farmers

నాగం జనార్ధన్ రెడ్డికి చుక్కెదురు

Updated By ManamSun, 11/11/2018 - 20:50

నాగంను నిలదీసిన రైతులు.. రైతన్నపై నాగం ఆగ్రహం

Farmers, Nagam Janardhan Reddy, Election campaign, Congress leaderనాగర్ కర్నూల్: కాంగ్రెస్ పార్టీ నేత నాగం జనార్ధన్ రెడ్డికి చుక్కెదురైంది. బిజినేపల్లి వడ్డెమాన్ గ్రామంలో ఆదివారం ఎన్నికల ప్రచారానికి నాగం వెళ్లారు. అక్కడి రైతులు నాగంను గట్టిగా నిలదీశారు. నువ్వు ఇప్పుడొచ్చి 24 గంటల కరెంట్ కట్ చేసేలా చేయొద్దంటూ ఓ రైతు నాగంను నిలదీశాడు. తెలంగాణలో కాంగ్రెస్ పార్టీని బొంద పెట్టాలని తిట్టి ఇప్పుడు అదే పార్టీలోకి ఎలా వచ్చావని మరో రైతు నాగంను ప్రశ్నించాడు.

రైతులు నిలదీయడంతో నాగం వారిపై ఆగ్రహం వ్యక్తం చేశాడు. దాంతో రైతులంతా ఒకటై నాగంను గ్రామంలోకి రానీయకుండా నిరసన వ్యక్తం చేశారు. రైతుల నిరసనతో చేసేది ఏమిలేక నాగం తన ప్రచారాన్ని ముగించుకొని వెళ్లిపోయారు. 



డిసెంబర్‌లో పెట్టుబడి పైకం

Updated By ManamMon, 10/15/2018 - 06:28
  • నవంబర్ చివరి నాటికి ఖాతాల సేకరణ పూర్తి

  • మందకొడిగా సాగుతున్న ‘బ్యాంకు అకౌంట్లు’..

  • ఒక్కో ఏఈఓ రోజుకు 60 మంది వివరాల సేకరణ

farmers​​​​​​​హైదరాబాద్: తెలంగాణ రాష్ట్ర ప్రభుత్వం ప్రవేశపెట్టిన రైతు బంధు(పంట పెట్టుబడి పథకం) రెండో విడతకు సంబంధించిన పైకం డిసెంబర్‌లో రైతులకు అందే అవకాశముంది. వాస్తవంగా రైతు బంధు పథకం అమలుకు కావాల్సిన నిధులను రాష్ట్ర ప్రభుత్వం ముందుగానే వ్యవసాయ శాఖకు అప్పగించింది. వ్యవసాయ శాఖ సైతం రబీ సీజన్‌కు ముందుగానే రైతులకు పంట పెట్టుబడి సాయాన్ని చెక్కుల ద్వారా అందజేయాలని నిర్ణయించింది. ఆ దిశగానే ఏయే బ్యాంకు ఎన్ని చెక్కులు ముద్రించాలి?, ఏయే తేదీల్లో చెక్కులను రైతులకు పంపిణీ చేయాలి? వంటి ఏర్పాట్లన్నింటికీ ప్రణాళికను సిద్ధం చేసి పెట్టుకుంది. అయితే అసెంబ్లీ రద్దు నేపథ్యంలో ముందస్తు ఎన్నికల దృష్ట్యా.. రెండో విడత పంట పెట్టుబడి సాయాన్ని ఎట్టిపరిస్థితుల్లోనూ చెక్కుల రూపంలో ఇవ్వొద్దని ఎన్నికల సంఘం తేల్చిచెప్పింది. అసలు రెండో విడత పంట పెట్టుబడి సాయానికి ఎన్నికల సంఘం అడ్డుచెబుతుందని, సాయం అందకపోవచ్చనే ఊహగానాలు మొదట్లో విన్పించాయి. కానీ ఇప్పటికే అమలులో ఉన్న పథకం కావడం వల్ల ఎన్నికల సంఘం చెక్కుల పంపిణీ మినహా ఏలాంటి అభ్యతరం చెప్పలేదు. దీంతో రాష్ట్ర వ్యవసాయ శాఖ పెట్టుబడి సాయాన్ని రైతులకు బ్యాంకు ఖాతాల ద్వారా ఇవ్వాలని నిర్ణయించింది. అందులో భాగంగానే రాష్ట్రవ్యాప్తంగా రైతుల నుంచి బ్యాంకు ఖాతాల వివరాలను సేకరిస్తోంది.

తూతూమంత్రంగా బ్యాంకు ఖాతాల సేకరణ
పెట్టుబడి సాయానికి సంబంధించి రైతుల బ్యాంకు ఖాతాల సేకరణను రాష్ట్ర వ్యవసాయ శాఖ పకడ్బందీగా చేపట్టాలని భావించింది. రైతులకు నగదు అందడంలో ఎలాంటి అవకతవకలకు ఆస్కారం ఇవ్వొద్దని ఉన్నతా దికారులు జిల్లా కలెక్టర్లు, వ్యవసాయ ధికారులను ఆదేశించారు. కానీ క్షేత్రస్థాయిలో మాత్రం ఆ దిశలో బ్యాంకు ఖాతాల సేకరణ సర్వే జరగడం లేదు. రాష్ట్రవ్యాప్తంగా ఒక్కో క్లస్టర్‌కు ఒక్కో ఏఈఓ చొప్పున 2500 మంది అందుబాటులో ఉన్నారు. అయితే రబీ సీజన్‌కు సంబంధించి రాష్ట్రంలో 52 లక్షల మంది రైతులను సేకరించాల్సి ఉంది. అయితే ఒక్కో ఏఈఓ రోజుకు 60 మంది బ్యాంకు ఖాతాల వివరాలను గరిష్టంగా సేకరించాలని వ్యవసాయశాఖ ఆదేశించింది. అయితే గ్రామీ ణ ప్రాంతాల్లో రైతులు పొద్దునే వ్యవసాయ పనులకు వెళ్లడం, అందుబాటులో లేకపోవడం, కొంతమంది ఏఈఓలు ఇంటింటికీ తిరిగి రైతుల ఖాతాల వివరాలను సేకరించకపో తుండడంతో రైతు బ్యాంకు ఖాతాల సర్వే దారి తప్పుతోంది. చాలామంది ఏఈఓలు గ్రామీణ ప్రాంతంలో గ్రామపంచాయతీ కార్యాలయం, ప్రధాన కూడలిలో సర్వేకు సంబంధించిన ఫా రాలను అందుబాటులో ఉంచుతున్నారు. పం ట పెట్టుబడి సాయం పొందేందుకు అర్హత ఉ న్న రైతులు ఆ ఫామ్‌లోని వివరాలు పూర్తి చేసి.. సదరు ఏఈఓకు ఇస్తున్నారు. అయితే చా లామంది రైతులకు బ్యాంకు ఖాతా వివరా లను నింపడంలో ఇబ్బందులు ఎదుర్కొంటు న్నారు. మరికొంతమంది రైతులకైతే.. అసలు బ్యాంకు ఖాతాల వివరాలు సేకరిస్తున్నారన్న సంగతి తెలియనేలేదు.

తొలివిడత మాత్రం త్వరలోనే..
ఈనెల 11వ తేదీ నుంచి రైతు బ్యాంకు ఖాతాల వివరాల సర్వే ప్రారంభమైంది. రాష్ట్రంలోని 52 లక్షల మంది రైతుల బ్యాంకు ఖాతాల వివరాలను ఒక్కో ఏఈఓ 60 చొప్పున 2500 మంది ఏఈఓలు రైతులందరి వివరాలు సేకరించేందుకు దాదాపు 40 రోజుల సమయం పట్టే అవకాశం ఉంది. అలా సేకరించిన వివరాలను ఆన్‌లైన్ పోర్టల్‌లో పొందుపరిచి.. రైతులకు నగదును పంపిణీ చేయాలంటే దాదాపు నెలన్నరకు పైగా పట్టే అవకాశం ఉంది. అంటే రైతులందరికీ రెండో విడత పెట్టుబడి పైకం దాదాపు డిసెంబర్‌లోనే అందనుందన్న మాట. అయితే డిసెంబర్‌లో పెట్టుబడి పైకం అందింతే.. రైతుల్లో ప్రభు త్వంపై పెట్టుబడి సాయం ఇవ్వట్లేదనే వ్యతిరేకత వస్తుందనే ఉద్దేశంతో విడతల వారీ గా సాయం అందించాలని అధికారులు యో చిస్తున్నారు. అందులో భాగంగానే తొలివిడ తను అక్టోబర్ చివరి వారం లేదా నవంబర్ తొలి వారంలో ఇస్తే.. బాగుంటుందన్న ఆలోచనను వెలిబుచ్చుతున్నారు.



ఆత్మహత్య నుంచి ఆందోళన బాటలో..

Updated By ManamThu, 10/11/2018 - 07:23

వ్యవసాయ దుస్థితిలో కొట్టుమిట్టాడుతున్న అన్నదాతలు ఆత్మహత్యల నుంచి ఆందోళనాపథం వైపు పయనిస్తున్నారు. అంటే నిరాశావాదం నుంచి ఆశావాదం దిశను రైతులు ఎన్నుకుంటున్నారని ఇటీవల జరుగుతున్న పరిణామాలు సూచిస్తున్నాయి. నిరాశతో ప్రాణాలు కోల్పోవడం కంటే పాలకులు అనుసరిస్తున్న విధానాలపై పోరాడడమే మేలని భావిస్తున్నారు. ఇందుకు తార్కాణంగా గాంధీ జయంతి రోజు న్యూఢిల్లీలో జరిగిన రైతు ప్రదర్శన నిలుస్తుంది. 

farmersఅక్టోబర్ రెండో తేదీ ఇద్దరు చిరస్మరణీయ భారతీయ నేతల జయం త్యుత్సవాలను నిర్వహించుకున్నాం. ఒకటి జాతిపితగా దేశంలో స్వేచ్ఛావాయువుల కోసం పోరాడిన మహాత్మాగాంధీ కాగా, మరొకరు దేశంలో ‘జైజవాన్... జైకిసాన్’ నినాదంతో దేశ సవైుక్యతకు చిహ్నంగా నిలిచిన లాల్ బహదూర్ శాస్త్రి. అహింసను బోధించి దేశ ప్రజలను ఒక్క తాటిపైకి తెచ్చినది మహాత్ముడు. అంతేగాక అహింసను ప్రబోధించడమే కాదు... విదేశీయులు ఎంత అణచివేతకు పాల్పడినా అహింసావ్రతాన్ని వీడని ఆయన మాతృదేశంలో జయంతిని ఘనంగా పాటిస్తున్న తరుణంలో ఢిల్లీలో పేట్రేగిన పోలీసులు అహింసాయుతంగా ప్రదర్శనచేస్తున్న రైతులపై విరుచుకుపడడం విచారకరం. రాపిడ్ యాక్షన్ ఫోర్స్ దృష్టి లో రైతులు సామాజిక విద్రోహులుగా, విధంసకారులుగా కనిపించారో ఏమో తెలియదుకానీ పెద్దయెుత్తున వాటర్ క్యానన్లతో దాడులకు పాల్పడ్డారు. రైతుల ఆందోళన, దేశనేతల జయంతు లు ఒకేరోజు కావడం కాకతాళీయమే అయినప్పటికీ ఇదే ఆం దోళన 30 ఏళ్ల క్రితం జరిగిన ఆందోళనను స్మరణకు తెస్తోంది. మహాత్ముడు, లాల్‌బహదూర్ శాస్త్రిల పుట్టినరోజు తరువా త నాలుగురోజులకు అంటే అక్టోబర్ ఆరోతేదీ ప్రఖ్యాత రైతు ఉద్యమనేత మహేంద్రసింగ్ తికాయిత్ పుట్టినరోజు కావడం గమనార్హం. ఉత్తరప్రదేశ్ జాట్ రైతు కుటుంబానికి చెందిన మ హేంద్రసింగ్ తికాయత్ 1986లో షామ్లికి సమీపంలో కర్ముకేడి విద్యుత్కేంద్రం వద్ద నిర్వహించిన రైతు ఉద్యమంలో తన పళ్ల ను తొలగించుకోవడం ద్వారా మొట్టమొదటిసారిగా వార్తల్లోకి ఎక్కారు. ఆ ఉద్యమాన్ని ఆయన విజయవంతంగా నిర్వహించా రు. ఈ విద్యుత్కేంద్రానికి సంబంధించిన పైప్‌లైన్లు చెడిపోయి దీర్ఘకాలం పట్టించుకోకపోవడంతో చెరకు పంట సర్వనాశనమైన నేపథ్యంలో ఈ ఉద్యమాన్ని తికాయత్ చేపట్టారు. 1988లో లక్షమంది రైతులతో మీరట్‌ను తికాయిత్ 40 రోజుల పాటు ది గ్బంధించారు. ఆయన నేతృత్వంలో రైతులు నిర్వహించిన ప్రదర్శన న్యూఢిల్లీని గడగడలాడించింది. రైతులకు చౌకగా విద్యుత్ ను అందించాలని, వ్యవసాయ ఉత్పత్తులకు గిట్టుబాటు ధరను పెంచాలని ఆయన డిమాండ్లలో ప్రధానమైనవి. 

తికాయిత్ చేసిన పోరాటం వల్ల రాజ్యాన్ని, అధికారులను తమ డిమాండ్లపై ఒప్పించగలమని రైతులకు విశ్వాసం కలిగించింది. 1988లో తికాయిత్‌కున్న అధికారాన్ని కాంగ్రెస్ ప్రభు త్వం గుర్తించింది. ఈరోజు బీజేపీ ప్రభుత్వం తికాయిత్ కుమారుడు నరేశ్‌కున్న శక్తిని గుర్తించవలసి ఉన్నది. రుణభారం, తక్కువ కనీస మద్దతు ధర (ఎంఎస్‌పీ), అడ్డు లేకుండా పెరుగుతున్న పెట్రోలియం ధరలు, పదేళ్ల కాలం దాటిన ట్రాక్టర్లపై విధించిన నిషేధం (ఈ నిషేధాన్ని జాతీయ గ్రీన్ ట్రిబ్యునల్ విధించింది) రైతును ఆందోళనాపథాన్ని పట్టించాయి. ఈ యా త్ర ఢిల్లీలోని కిసాన్‌ఘాట్ వద్ద గాంధీజయంతి రోజున ముగిం చాలని రైతుల లక్ష్యంగా పెట్టుకున్నారు. వ్యవసాయ ఉత్పత్తుల కు ధరలు పడిపోవడం, ఉత్పత్తులు పెరగడం వల్ల దేశవ్యాప్తం గా తలెత్తిన రైతుల ఒత్తిడి నేపథ్యంలో బీజేపీ ప్రభుత్వం ఖరీఫ్ సీజన్లో 2018 జూలైలో తప్పనిసరిగా ఎంఎస్‌పీని పెంచింది. ఈ నిర్ణయం చారిత్రకవైునదని ప్రభుత్వం అభివర్ణించింది. ఎంఎస్ స్వామినాథన్ అధ్యక్షతన జరిగిన జాతీయ కమిషన్ సమావేశం రైతుల ఉత్పత్తులకు (ఇ2+50) శాతం సూత్రాన్ని అమలుచేయాలని సిఫారసు చేసింది. ఈ సూత్ర ప్రకారం, ఎంఎస్‌పీ నిర్ణయం సమయంలో రైతు సగటు వ్యయం ఖర్చులో శాతం అధికంగా చెల్లించేలా నిర్ణయం తీసుకోవాలని స్వామినాథన్ కమిషన్ సూచించింది. ఈ ఎంఎస్‌పీలో రైతు కుటుంబ శ్రమశక్తిని కూడా పరిగణనలోకి తీసుకోవాల్సి ఉన్నది. ప్రస్తుతం రైతు కుటుంబం కూడా ఈ డిమాండ్‌నే చేస్తోంది. 

2018లో రాజ్యసభకు కూడా కేంద్ర ఆర్థికమంత్రి అరుణ్ జైట్లీ ఎంఎస్‌పీ అంశాన్ని ప్రస్తావిస్తూ రైతుల ఉత్పత్తి ఖర్చుకు ఒకటిన్నర రెట్లు చేయాలనే ఉద్దేశంతో ధరను (అ2+ఊఔ) నిర్ణయించామని తెలిపారు. అంటే స్వామినాథన్ కమిషన్ సూచిం చిన (ఇ2+50) శాతం ఫార్ములాను ప్రభుత్వం పట్టించుకోలేదన్న మాట. ఇ2 ఫార్ములాలో వ్యవసాయ ఖర్చులన్నీ ఉంటాయి. దీనిలో భరించరానివిగా తయారైన కౌలుధర, పెట్టుబడిపై వడ్డీ వల్ల ఉత్పత్తి ఖర్చులున్నాయి. వాస్తవం చెప్పుకోవాలంటే స్వామినాథన్ కమిషన్ సూచించిన ఫార్ములా కంటే ఉత్పత్తి ఖ ర్చులు అధికంగానే ఉన్నాయి. ప్రభుత్వం ప్రకటించిన (అ2+ఊఔ) ఫార్ములాలో చెల్పింపులు చేసిన ఖర్చులు మాత్రమే వస్తాయి. ఇందులో రైతు కుటుంబ శ్రమశక్తి, సొంతభూమి అయినప్పటికీ దాని అద్దె, పెట్టుబడిపై వడ్డీ వంటివి లెక్కలోకి రావు. ఫలితంగా రైతుకు అందే ప్రతిఫలం లాభదాయకం కాని (తక్కువ) నిర్ధారణ అవుతుంది. చిన్న, మధ్య తరహా రైతుల రుణాలను రద్దుచేస్తామని బీ జేపీ ఎన్నికల ప్రణాళికలో హామీ ఇచ్చింది. అలాగే భవిష్యత్తు రుణాలను వడ్డీ లేకుండా కల్పిస్తామని చెప్పింది. 2022 నాటికి వ్యవసాయాదాయాన్ని రెట్టింపు చేస్తామని కూడా ప్రణాళికలు సిద్ధంచేస్తామని వాగ్దానం చేసింది. చెరకు రైతులకు తమ ఉత్పత్తిని విక్రయించిన 14 రోజుల లోగా అందజేసేలా చర్యలు చేపడతామని చెప్పింది. అలాగే చెరకు మిల్లు యజమానులు, బ్యాంకులతో సంప్రదించి గతంలో రైతులకు చెల్లించాల్సిన బకాయిలను తాము అధికారంలోకి వచ్చిన 120 రోజుల్లో సర్దుబా టు చేస్తామని బల్లగుద్ది మరీ చెప్పింది. 2018 జూలై 24న ప్రెస్ ఇన్ఫర్మేషన్ బ్యూరో, కేంద్ర ప్రభుత్వం, కేంద్ర వ్యవసాయ, రైతులు సంక్షేమ మంత్రిత్వ శాఖ విడుదల చేసిన పత్రికా ప్రకటనలో, రైతులకు రుణమాఫీ మాత్రమే చేయాలని ప్రస్తుతం కేం ద్రం పరిశీలించడం లేదని, ఒకవేళ వారు రుణాన్ని తిరిగి చె ల్లించే స్థితిలో ఉన్నప్పటికీ రుణాలు రద్దుచేస్తే దాని ప్రభావం రుణసంస్కృతిపై చూపుతుందని పేర్కొన్నది. రుణాలను క్రమబద్ధంగా చెల్లిస్తున్న వారిలో నిరుత్సాహం కలుగుతుందని ఆ ప్ర కటనలో అభిప్రాయపడ్డాయి. దేశవ్యాప్తంగా గ్రామీణ రుణభా రం భరించరానిదిగా తయారై మరణాలు పెరుగుతున్నాయి. 2016 ఫిబ్రవరి 29న ఆర్థికమంత్రి అరుణ్‌జైట్లీ తన బడ్జెట్ ప్ర సంగంలో ‘దేశ ఆహార భద్రతకు వెన్నెముకగా నిలిచిన మన రైతులకు కృతజ్ఞతలు. ఆహార భద్రత కల్పించాల్సిన బాధ్యతను మనం గమనించాలి. ఆ వేురకు రైతుకు ఆదాయ భద్రత కల్పిం చాలి. 2022 నాటికి వ్యవసాయాదాయాన్ని రెట్టింపు చేసేలా చర్యలు తీసుకోవాలని ప్రభుత్వం కృతనిశ్చయంతో ఉన్న’దని చెప్పారు. ఏదేమైనా పరిస్థితులు సంక్షుభితంగా పరిణమిస్తున్న నేపథ్యంలో రైతుల ఆత్మహత్యలు పెరిగే అవకాశాలుండేలా ఉ న్నాయి. 2019 సార్వత్రిక ఎన్నికలకు దిగజారుతున్న గ్రామీణ ఆర్థికరంగం ప్రధాన భూమిక పోషిస్తుంది. 2016 ఫిబ్రవరి 28న ఉత్తరప్రదేశ్ బెరల్లీలో ప్రధాని నరేంద్ర మోదీ రైతు ర్యాలీలో చేసిన ప్రసంగంలో రైతుల ఆదాయం రెట్టింపు చేస్తామన్న హా మీని నిలబెట్టుకోవడం కష్టసాధ్యంగానే కనిపిస్తోంది. 

బెల్జియంకు చెందిన భారతీయ అభివృద్ధి ఆర్థికవేత్త జీన్ డ్రెయిజ్ మాటల్లో, ‘రైతుల ఆదాయం రెట్టింపు చేస్తామని హామీ ఇవ్వడం అర్ధంలేనిది. ఏడాది 20 శాతం వంతున నాలుగేళ్లకు రైతు ఆదాయం పెరిగేలా చర్యలు తీసుకోవాలి. అదొక ఊహాప్రపంచంగానే భావించాలి. అదీగాక రైతులకు లభిస్తున్న ఆదాయంపై మనవద్ద నమ్మదగిన వివరాలులేవు. అందువల్ల రైతు ఆదాయంపై ప్రభుత్వం ఇచ్చిన వాగ్దానం విశ్వసనీయమైనది కా’దని ఆయన అన్నారు. ఏతావాతా రైతులు వ్యవసాయ రుణాల కోసం ప్రైవేట్ సంస్థలను ఆశ్రయించక తప్పడంలేదు. ప్రభుత్వ ఆర్థిక సంస్థల రుణాల అంశంలో స్పందన అంతంత మాత్రంగానే ఉంటోంది. అదే ప్రభుత్వేతర సంస్థల నుంచి స్పందన అత్యంత వేగంగా ఉంటోందని 2013లో రిజర్వ్‌బ్యాం క్ నివేదికలో స్పష్టంచేసింది. 18 రాష్ట్రాలకు చెందిన ఐదువేల మంది రైతుల నుంచి ఢిల్లీకి చెందిన సెంటర్ ఫర్ స్టడీ ఆఫ్ డెవలపింగ్ సొసైటీస్ (సీఎస్‌డీఎస్) చేసిన సర్వేననుసరించి 76 శాతం మంది రైతులు వ్యవసాయాన్ని విడిచిపెట్టేయాలనే ఆలోచనలో ఉన్నారు. కుటుంబ సభ్యుల ఒత్తిళ్లు, గుర్తింపులేని వృత్తి కారణాలతో వారు ఆ నిర్ణయానికి వచ్చారని ఈ సర్వే తెలియజేసింది. మరీ ఆశ్చర్యకరమైన విషయవేుమిటంటే సర్వే చేసిన రైతుల్లో 62 శాతం మం దికి కనీస మద్దతుధర అంటే ఏమిటో తెలియకపోవడం. తమ దుస్థితికి కేంద్ర, రాష్ట్ర ప్రభుత్వ విధానాలే కారణమని 74 శాతం మంది రైతులు అభిప్రాయపడుతున్నారు. తమకు వ్యవసాయ శాఖకు చెందిన అధికారుల నుంచి సాగుకు సంబంధిం చిన ఎలాంటి సూచనలు, సలహాలు అంద డం లేదని వారు చెబుతున్నారు. ఈ నేపథ్యంలో పురుగుల మందులను ఆశ్రయిస్తున్న రైతుల దుస్థితి నుంచి తప్పించేం దుకు సమాజంలోని అన్ని వర్గాలు చిత్తశుద్ధితో ఆలోచించవలసిన అవసరం ఉన్నది. ఈ అంశంలో కేంద్ర, రాష్ట్ర ప్రభుత్వాల పై ఎంతోభారం ఉంటుందని గ్రహించాలి. 
గౌతమ్ బెనెగల్  
(డైలీఓ సౌజన్యంతో)



ప్రజా మానిఫెస్టోకే మద్దతు

Updated By ManamSat, 10/06/2018 - 01:53

తెలంగాణ పూర్వ వైభవ పునాదుల మీద నిలబడి ప్రజల దృక్పథంతో ప్రజల ప్రయోజనాలు పరమావధిగా, ప్రజల ఆకాంక్షల అక్షర రూపాలుగా రాజకీయ పార్టీల మానిఫెస్టో ఉండాలి అని ప్రజారంజక కార్యక్రమాలు రూపొందించాలి.  అలా ప్రజల అవసరాలు గుర్తించి బాధ్యత ప్రవర్తిస్తేనే వారి  మన్ననలు పొందుతారు. తెలంగాణ చరిత్ర, సంస్కృతి, భాషా అస్థిత్వాన్ని, ఆత్మ విశ్వాసాన్ని కాపాడి భవిష్యత్తు తరానికి అందించాలి. తెలంగాణ ఉద్యమ చరిత్రను రికార్డు చేయాలి. వాటిని ప్రిజర్వ్ చేయాలి. తెలంగాణ రాష్ట్రానికి ఒక అడ్వైజరీ బోర్డు ఏర్పాటు చేయాలి అందులో వివిధ రంగాల్లో రాజకీయ, సాంఘిక, ఆర్థిక, సాంకేతిక, సైన్స్, పరిపాలన, సాహిత్యం, కళలు, పత్రికా రంగాల్లో నిష్ణాతులైన మేథావులకు ప్రాతినిధ్యం ఉండాలి.

farmersప్రపంచ జనాభాలో 125 కోట్ల జనాభా ఉన్న ఇండియా లో 100 కోట్ల మంది ఓట ర్లు ఉన్నారు. వీరిలో దా దాపు 50 కోట్ల మంది మాత్రమే ఓటుహక్కు వినియోగించుకుంటున్నా రు. భారత దేశంలో 29వ రాష్ట్రంగా తెలంగాణ ఆవి ర్భవించి నాలుగున్నర ఏం డ్ల్ల పరిపాలన తరువాత మలి శాసనసభ ఎన్నికల సంద ర్భంగా తెలంగాణ రాష్ట్రంలో 3.70 కోట్ల జనాభా ఉండగా వారిలో ఓటు హక్కు కలిగి ఉన్న వారి సంఖ్య 2,53,27,785.  వారిలో పురుషులు 1,28,4,947, మహిళలు 1,24,7,557 అదే విధంగా థర్డ్ జెండర్ 2,739  ఓటర్లు ఉన్నారు. మలి ఎన్నికల సందర్భంగా వివిధ రాజకీయ పార్టీల మా నిఫెస్టోలు ప్రజా మానిఫెస్టోలుగా ఉండాలి అంటే సామాజిక, రాజకీయ, ఆర్ధిక న్యాయం వెల్లివిరిసేలా ఉండగలిగినప్పుడే మాత్రమే ప్రజల మన్ననలు పొందుతాయి. ప్రజలకు నిజంగా ఏది అవసరమో అవి ప్రణాళికబద్ధంగా ముందుచూపుతో భవిష్యతు తరాలకు ఒక మార్గదర్శిలా ఉండేలా ప్రయత్నం చేసినప్పుడు మాత్రమే  రాజకీయ పార్టీల మానిఫెస్టో ప్రజల మన్ననలు పొందుతాయి. రాజకీయ పార్టీల మానిఫెస్టోలపై ప్రజలకు సవివరంగా అందేలా బుద్ధిజీవులు, విషయ నిపుణు లు, మేథావులు చర్చించాల్సిన అవసరమున్నది.  తెలంగాణ రాష్ట్రానికి ఒక అడ్వైజరీ బోర్డు ఏర్పాటు చే యాలి అందులో వివిధ రంగాల్లో రాజకీయ, సాంఘిక, ఆర్థిక, సాంకేతిక, సైన్స్, పరిపాలన, సాహిత్యం, కళలు, పత్రికా రంగాల్లో నిష్ణాతులైన మేథావులకు ప్రాతినిధ్యం ఉండాలి.  

మన దేశ ఆర్థిక వ్యవస్థకు వ్యవసాయం వెన్నె ముక. మనం నేడు చూస్తున్న ప్రతి రాజకీయ పార్టీ  మానిఫెస్టోలో రైతులకు లక్ష / రెండు లక్షల రూపా యల రుణ మాఫీ ఇస్తామని ప్రకటిస్తున్నాయి కాని ఇలా రైతుని బిచ్చగాడిలా తయారుచేసే బదులు రైతు పండించిన పంటకు గిట్టుబాటు ధర అందిం చాలి. వ్యవసాయ రంగం నేడు అనుకున్నంత స్థాయిలో పురోగమించ లేదు కారణాలేవైనా నేడు రైతుకు సమయానికి ఎరువులు, పురుగుల మందులు, విత్తనాలు, వ్యవసాయ నిపుణుల సలహాలు ఇవ్వాలి. రైతులు అప్పుల పాలు కాకుండా ఉండేందుకు నిపుణులు ద్వారా వివిధ సలహాలు, సూచనలు ఇవ్వాలి. అవి పంటల రకాలు, పంటల మార్పులు, వా తావరణ పరిస్థితులు, పంటల  ధరలు,  నూతన సాంకేతిక పద్ధతుల ద్వారా వచ్చే లాభాలను వివరించాలి. ప్రతి గ్రామంలో వాగులు, వంకలలో చెక్‌డ్యాంలు నిర్మిం చి చిన్న నీటిపారుదల రంగాన్ని అభి వృద్ధి చేసి భూగర్భ జలాన్ని పెంచే ప్రయత్నం చేయాలి. రైతే రాజును చేసే విధానాలు రూపొందించాలి. కరువు, ప్ర కృతి వైపరీత్యాలు సంభవించినప్పుడు పరిహారాన్ని వెంటనే అందించి రైతును ఆదుకోవాలి. కౌలురైతుకు కూడా సహా య సహకారాలు పంటరుణం, పంట భీమా రైతు బీమా అందించాలి. మన గ్రామీణ ఆర్థిక వ్యవస్థకు సా గునీరు ప్రధానం. అందులో సింహ భాగం చెరువులు ఆక్రమిస్తాయి. నది జలాలతో చెరువులు అనుసంధానం తో నిత్యం చెరువులు కళకళ లాడాలి. కుంటలు, చెరువుల పూడికలు యుద్ధ ప్రాతిపాదికన చేపట్టాలి. ప్రాణహిత - చేవెళ్ళ, కాళేశ్వరం ప్రాజెక్టులకు జాతీయ హోదా కోసం ప్రయత్నం చేయాలి అవ సరమైతే కేంద్ర ప్రభుత్వంతో పోరు కొన సాగించాలి. నల్లగొండ జిల్లాలోని ఫోరైడ్‌ను తరిమి కొట్టాలి నలగొండ ప్రజల దాహార్తిని తీర్చాలి. తెలంగాణలో ఉన్న 119 నియోజక వర్గాలలో దాదాపు 20 పట్టణ నియోజక వర్గాలు ఉండగా 30 నియోజక వర్గాలలో కొంతవరకు నీటి పారుదల ఉన్న మిగితా నియోజకవర్గాల్లో నీటి కొరత ఉన్నది తెలంగాణలో ప్రతి ఎకరా నికి సంవత్సరానికి రెండుకార్లు నీరు అందేలా ప్రయత్నం చేయాలి.   ప్రజలకు కూడు, గుడ్డ,  గూడు, సురక్షిత మంచినీరు కనీ స సౌకర్యాలు అందించాల్సిన బాధ్యత ప్రజా ప్రభుత్వాలపై ఉన్నది. పట్టణ ప్రాంతాల్లో చూసినట్లయితే కనీసం వారానికి ఒకసారి కూడ నల్లా నీరు రాని పరిస్థితి, గ్రామాల్లో ఫ్లోరైడ్ మహమ్మారికి చరమగీతం పాడాలి.  

మన రాష్ట్రం అక్షరాస్యత 66.46%గా ఉన్నది. దానిలో  పురుషులు 74.95%, మహిళలు 57.92% ఉన్నది. ఉచితంగా కేజీ నుండి పీజి వరకు విద్యను అర్హులైన ప్రతి విద్యార్థికి (చదవాలి అనే అభిలాష) ఉన్న వారికి కుల, మత, లింగ భేదం లేకుండా నిర్బంధంగా అందించాలి. కారణం మనం  దేశంలో అతి తక్కువ అక్షరాస్యత ఉన్న రాష్ట్రాలలో మనది రెండవ స్థానంలో ఉండటం శోచనీయం. అదేవిధంగా పాఠశాల విద్యతో పాటు జూనియర్ కళాశాలలో, డిగ్రీ కళాశాలలో, పిజీ కళాశాలలో ఉచిత భోజన వసతి, నాణ్యమైన విద్య, అదే విధంగా ఉపకార వేతనాలు అందించాలి. గురుకుల విద్య ఒక్కటే ప్రామాణికమైన విద్య కాదు వాటితో పాటు అన్ని మెడి కల్, ఇంజనీరింగ్, ఫార్మసి, సాంకేతిక రంగ విద్యాలయాలు కూడా పురోగమించాలి, నాణ్యమైన విద్యను అందించాలి. తెలంగాణ రాష్ట్రంలో ఎంతోమంది పేదరికంతో చదవ లేకపోతు న్నారు. కావున విద్య వికసించాలి. విద్యా వికాసం లేనిచోట సమాజం వికసించదు. విశ్వవిద్యాలయాల స్థాయిని పెంచాలి. నూతన ఆవిష్కరణలకు తెరలేపాలి. 31 జిల్లాలో 24 గంటలు వైద్యం అందేలా సూపర్ స్పెషాలిటి ఆస్పత్రుల నిర్మాణం జరగాలి ప్రతి నియోజక వర్గంలో వైద్య కళాశాల నిర్మాణం జరగాలి, ప్రతి పౌరునికి ఉచి తంగా వైద్యం అందించాలి. ప్రజారోగ్యాన్ని కాపాడవలసిన బాధ్యతా ప్రభుత్వంపై ఉన్నది. తెలంగాణ నాలుగు దిక్కులా నిమ్స్ స్థాయి అస్పత్రుల నిర్మాణం జరగాలి. ఎయిమ్స్ ఆస్పత్రి నిర్మాణం జరిగి ప్రజలకు ఉచిత వైద్య సేవలు అందాలి. 108, 104, ఆరోగ్యశ్రీ పథకాన్ని అందరికి అన్ని విభాగాలు వచ్చే విధంగా ప్రయత్నం చేసి మెరుగైన వైద్య సేవలు అందించాలి.

తెలంగాణ ఆవిర్బావానికి దారి తీసిన నీళ్ళు, నిధులు తరువాత నియమాకాలే కాని తరువాత నియమాకాలు అను కున్నంత స్థాయిలో జరగకపోవడం చాలా బాధకరం కారణా లేవైనా నేడు దాని గురించి నిర్దిష్టమైన ప్రణాళికలు రూపొం దించాలి. ప్రతి సంవత్సరం టీచర్లు, పోలీస్ కానిస్టేబుల్, ఎస్ ఐ, గ్రూప్స్ (1,2,3,4) వీఆర్‌ఒ, జూనియర్ కళాశాల, డిగ్రీ కళాశాల లెక్చరర్స్, గురుకుల టీచర్ల్, గ్రంథ పాలకులు, వ్యా యామ అధ్యాపకులు ఇలా ప్రతి సంవత్సరం ఒక కాలెండర్ ప్రకారం నియామాకం చేపట్టాలి. నిరుద్యోగులకు ప్రతి మండ ల, జిల్లా కేంద్రాలలో ఉచిత కోచింగ్ సెంటర్ల్ ప్రభుత్వమే నిర్వహించాలి. 30 సంవత్సరాలు దాటిన నిరుద్యోగులకు భృతి కల్పించి వారిని యాచకులగా చేస్తున్నామేమో కాని వారికి ఉపాధి అవకాశాలు కల్పించి వారిని నైపుణ్యమున్న ఉద్యోగులు గా తయారుచేసే విద్యా వ్యవస్థను తయారుచేయాలి. అదే విధంగా ప్రతి సంవత్సరం కాలెండర్ ప్రకారం నియమాకాలు జరగాలి. విశ్వవిద్యాలయలలో ఖాళీగా ఉన్న అధ్యాపక పోస్టులను యుద్ధ ప్రాతిపాదికన నియమాకం జరగాలి. 

తెలంగాణలో ఉన్న ప్రతి ఉద్యోగికి ఉచితంగా వైద్య సదు పాయాలు కల్పించాలి, ప్రభుత్వం గృహ నిర్మాణ అవసరాలకు సహకరించాలి. ఉద్యోగి యొక్క కనీస అవసరాలను (డిఏ అండ్ పిఆర్‌సి) గుర్తించి వాటిని అందించాల్సిన బాధ్యత ప్రభు త్వాలపై ఉన్నది. కారణం ప్రభుత్వ ఉద్యోగుల సహకారం లేకుండా ప్రజారంజక పరిపాలన సాగించడం ఇబ్బందే మరి. తెలంగాణ అవతరణ తరువాత విద్యుత్తు రంగంలో మన తెలంగాణ రాష్ట్రం అశించిన దానికంటె కొంత పురోగతి సాధిం చినది అని చెప్పాలి కాని నాణ్యమైన విద్యుత్ 24 గంటల విద్యుత్ వ్యవసాయ రంగానికి ఇవ్వాలి అదేవిధంగా పరి శ్రమలకు అందించాలి. గ్రామాలు అభివృద్ధి చెందితేనే దేశం అభివృద్ధి చెందు తుందని గాంధీజీ అన్న మాటలు అక్షర సత్యం. ప్రతి గ్రామం లో గుడి, బడి, దవాఖానా, గ్రంథాలయం నిర్మించాలి. వారికి కనీస సురక్షిత నీరు కల్పించాలి. రవాణా సదుపాయాలు కల్పిం చాలి. ప్రతి గ్రామంలో టాయిలెట్, ఇంటి ముందు చెట్టు, ప్రతి గ్రామానికి చక్కటి రోడ్లు ఉండే ప్రయత్నం చేయాలి. ప్రతి గ్రామంలో కరెంట్,ఇంటర్నెట్ సౌకర్యాలు కల్పించాలి.  ప్రాచీన కట్టడాలను రక్షించాలి పర్యాటక రంగాన్ని అభివృద్ధి చేయాలి, మూసి నదిని, హుస్సేన్ సాగర్‌ను ప్రక్షాళన చేయాలి, మన చరిత్ర మీద పరిశోధన జరగాలి. వాటిని డాక్యుమెంటేషన్ చేసే ప్రజలకు మన చరిత్రను అందించాలి. పర్యాటక రంగానికి అంతర్జాతీయ గుర్తింపు తెచ్చే ప్రయత్నం చేయాలి.  తెలంగాణ పారిశ్రామిక రంగం ఒక్క హైదరాబాదు, దాని పరిసర ప్రాంతాలకే గాక ఉత్తర, దక్షిణ ప్రాంతాలలో కూడా పరిశ్రమలు నెలకొల్పాలి. అక్కడ ఉన్న ప్రజలకు ఉపాధి అవ కాశాలు కల్పించాలి. ఆర్థిక అసమానతలు లేకుండా అన్ని ప్రాం తాలు అంటే పల్లె ప్రాంతాలలో కూడా పరిశ్రమలు నెలకొల్పాలి అలా అన్ని ప్రాంతాలు రాజధానికి కనెక్టు అయి ఉండే రోడ్ల నిర్మాణం జరగాలి. పరిశ్రమలకు కావాల్సిన కనీస సదు పాయాలు ప్రభుత్వాలు కల్పించాలి. కుటీర, మధ్యతరహ, చిన్న తరహ పరిశ్రమలకు ప్రోత్సాహం కల్పించి వాటి ఉన్నతికి ప్రయత్నం చేయాలి. 

నేడు రాష్ట్రంలో  పట్టణ జనాభా చాలా పెరుగుతోంది. పట్టణ జనాభాకు మౌలిక వసతులు కల్పించాల్సిన బాధ్యత మనది. అలాగే పెద్దపెద్ద  పట్టణాల అభివృద్ధి ఒక్క ప్రాంతానికే గాక అన్ని చిన్న, మధ్య తరహ పట్టణాలను అభివృద్ధి చేయాలి ముఖ్యంగా హైదరాబాద్, వరంగల్, కరీంనగర్, నిజామా బాద్, మహబూబ్‌నగర్, నల్లగొండలను ప్రపంచస్థాయి నగరా లుగా ప్రణాళికల ద్వారా అభివృద్ధి చేయాలి. నగరాలలో ట్రాఫిక్ సమస్యలు, కాలుష్య నియంత్రణ చర్యలు చేపట్టాలి. మురికి వాడల్లో మౌలిక సదుపాయాలు కల్పించాలి. గ్రామగ్రామాన గ్రంథాలయాలు నెలకొల్పాలి. వాటిని తె లంగాణ ఉద్యమంలో అసువులు బాసిన అమరవీరుల పేరున నెలకొల్పాలి. ప్రస్తుతం ఉన్న 26% అడవులను 33%  పెంచాల్సిన అవసరమున్నది. ప్రతి ఇంటి ముందు చెట్లు విధిగా పెంచాలి. గ్రామీణ అడవులు, పట్టణ అడవుల పెంప కానికి, నదులు, వాగులు, చెరువులు సరిహద్దుల వెంట చెట్లను నాటాలి. పభుత్వ భూములలో చెట్లను పెంచాలి. పచ్చదనానికి,  హరిత తెలంగాణకు శ్రీకారం చుట్టాలి. వర్షపు నీరు వృథా కాకుండా నీటిని వివిధ నూతన సాంకేతిక పద్ధతులను ఉపయోగించి నిల్వచేయాలి. అదేవిధంగా మురుగు నీటిని శుద్ధ పర్చి ప్రజలకు ఉపయోగపడే విధంగా ఉండాలి. పరిపాలన్ సౌలభ్యం కోసం 31 జిల్లాలు చేసిన నూతన జిల్లాలో కనీస వసతులు లేక ప్రజలు ఇబ్బంది పడుతున్నారు. ప్రజల సమస్యలు పరిష్కరించేందుకు అధికారులే ప్రజల వద్దకు వెళ్లేందుకు వివిధ నూతన కార్యక్రమాలు రూపొం దించాలి. తెలంగాణ యువతకు ప్రతి మండలంలో మల్టిపర్పస్ స్పోర్ట్స్ సెంటర్‌ను ఏర్పాటు చేయాలి. ప్రతి ఆర్టిసి కార్మికునికి, వివిధ రంగాలలో పని చేస్తున్న కార్మికులకు ప్రతి జిల్లాలో ఒక ఇఎస్‌ఐ హాస్పిటల్ నిర్మించి ప్రతి కార్మికునికి, అసంఘటిత కార్మికులకు ఉచిత వైద్య సదుపా యాలు కల్పించాలి. అదేవిధంగా అసంఘటిత కార్మికులకు ఉచిత బీమా, కల్పించాలి. మైనార్టీలు సంక్షేమం కోసం వివిధ విన్నూతన పథకాలు రూపొందించేలా ఉండాలి.

వికలాంగులకు, వృద్ధులకు, వితంతువులకు, మహిళకు  వృద్ధ కళాకారులకు, 60 సంవత్సరాలు నిండిన ప్రతి ఒక్కరికి ఉచిత వైద్య సదుపాయం కల్పించాలి. అదే విధంగా వారికి ఇచ్చే భ్రుతిని పెంచాలి. తెలంగాణ చరిత్ర, సంస్కృతి, భాషా అస్థిత్వాన్ని, ఆత్మ విశ్వాసాన్ని కాపాడి భవిష్యత్తు తరానికి అందించాలి. తెలంగాణ ఉద్యమ చరిత్రను రికార్డు చేయాలి. వాటిని ప్రిజర్వ్ చేయాలి.  జర్నలిస్ట్‌ల సంక్షేమం కోసం తెలంగాణలో ప్రింట్, ఎల క్ట్రానిక్, డెస్క్‌లో మీడియాలో పనిచేసే ప్రతి వ్యక్తికి అక్రిడేషన్ కార్డుతో పాటు ఉచిత వైద్య, విద్య వారి కుటుంబ సభ్యులకు కూడా కల్పించాలి. షెడ్యుల్డ్ కులాల, వెనుకబడిన వర్గాలకు సంబంధించిన సబ్ ప్లాన్ బడ్జెట్‌లను వారికి మాత్రమే కేటా యించాలి. వారికి 150 గజాల స్థలంలో ఇల్లు నిర్మించి ఇవ్వాలి. తెలంగాణ పూర్వ వైభవ పునాదుల మీద నిలబడి ప్రజల దృక్పథంతో ప్రజల ప్రయోజనాలు పరమావధిగా, ప్రజల ఆకాంక్షల అక్షర రూపాలుగా రాజకీయ పార్టీల మానిఫెస్టో ఉండాలి అని ప్రజారంజక కార్యక్రమాలు రూపొందించాలి.  అలా ప్రజల అవసరాలు గుర్తించి బాధ్యత ప్రవర్తిస్తేనే వారి  మన్ననలు పొందుతారు.
రవి కుమార్ చేగొని
ప్రధాన కార్యదర్శి, తెలంగాణ గ్రంథాలయ సంఘం



ఉద్రిక్తంగా మారిన కిసాన్ క్రాంతి పాదయాత్ర

Updated By ManamTue, 10/02/2018 - 12:35
  • ఢిల్లీలోకి ప్రవేశించేందుకు రైతుల యత్నం

  • బారికేడ్డు పెట్టి అడ్డుకుంటున్న పోలీసులు

  • రైతులపై  బాష్పవాయువు, వాటర్ క్యానన్ల ప్రయోగం

  • ఢిల్లీ వెళ్లే జాతీర రహదారి మూసివేత

  • రైతు సంఘం నేతలతో కేంద్ర హోంమంత్రి రాజ్‌నాథ్ భేటీ

Kisan Kranti Padyatra: Tear Gas, Water Cannons Used As Thousands Of Protesting Farmers

న్యూఢిల్లీ : దేశ రాజధానిలో అడుగుపెట్టేందుకు యత్నిస్తున్న అన్నదాతలను పోలీసులు ఎక్కడికక్కడ అడ్డుకుంటున్నారు. కిసాన్ క్రాంతి ర్యాలీని పోలీసులు అడ్డుకోవడంతో వారు ఆందోళనకు దిగారు. మరోవైపు రైతులను అడ్డుకునేందుకు పోలీసులు భాష్పవాయువు‌, వాటర్ క్యానన్‌లను ఉపయోగిస్తున్నారు. 

మరోవైపు రైతులకు ఢిల్లీ ముఖ్యమంత్రి అరవింద్ కేజ్రీవాల్ మద్దతు తెలిపారు. రైతులను నగరంలోకి ప్రవేశించేందుకు అనుమతి ఇవ్వాలని డిమాండ్ చేశారు. రైతులను ఎందుకు అడ్డుకుంటున్నారని ఆయన సూటిగా ప్రశ్నించారు.

కాగా రైతుల రుణమాఫీ, మద్దతు ధర, విద్యుత్ ఛార్జీలు తగ్గించాలని కోరుతూ రైతుల రైతులు ఉత్తరాఖండ్‌లోని హరిద్వార్‌ నుంచి సెప్టెంబరు 23న కిసాన్‌క్రాంతి ర్యాలీ ఆరంభించిన విషయం తెలిసిందే. అక్కడ నుంచి యూపీలోని పలు ప్రాంతాల మీదుగా నేడు ఢిల్లీలోని కిసాన్‌ ఘాట్‌కు చేరుకోవాల్సి ఉండగా, రైతులను నగరంలోకి పోలీసులు అనుమతించడం లేదు. 

ఉత్తరప్రదేశ్-ఢిల్లీ సరిహద్దు ప్రాంతంలోనే కిసాన్ క్రాంతి యాత్రను పోలీసులు అడ్డుకున్నారు. పోలీసులు వాటర్‌ క్యానాన్లు ప్రయోగించి కిసాన్ ఘాట్‌కు వెళ్తున్న రైతులను అడ్డుకునేందుకు ప్రయత్నించారు. దీంతో ఆ మార్గంలో ఏర్పాటు చేసిన బారికేడ్లను తోసుకెళ్లేందుకు వేలాదిమంది రైతులు యత్నించారు. 

దీంతో ఘజియాబాద్ పరిసరాలు రణరంగాన్ని తలపిస్తున్నాయి. అయితే  శాంతియుతంగా నిరసన చేస్తున్న తమను అడ్డుకోవడం పట్ల రైతులు ఆగ్రహం వ్యక్తం చేశారు. మరోవైపు రైతు సంఘాల నేతలతో కేంద్ర హోంమంత్రి రాజ్‌నాథ్ సింగ్ భేటీ అయ్యారు. 



బక్క రైతులే!

Updated By ManamTue, 09/25/2018 - 23:55
  • తర్వాతి స్థానాల్లో హరియాణా.. కేరళ.. అట్టడుగున యూపీ.. దానిపైన ఏపీ

  • రైతు నెత్తిన రూ. 91వేల రుణభారం.. వ్యవసాయం కంటే కూలిపని నయం

  • సాగుతో 19%.. కూలితో 43% ఆదాయం.. నాబార్డు సర్వేలో వెల్లడైన కఠిన వాస్తవం

  • దేశవ్యాప్తంగా 245 జిల్లాల్లో రైతు సర్వే

farmersశ్రీకాకుళం: వ్యవసాయ భారతం కుదేలవుతోంది. నెర్రెలు చాచి సాయం కోసం అర్రులు చాస్తోంది. అన్నదాతల పరిస్థితి అగమ్యగోచరంగా మారింది. ఆంధ్రప్రదేశ్‌లో రైతుల పరిస్థితి మరింత దారుణంగా తయారైంది. ఆదాయార్జనలో దేశంలోనే మన రాష్ట్రం అథమస్థానంలో ఉంది. జాతీయ వ్యవసాయ, గ్రామీణాభివృద్ధి బ్యాంకు (నాబార్డ్) జరిపిన అధ్యయనంలో కఠోర వాస్తవాలు వెలుగుచూశాయి. గ్రామీణ భారతీయు కుటుంబాల ఆదాయంలో సాగు ఆధారిత వాటా 20% కూడా లేదని తాజా నివేదిక వెల్లడించింది. మరిన్ని కఠోర వాస్తవాలను బయటపెట్టింది.

నివేదిక సారాంశం ఇదీ..
నాబార్డ్ తాజాగా విడుదల చేసిన నివేదిక ప్రకారం.. వ్యవసాయ కుటుంబాల రాబడిలో నేరుగా సాగు ద్వారా వస్తున్న ఆదాయం కేవలం 30 శాతం మాత్రమే. వ్యవసాయ కుటుంబాలకు ఆదాయం కంటే అప్పులే ఎక్కువగా ఉంటున్నాయని నివేదిక స్పష్టం చేసింది. గ్రామీణ ప్రాంత రైతుల ఆర్థిక స్థితిగతులు, వారికి అందుతున్న సమ్మిళిత ఆర్థిక సేవల స్థాయిని ‘‘అఖిలభారత గ్రామీణ సమ్మిళిత ఆర్థిక సర్వే (2016-17) (నాబార్డ్ ఆలిండియా రూరల్ ఫైనాన్షియల్ ఇన్‌క్లూజివ్ సర్వే- ఎన్‌ఏఎఫ్‌ఐఎస్) పేరిట చేసిన సర్వేలో వివరించింది. ఇటీవలే వెలువడిన ఈ నివేదిక ప్రకారం గ్రామీణ భారతంలోని అన్ని రకాల కుటుంబాల సగటు ఆదాయం నెలకు రూ.8,059 కాగా.. వ్యవసాయ కుటుంబాల సగటు ఆదాయం రూ. 8,931. వ్యవసాయేతర కుటుంబాల సగటు ఆదాయం నెలకు రూ.7,269గా నివేదిక తేల్చింది. కానీ అంధ్రప్రదేశ్‌లో మాత్రం రైతుల సగటు నెల ఆదాయం రూ. 6,920. పక్కనే ఉన్న తెలంగాణలో నెలకు రూ. 8,951 సంపాదిస్తున్నారు. అలాగే.. రైతు కుటుంబాల సగటు ఆదాయం నెలకు రూ.8,931 అని తేల్చిన ఈ నివేదిక.. అందులో సాగు ద్వారా 35 శాతం (రూ.3,140) వస్తుండగా.. కూలి పనుల ద్వారా 34 శాతం (రూ.3,025) వస్తోందని చెప్పింది. మిగిలినది ఇతర మార్గాల ద్వారా వస్తున్నట్లు నివేదిక వెల్లడించింది. వ్యవసాయేతర కుటుంబాల ఆదాయంలో కూలి పనులే ప్రధాన ఆదాయ వనరుగా ఉన్నాయంది. గ్రామీణ భారతంలో కుటుంబాల ఆదాయం (వ్యవసాయ, వ్యవసాయేతర) సాగు ద్వారా 19 శాతమే వస్తుండగా.. కూలి ద్వారా 43 శాతం వస్తున్నట్లు నివేదిక తెలిపింది. ఆదాయం అరకొరగా ఉండగా.. అప్పులు మాత్రం ప్రతి సంవత్సరం కొండలా పెరిగిపోతున్నాయి. ఆర్థికసేవలు అందనంత దూరాన ఉంటున్నాయి. బ్యాంకులు సవాలక్ష కొర్రీలతో అన్నదాతను ఆవేదనకు గురిచేస్తున్నాయి. బీమా సౌకర్యం అంతంతమాత్రం కావడంతో రైతు జీవితాల్లో అభివృద్ధికి చోటులేదని ఈ నివేదిక వెల్లడించింది.

వ్యవసాయాదాయంలో పంజాబ్ టాప్
భారతదేశంలోని అన్ని రాష్ట్రాల్లో.. వ్యవసాయాదాయంలో పంజాబ్ ప్రథమ స్థానంలో ఉంది. ఇక్కడి రైతులు నెలకు సగటున రూ. 23,133 ఆదాయం పొందుతుండగా.. హరియాణా, కేరళ వరుసగా రెండు, మూడు స్థానాల్లో ఉన్నాయి. హరియాణాలో రూ.18,496, కేరళలో రూ.16,927 చొప్పున ఆదాయం ఉంది. ఈ జాబితాలో ఆంధ్రప్రదేశ్, ఉత్తరప్రదేశ్ అట్టడుగు స్థానాల్లో ఉన్నాయి. ఆంధ్రప్రదేశ్ రైతులు రూ.6,920 సగటు ఆదాయం పొందితే, యూపీ రైతులు రూ.6,668 పొందుతున్నారు.

245 జిల్లాల్లో సర్వే..
దేశవ్యాప్తంగా 29 రాష్ట్రాల్లోని 245 జిల్లాల్లో 40,327 కుటుంబాలకు చెందిన 1,87,518 జనాభాపై నాబార్డు ఈ సర్వే నిర్వహించింది. కళ్లు బైర్లు కమ్మే నిజాలు వెల్లడించింది. దేశంలోని చాలా కుటుంబాలకు ఇప్పటికీ వ్యవసాయమే ప్రధాన ఆదాయ వనరు. 2016-17లో దేశంలో 21.17 కోట్ల కుటుంబాలు వ్యవసాయ రంగంలో ఉన్నాయని పేర్కొంది. వీటిలో 48 శాతం కుటుంబాల నెత్తిన రుణభారం ఉంది. సర్వే పూర్తయ్యేనాటికి గ్రామీణ భారతంలో వ్యవసాయా దారిత కుటుంబాలలో 52.5 శాతం, వ్యవసాయేతర కుటుంబాల్లో 42.8 శాతం రుణ ఊబిలో ఉన్నాయి. వీరిలో మూడోవంతు రైతులు స్థానిక వడ్డీ వ్యాపారులు, ప్రైవేటు సంస్థల నుంచి అప్పులు తీసుకోగా.. 60% మంది మాత్రం బ్యాంకులు, ఇతర గుర్తింపు పొందిన సంస్థల నుంచి రుణాలు పొందారు. రుణమొత్తాలు చూస్తే మాత్రం బ్యాంకుల నుంచి తీసుకున్నదాని కంటే వడ్డీ వ్యాపారులు, ప్రైవేటు సంస్థల నుంచి తీసుకున్నదే ఎక్కువగా ఉందని నివేదిక వెల్లడించింది. 

తెలంగాణలో రుణభారం అధికం..
సర్వే చేసిన సమయానికి తెలంగాణలోని గ్రామీణ ప్రాంతాల్లో అత్యధికంగా 79% వ్యవసాయ కుటుంబాలు అప్పుల ఊబిలో ఉన్నాయి. ఆంధ్రప్రదేశ్‌లో 76% కుటుంబాలకు రుణం ఉంది. కర్ణాటకలో 75, తమిళనాడులో 61, కేరళలో 56% మందికి అప్పులు ఉండటంతో దక్షిణాది రాష్ట్రాల్లో ఈ సమస్య తీవ్రంగా ఉన్నట్లు నివేదిక స్పష్టం చేసింది. అరుణాచల్ ప్రదేశ్‌లో 69%, మణిపూర్‌లో 61%, ఒడిశాలో 54%, ఉత్తరాఖండ్‌లో 50% మంది అప్పుల్లో ఉన్నారు. గ్రామీణ ప్రాంతాల్లో సగం లేదా అంతకంటే ఎక్కువ రైతు కుటుంబాలు అప్పుల్లో చిక్కుకున్నాయి. మిగతా రాష్ట్రాల్లో 50 శాతానికి మించి అప్పు లేదని నివేదిక స్పష్టం చేసింది.

farmers

ఆదాయం కంటే అప్పులే ఎక్కువ
దేశవ్యాప్తంగా ప్రతి గ్రామీణ కుటుంబానికి రూ.91,852 అప్పు ఉంది. ఇందులో బ్యాంకులు, గుర్తింపు ఉన్న సంస్థల నుంచి తీసుకున్న రుణం రూ.28,207. వడ్డీ వ్యాపారులు, ప్రైవేటు సంస్థల నుంచి తీసుకున్న రుణం రూ.63,645. వ్యవసాయ కుటుంబాల సగటు రుణం రూ.1,04,602. వ్యవసాయేతర కుటుంబాల రుణం సగటున రూ.76,731. దేశంలోని వ్యవసాయ కుటుంబాల సగటు నెల ఆదాయం రూ. 8,931. అంటే వార్షిక ఆదాయం రూ.1,07,172. మరోవైపు సగటు అప్పు రూ. 1,04,602గా ఉంది. అంటే రైతు కుటుంబాల ఆదాయం అప్పులు తీర్చడానికి సరిపోగా.. మిగిలేది ఏడాదికి 2570 మాత్రమే. అంటే నెలకు రూ. 214!!

బీమా.. దూరం
సర్వే చేసేనాటికి గ్రామీణ భారత కుటుంబాల్లో నాలుగోవంతు మాత్రమే.. జీవిత, వాహన, ఆరోగ్య బీమాలలో ఏదో ఒకటి కలిగి ఉన్నాయి. వ్యవసాయ కుటుంబాల్లో 26% మందికి ఏదో ఒక బీమా ఉంది. గ్రామీణ కుటుంబాల్లో 6% మంది మాత్రమే ఆరోగ్యబీమా చేయించుకున్నారు. వ్యవసాయ కుటుంబాలకు వచ్చేసరికి ఇది 5% మాత్రమే. గ్రామీణ కుటుంబాల్లో 49 శాతానికి బ్యాంకులు, ఇతర ఆర్థిక సంస్థల్లో పొదుపు ఖాతాలున్నాయి. వ్యవసాయ కుటుంబాల్లో ఇది 53%. గ్రామీణ ప్రజల్లో 25 శాతం మంది ఇతరుల సహాయం లేకుండా ఏటీఎం కార్డును ఉపయోగించలేకపోతున్నారు. 60 శాతం మంది మొబైల్ బ్యాంకింగ్ సేవలను సొంతంగా వినియోగించుకోలేకపోతున్నారు. 



ఆ ఎరువులు ప్రాణాంతకం, నిషేధించండి: హీరో కార్తి

Updated By ManamMon, 09/24/2018 - 12:30

Karthiసినిమాల్లోనే కాకుండా బయటకూడా ప్రజల సమస్యలపై మాట్లాడే హీరోలలో కార్తీ కూడా ఒకరు. ముఖ్యంగా మధ్య తరగతి, రైతుల సమస్యలపై ఆయన స్పందిస్తూ ఉంటారు. ఈ క్రమంలో తాజాగా రైతులకు ప్రాణ నష్టం కలిగించే ఓ క్రిమి సంహారక మందును నిషేధించాలని ఆయన తమిళనాడు ప్రభుత్వాన్ని కోరారు. ఈ మేరకు ట్విట్టర్‌లో ఓ పోస్ట్ చేసిన కార్తి అందులో.. గ్లైపోసేట్ ఉన్న ఎరువులు క్యాన్సర్‌కు కారణమవుతాయి. వీటిని ఆంధ్రప్రదేశ్ ప్రభుత్వం నిషేధించింది. అమెరికా కొన్నేళ్ల క్రితమే గ్లైఫోసేట్‌ ఉన్న మందులను నిషేధించింది. తమిళనాడు ప్రభుత్వం కూడా త్వరలోనే ఈ చర్య తీసుకుంటుందని భావిస్తున్నా అంటూ విఙ్ఞప్తి చేశారు. కాగా ‘కడైకుట్టి సింగమ్’ (తెలుగులో చినబాబు) చిత్రంలో కార్తీ రైతు పాత్రలో నటించిన విషయం తెలిసిందే. ఈ పాత్ర చేస్తున్నప్పుడు తనకు వ్యవసాయం చేయాలనిపించిందని కార్తీ ఓ ఇంటర్వ్యూలో తెలిపిన విషయం తెలిసిందే.

 



ప్రభుత్వం అన్యాయం చేస్తోంది

Updated By ManamMon, 09/17/2018 - 22:23
  • పట్టా భూములతో సమాన ప్యాకేజీ ఇవ్వాలి

  • రాజధాని ప్రాంత అసైన్డ్ భూముల రైతులు

  • అసెంబ్లీ ముట్టడికి పిలుపు.. ముందస్తు అరెస్ట్

farmersఅమరావతి: రాజధాని ప్రాంతానికి చెందిన అసైన్డ్ భూముల  రైతులు అసెంబ్లీ ముట్టడికి పిలుపునివ్వడం ఉద్రిక్తతకు దారితీసింది. ముఖ్యమంత్రి చంద్రబాబు ప్రభుత్వం అసైన్డ్ భూముల రైతులకు అన్యాయం చేస్తోందని విమర్శించారు. అసైన్డ్ భూముల రైతులకు కూడా పట్టా భూములతో పాటు సమాన ప్యాకేజీ ఇవ్వాలని డిమాండ్ చేశారు. రైతు కూలీలకు ఒక్కొక్క రికి నెలకు 9000 రూపాయల పింఛన్ ఇవ్వాలని కోరారు. అసెంబ్లీ ముట్టడి నేపథ్యంలో అసైన్డ్  భూముల రైతుల్ని ముందస్తుగా పోలీసులు అరెస్టు చేశారు. వారితో పాటు రైతు సంఘాల నాయకులను హౌస్ అరెస్టు చేశారు. అసెంబ్లీ చుట్టూ భారీ  భద్రత ఏర్పాటు చేసి, అసెంబ్లీకి వెళ్లే అన్ని మార్గాలలో చెక్ పోస్టులు ఏర్పాటు చేశారు. అసెంబ్లీకి వెళ్లే వాహనాలతో పాటు ఆర్టీసీ బస్సుల్ని తనిఖీ చేశారు. అమరావతి రాజధాని ప్రాంతం 29 గ్రామాలలో దళితుల నుంచి కొనుగోలు చేసిన అసైన్డ్ భూములను తిరిగి వారికే అప్పగించాలని డిమాండ్ చేస్తూ సీపీఐ, సీపీఎం, జనసేన, వైఎస్‌ఆర్ కాంగ్రెస్ పార్టీ నాయకులు ఆందోళనకు సిద్ధమవగా, పోలీసులు వారిని అరెస్ట్ చేశారు. పోలీసులు నాయకులను అరెస్ట్ చేయడాన్ని సీపీఐ రాష్ట్ర కార్యదర్శి రామకృష్ణ ఖండించారు. అరెస్టు చేసిన వారిని విడుదల చేయాలని డిమాండ్ చేశారు. రాష్ట్ర ప్రభుత్వం ప్రజాస్వామిక హక్కులను కాలరాస్తోందని విమర్శించారు. రాజధాని అమరావతిలో దళితులను, కౌలు రైతులను అక్రమంగా అరెస్టు చేయడాన్ని ఖండిస్తున్నామని సీపీఎం రాష్ట్ర కార్యదర్శి వర్గ సభ్యులు బాబురావు అన్నారు. వారి సమస్యలపై శాంతియుతంగా పోరాడితే అరెస్ట్లు చేయడం దారుణమని విమర్శించారు. మీరు చేస్తే ధర్మ పోరాట దీక్ష, ప్రజలు రైతులు పోరాటాలు చేస్తే అధర్మామా అని ప్రశ్నించారు. అసెంబ్లీ సమావేశాల్లోనే పింఛన్లు, రైతుల సమస్యల పట్ల తక్షణమే చర్చ జరిపి న్యాయం చేయాలని డిమాండ్ చేశారు.



రాయలసీమలో కరువు కరాళ నృత్యం

Updated By ManamThu, 09/13/2018 - 10:22

ఖరీఫ్ ముగుస్తున్నా కరుణించని వరుణుడు
సాధారణం కంటే తక్కువగా వర్షపాతం
సీమలో పూర్తిగా ఎండిపోతున్న పంటలు
పెట్టిన పెట్టుబడి మొత్తం నేలపాలు
అప్పుల పాలవుతున్న సీమ అన్నదాతలు
రుణదాతల ఒత్తిడితో ఆత్మహత్యల బాట

Farmersకర్నూలు, సెప్టెంబరు 12 (మనం న్యూస్ బ్యూరో): ఆశల జూదంలో అన్నదాత మరోసారి ఓడిపోతున్నాడు. కోటి ఆశలతో ఖరీఫ్‌కు శ్రీకారం చుడితే.. మొదట్లో మురిపించిన వరుణుడు ఆ తర్వాత ముఖం చాటేశాడు. వర్షాలు లేక పంటలు ఎండుముఖం పట్టాయి. ఇప్పటికే దాదాపు పూర్తిగా ఎండిపోయాయి. సాగు కోసం వేలాది రూపాయలు అప్పు చేసి ఖర్చుపెడితే పెట్టిన పెట్టుబడి కూడా చేతికి వచ్చే పరిస్థితి కనిపిం చడం లేదు. రుణదాతల ఒత్తిళ్లు పెరిగిపోతుం డడంతో బలవన్మరణాలకు పాల్పడుతున్నారు. రాయలసీమ కరువుకు కేరాఫ్ అడ్రస్‌గా మారుతోంది. ప్రతి మూడేళ్లలో రెండేళ్లు కరువు కరాళనృత్యం చేస్తూనే ఉంది. ఈ ఏడాదీ అదే దుస్థితి. ఖరీఫ్ ప్రారంభంలో మురిపించిన వరుణుడు తర్వాత ముఖం చాటేయడంతో వేసిన పంటలు మొత్తం ఎండిపోతున్నాయి. 

రాయలసీమలో సుమారు 17.20 లక్షల హెక్టార్ల సాగు భూమి ఉంది. ఇందులో కర్నూలు జిల్లాలో 5.90, అనంతపురం జిల్లాలో 7.40, కడప జిల్లాలో 1.36, చిత్తూరు జిల్లాలో 2.54 లక్షల హెక్టార్లు ఉంది. ఇందులో కర్నూలు జిల్లాలో 4.64, అనంతపురం జిల్లాలో 4.04, కడప జిల్లాలో 0.92, చిత్తూరు జిల్లాలో 1.47 లక్షల హెక్టార్లలో వేరుశనగ, పత్తి, ఆముదం, కంది, కొర్ర, జొన్న, సజ్జ తదితర మెట్ట పంటలు సాగుచేశారు. సాగు కోసం ఎకరాకు సగటున రూ.8 వేల చొప్పున ఖర్చుపెట్టారు. 

ఊరించి ఉసూరు
ప్రతి ఏడాదిలాగే ఈసారి కూడా అన్నదాతలు కోటి ఆశలతో ఖరీఫ్‌కు శ్రీకారం చుట్టారు. సాగు ఖర్చులకు చేతిలో చిల్లిగవ్వ లేకపోయినా తల తాకట్టు పెట్టి రుణాలు తెచ్చుకుని సాగుకు దిగారు. రైతులకు ఆశ కల్పించేలా వరుణుడు మొదట్లో మురిపించాడు. సీమ మొత్తం విస్తారంగా వర్షాలు కురిశాయి. దీంతో అన్నదాతలు రెట్టించిన ఉత్సాహంతో ఖరీఫ్ సాగుకు దిగారు. సీమ మొత్తం 17.20లక్షల హెక్టార్లలో వేరుశనగ, పత్తి, ఆముదం, కంది, కొర్ర, సజ్జ, జొన్న తదితర పంటలు సాగు చేశారు. ఆ తర్వాతి నుంచి వర్షపు చుక్క కనిపిస్తే ఒట్టు. భూగర్భజలాలు కూడా పూర్తిగా అడుగంటి పోయాయి. వేసిన పంటలు ఎండిపోయాయి. కడప, అనంతపురం జిల్లాల్లో పరిస్థితి దారుణంగా ఉంది. కర్నూలు జిల్లా పశ్చిమ ప్రాంతమైన పత్తికొండ, ఆలూరు, ఆదోని, ఎమ్మిగనూరు, కోడుమూరు, డోన్, ప్రాంతాల్లో పరిస్థితి మరింత దయనీయంగా ఉంది. పంటలు ఎండిపోయి.. రైతులు పొలాలను దున్నేస్తున్నారు. పెట్టిన పెట్టుబడి మొత్తం నేలపాలైంది.
 
తీవ్ర లోటు వర్షపాతం
రాయలసీమ జిల్లాల్లో ఈ ఏడాది వర్షపాతం లోటు తీవ్రంగా ఉంది. జూలై, ఆగస్టు, సెప్టెంబరు నెలలు పరిశీలిస్తే.. పరిస్థితి అర్థం అవుతుంది. ముఖ్యంగా కర్నూలు జిల్లాలో కొంత తక్కువ లోటున్నా.. కడప, చిత్తూరు, అనంతపురం జిల్లాల్లో మరీ ఎక్కువ లోటుంది. కడప జిల్లాలో మూడు నెలలకు సాధారణ సగటు వర్షం 288.1 మిల్లీమీటర్ల వర్షం కురవాల్సి ఉంటే.. 112.3 మిల్లీమీటర్ల వర్షం మాత్రమే కురిసింది. అంటే సగటున 61.0 మిల్లీమీటర్ల లోటు వర్షపాతం ఉంది. అలాగే అనంతపురం జిల్లాలో 229.8 మిల్లీమీటర్లకు గాను 117.6 మిల్లీమీటర్ల వర్షం మాత్రమే కురిసింది. 48.8లోటు వర్షపాతం నమోదైంది. అలాగే చిత్తూరు జిల్లాలో 331.3 మిల్లీమీటర్ల వర్షం కురవాల్సి ఉండగా.. 168.8 మిల్లీమీటర్ల వర్షం మాత్రమే కురిసింది. 45.8 మిల్లీమీటర్ల లోటు వర్షపాతం నమోదైంది. ఇక కర్నూలు విషయానికి వస్తే.. సాధారణ వర్షపాతం 418.2 మిల్లీమీటర్ల వర్షం కురవాలి. కానీ 366.7 మిల్లీమీటర్ల వర్షంమే కురిసింది. 51.5 మిల్లీమీటర్ల లోటు వర్షపాతం నమోదైంది. ప్రతి జిల్లాలో ఈ ఏడాది సాధారణ వర్షపాతం కంటే తక్కువ వర్షపాతం నమోదు కావడంతో పంటలు ఎండిపోయాయి. ఇప్పుడు వర్షాలు కురిసినా ఉపయోగం లేదని, ప్రత్యామ్నాయ పంటలు సాగు చేసుకోవాల్సిందేనని రైతులు చెబుతున్నారు. 

పెట్టుబడి నేల పాలు..
మొదట్లో వర్షాలు కురవడంతో ఆశపడ్డ రైతులు అప్పులు తెచ్చి మరీ సాగుకు దిగారు. దుక్కులు, విత్తనాలు, మందుల కోసం ఒక్కో రైతు ఎకరాకు రూ.7 వేల నుంచి 10 వేల వరకు ఖర్చు పెట్టినట్టు తెలుస్తోంది. అయితే వర్షాలు లేకపోవడంతో పంటలు మొత్తం ఎండిపోవడంతో పెట్టుబడి నేలపాలయ్యే దుస్థితి దాపురించింది. దీంతో అన్నదాతలు లబోదిబోమంటున్నారు. అప్పులు తీర్చలేక.. రుణదాతల ఒత్తిడి పెరిగి.. ఏంచేయాలో పాలుపోక అన్నదాతలు బలవన్మరణాలకు పాల్పడుతున్నారు. కర్నూలు జిల్లాలో సి.బెళగల్ మండలం మారందొడ్డికి చెందిన బాబురావు (50), కోసిగి మండలం, చొన్న బోంపల్లికి చెందిన బడాయి దేవేంద్ర (35) పురుగుల మందు తాగి ఆత్మహత్య చేసుకున్నారు. ఈ పరిస్థితి రాయలసీమలోని అన్ని జిల్లాల్లో ఉంది. 

నిండా మునిగిన వేరుశెనగ రైతులు
వర్షాలపై ఆధారపడి వేరుశెనగ సాగుచేసిన రైతులు నిండి మునిగిపోయారు. పెట్టిన పెట్టుబడిలో పైసా కూడా వెనక్కు వచ్చే పరిస్థితి లేదు. విత్తనాలు వేసి 90 రోజులు  కావస్తున్నా.. సకాలంలో వర్షాలు కురవకపోవడంతో పంట పూర్తిగా దెబ్బతింది. ఈ సవుయానికి కాయలు కాసి, ఏపుగా పెరగాల్సిన వేరుశెనగ పంట మొలక దశ నుంచే ఎండిపోతోంది. రైతులకు కనీసం పశుగ్రాసం కూడా లభించే పరిస్థితి కనిపించడం లేదు. ఇప్పటికే కొందరు రైతులు పంటను దున్నేస్తున్నారు. ఇప్పుడు వర్షం పడినా ప్రయోజనం లేదని రైతులు వాపోతున్నారు. దిగుబడి సంగతి అటుంచి, పశుగ్రాసం కూడా దొరకదని ఆవేదన వ్యక్తం చేశారు. భూమిలో నుంచి వేరుశెనగ చెట్లను తొలగించడానికి అయ్యే ఖర్చు కూడా తిరిగిరాదని, పంటను వదిలేయడం మినహా మరో మార్గం లేదని, పశువులను అమ్ముకునే పరిస్థితి వస్తుందని రైతన్నలు ఆందోళన చెందుతున్నారు. అనంతపురం జిల్లాలో కరువు తీవ్రంగా ఉంది. వర్షాలపై ఆధారపడి రైతన్నలు ప్రధానంగా సాగుచేసే వేరుశెనగ పంట ఎండిపోవడంతో నష్టాల ఊబిలో కూరుకుపోయారు. ప్రభుత్వం తమను ఆదుకోవాలని అన్నదాతలు వేడుకుంటున్నారు.



రైతులకు కేంద్రం శుభవార్త...

Updated By ManamWed, 09/12/2018 - 18:43
  • ఇక నుంచి కొత్త ధాన్య సేకరణ విధానం

  • ఆమోదం తెలిపిన కేంద్ర కేబినెట్

farmers

హైదరాబాద్ : కేంద్ర ప్రభుత్వం రైతులకు శుభవార్తను అందించింది. ఇటీవల ప్రతిపాదించిన కొత్త ధాన్య సేకరణ విధానానికి కేంద్ర కేబినెట్ ఆమోద ముద్ర వేసింది. బుధవారం సమావేశమైన కేబినెట్ ఈ మేరకు నిర్ణయం తీసుకుంది. దీంతో పాటు ఇథనాల్ ధరలను పెంచేందుకు గ్రీన్ సిగ్నల్ ఇచ్చింది. కొత్త ధాన్య సేకరణ విధానం అమలులోకి వస్తే.. రైతులకు తప్పనిసరిగా మద్దతు రానుంది.

ఎందుకంటే.. కొత్త విధానం ప్రకారం.. ప్రభుత్వం నిర్ణయించిన ధర కన్నా తక్కువకు మార్కెట్ ధరలు తగ్గిన పక్షంలో కనీస మద్దతు ధర కల్పించేందుకు ప్రభుత్వం హామీ ఇస్తుంది. ఫలితంగా దళారులు తమ ఇష్టారాజ్యంగా పంట ఉత్పత్తులకు ధరలను నిర్ణయించి రైతులను నిలువు దోపిడీ చేసేవారు. కొత్త విధానంతో అలాంటి సమస్యలన్నింటికీ చెక్ పడనుంది.

కొంతమంది అధికారులు, పాలకుల స్వార్థంతో దళారులకు కొమ్ముకాస్తూ.. మార్కెట్‌ను శాసించేవారు. కృతిమంగా పంట ఉత్పత్తులకు డిమాండ్ పెంచడం, తగ్గించడం చేయడంతో రైతులకు న్యాయం జరిగేది కాదు. కానీ కొత్త విధానం వల్ల మార్కెట్‌లో మద్దతు ధర కంటే పంట ఉత్పత్తులకు తక్కువ ధర వస్తే.. ప్రభుత్వమే మద్దతు ధర చెల్లించేలా హామీ ఉండడంతో ప్రభుత్వంపై భారం పడే అవకాశం ఉంది. 

తదనుగుణంగా తప్పనిసరి పరిస్థితుల్లో మార్కెట్‌లోని ధరలపై ప్రభుత్వం ఆజమాయిషీ తీసుకుని.. రైతులకు మద్దతు ధర కల్పిస్తుంది. ఇదిలావుంటే.. 22 పంటలకు ప్రభుత్వం మద్దతు ధర ప్రకటిస్తున్న విషయం తెలిసిందే. దీనికితోడు ఇటీవల ఈ పంటల ఉత్పత్తులకు మద్దతు ధరను పెంచారు. కొత్త ధాన్య సేకరణ విధానం వల్ల కేంద్రంపై రూ.40వేల కోట్ల అదనపు భారం పడుతుందని కేంద్రం అంచనా వేసింది. అలాగే లీటర్ ఇథనాల్‌కు ఇప్పుడు వస్తున్న రూ.47.5లను ఏకంగా రూ.52కు పెంచుతూ కేబినెట్ నిర్ణయం తీసుకుంది.





Related News