rajamouli

ముహూర్తం కుదిరింది

Updated By ManamSat, 11/17/2018 - 01:37

imageఎస్.ఎస్.రాజమౌళి తనయుడు ఎస్.ఎస్.కార్తికేయకు, జగపతిబాబు అన్నయ్య రాంప్రసాద్ కుమార్తె పూజ పెళ్లి జరగనుంది. వీరిద్దరూ ప్రేమించుకున్నారు. పెళ్లికి రెండు కుటుంబాల పెద్దలు అంగీకరించారు. కొన్ని రోజుల ముందు వీరికి నిశ్చితార్థం జరిగింది. వచ్చే ఏడాది జనవరిలో ఇద్దరి పెళ్లికి ముహుర్తం కుదిరింది. రామానాయుడు స్టూడియో పెళ్లి జరగనుంది. ఇప్పటికే పెళ్లి పనులు కూడా మొదలెట్టేశారు. ‘బాహుబలి’ సెకండ్ యూనిట్ డైరెక్టర్‌గా పనిచేసిన కార్తికేయ త్వరలోనే కార్తికేయ ప్రొడక్షన్స్ బ్యానర్‌తో నిర్మాతగా మారుతున్నారు.



‘ఆర్ఆర్‌ఆర్’ కోసం కొత్త భాష..?

Updated By ManamTue, 11/13/2018 - 10:28
RRR

ఎన్టీఆర్, రామ్ చరణ్‌లు హీరోలుగా దర్శకధీరుడు రాజమౌళి తెరకెక్కిస్తున్న చిత్రం ‘ఆర్ఆర్ఆర్’. భారీ బడ్జెట్‌తో తెరకెక్కుతున్న ఈ చిత్రాన్ని డీవీవీ దానయ్య నిర్మిస్తున్నాడు. ఇటీవలే ఈ చిత్రానికి పూజా కార్యక్రమాలను పూర్తి అవ్వగా.. నవంబర్ 19నుంచి మొదటి షెడ్యూల్‌ ప్రారంభం కానుంది. ఈ షెడ్యూల్‌లో భారీ యాక్షన్ సన్నివేశాలను తెరకెక్కించనున్నారు.

కాగా ‘బాహుబలి’ చిత్రంలో కిలికి అనే భాషను పరిచయం చేసిన రాజమౌళి ఈ చిత్రం కోసం కూడా మరో కొత్త భాషను సృష్టించాలని అనుకుంటున్నారట. ఇందులో భాగంగా తెలుగులో సాయి మాధవ్ బుర్రా, తమిళ్‌లో కర్కి(కిలికి భాష రచయిత)లను రంగంలోకి దింపినట్లు వార్తలు వినిపిస్తున్నాయి. ఎన్టీఆర్ పాత్ర కోసం ఆ ఇద్దరు కొత్త భాషను సృష్టించబోతున్నట్లు సమాచారం. మరి ఇందులో నిజమెంతో తెలియాలంటే కొద్ది రోజులు ఆగాల్సిందే.



‘ఆర్ఆర్ఆర్’ మూవీ ప్రారంభం

Updated By ManamSun, 11/11/2018 - 11:45
RRR

ఎన్టీఆర్, రామ్ చరణ్‌లు హీరోలుగా దర్శకధీరుడు రాజమౌళి తెరకెక్కించనున్న ప్రతిష్టాత్మక చిత్రం ‘ఆర్ఆర్ఆర్’ ప్రారంభమైంది. క్రేజీ మల్టీస్టారర్‌గా తెరకెక్కబోతున్న ఈ చిత్ర పూజా కార్యక్రమం హైదరాబాద్‌లో జరిగింది. ఈ కార్యక్రమానికి ముఖ్య అతిథులుగా దర్శకేంద్రుడు రాఘవేంద్రరావు, మెగాస్టార్ చిరంజీవి, అల్లు అరవింద్, సురేశ్ బాబు, వివి వినాయక్, రానా, శోభు యార్లగడ్డ తదితరులు హాజరయ్యారు. అలాగే ఎన్టీఆర్, రామ్ చరణ్‌లు కూడా పూజకు హాజరయ్యారు. ఇక ఈ చిత్రాన్ని భారీ బడ్జెట్‌తో డీవీవీ దానయ్య నిర్మిస్తుండగా.. కీరవాణి సంగీతం అందిస్తున్నాడు. జనవరి నుంచి ఈ చిత్రం సెట్స్ మీదకు వెళ్లనుంది. దీనికి సంబంధించిన మరిన్ని వివరాలు త్వరలో తెలియనున్నాయి.



భారత సినిమాకు మీరు గర్వకారణం

Updated By ManamSat, 11/03/2018 - 12:50
Rajamouli, Shankar

సూపర్‌స్టార్ రజనీకాంత్ హీరోగా కోలీవుడ్ స్టార్ దర్శకుడు శంకర్ తెరకెక్కించిన చిత్రం ‘2.O’. అమీ జాక్సన్ ఇందులో హీరోయిన్‌గా నటించగా.. బాలీవుడ్ కిలాడి అక్షయ్ కుమార్ విలన్‌గా కనిపించనున్నాడు. లైకా ప్రొడక్షన్స్ బ్యానర్‌ భారీ బడ్జెట్‌తో తెరకెక్కించిన ఈ చిత్రానికి ఆస్కార్ గ్రహీత రెహమాన్ సంగీతం అందించాడు. ఈ చిత్ర ట్రైలర్ విడుదల కార్యక్రమం చెన్నైలో జరుగుతుండగా.. ఈ సందర్భంగా పలు ఇండస్ట్రీలకు సంబంధించిన ప్రముఖులు శంకర్‌కు ప్రశ్నలను సంధించారు.

అందులో భాగంగా దర్శకధీరుడు రాజమౌళి మాట్లాడుతూ.. ‘‘పెద్ద సినిమాలను తీసేటప్పుడు మీరు ఒత్తిడిని ఎలా అధిగమిస్తారు’’ అంటూ ప్రశ్నించారు.  దీనికి స్పందించిన శంకర్.. ‘‘నేను మీకు పెద్ద అభిమానిని. భారత సినిమాకు మీరు గర్వకారణం. ఒత్తిడిని అధిగమించడం కోసం నేను ఎక్కువగా పనిచేస్తాను’’ అంటూ చెప్పారు. కాగా 2.O చిత్రం తెలుగు, తమిళ, హిందీలలో ఈ నెల 29న విడుదల కానున్న విషయం తెలిసిందే.



‘ఆర్ఆర్ఆర్‌’పై మరో ఆసక్తికర వార్త

Updated By ManamTue, 10/30/2018 - 16:32

RRRఎన్టీఆర్, రామ్ చరణ్‌లతో దర్శకధీరుడు రాజమౌళి మల్టీస్టారర్ చిత్రం ప్రకటించినప్పటి నుంచి ఈ క్రేజీ ప్రాజెక్ట్‌పై భారీ స్థాయిలో అంచనాలు మొదలయ్యాయి. అందుకు తగ్గట్లుగా రాజమౌళి కూడా పక్కా స్క్రిప్ట్‌ను సిద్ధం చేసుకున్నాడు. అయితే ఈ చిత్రం ఇంకా సెట్స్ మీదకు వెళ్లకముందే దీని గురించి ఏదో ఒక ఆసక్తికర వార్త వినిపిస్తూనే ఉంది. ఈ క్రమంలో ‘ఆర్ఆర్ఆర్’ గురించిన మరో వార్త తాజాగా ఫిలింనగర్‌లో వినిపిస్తోంది.

అదేంటంటే ఈ సినిమాలో కీలకమైన ఇంటర్వెల్ సీన్‌ను రాజమౌళి భారీగా డిజైన్ చేస్తున్నాడట. ఈ ఒక్క సీన్‌నే దాదాపు 45రోజుల పాటు తెరకెక్కించేందుకు ప్లాన్ చేస్తున్నట్లుగా వార్తలు వినిపిస్తున్నాయి. ఇక ఈ చిత్రంలో ముగ్గురు హీరోయిన్లు నటించనున్నట్లు కూడా తెలుస్తోంది. మరి వీటన్నింటిలో నిజమెంతో తెలియాలంటే కొద్ది రోజులు ఆగాల్సిందే.



‘ఆర్ఆర్ఆర్‌’లో ముగ్గురు హీరోయిన్లు..?

Updated By ManamMon, 10/29/2018 - 12:44

RRRఎన్టీఆర్, రామ్ చరణ్ హీరోలుగా దర్శకధీరుడు రాజమౌళి ఓ మల్టీస్టారర్‌ను తెరకెక్కించనున్నారు. నవంబర్‌లో ఈ చిత్రం ప్రారంభం అవ్వనుండగా.. ప్రస్తుతం ప్రీ ప్రొడక్షన్ పనులు శరవేగంగా జరుగుతున్నాయి. కాగా ఈ చిత్రంలో ముగ్గురు హీరోయిన్లు నటించనున్నట్లు వార్తలు వినిపిస్తున్నాయి. కథానుగుణంగా ఇందులో ముగ్గురు హీరోయిన్లు నటించనుండగా, అందులో ఒక ఫారిన్ బ్యూటీ కూడా ఉండనున్నట్లు తెలుస్తోంది. మరి ఇందులో నిజమెంతో తెలియాలంటే కొద్ది రోజులు ఆగాల్సిందే. కాగా భారీ బడ్జెట్‌తో డీవీవీ దానయ్య నిర్మించనున్న ఈ చిత్రానికి కీరవాణి సంగీతం అందించనున్న విషయం తెలిసిందే.



హీరో... విలన్?

Updated By ManamFri, 10/26/2018 - 01:29

imageరాజమౌళి, ఎన్టీఆర్, రామ్‌చరణ్ కాంబినేషన్‌లో ఓ భారీ మల్టీస్టారర్ రూపొందనున్న సంగతి తెలిసిందే. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు శరవేగంగా జరుగుతున్నాయి. నవంబర్ 18న సినిమా ప్రారంభమవుతుందని సమాచారం. ఈ లోపు ఎన్టీఆర్, చరణ్ వారి కమిట్‌మెంట్స్ పూర్తి చేసుకుని చిత్రీకరణలో పాల్గొంటారు. ‘బాహుబలి’ తర్వాత రాజమౌళి దర్శకత్వం చేయబోయే చిత్రం కావడంతో పాటు... ఎన్టీఆర్, రామ్‌చరణ్ వంటి స్టార్ హీరోలు కూడా నటిస్తుండటంతో ఈ సినిమాపై అంచనాలు మరింతగా పెరు గుతున్నాయి.

సాధారణంగా రాజమౌళి తన చిత్రంలో విలన్ పాత్రను ఎంతో పవర్‌ఫుల్‌గా చూపి స్తారు. అలాగే ఇప్పుడు తెరకెక్కించబోయే ఈ మల్టీస్టారర్‌లోనూ ఎన్టీఆర్ శక్తివంతమైన ప్రతినాయకుడి పాత్రలో కనపడితే.. కథానాయకుడి పాత్రలో రామ్‌చరణ్ కనిపిస్తార ని ఫిలింనగర్ వర్గాల సమాచారం. డి.వి.వి.దానయ్య ఈ చిత్రాన్ని నిర్మిస్తారు.



‘అరవింద సమేత’ను నాకంటే ఎన్టీఆర్ ఎక్కువ నమ్మారు

Updated By ManamSat, 10/13/2018 - 01:31

imageఎన్టీఆర్ కథానాయకుడిగా శ్రీమతి మమత సమర్పణలో హారిక అండ్ హాసిని క్రియేషన్స్ బ్యానర్‌పై త్రివిక్రమ్ దర్శకత్వంలో ఎస్.రాధాకృష్ణ నిర్మించిన చిత్రం ‘అరవింద సమేత వీర రాఘవ’. అక్టోబర్ 11న విడుదలైన సందర్భంగా సక్సెస్ మీట్‌ను ఏర్పాటు చేసింది చిత్ర యూనిట్. దిల్‌రాజు మాట్లాడుతూ ‘‘ఎన్టీఆర్‌గారితో కలిసి సినిమా చూశాం. చాలా ఎగ్జయిట్ అయ్యాను. ప్రేక్షకులు ఎలా రెస్పాండ్ అవుతారోనని ఆసక్తిగా ఎదురుచూశాను. ఉదయం ఆట నుండే అందరూ బావుంది అన్నారు. చాలా మంచి సినిమా చూశామని అంటున్నారు. ఓపెనింగ్స్ వైజ్ చూస్తే ఎన్టీఆర్‌గారి కెరీర్‌లోనే హయ్యస్ట్ గ్రాసర్‌గా ఉండబోతుంది. ఈ దసరాకి ఈ చిత్రం ఎలాంటి ట్రెండ్స్ క్రియేట్ చేయనుందో వేచి చూడాల్సిందే’’ అన్నారు. సునీల్ మాట్లాడుతూ ‘‘నా క్యారెక్టర్ నాకు బాగా నచ్చింది.

ఈ మధ్య కాలంలో రానంత ఆనందమేసింది సినిమా చూసి. ఎందుకంటే ఓ మంచి క్యారెక్టర్‌లో ఇలా నన్ను నేను చూసుకుని చాలా కాలమైంది. మామూలుగా ఫ్యాక్షన్ సినిమా అంటే ఓ యాక్షన్ సినిమా. కానీ త్రివిక్రమ్‌గారు యాక్షన్‌తో పాటు ఫ్యామిలీ సినిమా కూడా చేసేశారు. ఫ్యాక్షన్ సినిమాల్లో మంచి క్లాసిక్ చూసినట్లు అనిపించింది’’ అన్నారు. ఎస్.ఎస్.తమన్ మాట్లాడుతూ ‘‘దసరా సీజన్ నాకు చాలా బాగా వర్క్ అయ్యింది. సినిమాకు పనిచేసే మొదటి రోజు నుండి పాజిటివ్ ఫీలింగ్ కనపడుతూ వచ్చింది. చాలా హెల్దీ డిస్కషన్స్ చేసుకున్నాం. రీరికార్డింగ్ సమయంలోనే సినిమా చాలా పెద్ద హిట్ అవుతుందనే నమ్మకం వచ్చింది’’ అన్నారు. నవీన్ చంద్ర మాట్లాడుతూ  ‘‘ఇలాంటి మంచి సినిమాలో బాల్‌రెడ్డి పాత్ర చేసినందుకు ఆనందంగా ఉంది.

ఒకప్పుడు అందాల రాక్షసి సూర్య అని పిలిచేవారు. ఇప్పుడు అందరూ బాల్‌రెడ్డి అని పిలుస్తున్నారు. నిర్మాత చినబాబుగారే నన్ను సజెస్ట్ చేశారు. అందుకు ఆయనకు థాంక్స్. యూనానిమస్‌గా హిట్ టాక్ రావడం ఆనందంగా ఉంది’’ అన్నారు. త్రివిక్రమ్ మాట్లాడుతూ ‘‘చాలా మంచి రెస్పాన్స్ వస్తుంది. పరిచయం లేనివాళ్లు కూడా నాకు ఫోన్ చేసి అభినందిస్తున్నారు. నాకు గౌరవం ఇచ్చిన సినిమా. కాబట్టి ఇది నాకు స్పెషల్ మూవీ. మా అందరి కంటే ఎన్టీఆర్‌గారు ఈ కథను ఎక్కువగా నమ్మారు. సాంగ్స్ లేవు. ఆడియన్స్ కోరుకునే స్టెప్పులు తగ్గుతున్నాయా? అని మేం ఆలోచించేవాళ్లం.. ఎంటర్‌టైన్‌మెంట్ తగ్గుతుందా? అని అనుకుంటే ఎన్టీఆర్‌గారు మాత్రం ‘మీరేం పట్టించుకోకండి.. మీరు నాకు ఏ కథైతే చెప్పారో దాన్ని అలాగే తీయండి చాలు’ అని మా వెనకుండి మమ్మల్ని ముందుకు నడిపించారు.

కాబట్టి ఈ సినిమా పరంగా ఫస్ట్ థాంక్స్ ఎన్టీఆర్‌గారికే చెప్పాలి. ఈ సినిమాకి సంబంధించి ఎందుకనో స్టార్ ఇమేజ్ అని ముందు నుండి ఎవరం మాట్లాడుకోలేదు. ఉదాహరణకు నవీన్ చంద్రకు క్యారెక్టర్ గురించి చెప్పి తనను ఆలోచించుకోమని అన్నాను. వారం తర్వాత తనే క్యారెక్టర్‌కి సంబంధించిన లుక్ అనుకున్నాడు. చిన్న కరెక్షన్స్‌తో నటించాడు. అందరం ఓ సినిమాలో ప్యాట్రన్‌ను వెతికే ప్రయత్నం చేస్తుంటాం. దానికి సెంటిమెంట్ అని పేరు పెట్టుకుంటాం. కథను చెప్పినప్పుడే అందరికీ నచ్చిన ఐడియా ఆడవాళ్ల పాయింట్ ఆఫ్ వ్యూలో చెప్పడమే. ఇప్పుడు అందరికీ అదే నచ్చింది’’ అన్నారు. 
 



‘ఆర్ఆర్ఆర్’ చిత్రంపై తాజా అప్‌డేట్

Updated By ManamSat, 10/06/2018 - 13:02

Ram Charan, Rajamouli, NTRటాలీవుడ్ టాప్ హీరోలు యన్టీఆర్, రామ్ చరణ్ ప్రధానపాత్రలో దర్శకధీరుడు రాజమౌళి ఓ మల్టీస్టారర్ చిత్రాన్ని తెరకెక్కించనున్నాడు. ఈ చిత్రానికి ప్రస్తుతం ప్రీ ప్రొడక్షన్ పనులు జరుగుతుండగా.. ఎప్పుడెప్పుడు సెట్స్ మీదకు వెళుతుందో అంటూ అభిమానులు ఆసక్తిగా ఎదురుచూస్తున్నారు. ఈ క్రమంలో ఈ చిత్రానికి సంబంధించిన ఓ ఆసక్తికర వార్త టాలీవుడ్‌లో హల్‌చల్ చేస్తోంది. 

అదేంటంటే నవంబర్‌లో కానీ డిసెంబర్‌లో కానీ ఈ చిత్రాన్ని అధికారికంగా ప్రారంభించి.. జనవరి నుంచి సెట్స్ మీదకు తీసుకువెళ్లాలని దర్శకుడు అనుకుంటున్నారట. ఇక మొదట ఎన్టీఆర్, రామ్ చరణ్ విడివిడిగా ఉన్న సన్నివేశాలను తెరకెక్కించి, ఆ తరువాత ఇద్దరి కాంబినేషన్లో సన్నివేశాలను తెరకెక్కించనున్నట్లు తెలుస్తోంది. కాగా ఈ చిత్రంలో కీర్తి సురేశ్ ఓ కథానాయికగా ఎన్నికైనట్లు తెలుస్తుండగా.. మరో హీరోయిన్ కోసం టాప్ హీరోయిన్లతో సంప్రదింపులు జరుగుతున్నట్లు సమాచారం. డీవీవీ దానయ్య నిర్మించనున్న ఈ చిత్రానికి కీరవాణి సంగీతం అందిస్తుండగా.. 2020లో ప్రేక్షకుల ముందుకు రానుంది. కాగా ఎన్టీఆర్ నటించిన ‘అరవింద సమేత’ అక్టోబర్ 11న విడుదల కానుండగా.. మరోవైపు రామ్ చరణ్, బోయపాటి దర్శకత్వంలో ఓ చిత్రంలో నటిస్తున్న విషయం తెలిసిందే. సంక్రాంతి కానుకగా ఈ చిత్రం విడుదల కానుంది.



టాప్ దర్శకుడితో నిర్మాత అసంతృప్తి

Updated By ManamThu, 09/27/2018 - 12:57

Trivikram, Danayya‘భరత్ అనే నేను’తో ఈ ఏడాది మంచి విజయాన్ని అందుకున్న నిర్మాత డీవీవీ దానయ్య ప్రస్తుతం రామ్ చరణ్, బోయపాటి కాంబినేషన్లో తెరకెక్కుతున్న చిత్రాన్ని నిర్మిస్తున్నాడు. ఈ ప్రాజెక్ట్ తరువాత ఎన్టీఆర్, చెర్రీ హీరోలుగా రాజమౌళి తెరకెక్కిస్తున్న భారీ మల్టీస్టారర్ చిత్రాన్ని నిర్మించనున్నాడు. ఇదిలా ఉంటే ఈ నిర్మాత టాప్ దర్శకుడు త్రివిక్రమ్‌తో అసంతృప్తిగా ఉన్నట్లు తెలుస్తోంది. ఈ నేపథ్యంలో ఓ చిత్రం కోసం త్రివిక్రమ్‌కు ఇచ్చిన అడ్వాన్స్‌ను వెనక్కి తీసుకోవాలని దానయ్య భావిస్తున్నట్లు టాలీవుడ్‌లో వార్తలు వినిపిస్తున్నాయి. 

ప్రస్తుతం ఎన్టీఆర్ హీరోగా ‘అరవిందసమేత’ను తెరకెక్కిస్తున్న త్రివిక్రమ్ ఈ చిత్రాన్ని హారిక అండ్ హాసిని బ్యానర్‌లో చేస్తున్నాడు. ఈ మూవీ తరువాత అదే బ్యానర్‌లో కొన్ని చిత్రాలు చేయనున్నాడు. దీంతో మరో బ్యానర్‌లో సినిమా చేసేందుకు మరింత సమయం పట్టనుంది. ఈ నేపథ్యంలో త్రివిక్రమ్‌కు ఉన్న కమిట్‌మెంట్‌పై అసంతృప్తిగా ఉన్న దానయ్య తన అడ్వాన్స్‌ను వెనక్కి తీసుకోవాలనుకుంటున్నట్లు తెలుస్తోంది. మరి ఇందులో నిజమెంతో తెలియాలి.





Related News