NOTA

నోటా రివ్యూ

Updated By ManamFri, 10/05/2018 - 13:51
Vijay Devarakonda NOTA Movie review

పెళ్లిచూపులు, అర్జున్ రెడ్డి, ఇటీవ‌ల గీత గోవిందం... మూడు భారీ హిట్లు అందుకోవ‌డం అంటే మామూలు విష‌యం కాదు. అదీ సినిమాల్లో ప్ర‌య‌త్నించి, ప్ర‌య‌త్నించి విసిగిపోయిన ఓ అబ్బాయి.. ఇక రైటింగో, డైర‌క్ష‌నో చేద్దామ‌నుకున్న ఓ అబ్బాయి వ‌రుస హిట్ల‌తో ఓ రౌడీ అనే బ్రాండ్ ఇమేజ్‌తో ముందుకు సాగ‌డం మామూలు అంశం కాదు. ఆ విజ‌యం ఇచ్చిన భ‌రోసాతోనే ఆయ‌న కింగ్ ఆఫ్ ది హిట్ అని ఓ బ్యాన‌ర్ పెట్టారు. తొలి సినిమాగా త‌న బ్యాన‌ర్‌పై `నోటా`ను విడుద‌ల చేశారు. ఈ సినిమా ఎలా ఉంది?  విజ‌య్ విజ‌యాల‌ను కొన‌సాగిస్తుందా?  లేదా?  జ‌స్ట్ హావ్ ఎ లుక్‌..

బ్యాన‌ర్‌:  కింగ్ ఆఫ్ ది హిల్ 
స‌మ‌ర్ప‌ణ‌:  కె.ఇ. జ్ఞాన‌వేల్ రాజా (స్టూడియో గ్రీన్‌)
ద‌ర్శ‌క‌త్వం: ఆనంద్ శంక‌ర్‌
న‌టీన‌టులు:  విజ‌య్ దేవ‌ర‌కొండ‌, మెహ‌రీన్‌, నాజ‌ర్‌, స‌త్యరాజ్ తదిత‌రులు
మాట‌లు:  రాజేష్‌.ఎ.మూర్తి
సంగీతం:  శ్యామ్ సి.య‌స్‌.

క‌థ‌

Vijay Devarakonda NOTA Movie review

తెలుగు రాష్ట్రాల ముఖ్య‌మంత్రి వాసుదేవ‌రావ్ (నాజ‌ర్‌) త‌న‌యుడు వ‌రుణ్‌(విజ‌య్ దేవ‌ర‌కొండ‌). ఓ స్వామీజీ స‌ల‌హా మేర‌కు త‌ను కుర్చీ నుంచి దిగిపోయి, త‌న ర‌క్తం పంచుకుని పుట్టిన బిడ్డ‌ను రెండు వారాల పాటు సీఎంగా ఉంచాల‌నుకుంటాడు వాసుదేవ్‌. ఆ ప‌థ‌కంలో భాగంగానే ఓ పుట్టిన‌రోజునాడు త‌న కుమారుడిని సీఎం కుర్చీలో కూర్చోబెడ‌తాడు. అయితే దాన్ని తాత్కాలికంగా భావించిన వ‌రుణ్ అంత సీరియ‌స్‌గా తీసుకోడు.

కానీ వాసుదేవ‌రావు జైలు నుంచి వ‌స్తుండ‌గా జ‌రిగిన ప్ర‌మాదంలో కోమాలోకి వెళ్ల‌డంతో అనుకోకుండా వ‌రుణ్ బాధ్య‌త‌లు తీసుకోవాల్సి ఉంటుంది. ఆ సంద‌ర్బంలో అత‌నికి మ‌హేంద్ర(స‌త్య‌రాజ్‌) సాయ‌ప‌డ‌తాడు. ఇంత‌కీ మ‌హేంద్ర ఎవ‌రు? వ‌రుణ్‌కి ఎందుకు సాయ‌ప‌డ్డాడు? ప‌్ర‌తిప‌క్ష నేత కుమార్తె క‌ళా ఏ విధంగా వ‌రుణ్‌కి సాయ‌ప‌డింది? వ‌ంటివ‌న్నీ ఆస‌క్తిక‌ర‌మైన అంశాలు. 

స‌మీక్ష‌
త‌మిళ‌నాడు రాజ‌కీయాల‌కు అద్దం ప‌ట్టే సినిమా ఇది. త‌మిళ‌నాడు మాజీ సీఎం జ‌య‌ల‌లిత‌కున్న న‌మ్మ‌కాలు, ఆమె కోమాలోకి వెళ్లిన త‌ర్వాత జ‌రిగిన ప‌ర్య‌వ‌సానాలు వీట‌న్నిటిని దృష్టిలో పెట్టుకుని రాసుకున్న క‌థ‌. త‌మిళంలో ఇప్ప‌టికీ న‌వ‌ల రూపంలో వ‌చ్చిన అంశం. దాన్ని స్క్రీన్‌కి త‌గ్గ‌ట్టు మ‌ల‌చుకున్నారు. అయితే ఏ సీన్ కూడా ఇందులో కొత్త‌గా లేదు. నిత్యం టీవీల్లో చూస్తున్న ప‌లు అంశాల‌ను క్రోడీక‌రించి, ఎడిట్ చేసి తెర‌మీద రెండున్న‌ర గంట‌ల పాటు చూపించిన‌ట్టు అనిపించింది. ఈ సినిమాలో విజ‌య్ దేవ‌ర‌కొండ‌ను మిన‌హాయిస్తే మ‌న‌కు క‌నెక్ట్ అయ్యే ఎమోష‌న్ ఒక్క‌టే. దుండ‌గుల అక్ర‌మాల వ‌ల్ల కాలిపోయిన ఓ బ‌స్సులో ఓ స్కూలు పాప చ‌నిపోవ‌డం... ఆ పాప త‌ల్లిగా చేసిన మ‌హిళ న‌ట‌న‌ను మెచ్చుకోవాలి. హృద‌యాల‌ను క‌ల‌వ‌ర‌పెట్టే విధంగా న‌టించింది.

వ‌రుణ్ ఫ్రెండ్ వార్న్ (ప్రియ‌ద‌ర్శి) న‌టించాడు. ఆ పాత్ర‌కైతే అస‌లు లాజిక్కే ఉండ‌దు. జ‌స్ట్ ఏవో కొన్ని కోడ్స్ ఉప‌యోగించి, ఎక్క‌డో ప‌నామాలో ఉన్న అంత‌ర్జాతీయ అకౌంట్ల‌ను హ్యాక్ చేయ‌డం, వాళ్ల ద‌గ్గ‌ర నుంచి డ‌బ్బులను త‌మ ఖాతాల్లో జ‌మ‌చేసుకోవ‌డం.. వీట‌న్నిటినీ చాలా సింపుల్‌గా చూపించేస్తారు. కానీ అది అంత తేలికైన విష‌యం కాద‌న్న లాజిక్ ఉండ‌దు. స‌న్నివేశాల ప‌రంగానూ ఎక్క‌డా కొత్త‌ద‌నం లేదు. పాట‌ల్లో ఒక్క ప‌దం కూడా అర్థం కాదు. అస‌లు అవి తెలుగు పాట‌లా.. తెలుగులోనే ఉన్నాయా? అనే అనుమానం కూడా క‌లుగుతుంది.

విజ‌య్ దేవ‌ర‌కొండ మాత్రం ఈ సినిమాకు ఆశాదీప‌మే. ఆయ‌న కోస‌మే సినిమా ఆడాలి. ఆయ‌న కోస‌మే సినిమాను చూడాలి. అంతే త‌ప్ప ఇందులో చూడాలి.. అనిపించే అంశాలు ఏమీ ఉండ‌వు. మెహ‌రీన్ ఎందుకుందో అర్థం కాదు. ప్ర‌తిప‌క్ష నాయ‌కుడి కుమార్తెగా చేసిన క‌ళా పాత్రే మెహ‌రీన్ క‌న్నా ఎక్కువ‌గా ఉంది. నేప‌థ్య సంగీతం బావుంది. కానీ స‌న్నివేశాల్లో లేని ఎమోష‌న్‌ని ఎంత ప్ర‌య‌త్నిస్తే మాత్రం సంగీత ద‌ర్శ‌కుడు పండించ‌గ‌ల‌డు? స్వామీజీ క‌థ‌కు ఎక్క‌డో ఓ ముగింపు ఉండాలి కాబ‌ట్టి ఏదో చేసిన‌ట్టు అనిపిస్తుంది. క‌థ‌ను స‌రిగా రాసుకున్న‌ట్టు అనిపించ‌వు.

సినిమా కూడా అనువాద చిత్ర‌మ‌నిపిస్తుంది. చాలా చోట్ల లిప్ సింక్ లేదు. చాలా వ‌ర‌కు తెలుగు బోర్డుల‌ను పెట్టి మేనేజ్ చేసిన వారు, ఓ చోట సీఎం ఆఫీస్‌లో త‌మిళ‌నాడు గ‌వ‌ర్న‌మెంట్ అనే ఆంగ్ల అక్ష‌రాల‌ను వ‌దిలేయ‌డం హాస్యాస్ప‌దం. కొన్ని పాత్ర‌ల‌కు డ‌బ్బింగ్ చెప్పిన తీరు కూడా క్వాలిటీగా లేదు. ఆనోటా, ఈనోటా ఎవ‌రైనా చెప్పుకుంటే సినిమా హిట్ కావాలి. కానీ ఈ సినిమా విష‌యంలో ఏ నోటా విజ‌యం.. అనే మాట రావ‌డం లేదు. గ‌తంలో వ‌చ్చిన `లీడ‌ర్‌`, `భ‌ర‌త్ అనే నేను` సినిమాల‌కు భిన్నంగా ఏమీ పెద్ద‌గా లేద‌నే మాటే అంద‌రి నోటా వినిపిస్తోంది.

రేటింగ్‌: 2.25/5

బాట‌మ్ లైన్‌:  విజ‌య్ ఫ్యాన్స్ నోట మాత్ర‌మే `నోటా`



ఎన్నికల్లో నా ఓటు ఆ పార్టీకే: విజయ్ దేవరకొండ

Updated By ManamThu, 10/04/2018 - 14:58

Vijay Devarakondaరానున్న ఎన్నికల్లో తాను ఏ పార్టీకి ఓటేస్తానో బహిరంగంగా ప్రకటించాడు సెన్సేషనల్ హీరో విజయ్ దేవరకొండ. నోటా ప్రమోషన్లో పాల్గొన్న విజయ్ దేవరకొండ ఓ ప్రశ్నను స్పందిస్తూ.. ‘‘గతంలో తాను టీఆర్‌ఎస్‌కు ఓటేశానని, ఇప్పుడు కూడా అదే పార్టీకి వేస్తానని తెలిపారు. తనకు కేటీఆర్ మీద, ఆయన ఐడియాలజీ మీద నమ్మకం ఉంది’’ అని విజయ్ దేవరకొండ చెప్పుకొచ్చాడు. కాగా పొలిటికల్ థ్రిల్లర్‌గా తెరకెక్కిన నోటా శుక్రవారం ప్రేక్షకుల ముందుకు రానుంది. తెలుగు, తమిళంలో తెరకెక్కిన ఈ చిత్రంపై రెండు ఇండస్ట్రీలో భారీ అంచనాలు ఉన్నాయి. మరి ఈ చిత్రం ఎలాంటి టాక్‌ను తెచ్చుకుంటుందో చూడాలంటే కొన్ని గంటలు వేచి చూడాల్సిందే.



క్ష‌మాప‌ణ‌లు చెప్పిన విజ‌య్ దేవ‌ర‌కొండ‌

Updated By ManamMon, 10/01/2018 - 11:04

Vijay Devarakondaవిజ‌య్‌దేవ‌ర‌కొండ‌, మెహ‌రీన్ జంట‌గా ఆనంద్ శంక‌ర్ ద‌ర్శ‌క‌త్వంలో రూపొందుతోన్న చిత్రం ‘నోటా’. ఈ సినిమా ప్రీ రిలీజ్ ఈవెంట్స్‌ ఆదివారం విజ‌య‌వాడలో నిర్వహించారు. ఈ వేడుకకు తక్కువ సంఖ్యలో అభిమానులు వస్తారని భావించిన నిర్వాహకులు అందుకు తగ్గట్లుగా ఏర్పాట్లు చేశారు. అయితే ఎక్కువ సంఖ్య‌లో అభిమానులు హాజ‌రవ్వడంతో ఫంక్షన్ హాలు నిండిపోయింది. ఈ క్రమంలో చాలా మంది అభిమానులు బ‌య‌టే నిల‌బ‌డి పోయారు. ఈ విషయం తెలుసుకున్న విజ‌య్ దేవ‌ర‌కొండ వేదిక‌పైన వారికి క్షమాపణలు చెప్పాడు. కాగా పొలిటికల్ థ్రిల్లర్‌గా తెరకెక్కిన ఈ చిత్రం అక్టోబర్ 5న ప్రేక్షకుల ముందుకు రానున్న విషయం తెలిసిందే.



‘నోటా’ తమిళ సెన్సార్ పూర్తి

Updated By ManamSat, 09/29/2018 - 09:29

NOTAవిజయ్ దేవరకొండ హీరోగా ఆనంద్ శంకర్ తెరకెక్కించిన చిత్రం ‘నోటా’. తెలుగు, తమిళ్‌లో తెరకెక్కిన ఈ చిత్రం అక్టోబర్ 5న ప్రేక్షకుల ముందుకు రానుంది. ఈ క్రమంలో తాజాగా తమిళంలో సెన్సార్‌ను పూర్తి చేసుకుంది. చిత్రాన్ని చూసిన అక్కడి సెన్సార్ సభ్యులు యు సర్టిఫికేట్‌ను ఇచ్చారు. ఇక తెలుగు సెన్సార్ కూడా త్వరలోనే పూర్తి అవ్వనుంది. కాగా ఇప్పటికే తమిళ్‌లో ప్రీ రిలీజ్ ఈవెంట్‌ పూర్తి కాగా.. తెలుగులో సెప్టెంబర్ 30న విజయవాడ, అక్టోబర్ 1న హైదరాబాద్‌లో ఈ కార్యక్రమాన్ని నిర్వహించనున్నారు.

పొలిటికల్ థ్రిల్లర్‌గా తెరకెక్కిన ఈ చిత్రంలో విజయ్ దేవరకొండ సీఎం పాత్రలో కనిపించనుండగా.. ఆయన సరసన మెహ్రీన్ నటించింది. సత్యరాజ్, నాజర్ తదితరులు కీలక పాత్రలలో కనిపించనున్నారు. స్టూడియో గ్రీన్ పతాకంపై ఙ్ఞానవేల్ రాజా నిర్మించిన ఈ చిత్రానికి శ్యామ్ సంగీతం అందించాడు. ఇప్పటికే ట్రైలర్, టీజర్లతో ఆకట్టుకున్న ఈ చిత్రంపై ఇటు టాలీవుడ్, అటు కోలీవుడ్‌లో మంచి అంచనాలు ఉన్నాయి.



ముగిసిన పోల్: నోటాకు డేట్ ఫిక్స్

Updated By ManamSat, 09/22/2018 - 12:28
NOTA

విజయ్ దేవరకొండ హీరోగా ఆనంద్ శంకర్ తెరకెక్కించిన చిత్రం ‘నోటా’. తెలుగు, తమిళంలో తెరకెక్కిన ఈ చిత్రానికి మొదట అక్టోబర్ 4న విడుదల తేదిని ఫిక్స్ చేశారు. అయితే కొన్ని పరిస్థితుల వలన విడుదల వాయిదా పడొచ్చనే వార్తలు వినిపించాయి. ఇలాంటి సమయంలో నటుడు విజయ్ దేవరకొండ ‘నోటా’కు మీరే రిలీజ్ డేట్ చెప్పాలంటూ సోషల్ మీడియాలో ఓ పోల్ నిర్వహించాడు. అందులో అక్టోబర్ 5, 10, 18 తేదీలతో పాటు నోటా అంటూ ఆప్షన్స్ ఇచ్చాడు. 

ఈ పోల్ ఈ రోజు ముగియడంతో ఎట్టకేలకు డేట్‌ను చెప్పేశాడు విజయ్. ‘‘మీరు నోటాకు ఓటు వేశారు, అక్టోబర్ 5కు ఓటేశారు. చెప్పడానికి ఏమీ లేదు అక్టోబర్ 5న రానున్న నోటా’’ అంటూ కామెంట్ పెట్టాడు ఈ సెన్సేషనల్ హీరో. ఇక పొలిటికల్ థ్రిల్లర్‌గా తెరకెక్కిన ఈ చిత్రంలో విజయ్ సరసన మెహ్రీన్ నటించగా.. నాజర్, సత్యరాజ్ తదితరులు కీలక పాత్రలలో కనిపించనున్నారు. ఙ్ఞానవేల్ రాజా నిర్మించిన ఈ చిత్రంపై భారీ అంచనాలే ఉన్నాయి.



బెల్జియం యువతితో విజయ్ లవ్ నిజమేనా..?

Updated By ManamThu, 09/20/2018 - 15:05

Vijay Devarakonda వరుస విజయాలతో సన్సేషనల్ హీరోగా వెలుతుగున్న విజయ్ దేవరకొండ టాలీవుడ్‌లో చేతి నిండా సినిమాలతో బిజీగా ఉన్నాడు. వీటితో పాటు అటు కోలీవుడ్‌లో నోటా అనే చిత్రంతో తన సత్తా చాటేందుకు సిద్ధమవుతుండగా.. మరోవైపు బాలీవుడ్‌లోకి ఎంట్రీ ఇవ్వబోతున్నాడనే వార్తలు వినిపిస్తున్నాయి. ఇదంతా పక్కనపెడితే బెల్జియంకు సంబంధించిన ఓ యువతితో విజయ్ దేవరకొండ క్లోజ్‌గా ఉన్న ఫొటోలు ఇటీవల సోషల్ మీడియాలో హల్‌చల్ చేశాయి.

అయితే అవన్నీ ఫొటో మార్ఫింగ్ చేసిన ఫొటోలు అంటూ ఆ తరువాత కొంత మంది కొట్టివేశారు. కాగా.. తాజాగా విజయ్ దేవరకొండ ఫ్యామిలీతో ఆ యువతి కుటుంబం ఉన్న ఫొటో ఒకటి ప్రస్తుతం హాట్‌టాపిక్‌గా మారింది. దీనిపై అభిమానులు రకరకాలుగా చర్చించుకుంటున్నారు. విజయ్ ఫ్యామిలీతో కూడా ఆ యువతి క్లోజ్‌గా ఉండటంతో ఆమె ఫ్యామిలీ ఫ్రెండ్ అని కొందరు, పెళ్లిచూపులు చిత్రం నుంచే వీరిద్దరికి పరిచయం ఉందని మరికొందరు మాట్లాడుకుంటున్నారు. మరి దీనిపై విజయ్ దేవరకొండ ఎలా స్పందిస్తాడో చూడాలి.

Vijay Devarakonda

 



విజయ్ మూవీలో గెస్ట్ రోల్‌లో టాప్ డైరెక్టర్

Updated By ManamWed, 09/12/2018 - 13:30

NOTA 1విజయ్ హీరోగా ఆనంద్ శంకర్ తెరకెక్కిస్తున్న చిత్రం ‘నోటా’. తెలుగు, తమిళ్‌లో ప్రేక్షకుల ముందుకు రానున్న ఈ చిత్ర షూటింగ్ క్లైమాక్స్‌కు వచ్చేసింది. ఇప్పటికే విడుదలైన ఈ చిత్ర టీజర్ అందరినీ ఆకట్టుకోగా.. తాజాగా మరో ఇంట్రస్టింగ్ న్యూస్‌తో చిత్రంపై మరింత అంచనాలను పెంచేశాడు దర్శకుడు. అదేంటంటే ఇందులో టాప్ డైరక్టర్ మురగదాస్ అతిథిపాత్రలో కనిపించనున్నాడు. ఒక కీలక పాత్రలో ఆయన నటించనున్నాడు. ఈ విషయాన్ని దర్శకుడు కన్ఫర్మ్ చేశాడు.

‘‘నా గురువును ఈ రోజు నేను డైరెక్ట్ చేస్తున్నా. ఎంత అద్భుతమైన క్షణం’’ అంటూ కామెంట్ పెట్టాడు. కాగా మురగదాస్ దగ్గర ఆనంద్ శంకర్ అసిస్టెంట్‌గా పనిచేసిన విషయం తెలిసిందే. ఇక పొలిటికల్ థ్రిల్లర్‌గా తెరకెక్కుతున్న ఈ చిత్రంలో విజయ్ సరసన మెహ్రీన్ నటిస్తుండగా.. త్వరలో ప్రేక్షకుల ముందుకు రానుంది.

 



‘నోటా’కు రిలీజ్ డేట్ ఫిక్స్..?

Updated By ManamFri, 09/07/2018 - 12:26

NOTAసెన్సేషనల్ హీరో విజయ్ దేవరకొండ హీరోగా తెలుగు, తమిళ భాషల్లో తెరకెక్కుతున్న చిత్రం ‘నోటా’. ఆనంద్ శంకర్ దర్శకత్వం వహిస్తున్న ఈ చిత్రంలో మెహ్రీన్ హీరోయిన్‌గా నటిస్తోంది. ప్రస్తుతం షూటింగ్ జరుపుకుంటున్న ఈ చిత్ర టీజర్ గురువారం విడుదలైంది. ఈ టీజర్ అందరినీ ఆకట్టుకోగా.. తాజాగా ఈ మూవీ విడుదలకు డేట్ ఫిక్స్ చేసినట్లు వార్తలు వినిపిస్తున్నాయి.

అక్టోబర్ 4వ తేదిన ఈ చిత్రాన్ని ప్రేక్షకుల ముందుకు తీసుకురావాలని దర్శక నిర్మాతలు అనుకుంటున్నారట. దసరా రోజుల్లో అటు తెలుగు, ఇటు తమిళ్‌లో గట్టి పోటీగా ఉండటం వలన ఈ సినిమాను ముందుగానే విడుదల చేయడం మంచిదనే ఉద్దేశ్యంతోనే ఈ నిర్ణయం తీసుకున్నట్లు తెలుస్తోంది. కాగా ఈ చిత్రంలో విజయ్ దేవరకొండ సాధారణ యువకుడిగా, ముఖ్యమంత్రిగా కనిపించనున్న విషయం తెలిసిందే.



పోలింగ్‌ అప్పుడే! 

Updated By ManamThu, 08/30/2018 - 20:12
vijay devarakonda Movie nota Coming Out October 4

విజయ్‌ దేవరకొండ తెలుగు, తమిళంలో నటిస్తున్న చిత్రం 'నోట'. ఇటీవల విడుదలైన గీత గోవిందం తర్వాత విజయ్‌ దేవరకొండ నటిస్తున్న చిత్రమిదే. ఆనంద్‌ శంకర్‌ దర్శకత్వంలో ఈ సినిమా తెరకెక్కుతుంది. కె.ఇ.జ్ఞానవేల్‌రాజా ఈ చిత్రాన్ని నిర్మిస్తున్నారు. తాజా సమాచారం ప్రకారం ఈ చిత్రాన్ని నిర్మాతలు అక్టోబర్‌ 4న విడుదల చేయాలనుకుంటున్నారట. మెహరీన్‌ హీరోయిన్‌గా నటిస్తుంది. సినిమా శరవేగంగా చిత్రీకరణ జరుపుకుంటుంది.

ఈ సినిమా కోసం విజయ్‌ తమిళ్‌ కూడా నేర్చుకుంటున్నారు. తమిళంలోనే డబ్బింగ్‌ చెప్పనున్నారు. ఈ చిత్రంలో విజయ్‌ దేవరకొండ రాజకీయ నాయకుడిగా కనిపించబోతున్నారు. మరి ఇప్పటికే తెలుగులో స్టార్‌ హీరో ఇమేజ్‌ను సంపాదించుకున్న ఈ యువ కథానాయకుడికీ తమిళ ప్రేక్షకులు ఎలాంటి ఆదరణ చూపుతారో తెలియాలంటే అక్టోబర్‌4న జరగబోయే పోలింగ్‌ వరకు వెయిట్‌ చేయాల్సిందే.. పోలింగ్‌ అంటే రిలీజ్‌ డేట్‌ !. 



త‌మిళ తంబీల‌కు ద‌గ్గ‌ర కావ‌డానికి... 

Updated By ManamWed, 08/22/2018 - 16:35

vijayపెళ్ళిచూపులు,అర్జున్ రెడ్డి,గీత గోవిందం ఇలా వ‌రుస సినిమాలతో స్టార్ హీరో క్రేజ్‌ను సొంతం చేసుకున్నాడు విజ‌య్ దేవ‌ర‌కొండ‌.ఇప్పుడు వ‌రుస సినిమాల‌తో బిజీగా ఉన్న విజ‌య్‌.తెలుగు,త‌మిళ భాష‌ల్లో న‌టిస్తున్న చిత్రం `నోటా`. జ్ఞాన‌వేల్ రాజా నిర్మాత‌గా ఆనంద్ శంక‌ర్ ఈ చిత్రాన్ని తెర‌కెక్కిస్తున్నాడు. తెలుగుతో పాటు త‌మిళ ప్రేక్ష‌కుల‌కు ద‌గ్గ‌ర కావ‌డానికి విజ‌య్ దేవ‌ర‌కొండ ప్ర‌య‌త్నాలు చేస్తున్నాడు. అందులో భాగంగా త‌మిళం నేర్చుకుంటున్నాడ‌ట విజ‌య్. త‌మిళంలోనే డ‌బ్బింగ్ చెబుతున్నాడ‌ట‌. మెహ‌రీన్ హీరోయిన్‌గా న‌టిస్తున్న ఈ చిత్ర షూటింగ్‌ను సెప్టెంబ‌ర్‌కంతా పూర్తి చేసి సినిమాను క్రిస్మస్ కు విడుద‌ల చేయాల‌నుకుంటున్నార‌ట‌. 





Related News