Chennai Super Kings

'వణక్కమ్ చెన్నై', 'విజిల్ పొడు'

Updated By ManamFri, 01/05/2018 - 09:57

CSKరెండేళ్ల నిషేధం తరువాత ఈ సంవత్సరం ఐపీఎల్‌లో పునరాగమనం చేస్తుంది చెన్నై సూపర్ కింగ్స్ జట్టు. ఈ నేపథ్యంలో దిగ్గజ ఆటగాళ్లైన మహేంద్ర సింగ్ ధోని, సురేశ్ రైనా, రవీంద్ర జడేజాలను రీటెయిన్‌ చేసుకుంది చెన్నై సూపర్ కింగ్స్ జట్టు. ఈ సందర్భంగా సురేశ్ రైనా, రవీంద్ర జడేజా సంతోషాన్ని వ్యక్తం చేశారు. 'వణక్కమ్ చెన్నై', 'విజిల్ పొడు' అంటూ తమ ఆనందాన్ని తెలుపుతూ వీడియో సందేశాన్ని ఇచ్చారు.

అందులో "వణక్కమ్ చెన్నై. చెన్నై సూపర్ కింగ్స్ రీ ఎంట్రీ సంతోషంగా ఉంది. గత రెండేళ్లుగా కోల్పోయిన ఆటను మీ ముందు ఆటడానికి ఉవ్విళ్లూరుతున్నాను. చెపాక్ స్టేడియంలో మిమ్మిల్ని కలవడానికి ఉత్సాహంగా ఉన్నాను" అంటూ సురేశ్ రైనా తెలపగా.. "నేను సీఎస్‌కేలో మళ్లీ భాగమైనందుకు చాలా సంతోషంగా ఉన్నాను. మా ఆటను మీరు ఆస్వాదిస్తారని ఆశిస్తున్నా. మ్యాచ్ గెలిచేందుకు ప్రయత్నిస్తాం. విజిల్ పొడు" అంటూ జడేజా సందేశాన్ని ఇచ్చారు. అయితే ధోని నాయకత్వంలో సీఎస్‌కే రెండు సార్లు ఐపీఎల్‌ చాంపియన్స్‌గా నిలిచిన విషయం తెలిసిందే. 
 



మళ్లీ సీఎస్కే జట్టులోకి ధోనీ

Updated By ManamWed, 12/06/2017 - 15:37

dhoniఢిల్లీ: చెన్నై సూపర్ కింగ్స్ ఫ్యాన్స్‌కు తీపికబురు. భారత క్రికెటర్ మహేంద్ర సింగ్ ధోనీ ఐపీఎల్‌  2018 సీజన్‌లో తిరిగి చెన్నై సూపర్ కింగ్స్ జట్టుకు ప్రాతినిధ్యం వహించనున్నారు. చెన్నై సూపర్ కింగ్స్, రాజస్థాన్ రాయల్స్ జట్లు ముగ్గురు ఆటగాళ్లను తిరిగి తమతో ఉంచుకునేందుకు ఐపీఎల్ పాలక మండలి ఆమోదం తెలిపింది. ఢిల్లీలో బుధవారం జరిగిన ఐపీఎల్ పాలకమండలి సమావేశంలో ఈ మేరకు నిర్ణయం తీసుకున్నారు. దీంతో చెన్నై సూపర్ కింగ్స్ జట్టు తిరిగి ధోనీని తమ జట్టులో ఉంచుకునేందుకు మార్గం సుగమమయ్యింది. ప్రస్తుతం ధోనీ పూణే జట్టుకు ప్రాతినిధ్యంవహిస్తున్నారు. 
 




Related News