిస్తున్నారు. ఎందుకంటే లబ్ధిదారుల నమోదు ప్రక్రియ, సాధారణమైన గుర్తింపు కార్డుల నమోదు ప్రక్రియతోనే ముడిపడి ఉంది. ఈ ప్రక్రియలో ఎలాంటి స్వచ్ఛంద మైన పౌర పాత్ర లేనే లేదు. డిజిటల్ యంత్ర సముదాయం మీద ఆధార పడడమంటే, పేదల్ని సంక్షేమ పథకాలకు మరింత దూరం చేయడమే అవు తుంది. పేదరికాన్ని, అవినీతిని తుదముట్టించాలంటే కేవలం సాంకేతికత వల్ల ఎలాంటి ప్రయోజనం ఉండదని, ఈ పుస్తకం బల్లగుద్ది చెబుతోంది. డిజిలై జేషన్ ప్రక్రియలో గుర్తింపు కార్డుల జారీ అన్నది కేవలం టెక్నోక్రాట్‌ల స్వలా భాల్ని మాత్రమే సంతృప్తిపరుస్తుందన్నది నిర్వివాదాంశం. 

" పౌరుల వ్యక్తిగత జీవితాలకు సంబంధించిన అన్ని వివరాల్ని తెలుసుకోవాలన్న కుతూహలం ప్రభుత్వాలకు ఉండడం సహజమే. అయితే, ఈ దిశగా ఎంతటి కఠిన చట్టాల్ని ప్రవేశపెట్టినా సరే, ఫలితం మాత్రం దుర్వినియోగానికే దారి తీస్తుంది."
- ఎడ్వర్ట్ స్నోడెన్, అమెరికన్ కంప్యూటర్ నిపుణుడు,
    అమెరికన్ గూఢచారి సంస్థ సిఐఎ మాజీ ఉద్యోగి

 



ఆధార్.. తుస్!

Updated By ManamTue, 09/11/2018 - 22:22
  • సెక్యూరిటీ ఫీచర్లు లేకుండా ఆధార్.. కొంపముంచిన సాఫ్ట్‌వేర్ ఇన్‌స్టలేషన్

  • క్లౌడ్ పరిజ్ఞానం వాడి ఉంటే మేలు.. రూ. 2,500కే దొరుకుతున్న ప్యాచ్

  • వేలాది వాట్సాప్ గ్రూపుల్లో లభ్యం.. ఐటీ సెక్యూరిటీ నిపుణుల ఆందోళన

aadharన్యూఢిల్లీ: ఆధార్ డేటాబేస్ ఎంతవరకు సురక్షితం అనే అంశం మరోసారి చర్చనీయాంశమైంది. మూడునెలల పాటు కొంతమంది కలిసి చేసిన పరిశోధనలతో.. అందులో ఒక సాఫ్ట్‌వేర్ ప్యాచ్ కనిపించింది. దానిద్వారా ఆధార్ గుర్తింపు డేటాబేస్‌లో నిల్వచేసిన సమాచార భద్రత ప్రమాదంలో పడింది. ఈ ప్యాచ్‌ను యూఐడీఏఐ తయారు చేయలేదు గానీ, దానివల్ల హ్యాకర్లు అనధికారికంగా ఆధార్ నంబర్లను జనరేట్ చేయచ్చని తేలింది. అందుకోసం వారు అధికారిక ఆధార్ ఎన్‌రోల్‌మెంట్ సాఫ్ట్‌వేర్‌లోని సెక్యూరిటీ ఫీచర్లను డిజేబుల్ చేయగలుగుతున్నారు. ఒకే ఒక్కసారి కేవలం రూ. 2,500 పెడితే ఆ ప్యాచ్ దొరుకుతుందని, ఇప్పటికే దేశంలో చాలామంది ఆపరేటర్లు దాన్ని వాడారని తెలుస్తోంది. త్వరలోనే ఫేస్ రికగ్నిషన్ పరిజ్ఞానాన్ని యూఐడీఏఐ ప్రవేశపెట్టాలనుకుంటున్న తరుణంలోనే ఈ ప్యాచ్ విషయం బయటపడటం విశేషం. ఇప్పటికే ఉన్న ఐరిస్, వేలిముద్రలకు తోడు ఫేషియల్ రికగ్నిషన్ అదనంగా ఉంటుంది. హఫింగ్టన్ పోస్ట్ ఇండియా ప్రతినిధులు ఈ ప్యాచ్‌కి యాక్సెస్ పొందారు, దాన్ని పలువురు ఐటీ నిపుణులతో పరీక్ష కూడా చేయించారు. ఈ ప్యాచ్ వాడే యూజర్లు బయోవెుట్రిక్ ఆథెంటికేషన్ అక్కర్లేకుండానే కొత్తవారిని ఎన్‌రోల్ చేయచ్చు. అలాగే సాఫ్ట్‌వేర్‌లో ముందుగానే ఉండే జీపీఎస్ సెక్యూరిటీ ఫీచర్‌ను కూడా ఆపేయచ్చు. దానివల్ల ఆ ఎన్‌రోల్‌మెంట్ ఎక్కడ జరుగుతోందో యూఐడీఏఐ వర్గాలకు తెలియదు. దాంతో ప్రపంచంలో ఏ మూల ఉన్నా కూడా కొత్తగా ఆధార్ నంబర్లను జనరేట్ చేయచ్చు. పైపెచ్చు, ఐరిస్ గుర్తింపు వ్యవస్థను కూడా డిజేబుల్ చేయడం ద్వారా కేవలం ఒక ఫొటో ఉపయోగించి ఆధార్ కార్డును రూపొందించవచ్చు. ఇన్ని రకాలుగా భద్రతా ప్రమాణాలన్నింటినీ ఉల్లంఘించి కొత్తగా ఆధార్ కార్డులు ఇచ్చేసేందుకు ఈ ప్యాచ్ అవకాశం కల్పిస్తుంది.

ఈ ప్యాచ్‌ని ఎవరు తయారుచేశారో గానీ, ఆధార్ భద్రతా వ్యవస్థను కొల్లగొట్టేందుకే అన్నట్లుందని యాక్సెస్ నౌ సంస్థలో చీఫ్ టెక్నాలజిస్టు గుస్తాఫ్ జోర్క్‌స్టెన్ చెప్పారు. ఈ ప్యాచ్ ఏకంగా 2017 ప్రారంభం నుంచే అందుబాటులోకి వచ్చింది. దీన్ని ఒకరి కంటే ఎక్కువమంది కోడర్లు కలిసి తయారుచేసి ఉండాలని జోర్క్‌స్టెన్ తెలిపారు. ప్రైవేటు సంస్థలు కూడా ఆధార్ ఎన్‌రోల్‌మెంట్ చేయడానికి వీలుగా 2010లో యూఐడీఏఐ ఒక సాఫ్ట్‌వేర్‌ను తయారుచేసింది. దానిపేరు ఎన్‌రోల్‌మెంట్ క్లయింట్ మల్టీ ప్లాట్‌ఫాం. దీన్ని ప్రతి కంప్యూటర్‌లో ఇన్‌స్టాల్ చేసుకోవాలి. అలాంటివారికి సాధారణంగా క్లౌడ్ ఆధారిత పరిష్కారం ఇవ్వాలి తప్ప ఇలా సాఫ్ట్‌వేర్ ఇన్‌స్టాల్ చేయనివ్వకూడదని జోర్క్‌స్టెన్ అన్నారు. దీనివల్లే ఆధార్ ప్రమాదంలో పడిందని తెలిపారు. ఇలాంటి సాఫ్ట్‌వేర్ ఎవరికి పడితే వాళ్లకు అందుబాటులోకి రావడంతోనే ఎవరో హ్యాకర్లు ఈ ప్యాచ్ తయారుచేయగలిగారని చెప్పారు. ఆధార్ ఎన్‌రోల్‌మెంట్ సాఫ్ట్‌వేర్ పాత వెర్షన్లలో అయితే సెక్యూరిటీ ఫీచర్లు చాలా తక్కువగా ఉంటాయి. వాటిని ఆధారంగా చేసుకునే ప్యాచ్ తయారుచేసి ఉంటారన్నది ఆయన వాదన.  కొన్ని వేల వాట్సాప్‌గ్రూపుల ద్వారా ఈ ప్యాచ్ అందరికీ అందుబాటులోకి వెళ్తోందని, రూ.2,500 చెల్లిస్తే ఎవరికైనా దొరుకుతోందని హఫింగ్టన్ పోస్ట్ ప్రతినిధులు తెలిపారు. ముందుగా కంప్యూటర్‌లో మామూలు సాఫ్ట్‌వేర్‌లాగే దీన్ని ఇన్‌స్టాల్ చేసుకోవాలని, ఆ తర్వాత కొనిన కట్ పేస్ట్ కమాండ్ల ద్వారా జావా లైబ్రరీలను మార్చాలని తెలిపారు. ఒకసారి ఇన్‌స్టాల్ చేసుకున్నారంటే వేలిముద్రలు, జీపీఎస్, ఐరిస్ లాంటివి ఏవీ చెక్ చేయాల్సిన అవసరం లేకుండానే ఆధార్ ఎన్‌రోల్‌మెంట్ చేసేయచ్చని వివరించారు. చివరకు ఎన్‌రోల్‌చేసేవారి వేలిముద్రలు కూడా వేయాల్సిన అవసరం లేకపోవడంతో ఒకే ఆపరేటర్ ఎన్ని మిషన్లలోనైనా ఒకేసారి లాగిన్ కావచ్చు. దీనివల్ల ఎన్‌రోల్‌మెంట్లకు అయ్యే ఖర్చు బాగా తగ్గిపోతుంది. కానీ ఎవరు పడితే వాళ్లు ఎన్‌రోల్ చేయడం వల్ల తప్పుడు సమాచారం కూడా డేటాబేస్‌లోకి వెళ్లిపోయే ప్రమాదం పొంచి ఉంటుంది.



2020వరకు ఆయనే ట్రాయ్ చైర్మన్

Updated By ManamThu, 08/09/2018 - 17:08
Government reappoints RS Sharma as Trai chief

న్యూఢిల్లీ: ట్రాయ్ (టెలికం రెగ్యులేటరీ అథారిటీ ఆఫ్ ఇండియా) చైర్మన్‌గా ఆర్ఎస్ శర్మ మరోసారి నియమితులయ్యారు. ఆయనను ట్రాయ్ చైర్మన్‌గా మరో రెండేళ్ల పాటు కొనసాగించాలనే నిర్ణయాన్ని క్యాబినెట్ నియామక కమిటీ (ఎసిసి) గురువారం ఆమోదించింది. దీంతో ఆర్ఎస్ శర్మ ఈ పదవిలో  సెప్టెంబర్ 30, 2020వరకు కొనసాగుతారు. కాగా  ట్రాయ్‌ చైర్మన్‌గా ఆయన పదవీకాలం నేటితో ముగియనుంది. 2015 ఆగస్ట్‌లో తొలిసారిగా శర్మ ట్రాయ్ చైర్మన్‌గా బాధ్యతలు స్వీకరించిన విషయం తెలిసిందే. 

కాగా సోషల్ మీడియాలో ఒకరు విసిరిన సవాల్‌కు స్పందిస్తూ తన వివరాలు బయటపెట్టాలని శర్మ ఆధార్‌ సంఖ్యను వెల్లడించిన సంగతి తెలిసిందే. ఆ తర్వతా ఆయన బ్యాంక్ ఖాతా వివరాలతో పాటుగా, ఈ మెయిల్ సమాచారాన్ని హ్యాకర్లు ట్వీట్ చేయగా, మరికొందరు ఆయన బ్యాంక్ ఖాతలో ఒక రూపాయి జమ చేశారు.

దీనిపై స్పందించిన ఆధార్ అధికారులు.. ఆ వివరాలు యూఐడీఏఐ నుంచి సేకరించినవి కావని స్పష్టం చేశారు. గూగుల్, ఇతర పబ్లిక్ డొమైన్ల నుంచి శర్మ వివరాలను హ్యాకర్లు సంపాదించారని పేర్కొన్న విషయం తెలిసిందే. అయితే ఆధార్‌ వల్ల తన వ్యక్తిగత సమాచారమేదీ బయటికి రాలేదని, అలా వెల్లడైనట్లుగా చెబుతున్న ఆ వివరాలను ఆధార్‌ లేకుండానే తెలుసుకోవచ్చని శర్మ పేర్కొన్నారు కూడా.



‘ఆధార్’ ఆధారంగా ‘పోలీస్ రాజ్యం’

Updated By ManamWed, 08/01/2018 - 02:06

Adharఆంధ్రప్రదేశ్ రాజధాని అమరావతిలోని సెక్రెటేరియట్ మొత్తం ముఖ్యమంత్రి ఎన్.చంద్రబాబు నాయుడు కార్యాలయం వరకు  పెద్దపెద్ద గోడలతో నిర్మితమై కిటికీలు లేకుండా స్క్రీన్‌లతో నిండివుంటుంది. రాష్ట్రంలోని ఐదు కోట్ల మంది జనాభాకు చెందిన 43 లక్షలమంది వ్యక్తిగత వివరాలన్నీ ఈ స్క్రీన్లపై కనిపిస్తూ ఉంటాయి. ఈ 43 లక్షలమంది ఇళ్ల వివరాలు సహా వారు వాడే మందులు, తీసుకునే ఆహారం, చంద్రబాబుపై సామాజిక మాధ్యమాల్లో చేసే వ్యాఖ్యలు తదితర వ్యక్తిగత వివరాలన్నీ ఎప్పటికప్పుడు తెలుసుకునే వ్యవస్థ ఫీడ్ చేస్తుంటుంది. ఈ వ్యవస్థనే ఎప్పటికప్పుడు ‘ప్ర స్తుతం ఉన్న స్థానం తెలుసుకునే వ్యవస్థ’ (global positioning) అంటారు. ఈ వ్యవస్థ ఫీడ్ చేసే వివరాల ద్వారా ప్రతి వ్యక్తి ఎక్కడ ఎప్పుడు ఏం చేస్తున్నాడో స్పష్టంగా తెలిసిపోతుంది. ఇందుకోసం ప్రతి ఇంట్లోనూ కొన్ని కెవేురాలను (వారి ఇష్టాయిష్టాలపైనే) బిగిస్తారు. తద్వారా వారి కులం, ఉపకులం, మతం, పిల్లలు అందుకుంటున్న విద్యార్థి ఉపకారవేతనాలు, వృద్ధాప్య పించన్లు, రాష్ట్రంలో అంబులెన్స్‌ల సంచారం, వారి ఆధార్ నెంబర్ సహా ఏ అంశంలోనైనా వ్యక్తిగత వివరాలన్నీ రాష్ట్ర వ్యాప్తంగా వేలాది భద్రతా కెవేురాల ఏర్పాటు ద్వారా తెలుసుకోవచ్చు. 

‘సూర్యోదయ ఆంధ్రప్రదేశ్-2022’ (sunrise AP 2022) కోసం ముఖ్యమంత్రి చంద్రబాబు ఆశయం మేరకు, ‘ఈ-ప్రగతి’ లో భాగంగా ప్రతి ఒక్క వ్యక్తి వివరాలు ఈ స్క్రీన్‌ల ద్వారా తెలుసుకునే వీలుంది. వ్యక్తుల ఆధార్ నెంబర్ ద్వారా ప్రతి వ్యక్తి ఈ-కేవైసీని తెలుసుకునే వీలుంది. ముఖ్యమంత్రి కార్యాలయం ఎదుట ఉన్న రియల్ టైమ్ గవర్నెన్స్ సెంటర్ (ఆర్‌టీజీసీ)లోని కంట్రోల్ రూమ్‌లో ఏర్పాటుచేసిన డిస్‌ప్లే బోర్డులపై ఈ వ్యక్తిగత వివరాలు నమోదవుతాయి. ఈ సెంటర్‌లో ఉన్న 40 కంప్యూటర్ల ముందు కూర్చున్న వ్యక్తులు తదేకదృష్టితో ప్రభుత్వ కార్యక్రమాల అమలు, సామర్థ్యాన్ని పెంపొందించడం, వ్యర్థాలను నియంత్రిం చడం, లబ్ధిదారులకు ప్రభుత్వ పథకాలు అందే విషయంలో నిర్వహణ తీరుతెన్నులను నిరంతరం గమనిస్తుంటారు. ఒకపక్క ఆధార్ చట్టబద్ధతపై సుప్రీంకోర్టు ఆలోచిస్తుండగా మరోపక్క శ్రీకృష్ణ కమిషన్ భారత్‌లో నిర్దిష్ట పరిధిలో వివరాల భద్రతా చర్యలు తీసుకోవాలని సూచిస్తోంది. అయినప్పటికీ సాధ్యమైనంత మంది వ్యక్తిగత వివరాలను సేకరించేందుకు రాష్ట్రప్రభుత్వాలు ఉత్సాహపడుతున్నా యి. ఈ అంశంలో డాటాబేస్ సేకరణ అంధ్రప్రదేశ్‌కు మాత్రమే పరిమితం కాలేదు. చాలా రాష్ట్రాలు ఇదే కార్యక్రమంలో ఉండగా ఏపీ మాత్రం సంపూర్ణంగా సఫలీకృతమైంది. ప్రజల్లో గందరగోళం, ఆందోళన, అంశంలో దాగున్న సంక్లిష్టత కలిగిన ఇలాంటి ప్రధాన అంశంపై ప్రజాభిప్రాయ సేకరణగానీ, ఇందుకు సంబంధించి చర్చలుగానీ జరగలేదు. ఆధార్ ద్వారా ఈ-కేవైసీని తెలుసుకోవడం వల్ల ప్రజలను గుర్తించవచ్చు. ఇందులో ఉన్న అసలు ప్రమాదాన్ని గుర్తించడం లేదు. ‘ఈ ప్రయత్నం అసలు ఉద్దేశానికి ఇదెంత మాత్రం సరిపోదు...’ అని న్యూయార్క్ యూనివర్సిటీకి చెందిన స్టెర్న్ స్కూల్ ఆఫ్ బిజినెస్ అండ్ సెంటర్ ఫర్ డాటా సైన్స్ ప్రొఫెసర్ వసంత్ ధర్ వ్యాఖ్యానించారు. ఈ విధంగా వ్యక్తిగత వివరాల సేకరణ వల్ల ఆ వ్యక్తికి ఎలాంటి అపాయం ఉండదని స్పష్టం కావలసి ఉంటుందని ఆయన చెప్పారు. 

2016లో ఆంధ్రప్రదేశ్‌లో ప్రజాసాధికార సర్వే లేదా స్మార్ట్‌పల్స్ సర్వేను నిర్వహించారు. ప్రతినిత్యం అత్యంత ఖరీదైన ఆండ్రాయిడ్‌తో కూడిన టాబ్‌ను తీసుకుని ఇంటింటికి ప్రభుత్వ సర్వేయర్లు తిరిగి వ్యక్తిగత సామాజిక ఆర్థిక వివరాలు వేలిముద్ర సహా సేకరిస్తున్నారు. ఈ వివరాలన్నింటినీ ఈ-ప్రగతి పోర్టల్‌కు అప్‌లోడ్ చేస్తారు. తరువాత ఈ వివరాలు నేరుగా ముఖ్యమంత్రి కార్యాలయానికి చేరతాయి. ఇంతవరకు 43 లక్షల మంది వివరాలు ఈ- ప్రగతిలో నిక్షిప్తమై ఉన్నాయి. అందులో 33 లక్షల మంది ఆధార్ ఆధారిత ఈకేవైసీ వివరాల పరిశీలన పూర్తయింది. దీనిపై స్పందించేందుకు సీనియర్ అధికారులు అందుబాటులో లేరు. క్షేత్రస్థాయిలో (internet of things) పరికరాల ద్వారా సేకరించిన భూగర్భ జలాల స్థితి, ఉష్ణోగ్రతల వివరాలు, విద్య, లైటింగ్, మరెన్నో అంశాల వివరాలు వివిధ శాఖల నుంచి సేకరించినవి మా వద్ద ఉన్నా’యని రియల్ టైమ్ గవర్నెన్స్ సెంటర్ అధికారులు తెలిపారు. పగటిపూట వీధిలైట్లు వెలుగుతున్న సంగతి కూడా మాకు తెలిసిపోతుందని వారు చెప్పారు. పారదర్శకత, వ్యక్తిగతగోప్యత హక్కులను ప్రభుత్వం కాలరాస్తోందని సెంటర్ ఫర్ ఇంటర్‌నెట్ అండ్ సొసైటీ ఎగ్జిక్యూటివ్ డైరెక్టర్ సునీల్ అబ్రహాం అభిప్రాయపడ్డారు. ప్రతి ఒక్కశాఖా ఆన్‌లైన్ డాష్‌బోర్డులు రూపొందించుకోవలసిన అవసరాన్ని ఆయన ప్రశ్నించారు. దీనివల్ల వ్యక్తిగత వివరాలను తెలుసుకోవడం ఏ అధికారికైనా చాలా సులువని ఆయన అన్నారు. ఇటీవలి కాలంలో ఈ డాష్‌బోర్టులు ప్రజల కోసం తెరిచే ఉంటున్నాయి. ఇది భద్రతకు ప్రమాదకరంగా మారే అవకాశాలున్నాయి. ప్రస్తుతానికి ఈ విధానంలో నాలుగువేల కెవెురాలు పనిచేస్తున్నాయి. త్వరలో మరో 20వేల కెవేురాలను ఏ ర్పాటు చేయనున్నామని ఇంజినీర్లు తెలిపారు. ప్రస్తుతం తాము నే రసంబంధిత సమాచారాన్ని అనుసంధానం చేస్తున్నామని వారు చెప్పారు. ఇవన్నీ కేవలం నిపుణుల పర్యవేక్షణలోనే పనిచేయడం లేదు. ప్రైవేట్ వ్యక్తులు ఇళ్లల్లో సెలవు రోజుల్లో పర్యవేక్షించేందుకు పోలీసు శాఖ కెవెురాలను లాక్‌డ్ హౌస్ మేనేజ్‌మెంట్ సిస్టమ్ (ఇవి వాస్తవానికి ప్రోగ్రామ్ కార్యక్రమం ద్వారా బిగిస్తున్నారు. ‘సెలవులకు ఎక్కడికైనా వెళ్తుంటే ఆ విషయాన్ని ఫోన్ ద్వారా తెలియజేస్తే వా ళ్ళే కెవెురాలను ఆయా ఇళ్లల్లో ఏర్పాటుచేస్తారని ఇంజినీర్ ఒకరు తెలిపారు. ఇవి రాత్రులందు కూడా పనిచేస్తాయని, ఇంటి యుజమాని లేనపుడు ఎవరైనా ఇంట్లోకి ప్రవేశిస్తే ఆ సమాచారాన్ని పోలీసులకు చేరవేస్తుందని ఆయన చెప్పారు. 4.5 కోట్ల మంది వ్యక్తిగత వివరాలు ప్రస్తుతం ప్రభుత్వ నిఘాలో ఉన్నాయి. ఆధార్ వివరాల అంశంలో రోజుకు 30 వేల బెదిరింపులు వస్తున్నాయి. వ్యక్తిగత వివరాలుతెరిచిన పుస్తకంలా ఉండడం వల్ల ఏ విధమైన అనర్థాలు ఎదురవుతాయోనని పలువురు ఆందోళన వ్యక్తంచేస్తున్నారు. 
గోపాల్ సాథె,
హఫింగ్‌టన్ పోస్టు టెక్నికల్ ఎడిటర్ 



ఇకపై ఆస్తులకూ ఆధార్!

Updated By ManamMon, 05/14/2018 - 01:08
  • మునిసిపాలిటీల్లో అనుసంధానం.. వేగవంతం చేయాలని ఆదేశాలు

  • తద్వారా అక్రమ ఆస్తులకు చెక్... ప్రతి నెలా ఆస్తి పన్నుల సవరణ

  • నిర్మాణం పూర్తయిన 30 రోజుల్లో.. పన్నుపరిధిలోకి తెచ్చేందుకు కార్యాచరణ

aadharహైదరాబాద్: ఓవైపు వివిధ సంక్షేమ పథకాలకు ‘ఆధార్’ అనుసంధానంపై చర్చ నడు స్తోంది. మరోవైపు.. రాష్ట్రవ్యాప్తంగా మునిసిపాలిటీల్లోని ప్రైవేట్ ఆస్తులకు ఆధార్‌తో అనుసంధానించడం ప్రభుత్వం తప్పనిసరి చేసింది.  పన్ను చెల్లించే ప్రతిఆస్తికీ ఆధార్‌ను అనుసంధానం చేసే పనిని వేగవం తం చేయాలని పురపాలకశాఖ రాష్ట్రం లోని మునిసిపాలిటీలకు ఆదేశాలు జారీ చేసింది. 
ఆస్తులకు  ఆధార్‌ను అనుసంధానం చేసే విషయమై గతంలోనే ఆదేశాలున్నా పెద్దగా పట్టించుకున్న దాఖలాలు లేవు. గతంలో రాష్ట్రంలోని పలు మునిసిపాలిటీల్లో ఇంటింటి సర్వే నిర్వహించిన దాఖలాలున్నాయి. ప్రస్తుతం సీడీఎంఎ ఆదేశాలతో ఆధార్ అనుసంధానంపై మున్సిపల్ అధికారులు దృష్టి సారించనున్నారు. ఆధార్ అనుసంధానంతో అక్రమాలకు అడ్డుకట్టపడే అవకాశం ఉందని అధికారులు పేర్కొంటున్నారు. ఆధార్ అనుసంధానం పూర్తి అయిన తర్వాత ఎవరి పేరుమీద ఎన్ని ఆస్తులున్నాయి, అక్రమంగా సంపాదించిన ఆస్తుల వివరాలు బయటపడే అవకాశాలు ఉన్నాయి. ఆధార్‌తో పాటు సెల్‌ఫోన్ నెంబర్లను అనుసంధానించే విధంగా అధికారులు కసరత్తు చేపట్టారు.

ఇక ప్రతి నెలా ఆస్తిపన్ను..
రాష్ట్రంలోని పట్టణాలు, నగరాల్లో ఇకపై ప్రతి నెలా ఆస్తిపన్ను సవరణలు చేసే విధంగా మునిసిపాలిటీలు పురపాలకశాఖ ఆదేశించింది. కొత్తగా నిర్మించిన, పునర్నిర్మాణం చేసిన, విస్తరించిన కట్టడాలను ఎప్పటికప్పుడు పన్ను పరిధిలోకి తీసుకు వచ్చేందుకు మున్సిపాలిటీ అధికారులు చర్యలు తీసుకోవాలని ఉన్నతాధికారులు ఆదేశాలు జారీ చేశారు. భవనాల నిర్మాణాలు పూర్తి అయిన 30 రోజుల్లో, గృహనిర్మాణం చేసిన మరుక్షణం నుంచి వాటిని పన్ను పరిధిలోకి తీసుకువచ్చే విధంగా కార్యాచరణ రూపొందించుకోవాలని పురపాలక శాఖ మునిసిపాలిటీలకు సూచించింది. పన్ను సవరణల కోసం బిల్ కలెక్టర్లు, రెవెన్యూ ఇన్‌స్పెక్టర్లు క్షేత్రస్థాయిలో పనిచేసే ఇతర సిబ్బందిని ప్రత్యేకంగా నియమించుకోవాలని సూచించింది. మునిపాలిటీల్లో  కొత్తగా ఏర్పాటు కానున్న 68 మునిసిపాలిటీల పరిధిలో వసూలు చేస్తున్న ఆస్తిపన్నుల వివరాలను ఆయా గ్రామపంచాయతీల నుంచి పురపాలక శాఖ పన్నుల విభాగం ముందస్తుగా సేకరించాల్సి ఉంది. 72 మునిసిపాలిటీల్లో  ఉన్న ఆస్తులను జీఐఎస్ పరిజ్ఞానంతో మ్యాపింగ్ చేసి ఆస్తిపన్నుల జాబితాలో ఆస్తుల సమాచారాన్ని పోల్చి చూడగా 50శాతం తక్కువగా పన్నులు వసూలైనట్లుగా వెల్లడైంది. దీంతో ఈ నెల 15లోగా ఆస్తి పన్నుల జాబితాను సవరించాలని మున్సిపల్ అధికారులను పురపాలకశాఖ ఆదేశించింది. ఆస్తిపన్నుల సవరణలపై వచ్చిన దరఖాస్తులను త్వరితగతిన పరిష్కరించే విధంగా అధికారులు చర్యలు తీసుకోవాలని సూచించింది. అనుమతి లేకుండా నిర్మించిన ప్రైవేటు, ప్రభుత్వ, వక్ఫ్, దేవాదాయ, ఇతర భూములను కబ్జా చేసి నిర్మించిన భవనాలపై అదనంగా వందశాతం ఆస్తి పన్నును జరిమానాగా విధించాలని ఉన్నతాధికారులు పేర్కొన్నారు. పన్నుల డిమాండ్ నోటీస్‌లో భవనం యజమాని పేరుకు బదులు భవనాన్ని ఆధీనంలో పెట్టుకున్న వ్యక్తి పేరు రాయాలని మున్సిపల్ అధికారులకు  పురపాలకశాఖ సూచించింది.



ఆధార్ ఉంటేనే రైల్వే టికెట్!

Updated By ManamTue, 05/08/2018 - 23:21
  • రైల్వే శాఖ యోచన

aadharన్యూఢిల్లీ: రైలు టికెట్లు బుక్ చేస్తున్నారా..? అయితే మీ దగ్గర ఆధార్ కార్డు ఉండాల్సిందే.. ఎందుకంటే ఇకపై రైల్వే టికెట్ల బుకింగ్‌కు ఆధార్ కార్డు తప్పనిసరి చేసే అవకాశాలు కన్నిస్తున్నాయి. ఇటీవల రైల్వేశాఖకు అందిన ఓ నివేదికలో ఈ మేరకు సిఫార్సులు చేశారు. ఈ సిఫార్సులను పరిశీలిస్తున్న రైల్వేశాఖ టికెట్ బుకింగ్‌కు ఆధార్‌కార్డును తప్పనిసరి చేయాలనే యోచనలో ఉన్నట్లు సమచారం. ఇటీవల ముంబైలో రైల్వే టికెట్ల రాకెట్ గుట్టు బయటపడింది. దీనిపై విచారణ చేపట్టిన రైల్వే అధికారులు సల్మాన్‌ఖాన్ అనే వ్యక్తిని అరెస్టు చేశారు. అతడి నుంచి దాదాపు రూ. 1.5కోట్ల విలువ గల ఈ-రైల్వే టికెట్లను స్వాధీనం చేసుకున్నారు. ఈ కేసులో సల్మాన్‌ను విచారించేందుకు సెంటర్ ఫర్ ఇన్ఫర్మేషన్ రైల్వే సిస్టమ్(సీఆర్‌ఐఎస్) నుంచి కొందరు సీనియర్ అధికారులు సోమవారం ముంబైకి వచ్చారు.సల్మాన్‌ను విచారించిన అనంతరం సీఆర్‌ఐఎస్, ఐఆర్‌సీటీసీ సాంకేతిక నిపుణులు సంయుక్తంగా ఓ నివేదిక తయారుచేశారు. ఇందులో టికెట్ల రాకెట్‌ను అడ్డుకునేందుకు కొన్ని సిఫార్సులు చేశారు. ఇలాంటి మోసాలకు అడ్డుకట్ట వేయాలంటే ప్రయాణికుల యూజర్ ఐడీలను వారి ఆధార్ కార్డులతో అనుసంధానం చేయాలని నివేదికలో పేర్కొన్నారు. అంతేగాక..ప్రయాణికుల మొబైల్‌ఫోన్‌కు ఓటీపీ వచ్చేలా సిస్టమ్‌ను మార్చాలని ప్రతిపాదించారు. ఈ నివేదికను రైల్వేశాఖకు అందించారు. ప్రస్తుతం ఈ సిఫార్సులను రైల్వే ఉన్నతాధికారులు పరిశీలిస్తున్నారు. వీటిని అమలు చేయాలనే యోచనలో రైల్వేశాఖ ఉన్నట్లు తెలుస్తోంది



ఆధార్ లీక్‌తో.. ప్రజాస్వామ్యమే ప్రశ్నార్థకం

Updated By ManamWed, 04/18/2018 - 06:12
  • ఎన్నికల ఫలితాలపై ప్రభావం.. సమాచార భద్రతకు చర్యలేవి?

  • భద్రతా ప్రమాణాలు తెలపండి.. ఇది మరో ఫేస్‌బుక్ ఉదంతం కాదా

  • నమోదు సంస్థల మాటేమిటి?.. యూఐడీఏఐను నిలదీసిన సుప్రీం

aadharన్యూఢిల్లీ: ఆధార్ సమాచారం లీక్ ఎన్నికల ఫలితాలను ప్రభావితంచేసే ప్రమాదం ఉందని భారత అత్యున్నత న్యాయస్థానం మంగళవారం పేర్కొంది. ఫేస్‌బుక్ డేటా లీక్ ఉదంతం ప్రపంచవ్యాప్తంగా చర్చనీయాంశంగా మారిన నేపథ్యంలో సుప్రీం ఈ వ్యాఖ్యలు చేసింది. ఈ వ్యవహారంలో 1.3 బిలియన్ల భారతీయుల సమాచారం కూడా లీక్ కావడం ఆందోళనకరమని పేర్కొంటూ.. అదే సమయంలో ఆధార్ సమాచారం లీకేజీ వ్యవహారం భారత్‌లో జరిగే ఎన్నికలలో ప్రభావం చూపే ప్రమాదం ఉందని తెలిపింది. ఈ వ్యవహారంపై ఆధార్ నిర్వహణ సంస్థ యూఐడీఏ ఐ స్పందిస్తూ.. ఆధార్ సమాచా రమేమీ అణుబాంబు కాదని వ్యాఖ్యానించడాన్ని కోర్టు తప్పు బట్టింది. ఈ మొత్తం వ్యవహారంలో ఆధార్ సమాచారం దేశ ఎన్నికల ఫలితాలను తారుమారుచేసే ప్రమాదం పొంచి ఉండడం ఆందోళనకరమని, ఒకవేళ అదే జరిగితే దేశంలో ప్రజాస్వామ్యం మనుగడ సాగించగలదా అని జస్టిస్ డీవై చంద్రచూడ్ ప్రశ్నించారు. ఈమేరకు ఆధార్ విశ్వసనీయత, కార్డుదారుల నుంచి సేకరించిన వ్యక్తిగత సమాచారం భద్రత తదితర అంశాలకు సంబంధించి దాఖలైన 27 పిటిషన్లను జస్టిస్ చంద్రచూడ్ నేతృత్వంలోని ఐదుగురు సభ్యుల ధర్మాసనం విచారిస్తోంది.

ఫేస్‌బుక్ ఉదంతంతో..
కొంతకాలంగా ఆధార్ భద్రతపై ఆందోళనలు వ్యక్తమవుతున్న విషయం తెలిసిందే! ఫేస్‌బుక్ ఖాతాదారుల వ్యక్తిగత సమాచారాన్ని దొంగిలించి కేంబ్రిడ్జి ఎనలిటికా అమెరికా అధ్యక్ష ఎన్నికల్లో డొనాల్డ్ ట్రంప్‌కు అనుకూలంగా వ్యవహరించింది. ఈ వ్యవహారం బట్టబయలు అయ్యాక ఆధార్ వివరాల భద్రతపై సందేహాల తీవ్రత మరింత పెరిగిపోయింది. దీంతోపాటు కేంబ్రిడ్జి ఎనలిటికా సేవలు మీరు ఉపయోగిం చుకున్నారంటే మీరే వాడుకున్నారని బీజేపీ, కాంగ్రెస్ పార్టీలు పరస్పరం ఆరోపించుకోవడమే! ఈ నేపథ్యంలో ఆధార్ సమాచార భద్రతకు మీరు తీసుకున్న చర్యలేం టని సుప్రీం ధర్మాసనం యూఐడీఏఐని ప్రశ్నించింది. సమస్యలన్నీ ముందుగా తగు హెచ్చరికలతో రావని, అనుకోకుండా ఒకేసారి వచ్చి మీదపడే ప్రమాదం పొంచి ఉందని బెంచ్ వ్యాఖ్యానించింది. వ్యక్తిగత సమాచార రక్షణకు సంబంధించిన చట్టాన్ని అనుసరించి ఆధార్ వివరాల పరిరక్షణకు ఎలాంటి జాగ్రత్తలు తీసుకున్నారని ప్రశ్నించింది. డాటా లీకేజ్ వ్యవహారాలలో జరుగుతున్న అనర్థాలను తేలిగ్గా తీసుకోలేమని, భవిష్యత్తునూ ప్రభావితం చేయనున్న చట్టాలను రూపొందించే ప్రయత్నం జరుపుతున్నట్లు బెంచ్ పేర్కొంది.

లీక్ సాధ్యం కాదు.. యూఐడీఏఐ
బయోమెట్రిక్ ద్వారా సేకరించిన సమాచారాన్ని ఆధార్ నమోదు సంస్థలు దుర్వినియోగపరిచే ప్రమాదం ఉందికదా అంటూ బెంచ్ సందేహం వ్యక్తంచేసింది. అయితే, ఒకసారి సమాచారం సేకరించాక అంతా ఎన్‌క్రిప్టెడ్ రూపంలోకి మారిపోతుందని, తర్వాత ఆ వివరాలను ఇతరత్రా ఉపయోగించుకోవడం సాధ్యం కాదని యూఐడీఏఐ తెలిపింది. ఈమేరకు యూఐడీఏఐ తరఫున సీనియర్ లాయర్ రాకేష్ ద్వివేదీ ధర్మాసనానికి జవాబిచ్చారు. పిటిషన్‌దారులు ఆధార్‌కు ప్రత్యామ్నాయంగా స్మార్ట్ కార్డులను సూచించారని ద్వివేదీ కోర్టుకు తెలిపారు. ఆధార్ ప్రాజెక్టు విజయంతం కావడం గూగుల్ లాంటి సంస్థలకు ఆమోదయోగ్యం కాదని.. ఆయా సంస్థలకు అనుకూలంగానే ఈ పిటిషన్లు దాఖలయ్యాయని ద్వివేదీ వివరించారు.



ఇంట్రస్టింగ్: పోర్న్‌ను దాటేసిన ఆధార్!

Updated By ManamMon, 03/19/2018 - 17:26

aadharనీలిచిత్రాలను వీక్షించే వారు ప్రపంచంలో కొన్ని కోట్ల మంది ఉంటారు. ఇంటర్నెట్‌లో ఎక్కువగా శోధించే విషయాల్లో పోర్న్ ముందు వరుసలో ఉంటుంది. అయితే భారతీయులు మాత్రం ఇప్పుడు పోర్న్ వెబ్‌సైట్ కంటే ఆధార్ వెబ్‌సైట్ గురించే ఎక్కువగా సెర్చ్ చేస్తున్నారట. వెబ్‌సైట్ స్టాటిస్టిక్స్ సంస్థ అలెక్సాలో ఈ విషయం వెల్లడైంది. భారతదేశంలో ఎక్కువ మంది పోర్న్ చూసేందుకు సెర్చ్ చేసే ఓ వెబ్‌సైట్ కంటే యూఐడీఏఐ వెబ్‌సైట్ ముందు వరుసలో ఉందట. ఆ పోర్న్ వెబ్‌సైట్ మోస్ట్ సెర్చింగ్ లిస్ట్‌లో 16వ స్థానంలో ఉంటే, ఆధార్ వెబ్‌సైట్ 15వ స్థానంలో ఉండటం విశేషం. అయితే దీనికి కారణం లేకపోలేదు. ఆధార్ కార్డును మొబైల్ నంబర్‌కు, బ్యాంకు సేవలకు అనుసంధానం చేయాలని ప్రభుత్వం ఆదేశించిన నేపథ్యంలో ఎక్కువ మంది వివరాల కోసం ఆధార్ గురించి శోధించారు. అయితే పోర్న్ వెబ్‌సైట్‌ను వీక్షించే సమయంతో పోలిస్తే ఆధార్ వెబ్‌సైట్‌ను వీక్షించిన సమయం తక్కువనే చెప్పక తప్పదు. ప్రపంచంలోనే పోర్న్ ఎక్కువగా వీక్షించే దేశాల్లో భారత్ మూడో స్థానంలో ఉంది. భారత్‌లో పోర్న్ చూసేందుకు సెర్చ్ చేస్తున్న ఓ వెబ్‌‌సైట్ వర్డ్‌వైడ్ అలెక్సా ర్యాంకింగ్స్‌లో 38వ స్థానంలో ఉంది.





Related News