kcr

కేఆర్ ఇచ్చిన హామీ ఏమైంది?: అమిత్ షా

Updated By ManamSat, 09/15/2018 - 12:57
  • అవకాశ రాజకీయాలతోనే ముందస్తు ఎన్నికలు కేసీఆర్

  • దళితుడిని సీఎంను చేస్తాన్న కేసీఆర్ హామీ ఏమైంది?

  • తెలంగాణలో అన్ని స్థానాల్లో బీజేపీ పోటీ

  • టీఆర్ఎస్ మళ్లీ గెలుస్తుందనుకోవడం లేదు

 BJP President Amit Shah Pressmeet in Hyderabad

హైదరాబాద్ :  ఒకే దేశం-ఒకే ఎన్నికలు అనేది తమ నాయకుడు నరేంద్ర మోదీ నినాదమని భారతీయ జనతా పార్టీ జాతీయాధ్యక్షుడు అమిత్ షా ఉటంకించారు. తెలంగాణలో అన్ని స్థానాల్లో బీజేపీ పోటీ చేస్తుందని ఆయన తెలిపారు. శనివారం హైదరాబాద్ చేరుకున్న అమిత్ షా బీజేపీ కార్యాలయంలో మీడియా సమావేశంలో మాట్లాడారు. ఈ సందర్భంగా టీఆర్ఎస్ అధ్యక్షుడు కేసీఆర్‌పై ఆయన పెద్ద ఎత్తున విమర్శనాస్త్రాలు ఎక్కుపెట్టారు. ఇచ్చిన మాటను నిలబెట్టుకోవడంలో కేసీఆర్ విఫలం అయ్యారని అమిత్ షా విమర్శించారు.

‘జమిలీ ఎన్నికలను కేసీఆర్ ముందు సమర్థించారు. అయితే ఆయన అకస్మాత్తుగా ముందస్తు ఎన్నికలకు వెళ్లారు. ప్రజలపై కోట్లాది రూపాయలు భారం ఎందుకు వేయాలనుకుంటున్నారు. కేసీఆర్ అవకాశవాద రాజకీయాలు చేయడం లేదా?. తన కుటుంబం కోసమే ఆయన ముందస్తు ఎన్నికలకు వెళుతున్నారు. తెలంగాణను మళ్లీ రజాకార్ల చేతిలో పెట్టాలనుకుంటున్నారా?

కుటుంబ రాజకీయాలకు బీజేపీ వ్యతిరేకం. కేసీఆర్ పాలన చూస్తుంటే టీఆర్ఎస్ మళ్లీ అధికారంలోకి వస్తుందనుకోవడం లేదు. దళితుడిని సీఎంను చేస్తానన్న కేసీఆర్ హామీ ఏమైంది?. 2014లో దళితుడే సీఎం అన్న కేసీఆర్ మాట ఏమైంది?.  2018లో అయినా దళిత సీఎం హామీ నిలబెట్టుకుంటారా?. డబుల్ బెడ్రూమ్ ఇళ్ల హామీ విషయంలోనూ కేసీఆర్ విఫలం అయ్యారు.

మూఢ నమ్మకాలతో సచివాలయానికి వెళ్లని సీఎం కేసీఆర్ ఒక్కరే. అలా చేయడం సబబేనా?. ఉస్మానియా, గాంధీ ఆస్పత్రులను ప్రపంచస్థాయికి చేరుస్తామన్న హామీ ఏమైంది? టీఆర్ఎస్ పాలనలో 4,500మంది రైతులు ఆత్మహత్యలు చేసుకున్నారు.. పంటకు మద్దతు ధర అడిగిన రైతులను ఖమ్మంలో అరెస్ట్ చేయించారు. అలాగే ఇసుక మాఫియా  ప్రశ్నిస్తే నేరెళ్లలో దళితుల్ని వేధించారు’ అని అమిత్ షా మండిపడ్డారు.



అసంతృప్తులు సల్లబడుతున్నరు

Updated By ManamSat, 09/15/2018 - 08:59
  • అధినేత హామీలతో మారుతున్న సీన్

  • ప్రచార వ్యూహంపై కేసీఆర్ సమాలోచనలు

  • తెరాసలో సద్దుమణుగుతున్న అసమ్మతులు

  • నియోజకవర్గాల్లో జోరందుకుంటున్న ప్రచారం

imageహైదరాబాద్: ముందస్తు ఎన్నికల ప్రచార వ్యూహ రచనలో ఆపద్ధర్మ ముఖ్యమంత్రి కేసీఆర్ బిజీబిజీగా ఉన్నారు. నియోజక వర్గాల వారీగా ప్రచార సరళిని ఖరారు చేస్తున్నారు. దీని కోసం ప్రత్యేక కార్యాచరణ రూపొందించబోతున్నారు. నియోజకవర్గాల్లో రాజకీయ పరిస్థితులు, బలం, బలహీనతలు, ప్రజాభిప్రాయం, అభ్యర్థుల గుణగణాలు, బలాబలాలు పరిగణనలోకి తీసుకొని ప్రచార వ్యూహాన్ని ఖరారు చేయనున్నారు. గత రెండు రోజులుగా తెరాస అభ్యర్ధులతో స్వయంగా మాట్లాడుతున్న ముఖ్యమంత్రి నియోజక వర్గాల్లో పార్టీ, ప్రతిపక్షాల పరిస్ధితిపై ఆరా తీస్తున్నారు. అసంతృప్తులతో మాట్లాడు తున్నారు. అత్యధికులైన అసంతృప్తులతో కేసీఆర్ ఇప్పటికే మాట్లాడారు. కొందరిని హైదరాబాద్‌కు పిలిపించుకొని నచ్చజెప్పారు. మరి కొందరికి స్వయంగా ఫోన్ చేసి పార్టీ నిర్ణయాలను వివరించారు. ముఖ్యమంత్రి స్వయంగా మాట్లాడటంతో పార్టీలో అసంతృప్తులు సద్దుమనుగుతున్నాయి.

నిన్నటి వరకు అసంతృప్తితో రగిలిపోయిన అత్యధికులైన ఆశావాహులు శుక్రవారం నుండి బరిలో ఉన్న అభ్యర్దికి మద్దతు ప్రకటిస్తున్నారు. పలు నియో జక వర్గాల్లో ప్రచారంలో పాల్గొనేందుకు సిద్దమయ్యారు. తెరాస అధ్యక్షులు కేసీఆర్ రోజుకు ఆరు గంటలకు పైగా అభ్యర్ధులు, అశావాహులు, అసంతృప్తివా దులతో మాట్లాడటం జరుగుతుందని తెరాస వర్గాలు తెలిపాయి. అందరిని విశ్వాసంలోకి తీసుకోవడం ద్వారా అశించిన విధంగా ఫలితాలు రాబట్టడానికి వ్యూహాత్మకంగా పావులు కదుపుతున్నారని తెలియచేశారు. మంత్రులు, కేటీఆర్, హరీశ్‌రావుతో పాటు రాజ్యసభ సభ్యులు సంతోష్ కూడా అసంతృప్తివాదులను బుజ్జగించడంలో చొరవ చూపారని తెలిపారు. ముఖ్యమంత్రి, మంత్రుల సూచనలతో అత్యధికులైన అసంతృప్తివాదులు, ఆశావాహులు సర్దుకు పోతున్నారని పార్టీ వర్గాలు తెలిపాయి. వారు సర్దుకుపోవడానికి అంగీకరించిన ందున  సమన్వయంతో ప్రచారం ముమ్మరం చేయాలని అభ్యర్ధులను ఆదేశిం చారు. తెరాస ప్రభుత్వ పథకాలే అభ్యర్ధులను గెలిపిస్తాయని, రాష్ట్రాభివృద్ధి, సంక్షేమ పథకాలను ప్రజలకు వివరించడంతో ఓటర్ల మద్దతు కూడగట్టుకోవా లని ముఖ్యమంత్రి సూచించారు.

 కాంగ్రెస్ కదలికలను కూడా ముఖ్యమంత్రి పసిగడుతున్నారు. కొన్ని నియోజక వర్గాల్లో కాంగ్రెస్ నుండి గట్టి పోటీ ఏర్పడే అవకాశం లేకపోలేదని పలువురు అభ్యర్ధులను హెచ్చరించారు. క్లిష్టమైన నియోజక వర్గాల్లో తాను స్వయంగా ప్రచార సభల్లో పాల్గొనడం జరుగుతుం దని హామీ ఇచ్చారు. మంత్రులు, సీనియర్ నాయకులు పోటీ చేస్తున్న నియోజ క వర్గాల్లో ప్రచారం ముమ్మరంగా, వ్యూహాత్మకంగా జరగలవసి ఉందన్నారు. కాంగ్రెస్ దిగ్గజాలను ఓడించడానికి తెరాస పరంగా చర్యలు తీసుకుంటున్న ప్పటికీ అభ్యర్ధులు నిరంతరం అప్రమత్తంగా ఉండాలన్నారు.  కొందరు తెరాస అభ్యర్ధులను ఓడించడానికి కాంగ్రెస్, ఇతర పక్షాలు కలిసికట్టుగా ప్రయత్నించే అవకాశాలు ఉన్నాయనే హెచ్చరికలు కూడా పలువురు అభ్యర్దులకు అందినట్లు తెలిసింది. పార్టీలో అంతర్గత పోరును నివారించడం, ప్రచార హోరును పెంచడం, ఇంటింటి ప్రచారం ముమ్మరంగా నిర్వహించడం, ప్రభుత్వ విజయాలు, కాంగ్రెస్ ప్రగతి నిరోధక చర్యలను ఎండగట్టడంలో పార్టీ నేతలు ముందుండాలని ముఖ్యమంత్రి సూచించారు.

 అభ్యర్ధుల వైఖరి కారణంగా కొంత మంది పార్టీ నాయకులు ప్రచారానికి దూరంగా ఉంటున్నారనే వాస్తవాలను గుర్తించాలని, అలాంటి వారిని దారికి తెచ్చుకొనడంతో ఆశించిన ఓట్లను పొందడానికి చర్యలు తీసుకోవాలని అభ్యర్ధులకు సూచించడం జరిగింది. స్టేషన్ ఘన్‌పూర్ అభ్యర్ధి రాజయ్య చెన్నూరు బరిలో ఉన్న అభ్యర్దికి మద్దతు కూడగట్టడంలో అసమ్మతివాదులను బుజ్జగించిన తీరు కూడా కొందరికి ఆదర్శం అని చెప్పుకుంటున్నారు. అన్ని నియోజక వర్గాల్లో ముందుగా పార్టీ శ్రేణులను కదిలించడం, ముఖ్యులను రంగంలోకి దింపడం, ప్రచారంలో అన్ని వర్గాలను భాగస్వామ్యం చేయడం అత్యంత ప్రధానం అని ముఖ్యమంత్రి సూచించినట్లు తెలిసింది. 



105 అభ్యర్థులకు కేసీఆర్ ఫోన్?

Updated By ManamFri, 09/14/2018 - 13:29

kcr phone call to party condidates

హైదరాబాద్ : టీఆర్ఎస్ అధ్యక్షుడు, అపద్ధర్మ ముఖ్యమంత్రి కేసీఆర్.... టికెట్లు కేటాయించిన 105 మంది అభ్యర్థులతో ఫోన్‌లో మాట్లాడారు. గురువారం సాయంత్రం ఆయన ఒక్కో అభ్యర్థితో నాలుగు నిమిషాలు పాటు ఫోన్‌లో మాట్లాడినట్లు తెలుస్తోంది. ముఖ్యంగా ఆయా నియోజకవర్గాల్లో ఓటర్ల నమోదుపై దృష్టి సారించాలని కేసీఆర్ ఈ సందర్భంగా సూచించినట్లు సమాచారం. 

అలాగే బూత్ కమిటీల నియామకాలతో పాటు, పార్టీ నేతలందరితో సమన్వయంతో పని చేసుకోవాలని గులాబీ బాస్ పేర్కొన్నట్లు తెలుస్తుంది. అలాగే ప్రచారన్ని ముమ్మరం చేయాలని సూచించడంతో పాటు,  ఆయా నియోజకవర్గాల్లో అసంతృప్తులను బుజ్జగించే బాధ్యత తామే తీసుకుంటామని కేసీఆర్... అభ్యర్థులకు భరోసా ఇచ్చినట్లు విశ్వసనీయ వర్గాల భోగట్టా. ఈ నెల 2వ తేదీన రంగారెడ్డి జిల్లా కొంగరకొలాన్ ‘ప్రగతి నివేదన సభ’లో కేసీఆర్ 105మంది అభ్యర్థులను ప్రకటించిన విషయం తెలిసిందే.



కేసీఆర్ నిర్ణయానికి కట్టుబడి ఉంటా: ఓదేలు

Updated By ManamFri, 09/14/2018 - 09:24

KCR, Odeluహైదరాబాద్: చెన్నూరు నియోజకవర్గం సీటు తనకు ఇవ్వకుండా బాల్క సుమన్‌కు ఇవ్వడంపై అలకబూనిన మాజీ ఎమ్మెల్యే నల్లాల ఓదేలు తాజాగా సీఎం కేసీఆర్‌ను కలిశారు. అనంతరం మాట్లాడిన ఓదేలు.. కేసీఆర్ మాటే తమకు శిరోధార్యమని.. పార్టీలో తనకు సముచిత స్థానం కల్పిస్తానని కేసీఆర్ హామీ ఇచ్చారని తెలిపారు. కేసీఆర్ ఆదేశాలకు, పార్టీ నిర్ణయానికి కట్టుబడి ఉంటానని పేర్కొన్నారు. 

కేసీఆర్‌తో కలిసి జీవిత కాలం పని చేస్తానని.. ప్రత్యేక పరిస్థితుల్లో ఆయన తీసుకున్న నిర్ణయానికి కట్టుబడి ఉంటానని చెప్పారు. ఈ విషయాన్ని నియోజకవర్గ ప్రజలు పెద్ద మనసుతో అర్థం చేసుకొని.. బాల్క సుమన్ గెలుపు కోసం పనిచేయాలని కోరారు. 



గవర్నర్‌తో కేసీఆర్ సమావేశం

Updated By ManamThu, 09/13/2018 - 17:33
kcr met governor narasimhan

హైదరాబాద్ : తెలంగాణ ఆపద్ధర్మ ముఖ్యమంత్రి కేసీఆర్ గురువారం తెలుగు రాష్ట్రాల ఉమ్మడి గవర్నర్ నరసింహన్‌తో భేటీ అయ్యారు. గురువారం  మధ్యాహ్నం రాజ్ భవన్‌లో ఈ సమావేశం జరిగింది. ఈ సందర్భంగా  గవర్నర్‌కు వినాయక చవితి శుభాకాంక్షలు తెలిపిన కేసీఆర్ ... రాష్ట్రంలోని తాజా పరిస్థితులపై ఆయనతో చర్చించారు. తెలంగాణలో శాసనసభ రద్దు అయిన తర్వాత గవర్నర్‌ను కేసీఆర్ కలవడం ఇదే తొలిసారి.



'మహాకూటమి.. మహావైఫల్యం తప్పదు'

Updated By ManamWed, 09/12/2018 - 21:17
  • తెలంగాణ భవన్‌లో మీడియా సమావేశం.. 

  • విపక్షాలపై మంత్రి జూపల్లి కృష్ణారావు ధ్వజం

Jupalli Krishnarao, Opposition parties, TRS party, KCR, Assembly elections, Massive allianceహైదరాబాద్: రానున్న ఎన్నికల్లో విపక్షాల మహాకూటమి మహా వైఫల్యం చెందబోతుందని మంత్రి జూపల్లి కృష్ణారావు జోస్యం చెప్పారు. రాష్ట్రం విశాల ప్రయోజనం కోసమే పొత్తులు కుదుర్చుకుంటున్నట్టు ప్రతిపక్షాలు ప్రకటించడం హాస్యాస్పదంగా ఉందన్నారు. బుధవారం తెలంగాణ భవన్‌లో ఏర్పాటు చేసిన మీడియా సమావేశంలో జూపల్లి మాట్లాడారు. ఈ సందర్భంగా జూపల్లి విపక్షాలపై తీవ్రస్థాయిలో విరుచకపడ్డారు. తెలంగాణ ఉద్యమం సందర్భంగా ఈ విశాల ప్రయోజనం ఎక్కడికి వెళ్ళింది ?  అని సూటిగా ప్రశ్న లేవనెత్తారు. కేవలం ఆపద్ధర్మ సీఎం కేసీఆర్‌ను గద్దె దించడం అనే అవకాశవాదం కోసం ఈ మహా కూటమి ఏర్పడుతుందని దుయ్యబట్టారు. ఉమ్మడి పాలమూరు జిల్లాలో మొత్తం 14 సీట్లు గెలవబోతున్నామని ధీమా వ్యక్తం చేశారు. తెలంగాణలో టీఆర్ఎస్ భారీ సంఖ్యలో సీట్లు గెలిచి మళ్ళీ అధికారంలోకి రాబోతోందని స్పష్టం చేశారు. సురేష్ రెడ్డి లాంటి వారు కాంగ్రెస్ టికెట్ ఖరారైనా దాన్ని కాదనుకుని టీఆర్ఎస్‌లో చేరారని జూపల్లి ప్రశంసించారు. 

వనపర్తిలో కాంగ్రెస్ నేత చిన్నారెడ్డి తాను ఘోరంగా ఓటమి పాలవుతున్నట్టు కార్యకర్తలతో అంటున్నారని, తనకు కాకుండా కాంగ్రెస్ టికెట్ వేరే వారికిచ్చినా బాగుండు అని చిన్నారెడ్డి అంటున్నారని మంత్రి జూపల్లి చెప్పారు. వనపర్తిలో ఈసారి నిరంజన్ రెడ్డి గెలవడం ఖాయమని తేల్చిచెప్పారు. టీఆర్ఎస్‌ను మహా కూటమి, ఏ మాయల కూటమి ఏం చేయలేదన్నారు. పాలమూరు రంగారెడ్డి ప్రాజెక్టుని అడ్డుకుంటున్న చంద్రబాబు పార్టీని మహబూబ్ నగర్‌లో తరిమి కొడతారన్నారు. విజయవాడలో పాలమూరు రంగారెడ్డికి వ్యతిరేకంగా తీర్మానం చేసిన బాబు పార్టీకి మహబూబ్ నగర్‌లో స్థానం లేదన్నారు. ఓట్లు అడిగేందుకు టీడీపీకి ఆ పార్టీతో కలుస్తున్న కాంగ్రెస్‌పై నిప్పులు చెరిగారు. ఎవరినో భయపెట్టి టీఆర్ఎస్ గెలవాలనుకోవట్లేదని, గతంలో ఉన్న ప్రభుత్వాలు భయ పెట్టినా ప్రజలు భయపడ లేదని, తెలంగాణ వాదానికే ఓటు వేశారని మంత్రి జూపల్లి స్పష్టం చేశారు. 



'టీఆర్ఎస్ కావాలో తేల్చుకునే సమయం..' 

Updated By ManamWed, 09/12/2018 - 18:08
  • తెలంగాణను అడ్డుకున్న శక్తులు ఒక్కటయ్యాయని విమర్శ

  • కొండగట్టు కారణంగా కేసీఆర్ రాలేకపోయారు... 

TRS-KTR, option, people, KCR, TRS party, Uttam kumar reddy, Congress party, Chandrababu naidu హైదరాబాద్: తెలంగాణలో ముందస్తు ఎన్నికల దృష్ట్యా రాష్ట్రంలోని పలు రాజకీయ పార్టీల మధ్య మాటల యుద్ధం నడుస్తోంది. రాష్ట్రంలో అధికారం దక్కించుకునేందుకు విపక్షాలు ఇప్పటికే కసరత్తును ప్రారంభించాయి. కాంగ్రెస్‌లో నుంచి టీఆర్ఎస్‌లోకి.. టీఆర్ఎస్ నుంచి కాంగ్రెస్‌లోకి వలసల పర్వం కొనసాగుతోంది. ఈ నేపథ్యంలో బుధవారం హైదరాబాద్‌లో ఏర్పాటు చేసిన సమావేశంలో మంత్రి కేటీఆర్ పాల్గొన్నారు. ఈ సందర్భంగా ఆయన మాట్లాడుతూ.. ముదిగొండ, బషిర్‌బాగ్‌లు ఒక్కటయ్యాయని వ్యాఖ్యానించారు. తెలంగాణను అడ్డుకున్న టీపీసీసీ చీఫ్ ఉత్తమ్ కుమార్ రెడ్డి, టీడీపీ జాతీయ అధ్యక్షుడు ఏపీ సీఎం చంద్రబాబు ఒక్కటయ్యారని కేటీఆర్ విమర్శించారు. ఓ స్పష్టమైన ప్రత్యామ్నాయం ప్రజల ముందుందని, ఇద్దరిని ఒకే దెబ్బతో కొట్టే అవకాశం లభించిందన్నారు. 60ఏళ్లుగా రాబందుల్లా ప్రజలను పీక్కుతున్న వాళ్లు కావాలా.. రైతుబంధుగా నిలిచిన టీఆర్ఎస్‌ కావాలో తేల్చుకునే సమయం వచ్చిందని కేటీఆర్ చెప్పారు. గడ్డం పెంచుకున్న ప్రతీ ఒక్కరూ గబ్బర్‌సింగ్‌లు కాలేరని దుయ్యబట్టారు. 

రాష్ట్రాన్ని అంధకారంలోకి నెట్టిన పార్టీలు ఒకవైపు.. 24 గంటల కరెంట్ ఇచ్చిన పార్టీ మరోవైపు ఉందని తెలిపారు. అపవిత్ర, నీచమైన పొత్తుతో ప్రజలకు ఓ మంచి అవకాశం లభించిందని చెప్పారు. తాగునీరు ఇవ్వకుండా చేసిన టీడీపీ, కాంగ్రెస్ ఇప్పుడు ఒక్కటయ్యాయాని, ఎన్టీఆర్ ఆశయాలకు తూట్లు పొడిచారని ధ్వజమెత్తారు. కరెంట్ ఇవ్వకుండా తెలంగాణ రైతుల్ని ముంచిన ఇద్దరు ఒక్కటవుతున్నారని విమర్శలు గుప్పించారు. కొండగట్టు ఘటన కారణంగా ఆపద్ధర్మ ముఖ్యమంత్రి కేసీఆర్ సభకు రాలేకపోయారని చెప్పారు. కాలంతో పోటీ పడుతూ కాళేశ్వరం పూర్తి చేస్తున్నామని చెప్పారు. జీహెచ్ఎంసీ ఎన్నికల్లో సెంచరీకి అడుగుదూరంలో నిలిచామన్నారు. కార్పొరేటర్ ఝాన్సీ రాకతో సెంచరీ కొట్టామని కేటీఆర్ స్పష్టం చేశారు.



'జగ్గారెడ్డి చరిత్ర తెలుసు.. కేసీఆర్ సంగతేంటి?'

Updated By ManamWed, 09/12/2018 - 15:40
  • చంచలగూడ జైల్లో జగ్గారెడ్డిని కలిసిన భార్య నిర్మలారెడ్డి 

Jaggareddy, Nirmala reddy, KCR, Sangareddy former mla   సంగారెడ్డి: సంగారెడ్డి మాజీ ఎమ్మెల్యే జగ్గారెడ్డిపై తప్పుడు కేసులు పెట్టారని ఆయన భార్య నిర్మలారెడ్డి ఆరోపించారు. బుధవారం చంచలగూడ జైల్లో జగ్గారెడ్డిని ఆయన భార్య నిర్మలా రెడ్డి కలిశారు. చంచల్‌గూడ జైల్లో జగ్గారెడ్డితో ఆయన భార్య నిర్మలారెడ్డి ములాఖత్ ఏర్పాటు చేశారు. అనంతరం ఆమె మీడియాతో మాట్లాడుతూ.. జగ్గారెడ్డి చరిత్ర అంటే అందరికి తెలుసునని, కేసీఆర్ చరిత్ర అంటే ఏంటో కూడా అందరికి తెలుసునని మండిపడ్డారు. జగ్గారెడ్డిని తప్పుడు కేసులో ఇరికించారనేందుకు తమ వద్ద సాక్ష్యాలు ఉన్నట్టు తెలిపారు. అధికార దాహంతో కేసీఆర్ చేస్తున్న పనుల్ని తెలంగాణ సమాజం గమనిస్తూనే ఉందని విమర్శించారు. కేసీఆర్, హరీశ్‌లను ఎందుకు అరెస్ట్ చేయడం లేదని నిర్మలారెడ్డి ప్రశ్నించారు. 

కాగా, సంగారెడ్డి కాంగ్రెస్ మైనార్టీ సభకు పోలీసుల అనుమతి లభించింది. సాయంత్రం 6 గంటలకు మదీనా చౌక్‌లో కాంగ్రెస్ మైనార్టీ సభ జరుగనుంది. సాయంత్రం 5 గంటలకు వెంకటేశ్వర స్వామి గుడి నుంచి ర్యాలీగా బయల్దేరనున్నారు. ఈ సభకు టీపీసీసీ అధ్యక్షులు ఉత్తమ్ కుమార్ రెడ్డి, షబ్బీర్ అలీ, ఇతర నేతలు హాజరుకానున్నారు. జగ్గారెడ్డి అరెస్ట్ నేపథ్యంలో సంగారెడ్డి మైనార్టీ సభకు ప్రాధాన్యం సంతరించుకుంది. 



ధర్మ సూక్ష్మ మెరిగిన పాలకుడు...

Updated By ManamWed, 09/12/2018 - 00:32

image‘ధర్మము ధర్మమటంచు వితండ వితర్కము లాడదేలా... ఆ మర్మము మీమెరుంగమే అణు మాత్రము సందియమేలా..’

యేందిర సత్తి... పద్యాలు పాడుతున్న వియ్యాల
యేంలేదన్నా... రామాంజనేయ యుద్దం అనే పౌరాణిక నాటకంల పద్యమిది. 
యేందిర అండ్ల అర్తం..బిత్తిరోడ..అయినా ఆ పద్యమెందుకురా ఇప్పుడు.?
నీకేం సోయుండదు.. చెప్తినన్న.

రాముడేమంటడంటే.. ‘ధర్మము ధర్మము అంటూ ధర్మమూర్తినయిన నాతోనే వితండ వా దాలు చేయడం సరికాదుimage ఆంజనేయా... ధర్మం యొక్క మర్మం దానిలోతు దాని తాత్పర్యం నాకు తెలువది అనుకోకు ..యేది యెప్పుడు చేయాల్నో యేది యెప్పుడు చేయకూడదో నాకు పూర్తిగా అవగాహనున్నది.. నీకు అనుమాత్రం గూడా అనుమానం అక్కరలేదు... నిశ్చింతగా వుండి నీను చెప్పినపనిచేయి..’ అంటూ ఆంజనేయునికి బుద్దులు చెప్తడు శ్రీరాముడు.

అవునురా... మరి ఇప్పుడెందుకురా ఆ ముచ్చెట... ఆ పద్యం.?
అదే అన్నా... ఇపుడు తెలంగాణలో కూడా ధర్మమేందో అధర్మమేందో తెలుసుకోలేని ఆంజనేయునివంటి ఆంధ్రా మేధావులు ఎక్కువయిన్రే.

అయిందానికి కానిదానికి రంధ్రాన్వేషణ చేసే కోతులు ఆడోటి ఈడోటి మోపయినయి. ఈ మేధావి కోతులు (ఆంజనేయునికి పర్యాయ పదం) తెలంగాణల చీమ చిటుక్కుమంటే... అధర్మరాగాలాపన మొదలు పెడుతున్నయి. పొం తన లేని పోలికలను ముందుకు తెచ్చి సగత దోపిడీ వలస పాలనకు నేటి తెలంగాణ ఆదర్శ వంతమైన పాలనకు లింకుపెట్టేందుకు ఆత్రపడు తున్నయి.
నీ కాల్మొక్తరా... సత్తీ... నాకు వొక్క ముక్క అర్థం కావట్లే... నీ ధర్మమేందో అధర్మమేందో.. ఆపద్ధర్మమేందో..
వూకో అన్న... యేం సదువుతవే పేపర్లు.. వుకెనే పైపైన సదువుడు కాదు... ఎడిట్ పేజీలు సదువవా.. లోపలగూడ సదువాలె. 

ఆపద్దర్మంలోనూ అధర్మ పాలనే అంటూ వో పత్రికలో వో సీనియర్ జర్నలిస్టు వ్యాసం పేరు తో తన అక్కసు కక్కిండు తెలంగాణ ముఖ్య మంత్రి మీద.. సూశినవా (మంగళవారం, సాక్షి ఎడిట్ పేజీలో ఏబీకే వ్యాసం..).
సూడలేరా సూస్త...యేమన్నర్రా అండ్ల..?
ముందుగాల సదువు... అయిటంక మాట్లా డుదాంగని
అవును కదరా... నెరీ గింత గోరంగ రాస్తార్రా... గా పెద్దమనిషి..
అవునన్నా.. యెట్లయిన మా చేతిల పెన్ను న్నదని యేది బడితె అది రాస్తే వుకుంటమా.. ప్రజాస్వామ్యంలో ప్రతివొక్కరికీ మాట్లాడే స్వేచ్చ వుంటది... భావస్వేచ్చ పేరుతో ఇష్టం వచ్చినట్లు తెలంగాణల కుప్పిగంతలు వేస్తమంటే వూకునే పరిస్తితిలో తెలంగాణ సమాజం లేదు. తెలంగా ణను ఎప్పుడు ఎట్లా నడిపించాల్నో ఎప్పుడు ఎన్నికలకు పోవాల్నో.. ముఖ్యమంత్రి కేసీయార్ కు తెలుసు..యేది ధర్మమో ఆపద్దర్మమో, ధర్మం లోని మర్మమేందో... తెలంగాణ వ్యతిరేకులు ద్రోహులతో చెప్పించుకునే పరిస్తితిలో తెలంగాణ కానీ కేసీయార్ కానీ లేరనే సంగతిని ఈ ఆంధ్రా పక్షపాత అధర్మమేధావులు తెలుసుకోవాల్సిన అక్కెరున్నది.

అవున్రా సత్తీ... కరెక్టు చెప్పినవుర. కనీ ఆ యన వో సీనియర్ జర్నలిస్టు కార్ర..అట్లనొద్దు రా..
సీనియర్ యేంది గీనియరేంది.. యెవలయి నాకేంది..ఆయన యేం రాసిండో సదువినంక కూడా యెందుకు యెనుకేసుకొస్తున్నవ్ నీ అసొం టోల్లతోనే గింతకాడికొస్తాంది... సీనియరయితే ఇష్టం వున్నట్టు ఎట్ల రాస్తడు.? ఆయన యేం రా సిండో యెందుకు రాసిండో  తెలంగాణ మీద, కేసీయార్ మీద విషం గక్కిండనే సంగతిని ఆయ న గురించి తెలిసిన ప్రతి తెలంగాణ బిడ్డ అల్కగ పసిగడుతడు.

అవున్రా...సత్తీ.. ఎంత గలీజుగ రాసిండే మిరా...ఆపద్ధర్మంలోనూ అధర్మపాలనే నం ట... ఈనెకు అప్పటికే కనపడ్డ అధ ర్మమేందో ఆయన చేసే రంధ్రా న్వేషణ యేందో ... కలం చేతులున్నదిగద అని యేది పడితే అది రాస్తే వూకోరు జనం అనే సంగతి తెలు సుకో వాలెరా.. ఆ పెద్ద మనిషి.. గూడ జర ఆలోచించి రాయనుండె
అందికేనే అన్నా నీ ను అనేది...మంటికైనా ఇంటోడే కావాలె..అని. మం చయినా చెడయినా మాట్లాడు కోవడానికి తెలంగాణ హృదయం కా వాలె. 

ఆరి సత్తీ నిజమేనేమిరో....రానురాను మేధా వి ముసుగున ఆంద్రా పక్షపాతం జోరందు కుంటున్నదిరో... మనం వీటికి ఎప్పటికప్పుడు అడ్డుకట్ట వేయకపోతే ఆగమాగం చేసే ప్రమాద మున్నదిరో..
నీను ఎప్పటినుంచో చెప్తాన మీరింటరా.. పోరా బిత్తిరోడా అని అదురగొడుతరు.. నన్ను.. ఈ నొక్కలేనా..? యెంతమంది యెన్నితీర్ల పొద్దు గాల లేసి టీవీల కాడ కూసోని వొర్లుతాన్రో తెలుస్తలేదా.? వొకాయినె అంటడు టీవీల కూసో ని.. ప్రభుత్వాన్ని రద్దు చేసినంకనట రాష్ర్టపతి పాలన చేయమని చెప్పేదుండెనట కేసీయార్ సారు. ఆయన ముఖ్యమంత్రిగా కొనసాగకుంట రాష్ర్టపతి పాలన పెట్టున్రి.. అని గవర్నర్‌కు చెప్పి వుంటె బాగుండునట...అట్ల చెప్పితే తెలంగాణల ప్రజాస్వామ్యం నిలవడేదట. 
యేందీ.. తెలంగాణల రాష్ర్టపతి పాలన వస్తె ప్రజాస్వామ్యం నిలవడుతదా... యెవల్రా అంతలావు మోతెవరి. ఆ మేధావి తలకాయ కనవడ్డదాచర్చల మాట్లాడుతున్నప్పుడు. లేకుంటె ఆయన మోకాల్లు చూయించిన్రా టీవీ చాన లోల్లు.

అవుపడ్డదే తలకాయే.. వున్నది వున్నది
మరి అట్లెట్ల మాట్లాడిండురా...యేం పేరో అంటివి ఆయనది
అదేందో పార్టీ .. జోక్ సత్తా అని వుండెగా ఎనుకటికి. అండ్లో రొండో లీడరుండె సూడు ఆయనపేరేందో వుండె.. పటారో పుటారో సుతా రో యేందో ఆయన పేరు యెవలికి యాదికున్న దిగని.. ఫుల్లు చేతులంగి పైకి మల్సుకుంటడు సూడు గాయిన.  యేందేందో మాట్లాడుతాండు అడ్డగోలుగ ఆంధ్రా చానలు చర్చల కూసోని..పొద్దుగాల పొద్దుగాల
ఎక్కడి కతరా సత్తీ వీల్లతోని.. యెవడెవడె వడో యేదిపడితె అది మాట్లాడుకుంట రాసు కుంట మోపయిన్రు హైద్రాబాద్ల..
ఆ మరి వుకెనే వొదిలిపెడుతరు అనుకున్న వా.. ఆల్లు మనల. ఎటుదిరిగి సందుకోసం సూస్తాన్రు. యెప్పుడు దొరుకుద్దిరా యెట్ల అందు కుందాని తెలంగాణను.. ఎట్లాగం చేద్దామని...గీ కేసీఆర్‌ను వొక్కన్ని వోడగొడితె సాలు.. ఇగ యెవలొచ్చినా హైద్రాబాద్ మన కంట్రోల్లనే వుం టది అనే ప్లానేత్తాండ్రు ఆంధ్రా నాయకులు ఛాన ల్లు కలిపి.

అవున్రా... సత్తీ.. వొక్కడన్న మాట్లాడుతా న్రార...టిడిపీ కాంగ్రేస్ పార్టీ పొత్తుల మీద. దు ర్మార్గపు పొత్తులమీద వాల్ల అనైతిక సిద్దాంతాల మీద వొక్కడంటే వొక్క ఆంధ్రా మేధావి రాజ కీయ నాయకులు మాట్లాడుతాం లేరు.. వీల్ల పె న్నుల్ల ఇంకులు వొడిసిపోయినాయిర..వాల్ల పత్తు లు ఇరిగిపోయినాయిర. అదే తెలంగాణ మీదన యితే కోడిగుడ్డు మీద ఈకెలుపీకుదానికి రడి అంటరు.
యే వూకోవె అన్నా...వొర్లి వొర్లి వాడుబాయె వొండుక తిని వీడు పాయె అన్నట్టు...మీరింట్లె కూసోని వొర్లుతనే వుంటరు ఆల్లు బజార్లకెక్కి తెలంగాణను బదునాం చేస్తనే వుంటరు.

మరి యేం జేయమంటవురా..
యేం చేసేదేంది అన్నా... ఇటువంటి కీలక సమయంలోనన్నా బయటపడాలెకదా మన మే ధావులు.. ఎక్కడికక్కడ రౌండుటేబుల్ సమా వే శాలు పెట్టి యీ ఆంధ్రా మేధావులు జర్నలి స్టు లు రాజకీయ నాయకుల కుట్రలను తిప్పికొట్టా లె గద. వీల్లు, రాతల ముసుగున చర్చల ముసు గున తెలంగాణ ప్రజలను గందరగోళ పరిచే కు యుక్తులకు కౌంటరియ్యాలె గద. మనోల్లందరి తోని రోజు పేపర్లు సదివిపిచ్చి ఆంధ్రా థాట్ పోలీసింగు రాతల దాడులను ఎప్పటికప్పుడు తిప్పికొట్టాలెగద. అన్నీ కేసీయార్ సారు మీద నే యేసి కూసంటమా.? తెలంగాణ ఉద్య మంల ఎట్ల కొట్టాడినం.. ఎవలిసక్కిన వా ల్లం. ఆయన చేత్తడు ఈనే చేత్తడు అని ఎదిరిచూసినమా..? తెలంగాణ రాంగనే అయి పోయిందా... దాన్ని నిలవెట్టుకోవద్దా.? నాలు గేండ్లు కాలే యేమిట్లెకేమయిందని...అప్పుడే యేం పంచకపోయిన్రని బెల్లపప్పలు..యిగలేదా ముందుముందు సైమం. మనం కాకపోతే యిం కెవడన్న వత్తాండా పోటీకి. అరువయేండ్ల సంది మంది యేసుకపోతే యేంలేదుగాని నాలుగేండ్లకే హైబతైబతి అయితున్నరు నాగ్గావాలె నాగ్గావాలె అని మన మేధావులు రాజకీయ నాయకులు.

ఆపురా నాయిన నీ పాటం చెప్పుడు... ఇప్పు డు ఎవలు కాదన్నర్రా నిన్ను. యెవలు చేత్తలేరు పని..వస్తరు వస్తరు ఆగు జర వోపిక పట్టు..
యే వూకో అన్న... వోపిక పట్టకుంటె యెట న్న వురుకుతున్నమా..వున్న ముచ్చెటే అంటాన. అదే ఆంధ్రోల్లయితే యెట్లుందురు వొక్కతాటి మీద. మనోల్లకేమొచ్చింది? అయినా.. ఈ మేధా వులతోని వూదుగాలదు పీరి లేవదు.. తెలంగాణ ప్రజలు కేసీయార్ సారు యెంటున్నరు... ఆల్లకు అన్నీ యెరుకేతీయ్.
మరింకేందిర....నువ్వన్నట్టు రేపు ఎన్నికల్ల బంపరు మెజారిటీతోని గెలిసి, యిప్పటోలిగనే కేసీయార్ సారు మల్లొక్క ఐదేండ్లు జర గట్టిగ అనుకోని తెలంగాణను నడిపిండనుకో..యిగ అ న్ని సదురుకుంటయి యెక్కడియక్కడ. అటు అభివృద్ధి పథకాలు ఇటు సంక్షేమ పథకాలు అన్నీగూడ గాడిలపడుతయి. ఇప్పుడిప్పుడే పూలు పూసి పిందలేస్తున్న వందల తీర్ల పథకాలు.. కా యలు కాసి ఫలాలుగ మారి తెలంగాణ జనా లకు అందుడు మొదలయితయి. 

ఇగ..సాగునీటి ప్రాజెక్టుల నీల్లతోని పల్లెలన్ని పచ్చబడుతయి. పల్లెజనాలకు చేతినిండ పని. ఇంతలకే విద్యా వైద్యం మస్తు బాగయితయి. వూల్లల్ల తాగునీరు రోడ్లు కరెంటు ట్రాన్స్ఫోర్టు అన్ని తీర్ల మౌలిక సదుపాయాలు అందుబాటుల కొస్తయి. మన పిలాన్లకు కొలువులు ఉపాధి హామీ దొరుకుద్ది. ఇంక సూర్రాదు యేమేమి చేత్తడో కేసీయార్ సారు..బ్రమ్మాండంగ బంగారి తెలంగాణను తీర్చి దిద్దుతడు..సూడు.
అవున్రా సత్తి... తెలంగాణకు మంచి చేయా లనేదే కేసీయార్ సారుకు లక్ష్యం తప్ప యింకోటి యేముంటదిరా.. మనం సూత్తలేమా ఇరువయేం డ్ల సంది.. యెంత కష్టం చేసిండో.
అన్నా వొక డౌటనుమానం నాకు..

యేందిర సత్తి..?
వొక్కపాలే వో పదేండ్లు ..ఎన్నికలు లేవు గిన్నికలు లేవు..సారుకే తెలంగాణను అప్పజెప్పే చట్టం లేదానె మనతాన.
లేదురా..ప్రతి ఐదేండ్లకోపాలి ఎన్నికలు జ రుపాల్సిందే.. ఎందుకురా అట్లంటివి.?
యేంలేదే...వో పని మీద పడిపోతున్నడు సారు. నడుమ నడుమ గియన్నీ డిస్టబెన్సు ఎందుకు.. టైం వేస్టు కదా.. అటు అభివృద్ది సూ స్కోవాల్నాయె.. ఇటు రాజకీయాలు చేయాల్నా యె..నడుమ నడుమ మనసొంటి మేధావుల లొల్లి..గియన్ని ఎందుకే పరేషాను.. సారు కావట్టి చేయగలుగుతాండు గని యింకోలింకోలింకో లయితే కండ్లు తేలేసి కాడెత్తేసి వురుకుదురు..ఈ పతిపకచ్చాలు ఆంధ్రా పచ్చాలతోటి యేగలేక..
అవున్రా సత్తీ..కేసీయార్ సారుకు ధర్మం యెరుకే రాజధర్మం యెరుకే...ధర్మంలోని మర్మం అందులోని సూక్ష్మం లోతు తాత్పర్యం అన్ని యె రుకే...నాడు భారతంల శ్రీకృష్ణుడు ఎట్లయితే ధర్మాన్ని గెలిపించడానికి కష్టాలుపడి కత నడిపిం డో సేమ్ టు సేమ్ అట్లనే తెలంగాణల ప్రభు త్వాన్ని రాజకీయాన్ని నడుపుకుంట వత్తాండు. శత్రువులకు తంతె గుద్దినట్టయితాంది. 

అవున్నన్నా...ప్రభుత్వాన్ని రద్దు చేసినప్పుడు యేందో అనుకున్న గానీ..అందుల ఇంత ధర్మ సూక్ష్మం దాగివుందని నీనుసుత అనుకోలేదే. ఇప్పుడర్తమైంది నాకు..తన నిర్ణయం తెలం గాణకు యెంతో మేలు చేస్తది నామాట వద్దమైతే సూడు నువ్వు రేపటినాడు.
అంతే నంటవార
అంతేనే..

- రమేశ్ హజారి
9390919090



'అన్ని పార్టీలు ఏకమైతే కేసీఆర్ కనుమరుగు'

Updated By ManamSun, 09/09/2018 - 17:33

V Hanumanth rao, VH, KCR, TRS govt, Bharath bandhహైదరాబాద్‌: అన్ని పార్టీలు ఏకమైతే కేసీఆర్ కనుమరుగు కావడం ఖాయమని కాంగ్రెస్ సీనియర్ నేత వి.హనుమంతరావు అన్నారు. కేసీఆర్‌పై ప్రజల్లో తీవ్ర వ్యతిరేకత ఉందని విమర్శించారు. ఆదివారం ఆయన మీడియాతో మాట్లాడుతూ.. రాష్ట్రంలో సెటిలర్లకు భరోసా ఇవ్వాల్సిన అవసరం ఉందన్నారు. హైదరాబాద్‌తో పాటు తెలంగాణలోని అన్ని జిల్లాల్లో ఈ నెల 10న చేపట్టనున్న భారత్‌ బంద్‌లో నిరసన తెలపాలని వీహెచ్ పార్టీ శ్రేణులకు పిలుపునిచ్చారు.

ఉద్యోగులు, వ్యాపారులు సహా అన్ని వర్గాల ప్రజలు సహకరించి బంద్‌‌ విజయవంతం చేయాలని కోరారు. సోమవారం సాయంత్రం వరకు బస్సులు తిప్పితే తీవ్ర పరిణామాలు ఉంటాయని ఆయన హెచ్చరించారు. శాంతిభద్రతల సమస్య వస్తే ప్రభుత్వానిదే బాధ్యతగా పేర్కొన్నారు. అక్బరుద్దీన్ వ్యాఖ్యలకు భయపడిన కేసీఆర్.. ఎంఐఎం అధ్యక్షుడు అసదుద్దీన్‌ ఓవైసీతో మళ్లీ రాష్ట్ర సీఎం కేసీఆరే అవుతారని చెప్పించారని విమర్శించారు. 





Related News