kalyan ram

సోదరి కోసం ఎన్టీఆర్, కల్యాణ్‌రామ్ ప్రచారం

Updated By ManamFri, 11/16/2018 - 10:23
Suhasini, NTR, Kalyan Ram

హైదరాబాద్: ప్రతిష్టాత్మక నియోజకవర్గం కూకట్‌పల్లి నుంచి తెలుగుదేశం పార్టీ అభ్యర్థిగా దివంగత నందమూరి హరికృష్ణ కుమార్తె సుహాసినిని ఖరారు చేస్తూ అధిష్టానం నిర్ణయం తీసుకుంది. ఈ నేపథ్యంలో ఆమెను గెలిపించే బాధ్యతను టీడీపీ అధ్యక్షుడు చంద్రబాబు నాయుడు హీరోలు కల్యాణ్‌రామ్, ఎన్టీఆర్‌లకు అప్పగించినట్లు తెలుస్తోంది. సోదరిని గెలిపించేందుకు కృషి చేయాలని ఈ సందర్భంగా చంద్రబాబు వారిని అడిగినట్లు సమాచారం. ఈ విషయంపై సోదరులిద్దరూ సుముఖత వ్యక్తం చేసినట్లు తెలుస్తోంది.

మరోవైపు తెలంగాణ ఎన్నికల్లో బాలకృష్ణ కూడా ప్రచారం చేయనున్నారు. ఇందుకోసం ‘యన్‌టిఆర్’ షూటింగ్‌కు ఆయన పది రోజులు గ్యాప్ ఇచ్చినట్లుగా తెలుస్తోంది. ఈ క్రమంలో సుహాసిని తరఫున కూబి బాలయ్య ప్రచారం చేయనున్నట్లు సమాచారం. మరి నందమూరి ప్రచారంతో సుహాసిని ఆ స్థానాన్ని గెలుస్తుందో లేదో చూడాలి.



హరికృష్ణ అస్థికలు నిమజ్జనం

Updated By ManamTue, 10/30/2018 - 15:13

Harikrishnaరోడ్డు ప్రమాదంలో మరణించిన నందమూరి హరికృష్ణ అస్థికలను ఆయన కుమారులు జూనియర్ ఎన్టీఆర్, కల్యాణ్‌రామ్‌లు కృష్ణానదిలో నిమజ్జనం చేశారు. పవిత్ర పుణ్యక్షేత్రం బీచుపల్లి సన్నిధికి వెళ్లిన ఎన్టీఆర్, కల్యాణ్‌రామ్‌లు వేదమంత్రోచ్ఛారణల మధ్య హరకృష్ణ అస్థికలను నిమజ్జనం చేశారు. ఈ సందర్భంగా ఆ ఇద్దరికి చూసేందుకు అభిమానులు భారీ ఎత్తున అక్కడకు చేరుకోగా.. భద్రతా సిబ్బంది దగ్గరకు రానివ్వకపోవడంతో వెనుదిరిగి వెళ్లారు. అయితే నల్గొండ జిల్లాలో ఆగష్టు 29న జరిగిన రోడ్డు ప్రమాదంలో హరికృష్ణ మృతిచెందిన విషయం తెలిసిందే.



నీడలా వెన్నంటి వుంటా నాన్నగారూ..

Updated By ManamThu, 10/18/2018 - 18:38
  • దసరా కానుకగా ‘యన్టీఆర్’ పోస్టర్

NBK and NKR as Legendary NTR and Nandamuri HariKrishna from NTR Biopic

దివంగత ముఖ్యమంత్రి, టీడీపీ వ్యవస్థాపకుడు ఎన్టీ రామారావు జీవిత చరిత్ర ఆధారంగా తెరకెక్కుతున్న ‘యన్టీఆర్‌' బయోపిక్‌పై రోజురోజుకు అంచనాలు పెరిగిపోతున్నాయి. నందమూరి బాలకృష్ణ టైటిల్‌ రోల్‌ పోషిస్తుండగా క్రిష్‌ జాగర్లమూడి దర్శకత్వం వహిస్తున్నారు. ఎన్బీకే ఫిల్మ్స్‌ పతాకంపై బాలకృష్ణ ఈ చిత్రాన్ని నిర్మిస్తున్నారు. ఇప్పటికే ఈ సినిమాకు సంబంధించిన ఫస్ట్ లుక్‌తో పాటు, పోస్టర్లు చిత్ర యూనిట్ విడుదల చేసింది. 

విజయదశమి సందర్భంగా  నందమూరి అభిమానులకు 'యన్‌టీఆర్‌' చిత్ర యూనిట్ మరో బహుమతి ఇచ్చింది. యన్టీఆర్ పాత్రలో బాలకృష్ణ, హరికృష్ణ పాత్రలో ఆయన కుమారుడు కల్యాణ్ రామ్ కనిపించనున్నారు. ఈ సందర్భంగా ఎన్టీఆర్ కుర్చీలో కూర్చొని ఉండగా, ఆయన పక్కనే హరికృష్ణ కనిపించే పోస్టర్‌తో ‘విజయం మీది..విజయరథ సారధ్యం నాది..నీడలా వెన్నంటి వుంటా నాన్నగారూ...విజయదశమి శుభాకాంక్షలతో’ అనే క్యాప్షన్‌తో... రిలీజ్ చేశారు.  

 NTR and Nandamuri HariKrishna from NTR Biopic

 



తిత్లీ బాధితులకు ఎన్టీఆర్, కల్యాణ్ రామ్ సాయం

Updated By ManamMon, 10/15/2018 - 11:36

NTR, Kalyan Ramతిత్లీ తుఫాను ప్రభావంతో ఏపీలోని శ్రీకాకుళం జిల్లా అతలాకుతలం అయింది. ఈ తుఫాను వలన భారీ ప్రాణ నష్టంతో పాటు వేల కోట్ల ఆస్తి నష్టం జరిగిందని ఏపీ సీఎం చంద్రబాబు నాయుడు అంచనా వేశారు. ఈ క్రమంలో తిత్లీ బాధితులను ఆదుకునేందుకు టాలీవుడ్ ప్రముఖులు ముందుకొస్తున్నారు. ఈ నేపథ్యంలో ఇప్పటికే విజయ్ దేవరకొండ, సంపూర్ణేశ్ బాబు, దర్శకులు అనిల్ రావిపూడి తమ సాయాన్ని ఏపీ సీఎం రిలీఫ్‌కు ప్రకటించగా.. తాజాగా నందమూరి అన్నదమ్ములు ఎన్టీఆర్, కల్యాణ్‌రామ్‌లు తమ సాయాన్ని ప్రకటించారు.

తిత్లీ బాధితుల కోసం ఎన్టీఆర్ రూ.15లక్షల సాయం, కల్యాణ్ రామ్ ర.5లక్షల సాయం ఏపీ సీఎం రిలీఫ్ ఫండ్‌కు ఇస్తున్నట్లు ప్రకటించారు. దీంతో మరోసారి తమ గొప్ప మనసును చాటుకున్నారు ఎన్టీఆర్, కల్యాణ్ రామ్. కాగా ఇదే ఏడాది కేరళలో వచ్చిన భారీ వరదలు ఆ రాష్ట్రాన్ని కుదిపేయగా.. అప్పుడు కూడా ఎన్టీఆర్, కల్యాణ్ రామ్‌లు భారీ సాయాన్ని ఇచ్చిన విషయం తెలిసిందే.

 



కల్యాణ్‌రామ్ యాక్షన్

Updated By ManamMon, 09/24/2018 - 00:32

imageనందమూరి కల్యాణ్‌రామ్ హీరోగా సినిమాటోగ్రాఫర్ కె.వి.గుహన్ దర్శకత్వంలో ఓ భారీ యాక్షన్ ఎంటర్‌టైనర్ రూపొందుతున్న విషయం తెలిసిందే. ఈస్ట్ కోస్ట్ ప్రొడక్షన్స్ పతాకంపై మహేష్ కోనేరు ఈ చిత్రాన్ని నిర్మిస్తున్నారు. ఈ చిత్రానికి సంబంధించి ప్రస్తుతం యాక్షన్ సీక్వెన్స్‌ల చిత్రీకరణ జరుగుతోంది. ఈ చిత్రంలో కల్యాణ్‌రామ్ సరసన నివేథా థామస్, షాలినీ పాండే హీరోయిన్లుగా నటిస్తున్నారు. ఈ చిత్రానికి సంబంధించిన యాక్షన్ సీక్వెన్స్‌లను వైజాగ్‌లో చిత్రీకరిస్తున్నారు. పక్కా మాస్ కమర్షియల్ ఎంటర్‌టైనర్‌గా రూపొందుతున్న ఈ చిత్రంలో కల్యాణ్‌రామ్ క్యారెక్టర్ చాలా కొత్తగా ఉంటుందట. ఆ కొత్తదనం ఏమిటో తెలుసుకోవాలంటే కొంతకాలం ఆగాల్సిందే. 



నేడు హరికృష్ణ పెద్ద కర్మ.. పూర్తైన ఏర్పాట్లు

Updated By ManamSat, 09/08/2018 - 09:22

Harikrishnaగత నెల 29న నల్గొండ జిల్లాలో జరిగిన రోడ్డు ప్రమాదంలో మరణించిన సినీ నటుడు, రాజకీయ నాయకుడు నందమూరి హరికృష్ణ  పెద్ద కర్మ ఇవాళ జరగనుంది. నెక్లెస్ రోడ్డులోని జలవిహార్ గ్రాండ్ లాన్స్‌లో ఈ కార్యక్రమాన్ని నిర్వహించనున్నారు. దీనికి సంబంధించి ఇప్పటికి జలవిహార్‌లో ఏర్పాట్లు పూర్తి కాగా, పలువురు సినీ, రాజకీయ ప్రముఖులు దీనికి హాజరయ్యే అవకాశం ఉంది.

అయితే నెల్లూరు జిల్లాలో ఓ వివాహ వేడుక కోసం గత నెల 29న హరికృష్ణ కారులో వెళుతుండగా.. నార్కట్‌పల్లి సమీపంలో ఆయన కారు డివైడర్‌ను ఢీకొంది. ఈ ప్రమాదంలో తీవ్ర గాయాలపాలైన హరికృష్ణను కామినేని ఆసుపత్రికి తరలించగా.. చికిత్స పొందుతూ ఆయన మృతి చెందారు.



ఆ హిట్ చిత్రాన్ని రానా వదులుకున్నాడట

Updated By ManamWed, 09/05/2018 - 09:30

Rana Daggubatiకెరీర్ ప్రారంభం నుంచి విభిన్న పాత్రలు ఎంచుకుంటూ పలు భాషల్లో దూసుకుపోతున్న రానా ఓ హిట్ సినిమాను వదులుకున్నాడట. ఈ విషయాన్ని ఆయనే స్వయంగా వెల్లడించాడు. ‘C/O కంచరపాలెం’ అనే చిత్రాన్ని రానా డిస్ట్రిబ్యూట్ చేస్తుండగా.. ఈ మూవీ ఈ నెల 7న ప్రేక్షకుల ముందుకు రానుంది. ఈ సందర్భంగా ఓ ప్రమోషన్లో పాల్గొన్న రానా, తాను వదులుకున్న హిట్ చిత్రాన్ని తెలిపాడు.

ఇంతకు ఆ చిత్రం ఏంటని అనుకుంటున్నారా.. ‘పటాస్’. కల్యాణ్ రామ్ హీరోగా అనిల్ రావిపూడి తెరకెక్కించిన పటాస్ చిత్రం బాక్సాఫీస్ వద్ద పక్కా కమర్షియల్ ఎంటర్‌టైనర్‌గా నిలిచింది. ఈ కథను ముందు అనిల్ రావిపూడి రానాకు వినిపించారట. అయితే అప్పుడు బాహుబలి కమిట్‌మెంట్స్ ఉండటం వలన ఈ చిత్రాన్ని చేయలేనని చెప్పాడట. ఆ తరువాత అనిల్, కల్యాణ్ రామ్‌ను కలవడం, ఆ సినిమా సెట్స్ మీదకు వెళ్లడం, విడుదలయ్యాక హిట్ అవ్వడం.. ఇలా అన్నీ జరిగిపోయాయి. కాగా ఈ చిత్రం తమిళ్‌లో ‘మొట్ట శివ కెట్ట శివ’, కన్నడలో ‘పటాకి’, బెంగాళిలో ‘ఏసీపీ రుద్ర: ఆన్ డ్యూటీ’ అనే పేర్లతో రీమేక్ అయిన విషయం తెలిసిందే.



నందమూరి హరికృష్ణ అంత్యక్రియలు పూర్తి

Updated By ManamThu, 08/30/2018 - 16:13
  • తెలంగాణ ప్రభుత్వ అధికార లాంఛనాలతో హరికృష్ణ అంత్యక్రియలు

  • తండ్రి చితికి నిప్పంటించిన కుమారుడు కల్యాణ్ రామ్

  • అశ్రు నయనాలతో తుడి వీడ్కోలు...

Harikrishna funeral హైదరాబాద్ : రోడ్డు ప్రమాదంలో దుర్మరణం పాలైన నందమూరి హరికృష్ణ అంత్యక్రియలు తెలంగాణ ప్రభుత్వ లాంఛనాలతో గురువారం పూర్తయ్యాయి. కుటుంబసభ్యులు, అభిమానులు, సన్నిహితుల కన్నీటి వీడ్కోలు మధ్య  హైదరాబాద్ జూబ్లీహిల్స్ మహాప్రస్థానంలో అంత్యక్రియలు ముగిశాయి. కుమారుడు కల్యాణ్ రామ్ తండ్రి చితికి నిప్పంటించారు.  అంతకు ముందు పోలీసులు గౌరవ సూచికంగా తుపాకీలతో మూడు రౌండ్లు గాలిలోకి పేల్చారు.

నందమూరి కుటుంబసభ్యులు, ఏపీ ముఖ్యమంత్రి చంద్రబాబు నాయుడుతో పాటు దగ్గుబాటి వెంకటేశ్వరరావు, బాలకృష్ణ, లోకేష్,  టీడీపీ నేతలు, టాలీవుడ్ ప్రముఖులు, ఎన్టీఆర్ అభిమానులు హరికృష్ణకు కడసారి నివాళులు అర్పించి, తుది వీడ్కోలు పలికారు. మరోవైపు మోహదీపట్నం నుంచి జూబ్లీహిల్స్ వరకూ సాగిన అంతిమయాత్రలో హరికృష్ణ అమర్ రహే నినాదాలతో మార్మోగింది.



హరికృష్ణ తనయులకు చంద్రబాబు పరామర్శ

Updated By ManamWed, 08/29/2018 - 14:58

Chandrababuహైదరాబాద్: రోడ్డు ప్రమాదంలో మరణించిన సినీ, రాజకీయ నాయకుడు హరికృష్ణ కుమారులు ఎన్టీఆర్, కల్యాణ్ రామ్‌లను ఏపీ సీఎం చంద్రబాబు నాయుడు పరామర్శించారు. నల్గొండ జిల్లా నర్కాట్‌పల్లిలోని కామినేని ఆసుపత్రికి వెళ్లిన చంద్రబాబు నాయుడు అక్కడున్న ఎన్టీఆర్, కల్యాణ్ రామ్‌లను కలిసి పరామర్శించారు. పోస్ట్‌మార్టం అనంతరం చంద్రబాబు, ఆయన తనయుడు నారా లోకేశ్ హరికృష్ణకు నివాళులు అర్పించారు.



మధ్యాహ్నం ఎన్టీఆర్ ట్రస్ట్ భవన్‌కు సీతయ్య భౌతిక కాయం

Updated By ManamWed, 08/29/2018 - 11:14

Harikrishnaహైదరాబాద్: రోడ్డు ప్రమాదంలో మృతి చెందిన ప్రముఖ సినీ, రాజకీయ నాయకుడు మృతదేహాన్ని మధ్యాహ్నం ఎన్టీఆర్ ట్రస్ట్ భవన్‌కు తరలించనున్నారు. ప్రస్తుతం ఆయన భౌతికకాయానికి పోస్ట్‌మార్టం పూర్తవ్వగా.. కాసేపట్లో కుటుంబసభ్యులకు హరికృష్ణ మృతదేహాన్ని కుటుంబసభ్యులకు తరలించనున్నారు. కాగా ప్రస్తుతం నార్కట్‌పల్లి కామినేని ఆసుపత్రి వద్ద జూనియర్ ఎన్టీఆర్, కల్యాణ్ రామ్, చంద్రబాబు నాయుడు, పురందేశ్వరి, బాలకృష్ణ, జగపతిబాబు తదితరులు ఉన్నారు. కాగా మొయినాబాద్‌లో ఉన్న ఫామ్‌హౌస్‌లో హరికృష్ణ అంత్యక్రియలు నిర్వహించనున్నట్లు తెలుస్తోంది.





Related News