editorial

‘కోనేరు’ సిఫారసులే‘మాయె’!

Updated By ManamSat, 09/22/2018 - 01:13

imageదాదాపు పద్నాలుగేళ్ళ క్రితం ఉమ్మడి ఆంధ్రప్రదేశ్ రాష్ట్రాన్ని భూసమస్యలు లేని రాష్ట్రంగా చేసేందుకు,  ప్రతి ఒక్క నిరు పేదకు ముఖ్యంగా దళిత, గిరిజన కుటుంబాల వారికి సొంత భూమి కలను తీర్చేందుకు అప్పటి ముఖ్యమంత్రి వై.యస్. రాజశేఖర్ రెడ్డి 2004 ఏప్రిల్‌లో అప్పటి మున్సిపల్ మంత్రి కోనేరు రంగారావు అధ్యక్షతన 8 మంది సభ్యులతో కూడిన భూ కమిటీని వేశారు. అధిక మొత్తాలలో ఆర్ధిక వనరులను సమకూర్చారు. ఈ కమిటీ 24 జిల్లాలోనూ విరివిగా రెండేళ్ళ పాటు తిరిగి పలు ప్రజాసంఘాల ప్రతినిధులను, సంస్థలను, అధికా రులను, ఆయా శాఖలను కలిసింది. ప్రభుత్వ భూములపై విస్తృతంగా సర్వే చేసింది. ఏఏ శాఖల కింద ప్రభుత్వం ఆధీనం లో ఎంతెంత భూమి నిరూపయోగంగా ఉందో కూడా లెక్కలు కట్టింది. ఇప్పటివరకూ పంపిణీ చేసిన భూములు సైతం అన్యా క్రాంతం కాకుండా, ఎలాంటి చర్యలు తీసుకోవాలో కూడా పరిగణనలోకి తీసుకుంది. రాష్ట్రంలో ఉన్న ప్రతి పేదవాడికీ ఎకరం భూమి పంచి ఇవ్వడానికి అవకాశం ఉందని కూడా అభి ప్రాయ పడింది. 18 రకాల భూములను గుర్తించి 2006 డిసెం బర్ 28వ తేదీన 104 సిఫారుసులతో నివేదికను ప్రభుత్వానికి సమర్పించింది.

కోనేరు కమిటీ సిఫారుసులలో ముఖ్యమైన అంశాలు. 1. అసైన్డ్‌మెంట్ భూముల కేటాయింపు: వీటికి సంబంధించి కమి టీ 12 సిఫారుసులను చేసింది. చట్టవిరుద్ధంగా డి ఫారమ్ పట్టా పొందిన వ్యక్తి నుంచి భూమిని స్వాధీనం చేసుకోవాలి. ప్రభుత్వ భూములను భూమిలేని నిరుపేదల నుంచి దరఖాస్తు వచ్చిన 3 నెలలోపు వారికి కేటాయించాలి. అసైన్డ్ భూములను గ్రామసభ తప్పనిసరిగా ఆమోదించాలి. అసైన్డ్ భూములను అన్యాక్రాం తం చేసుకున్నవారు ఎంత కాలంగా సాగు చేసుకుంటున్నారో,  ఎంత ఆదాయం పొందారో లెక్కలు కట్టి రెట్టింపు మొత్తం వారి నుంచి రాబట్టాలి. అసైన్డ్ భూములను అన్యాక్రాంతం నుంచి కాపాడటానికి వారికిచ్చే పట్టాలపై అన్యాక్రాంతం చేయడం నిషేధం అని ముద్రించాలి. అసైన్డ్‌దారులందరికీ ఉచితంగా పట్టాదారు పాస్ పుస్తకం, టైటిల్ డీడ్‌లు ఇవ్వాలి. ఇలాచేస్తే అసైన్డ్ భూములు అన్యాక్రాంతం కాకుండా ఆపవచ్చు అని అభిప్రాయపడింది. 2. భూహక్కుల నిర్దారణ పుస్తకం: బినామీ పేర్ల మీద భూములను అనుభవిస్తున్నవారికి  ఆ భూమి వారికి ఎలా సంక్రమించిందనే సమాచారం రెవెన్యూ రికార్డులలో లే దు. అనుబంధ పత్రాలు కూడా అందుబాటులో లేవు. అటువంటి భూముల విషయంలో గ్రామ పెద్దలు, ఆయా భూముల చుట్టూ ఉన్న రైతుల నుంచి సమాచారం రాబట్టాలి. 

విశ్వసనీ యమైన హక్కు ఉన్నదని నిర్ధారణకు వచ్చినప్పుడు చిన్న, సన్నకారు రైతులకు రిజిస్ట్రేషన్ ఫీజు, స్టాంప్ డ్యూటీ నుంచి మినహాయింపు ఇవ్వాలి. 3. కౌలుదారులకు రక్షణ : కౌలు విధానం ఒక ప్రత్యేకమైన సమస్య. కౌలుదారులు నమోదు కాకపోవటం వలన ప్రభుత్వ పథకాలను, బ్యాంకు రుణాలను కౌలుదారులు పొందలేకపోతున్న పరిస్థితి. వీరు సంస్థాగత రుణాలు పొందటానికి రుణ అర్హత కార్డులు మంజూరు చేయా లి. ఇదే సమయంలో కౌలునమోదైతే, తన భూమిని కోల్పోవా ల్సి వస్తుందనే భయాన్ని భూ యజమానులు వదులుకోవాలి. 4. భూ సంస్కరణలకు సంబంధించిన సిఫారుసులు: భూ సం స్కరణలకు సంబంధించి అనేక చట్టాలున్నప్పటికీ వాటిలోని లొ సుగులను అనుకూలంగా మలచుకొని భూస్వాములు సీలింగ్ భూములను అనుభవిస్తున్న దృష్ట్యా వేలాది ఎకరాలు పంపిణీ కాకుండా ఉండిపోయాయి. ప్రభుత్వ భూములను పంచినట్టే సీ లింగ్ భూములను కూడా ఎటువంటి ఫీజులు లేకుండా ఉచితం గా పంపిణీ చేయాలి. సీలింగ్ భూములు పంపిణీ చేసేప్పుడు మొదటగా ఒక్క సెంట్‌భూమి లేని పేదలకు ప్రాధాన్యతనివ్వా లి. అటువంటి వ్యక్తి ఆ గ్రామంలో అందుబాటులో లేనట్టయి తే, ఒక ఎకరం మాగాణి లేదా రెండు ఎకరాల మెట్ట మించని వారిని భూమిలేని పేదవారిగా గుర్తించాలి. సీలింగ్ కేసుల పరి ష్కారం కోసం ప్రత్యేక బెంచిని ఏర్పాటు చేయాలని హైకోర్టును రాష్ట్ర ప్రభుత్వం కోరాలని కమిటీ సూచన చేయటం విశేషం. 5. నివేశన స్థలాలకు సంబంధించిన సిఫారసులు: భూమిలేని పేద లు, వృతిదారులు, వ్యవసాయ కార్మికులు ఆక్రమించుకున్న ఇళ్ల స్థలాలు, ఇళ్ళ నిర్మాణం చేసుకున్నవారి నుంచి ఎటువంటి రుసుము వసూలు చేయకుండా అన్ని హక్కులు కల్పించాలి. నివేశనా స్థలాల చట్టం యొక్క లాభాలను గురించి పేదలకు అవగాహన కల్పించాలి. 6. భూమి రికార్డులకు సంబంధించిన సిఫారసులు: భూ రికార్డులు సమగ్రంగానూ, సరిగాను లేక పోవటం వలన అనేక భూ సమస్యలు ఉత్పన్నమవుతున్నా యని, భూ సంబంధిత సమస్యలన్నింటినీ ఒకేచోట పరిష్క రించేందుకు వీలుగా ఒకే సమీకృత భూసమాచార వ్యవస్థను ఏర్పాటు చేసి, దాని నిర్వహణా బాధ్యతను అంకిత భావం కలి గిన శాఖకు అప్పగించాలి. 7. దేవాలయ, ఇనాం భూములు: ఒక ప్రత్యేకమైన కార్యక్రమం ద్వారా ప్రతి దేవాలయానికి ఉన్న భూములను సవిరంగా, సమగ్రంగా నమోదు చేయాలి. ధనికులు దేవాలయ భూములను ఆక్రమించుకుంటే వారిని తొలగిం చాలి. దేవాల యాలకు తగు మొత్తంలో ఆదాయాలు వచ్చేటట్టు చర్యలు చేపట్టాలి. ఇనాం భూములకు ప్రత్యేక టీములు ఏర్పాటు చేసి సర్టిఫికెట్ మంజూరు చేయాలి. 8. గిరిజన భూసమస్యలు: గిరిజన భూములు గిరిజనేతరులకు భారీ స్థాయిలో అన్యాక్రాంతమయ్యాయి.

అన్యాక్రాంతమైన గిరిజన భూ ములు తిరిగి గిరిజనులకు లభించేలా, ఆ భూములకు రక్షణ కల్పించేలా చర్యలు తీసుకోవాలని కమిటీ సిఫారసు చేసింది. గిరిజనేతరులు యిచ్చే రాతపూర్వక సాక్ష్యాల కన్నా, గిరిజనులు యిచ్చే మౌఖిక సాక్ష్యానికే ఎక్కువ ప్రాధాన్యత నివ్వాలి. ప్రజా నివాసం లేనిచోట గిరిజనులు మాత్రమే సాగుచేసుకోవాలి. నిబద్ధత గల యువ అధికారులను గిరిజన ప్రాంతాలలో అధి కారిగా నియమించాలి. ఇలా 104 సిఫారసులను కమిటీ సూచిం చటం పేర్కొన దగ్గ విషయం. ఇందులో అనేక అంశాలు పేద లకు అనుకూ లంగా ఉన్నాయని చెప్పవచ్చు. దీంతో ఈ కమిటీ సిఫార సులకు అప్పట్లోనే ఎంతో ప్రాధాన్యత వచ్చింది. ప్రభు త్వం చిత్తశుద్ధితో సమస్యలను పరిష్కరించుకుంటూ ముందు కు సాగినట్లయితే భూ సమస్యలు లేని రాష్ట్రంగా రూపుది ద్దుకునే అవకాశం ఉందని కమిటీ అభిప్రాయపడింది. మరి ఈ కమిటీ సిఫారసులు ఏమయ్యాయి? ఎందుకు బుట్టదాఖలయ్యా యి? ఒక ప్రభుత్వం చేపట్టిన మంచి పనిని తరువాయి ప్రభుత్వం కొనసాగించదా? భూ పంపిణీ రపహసనం పుటలో కోనేరు కమిటీ పేజీ కూడా చేరాల్సిందేనా!
 పోతుల బాలకోటయ్య
98497 92124



వాణిజ్య యుద్ధం

Updated By ManamFri, 09/21/2018 - 00:11

image‘యుద్ధాన్ని ముగించడం కంటే ప్రారంభించడం సులభం’ అని గేబ్రియల్ గార్షియా మార్క్వెజ్ ఒకసారి వ్యాఖ్యానించారు. సరిహద్దుల కోసం చేసే యుద్ధాల కంటే కాటన్ బేళ్ళు, ఆర్నమెంటల్ చేపలు, మోటార్ మోట్లు, సోయా బీన్ ఆయిల్ వాణిజ్య యుద్ధాల విషయంలో ఈ నానుడి మరింత కచ్చితంగా అన్వయిస్తుంది. చైనా దిగుమతులపై సోమవారం డోనాల్డ్ ట్రంప్ వాణిజ్య యుద్ధం ప్రకటించి 20వేల కోట్ల డాలర్ల పన్నులు విధించారు. అందుకు చైనా ప్రతీకార చర్యలకు పూనుకుంటే మరో 26700 కోట్ల డాలర్ల సుంకాలు విధించేందుకు సిద్ధంగా ఉంది. ప్రస్తుతం 5 వేల కోట్ల డాలర్లు విలువ చేసే చైనా వస్తువులపై సుంకాలు అమల్లో వున్నాయి. ఒకేసారి ఈ కొత్త సుంకాల్ని అమలు చేయడమా లేక దశలవారీగా విధించడమా అని అమెరికా యోచి స్తోంది. ఈ చర్యకు అంతర్జాతీయ న్యాయపరమైన అడ్డంకులు ఎదురు కాకుండా పలు జాగ్రత్తలు తీసుకుంటున్నారు. ఇలా సుంకాలు విధిస్తే తమకు వ్యయం పెరుగుతోందని, అంతర్జాతీయంగా సరఫరా క్రమం దెబ్బతింటుం దని పలు వాణిజ్య సంస్థలు ఆందోళన వ్యక్తం చేస్తున్నాయి.

ఈ వాణిజ్య యుద్ధం వల్ల వినియోగదారులపై భారం పెరుగుతోందని, నిరుద్యోగ సమస్య మరింతగా పెరిగేందుకు దోహదం చేస్తోందని, 10-25 శాతం అదనపు సుంకా లు విధించినా విస్తృత స్థాయిలో ఆర్థిక నష్టాలతో అమెరికా ప్రయోజనాలు దెబ్బతినే అవకాశం ఉందని హెచ్చరిస్తూ గత వారం నాలుగు ప్రధాన అధు నాతన సాంకేతిక సంస్థలైన సియాస్కో, డెల్, హెచ్‌పీ ఎంటర్‌ప్రైజెస్, జూనిపర్ నెట్‌వర్క్‌లు అమెరికా వాణిజ్య ప్రతినిధి కార్యాలయానికి ఒక లేఖ రాశాయి. అమెరికా కంపెనీలు, కార్మికులు, వినియోగదారులు, విస్తృత ఆర్థిక, వ్యూహా త్మక ప్రాధాన్యతలన్నీ ప్రమాదంలో పడతాయని ఆ లేఖ పేర్కొన్నప్పటికీ కార్పొరేట్ ఆయిల్ లాబీతో అంటకాగుతున్న ట్రంప్ ప్రభుత్వం చైనాతో వాణి జ్య యుద్ధాన్ని తీవ్రతరం చేసేందుకు నిర్ణయం తీసుకోవడం ఆత్మహత్యా సదృశ్యం.

అమెరికా అధ్యక్షుడు ట్రంప్ నిర్ణయంతో చైనీస్ సంస్థల నుంచి అమెరికన్లు కొనుగోలు చేసే 505 బిలియన్ ఉత్పత్తుల్లో సగానికి పైగా, ఉత్పత్తులు కొత్త సుంకాల భారాన్ని ఎదుర్కొనవలసి వస్తుంది. జూలైలో మొదటిసారి ట్రంప్ 50 బిలియన్ డాలర్ల సుంకాలతో చైనాపై వాణిజ్య యుద్ధం ప్రధానంగా పారి శ్రామిక ఉత్పాదక సరుకులపై విధించగా, నేడు వినియోగదారుల ఉత్పుత్తులైన ఎయిర్ కండిషనర్లు, స్పార్క్ ప్లగ్‌లు, ఫర్నీచర్, లాంప్స్ వంటి వాటిపై విధిం చడంతో సామాన్య ప్రజలపై మోయలేని ఆర్థిక భారం పడే అవకాశం ఉంది. సెప్టెంబర్ 24 నుంచి ప్రభావిత వస్తువులకు అమెరికా దిగుమతిదారులు అద నంగా 10 శాతం సుంకాలను చెల్లించాల్సి ఉంటుంది. ఈ ఏడాది చివరి నాటికి ఈ సుంకాలు 25 శాతానికి పెరుగుతాయని అమెరికా అధికారులు తెలియజేస్తున్నారు. వర్ధమాన దేశాలైన చైనా, ఇండియా సరుకుల దిగుమతు లపై వాణిజ్య మినహాయింపులు అందించడం వల్ల అమెరికా నష్టపోతోందని, అమెరికాను అభివృద్ధి చెందిన దేశంగా కాక, వర్ధమాన దేశంగా పరిగణిస్తూ  ఆ మినహాయింపులను రద్దు చేయాలని ఇటీవలి ట్రంప్ ట్వీట్ సంచలనం సృష్టించింది. అమెరికా ఆర్థిక వ్యవస్థ దీర్ఘకాల సంపదకు చైనా పెనుముప్పుగా పరిణమించడంతో ఆ దేశ వాణిజ్య పద్ధతుల మార్పు కోసం ఈ సుంకాలను విధిస్తున్నట్లు ట్రంప్ తెలిపారు. గత కొన్ని నెలలుగా చైనా అన్యాయమైన పద్ధతులపై యుద్ధం చేస్తున్నామని ఆయన ప్రకటించారు. ట్రంప్ అంతర్జా తీయ ఒప్పందాలపై కాకుండా గొడవ చేసి లబ్ధిపొందాలని కలలు కంటున్న నేపథ్యంలో మార్క్వెజ్ నానుడిని ప్రస్తావించడం అనుకోని అన్వయం కానేకాద నిపిస్తుంది. చైనా అమెరికాల మధ్య వాణిజ్య యుద్ధం ముగిసేందుకు రెండు దశాబ్దాల కాలం పట్టొచ్చని, ఒకవేళ స్వల్పకాల పరిష్కారం కోసం ప్రయత్నిస్తే, అసలు పరిష్కారమే లేని స్థితి ఏర్పడుతుందని బిలియనీర్ జాక్ మా జోస్యం నిజమేననిపిస్తుంది. 

అధ్యక్ష ఎన్నికల ప్రచారంలో ప్రజలకు ఇచ్చిన హామీలు నెరవేర్చడంలో భాగంగా వివిధ దేశాలతో అమెరికాకున్న వాణిజ్య లోటును సరిచేసేందుకు సంబంధిత దేశాల ఉత్పత్తులపై సుంకాలు విధించేందుకు శ్రీకారం చుట్టారు. ‘వాణిజ్య యుద్ధాలు మంచివే. అవి సులభంగా గెలిచేందుకు ఉపకరిస్తాయి’ అని ట్రంప్ ట్వీట్ చేసి ప్రపంచ ఆర్థిక వ్యవస్థలో కంపనలు సృష్టించారు. మొదటగా చైనా, భారత్, ఈయూ దేశాల ఉక్కు, అల్యూమినియం ఉత్పు త్తులపై అధిక సుంకాలు విధించి స్వదేశీ పరిశ్రమలకు ఊపిరినివ్వడం ద్వారా అమెరికన్ యువతను నిరుద్యోగ సమస్య నుంచి బయట పడవేయగలనని ట్రంప్ పగటికలలు కంటున్నాడు. అయితే తాను ఉత్పత్తి చేస్తున్న ఉక్కు పరి మాణం కంటే అధికంగా వినియోగిస్తుండడం వల్ల ఉక్కు దిగుమతిపై సుంకాల వల్ల అమెరికా పరిశ్రమలకు ఊపిరాడకుండా పోతుందన్న సరళమైన ఆర్థిక విషయం ట్రంప్ ప్రభుత్వానికి అర్థం కాకపోవడంపై నిపుణులు ముక్కున వేలే సుకుంటున్నారు. ఆర్థిక రంగంలో దూకుడుగా ముందుకొస్తున్న చైనాకు చెంది న  ఉత్పత్తులపై  అమెరికా సుంకాలు విధించగా, అందుకు ప్రతిస్పందనగా చైనా కూడా అంతే మోతాదులో అమెరికా దిగుమతులపై సుంకాలు వడ్డించింది. 
అమెరికా-చైనా వాణిజ్య యుద్ధం మూలంగా మిగతా దేశాల ఆర్థిక వ్యవ స్థలు కూడా ప్రమాదంలో పడనున్నాయి.
 

అయితే ప్రపంచ వాణిజ్య సమీ కరణాలు కీలకంగా మారబోతున్న సందర్భంలో సుంకాల కారణంగా సరుకుల పోటీలో చైనా వాణిజ్యం వెనుకబడిన ప్రాంతాల్లో, ఆ అవకాశాలను వినియో గించుకొని భారతీయ సరుకులు దూసుకుపోవాలి. అంతర్జాతీయంగా రాబో తున్న వాణిజ్య అవకాశాలను వినియోగించుకునేందుకు ‘మేక్ ఇన్ ఇండి యా’ నినాదంతో దేశీయ వస్తూత్పత్తి రంగాన్ని వేగంగా అభివృద్ధి చేసుకో వలసిన తరుణమిది. విచక్షణా రహితంగా, దూకుడుగా అమెరికా తీసుకుంటు న్న నిర్ణయాలు అంతర్జాతీయ సమాజాన్ని యుద్ధోత్పాతం వైపునకు వడివడిగా నడిపిస్తున్నాయి. రక్తరహిత ప్రపంచ యుద్ధంగా ప్రారంభమైన భౌగోళిక రాజ కీయాలు రక్తసిక్త రాజకీయ ప్రపంచ యుద్ధంగా పరిణమించే ప్రమాదం లేకపోలేదు. 
 



మానవవాదులకు ఐక్యూ ఎక్కువ!

Updated By ManamThu, 09/20/2018 - 01:20

imageమతరహిత ప్రజలు దేశాల వారీగా ఈ విధంగా ఉన్నారు. ఎస్తోనియా - 76.5 శాతం; జపాన్ - 76 శాతం; డెన్మార్క్ - 72 శాతం; స్వీడన్ - 64 శాతం; వియత్నాం - 62.5 శాతం; మకావ్ - 60.9 శాతం; జెక్ రిపబ్లిక్ - 57.5 శాతం; హాంకాంగ్ - 57 శాతం; ఫ్రాన్స్ - 53.5 శాతం; నార్వే - 51.5 శాతం; చైనా - 47 శాతం; నెదర్లాండ్ - 47 శాతం; ఫిన్లాండ్ - 44 శాతం; ఇంగ్లాండు - 41.5 శాతం; దక్షిణ కొరియా - 41 శాతం; జర్మని - 40శాతం; హంగరి - 39 శాతం; బెల్జియం - 38.75 శాతం; బల్గేరియా - 37 శాతం; సోవేునియా - 36.15 శాతం; న్యూజిల్యాండ్ - 34.7 శాతం; రష్యా - 30.5
శాతం; అవెురికా - 20 శాతం. ఇంతకూ మన భారతదేశంలో మతరహిత జనాభా 0.6 శాతం.

ఈ వివరాలన్నీ ఎందుకంటే ప్రపంచదేశాలలో మనవెుక్కడున్నావున్నది బేరీజు వేసుకోవడానికి! దేవుడు - దయ్యాల భావనల్లోంచి, సంప్రదాయం, ఆచారాల పేరుతో మూఢనమ్మకాల కొనసాగింపులోంచి బయటపడి, ఇకైనెనా ఆధునిక వైజ్ఞానిక సమాజానికి రూపకల్పన చేసుకోవాల్సిన అవసరం ఉందని చెప్పడానికి!! 6 నవంబర్ 2015న ‘ద గార్డియన్’ ఇంగ్లీషు పత్రిక ఈ విధంగా ప్రకటించింది ‘మతరహిత సంస్కృతి, ప్రజా స్వామిక వాతావరణం ఉన్న కొన్ని దేశాల్లో నేరాల శాతం తగ్గి, కొన్ని జైళ్ళు కూడా మూసేస్తున్నారు. అంతేకాదు, ప్రపంచ దేశాల్లో జరిపిన ఒక సర్వే - మతాన్ని ఆచరించే కుటుంబాల పిల్లలతో పోల్చినపుడు... మతరహిత కుటుంబాల పిల్లలు దయగల వారుగా, నైతికంగా పద్ధతి గలవారుగా ఉన్నారని వెల్లడించింది. 

ఈ కాలంలో తెలివితేటల్ని ఐక్యూ లెవెల్స్‌తో కొలుస్తు న్నాం. ఇవి దేవుణ్ణి నమ్మే వారిలో, నమ్మని వారిలో ఎలాimage ఉన్నాయి అనే పరిశీలన జరిగింది. నాస్తికుల ఐక్యూ లెవెల్స్ 115-125 మధ్య ఉంది. ఇంకొందరిలో 125 కంటే ఎక్కువగా కూడా ఉంది. అదే ఆస్తికుల విషయానికొస్తే అది 85-115 మ ధ్య ఉంది. మరికొందరిలో ఇంకా  తక్కువగా 75 మాత్రమే ఉంది. మొత్తం జనాభాను పరిగణనలోకి తీసుకుని సరాసరి  లెక్కగడితే, 90 శాతం మంది జనం ఐక్యూ 85-115 మధ్య ఉంది. ఆపైన ఉన్నవారు 5 శాతైమెతే, 85కు తక్కువ మరో 5 శాతం ఉన్నారు. దీనివల్ల కూడా ఒక విషయం తేటతెల్లమౌతోంది. దైవభ్రాంతి, దైవచింతన, దైవభక్తి లేదా దేవుడంటే భయపడే జనాభా ప్రపం చంలో అధికంగా ఉంది. మనిషి సృష్టిం చుకున్న అతి భయంకరైమెన భావన ఏమిటంటే అది - దేవుడే. అందులోంచి బయటపడాల్సింది మనిషే.

దేవుడు లేడు, లేడు, లేడు - అని ఘంటాపథంగా చెప్పిన పెరియార్ ఒక మాట చెప్పాడు. ‘నీ బుద్ధి పని చేయ డం ప్రారంభిస్తే అక్కడ భక్తి నిలవదు. నీ బుద్ధి బద్ధకిస్తే, అక్కడ నీ మీద భక్తి పెత్తనం చేస్తుందీ అని!’ ఒకసారి ఒకతను పెరియార్‌తో వాదులాటకు దిగాడు. ‘దేవుణ్ణి రాయిగా తేల్చేయకండి! అదిప్పుడు రాయి కాదు, మంత్రోచ్ఛారణతో దాన్ని దేవుణ్ణి చేశాం’ - అని అన్నాడు. ‘రాయినే దేవుణ్ణి చేయగల శక్తి గలవారు కదా? అట్టడుగు వర్ణాల వారిని మంత్రోచ్ఛారణతో అగ్రవర్ణాల వారిగా చేయండి! మనుషులంతా సమానులై సమస్యలు లేకుండా పోతాయి కదా?’ - అని ప్రశ్నించాడు పెరియార్! ఆనాటి ఆయన ప్రశ్నకి ఈనాటికీ జవాబు లేదు - హిందూ మతం గూర్చి ప్రపంచానికి మహోపన్యాసం ఇచ్చిన వివేకానందుడే ఆ తర్వాతి కాలంలో ఏమన్నాడో పరిశీలించండి. ‘ఏ హేతు పరిశీలనల వల్ల కనుగొనబడ్డ విషయాలు ప్రతి విజ్ఞాన శాస్త్రాన్ని రుజువు చెయ్యడానికి కారణభూతాలవుతున్నాయో, వాటి సహాయంతో మతమూ నిరూపించబడాలా? అంటే అవుననే నా అభిప్రాయం! ఈ పని ఎంత త్వరగా జరిగితే అంత మంచిది. ఒకవేళ అలాంటి పరశోధనల వల్ల మతం నశించే పక్షంలో - ఇంతకాలంగా అది నిష్ప్రయోజనైమెందని, అనుచితైమెన అంధవిశ్వాసమని తెలుస్తూ ఉంది. కాబట్టి, అదెంత త్వరగా నశిస్తే అంత మంచిది. అది పోవటం కంటే మేలైన పని మరొకటి ఉండబోదని నా నిశ్చితాభిప్రాయం! పనికిమాలిందంతా పోతుందనడం నిస్సందేహం-’

ఒకప్పుడు దైవ భావనకు మహిమలు ఆపాదించినట్టే, ఇప్పుడు వ్యాపార సినిమా హీరోలకి సాహసా లు ఆపాదించి జనం ఆనందిస్తున్నా రు. ఊహలు, అబద్ధాలు జనాన్ని ఎ క్కువగా ఆకర్షిస్తాయి. నిజాలు, వాస్తవాలు కటువుగానే ఉంటాయి. మన కు తెలుసు, వాస్తవానికి నటీనటులు సాహసవంతులు కారు. సామాన్యులు చేయగలిగే పనులు కూడా వారు చేయలేరు. ఉదాహరణకు వందల కిలోల బరువు మోయగలిగే హమాలీలున్నారు. మండుటెండలో 20 కి.మీ. రిక్షా తొక్కే వాళ్ళున్నారు. ఐదారు కి.మీ. మంచినీళ్ళ బిందెలు మోసే గృహిణులున్నారు. నటన కాదు, తప్పని సరై వాళ్ళలా చేస్తున్నారు. ఇవన్నీ మన కమర్షియల్ సినీ హీరో, హీరోయిన్‌లు చేయగలరా? చేయలేరు - అలా ఒళ్ళు హూనం చేసుకుని బతికే వాళ్ళు కాసేపు వెండితెరమీద ఊహలు, భ్రమలు, అబద్ధాలు చూసి ఆనందిస్తారు. ఇదేవిధంగా తాము చేయలేని పనులు తాము కల్పించుకున్న భగవంతుడు అవలీలగా చేస్తాడని జనం నమ్మారు. ఇంకా నమ్ముతూనే ఉన్నారు. ఆ భావన నిలవడానికి అనాదిగా అన్ని ప్రయత్నాలు చేస్తూనే వచ్చారు. కథల్లో, నవలల్లో కల్పిత పాత్రలు పాఠకుల్ని ఏదో ఊహా ప్రపంచంలోకి తీసుకుపోతాయి కదా? ఈ దైవ భావన అంతే అని అర్థం చేసుకోవాలి!

ఎంత చదివారు? ఎంత ఎదిగారు? ఎన్ని కోట్లు కూడబెట్టారు? ఎన్ని మేడలు కట్టుకున్నారు? ఎంతటి ఖరీైదెన కార్లలో తిరిగారూ - ఇవి ముఖ్యం కాదు. కాస్త వివేకంతో కూడిన ఎదుగుదల, కాస్త విజ్ఞానంతో కూడిన ప్రవర్తన కావాలి. విచారించాల్సిన విషయవేుమంటే ఎలక్ట్రానిక్ మీడియా బాగా పెరిగాక అర్థం, పర్థంలేని మూఢత్వం బాగా పెరుగుతోంది. బాబాలు, స్వామీజీలు, అమ్మలు గంటల తరబడి టీవీల ద్వారా ఇంటిం టా అవివేకాన్ని, మూఢత్వాన్ని వెదజల్లుతున్నారు. అందుకే శాస్త్రీయైమెన చదువు కావాలంటున్నాం. నిరూపణకు నిలబడనివి ‘నమ్మకం’ స్థాయిలో ఉంటే భరించొచ్చు. కానీ అవి ‘అమ్మకం’ స్థాయికొచ్చేస్తున్నాయి. కాబట్టి సామాన్య జనం జాగ్రత్తగా ఉండాల్సిన పరిస్థితి వచ్చింది. శాంతి పూజలు  చేయిస్తానని, పరమాన్నంలో మత్తమందు కలిపి, 1.33 కోట్ల నగదు కాజేసిన ఒక బాబా ఉదంతం హైదరాబాద్, బంజారాహిల్స్‌లో వెలుగులోకి వచ్చింది కదా? మోసాలు ఏ స్థాయిలో ఉన్నాయనేది ఒకైవెపున ఉంటే, ఇంగిత జ్ఞానం ఉపయోగించని ధనిక మూర్ఖ శిఖామణులు ఏ స్థాయిలో ఉన్నారనేది - మరొకైవెపున ఉంది కదా? 

ఏ మతమూ శాంతికి స్వర్గధామం కాదు. హింసను ప్రోత్సహించే మౌలికాంశాలు ప్రతి మతంలోనూ ఉన్నాయి. ఇప్పుడు ప్రత్యేకంగా గతాన్ని తవ్వి చెప్పుకోనవసరం లేదు. ఇంతెందు కూ? ఇప్పుడు ప్రపంచంలో జరుగుతున్న హింసలో ఎక్కువ శాతం మతం నేపథ్యంలో జరుగుతున్నదే కదా? అందువల్ల ఏ మతమూ నిర్దుష్టం కాదు. అన్నింటిలో లోపాలున్నాయి. ఇది మెరుగైంది. ఇది స్వచ్ఛైమెంది అని ఏ మతానికీ మొదటి స్థానం ఇవ్వలేం. మనిషి కేంద్రంగా అతను సాధించిన విజయాలు కేంద్రకంగా చేసుకుని, మానవ వాదాన్ని ముందుకు తీసుకుపోయే దిశలో తప్పకుండా మనం చాదస్తాల్ని, మూఢనమ్మకాల్ని వదిలేయగలం. మతరహిత సమాజాన్ని ఏదో ఓ నాటికి రూపొందించుకోగలం!

- 9573706806



విలీన విన్యాసం

Updated By ManamThu, 09/20/2018 - 01:16

బ్యాకింగ్ రంగాన్ని సంఘటితం చేయవలసిన అవసరం ఉందని రెండు దశాబ్దాలుగా పలు అధ్యయన కమిటీలు, బ్యాంకింగ్ రెగ్యులేటర్ సంస్థ అనేక నివేదికలు విడుదల చేశాయి. అయితే చట్టసభల్లో మెజారిటీ విధాన కర్తలు కలిగి, రాజకీయంగా మెరుగైన స్థితిలో ఉన్నప్పటికీ బీజేపీ ప్రభుత్వం ఈ అవకాశాన్ని వినియోగించుకుని బ్యాంకింగ్ రంగంలో విప్లవాత్మక మార్పులు చేపట్టి ఆర్థిక వ్యవస్థకు ఊతమివ్వడంలో విఫలమైందని పలు వురు ఆర్థిక నిపుణులు విమర్శిస్తున్నారు. మొట్టమొదటగా స్టేట్ బ్యాంకు ఆఫ్ ఇండియా అనుబంధ బ్యాంకులను మూలబ్యాంకులో విలీనం చేసిన ప్పటికీ అనేక మౌలిక సంస్కరణలు తీసుకురావడంలో మోదీ ప్రభుత్వం విఫలమైందన్న అభిప్రాయం పారిశ్రామిక వర్గాల్లో బలంగా వినపడుతోంది. అదే సమయంలో ఆచరణలో పూర్తిగా విఫలమైన నమూనాగా నిలిచిన ఐడీబీఐ బ్యాంకులో ఎల్‌ఐసీ (లైఫ్ ఇన్సూరెన్స్ కార్పొరేషన్ ఆఫ్ ఇండియా) పెద్ద ఎత్తున షేర్లను కొనుగోలు చేయడం వివాదాస్పద నిర్ణయంగా నిలి చింది. అయితే ఇప్పుడు బ్యాంక్ ఆఫ్ బరోడా, విజయా బ్యాంక్, దేనా బ్యాంక్ విలీనానికి కేంద్రం శ్రీకారం చుట్టింది. ఈ విలీనం ద్వారా డిపా జిట్లు, అడ్వాన్స్‌ల పరిణామంలో దేశంలోనే మూడవ అతిపెద్ద బ్యాంకు అవతరించనుంది. దక్షిణ, పశ్చిమ భారత దేశానికే పరిమితమైన విజయా బ్యాంక్, దేనా బ్యాంక్‌లను వాటి కంటే పెద్దదైన, దేశవ్యాప్తంగా శాఖలున్న బ్యాంక్ ఆఫ్ బరోడాలో విలీనం చేయడం మంచి ఫలితాలనిస్తుందని ప్రభు త్వం భావిస్తోంది. ఈ మిశ్రమ బ్యాంకు శాఖల విస్తరణ నెట్‌వర్క్, వినియో గదారులకు సేవలందించడం తదితర అనేక బ్యాంకు కార్యకలాపాలలో నాణ్యత సాధించగలదని బ్యాంకింగ్ రంగ నిపుణుల అభిప్రాయం.

బ్యాంకింగ్ రంగ కష్టాల నుంచి దాన్ని గట్టెక్కించేందుకు తీసుకున్న ఈ విలీన నిర్ణయం నిరర్థక ఆస్తుల సమస్యను పరిష్కరించగలదని ప్రభుత్వం ఆశాభావం వ్యక్తం చేస్తోంది. అసెట్ క్వాలిటీ, మూల ధనం, లాభదాయకత తదితర విషయాల్లో దేనా బ్యాంక్‌తో పోలిస్తే బీవోబీ, విజయా బ్యాంక్‌లు మెరుగ్గా ఉన్నాయి. రుణ వృద్ధికి, ఆర్థిక వృద్ధికి ఊతమిచ్చే దిశగా ప్రభుత్వ రంగంలోని ఈ మూడు బ్యాంకులను విలీనం చేయాలని కేంద్రం నిర్ణయిం చింది. రీక్యాపిటలైజేషన్, ప్రభుత్వరంగ బ్యాంకుల యాజమాన్య నిర్మాణా న్ని ప్రక్షాళన చేస్తున్న సమయంలోనే, ఇంకాస్త ముందుగా ఈ మూడు బ్యాంకుల విలీనం చేసి ఉంటే బాగుండేదని కొందరు అభిప్రాయపడు తున్నారు. జన్‌ధన్ యోజన, ముద్రా బ్యాంకు, పెద్దనోట్ల రద్దు వంటి ద్ర వ్య విధానాలపై కేంద్రం కాలయాపన చేసుకోకుండా బ్యాంకింగ్ రంగ సంఘటనపై కేంద్రీకరించి ఉంటే అనేక ప్రయోజనాలు ఇప్పటికే చేకూరి ఉండేవి. నిర్థరక ఆస్తుల భారానికి తోడు మోదీ ప్రభుత్వ ద్రవ్య నిర్ణయాలు బ్యాంకులను మరింతగా కుంగతీశాయి. ఏడు నెలల్లో ఎన్నికలు సమీపి స్తున్న తరుణంలో ఈ మూడు బ్యాంకుల విలీన నిర్ణయం అమలులోకి రావడానికి కేంద్రం చాలా కష్టపడవలసి ఉంటుంది. ఎస్‌బీఐలో మిగతా అనుబంధ బ్యాంకులను విలీనం చేయడం వల్ల ఎలాంటి అద్భుతాలూ జర గకపోవడం విదితమే. అందువల్ల ఈ మూడు బ్యాంకుల విలీన ప్రతిపాద నను సదరు బ్యాంక్ ఉద్యోగుల యూనియన్లు తీవ్రంగా వ్యతిరేకించాయి. అందువల్ల ఆ బ్యాంకుల ఉద్యోగులను ఈ విలీన నిర్ణయాన్ని ఆమోదిం చేట్లు చేయడం అత్యంత క్లిష్టతరమైన విషయం. 

ఈ విలీన వ్యూహం భవిష్యత్‌లో ప్రభుత్వ రంగ బ్యాంకులన్నిటికీ ప్రభు త్వం వర్తింపచేస్తుందా అనే విషయం పెద్ద ప్రశ్నగా మిగిలింది. ఈ బ్యాంకు లను పోటీతత్వంతో మార్కెట్ నియమాల ప్రకారం పూర్తిస్థాయి స్వయం ప్రతిపత్తితో కూడిన మేనేజ్‌మెంట్ల బోర్డులతో ప్రభుత్వం నడిపిం చనుం దా? నిరర్థక ఆస్తుల సమస్యకు విలీన వ్యూహం ఏ మేరకు ఉపకరిస్తుంది? కేవలం విలీనానికే పరిమితమై స్వయం ప్రతిపత్తి లేకుండా చేస్తే పరిస్థితి మళ్ళీ మొదటికి రాకపోదు. పారిశ్రామిక, వ్యవసాయ రంగాలకు, వాణిజ్య, సేవా రంగాలకు ఉపకరించే విధంగా బ్యాంకింగ్ వ్యవస్థను సంఘటితం చేస్తేనే ఆర్థిక వ్యవస్థ ఊపు అందుకునే అవకాశం ఉంటుంది. లేకపోతే, నేతి బీరకాయ వంటి బ్యాంకుల విలీన వ్యూహం ఎన్నికల ప్రచారానికి మాత్రమే ఉపకరిస్తుంది. 
 



ఆత్మగౌరవ ప్రతిఘటనే మార్గం!

Updated By ManamThu, 09/20/2018 - 01:16

imageనల్గొండ జిల్లా మిర్యాలగూడ పట్టణానికి చెందిన ప్రణయ్ (మాల) అమృతవర్షిణి (కోమటి)లు చిన్న నాటి నుంచి స్నేహితులు. ఒకే స్కూల్, ఒకే కాలేజి వారి స్నేహాన్ని ప్రేమగా మార్చాయి. అక్రమ సంపాద నలో కోటీశ్వరుడైన వర్షిణి తండ్రి మారుతీరావుకి వీళ్ళ ప్రేమ వ్యవహారం నచ్చలేదు. సామ, దాన, భేద, దండోపాయాలు ప్రయోగించి వాళ్లను విడదీయాలని విఫలయత్నం చేశాడు. 2018 జనవరి 31న హైదరా బాద్‌లోని ఆర్యసమాజ్‌లో ప్రణయ్, వర్షిణిల పెళ్ళి జరిగింది. ఉన్న దాంట్లోనే ఘనంగా మిర్యాలగూడలో ప్రణయ్ తల్లిదండ్రులు రిసెప్షన్ ఏర్పాటు చేశారు. వైశ్యకులానికి చెందిన కోటీశ్వరుడైన మారుతీరావు ఏకైక కుమార్తె వర్షిణి ఒక మాలవాడ్ని వివాహ మాడటం అవమానంగా భావించాడు. 14న స్థానిక ఆసుపత్రిలో గర్భవతి అయిన భార్యకు వైద్యపరీక్షలు చేయించి తిరిగి వెళుతున్న సమయంలో మారుతీరావు ఏర్పాటు చేసిన కిరాయి హంతక ముఠా ప్రణయ్‌ను   భార్య, సోదరి ముందే తల్వార్లతో నరికి చంపింది. క్లుప్తంగా జరిగిందిదీ. వెంటనే ఇది ‘పరువుహత్య’ అని ఎలక్ట్రానిక్ మీడియా ప్రచారం లంకించుకుంది. కొందరు దళితనాయకులు, దళిత నాయకులుగా చెలా మణి అవుతున్నవారు, స్వయం ప్రకటిత అంబేడ్కర్ వారసులకు  అగ్రకుల, హిందూ మతోన్మాదులకు మ ధ్య సోషల్ మీడియాలో తీవ్రపోరాటం జరిగింది. అసభ్యకర పద ప్రయోగాలతో వారి నోటిదూల తీర్చు కున్నారు. వారం, పదిరోజులు ఈ పోరాటం జరగొ చ్చు. ఈ ఫేస్‌బుక్ వీరులు అలసిపోయే సమయానికి మరో దళిత యువకుడో, యువతో నరికి వేయబడు తున్న దృశ్యాలు ఫేస్‌బుక్‌లో దర్శనమిస్తాయి. మళ్ళీ ‘నరికి వేయాలి, ఉరితీయాలి, ఎన్‌కౌంటర్ చెయ్యాలి’ లాంటి కామెంట్‌లు, కౌంటర్ కామెంట్‌లు ప్రారంభ మౌతాయి. ఇదే నేడు ఉద్యమాల పేరుతో ఫేస్‌బుక్‌లో జరుగుతున్న పోరాటం. కానీ ఈ ఉద్యమాలను కౌంట ర్ చేసే వాళ్ళు అనేక రూపాలలో క్షేత్రస్థాయిలో తిష్ట వేసుకొని, వారి భావజాల ప్రచార కార్యక్రమాల్ని విస్తృత పరచుకొంటున్నారు.

దళిత యువకులు తలపాగా చుట్టుకుంటే తలపై చర్మం వొలిచి, గడియారం పెట్టుకుంటే ముంజేయి నరికి, గుర్రం ఎక్కితే చెట్టుకు కట్టేసి రాళ్ళతో, కర్ర లతో కొట్టిచంపి, ఆవుమాంసం తింటున్నారని ఇళ్ళల్లో కొచ్చి నరికి చంపే అగ్రకుల, హిందూ మతోన్మాదు లు విచ్చలవిడిగా రెచ్చిపోతున్న ఈ హిందూత్వ రా జ్యంలో అగ్రవర్ణానికి, అగ్రవర్గానికి చెందిన మారుతి రావు తన సొంత ఆస్తి అనుకుంటున్న ఏకైక కూతురిని ఒక అట్టడుగు కులానికి చెందిన పంచముడు పెళ్ళి చేసుకొని బిడ్డను కంటానంటే సహిస్తాడా? దళితులపై అత్యాచారాలు, హత్యలు చేస్తూ ‘మేమే చంపాం’ అని ఆ దృశ్యాలను సోషల్ మీడియాలో అప్‌లోడ్ చేస్తున్న హంతకమూకలు రొమ్మిరుచుకొని తిరుగుతున్న అతి పెద్ద ప్రజాస్వామ్య దేశంలో ‘ప్రణయ్‌ను నేనే చంపిం చాను. అందుకు నేనేమీ పశ్చాత్తాప పడడం లేదు. నాకు పరువే ముఖ్యం’ అని మారుతిరావు నింపాదిగా ఎస్‌పి.రంగనాథ్ సమక్షంలో ప్రకటించడం వెనుక పోలీసులు, కోర్టులు, చట్టాలు నన్నేమీ చెయ్యలేవు అనే ధీమా స్పష్టంగా కనిపిస్తోంది. కొందరు హిందూ మతోన్మాదులు ప్రణయ్ మతం మారిన క్రైస్తవుడు కాబట్టి ఇది దళితుడి హత్యగా గుర్తించడానికి వీల్లే దంటున్నారు. ఇంకొందరు వర్గవాదులు ‘ఈ హత్యలో కులప్రమేయం లేదు. ప్రణయ్ కోటీశ్వరుడైతే మారుతి రావు హత్య చేయించేవాడు కాదు’ అని వాదిస్తు న్నారు. మరికొందరు అభ్యుదయవాదులు ప్రణయ్‌ది ‘కులోన్మాద హత్య’ అని ఏ కులానికీ నెప్పి తగల కుండా సున్నితంగా ఖండిస్తున్నారు. ఇంకొందరు అగ్ర కుల మేధావులు ‘పరువు హత్య’ అంటూ విషయా న్ని పక్కదారి పట్టిస్తూ తమ అగ్రకులతత్వాన్ని, బ్రాహ్మణీయ భావజాలాన్ని భద్రపరచుకుంటున్నారు. ఇలాంటి హత్యలు, అనంతర వక్రీకరణలు ఈ దేశం లో రెండో తరగతి పౌరులుగా బతుకుతున్న ముస్లిం లకు, దళితులకు కొత్తేమీకాదు. దళితులు అగ్రకుల, హిందూతత్వ శక్తుల దాడులకు, అత్యాచారాలకు, హత్యలకు బలైనపుడు బాధపడి, ఆవేశపడి, ఆగ్రహం తో రెచ్చిపోయి హెచ్చరిస్తూ నినాదాలివ్వడం వరకే దళితులు, దళితనాయకత్వం పరిమితమౌతున్న ప్రస్తు త పరిస్థితుల్లో ఆ క్రూరమృగాలు ఇలాంటి వేటను మళ్ళీ, మళ్లీ కొనసాగిస్తూనే వుంటాయి. నేడు మారుతీరావు, రేపు గీరుతీరావు కావచ్చు. వేట వాడికి ఒక ఆటైనపుడు, కోర్టులు, చట్టాలు ఏమీ చేయలేనపు డు వేటగాళ్ళు పుట్టుకొస్తూనే వుంటారు. అసలు ఈ మృగాలు పుట్టుకకు కారణాలు ఏమిటి? అవి మను షుల మధ్య తిరగడానికి మూలాలు ఎక్కడున్నాయి అనే విషయాలపై దృష్టి సారించాల్సి వుంది.

మారుతీరావు లాంటి ఉన్మాదపు గుంపు తయారు కావడానికి మూలాలు మనుస్మృతిలో వున్నాయి. దళి తులను పశువుల కంటే హీనంగా, శూద్రులను పశువు లతో సమానంగా, అన్ని వర్ణాల స్త్రీలను శూద్రులతో సమానంగా చూడాలనే మనుస్మృతి శాసనాలు నరన రాన జీర్ణించుచున్న హైందవ సంప్రదాయంలో వున్నా యి. మహిళను సొంత ఆస్తిగా భావించి, భర్త చనిపోతే ఆ  చితిపై ఆయన భార్యని కూడా సజీవ దహనంచేసే వికృత చేష్టలను దైవకార్యంగా కీర్తించే పరాన్నభుక్కు లు ఈ నేలపై పూజింపబడుతున్నారు. స్త్రీలను మాత్ర మే కుంటుంబం, కులం పరువు ప్రతిష్టలు కాపాడే పవిత్రమైన వస్తువుగా కీర్తిస్తూ, ఆమె నడక, నడత లపై అనేక ఆంక్షలు విధించడమే అత్యున్నత సంప్ర దాయంగా భావించే లక్షలాది మంది అభ్యుదయ వాదులుగా చెలామణి అవుతున్న మతఛాందస వాదు లు మనచుట్టూవున్నారు. అందుకే ప్రణయ్ హత్యకు పలుకారణాలు, అభిప్రాయాలు, దబాయింపులు వ్యక్త మౌతున్నాయి. హిందూమత సంప్రదాయాలకు భం గం కల్గిస్తున్నారని, మతాచారాలకు భంగం కలిగించే ఆహారాన్ని తింటున్నారని ‘సాకు’ చూపి దళితులపై చేస్తున్న హత్యలన్నీ మెజారిటీ సమాజ ఆమోదం పొందేవిగా వుంటున్నాయి. అందులో భాగంగానే ప్రణయ్ హత్యను క్రైస్తవుడి హత్యగా చిత్రీకరిస్తున్న అగ్రకులోన్మాదం హిందూత్వ ముసుగు తగిలించుకొని ఎస్.సి, ఎస్.టి, బిసిలను మతచట్రంలోకి లాగి మద్దతు కూడగట్టుకునే ప్రయత్నం చేస్తుంది.

మారుతీరావు లాంటి హంతకుల్ని కోర్టులూ, చ ట్టాలు, పోలీసులు శిక్షించలేవని చరిత్రలో దళితులపై జరిగిన అనేక నరమేధాలలో రుజువయ్యింది. ఇలాం టి హత్యలు పునరావృతం కావడానికి ఇదీ ఒక కార ణం. పైగా ఈ అగ్రకుల, మనువాద రాజ్యంలో హం తక మూకలకు సమాజ ఆమోదం కూడా వుంటుంది. సరిగ్గా ఇలాంటి భావజాలమే మెజారిటీ ఎస్.సి. బి.సి, ఎస్.టి కులాల ప్రజల మెదళ్లలో గూడు కట్టు కొని వుంది. దాన్ని తొలగించే ప్రయత్నం చెయ్య కుండా, అందుకు దీర్ఘకాలిక కార్యక్రమం రూపొందిం చుకోకుండా ఇలాంటి హత్యలను ఆపలేం. శవ యా త్రల్లో హెచ్చరికలు, ఫేస్‌బుక్‌లో, వాట్సప్‌లో తిట్ల దం డకాలు వొళ్లు కదలకుండా చేసే పని కాబట్టి ఉచ్చ నీచాలు మరచి ఎలాగైనా తిట్టుకోవచ్చు. వీటివల్ల ఏ మాత్రం ప్రయోజనముండదు సరికదా! తటస్థంగా వున్న అగ్రకులస్తులను ఉన్మాదపు గుంపులో సభ్యు లుగా చేర్చడానికి ఉపయోగపడుతుంది.

ఈ నిచ్చెనమెట్ల కులవ్యవస్థలో దళితులు ఆత్మ గౌరవాన్ని ప్రకటించుకుంటే ఏం జరుగుతుందో కొన్ని వందల ఏళ్లుగా దళితులు ప్రత్యక్షంగా అనుభవిస్తూనే వున్నారు. అందుకే ప్రతిఘటనా పోరాటాలకు సిద్ధ పడుతున్నారు. దళితుల ఆకాంక్షలకు ప్రతినిధులుగా చెప్పుకుంటున్న రాజ్యప్రేరేపిత దళితనాయకులు, సంస్థలు ‘మనపై దాడులు ఆగాలంటే ఉన్నత చదు వులు చదవాల’ని, రాజ్యాధికారం దిశగా అడుగులు వేయాలని దళితుల ఆత్మగౌరవ ప్రతిఘటనా పోరాటా లను దారి మళ్ళిస్తున్నారు. ప్రపంచంలోనే అత్యున్నత చదువులు చదివిన వ్యక్తిగా, ఉన్నత రాజకీయ పద వులు అలంకరించిన బాబాసాహెబ్ డాక్టర్ బి.ఆర్. అంబేడ్కర్‌ను ఈ అగ్రకుల, హిందూ మతోన్మాదులు ఎంతటి అవమానాలకు గురిచేశారో చరిత్రలో రికార్డ్ అయివుంది. ప్రణయ్ హత్య సందర్భంగా దళిత నాయకులు చేసిన కామెంట్స్ గమనించినట్లయితే రాజ్యాధికారం పిచ్చి పీక్‌స్టేజికి వెళ్లినట్లు అర్ధమౌ తుంది. రాజ్యాధికారంలో వున్నవారు, వారి అనుయాయుల్ని దళితవాడలకు పంపించి వాడల్ని వల్లకాడులు చేయించి భయోత్పాతం సృష్టించడం ద్వారా మళ్లీ గెల వాలనుకుంటున్నారు. అధికారంలోకి రావాలను కుం టున్నవారు రోడ్లు పట్టుకొని తిరుగుతూ ప్రజల ముం దు మోకరిల్లుతున్నారు. కానీ రాజ్యాధికారం కోరుకొనే దళిత బహుజన నాయకులు మాత్రం ఇళ్ళలో వుండి ఊహల్లో తేలియాడుతూ 85గా వున్న ఎస్.సి, ఎస్.టి, బి.సి, మైనారిటీలకు ఐక్యతలేదని దూషిస్తూ కాలం గడుపుతున్నారు. వీళ్లు దళితులపై అత్యాచారాలు జరి గినపుడు శవాల దగ్గరకొచ్చి రాజ్యాధికార నినాదాలు ఇవ్వడానికి, ఓటు విలువ గురించి వివరించడానికి ఏమాత్రం సిగ్గుపడటంలేదు. నేడు దళితుల ఆత్మ గౌరవ ప్రతిఘటనా పోరాటాలకు స్టేట్ స్పాన్సర్డ్ వ్యక్తు లు, సంస్థలు ప్రధాన అడ్డంకిగా వున్నారు. వారు పదే పదే ఉచ్చరిస్తున్న బాబా సాహెబ్‌పై ఏమాత్రం గౌరవ మున్నా ఎస్.సి, ఎస్.టి, బి.సిలలో గూడుకట్టుకొని వున్న హిందూమత భావజాలాన్ని తొలగించే ప్రయ త్నం చేయాలి. నిచ్చెన మెట్ల కుల వ్యవస్థను పెంచి పోషించే హిందూమత ఆచార వ్యవహారాలకు వ్యతి రేకంగా మనిషిని మనిషిగా గౌరవించే సమసమాజ ఆవిష్కరణ కోసం కృషిచెయ్యాలి. అలా చేసినప్పుడు మాత్రమే మారుతీ రావులాంటి హంతకుల్ని సమాజం ముందు దోషులుగా నిలబెట్టిన వాళ్లమౌతాం. దళి తుల ప్రతిఘటనా పోరాటాలకు ఊతమిచ్చిన వాళ్లమౌ తాం. ప్రణయ్ లాంటి సంఘటనలు పునరావృతం కాకుండా నిలువరించిన వాళ్ళమౌతాం.

- దుడ్డు ప్రభాకర్
 రాష్ట్ర అధ్యక్షులు
కుల నిర్మూలనా పోరాట సమితి (ఎ.పి.)
99595 67818



అమానుషం

Updated By ManamWed, 09/19/2018 - 04:10

imageజన్మకారణంగా ఎవరిపైనా వివక్ష చూపరాదని రాజ్యాంగం చెబుతున్నా, మన సమాజంలో ఎటు చూసినా కులరాకసి వికటాట్టహాసం చేస్తోంది. ముఖ్యంగా కుటుంబ గౌరవం కోసం గోత్రాంతర, కులాంతర, మతాంతర వివాహం చేసు కున్న యువజంటను పరువు పేరుతో చంపడం వంటి హింసాత్మక ఘటనలు దేశంలో పెరిగిపోయాయి. మిర్యాలగూడలో గత శుక్రవారం పట్టపగలు జరిగిన పరువు హత్య తెలుగు రాష్ట్రాల ప్రజల్ని విస్మయానికి గురి చేసింది. ఒక్కగా నొక్క కుమార్తెను ఎంతో అపురూపంగా చూసుకుని, ఆమె ఇష్టాయిష్టాలకు వ్యతిరేకంగా మనసుపడి మనువాడిన వ్యక్తిని మట్టుబెట్టిన హత్యోదంతమిది. మిర్యాలగూడ పట్టణంలోని రియల్ ఎస్టేట్ వ్యాపారి మారుతీరావు తన కుమార్తె అమృతవర్షిణిని పెళ్ళాడిన అట్టడుగు కులస్థుడైన ప్రణయ్‌ను కిరాయి హంతకుడితో తుదముట్టించిన కిరాతకంపై సర్వత్రా ఆగ్రహం వ్యక్తమైంది. 

పరువు హత్యలు అనేవి పెట్టుబడిదారీ పూర్వ సమాజాల్లో కులం, మతం, జాతి తదితర అస్తిత్వాల వ్యక్తిగత కుటుంబ పరువు, గౌరవం, మర్యాద వంటి పేర్లతో జరిగే జాత్యాహంకార, కులాహంకార, మతచాందస హత్యలు. పరువు హత్యల పేరుతో సాగుతున్న ఈ హత్యాకాండలు మానవత్వానికే కళంకాలుగా నిలిచిపోయాయి. ఈ హత్యలు ప్రపంచంలో మన సమాజాన్ని అప్రతిష్ట పాలు చేస్తున్నాయి. మిర్యాలగూడకు చెందిన ప్రణయ్, అమృతవర్షిణిలు దాదాపు 9వ తరగతి నుంచి ప్రేమించుకుంటున్నారు. ఇంటర్మీడియట్‌లో అమృత ఇంటి సభ్యుల నిర్బంధాన్ని తట్టుకోలేక ఆ ప్రేమికులు ఇంటి నుంచి పారిపోయారు. ఆ తర్వాత ఇద్దరినీ తిరిగి ఎవరి ఇళ్ళకు వారిని తీసుకొచ్చిన నాటి నుంచి రెండు కుటుంబాల మధ్య వివాదం తలెత్తింది. ప్రణయ్ కుటుంబం వారిద్దరికీ ప్రోత్సాహమందించగా, అమృత కుటుంబ సభ్యులు పరువు కోసం సామ, దాన, భేద, దండోపాయాలను ప్రయోగించి చివరకు దారుణ హత్యా కాండకు పాల్పడ్డారు. మారుతీరావ్‌కు రాజకీయపక్షాల అండదండలు ఉండడంతో అనేక ప్రజా సంఘాలు, అస్తిత్వ సంస్థలు హత్యాకాండకు పాల్పడిన బాధ్యులను కఠినంగా శిక్షించాలని డిమాండ్ చేస్తూ ఉద్యమిస్తున్నారు. తెలంగాణ శాసనసభ ఎన్నికలు త్వరలో జరుగనుండడంతో పలు రాజకీయ పక్షాలు ఈ హత్యకు వ్యతిరేకంగా చురుకుగా స్పందించాయి. పరువు హత్యల మూలాలు నరనరానా ఆవరించిన కులోన్మాదంలో, ఆధిపత్య వ్యవస్థలో వ్యవస్థీకృతమై ఉన్నాయి. వీటిని నియంత్రించటంలో ప్రభుత్వలు ఘోరంగా విఫలమయ్యా యి. వామపక్ష, ప్రజాస్వామిక ఉద్యమాలు తెలంగాణ సమాజాన్ని ప్రబలంగా ఆవరించిన సమయంలో ఇలాంటి పరువు హత్యలు జరగలేదు. 1990ల తర్వాత దేశవ్యాప్తంగా వివక్షాపూరిత ఉన్మాద దాడులు పెరిగిన నేపథ్యంలో కుల, మత, ప్రాంత, జాతి అస్తిత్వ ఉద్యమాలు ముందుకొచ్చాయి. వాటితో పాటు మహా వ్యక్తివాదం సమాజంలో చోటు చేసుకోవడంతో డబ్బు తప్ప ఇతర సామాజిక విలువల్లేని సమూహాలు, కుల, మత తదితర అస్తిత్వ (అగ్ర/నిమ్న) దురహంకారాలు ప్రబలాయి. ఇలాంటి సామాజిక వాతావ రణంలో ఆడ/మగపిల్లలకు సంబంధించిన కొన్ని కుటుంబాల కుట్రపూరిత ప్రోత్సాహంతో జరుగుతున్న కుల/మతాంతర వివాహాలు, పర్యవసానంగా తలెత్తిన వివాదాల కారణంగా నిజమైన ప్రేమజంటల స్వచ్ఛమైన ప్రేమలు సైతం తల్లిదండ్రుల అపార్థానికి బలవుతున్న పరిణామాలనూ కాదనలేము. 

కుటుంబ పెద్దల నిర్ణయం, సామాజిక  ఒత్తిడికి తలొగ్గి ఆడపిల్లలు బల వంతపు వివాహాలు చేసుకోక తప్పనిస్థితి దేశంలో కొనసాగుతోంది. వయో జనులైన స్త్రీ పురుషులిద్దరూ కులాంతర వివాహం చేసుకోవడంపై ఖాప్ పంచాయితీలు, ఇతరత్రా సంఘాలు, కుటుంబాలు దూషించడం, హంతక దాడులు చేయడం వంటి చర్యలు పూర్తిగా చట్టవిరుద్ధమని సుప్రీంకోర్టు స్పష్టం చేసి, వారి సంరక్షణ కోసం ఒక చట్టపరమైన లక్ష్మణరేఖ గీసింది. దేశ వ్యాప్తంగా పరువు హత్యలు గుజరాత్, ఉత్తరప్రదేశ్, మధ్యప్రదేశ్, తెలంగాణ, ఆంధ్రప్రదేశ్‌లలో అధికంగా జరుగుతున్నాయని జాతీయ నేర గణాంక సంస్థ వెల్లడించింది. 2014-16 మధ్య ఈ మాదిరి హత్యలకు దేశంలో 356 మంది ప్రాణాలు కోల్పోయారని గణాంకాలు తెలియజేస్తున్నాయి. ఈ అనుభవాల నేపథ్యంలో ప్రణయ్, అమృతలు వివాహం చేసుకున్నాక తమను ఆశ్రయించి నప్పుడు పోలీసులు ఎంతో అప్రమత్తతతో వ్యవహరించాల్సింది. కొన్నేళ్ళ క్రితం సుప్రీంకోర్టు ఇలాంటి కులాంతర వివాహాల సందర్భాల్లో ఎలాంటి ముందు జాగ్రత్తలు తీసుకోవాలని చేసిన సూచనలను ప్రభుత్వం, పోలీసు యంత్రాంగం పెడచెవిన పెట్టడంతో ఈ దారుణం జరిగిపోయింది. నల్గొండ జిల్లాలో వరుసగా పరువుహత్యలు జరుగుతున్న నేపథ్యంలో గత ఏడాది ఉమ్మడి నల్గొండ జిల్లా మోత్కూరులో నరేష్ పరువు హత్యకు గురైన ఉదం తంతోనైనా పోలీసు యంత్రాంగం ఆ జంటకు సరైన భద్రత కలిపించవలసి ఉంది.

ఆధునికత వైపు దేశం పరుగులు తీస్తున్నప్పటికీ వివాహబంధాల విష యంలో ఇంకా మధ్యయుగాల నాటి సంప్రదాయాలు అనేక ప్రాంతాల్లో యథే చ్ఛగా కొనసాగుతుండడం దారుణం. రాజ్యాంగం ఉనికిలోకి రాకపూర్వం పాత కాలంనాటి సంప్రదాయాలు, ఆచారాలపై ఆధారపడి గ్రామ, కుల బహి ష్కరణ, అమానుష దండనలు, పరువు హత్యలు తదతర అత్యంత కఠినమైన శిక్షల్ని యువ ప్రేమజంటలపై జరిగేవి. కుల సామాజిక సమూహాలలో అమ లవుతున్న అంతర్వివాహ పద్ధతి మూలంగా భారతీయ సమాజంలో కుల వ్యవస్థ నిరంతరాయంగా కొనసాగుతూనే ఉంది. చరిత్రలో రక్త సంబంధీకుల సమూహాలకు వెలుపల వివాహాలు చేసుకునే బహిర్వివాహ పద్ధతి పాటించిన జాతుల్లో బలమైన కులవ్యవస్థ ఏర్పడలేదని విశ్వసించిన అంబేడ్కర్ కుల నిర్మూలనకు కులాంతర వివాహాలే కీలక పరిష్కారంగా సిద్ధాంతీకరించారు. అయితే సామాజికార్థిక వ్యవస్థ అలానే గడ్డకట్టుకుపోయి, కుల/మత/జా త్యాంతర వివాహాలు జరిగితే, అందుకు ప్రతిక్రియగా పరువు హత్యలు, సంప్ర దాయ ఖాప్ పంచాయితీలు తదితర ఉన్మాద, ఉద్వేగ సామాజిక వైపరీత్యాలు ఉనికిలోకి వస్తాయి. సామాజికార్థిక ఆధిపత్య సాధనంగా ఉనికిలోకి వచ్చిన కులవ్యవస్థ నిర్మూలనకు సమాజ మౌలిక పునర్నిర్మాణ ఉద్యమం ప్రధానం గాను, దానికి సమాంతరంగా కుల/మతాంతర వివాహాలు, కుల నిర్మూలన ఉద్యమాలు సాగితేనే సవ్యమైన సామాజిక పరిణామాలు సంభవిస్తాయి.



కులం చెక్కిన మరణ శాసనం

Updated By ManamTue, 09/18/2018 - 04:33

image‘ప్రణయ్’ మరణ శాస నాన్ని పెత్తందారులు చెక్కే శారు. కులం కట్టు బాట్ల ను ఎదిరించి నిలబడాల ను కున్న ప్రణయ్, పెత్తం దారుల దురహం కారా నికి బలైపోయాడు. ఇక్కడ కులమే ప్రశ్నయితే, సమా దానాన్ని ప్రణయ్ వద్ద వెతకడం అవివేక వంతమైన చర్యే అవుతుంది. మిర్యాలగూడలో దళిత యువకుడు పెరుమాళ్ల ప్రణయ్‌ని నడిరోడ్డు మీద అగ్రకుల పెత్తందారుల కిరాయి మనుషులు పాశవికంగా హత్య చేయడం, ఆధునిక సమాజాన్ని తలదించుకునేలా చేసిందని చెప్పొచ్చు. ‘మతం మత్తువంటిది, కులం  కుళ్లు వంటిదని’ మార్క్స్ ప్రవచించారు. ఆధునిక సమాజంలో కూడా కులం, మతం మనుషుల మధ్య చిచ్చుపెట్టడం ప్రజాస్వామ్యన్ని చిన్నగా చేసి చూప డమే అవుతుంది. ప్రజాస్వామ్యంలో రాజ్యాంగం ప్రసాదించిన ‘జీవించే హక్కును’ కాలరాసే అధికారం ఎవరికీ లేదు. ప్రతి మనిషి గౌరవప్రదంగా బతకడం కూడా జీవించే హక్కులో భాగంగా ఉందని భారత సుప్రీం కోర్టు పలు సందర్భాల్లో స్పష్టం చేసింది. మరి గౌరవప్రదంగా జీవించడం అంటే కేవలం అగ్రవర్ణాల వారికే కాదు, దళిత, గిరిజనులకు కూడా వర్తి స్తుం దనే విషయాన్ని ప్రతి ఒక్కరూ తెలుసుకోవాల్సి ఉంది. 

ప్రణయ్ హత్యతోపాటు రాజ్యాంగం ప్రసాదించిన హక్కులను కూడా పెత్తందారులు కాలరాశారు. ఈ హత్యకు పురిగొల్పింది మాత్రం కులమే. అనాదిగా భారత సమాజంలో ఏర్పడిన అసమానతలకు కులమే ప్రధాన అడ్డంకిగా ఉంది. మరి మూలను తెలుసు కోవాలనే ప్రయత్నం చేయకుండా ఒక నిండు ప్రాణా న్ని నడిరోడ్డు మీద పాశవికంగా హత్య చేయడం సభ్య సమాజం తలదించుకోవాల్సిన పరిస్థితి ఏర్పడింది. 

image


తరతరాలుగా దళిత, గిరిజనులు సామాజికంగా వెనుకబాటుకు గురవుతూనే ఉన్నారు. కులం పేరుతో దూషించడం, అంటరాని వాళ్ళుగా చిత్రీకరించడం, దాడులకు తెగబడడం వంటి సంఘటనలు దేశంలో బహుముఖంగా చోటు చేసుకుంటున్నాయి. ‘ఇది నా స్వదేశం కాదు, ఇక్కడ మమ్ములను కుక్కలు, పిల్లుల కంటే హీనంగా చూస్తున్నారు, కనీసం తాగేందుకునీళ్లు కూడా పొందలేకపోతున్నాం. ఇలాంటి అవమానాల్లో మేము ఈ దేశాన్ని స్వదేశంగా ఎలా భావిస్తాం.’ అం టూ బాబాసాహెబ్ డాక్టర్ బి.ఆర్.అంబేడ్కర్ మను వాదులను ప్రశ్నించారు. దేశానికి స్వాతంత్య్రం వచ్చి సంవత్సరాలు గడుస్తున్నా, రాజ్యాంగం పరిఢవిల్లు తుందని రాజకీయ నాయకులు ఉపన్యాసాలతో దం చేస్తున్నా, దళిత, గిరిజనులు నేటికీ దేశంలో  రెండవ తరగతి పౌరులుగానే బతుకుతున్నారు.  

‘ఇది నా స్వదేశం కాదు’ అని అంబేడ్కర్ స్పష్టం చేసిన సంఘటనలో బహుళ అంశాలు మిళితమై ఉ న్నాయని సామాజికవేత్తలు విశ్లేషించారు. ఈ విష యాన్ని ఇప్పుడు ప్రస్తావించడానికి కారణం దేశంలో దళిత, గిరిజనులపై దాడులు పెరగడమే. ఈ దాడుల్లో అనేక మంది దళిత, గిరిజనులు మృత్యువాత పడు తున్నా ప్రభుత్వాలకు చీమకుట్టినట్టుకూడా లేదు.  

ఉత్తరప్రదేశ్‌లో ఒక దళిత బాలికను అత్యాచారం చేసిన సంఘటన దేశవ్యాప్తంగా అలజడిని రేపింది. కూతురుకు జరిగిన అన్యాయాన్ని ప్రశ్నించినందుకు ఆ బాలిక తండ్రి జైలులో అనుమానాస్పదంగా మృతి చెందడం, అత్యాచారాన్ని ప్రశ్నించినందుకే తన తండ్రిని చంపేశారని బాధిత బాలిక అధికార పార్టీ ఎమ్మెల్యేపై అభియోగం చేసినా, అక్కడి ప్రభుత్వం తూతూ మంత్రం చర్యలకు ఉపక్రమించింది. ఈ చర్య బడుగులను ఆవేశానికి గురిచేసింది. దేశవ్యా ప్తంగా మహిళల మీద అత్యాచారాలు పెరుగుతున్నా యి. జాతీయ నేర పరిశోధన సంస్థ లెక్కల ప్రకారం 2014లో 3,39,457 మంది మహిళలపై దాడులు జరిగాయి, 2015లో 3,29,243 కేసులు, 2016లో 3,38,954 కేసులు నమోదయ్యాయి. ఇందులో అత్యా చారానికి సంబంధించిన కేసులు 38,947 నమోద య్యాయి. అత్యాచారం కేసులో 2016కు గాను మొదటి మూడు స్థానాల్లో మధ్యప్రదేశ్ (4482), ఉత్తరప్రదేశ్ (4816), మహారాష్ట్ర (4189) నిలిచాయి. ఈ అత్యాచారాల్లో అధిక భాగం దళిత, గిరిజనుల మీద జరుగుతున్నాయనేది బహిరంగ సత్యం. ప్రతి రోజూ ఏదో ఒక మూల దళిత, గిరిజనులు, పెత్తం దారుల నుంచి ఇబ్బందులు ఎదుర్కోవాల్సిన పరిస్థితి ఏర్పడింది. దేశవ్యాప్తంగా నమోదయిన ఎస్సీ, ఎస్టీ అట్రాసిటీ కేసులు ఇలా ఉన్నాయి. జాతీయ నేర పరిశోధన సంస్థ లెక్కల ప్రకారం 2014కు గాను 40,401 కేసులు, 2015కు గాను 38,670 కేసులు 2016కు గాను 40,801 కేసులు నమోదయ్యాయి.  ఎస్సీ, ఎస్టీ అట్రాసిటీ కేసుల్లో ఉత్తరప్రదేశ్ (10,426) కేసులతో ప్రథమస్థానంలో ఉంది, రెండు, మూడు స్థానాల్లో బీహార్ (5,701), రాజస్థాన్ (5,134) కేసులు నమోదయ్యాయి. ఇందులో 701 కేసులకు మాత్రమే శిక్షలుపడ్డాయి. 

మహారాష్ట్రలోని బీమాకోరేగావ్ ఉదంతం ఇప్ప టికీ అక్కడ నిప్పును రాజేస్తుందనే చెప్పాలి. దళిత వాద మనుగడకోసం జరిగిన పోరాటంలో అశువులు బాసిన వారిని స్మరించుకోవడం అక్కడి కొంత మంది అగ్రవర్ణాల వారికి నచ్చలేదు. అదునుకోసం గోతికాడ నక్కలా చూశారు. చిక్కిన అవకాశాన్ని వదులుకో కూడదని భావించిన కొంత మంది అగ్రవర్ణాలు దళి తుల మీద దాడులకు తెగబడ్డారు. వీటిని ఎదుర్కొ నేందుకు దళితులు ఏ మాత్రం వెనకాడలేదు. 
గుజరాత్‌లోని ‘వున్న’ నగరంలో జరిగిన దళిత ఉద్యమం దేశ వ్యాప్తంగా కదలించిందనే చెప్పాలి. గోరక్షణ  పేరుతో దళిత యువకుల మీద కొంత మంది మతోన్మాదులు దాడులకు దిగడంతో, అక్కడి దళిత, గిరిజనులు పశు కళేబరాలను ఖననం చేసేం దుకు నిరాకరించారు. దీంతో ఆ రాష్ట్రంలో పశు కళేబరాలు ఇళ్ల మధ్యలోనే ఉండిపోవాల్సిన పరిస్థితి ఏర్పడింది. ఈ సంఘటన అగ్రవర్ణాలను ఆవేశానికి గురి చేసింది. పశు కళేబరాలను ఇళ్ల మధ్య నుంచి తొలగించాలని దళితలను వత్తిడికి గురిచేయడం, దళి తులు వారి వత్తిడికి తగ్గలేదు. ఇక ముందు పశు కళేబరాలను తొలగించమని దేశ గణతంత్ర దినోత్స వం సందర్భంగా దళితులు సామూహికంగా ప్రతిజ్ఞ కూడా  చేయడం, దేశ సామాజిక కోణానికి కొంత మార్గాన్ని చూపించినట్లయింది.

భారత రాజ్యాంగం ప్రసాదించిన ‘చట్టం ముం దు అందరూ సమానులే’ ‘జీవించే హక్కు’ దళిత, గిరిజనులకు అందని ద్రాక్షగానే మిగిలాయి. రాజ్యాం గం ప్రసాదించిన హక్కులను సైతం దళిత, గిరిజ నులు అందుకోలేకపోవడం ప్రజాస్వామ్యానికి మా యని మంచగా మిగిలిందని చెప్పొచ్చు. 

ఇక్కడ మరొక విషయం ప్రస్తావించాల్సిన అవసరం ఉంది. గత కొంత కాలంగా దళిత, గిరిజన ఉద్యమాలు ఆశించిన స్థాయిలో సాగడం లేదు. గతంలో మందకృష్ణ మాదిగ, జూపూడి ప్రభాకర్, కారెం శివాజీ, పీవి రావు వంటి నాయకులు బహుజన వాదాన్ని బలంగా వినిపించారు. ఈ ఉద్యమాల ఫలితంగా దళిత, గిరిజనులు గౌరవప్రదంగా జీవిం చేందుకు మార్గం చూపాయని ప్రస్తావించొచ్చు. ఈ ఉద్యమాల వల్ల అగ్రకులాలు బయపడేపరిస్థితి ఏర్ప డిందని చెప్పొచ్చు. అయితే గత కొంత కాలంలో దళిత, గిరిజన ఉద్యమాలు స్తబ్దుగా ఉంటున్నాయి. సామాజిక ఉద్యమాలతోనే సమాజంలో మార్పు సాధ్యమనేది సత్యం. రోజురోజుకు పెట్రేగిపోతున్న హింసోన్మాదంతో దళిత, గిరిజనులు సమిధలుగా మారిపోతున్నారు. ఈ దాడులను అడ్డుకునేందుకు దళిత, గిరిజనులు సంఘటితం కావాల్సిన అవసరం ఎంతైనా ఉంది. కులరహిత సమాజం కోసం ప్రణయ్ అశువులు బాశాడు. ఈ హత్య మొదటిది కాకపో వచ్చు, కాని చివరిది కావాలి. కుల రహిత సమాజం కోసం ప్రతి ఒక్కరూ ముందుకు సాగాల్సిన అవసరం ఎంతైనా ఉంది. 

- రవికుమార్ దాసరి 
రిసెర్చ్ స్కాలర్, 
టాటా ఇనిస్టిట్యూట్ ఆఫ్ సోషల్ సైన్సెస్, తుల్జాపూర్, ముంబాయ్



ఇస్రో సత్తా

Updated By ManamTue, 09/18/2018 - 04:27

అపజయాలను విజయాలుగా మలచుకోవడంలో ఇస్రో (ఇండియన్ స్పేస్ రీసెర్చ్ ఆర్గనైజేషన్)కు మంచి అనుభవం ఉందని మరోసారి రుజువైంది. జిఎస్‌ఎల్‌వి-ఎఫ్08 రాకెట్ ద్వారా అత్యాధునిక కమ్యూనికేషన్ జిశాట్-6ఏ ఉపగ్రహాన్ని నిర్ణీత కక్ష్యలో నిలపడంలో ఇటీవల విఫలమైన ఇస్రో వరుసగా పీఎస్‌ఎల్వీ (పోలార్ శాటిలైట్ లాంచింగ్ వెహికల్) -41, 42 ప్రయోగాలను విజయవంతంగా ప్రయోగించింది. పిఎస్‌ఎల్‌వి-సి41 రాకెట్ ద్వారా ఐఆర్ ఎన్‌ఎస్‌ఎస్-1ఐ భారత ఎనిమిదవ నేవిగేషన్ ఉపగ్రహాన్ని విజయవంతంగా ప్రయోగించిన తర్వాత పిఎస్‌ఎల్‌వి-సి42 రాకెట్ ద్వారా బ్రిటన్‌కు చెందిన రెండు ఉపగ్రహాలను ఆదివారం విజయవంతంగా కక్ష్యల్లోకి ప్రవేశపెట్టి ఇస్రో మరోసారి తన సత్తా చాటింది. ఆంధ్రప్రదేశ్‌లోని సతీష్ ధావన్ స్పేస్ సెంటర్ (ఎస్‌డీఎస్‌సీ) శ్రీహరికోట హై ఆల్టిట్యూట్ రేంజ్ (షార్) సెంటర్ నుంచి 889 కిలోల బరువున్న భూ పర్యవేక్షక ఉపగ్రహాలైన నోవా ఎస్‌ఏఆర్, ఎస్1-4లను బ్రిటన్ కంపెనీ సర్రే శాటిలైట్ టెక్నాలజీ సూచన మేరకు రాత్రి సమయంలో ఇస్రో విజయవంతంగా ప్రయోగించింది. ఇస్రో 7వ వాణిజ్య ప్రయోగమైన సీ42 ప్రయోగంతో 243 విదేశీ ఉపగ్రహాలను విజయవంతంగా ప్రయోగించి నట్లవుతుంది. ఈ ప్రయోగం వల్ల భారత్‌కు రూ.200 కోట్లు ఆదాయం లభించనుంది.

image


అటవీ మ్యాప్‌ల రూపకల్పన, మంచు పర్వతాలు, విపత్తులు, నౌకల రాకపోకల పరిశీలనకు నోవా ఎస్‌ఏఆర్ ఉపయోగపడుతుండగా, సర్వే వన రులు, పర్యావరణ పర్యవేక్షణ, పట్టణాల నిర్వహణకు ప్రణాళికల తయారీ, విపత్తులను గుర్తించడానికి ఎస్1-4 ఉపకరించనుంది. వచ్చే అక్టోబర్‌లో మరో 30 విదేశీ ఉపగ్రహ ప్రయోగ వాణిజ్యంతో ఇస్రో అనుబంధ సంస్థ ఆంట్రిక్స్ అంతరిక్ష వాణిజ్యంలో దూసుకుపోతోంది. రాబోయే రోజుల్లో జీఎస్ ఎల్‌వీ మార్గ్-డి1 ద్వారా జీశాట్-19 ఉపగ్రహాన్ని, జీఎస్‌ఎల్‌వీ మార్గ్-డి2 ద్వారా జీశాట్ -29 ఉపగ్రహాన్ని, జీఎస్‌ఎల్‌వీ మార్గ్-2 ద్వారా జీశాట్-20 ఉపగ్రహాన్ని అంతరిక్షంలోకి పంపుతున్నట్లు ఇస్రో ప్రకటించింది. వాటితో పాటు ఏరియన్ రాకెట్ ద్వారా జీశాట్ -11ను ప్రయోగించడంతో ఈ నాలుగు భారీ ఉపగ్రహాల ద్వారా దేశంలో కనెక్టివిటీ పెరిగి, సమాచార రంగంలో విప్లవాత్మక మార్పులు చోటు చేసుకోబోతున్నాయి. అదే సమయంలో 2019 జనవరి 3-16లోపు చంద్రయాన్-2 ప్రయోగం కోసం ఏర్పాట్లు ముమ్మరంగా జరుగుతున్నాయి. నాలుగేళ్ళ క్రితం అంగారక గ్రహానికి పంపిన ల్యాండర్- రోవర్ ప్రయోగం విజయవంతం కావడానికి ఉపకరించిన జిఎస్‌ఎల్‌వి రాకెట్ సాంకేతికత అభివృద్ధిపై ఆధారపడి  భారత అంతరిక్ష వాణిజ్యం ఉంటుంది. ద్రవ ఇంధనం, క్రయోజెనిక్ సాంకేతికతలను  వినియోగించే  జిఎస్‌ఎల్‌వి రాకెట్ల ఆధారంగా భారీ ఉపగ్రహాలను, సుదూర గ్రహాంతర లక్ష్యాలకు  చేర్చవలసి ఉంటుంది.
రోదసీ ప్రయోగాల్లో కీలకమైన క్రయోజెనిక్ ఇంజన్ రంగంలో కీలకంగా, అగ్రగామిగా పనిచేస్తున్న ప్రముఖ రాకెట్‌మ్యాన్ నంబి నారాయణన్, శివకుమార్ అనే శాస్త్రవేత్తలు 1994లో ఇస్రో గూఢచర్య కేసులో అరెస్టయిన నాటి నుంచి ఆ రంగంలో శాస్త్ర పరిశోధన, స్థానిక సాంకేతికాభివృద్ధి స్థంభించి పోయి, రష్యా క్రయోజెనిక్స్ సహకారంపై ఆధారపడవలసిన దుస్థితి ఇప్పటికీ కొనసాగుతోంది. క్రయోజెనిక్స్ ఇంజన్ విషయంలో మంగళయాన్-2 ప్రయో గం సందర్భంగా వివాదం తలెత్తిన విషయం విచారకరం. 1994లో మాల్దీ వుల దేశస్తురాలు మరియం రషీదాను అరెస్ట్ చేసిన పోలీసు అధికారి భారత్ అంతరిక్ష రంగంలో పురోగతిని దెబ్బతీసేందుకు కుట్ర పన్నిన అమెరికా గూఢచారి సంస్థ సీఐఏ మార్గదర్శకత్వంలో క్రయోజెనిక్స్ రంగంలో పని చేస్తున్న నంబియార్ అతని సహచరుడు శివకుమార్‌ను ‘గూఢచర్యం’ కేసులో ఇరికించారు. అతి చౌకగా ప్రయోగాలు నిర్వహించే అంతరిక్ష వాణిజ్యంలో భారత్ దూకుడును అడ్డుకునేందుకు అమెరికా కుట్రపన్ని ‘ఇస్రో రాకెట్ ఇంజ న్లకు సంబంధించిన రహస్య డ్రాయింగ్‌లను మరియం ద్వారా పాకిస్థాన్‌కు విక్రయిస్తున్నట్లు’ కేసులో ఇరికించడంతో ఇస్రో క్రయోజెనిక్ ఇంజన్ల తయారీ కార్యక్రమం పూర్తిగా కుంటుపడింది. 1994 నాటి ఇస్రో గూఢచర్యం కేసులో నారాయణన్‌ను అనవసంరంగా ఇరికించి, ఆయనను శారీరకంగా, మానసి కంగా హింసకు గురిచేసారని సుప్రీంకోర్టు పేర్కొని, కేరళ ప్రభుత్వం ఆయ నకు నష్టపరిహారం చెల్లించాలని ఆదేశించడం సంచలనం సృష్టించింది. 24 ఏళ్ళ పాటు నడిచి చివరికి తప్పుడు కేసుగా తేలినందువల్ల నంబి నారాయణన్ వ్యక్తిగత కెరీర్‌ను, జీవితాన్ని నష్టపోయిన మాట నిజమే, అంతకంటే అధికంగా భారత జాతికి అన్యాయం జరిగింది. ఈ గూఢచర్యం కేసు వల్ల భారత క్రయోజెనిక్ ఇంజిన్ అభివృద్ధి కనీసం 15 ఏళ్ళ మేర స్థంభించిపోయింది. ఈ నేపథ్యంలో ఇందుకు బాధ్యులైన ఆనాటి రాజకీయ నాయకులు, అమెరికా గూఢచారి సంస్థ సీఐఏతో అంటకాగిన ఆ పోలీసు అధికారులను జాతిద్రోహులుగా ప్రకటించి, దేశద్రోహానికి పాల్పడినందుకు కఠినంగా శిక్షించాల్సిన అవసరం ఉంది. అందుకు సుప్రీంకోర్టు పర్యవేక్షణలో సమగ్ర దర్యాప్తు జరిపి నిగ్గు తేల్చవలసిన అవసరం ఉంది. ఘన ఇంధన ప్రయోగాలు చేసే సమయంలో ప్రమాదానికి గురైన ప్రముఖ శాస్త్రవేత్త, మాజీ రాష్ట్రపతి అబ్దుల్ కలాంను ఆ ప్రమాదం నుంచి రక్షించడంలో అత్యాధునిక ద్రవ ఇంధన ప్రయోగ శాస్త్రవేత్త నంబి నారాయణన్ కీలక పాత్ర పోషించారు. కలాం ప్రమాద ఉదంతంతో సహా పలు ఉదంతాలను, ఇస్రో గూఢచర్య కేసులో కుట్ర కోణాలను ‘రెడీ టు ఫైర్‌ఃహౌ ఇండియా అండ్ ఐ సర్వైవ్డ్ ద ఇస్రో స్పై కేస్’ అనే పుస్తకంలో నారాయణన్ వెలువరించారు. సాటి శాస్త్ర వేత్తగా నారాయణన్ చేస్తున్న న్యాయ పోరాటానికి సహకరించవలసిన కలాం ‘ఈ పోరాటాన్ని నిలిపి వేయండి. శిక్షార్హులైన వారికి దేవుని కోర్టులో తప్పక శిక్ష పడుతుందని’ అనగా ‘దేవుని కోర్టులో నా తరఫున వాదించే వారెవరూ’ అని నారాయణన్ సమాధానం ఇచ్చారు. జాతి ప్రయోజనాలు కాపాడడంలో మన పాలకుల వైఖరికి ఈ సంభాషణ అద్దం పడుతుంది. ఉత్పత్తి రంగానికి సమాంతరంగా శాస్త్ర సాంకేతిక పరిశోధన రంగం అభివృద్ధి కావడమన్నది ఆర్థిక వ్యవస్థ పురోగతికి కీలక షరతుగా ఉంటుంది. అలాంటి మన శాస్త్ర వేత్తలకు ప్రోత్సాహం అందించడంలో విఫలమవడమే కాకుండా, వారిని రాజ కీయ, జాతీయ, అంతర్జాతీయ కుట్రల్లో ఇరుక్కోకుండా కాపాడుకోవలసిన బాధ్యత ప్రభుత్వాలది.

ఇస్రోకు భిన్నంగా డిఫెన్స్ రిసెర్చ్ అండ్ డెవలెప్‌మెంట్ ఆర్గనైజేషన్ (డిఆర్‌డిఒ) వ్యవహరిస్తోంది. దేశీయ, అత్యాధునిక ఆయుధ వ్యవస్థలను రూపొందించే లక్ష్యంతో ప్రారంభమైన డిఆర్‌డిఒ నేడు అతికొద్ది ప్రాజెక్టులతోనే సరిపెడుతోంది. సాయుధ బలగాల ఆయుధ కొరత, హార్డ్‌వేర్ అవసరాలను తీర్చడంలో డిఆర్‌డిఒ సంస్థ బాగా వెనకబడింది. ఇస్రో అందుకు భిన్నంగా అంతరిక్ష వాణిజ్యంలో అంతర్జాతీయ కాంట్రాక్టులను సంపాదిస్తూ లాభాల బాటలో నడుస్తోంది. గత ఏడాది ఇస్రో ఒకేసారి వందకు పైగా ఉపగ్రహాలను ఒకే రాకెట్ ద్వారా ప్రయోగించి వివిధ కక్ష్యల్లోకి విజయవంతంగా ప్రవేశ పెట్టింది. దానికితోడు, ఆధునిక శాస్త్రసాంకేతిక పరిజ్ఞానమంతా ఉపగ్రహ ఆధారిత సేవలపైనే ఆధారపడి ఉంటుంది. అందువల్ల భవిష్యత్‌లో ఇస్రో దేశానికి అత్యంత విలువైన సేవలను అందించగలదు. అంతరిక్ష శాస్త్ర సాంకేతికత భవిష్యత్ గ్లోబల్ వాణిజ్య పోటీకి పునాదిగా ఉంటుంది. అంతర్జాతీయ అభివృద్ధి పోటీలో భారత్ అగ్రగామి దేశాల సరసన నిలిచేందుకు ఇస్రో విజయాలు అత్యంత కీలకమైనవి. 



నిజాం పడగ నీడలో సెప్టెంబర్ 17

Updated By ManamMon, 09/17/2018 - 03:28

చారిత్రాత్మక వీర తెలంగాణ రైతాంగ సాయుధ పోరాటంలో నాలుగున్నర వేల మంది అమరుైలెనారు. 253 సంవత్సరాల నిజాం పరిపాలించాడు. నిజాం నవాబు దోపిడీ దౌర్జన్యాలకు వ్యతిరేకంగా అనాడు తెలంగాణ యావత్ ప్రజానీకమంతా సాయుధులై తిరుగుబాటు చేసినారు. 1947 ఆగస్టు 15న దేశ వ్యాప్తంగా బ్రిటిష్ వలస పాలన నుంచి విముక్తి లభించింది. స్వాతంత్య్ర ఉత్సవాలు జరుపుకుంటున్నారు. తెలంగాణ (హైదరాబాద్) జమ్మూ కశ్మీర్‌లలో మాత్రం త్రివర్ణ పతకం ఎగరలేదు. భారతదేశానికి స్వాతంత్య్రం వచ్చే నాటికి తెలంగాణ ప్రాంతంలో కమ్యూనిస్టుల పోరాటం హోరుగా జరుగుతోంది. 1943లో భూస్వారీల చేతిలో బందగీ దారుణ హత్యకు గురయ్యాడు. 1946లో కడివెండిలో దొడ్డి కొమురయ్యను విసూనూర్ గుండాలు తుపాకి కాల్పులతో చంపేసినారు.

image


దేశ వ్యాప్తంగా బ్రిటిష్ సామ్రాజ్యావాదాన్ని తరిమి తరిమి కొట్టి విముక్తి కల్పించుకున్నారు. హైదరాబాద్ సంస్థానం స్వతంత్ర దేశంగా ప్రకటించుకుంది తప్ప భారత ప్రభుత్వంలో విలీనం కావడానికి అంగీకరించలేదు. ఒక దశలో భారత ప్రభుత్వంలో విలీనం కావడానికి అంగీకరించలేదు. భారత ప్రభుత్వాన్ని ధిక్కరించింది కూడా నిజాం దోపిడి పాలనను కూలదోయడానికి తెలంగాణ సాయుధ పోరాటమే మార్గమని ఎంచుకున్నారు. 1947 సెప్టెంబర్ 11న కామ్రెడ్ మఖ్దూం మొహియుద్దీన్, బద్దం ఎల్లారెడ్డి, రావి నారాయణరెడ్డి, ఆరుట్ల రామచంద్రారెడ్డి, కమ్యూనిస్టులు ప్రజల్ని జాగృతం చేసినారు. నిజాంకు వంతపాడుతున్న జాగిరుదారులు జమీందారీ పటిల్ పట్వారీల గుండెల్లో రైళ్లు పరుగెత్తినాయి. చివరకు విసునూరు దొరలు భూస్వారీలు గ్రామాలను వదిలిపెట్టి పారిపోయారు. నిజాంకు భయం పుట్టించింది. పాలన పోయినా ఊపిరుంటే చాలని ఆత్మరక్షణలో నిజాం పడినాడు నిజాం నవాబు. కేంద్ర ప్రభుత్వానికి సానుకూల సంకేతాలు పంపారు. కేంద్ర పోలీస్ బలగాలు హైదరాబాద్ వచ్చాయి.

అప్పటి రక్షణమంత్రి సర్దార్ వల్లభాయ్ పటిల్‌కు బేగంపేట విమానాశ్రమంలో లొంగిపోయారు నిజాం. పటిల్ గొప్ప వ్యక్తి అని బీజేపీ చెబుతోంది. ఇదంతా నాటకీయ పరిణామాల మధ్య జరిగింది. సర్దార్ వల్లభాయ్ పటిల్‌ది కపట ప్రేమ. నాటకాలు చేయకపోయినా సాయుధ పోరాటంతోనే నిజాం పరిపాలన అంతమయ్యేది. కేంద్రం నిజాం కలిసి తెలంగాణ ప్రాంతంలో రక్తపాతాలను సృష్టించారు. గ్రామాలకు గ్రామాలను తగులబెట్టినారు. నిజాం, కేంద్రం రెండు కలిసి తమ తమ దోపిడిని కాపాడుకున్నాయి. కేంద్ర బలగాలు నిజాం పాలనను విలీనం చేసుకున్న అనంతరం అప్పటి వరకు నిజాం బంటులుగా కుచ్చు టోపీ లు, షేర్వాణీలు వేసుకుని నియంత పాలన చేసిన వారంతా షేర్వాణీలు కుచ్చుటోపీలు తీసివేసి ఖద్దరు చొక్కాలు గాంధీ టోలు ధరించారు. అయినా కేంద్ర సైన్యం సహకారంతో పేదల భూములను బలవంతంగా లాక్కున్నప్పటికీ మళ్ళీ కమ్యూనిస్టుల నాయకత్వంలో అట్టి భూముల్ని కాపాడుకోగల్గిగారు.  వల్లభాయ్ పటిల్‌ను ఉక్కు మనిషి అని పొగడ్తలతో ముంచేశారు. తెలంగాణ సాయుధ పోరాటంలో వేలాది మంది ప్రాణ త్యాగం చేసిన వారిని బీజేపీ ఏనాడు కీర్తించలేదు. రెండొందల కోట్ల రూపాయలతో వల్లభాయ్ పటిల్ విగ్రహాన్ని కట్టాలనుకున్నాడు మోదీ. సాయుధ పోరాట చరిత్రను వక్రీకరించడానికి వంకరబుద్ధి తెలంగాణ సాయుధ పోరాటంలో అసువులు బాసిన అమరవీరుల విగ్రహాలు స్మారక స్థూపాలు కానీ ఎక్క డా ఆవిష్కరించలేదు. ఎంతోమంది వృద్ధాప్యంలో ఉన్నా వారికి సహాయం చేయకుండా కపటప్రేమ వలకబోస్తోంది.

 గతంలో పరిపాలించిన ముఖ్యమంత్రులు చంద్రబాబు నాయుడు, ఎన్టీరామారావు, కోట్ల విజయ్ భాస్కర్‌రెడ్డి, తెలం గాణ సాయుధ పోరాటాన్ని గౌరవించలేదు. తెలంగాణ సాయుధ పోరాటాన్ని అధికారికంగా గుర్తించలేదు. అమరవీరులకు తగిన గుర్తింపు ఇవ్వలేదు. అడుగడుగున వివక్షను చూపిం చారు. రెండు రాష్ట్రాలుగా విడిపోయినాయి. తెలంగాణోద్యమంలో క్రియాశీలక పాత్ర పోషించిన టీఆర్‌ఎస్ ప్రభుత్వం పాలన కొనసాగిస్తోంది. వీర తెలంగాణ సాయుధ పోరాటంలో దొడ్డి కొమురయ్య, చాకలి ఐలమ్మ త్యాగాలను కీర్తిస్తూనే ఉన్నారు. ఇదే సమయంలో 4500 మంది అమరుల త్యాగాలను ఏనాడు గుర్తు చేయకపోవడం బాధాకరైమెన విషయం. తెలంగాణ సెంటిమెంటును బలంగా వాడుకుంటున్నారు. దొడ్డి కొమురయ్య పేరిట కుల భవనాలను నిర్మించారు, కానీ వర్థంతిని మాత్రం అధికారికంగా చేయకుండా దాట వేశారు. తెలంగాణ సాయుధ పోరాటాన్ని పోరాటంలో అమరవీరుైలెన అమరుల త్యాగాల గుర్తుగా ఏమి చేయకుండా మౌనంగా ఉన్నారు. తెలం గాణ సాయుధ పోరాట చారిత్రక ఘటనలను పాఠ్యంశంలో చేర్పించాలి. కేవలం తమ పాలకపార్టీకి అనుకూలంగా ఉండే వారిని కీర్తించడం తగదు.
 

నిజాం పాలనను ఎంతో గొప్పదని,  అద్భుతమని పాలరక పార్టీ నేతలు ప్రశం సలతో ముంచెత్తుతున్నారు. డక్కన్ చరిత్రలో ని జాం పాలన సువర్ణాధ్యాయమని కితాబిస్తున్నారు. లౌకిక రాజ్యం కాదు, నిజాం అ త్యుత్తమ పాలకుడు ఏమీ కాదు. నిజాం కీర్తించడమంటే త్యా గాలు ప్రజా పోరాటాలు అర్థం లేనివే అవుతాయి. నిజాం ను పొగడడమంటే ముస్లీం, వైునార్టీ ఓట్లను దండుకోవడానికే దిగజారు రాజకీయాలు చేస్తున్నారు. అధికారం దేనిైకెనా దిగజానిందనడానికి నిదర్శనం. 

వీర తెలంగాణ విప్లవ సాయుధ పోరాటంలో తెలంగాణలోని అడుగడుగునా రక్తతర్పణం జరిగింది. త్యాగాల చిరునామా... ఊర్లూ ఏవైన కావచ్చు నిజాం నవాబు రజాకర్ల అల్లరి మూకల దాడులకు రక్తం వలకని ఊరంటూ ఏది లేదు. ఆంధ్ర మహాసభ పేరిట నిజాం పాలనకు వ్యతిరేకంగా మొదైలైంది. కమ్యూనిస్టులు నిజాం నిరంకుశ పాలనపై తిరగబడినారు. జనగామ, సూర్యపేట, చందుపట్ల, ఆకునూర్, మద్దూరు లద్దునూర్, తరిగొప్పల జగ్‌దేవ్‌పూర్ రేణికుంట ఆయా ప్రాంతాలలో భూస్వామ్య వ్యతిరేక పోరాటాలు ఉవ్వెత్తున ఎగిసిపడినాయి. పాలకుర్తిలో భూమి కోసం పంట కోసం చాకలి ఐలమ్మ నిర్వహించిన పోరాటం ప్రజలను కదిలించింది. ప్రజల పోరాటానికి ఆంధ్ర మహాసభ అండగా నిలిచింది. మాచిరెడ్డిపల్లి, ఆకునూరు, బైరాన్‌పల్లి గ్రామాలలో నిజాం సైనికులు స్త్రీలపై అమానుష అకృత్యాలకు పాల్పడినారు. తెలం గాణ ప్రజలు భూస్వాముల దొరల దౌర్జన్యాలకు వ్యతిరేకంగా జరిపిన పోరాటంలో విస్నూర్ దేశ్‌ముఖ్ రాంచంద్రారెడ్డికి వ్యతిరేకంగా కడివెండి ప్రజలు చేసిన పోరాటం చరిత్రాత్మకైవెునది. రాంచంద్రారెడ్డి తల్లి జానకమ్మది కడివెండి గ్రామం. ఆరుట్ల రాంచంద్రారెడ్డి కడివెండి గ్రామానికి వచ్చి సందేశం ఇచ్చారు. విసూనూర్ అమిన్ 1946 జూలై 2న తన బలగంతో కడివెండి దొరసాని గడికి వచ్చి మోహన్‌రెడ్డి నాయకత్వంలో గ్రామంలో జరిగిన ర్యాలీలో పాల్గొన దొడ్డి కొమురయ్య బృందంపై జూలై 4న విచక్షణ రహితంగా కాల్పులు జరిపారు. ఈ పోరాటంలోనే దారు ణ హత్యకు గురైన దొడ్డి కొమురయ్య తెలంగాణ తొలి అమరుడు. తెలంగాణ పల్లెలో నిద్రాణమై ఉన్న నిప్పును ప్రజ్వరిల్ల చేసింది. 1947 సెప్టెంబర్ 2న పరకాలలో 23 మంది తెలంగాణ అమరవీరులను కాల్చి చంపారు. 700 మంది క్షతగాత్రులయ్యారు. 

పరకాల చరిత్రలో మరో జలియ న్ వాలాబాగ్ ఘటనగా నిలిచిపోయింది. 1948 మార్చి 15న జనగామ తాలుకా కొడకండ్లపై రాక్షసత్వానికి నిలువు రూపైమెన విసూనూర్ దొర కొడుకు బాబు దొర సొంత గుండాలతో దాడిచేసి 30 మంది హత్యకు పాల్పడినారు. అదేరోజు ఖాసీంరజ్వీ షరీఫ్ నాయకత్వంలో 400 మంది నిజాం మిలటరీ రజాకర్లు చౌటుపల్లిని చుట్టుముట్టి 16 మందిని పట్టుకొని గడ్డివాముల్లో వేసి సజీవ దహనం చేసినారు. జనగామ సూర్యాపేట రోడ్డు బస్టాపు సమీపంలో తన భూమి విషయంలో కోర్టులో గెలిచి వస్తున్న షేక్ బందగీని గండ్రగొడ్డళ్ళు, కత్తులతో దాడిచేసి చంపేసినారు. 1946 ఆగస్టు 8న వరంగల్లు కోటలో బత్తిని మొగిలయ్య రజాకర్లు దాడిలో అమరుడయ్యాడు. నవంబర్ 18న కడివెండి యువకుడు సోమిరెడ్డిని దేవరుప్పలలో కాల్చి చంపారు. వడ్లకొండలో యాదగిరి నేలరాలినాడు. 1948 ఫిబ్రవరిలో కొలుకొండలో 15 మందిని కాల్చి చంపారు. 

ఎర్రగొల్లపాడు ఏడునూతుల, ఇప్పగూడం, బాంజిపేట, ఖిలాషాపూరం, అశ్వరావుపేట, వేలాది, చీటకోడూర్, వడ్లకొండ, పసరమడ్ల, సిద్దంకి, నర్సిట్ట, తరిగొప్పుల వందలాది మందిని పట్టుకుని చిత్రహింసలకు గురిచేసి కాల్చి చంపారు. పరకాల తాలూకా రంగాపూరంలో దళాలకు అన్నంపెడుతు న్నారని ముగ్గురిని చెట్లకు కట్టేసి కాల్చి చంపారు. 1947 అక్టోబర్ 5న వరంగల్లు తాలుకా అస్రప్‌పేటలో 25 మందిని కిష్టాజీగూడెంలో ఏడుగురిని తాటికొండలో నలుగురిని షోడషపల్లి, లింగంపల్లిలో ఇద్దరిని కాల్చి చంపారు. 1948 ఆగస్టు 27న మద్దురు మండలం బైరాన్‌పల్లిలో రజాకార్లు దాడిలో 96 మం ది నేలరాలినారు. నాటి రాజాకారుల దుర్మార్గాలకు ఆకృత్యాలకు ఆరాచకాలకు వ్యతిరేకంగా ఎదురొడ్డి పోరాడినటువంటి పోరాటల గడ్డ వీరబైరాన్‌పల్లి, వీర తెలంగాణ సాయుధ పోరాట పటిమ స్ఫూర్తితో అనేక ఉద్యమాలు ఎగిసిపడినాయి. నాటి తెలంగాణ సాయుధ పోరాట రగిలించిన పోరాట స్ఫూర్తియే నేటి ప్రత్యేక తెలంగాణ సాధన ఉద్యమం. విప్లవకర ఉద్యమం ప్రపంచ స్థాయి విప్లవ పోరాటాల దృష్టిలో పడింది. మహత్తర పోరాట చరిత్రను అమరుల త్యాగాలను చరిత్రలో బలహీనపరచడానికి నాటి నుంచి నేటి దాకా కుట్రలు, కుయుక్తులు జరుగుతూనే ఉన్నాయి. తెలంగాణ సాయుధ పోరాటం గురించి కమ్యూనిస్టులలో విప్లవ పార్టీలలో విభిన్నైమెన అభిప్రాయాలున్నవి. విలీనమా? విమోచనా? వి ముక్తా విప్లవ పార్టీలు మాత్రం తెలంగాణ విమోచనాన్ని విద్రోహంగా పాటిస్తారు. కమ్యూనిస్టు పార్టీలు మాత్రం తెలంగాణ సాయుధ పోరాట వారోత్సావాలను జరుపుతోంది. అధికారికం గా ప్రభుత్వమే చేయాలనుంటుంది. బీజేపీ మాత్రం మత ప్రచారంగా చేసుకుంటు తెలంగాణ విమోచన దినం సందర్భంగా రాష్ట్ర వ్యాప్తంగా ప్రభుత్వ కార్యాలయాలలోనూ జెండాలను ఏగరవేస్తోంది. తెలంగాణ విమోచనాన్ని అధికారికంగా నిర్వహించాలని బీజేపీ డిమాండ్ ఎప్పటి నుంచో ఉంది. తెలం గాణ స్వరాష్ట్రంలోైనెనా తెలంగాణ సాయుధ పోరాటంలో పాల్గొన్నటువంటి అమరవీరులకు సరిైయెన గుర్తింపు నివ్వాలని భావితరాలకు అమరుల చరిత్ర తెలిసేలా తెలుగులో ప్రభు త్వం చర్యలు తీసుకోవల్సింది. 

తెలంగాణలో కొత్తగా ఏర్పడే జిల్లాలకు తెలంగాణ సాయు ద పోరాట అమరవీరుల పేర్లతో ఏర్పాటు చేయాలి. ఓటు బ్యాంకు రాజకీయాల కోసం నిజాం నవాబును కీర్తించడం కాదు. వీర తెలంగాణ సాయుధ పోరాట చరిత్రను 4500 మంది అమరుల త్యాగాలను ప్రపంచవ్యాప్తంగా చాటి చెప్పా లి. నేటి వచ్చే భవిష్యత్తు తరాలకు తెలంగాణ సాయుధ పోరా టం ప్రజాస్వామిక పోరాటాలకు విప్లవాలకు మార్గదర్శకం లాంటిది. 

- దామరపల్లి నర్సింహ్మరెడ్డి
9581358696



జన‘పదాల’ జ్వాలాముఖి

Updated By ManamSun, 09/16/2018 - 01:17

image‘ఒక ఔన్సు కార్యచరణ టన్ను సిద్ధాంతంతో సరి తూగుతుంది’ అంటూ మహోపాధ్యాయుడు ఫ్రెడరిక్ ఎంగెల్స్ అన్న మాటలు విమలక్క విషయంలో అతికి నట్టు సరిపోతాయి. పురుషాధిక్య సమాజంలో 45 ఏళ్లుగా ప్రజలకోసం పాడుతూ, హక్కుల కోసం పోరాడు తున్న విమలక్క బహుముఖ విప్లవ కార్యాచరణ తెలుగు ప్రజలందరికీ తెలిసిందే. ఈ నాలుగున్నర దశాబ్దాల విప్లవ ప్రస్థానంలో భాగంగా 1996 నుంచి తెలంగాణ రాష్ట్ర సాధన కోసం క్రియాశీలంగా పోరాడు తూ కేసులను, జైళ్ళను చవిచూసిన ఏకైక మహిళ విమలక్క అని చెప్పడం అతిశయోక్తి కాదేమో. మను వాద భావజాలం జాతీయవాదంగా కత్తులు దూస్తు న్న సమయంలో ప్రత్యామ్నాయ ప్రజా సంస్కృతి గురించి ఆడుతూ, పాడుతూ, ఆటాపాటలను విశ్లేషి స్తూ ప్రజా కళాకారులు కవులంతా కలిసి సెప్టెంబర్ 16, 2018న సందరయ్య విజ్ఞాన కేంద్రంలో రోజంతా సమాలోచనలు జరుపుకోవడాన్ని అరుణోదయ స్వాగతిస్తోంది. 

తెలుగు నేలపై వీరోచిత శ్రీకాకుళ విప్లవ పోరాట ప్రభంజనం, చైనాలో సాంస్కృతిక విప్లవం, 1974లో  ఉస్మానియా విశ్వవిద్యాలయంలో అరుణోదయ పురు డు పోసుకుంది. దీనికి 10 ఏళ్ళ ముందు సుద్దాల హన్మంతు లాంటి ప్రజాకవులకు నెలవైన ఆలేరు ప్రాం తంలో 1964లోనే విమలక్క కమ్యూనిస్టు కుటుంబం లో జన్మించింది. తెలంగాణ సాయుధ రైతాంగ పోరాటంలో దళ కమాండర్‌గా, పనిచేసి విప్లవ క మ్యూనిస్టుగా కొనసాగుతున్న తండ్రి బండ్రు నర్సిం హులు వేలు పట్టుకొనిపోతూ వేదికలెక్కి పాడుతుంది. బాల్యంలోనే తియ్యని లేతగొంతుతో తమ ఇంటిని ఆనుకొని ఉన్న పొలంలో నాట్లేస్తున్న కూలక్కల నుం చి పాటలు నేర్చుకోవడానికి పోతూ నాట్లు కలుపులు అన్నీ విమలక్క నేర్చుకుంది. బహుజన పనిపాటల సంప్రదాయాన్ని ఒడిసిపట్టుకొని శ్రావ్యమైన గొంతు తో నవరసాలు పాడడం ఒక ఎత్తయితే, పాటకు ముందు సిగ్నేచర్ డ్యాన్స్ అరుణోదయ అందించిన గొప్ప చేర్పు అనవచ్చును. 1936లో అభ్యుదయ రచయితల సంఘం, ఇఫ్టాలతో మొదలైన ప్రజా సాహితీ-సాంస్కృతికోద్యమం సృష్టించిన ఒరవడిని విరసం, అరుణోదయ లాంటి సంస్థలు విప్లవాత్మ కంగా కొనసాగిస్తూనే ఉన్నాయి. ఈ క్రమంలో అరు ణోదయ సాంస్కృతిక సమ్యా, ప్రజా నాట్యమండలి, తెలంగాణ సాంస్కృతిక జనసమితి, తెలంగాణ ప్రజా నాట్యమండలి, తెలంగాణ సాంస్కృతిక కేంద్రం, నట రాజ్ అకాడమి తదితర సంస్థలు కలిసి నిర్వహిస్తున్న ఈ కార్యక్రమం ప్రత్యామ్నాయ ప్రజా సంస్కృతి నిర్మా ణం దిశగా అడుగులు వేయాలని ఆశిస్తున్నాం. 

కళ కళ కోసం కాదు ప్రజలకోసమని నమ్మి ఆచ రించిన తెలుగు బిడ్డలకు ఇక్కడ కొదువ లేదు. ఆ దిశ గా కత్తీ, కలము పట్టి రక్త తర్పణలు చేసిన, చేస్తున్న వాళ్ల త్యాగాలను ఈ నేల ఎన్నడూ మరువజాలదు. సంస్కృత చందోబద్ధ నియమాలను, రాజులకు అం కితమిచ్చే ఆనవాయితీని ఎదిరించి పాల్కురికి సోమ న్న సంప్రదాయాన్ని గరికపాటి రాజారావు, సుబ్బా రావు పాణిగ్రహిల వారసత్వాన్ని ఎత్తిపడ్తున్న సంస్థలు, వ్యక్తుల సమాహారంగా నేటి పరిస్థితిపై ఒక ఉమ్మడి అవగాహకు వచ్చి కర్తవ్య రచన జరగడం జరూరైన అంశమే. ఈ క్రమంలో విమలక్క పాత్రను బేరీజు వేసుకోవడం, ప్రజావిప్లవ సాం స్కృతిక ప్రస్థానాన్ని ప్రస్తావించు కోవలసిన అవసరం ఎంతైనా ఉంది. అందుకే ఈ వేదిక స్వాభా వికంగా వ్యక్తుల పాత్ర కంటే  వ్యవస్థాగతమైన అంశాలు నిర్వి హంచే ప్రాధాన్యత గలదని ఘం టాపథంగా ప్రకటించాల్సి ఉన్న ది. దాదాపు అరుణోదయ సంస్థ కున్నంత వయస్సు విమలక్క పాటకు ఉండడం, సంస్థతో పా టు ఆమె ఎదుగుతూ రావడాన్ని గర్వంగా స్వీకరిస్తున్నాం. తన చిన్నతనంలో ‘భూగోళం తిరుగు తుంది సిరిచుట్టూ / నీతి న్యాయం అంతా తీసికట్టు’ అంటూ ప్రారంభించిన పాట నుంచి, ‘దేశమెటు పోతుంది సోదరా/మనదేశమెటు పోతుంది సోదరా- నమో నమో నారాయణం/ నిండమునిగె దాక పారాయణం’ అనే వర్తమాన పాట దాకా దాదాపు అర్ధశతాబ్దపు సమాజపు గమనాన్ని పాటల్లో ఆవి ష్కరిస్తూ రావడం ప్రత్యేక అంశమనే చెప్పాలి. ఇదే ఆమెను బాలాడీర్‌గా నిలబెట్టింది. ఇంత సుదీర్ఘ కా లం గోసి, గొంగడి, గజ్జెలు, ఎర్రజెండా లాంటి ఒకే ఆహార్యం ప్రజల మన్ననలు పొందుతున్నదంటే దే శంలో గ్రామీణ జీవన ప్రాధాన్యత పాటల్లో విషయా నికి ఉన్న ప్రామ్యుతనే కారణమని చెప్పక తప్పదు.
 
పాటతో హావ భావాలను ప్రదర్శించడం, వాటికి నృత్యరీతులు జోడించి ప్రజారంజకంగా తీర్చితిద్దడం తో పాటు మహిళగా అనేక కళారూపాలు ప్రదర్శిస్తూనే వస్తుంది. తెలుగు నేలపై జరిగిన అనేక ప్రజా ఉద్యమా లను, విప్లవోద్యమం లేవనెత్తిన అంశాలను, దళిత - ప్రజాస్వా మికోద్యమాలలో వచ్చిన నూత న అంశాలను, ప్రతిబింబిస్తూ అరుణోదయ విమలక్క పాడుతూనే ఉంది. కారంచేడు, చుండూరు ఘోరాలను ఎలుగెత్తి పాడడంలోనే కాదు, చుండూరు దోషులను నిర్దోషులుగా పేర్కోన్న కోర్టు తీర్పును సవాల్ చేస్తూ అప్పటి కప్పుడు రూపొందిన ‘దళిత జన ధర్మాగ్రహం’ బ్యాలె కు అక్షర రూపమిచ్చి మరీ ప్రదర్శించారు. 1996లో ‘తెలంగాణం’ అనే తొలి క్యాసెట్‌తో ప్రారంభమైన రాసాధనోద్యమ కృషి మొత్తం ఉద్యమాన్నే పాటతో పరుగులు పెట్టించదని చెప్పడం అతిశయోక్తి కాదు.  తన బృంద సభ్యులతో పాటు అనేకసార్లు జైళ్ళపాలైంది. వందల, వేల యాత్రలతో ఆమె గొంతు నెత్తుటి పుండయి పోయినా రాసుకున్న వారిదే చరిత్ర అయింది. గద్దెనెక్కిన వాళ్ళే ఉద్యమకారులైనారు. అందుకోసం విమలక్క సుదీర్ఘ విప్లవ ప్రస్థానాన్ని చరిత్ర రికార్డులకెక్కించే కృషి ఇంకా జరగాల్సి ఉంది. 

భావాలతో భాషా హద్దులను దాటుకుంటూ కళిం గనగర్ మూడారి ఆదివాసి ఉద్యమాన్ని ఒడియా భాషలో అరుణోదయ పాటలు సిడి రూపంలో వెలువ డినాయి. బిహార్, ఢిల్లీ, ముంబాయి, కేరళ, కలకత్తా, పంజాబ్ అరుణోదయ పాట విమలక్క గొంతుగుండా ప్రవహిస్తూనే ఉంది.
అరుణోదయలో జనసాహితీ విలీనమైన తర్వాత ‘ప్రత్యామ్నాయ ప్రజా సంస్కృతి’ నిర్మాణానికి అది ప్రారంభించిన కృషి కొన్ని చీలికలతో ఆగిపోయింది. కొబ్బరిబోండాం, వేపపుల్లలను, నవధ్యానాలను, స హజ ఎరువులను, చిన్ననీటి పారుదలను జాతీయ ప్ర తీకలుగా, స్వావలంబన వ్యవసాయాన్ని సామ్రాజ్య వాద వ్యతిరేకంగా తీర్చిదిద్దుతూ విధ్వంసకర అభి వృద్ధి నమూనాపై, అనుద్పాదక మతమౌఢ్య ఆచారా లపై, శ్రామికులను చీల్చే కుల వ్యవస్థపై పోరాటం ఆర్ధిక, రాజకీయ అంశమే గాదు, సాంస్కృతిక అంశం గా కూడా భావించినపుడే ప్రజా ఉద్యమాలు విజయ తీరాలకు సాగుతాయి. హిట్లర్ సృష్టించిన మానవ హననమే, ఈనాడు మనదేశంలో హిందూ సాంస్కృ తిక జాతీయవాద ముసుగేసుకొని వస్తోంది. అది ప్ర శ్నించే గొంతులను అణచడానికి రక్తపాతాన్ని సృష్టి స్తూనే ఉంది. కేసులతో భయోత్పతాన్ని సృష్టిసున్నది. అందుకే ఒక విస్తృత ప్రజా సాంస్కృతిక వేదిక నిర్మా ణం ఆవశ్యకత మనముందు తక్షణ కర్తవ్యంగా ఉంది.  ప్రత్యామ్నాయ ప్రజా సంస్కృతి నిర్మాణంలో అవి ఇంకా ఏ పాత్ర పోషించాలో కలబోసుకుందాం రండి. 

- బైరాగి - మల్సూర్ 
(అరుణోదయ అధ్యక్ష, ప్రధాన కార్యదర్శులు)





Related News