farmers

రైతు సంక్షేమం సాకారమయ్యేనా!

Updated By ManamTue, 09/04/2018 - 02:14

భారతదేశం వ్యవసాయమే ప్రధాన వృత్తిగా గల దేశం. వ్యవసాయమే ప్రధాన వృత్తి గల దేశంలో సాధారణంగానే రైతు సంక్షేమం ప్రధాన ప్రాధాన్యం కావాలి, మనదేశంలో వ్యవసాయమే ప్రథమ ప్రాధాన్యం అయినది కాబట్టి మన ప్రభుత్వం ఈ బడ్జెట్లో సంస్కారాలకు ప్రాధాన్యం ఇచ్చింది. ఆపరేషన్ గ్రీన్స్ వంటి సృజనా త్మక కార్యక్రమాలను రూపొందించింది. ఖరీఫ్ దిగుబడిలో కనీస మద్దతుధర లేని ఉత్ప త్తులకు రైతులకు అయినా ఖర్చుకు ఒకటి న్నర రెట్లుగా ప్రకటించింది. 22 వేల గ్రామీణ వాణిజ్య కూడాలులను, పూర్తిస్థాయి గ్రా మీణ మార్కెట్లుగా విస్తరించే ప్రణాళికను ప్రకటించింది. 

farmer
ప్రస్తుత ఖరీఫ్ పంట కాలంలో సాగు చేసే 14 రకాల పైర్లకు కనీస మద్దతు ధరలు పెంచుతూ కేంద్ర ప్రభుత్వం నిర్ణయం తీసుకున్నా ప్రస్తుతం వ్యవసాయదారులకు మద్ద తుదారులు అందించలేకపోతున్నాయి. ప్రస్తు తం సాధారణ వరి మద్దతు ధరలు క్వింటాకు 1550 రూపాయలు దాన్ని తాజాగా 200కు పెంచారు. ముతక ధాన్యాలు చిరుధాన్యాలు, పత్తికి మాత్రం మద్దతు ధరలు బాగానే ఉన్నట్లు కనిపిస్తుంది. అలాగే రాగి, జొన్న, సజ్జ పంటల మద్దతు ధర వరుసగా 52.5 శాతం 42 శాతం, 37 శాతం చొప్పున పెంచారు. అలాగే క్రమక్రమం గా కందులు, మినుములు మద్దతులో వృద్ధి వరు సగా 225 రూపాయలు, 200 రూపాయలకే పరిమిత మైంది. మరి ముఖ్యంగా టమోటా రైతులు భారీగా నష్టపోతున్నారు కాబట్టి వారిని కూడా దృష్టిలో ఉంచు కొని టమాటా కనీసం మద్దతు ధరను కేంద్ర ప్రభు త్వం, రాష్ర్ట ప్రభుత్వాలు నిర్ణయించాలి. మద్దతు ధరల పెంపుపై ప్రధాని మోదీ ఉత్పత్తి వ్యయం కన్నా ఒకటిన్నర రెట్లు అధికంగా ఉండేలా మద్దతు ఇస్తామంటూ రైతులకు హామీ ఇచ్చి నెరవేర్చినందుకు చాలా సంతోషమని, మద్ద తు ధర పెంపుదల చరిత్రాత్మకంగా రైతులందరికీ అభినం దనలు వ్యవసాయ రంగం అభివృద్ధికి ప్రభుత్వం కట్టుబడి ఉంది అన్నారు. మద్దతు ధర పెంపు మాయ అని ఆల్ ఇండి యా కిసాన్ సభ విమర్శించింది. మొత్తం సాగు ఖర్చును పరిగణలోనికి తీసుకోవాలంటూ స్వామినాథన్ ప్రతిపాదించిన సూత్రానికి అనుగుణంగా లేదని పేర్కొంది. ప్రభుత్వం సాగు ఖర్చులు లెక్కించేటప్పుడు భూమిమీద కౌలును పెట్టుబడి మీద వడ్డీ పరిధిలోనికి తీసుకోకపోవడం పెద్దలోటు. ఈ విషయాలను పరిగణనలోకి తీసుకుంటే రైతుకు మిగిలేది పెద్దగా ఉండదు. సజ్జలు, రాగులు మాత్రమే మద్దతు ధరను పెంచారు కానీ ఉ ద్యాన పంటలైన టమోటా, ఇతర కూరగాయలకు మద్దతు ధర లేక చాలా రైతులు నష్టపోతున్నారు. 

కేవలం మద్దతు ధర ప్రకటించి ఊరుకుంటే సరిపోదు దాన్ని సక్రమంగా అమలు చేస్తేనే రైతన్నకు లాభం వస్తుంది. అన్ని ప్రాంతాల్లో పండిన పంటలను కొనుగోలు చేయడం లేదు. ప్రభుత్వం సేకరణ కార్యక్రమాలు అన్ని పంటలకు రైతులందరికీ వర్తించడం లేదు. కొన్ని ప్రాంతాల్లో అరకొరగా నడుస్తున్నాయి. తూతూమంత్రంగా కొనసాగుతున్నాయి ని ర్లక్ష్యం, అలసత్వం పోటీపడుతున్నట్లు రైతులు ఫిర్యాదు చేస్తున్నా కేంద్ర రాష్ట్ర ప్రభుత్వాలు అంతగా పట్టించుకోవ డం లేదు. ఖరీఫ్ కాలంలో వరి రైతులు పండించిన పం టకు తప్ప మిగతా పంటలను పండించే రైతులు వాటి ని ప్రైవేట్ వ్యాపారులకు అమ్మడం తప్పడం లేదు. అలాంటి రైతులకు మద్దతు ధర రూపంలోనో, మరో రూపంలోనో గిట్టుబాటు ధర లభిస్తుందని ఆశలేదు. ప్రభుత్వం కనీసం మద్దతును ఖరారు చేసిన పని జరగదు ప్రస్తుతం వ్యవ సాయదారులు తానే స్వయంగా పంటలను మార్కెట్లో అమ్మడం కోసం మార్కెటింగ్ సదుపాయాలు ఏర్పాటు చేయాలి. ఈ అం శాన్ని దృష్టిలో పెట్టుకొని ఇందుకు సంబంధించి వివిధ రాష్ట్ర ప్ర భుత్వాలు కేంద్ర ప్రభుత్వంతో సంప్రదించి అనుకూల పరిస్థితు లను రైతుల ప్రయోజనాలను కాపాడేందుకు వ్యవస్థకు రూప కల్పన చేసే అధికారాన్ని ‘నీతి అయోగ్’ అప్పగించడం జరి గింది. అధిక దిగుబడి సందర్భాల్లో కూడా వ్యవసాయదారులు ఉత్పత్తులను కొనుగోలు చేసేందుకు ప్రభుత్వం కట్టుబడి ఉం ది వ్యవసాయ ఉత్పత్తులకు మార్కెట్ నుంచి రక్షణ కల్పించాలి.

‘ప్రధానమంత్రి కిసాన్ సంపద యోజన’ అనేది కేంద్ర ప్ర భుత్వానికి సంబంధించిన మరో పథకం ఇది రైతుల సంక్షేమం వారి సుసంపన్నతకు ఉద్దేశించినది. మార్కెటింగ్ పరమైన మద్ద తు ఇవ్వడంతో పాటు ప్రాసెసింగ్, విలువ జోడింపు సదుపా యాలు కల్పించడం ఈ పథక లక్ష్యం. దేశవ్యాప్తంగా ఏడాది పొడవునా విరివిగా ఉపయోగించే టమాటాలు, ఉల్లి, ఆలుగడ్డ వంటి వాటిని పెద్ద సంఖ్యలో రైతులు తమ జీవనోపాధి కోసం పండిస్తున్నారు. అయితే ఇవి త్వరగా పాడైపోయే గుణం కలిగి ఉండడం వివిధ ప్రాంతాల్లో దిగుబడులు కారణంగా రైతులు వినియోగదారులకు డిమాండ్, సరఫరాకు సంబంధించి ఇబ్బం దులు ఎదురవుతున్నాయి. ఈ నేపథ్యంలో కేంద్ర ప్రభుత్వం ఆపరేషన్ ఫ్లడ్ మాదిరిగా ‘ఆపరేషన్ గ్రీన్స్’ ప్రారంభించింది. 500 కోట్ల రూపాయలు కేటాయించింది. రైతులను సౌకర్యాలు వ్యవసాయ ఉత్పత్తుల ఎగుమతుల ద్వారా రైతులకు వీలు కల్పించే పంటను పండించడానికి ప్రోత్సాహం లభిస్తుంది. రైతులు, వినియోగదారుల ప్రయోజనాలను పరిరక్షించేందుకు ప్ర యోజనాలను పరిరక్షించేందుకు ఈ పథకం కింద అగ్రి లాజి స్టిక్స్ ప్రాసెసింగ్ సౌకర్యాలు ఈ పంటను మార్కెట్‌కు ప్రొఫెష నల్ మేనేజ్‌మెంట్ సదుపాయాలను కల్పించడం జరుగుతుంది. దీనికి తోడు వ్యవసాయ ఉత్పత్తుల ఎగుమతులను సరళతరం చేయడం ద్వారా రైతులు ఎగుమతులకు వీలు కల్పించడానికి ప్రోత్సాహం లభిస్తుంది.

అన్నదాతకు ఆర్థిక స్వస్థత కల్పిస్తేనే దేశం కుదుటపడు తుంది. ఈ మౌలిక అంశాన్ని అన్నదాతకు ఆర్థిక స్వస్థత విస్మ రిస్తే ఆ దృష్టాంతాలు అలా అనిపిస్తుంది. అందుకే రైతు జనం తో వ్యవసాయానికి మనుగడ అన్న స్వామినాథన్ వ్యాఖ్యలు అక్షర సత్యం. ప్రస్తుతం మనదేశంలో వ్యవసాయ నిపుణులలో పాలు ఎక్కువగా ఉన్నాయి. వీటివల్ల చిన్న, సన్నకారు రైతుల కు భారీగా నష్టం వస్తుంది. సాగు ఖర్చులు పెరుగుతున్నా కానీ వ్యవసాయ పంటల ధరలు పెరగడం లేదు. 2014-15 నుంచి 2016-17 సంవత్సర కాలంలో వ్యవసాయదారులకు ఆదాయం 16 శాతం పెరిగిన ద్రవ్యోల్బణం వల్ల విలువ తగ్గుతుంది. వ్యవసాయ ధరల ఆదాయం ఏమాత్రం పెరగలేదని నేషనల్ అకౌం ట్స్ స్టాటిస్టిక్స్ సంస్థ తెలిపింది. రాయితీ పథకాల వివరాలు తెలుసుకోవడానికి, దరఖాస్తు చేసుకోవడం, పంటల బీమా, వ్యవసాయ అధికారుల వివరా లను చూసుకోవచ్చు. లక్షల మంది రైతులు సమాచారం, భూముల విస్తీర్ణం, భూసార పరిస్థితి, ఎరువులు, విత్తనాలు, బ్యాంకుల వివరాలు డిజిటలైజేషన్ చేస్తే రైతులకు మేలు కలుగు తుంది. ఆధునిక సాంకేతికతకు పెద్దపీట వేస్తున్న ఆంధ్ర ప్రదేశ్ ప్రభుత్వం అందుబాటులోకి తెస్తే రైతులకు ఎంతో ప్రయోజనం ఉంటుంది. గ్రామీణ రైతులకు మేలు చేసేలా సమాచారం డిజిటలీ కరణ చేసి చట్టపరమైన నిర్ణయాలు తీసుకోవాలన్నా, రైతుకు రుణాలు ఇవ్వాలన్న, మార్కెట్ ధరలు నిర్ణయించాలన్న పంటల దిగు బడి మీద ఆధారపడి ఉంటాయని, దాన్ని కాపాడుకుంటూనే రైతుల నేపథ్యంలో సమగ్రంగా డేటా సేకరణ చేసుకోవాల్సిన అవసరం ఉందని ప్రపంచబ్యాంక్, పంట బీమా, నిపుణులు అభిప్రాయపడ్డారు. ఐవోటీ, శాటిలైట్ చిత్రాల ద్వారా భూగర్భంలో పొరల్లో నీరు ఉందో తెలుసుకుని సమాచారం అందుబాటు లోకి వస్తుందని, దీని ద్వారా రైతులు సులభంగా ఒక అంచనా తో బోర్లు వేసుకుని పరిస్థితి ఉంటుందని తెలియ జేశారు. ఈ సమగ్ర డేటా వల్ల ప్రపంచవ్యాప్తంగా రైతుల నేపథ్యంలో సమ గ్రమైన డేటా వల్ల పురోగతి ఉంటుంది. ఈ సమగ్ర వివరాలు వల్ల ఎగుమతులకు ప్రోత్సాహం ఉంటుంది. లక్ష గ్రామాల డిజి టల్ అనుసంధానం, 32 కోట్ల జన్‌ధన్ ఖాతాల విప్లవం, ‘ఈ నామ్’తో 470 వ్యవసాయ విపణులకు ఏర్పరిచిన అనుబంధం, దేశంలో ఆరు కోట్లమంది డిజిటల్ అక్షరాస్యులుగా తీర్చిదిద్దే యజ్ఞం.

దీర్ఘకాలంలో ఆర్థిక వ్యవస్థ స్థాపన లక్ష్యంగా విస్తరణకు భారీ పెట్టుబడులు కేటాయించి శాస్త్ర సాంకేతిక విజ్ఞానాభివ ద్ధికి ప్రాధాన్యతను ఇచ్చారు. వ్యవసాయ ఉత్పాదకాలలో కీలక మైన నీటిపారుదల, విద్యుచ్ఛక్తి, భారీ పరిశ్రమలు, విద్యా వైద్య రంగాల అభివృద్ధికి ఖుషిచేశారు. వ్యవసాయ విద్య, పరిశోధన, విస్తరణ, అభివృద్ధికి వ్యవసాయ విశ్వవిద్యాలయం స్థాపించి మే లు రకం విత్తనాలు, పంటల సంరక్షణ, పంటల దిగుబడి పెంచ డానికి రసాయన ఎరువులు వాడకం, నూతన ఉత్పాదనలపై పరిశోధనలు చేపట్టి వీటిని కేంద్రాల సమూహంగా సమాచార బదిలీకి అవకాశం కల్పించింది. శాస్త్ర సాంకేతిక పరిజ్ఞానంతో వ్యవసాయాన్ని లాభసాటిగా మార్చి కొత్త యోచనలు బలంగా ఉన్నాయి. 62% జనావళికి జీవికగా ఉన్న సేద్య రంగాన్ని శాస్త్ర సాంకేతికతల జోడెడ్లతో బడుగు రైతులకు లాభాల భరోసా ఇచ్చేలా తీర్చడమే లక్ష్యంగా సాగిన ‘ఆంధ్రప్రదేశ్ వ్యవసాయ సాంకేతిక శిఖరాగ్ర సదస్సు’ స్ఫూర్తిమంతంగా ముగిసింది. మారుతున్న కాలానికి అనుగుణంగా వ్యవసాయానికి సాంకేతిక తను అనుసంధానించి ప్రపంచంలోని అత్యుత్తమ విధానాలు, సాంకేతిక ఆవిష్క రణలకు పూర్తిస్థాయిలో అందిపుచ్చుకోవాలని ఆలోచనలకు అద్దం పట్టింది.రైతులకు అవసరమైన సమాచారం అంతా వారి ఇంటి వద్దకే చేరాలన్న ధోరణి కేంద్ర ప్రభుత్వం పలికింది. చిన్న చిన్న కమతాల రైతుల్ని బ ందాలుగా ఏర్పాటు చేసి, వేల ఎకరాల్లో సామాజిక సాగు ప్రోత్సహిస్తే ఖర్చు గణ నీయంగా తగ్గి భారీగా రైతులకు లాభాలు చేకూరుస్తుంది. వ్యవ సాయం, గ్రామీణాభివృద్ధి, సాగునీటి రంగాలకు ఈ ఏడాది బడ్జెట్లో పెద్దపీట వేసింది. రైతన్నల కుటుంబాల ఆదాయంపై ఆంధ్రప్రదేశ్ దేశంలో 21వ స్థానంలో ఉన్న వాస్తవాన్ని గుర్తించి, అన్నదాతలకు రాబడి పెంపుదలకు సాంకేతిక పరిష్కారాన్ని వేగ వంతం అన్వేషిస్తుంది. సేద్యంలో సౌలభ్యాన్ని శాస్త్రీయతను పెంచేలా రైతుకు బాసటగా 259 కొత్త సాంకేతిక ఆవిష్కరణల ప్రదర్శనలను విశాఖ సదస్సు వేదికైంది. రాష్ట్ర భవిష్యత్తు వ్యవ సాయ ముఖచిత్రాన్ని గుణాత్మకంగా మార్చి చొరవతో యువతరం ముందడుగు వేస్తే వ్యవసాయంలో సౌభాగ్యం సాకార మవుతుంది.

దేశ ఆర్థిక వ్యవస్థ ఇప్పటికీ ప్రధానంగా వ్యవసాయ ఆధారి తమైంది. దేశంలో 49 శాతం ప్రజలు ప్రత్యక్షంగా వ్యవసాయ రంగంపైనే ఆధారపడి ఉన్నారు. గ్రామీణ, సాంఘిక మౌలిక సౌకర్యాల అభివృద్ధి సరైన విద్య, వైద్య సదుపాయాలతో బలో పేతం చేయవలసి ఉంది. దేశంలో వ్యవసాయం, గ్రామీణ ఆర్థిక వ్యవస్థను బలోపేతం చేయడానికి కేంద్ర ఆర్థికమంత్రి సరైన దిశలోనే దృష్టిపెట్టారు. దీనికోసం రైతులు వారు పండించిన పంటకు సరైన ధర రావాల్సి ఉంటుంది. ఇదే కాకుండా వ్యవ సాయ మార్కెట్ల అనుసంధానతను కూడా బలోపేతం చేయాలి. గ్రామీణ ఆర్థిక వ్యవస్థకు పరిపుష్ట కల్పించడం గ్రామాల్లో మౌలి క వసతులను పెంపొందించడం ద్వారా వ్యవసాయా నికి, గ్రా మీణ అభివృద్ధికి దోహదపడుతుంది. ప్రభుత్వ విధాన నిర్ణ యాల్లో ఉద్యోగావకాశాలు సృష్టి ఉద్యోగిత కల్పనకు కీలక ప్రా ధాన్యత లభించింది. ముఖ్యంగా ముద్రరుణాలు, నైపుణ్య శిక్షణ కేంద్రాలను కూడా అభివృద్ధి వంటివి ఉపాధికి అద్దం పడు తున్నాయి. 
 ఎస్. శివారెడ్డి
9866041775



వ్యవసాయ కమిషన్లన్నీ  కంటితుడుపులే-2

Updated By ManamThu, 08/23/2018 - 23:28

 farmerతీవ్ర అసంతృప్తితో ఉద్యమించేందుకు సంసిద్ధులవుతున్న వ్యవసాయ జనావళిని నూతన ప్రజాస్వామిక వ్యవస్థ నిర్మాణం వైపుకు కదలించలేకపోతే, అశేష గ్రామీణ బడుగు, బలహీన వర్గాల ఉపాధిని ధ్వంసంచేస్తూ భారీ వ్యవసాయ క్షేత్రాలు, జాతీయ వ్యవసాయ మార్కెట్లు, స్టాక్ మార్కెట్‌లో ఫ్యూచర్ ట్రేడింగ్ రూపంలోని కార్పొరేట్ వ్యవసాయాన్ని ఈ సంక్షోభానికి పరిష్కారంగా తీసుకొచ్చేందుకు పాలకులు చొరవ చేస్తున్నారు. వ్యవసాయ సంక్షోభంతో ఆ రంగంపై ఆధారపడుతున్న ప్రజలను ఇతర రంగాలలో అనుబంధ, నైపు ణ్యరహిత కార్మికులుగా మారే విధంగా ప్రభుత్వాలు వలసలను ప్రోత్సహిస్తున్నాయి. వ్యవసాయ రంగ సంక్షోభ పరిష్కారానికి వ్యవసాయదారుల జనాభాను పారిశ్రామిక రంగ అనుబంధ నైపుణ్య రహిత చౌక శ్రమశక్తిగా అంటే ‘అదనపు జనాభా’గా మార్చే ప్రభుత్వ విధానాల వల్ల రైతాంగ ఆత్మహత్యలు పెరిగి పోతున్నాయి. అందులో భాగంగా వివిధ అభివృద్ధి ప్రాజెక్టుల పేరు మీద వ్యవసాయయోగ్యమైన భూమిని ప్రభుత్వాలు కారుచౌకగా సేకరించి స్వదేశీ, విదేశీ కార్పొ రేట్ వర్గాలకు ధారాదత్తం చేస్తున్నాయి. వ్యవ సాయరంగ కారణాలను ఉత్పత్తి పార్శ్వంలో గాక, పంపిణీ - వినిమయ పార్శ్వంలో నుంచి... గిట్టుబాటు ధరలు, ఇన్‌పుట్ ఖర్చులు పెరిగిపోవడం, రుణభారం, దళారీ వ్యవస్థ తదితర అంశాల్లో చూపించడం; 70 శాతం నష్టాల ఊబిలో కూరుకుపోయిన వ్యవసాయ రంగాన్ని పట్టుకు వేలాడకుండా ఇతర పారిశ్రామిక, సేవలరం గానికి తరలిపోయేందుకు వ్యవసాయ జనాభాను ప్రోత్సహించడం; అంతర్జాతీయ వ్యవసాయ మార్కెట్ ప్రయోజనాలకు అనుగుణంగా వ్యవసాయ క్షేత్రాలను కార్పొరేట్ శక్తులకు అప్పగించి, వారిని కార్పొరేట్ వ్యవసాయ క్షేత్రాలకు వ్యవసాయ ‘అదనపు జనాభా’గా మార్చేందుకు రంగం సిద్ధంచేసే విధానాలను ప్రభుత్వాలు అమలు చేస్తూ ప్రజల్ని పక్కదారి పట్టి స్తున్నాయి. 

సమాజంలోని ఆస్తి సంబంధాల పునాదిగా మిగతా ఉత్పత్తి సంబంధాలైన శ్రమ సంబంధాలు, పంపిణీ సంబంధాలు ఆధారపడి ఉంటాయి. ఒక వ్యవ స్థలో తలెత్తే సంక్షోభపు తల్లివేరు కేంద్రం శ్రమ సంబంధాలు, పంపిణీ సంబంధాల్లో కాక, ఆ సమాజపు ఆస్తి సంబంధాల్లో ఉంటుంది. ఆస్తి సంబంధాల విప్ల వాత్మక పునర్నిర్మాణంపై ఆధారపడి శ్రమ సంబంధాలు, పంపిణీ సంబంధాల్లో మౌలిక మార్పులు సంభ వించడం కద్దు. నేడు దేశంలో సుడులు తిరుగుతున్న వ్యవసాయ సంక్షోభం యంత్రాలు తదితర సాంకేతిక పరిజ్ఞానం వినియోగం, మార్కెట్‌లో గిట్టుబాటు ధర లభించకపోవడం, దళారీ వ్యవస్థ వంటి ‘వినిమయ పార్శ్వ’ సమస్యల్లో లేదు. అందుకు భిన్నంగా 90 శాతం దాకా చిన్న కమతాల్లో సాగవుతున్న పరిస్థితి, 70 శాతానికి పైగా బడుగు, బలహీన వర్గాలు, దళిత సమూహాలకు చెందినవారు కౌలు రైతులుగా మారడం వంటి భూ యాజమాన్య సంబంధాల్లో సంక్షోభాన్ని అన్వేషించాల్సి ఉంటుంది. దేశ వ్యవసాయ రంగం 70శాతానికి పైగా నష్టదాయకంగా మారడానికి ప్రధాన కారణం చిన్న కమతాల్లో సేద్యం చేయడమే. లక్షల ఎకరాలు సొంతంగా కలిగిన  భూస్వాములున్నప్పటికీ వారి సేద్యం భారీ కమతాల్లో కాక, కౌలు రైతుల ద్వారా చిన్న కమతాల్లోనే వ్యవసాయం చేయిస్తారు. పెట్టుబడిదారీ వ్యవసాయం భారీ కమతాల్లో ‘సమిష్టి శ్రమ’ ద్వారా, యంత్రాల ద్వారా సాగితే, భూస్వామ్య వ్యవసాయం చిన్న కమతాల్లో కౌలు రైతుల ద్వారా వైయక్తిక శ్రమ రూపంలో సాగుతుంది. భూస్వామ్యం లేదా ఆసియాటిక్ ఉత్పత్తి విధానంలో ఉన్న భారత్‌ను బ్రిటిష్ పెట్టుబడిదారీ విధానం వలసగా మార్చింది. అంటే భారత్‌లోని భూస్వామ్య/ ఆసియాటిక్ ఉత్పత్తి సంబంధాలన్నీ వలస సంబంధాలుగా మారడంతో వ్యవసాయ సంబంధాల్లో మౌలిక మార్పులు సంభవించాయి. భారత్ దేశపు వ్యవసాయ మిగులు ఉత్పత్తిదారుల వద్దనో, స్థానిక జమీందారుల వద్ద మాత్రమే పోగవలేదు. ఆ మిగుల్లో అధిక భాగం రైత్వారీ, జమీందారీ విధానాల ద్వారా సంచయనమై, ప్రపంచ పెట్టుబడిదారీ కేంద్రమైన బ్రిటన్ పారిశ్రామిక వ్యవస్థను పెంచేందుకు తరలిపోయింది. ఆ రకంగా భారత దేశ మిగులు ప్రపంచ పెట్టుబడిదారీ విధానంతో అనుసంధానం కావడమే కాదు, అంతర్భాగమైంది. 

ప్రపంచ పెట్టుబడిదారీ ఆర్థిక వ్యవస్థ ఉత్పత్తి మార్కెట్లు, శ్రమశక్తి మార్కెట్లు, ముడిసరుకుల మార్కెట్లు, సరకుల మార్కెట్లుగా విభజితమైంది. ఉత్తరార్ధ గోళ పారిశ్రామిక దేశాలు ఉత్పత్తి మార్కెట్లుగా ప్రపంచార్థిక వ్యవస్థకు ‘కేంద్రం’ కాగా, అదే శ్రమశక్తి మా ర్కెట్లు, ముడిసరుకుల మార్కెట్లు, సరుకుల మార్కెట్ల యిన దక్షిణార్ధగోళ జీవవైవిధ్యం మెండుగా ఉన్న వ్యవసాయక దేశాలు ప్రపంచార్థిక వ్యవస్థకు పొలిమేర ప్రాంతాలుగా మారాయి. పెట్టుబడి సమీకరణ సాంద్రీ కరణ (ఒకే రంగంలోని శ్రమ జీవులు సృష్టించే  అదనపు విలువ) , కేంద్రీకరణ (ఇతర పారిశ్రామిక రంగాలను సంశ్లేషించడం ద్వారా ఆయా రంగాల అదనపు విలువలు కూడా వచ్చి చేరడం) అనే రూపాలలో ఏకకాలంలో సాగుతుంది. అయితే ప్రపంచ ఆర్థిక వ్యవస్థ కేంద్రంలో  ‘సాంద్రీకరణ’ ప్రధానంగాను, దానికి అనుబంధంగా కేంద్రీకరణ రూపంలో పెట్టుబడి సమీకరణ జరుగుతుంది. అదే ‘పొలిమేర’ వ్యవసాయక దేశాలలో పెట్టుబడి సాంద్రీకరణ ప్రధానంగా, కేంద్రీకరణ అనుబంధ రూపంలో విస్తరిస్తుంది. దాంతో ప్రపంచ ఆర్థిక వ్యవస్థ కేంద్రంలోని పెట్టుబడిదారీ సంబంధాలకు, పొలిమేర దేశాల్లోని పెట్టుబడిదారీ సంబంధాలకు వ్యత్యాసం ఏర్పడింది. భారత్‌లోని విడివిడి భూస్వాముల వద్ద పోగుపడిన రైతాంగం సృష్టించినత అదనపు విలువ సమీకరణ ప్రవాహాన్ని దారి మళ్లించడం ద్వారా బ్రిటిష్ పెట్టుబడి మరింత పెంపొందింది. దాంతో స్థానిక భూ ఆస్తి సంబంధాలు బ్రిటన్ పెట్టుబడికి అనుబంధంగా మారడమే కాకుండా, ఒక విధంగా అంతర్భాగమయ్యాయి. భారత భూస్వామ్య సంబంధాలు రూపొంతరం చెంది వలస సంబంధాలుగా మారి బ్రిటన్ పెట్టుబడిదారీ సంబంధాలతో అనుబంధితమయ్యాయి. అలా భారత్ వంటి వ్యవసాయ ప్రధాన దక్షిణార్ధ గోళంలోని ఆర్థిక సంబంధాలు ప్రపంచ పెట్టుబడిదారీ విధానంతో అనుబంధితమవడం ద్వారా పొలిమేర ప్రాంతదేశాల్లో ఒక ప్రత్యేక తరహా పెట్టుబడిదారీ సంబంధాలుగా అవతరించాయి. ఈ క్రమం సామ్రాజ్యవాద దశలో (పెట్టుబడిదారీ విధాన అత్యున్నత దశ) మరింత వేగవంతమైంది. గ్లోబల్ ద్రవ్య పెట్టుబడికి అనుబంధంగా, దాని యంత్రాంగం పరిధిలోని బ్యూరాక్రటిక్ పెట్టుబడిదారీ సంబంధాలు (దేశ, విదేశీ కార్పొరేట్ పెట్టుబడి సారథ్యంలో ప్రభుత్వ పెట్టుబడి, భూస్వామ్య మిగులుతో కలగలసిన మిశ్రమ పెట్టుబడి)తో కూడిన పొలిమేర ప్రాంత పెట్టుబడిదారీ సమాజం భారత్ వంటి దక్షిణార్ధగోళ వ్యవసాయక దేశాలలో ఆవిర్భవించింది. విత్తనాలు, పురుగుమందులు, ఎరువులు తదితర వ్యవసాయోపకరణాల వ్యాపారం చేసే దేశ, విదేశీ అగ్రి బిజినెస్ కన్సార్టియం రూపంలో ఆ మిశ్రమ పె ట్టుబడి వ్యవసాయ రంగాన్ని పీల్చి పిప్పి చేస్తుండడంతో సంక్షోభ తీవ్రత శృతిమించి చిన్న కమతాల రైతులు, కౌలుదారులు రుణగ్రస్థులై ఆత్మహత్యలు చేసుకుంటున్నారు. 

దేశంలోని భూస్వామ్య విధానం ప్రపంచ ఆర్థిక వ్యవస్థలోని వ్యవసాయ బ్యూరాక్రటిక్ పెట్టుబడిదారీ విధానంగా రూపాంతరం చెందింది. గ్రామాలలో పురుగు మందులు, ఎరువులు, విత్తనాలు, వ్యవసాయ ఉపకరణాలు అమ్మే కొట్టు యజమాని నుంచి దేశ, విదేశ విత్తన, ఎరువుల, పురుగు మందుల కంపెనీలతో అనుబంధితమైన పెద్ద అంతర్జాతీయ యంత్రాంగం వ్యవసాయరంగాన్ని తన కబంధ హస్తాల్లో బంధించింది. ఈ మిశ్రమ పెట్టుబడి సారాంశంతో ఏర్పడిన ప్రభుత్వాలు భూస్వామ్యాన్ని నియంత్రించే ఉద్దేశంతో కాగితాలకు పరిమితమైన భూ గరిష్ఠ పరిమితి చట్టాన్ని రూపొందించాయేగానీ, ఎన్ని ఎకరాల భూమిని సాగుచేస్తే, రైతుకు నష్టం ఉండదో సూచించే ‘భూ కనిష్ఠ పరిమితి చట్టాన్ని’ రూపొందించాలనే స్పృహే వాటికి లేదు. ఏడాదికి ఎకరాకు పదివేల రూపాయల ఆదాయం వస్తే, ఒక చిన్న రైతు కుటుంబం భరోసాగా జీవించడానికి కనీసం 20 ఎకరాల భూమి అవసరం ఉంటుందని నిపుణుల అంచనా. అంతకంటే తక్కువ పరిమాణంలో భూమిని సాగుచేస్తే వ్యవసాయం నష్ట దాయకంగా మారుతుంది. అందువల్ల సాగుభూమికి సంబంధించిన ‘కనిష్ఠ భూ పరిమితి’ని ప్రభుత్వం నిర్ణయించాలి. రైతులు నష్టాల్లో కూరుకుపోకుండా కనీసం అవగాహన కోసమైనా ‘కనిష్ఠ భూ పరిమితి’ అవగాహన ఉపకరిస్తుంది. భూ కనిష్ఠ పరిమితికి దిగువన ఉన్న రైతాంగానికి పాశ్చాత్య దేశాల్లోలాగా ఉత్పత్తి కారకాల కొనుగోళ్ళు, మార్కెటింగ్‌లో 50 శాతానికి పైగా ప్రత్యక్ష సబ్సిడీ అంద జేయగలిగితేనే రైతు ఆత్మహత్యలకు పరిష్కారం దొరుకుతుంది. అయితే అభివృద్ధి చెందిన పెట్టుబడిదారీ దేశాలు వ్యవసాయ దేశాల నుంచి పెద్ద ఎత్తున ‘లాభాలు’ గడిస్తున్నాయి కాబట్టి తమ దేశ వ్యవసాయ రంగానికి భారీ సబ్సిడీలను అందించి ప్రోత్సహించ గలుగుతున్నాయి. భారత్ వంటి వెనకబడిన వ్యవసాయక దేశాలు అలాంటి పరిస్థితి లేదు. కాబట్టి సబ్సిడీల ద్వారా, గిట్టుబాటు/లాభసాటి ధరలు కల్పించే విధానాల ద్వారా వ్యవసాయరంగ సంక్షోభాన్ని పరిష్కరించగలిగే అవకాశం దక్షిణార్ధ గోళ వ్యవసాయ దేశాలలో లేదు. అలాంటి చర్యలతో పరిష్కారాలు సాధ్యం కావు. అవి కేవలం కంటితుడుపు చర్యలుగానే మిగులుతాయి. అయితే సమకాలీన పారిశ్రామిక వ్యవసాయ మార్కెటింగ్ వాతావరణంలో చిన్న కమతాల స్థానంలో భూ కనిష్ఠ పరిమితి పునాదిగా పెద్ద కమతాలు లేదా పెద్ద పెద్ద వ్యవసాయ క్షేత్రాల్లో సాగుచేసే లాభసాటి వ్యవసాయ ఉత్పత్తి పద్ధతి అమలులోకి తీసుకురాగలిగితే ప్రపంచ మార్కెట్ పోటీలో మన రైతాంగం మనగలుగుతుంది. 

వ్యవసాయ అదనపు విలువ పంపిణీని నిర్ణయించే వ్యవసాయక ఉత్పత్తి పార్శ్వమైన ఆస్తి/యాజమాన్య సంబంధాల మౌలిక పరివర్తనలోనే వ్యవసాయ సంక్షోభ పరిష్కారముంటుంది. దేశంలోని వ్యవసాయ రంగ బ్యూరోక్రటిక్ ఆస్తి సంబంధాలు వ్యవసాయ మిగులును దిగమింగుతూ, ఉత్పత్తిదారులైన రైతులను/కౌలుదారులను బికారులుగా, రుణ గ్రస్థులుగా మార్చుతూ ఆత్మహత్యలు చేసుకునేందుకు పురిగొల్పుతోంది. ఉత్పత్తి సాధనాలపై నేరుగా పెత్తనం లేకపోయినా వివిధ పారిశ్రామిక రంగాల్లోని అదనపు విలువను స్వాయత్తం చేసుకుంటున్న, పెత్తనం చేస్తున్న ద్రవ్యపెట్టుబడిలాగా, వ్యవసాయక బ్యూరోక్రటిక్ పెట్టుబడి వ్యవసాయ రంగంలో పుట్టే అదనపు విలువనంతా స్వాయత్తం చేసుకొని రైతుల జీవితాలను శాసిస్తోంది. ఈ నేపథ్యంలో వ్యవసాయక ఆస్తి సంబంధాలలో మౌలిక మార్పులు రాకుండా ఆ రంగంలో సంక్షోభం పరిష్కారం కాదు. ప్రకృతి-సమాజం మధ్య ఆదాన ప్రదానాలకు, సమతుల్యతకు విఘాతం కలిగించని ‘సహకార/సమిష్టి వ్యవసాయ క్షేత్రాల’ రూపంలోని ఆస్తి సంబంధాలతో కూడిన ‘సహచరిత ఉత్పత్తిదారుల’ (అసోసియేటెడ్ ప్రొడ్యూసర్స్) వ్యవస్థ నిర్మాణమే వ్యవసాయ సంక్షోభానికి పరిష్కారమని సోషలిస్టుల అభిప్రాయం. అందుకోసంతీవ్ర అసంతృప్తితో ఉద్య మించేందుకు సంసిద్ధులవుతున్న వ్యవసాయ జనావ ళిని నూతన ప్రజాస్వామిక వ్యవస్థ నిర్మాణం వైపు సోషలిస్టులు కదలించలేకపోతే, అశేష గ్రామీణ బడుగు, బలహీన వర్గాల ఉపాధిని ధ్వంసంచేస్తూ భారీ వ్యవసాయ క్షేత్రాలు, జాతీయ వ్యవసాయ మార్కెట్లు, స్టాక్ మార్కెట్‌లో ఫ్యూచర్ ట్రేడింగ్ రూపంలోని కార్పొరేట్ వ్యవసాయాన్ని ఈ సంక్షోభానికి పరిష్కారంగా తీసుకొచ్చేందుకు పాలకులు చొరవ చేస్తున్నారు. తస్మాత్ జాగ్రత్త!



పంట పొలాల నిండా నీరు

Updated By ManamThu, 08/23/2018 - 00:50
  • నష్టాలతో తల్లడిల్లుతున్న అన్నదాత

  • వాననీటిలో కుళ్లినపోయిన మిరపనారు.. బూజు పట్టిన పెసర.. ఇతర పంటలు

  • మూడు లక్షల ఎకరాల్లో పంట నష్టం.. బీమా లేదు.. కర్షకులకు భరోసా లేదు

farmerహైదరాబాద్: వరుణుడి ప్రకోపానికి అన్నదాతల ఆశలు ఆవిరయ్యాయి. అప్పులే పెట్టుబడిగా కష్టించి కంటికి రెప్పలా కాపాడుకుంటున్న పంటలను వరద తుడిచిపెట్టడంతో కర్షకులకు కన్నీరే మిగిలింది. ఏపుగా పెరిగిన మొక్కలతో నిండిన పచ్చని చేలు.. నేడు చెరువులను తలపిస్తున్నాయి. వరదల ధాటికి ఇసుక కుప్పలు, మట్టి దిబ్బల్లో కూరుకుపోయిన పంటలను చూసి రైతులు విలవిలలాడుతున్నారు. పట్టెడన్నం పెట్టే రైతును వర్షాలు, వరద రూపంలో కాటేస్తున్నాయి. కాగా, పంట నష్టం విషయంలో ఆదుకొని ఆపన్నహస్తం అందించాల్సిన అధికారులు నిర్లక్ష్యపు వ్యవహారాలతో కర్షకుల కష్టాలను రెట్టింపు చేస్తున్నారు. ఇదిలావుంటే.. ఖరీఫ్ సీజన్‌లో వరి సాధారణ సాగు విస్తీర్ణం 23.75 లక్షల ఎకరాలు కాగా, ఇప్పటివరకు 18 లక్షల ఎకరాల్లో మాత్రమే నాట్లుపడ్డాయి. వర్షాలు కురియడంతో సీజన్ ప్రారంభంలో నాట్లు వేసిన పొలాల్లో ప్రస్తుతం కలుపుతీత పనులు చేస్తున్నారు.

రాష్ట్రంలో పంటల దుస్థితి ఇదీ..
రాష్ట్రవ్యాప్తంగా కురుస్తున్న వర్షాలు అన్నదాతలకు భారీ నష్టాలను మిగిల్చాయి. ఒకటి కాదు రెండు కాదు.. ఏకంగా 3 లక్షల ఎకరాల్లో పంట నష్టం జరిగింది. ఈ లెక్కలు కేవలం వ్యవసాయ శాఖ అంచనా మేరకు మాత్రమే. క్షేత్రస్థాయిలో పరిశీలిస్తే మరో లక్షకు పెరిగే అవకాశం ఉంది. ఖరీఫ్ సీజన్ ప్రారంభంలో సకాలంలో వర్షాలు లేక పంటల సాగును కొన్ని ప్రాంతాల్లో ఆలస్యంగా మొదలుపెట్టారు. మరికొన్ని ప్రాంతాల్లో ముందస్తుగా కురిసిన వర్షాలకే సాగు చేశారు. ఇందులో ప్రధానంగా పత్తి, సోయాబీన్, జొన్న, పెసర పంటలున్నాయి. ఈ పంటలే ఇటీవలి వర్షాలకు అధికంగా దెబ్బతిన్నాయి. ఉమ్మడి ఖమ్మం జిల్లాలో అత్యధికంగా సాగు చేసే.. మిర్చి పంట రైతులకు ఈసారి ఎదురుదెబ్బ తగిలినట్టే. ఇప్పటికే మిర్చి సాగు కోసం సిద్ధం చేసి పెట్టుకున్న మిరప నారు.. వారం రోజులకు పైగా నీటిలో మునిగిపోవడంతో.. అదంతా కుళ్లిపోయింది. మళ్లీ నారు సిద్ధం చేసుకుని.. పంటలు సాగు చేసేందుకు నెల రోజులకు పైగా సమయం పట్టనుంది. ఈ దశలో ఈ యేడు ఉమ్మడి ఖమ్మం జిల్లాలో మిర్చి పంట సాగుపై నీలినీడలు కమ్ముకోనున్నాయి.

వర్షానికి చేదెక్కనున్న పెసర గింజలు..
అత్యధికంగా ఉమ్మడి ఆదిలాబాద్ జిల్లాలో 1.23 లక్షల ఎకరాల్లో పంటలు నష్టపోయాయి. పత్తి, పెసర పంటలు నీటిలో మునిగిపోయాయి. రాష్ట్రవ్యాప్తంగా పెసరపంట రైతులు కోలుకోలేని పరిస్థితి నెలకొంది. రాష్ట్రంలో 1.76 లక్షల ఎకరాల్లో పెసర పంటను సాగు చేశారు. మరో వారం రోజుల్లో పంటను సేకరిస్తారు. ఇంతలోనే భారీ వర్షాల రూపంలో నష్టాలు వారిని వెంటాడాయి. పెసర పంట చేతికొచ్చే సమయంలో భారీ వర్షాల కారణంలో చేలల్లో నీరు నిలిచిపోయింది. ఫలితంగా పెసరకాయ బూజు పట్టింది. చేలల్లో నుంచి మరో రెండు మూడు రోజులు నీరంతా బయటికి పోకపోతే.. ఏం మిగలని పరిస్థితి. దీనికితోడు పెసర చేలు గుబురుగా ఉండడంతో.. ఎండ సరిగా తగలకపోవడంతో పెసర గింజలు నల్లగా మారి చేదెక్కుతాయి. దీంతో ఒకవేళ పంటను సేకరించినా.. ఏమాత్రం ఫలితం ఉండదు. పెసరకాయలోని గింజలు తడిసి ముద్దవ్వడంతో మొలకెత్తే పరిస్థితి ఉంది. రెండుమూడు రోజులు వర్షాల పరిస్థితి ఇలాగే ఉంటే.. పెసళ్లను గూడాలు చేసుకునేందుకు కూడా పనికి రాకుండాపోతాయి.

ఎడతెరిపిలేని వర్షాలు..
ఎడతెరిపి లేకుండా కురుస్తున్న వర్షాలు పంటలను పొట్టన పెట్టుకున్నాయి. రాష్ట్రంలోని అన్ని ప్రాంతాల్లో చెరువులు, వాగులు ఉగ్రరూపం దాల్చి సమీపంలోని పంటలను నాశనం చేశాయి. ఇక నదీ పరివాహక ప్రాంతాలతో పాటు పరిసర పంట పొలాలు నామరూపాల్లేకుండా పోయాయి. రహదారుల పక్కన ఉన్న చిన్న కల్వర్టులు, సింగిల్ పైపు కల్వర్టులు సైతం సమీప పంట పొలాలకు తీవ్ర నష్టాన్ని కలగజేశాయి. ఉమ్మడి ఖమ్మం, ఆదిలాబాద్ జిల్లాల్లో సోయాబీన్, జొన్న, పత్తి పంటలు తీవ్రంగా నష్టపోయాయి. రాష్ట్రంలోని కొన్ని మెట్ట ప్రాంతాల్లో పంటల పరిస్థితి కాస్తంత మెరుగ్గానే ఉంది. కానీ అధికారులు పంటల నష్టాన్ని సరిగా అంచనా వేయలేదని పలువురు రైతులు ఆరోపిస్తున్నారు. మరో రెండుమూడు రోజులు ఇలాగే ముసురు బెడితే.. పత్తి, సోయాబీన్, జొన్న వంటి పంటలు ఎందుకు పనికిరావు.

బీమా లేదు.. కర్షకులకు భరోసా లేదు
ఏటా పంట రుణాల్లో నుంచి బలవంతంగా బీమా ప్రీమియం తీసుకుంటున్న అధికారులు, పంట నష్టపోయిన సమయంలో మాత్రం అన్నదాతలకు ఏనాడూ పరిహారం అందించలేదు. పంటల బీమా భ్రమలా మారిందని, వర్షాభావం, వరుస వర్షాలతో పంటలు నాశనమైనా పైసా పరిహారం ఇవ్వరని రైతులు వాపోతున్నారు. ఇదిలావుంటే.. రాష్ట్రవ్యాప్తంగా రైతులకు 25 శాతం పంట రుణాలను నేటి వరకు పంపిణీ చేయలేదు. చాలామంది రైతులు పంట రుణాల సమయంలో బీమా ప్రీమియాన్ని ఏలాగూ మినహాయించుకుంటారనే ఉద్దేశంతో కేంద్ర ప్రభుత్వం ప్రవేశపెట్టిన ప్రధానమంత్రి ఫసల్ బీమా యోజనలో చేరలేదు. ఇటు రాష్ట్రంలో బ్యాంకులు సకాలంలో రైతులకు రుణాలివ్వకపోవడంతో ఈ బీమాకు సైతం అనర్హులయ్యారు. ఈ నేపథ్యంలో ప్రస్తుతం రైతులకు పంట నష్ట పరిహారం ఏ కోశానా అందేపరిస్థితి లేదు.



రైతులకు అండ‌గా... రేణూ

Updated By ManamFri, 08/10/2018 - 12:12

Renu Desaiఈ మ‌ధ్య‌నే నిశ్చితార్థ వార్త‌ల‌తోనూ, ప‌వ‌న్ క‌ల్యాణ్ అడిగితేనే తాను డైవ‌ర్స్ ఇచ్చాన‌నే వార్త‌ల‌తోనూ మీడియాలోకెక్కిన రేణూదేశాయ్ తాజాగా రైతుల స‌మ‌స్య‌ల గురించి ఆలోచిస్తానంటూ వార్త‌ల్లో నిలుస్తున్నారు.  ఆమె తెలుగులో ఓ సినిమాకు ద‌ర్శ‌క‌త్వం వ‌హించ‌నున్నార‌నే వార్త‌లు క్ర‌మంగా వెలువ‌డుతూనే ఉన్నాయి. తాజాగా అందిన స‌మాచారం ప్ర‌కారం ఆమె సిద్ధం చేసుకున్న క‌థ రైతుల‌కు సంబంధించి. ఈ క‌థ పూర్తిగా రియాలిటీకి ద‌గ్గ‌ర‌గా ఉండాలంటే త‌ప్ప‌కుండా గ్రౌండ్ లెవ‌ల్‌కి వెళ్లి రైత‌న్న‌ల‌తో మాట్లాడాల్సిందే. ఇప్పుడు అదే ప‌ని చేస్తానంటున్నారు రేణూదేశాయ్‌. స్క్రిప్ట్ ప‌నులు దాదాపుగా పూర్తి కావ‌చ్చినా, నిజంగా గ్రౌండ్ లెవ‌ల్లో ఉన్న రైతుల వ‌ద్ద‌కెళ్లి మాట్లాడుతాన‌ని అంటున్నారు. త్వ‌ర‌లోనే ఆ ప్రోగ్రామ్‌ను మొద‌లుపెట్ట‌నున్న‌ట్టు తెలిపారు. 2019 ప్రారంభంలో ఈ సినిమాను మొద‌లుపెట్ట‌నున్న‌ట్టు, అంత‌లో వ్య‌క్తిగ‌త విష‌యాల‌న్నిటికీ ఓ కొలిక్కి తెచ్చుకోనున్న‌ట్టు ఆమె తెలిపారు. ఇంత‌కు ముందు మంగ‌ళాష్ట‌క్ సినిమాకు నిర్మాత‌గా, ఇష్క్ వాలా ల‌వ్ సినిమాకు ద‌ర్శ‌కురాలిగా రేణూకు అనుభ‌వం ఉన్న సంగ‌తి తెలిసిందే.



సాయం అందదు అప్పు పుట్టదు!

Updated By ManamTue, 08/07/2018 - 00:18
  • పెట్టుబడికి ప్రైవేటు అప్పులు.. పెరిగిన కౌలు ధర, కూలీ రేట్లు

  • ప్రభుత్వం ఆదుకోవాలంటూ విజ్ఞప్తి.. లేదంటే ఆత్మహత్యే దిక్కంటూ ఆవేదన

farmerహైదరాబాద్: కౌలు రైతుల పరిస్థితి రోజురోజూకీ దుర్భరంగా మారుతోంది. ఇటు ప్రభుత్వ సాయం అందక.. అటు పెట్టుబడికి డబ్బులు దొరక్క.. దిక్కుతోచని స్థితిలో ఉన్నారు. పెట్టుబడి సాయం కింద ప్రభుత్వం అందజేస్తున్న ఎకరానికి రూ.4వేలు కౌలు రైతుకు దక్కకపోవడంతో ప్రైవేటు వడ్డీ వ్యాపారులను ఆశ్రయించి అప్పుల ఊబిలో కూరుకుపోతున్నారు. ఖరీఫ్ సీజన్ ప్రారంభమై.. నెలలు గడస్తున్నా నేటికీ సగం మంది పెట్టుబడికి డబ్బులు అందక, నాట్లు వేయడం, విత్తనాలు పెట్టడంలో వెనకబడ్డారంటే అతిశయోక్తి కాదు. ఇక అన్ని అర్హతలు ఉన్నా.. రైతులకే రుణాలివ్వడానికి నానా కొర్రీలు పెడుతున్న బ్యాంకర్లు కౌలు రైతులకు చుక్కలు చూపిస్తున్నారు. పట్టాదారు పాసుపుస్తకాలు లేకపోవడం, ప్రభుత్వం కౌలు గుర్తింపు కార్డులను జారీ చేయకపోవడంతో బ్యాంకు రుణం వీరికి అందని ద్రాక్షగా మిగిలింది. ప్రైవేటుగా తప్ప ప్రభుత్వ పరంగా తక్కువ వడ్డీకి అప్పు పుట్టడంలేదు. ఈ ఏడాది సాధారణ వర్షపాతం నమోదవుతుందన్న వాతవరణ శాఖ అంచనాలతో ఈ ఖరీఫ్‌ను ఉత్సాహం గా మొదలుపెట్టారు. గతేడాది వర్షాలు సకాలంలో పడకపోవడం, ఈ యేడు అదే పరిస్థితి ఎదురవ్వడంతో కౌలు రైతులు తీవ్ర ఇబ్బందులు పడుతున్నారు. 

ఆర్థికంగా చితికిపోతున్న కౌలుదారులు..
ప్రభుత్వ పెట్టుబడి సాయం అందకపోవడం.. బ్యాంకులు రుణాలివ్వకపోవడం మూలంగా కౌలు రైతులు ఆర్థికంగా చితికిపోయే పరిస్థితి ఏర్పడుతోంది. మరోవైపు భూయాజమానులు ముందే కౌలు డబ్బులు ఇస్తే తప్ప.. భూమిని సాగు చేసుకోనివ్వకపోవడంతో ఆవేదన చెందుతున్నారు. కౌలుదారు చట్టం ప్రకారం భూయాజమానుల అనుమతులు లేకుండానే రైతుకు రుణ అర్హత కార్డులను జారీ చేయాలి. కానీ పాసుపుస్తకాలను బ్యాంకుల్లో పెట్టి రుణాలను ఇప్పించడానికి యజమానులు ససేమిరా ఒప్పుకోవడం లేదు. గతంలో కౌలు గుర్తింపు కార్డులున్న వారికి బ్యాంకులు నేరుగా రుణాలిచ్చేవి. రెవెన్యూ అధికారులు క్షేత్రస్థాయిలో పరిశీలన చేసి గుర్తింపు కార్డులు అందజేసేవారు. ఆర్థిక ఇబ్బందులు కారణంగా రాష్ట్రం ఏర్పడిన తర్వాత ఒక్క ఉమ్మడి నల్లగొండ జిల్లాలోనే దాదాపు 435 మంది రైతులు ఆత్మహత్య చేసుకున్నారు. గతేడాది సుమారు 200 మంది రైతులు ఆత్మహత్య చేసుకుంటే.. వీరిలో 125 మంది కౌలు రైతులు ఉండడం.. వారి దుర్భర పరిస్థితికి అద్ధం పడుతోంది.

రాష్ట్రంలో కౌలు రైతుల పరిస్థితి ఇలా..
రాష్ట్రవ్యాప్తంగా 58 లక్షల మంది రైతులు ఉన్నారు. వీరు 1.08 కోట్ల ఎకరాల భూమిని సాగు చేస్తున్నారు. అయితే 58 లక్షల మంది రైతుల్లో దాదాపు 20 లక్షల మంది కౌలు రైతులు ఉండడం గమనార్హం. అయితే రాష్ట్రంలో వ్యవసాయం గ్రామీణ ప్రాంతాల ప్రజలకు ప్రధాన జీవానాధారం. చాలామందికి ఉపాధి దొరక్క.. కుటుంబాలను పొషించుకునేందుకు కౌలుకు భూమిని సాగు చేస్తున్నారు. గతేడాది వరకు మక్కుతూ ములుగుతూ భూమిని సాగు చేసుకుంటూ.. కుటుంబాలను నెట్టుకొచ్చేవారు. కానీ రాష్ట్ర ప్రభుత్వం పెట్టుబడి సాయం పథకాన్ని అమలు చేయడంతో వీరికి కష్టాలు మొదలయ్యాయని చెప్పాలి. ఎందుకంటే.. అవగాహన లోపం కారణంగా భూమిని కౌలుకు ఇస్తే.. పెట్టుబడి సాయం అందదనే అపోహతో ఈయేడు భూములను వారే సాగు చేసుకున్నారు. భూములను కౌలుకు ఇచ్చేవారు తగ్గడంతో.. పెట్టుబడి పథకం పట్ల అవగాహన ఉన్న కొంతమంది రైతులు ఎక్కువ ధర చెల్లిస్తే.. కౌలుకు ఇచ్చేందుకు అంగీకరించారు. చేసుకునేందుకు పని దొరకదనే భావనతో.. చాలామంది కౌలు రైతులు ధర ఎక్కువ అయినా.. భూమిని కౌలుకు తీసుకున్నారు. ఒక్క ఎకరానికి ఈ సంవత్సరం రూ.14 వేల నుంచి రూ.20 వేల వరకు కౌలు ధర పలికింది. ఇదిలావుంటే.. ప్రభుత్వం ఉచితంగా రూ.4వేలను ఎకరానికి అందిస్తుందనే కారణంతో కూలీలు రేట్లను అమాంతం పెంచేశారు. ప్రస్తుతం నైపుణ్యం ఉన్న కూలీలు దొరక్కపోవడంతో పాటు వ్యవసాయ కూలీలుగా మారేందుకు ఈ తరం యువత ఆసక్తి చూపడం లేదు. ఫలితంగా కూలీ రేట్లు పెరగడం, కూలు ధరలు ఆకాన్నంటడం వంటి కారణాలతో కౌలు రైతుల పాలిట గుదిబండలా మారాయి. ఇప్పటికైనా ప్రభుత్వం స్పందించి కౌలు రైతులకు పెట్టుబడి సాయం అందేలా చూడాలని పలువురు రైతులు కోరుతున్నారు.

ఆత్మహత్యే శరణ్యం..
కౌలు ధరలు అమాంతంగా పెరిగాయి. పెట్టుబడి పథకం పుణ్యమా అంటూ కూలీ రేట్లను విపరీతంగా పెంచేశారు. నాట్లు వేసేందుకు కూలీల కొరత ఉండడంతో ఎకరాకు రూ.3 వేల నుంచి రూ.4వేలు చెల్లించాల్సి వస్తుంది. గతంలో కౌలు రైతు గుర్తింపు కార్డుతో బ్యాంకుల్లో అప్పిచ్చేటోళ్లు. ప్రస్తుతం అలాంటిదేమీ లేదు. రైతు సంక్షేమానికి ఎన్నో పథకాలు తీసుకొస్తున్న ప్రభుత్వం.. కౌలు రైతుల గురించి ఆలోచించాలి. పెట్టుబడి ఖర్చులకు ప్రైవేటు అప్పులు తేవడంతో వడ్డీల భారం పెరుగుతోంది. ఏటికేడు అప్పుల్లో కూరుకుపోతున్నం. ఇప్పటికైనా ప్రభుత్వం ఆదుకోవాలి. లేకపోతే కుటుంబాలతో సహ ఆత్మహత్యలే శరణ్యం అవుతాయి.
- కె.బుచ్చిరెడ్డి, 
త్రిపురారం, నల్లగొండ జిల్లా



సాధారణం కంటే తక్కువ

Updated By ManamThu, 08/02/2018 - 23:20
  • ఈ ఏడాది వర్షపాతం అంచనా.. వేడెక్కుతున్న పసిఫిక్ మహాసముద్రం

  • మళ్లీ ఎల్ నినో ముప్పు తప్పదు.. బలహీనపడ్డ నైరుతి రుతుపవనాలు

  • ముఖం చాటేసిన వరుణుడు.. దేశానికి 25 శాతం కరువు ముప్పు

  • పెరగనున్న ఆహారోత్పత్తుల ధరలు.. వాతావరణంపై స్కైమెట్ నివేదిక 

farmerన్యూఢిల్లీ:  ఈ ఏడాది వర్షాలు అంతంత మాత్రమే పడే అవకాశముందని స్కైమెట్ నివేదిక వెల్లడించింది. స్కైమెట్ వెదర్ సర్వీసెస్ ప్రైవేట్ లిమిటెడ్ తేల్చిన తాజా సమాచారం ప్రకారం ఈ ఏడాది సాధారణ వర్షపాతం కంటే తక్కువ నమోదవ్వనుంది. వీరి అంచనాలకు అటో ఇటో 5 శాతం మాత్రమే వ్యత్యాసం ఉండే అవకాశాలుండగా ఈ వార్త రైతులకు పిడుగులా మారింది. దీంతో వంటనూనెలు, చిరుధాన్యాలు, చక్కెర వంటి దిగుమతులు తప్పకపోవచ్చని ఈ వెబ్‌సైట్ భావిస్తోంది. దక్షిణాసియాలో అత్యధికంగా వరి, గోధుమ, చక్కెర, పత్తి ఉత్పత్తి చేసే దేశంగా ఉన్న మనదేశంలో వ్యవసాయం వర్షాధారితమైనదే. నైరుతి రుతుపవనాలు ఆగస్టులో మరింత బలహీనపడనున్న నేపథ్యంలో రెండవ విడతలో తక్కువ వర్షపాతం నమోదవ్వచ్చని నివేదిక చెబుతోంది.  రుతుపవనాలను చురుగ్గా చేసే పరిస్థితులు సముద్రంలో ప్రస్తుతం లేకపోవడంతో ఇదంతా జరుగుతోందని స్కైమెట్ వివరించింది.  పసిఫిక్ మహాసముద్రం వేడెక్కుతోందని, దీంతో ఎల్ నినో ముప్పు తప్పేలా లేదని హెచ్చరించింది.  దీని ప్రభావంతో ఆసియా, ఆస్ట్రేలియాల్లోని పలుప్రాంతాల్లో పొడి వాతావరణం కొనసాగనుంది. హిందూమహాసముద్రంలోని రెండు ధ్రువాల్లో ప్రస్తుతం వాతావరణం తటస్థంగా ఉన్నట్టు వీరు వివరిస్తున్నారు.  సెప్టంబరు లేదా ఆతరువాత కూడా ఈ పరిస్థితుల్లో మార్పుఉండకపోవచ్చని స్కైమెట్ వివరించింది.  ఈ ఏడాది ఆగస్టు వరకూ 96శాతం వర్షాలు కురిసే అవకాశాలుండచ్చని ముందుగా అంచనా వేసిన ప్పటికీ దీర్ఘకాలిక సగటును తీసుకుంటే ఇప్పటివరకూ దేశంలో 88శాతం వర్షపాతం మాత్రమే నమోదైంది. ఇక గత అంచనాల ప్రకారం సెప్టంబరు మాసాంతానికి 101శాతం వర్షపాతం నమోదుకావాల్సి ఉండగా తాజాగా స్కైమెట్ వేసిన అంచనాల ప్రకారం ఇది 93శాతం మాత్రమే ఉండనుంది.  భారత వాతావరణ పరిశోధనాశాఖ వెల్లడించిన సమాచారం మేరకు సాధారణ వర్షపాతం కంటే 6 శాతం తక్కువ వర్షపాతం జూన్ 1 వరకూ నమోదైంది.  మరోవైపు తెలుగు రాష్ట్రాల్లో వర్షాలు లేక రైతులు విలవిల అంటూంటే స్కైమెట్ వెల్లడించిన సమాచారం రైతన్నలను తీవ్ర నిరాశకు గురిచేస్తోంది.  మనదేశంలో వ్యవసాయం నైరుతి రుతుపవనాలపైనే అత్యధికంగా ఆధారపడి ఉండడంతో ఈ ఏడాది ధరాఘాతం తప్పేలా లేదనే వాదన బలంగా వినిపిస్తోంది.

ఎండుతున్న పంటలు
ఈ ఏడాది నైరుతి రుతుపవనాలు ముందే వచ్చినా.. ప్రారంభంలో విస్తారంగా వర్షాలు పడినా.. ఇటీవల వర్షాలు లేకపోవడంతో పలు ప్రాంతాల్లో పంటలు ఎండిపోతున్నాయి. ముఖ్యంగా వర్షాధార పంటలకు నష్టం ఏర్పడుతోంది. రాయలసీమలో దీని ప్రభావం ఎక్కువగా కనిపిస్తోంది. వర్షాధారంతో సాగు చేసే వేరు శనగ, కంది పంటలు దెబ్బతింటున్నాయి. ఖరీఫ్ సీజన్ ఆరంభంలో వర్షాలు పడటంతో రైతులు పంటలను సాగు చేశారు. ఇటీవల వర్షాలు లేకపోవడంతో రైతన్నలు ఆందోళన చెందుతున్నారు. వర్షాలు పడకుంటే పంటలు పూర్తిగా ఎండిపోయే ప్రమాదం ఉందని, పెట్టుబడి కూడా రాదని ఆవేదన వ్యక్తం చేస్తున్నారు.



రెండో విడతకు రెడీ!

Updated By ManamMon, 07/30/2018 - 06:33
  • సెప్టెంబర్‌లో ఇచ్చే అవకాశం

  • సాగు చేసినా.. చేయకున్నా.. ‘పెట్టుబడి’

  • ముంచుకొస్తున్న ఆర్డర్ చెక్కుల గడువు

  • రూ.5,100 కోట్లను నగదుగా మార్చుకున్న రైతులు

rythu-banduహైదరాబాద్: ప్రపంచంలోనే తొలిసారిగా రైతుల సంక్షేమం కోసం టీఆర్‌ఎస్ సర్కారు రైతు బంధు పథకాన్ని ప్రవేశపెట్టిన విషయం తెలిసిందే. ఖరీఫ్ సీజన్‌కు సంబంధించి మే నెలలో ఎకరాకు రూ.4వేలు సాయాన్ని చెక్కుల ద్వారా రాష్ట్ర ప్రభుత్వం పంపిణీని ప్రారంభించింది. రెండో విడత సాయాన్ని రబీ సీజన్‌కు ముందే అందించేటందుకు సిద్ధమైంది. అవసరమైన రూ.5925 కోట్ల నిధులను విడుదల చేసింది. అయితే వీటిని కార్డుల రూపంలో ఇవ్వాలా? లేదా చెక్కుల రూపంలో ఇవ్వాలా? అనే విషయం ఇంకా ఖరారు కాలేదు. యాసంగి(రబీ) సీజన్ అక్టోబర్ మొదటివారం నుంచి ప్రారంభం కానుంది. అందుకని సెప్టెంబర్ నెలాఖరు నాటికి ఎకరాకు రూ.4వేలు పెట్టుబడి సాయాన్ని రాష్ట్ర ప్రభుత్వం అందించనుంది. రెండో విడతలో ఇట్లా...

ఖరీఫ్ సీజన్ మాదిరిగానే రబీ సీజన్‌లోనూ పట్టాదారు పాసుపుస్తకం ఉన్న ప్రతి రైతుకూ పెట్టుబడి సొమ్ము ఇవ్వనున్నారు. అయితే పథకం ప్రారంభంలో పంట సాగు చేసిన భూములకు మాత్రమే రెండో విడతలో పెట్టుబడి సాయం అందిస్తారన్న ప్రచారం జరిగింది. కానీ ప్రస్తుతం ఖరీఫ్‌లో ఇచ్చిన రైతులందరికీ పంట సాగు చేసినా.. చేయకపోయినా పెట్టుబడి సాయం అందనుంది. రాష్ట్రంలో ఖరీఫ్ సీజన్‌లో 1.08 కోట్ల ఎకరాలు సాధారణ సాగు కాగా, రబీ సీజన్‌లో 31.92 లక్షల ఎకరాలు మాత్రమే. మొదట్లో ప్రభుత్వం సాగు చేసిన ఎకరాలకు మాత్రమే సాయం అందించాలని భావించింది. కానీ ఖరీఫ్‌లో సాగు చేపట్టిన పత్తి, మిర్చి తదితర పంటలు ఎనిమిది నెలలకు పైగా ఉంటాయి. దీంతో ఖరీఫ్ మాదిరి ప్రతి రైతుకు పంటతో నిమిత్తం లేకుండా రూ.4వేలు అందనున్నాయి.

image

చెక్కులవైపే మొగ్గు...
రెండో విడత పెట్టుబడి సాయాన్ని రైతులకు కార్డుల ద్వారా అందజేయాలని రాష్ట్ర ప్రభుత్వం పథకం ప్రారంభంలోనే భావించారు. కానీ ఈసారి కార్డుల ద్వారా సాయం అందే సూచనలు కన్పించడం లేదు. ఎందుకంటే.. చెక్కుల ద్వారా రైతులకు సాయం సొమ్ము అందించడం వల్ల రైతులకు ప్రభుత్వ సాయం పట్ల స్పష్టత ఉంది. ఎవరికీ ఎంత సొమ్ము వచ్చిందనే విషయం స్పష్టంగా తెలుస్తోంది. దీనికితోడు చెక్కుల పంపిణీ సమయంలో గ్రామాల్లో పండగ వాతవరణం నెలకొంటుంది. దాదాపు రెండు నెలల పాటు ప్రభుత్వం అందజేస్తున్న సాయం, సీఎం కేసీఆర్ ప్రవేశపెట్టిన సంక్షేమ పథకాలను రైతులు, ప్రజలు నెమరువేసుకునే పరిస్థితి ఉంది. ఫలితంగా వచ్చే ఎన్నికల్లో ఈ అంశాలు టీఆర్‌ఎస్ ప్రభుత్వానికి సానుకూలంగా మారనున్నాయి. ఈ విషయం ఇటీవల నిర్వహించిన సమీక్ష సమావేశంలోనూ చర్చ జరిగినట్టు సమాచారం. ఏదీఏమైనా రెండో విడత సాయాన్ని చెక్కుల రూపంలోనే అందించేందుకు ప్రభుత్వం మొగ్గు చూపుతోంది.

మిగిలిన 9 లక్షల చెక్కులు..
రాష్ట్రంలో 58.33 ల క్షల మంది రైతులు ఉన్నారు. వీరందరికీ రాష్ట్ర ప్రభుత్వం ఎకరాకు రూ.4వేల చొప్పున పెట్టుబడి సాయాన్ని చెక్కుల రూపంలో గ్రామాలకు చేరవేసింది. గ్రామసభల ద్వారా సదరు చెక్కులను వ్యవసాయాధికారులు రైతులకు అందజేశారు. కొన్ని అనివార్య కారణాల వల్ల అధికారులు రైతులకు ఇప్పటివరకు 49 లక్షల చెక్కులను మాత్రమే పంపిణీ చేశారు. దాదాపు 9 లక్షల చెక్కులు పంపిణీ కాలేదు. వాటిల్లో 1.50 లక్షల చెక్కుల వరకు చనిపోయిన రైతుల పేర్ల మీద ఉన్నాయి. మరో లక్ష చెక్కులు విదేశాల్లో ఉన్న వారివి కావడంతో తీసుకోలేదు. మిగిలిన చెక్కులను పలు కారణాల వల్ల రైతులు తీసుకోలేదు. దీనికితోడు ఆర్‌ఓఎఫ్‌ఆర్ భూములకు సంబంధించిన 91,971 చెక్కులను పంపిణీ చేయాల్సి ఉంది. కానీ ఇప్పటివరకు 72,203 చెక్కులను పంపిణీ చేయగా, 19,768 చెక్కులు మిగిలిపోయాయి. రాష్ట్రవ్యాప్తంగా ఇప్పటివరకు పంపిణీ అయిన చెక్కుల్లో మరో రెండు లక్షల చెక్కులు క్లియర్ కావాల్సి ఉంది. ఇదిలావంటే.. ఇప్పటివరకు పంపిణీ చెక్కుల ద్వారా రైతులు రూ.5100కోట్లు నగదుగా మార్చుకున్నారు.

చెక్కులను దాసుకుంటున్న రైతులు
రాష్ట్రవ్యాప్తంగా చాలామంది రైతులు ప్రభుత్వం పెట్టుబడి సాయం కింద అందజేసిన ఆర్డర్ చెక్కులను దాసిపెట్టుకున్నారు. బ్యాంకుల్లో రద్దీ ఎక్కువగా ఉండడం, ఇతరత్రా కారణాల వల్ల చెక్కులను ఇంట్లోనే పెట్టుకున్నారు. తీరా గడువు సమయం ముగిసినంక.. బ్యాంకులకు వెళితే సిబ్బంది గడువు అయిపోయిదంటూ తిప్పి పంపుతున్నారు. తమ చెక్కులను ఏలాగైనా చెల్లుబాటయ్యేలా చూడాలని నిత్యం అధికారుల చుట్టూ తిరుగుతున్నారు. ఇదిలావుంటే.. మొదటి విడతలో ముద్రించిన చెక్కుల గడువు తేదీ ఈనెల 19వ తేదీతో ముగిసిపోయింది. తదుపరి విడతల్లో ముద్రించిన చెక్కుల గడువు ఆగస్టు 1, 10, 15 తేదీలతో ముగియనుంది. చెక్కుల గడువు ముగింపు విషయంపై వ్యవసాయ శాఖ ముఖ్యకార్యదర్శి పార్థసారథి బ్యాంకులను సంప్రదించగా, ఆరు రోజుల పాటు గడువు పెంచేందుకు అంగీకరించాయి.



మహోన్నత లక్ష్యానికి తూట్లు..

Updated By ManamSat, 07/28/2018 - 01:18
  • రైతులందరినీ కలవని ఏఈఓలు..రైతు బంధు బీమా పట్ల నిర్లక్ష్యం..

  • పత్రాల కోసం రైతుల ఎదురుచూపులు.. వలసపోయిన వారి సంగతి అంతే..

  • ఇప్పటికే హెచ్చరించిన సీఎం కేసీఆర్

imageహైదరాబాద్: తెలంగాణ రాష్ట్ర ప్రభుత్వం రైతు సంక్షేమం కోసం ప్రతిష్టాత్మకంగా రైతు జీవిత బీమా పథకాన్ని ప్రవేశపెట్టింది. మహోన్నత లక్ష్యంతో ప్రారంభించిన పథకం కాస్త.. అధికారుల నిర్లక్ష్యం కారణంగా నీరుగారిపోతోంది. రైతు ఏ కారణంతో మరణించినా.. రూ.5లక్షల బీమా కల్పిస్తూ ప్రపంచంలోనే తొలిసారిగా సీఎం కేసీఆర్ ఈ నిర్ణయం తీసుకున్నారు. రైతు బంధు పథకాన్ని విజయవంతం చేసిన మాదిరిగానే రైతు బంధు బీమాను విజయవంతం చేయాలని వ్యవసాయ శాఖ అధికారులకు సీఎం పిలుపునిచ్చారు. ఆగస్టు ఒకటో తేదీ నాటికి బీమా సర్వే పూర్తి చేయాలని ఆదేశించారు. రైతు బంధు పథకం అమలు స్ఫూర్తితో రైతు బంధు బీమా అదే స్థాయిలో కొనసాగుతుందని రైతులందరూ ఆశించారు. కానీ క్షేత్రస్థాయిలో మాత్రం అందుకు విరుద్ధంగా సర్వే ప్రక్రియ నడుస్తోంది.

రాష్ట్రంలో రైతు బీమా సర్వే పరిస్థితి ఇదీ..
రాష్ట్రంలో 18 ఏండ్ల వయస్సు నుంచి 60 ఏండ్ల వయస్సు కలిగిన రైతులందరికీ రైతు బీమాను చేయించాలని సీఎం భావించారు. అందుకు తగిన విధంగా ఎల్‌ఐసీతో ఇప్పటికే ఒప్పందం కుదిరింది. రైతు బీమాలో చేరిన రైతు మరణిస్తే.. నామినీగా ఉన్న వారికి పది రోజుల్లో రూ.5లక్షలు అందనున్నాయి. ఆగస్టు 15 నుంచి పథకాన్ని అమలు చేయాలని నిర్ణయించారు. రైతు బంధు పథకం వివరాల  ప్రకారం రాష్ట్రంలో 57 లక్షల మంది రైతులు ఉన్నారు. ఈనెల 25 వరకు 38.05 లక్షల మంది రైతులను వ్యవసాయ విస్తరణ అధికారులు కలిశారు. అయితే వీరిలో దాదాపు 28 లక్షల మంది రైతులు రైతు జీవిత బీమాకు అర్హులుగా తేలగా, 9 లక్షల పైచిలుకు రైతులు వయస్సు కారణంగా అనర్హులయ్యారు. రైతు బీమా సర్వే పూర్తయ్యేసరికి 15 లక్షల మంది రైతులు అనర్హులుగా తేలే అవకాశం ఉందని అధికారులు అంచనా వేస్తున్నా రు.

ఇంటింటికీ వెళ్లని ఏఈఓలు
ఏఈఓలు రైతుల ఇంటింటికీ తిరిగి రైతు బంధు బీమా వివరా లను సేకరించాలని, బీమా ఆవశ్యకత వంటి వివరాలను రైతులకు వివరించాలని రాష్ట్ర ప్రభుత్వం సర్క్యులర్‌నూ జారీ చేసింది. ఈ నేపథ్యంలో రాష్ట్రంలోని రైతులందరినీ వ్యవ సాయ అధికారులు ఇంటింటికీ తిరిగి వివరాలు సేకరించాల్సి ఉంది. కానీ వ్యవసాయా ధికారులు ఎక్కడా రైతు ఇంటికీ వెళ్లి వివరాలు సేకరిస్తున్న దాఖాలాల్లేవు. చాలాచోట్ల గ్రామంలోని గ్రామపంచాయతీ కార్యాలయం వద్దో.. ప్రధాన కూడలిలోనో.. కూర్చోని.. అక్కడికి వచ్చిన రైతుల నుంచి వివరాలను సేకరిస్తున్నారు. అంతుకు ముందు రోజు రైతులందరూ నిర్ధేశిత ప్రాంతానికి రావాలని డప్పు చాటింపు వేయిస్తున్నారు. ప్రస్తుతం వ్యవసాయ పనుల్లో రైతు కుటుంబాలన్నీ నిమగ్నమై ఉన్నాయి. దీంతో రైతులు రైతు బీమా కోసం పని మానుకుని ఏఈఓలు చెప్పిన ప్రదేశానికి వెళ్లడం లేదు. కొన్నిచోట్ల గ్రామాల్లోని యువకులకు బీమా పత్రాలను అప్పగించి.. రైతుల నుంచి వివరాలు తీసుకుని నింపాలని పురమా యిస్తున్నాయి. ఈ క్రమంలో రైతులకు రైతు జీవిత బీమా అనేది తెలియడం లేదు. దీంతో ఇటీవల సీఎం కేసీఆర్ సైతం సర్వే జరుగుతున్న తీరుపట్ల అధికారులపై మండిపడ్డారు. అయినా నేటికీ అధికారుల తీరులో మార్పు రావడం లేదు. ఇదిలావుంటే.. ఇతర ప్రాంతాలకు వలసెళ్లిన రైతులు, వేరే ప్రాంతాలకు వెళ్లిన రైతులకు రైతు బీమా గురించి సమాచారం ఇచ్చేవారు కరువయ్యారు. దీంతో వారు రైతు జీవిత బీమాకు దూరంగానే ఉన్నారు.

కొంపముంచుతున్న పుట్టిన తేదీ..
వయస్సు కారణంగా బీమాకు అనర్హులైన రైతులకు అసలు తమకు బీమా ఎందుకు అందడం లేదో తెలియక గందరగోళానికి గురవుతున్నారు. దీనికితోడు ఆధార్‌కార్డు నమోదు సమయంలో సరైన పుట్టినరోజు తెలియక ఇవ్వలేదు. ఆ సమయంలో నమోదు చేసుకున్న సిబ్బంది తమకు ఇష్టం వచ్చిన, గతంలో రేషన్ కార్డు, ఓటరు కార్డులో ఉన్న నామమాత్రపు పుట్టినతేదీనే నమోదు చేశారు. దీంతో చాలామంది రైతులు నిర్ణీత వయస్సు ఉన్నప్పటికీ.. కేవలం ఆధార్‌కార్డులో వయస్సు తప్పుగా పడడంతో రాష్ట్ర ప్రభుత్వం అందజేస్తున్న రైతు జీవిత బీమాకు అనర్హులుగా మారారు.
 

image

 



బిగ్‌బాస్ షోపై మాజీ జేడీ మళ్లీ కామెంట్స్..

Updated By ManamSun, 07/22/2018 - 17:09

CBI Ex JD Lakshmi Narayana Again COMMENTS on Bigg Boss 2 Show

హైదరాబాద్: తెలుగు బుల్లితెర‌పై అతిపెద్ద రియాలిటీ షోగా ప్రారంభ‌మై ప్రేక్ష‌కుల‌ను ఆక‌ట్టుకుంది ‘బిగ్‌బాస్’ 2. అయితే ఈ షో అంతే రీతిలో విమర్శలు కూడా వినవస్తున్నాయి. షోలో పెద్దగా పసలేదని కొందరు అంటుంటే.. ఇంకొందరమో షోలోని పార్టిసిపేట్స్‌పై ఇంకొందరు.. మరికొందరేమో వ్యాఖ్యాత నాని గురించి ఇలా పలు రకాలుగా తమ అభిప్రాయాలు వ్యక్తం చేస్తున్నారు. అయితే ఇప్పటికి ఓ సారి ఈ షోపై షాకింగ్ కామెంట్స్ చేసిన మాజీ జేడీ లక్ష్మీ నారాయణ తాజాగా మరోసారి కామెంట్స్ చేసి వార్తల్లో నిలిచారు.

తూర్పుగోదావరి జిల్లాలో నాలుగు రోజులుగా పర్యటిస్తున్న ఆయన ఈ షో గురించి మాట్లాడుతూ..‘బిగ్ బాస్’ షోను స్టార్స్‌తో కాకుండా రైతులతో నిర్వహించాలని అభిప్రాయం వ్యక్తం చేశారు. కాగా ఈయన వ్యాఖ్యలపై సోషల్ మీడియాలో విమర్శలు వస్తున్నాయి. ఈయన ఎప్పుడు చూసినా ఈ షో మీద పడుతున్నాడెందుకు..? అని నెటిజన్లు కామెంట్ల వర్షం కురిపిస్తున్నారు. కొంపదీసి ఇతనికేమైనా వైల్డ్ కార్డ్ ద్వారా ఎంట్రీ కావాలా ఏంటి..? అని ఇంకొందరు నెటిజన్లు విమర్శలు గుప్పిస్తున్నారు.

ప్రజా సమస్యలపై మాట్లాడిన ఆయన.. "సామాజిక వర్గం కన్నా, సమాజమే ముఖ్యమని, ప్రజాస్వామ్యం వైపు పూర్తిగా ప్రజలు తమ ఆలోచనలు మళ్లించాలి. రాజకీయ వ్యవస్థలో మంచి మార్పు తీసుకురావాలి. జిల్లాలోని సమస్యలను తెలుసుకుని త్వరలోనే సీఎం చంద్రబాబు దృష్టికి తీసుకెళ్తాను. ఈ సమస్యలపై మాట్లాడటానికి ఇప్పటికే అపాయింట్ మెంట్ కావాలని అడిగాను. సీఎంతో అపాయింట్ మెంట్ తేదీ ఫిక్స్ కాగానే నేను గుర్తించిన సమస్యలను నిశితంగా వివరిస్తాను. తూర్పుగోదావరి జిల్లా రైతులు, మత్స్యకారుల సమస్యలు, చేనేత కార్మికుల సమస్యలను గుర్తించాను. ఈ సమస్యలపై త్వరలో ఓ నివేదిక తయారు చేసి ముఖ్యమంత్రికి, సంబంధిత అధికారులకు అందజేస్తాను" అని ఆయన ఈ సందర్భంగా చెప్పుకొచ్చారు. అయితే సీఎం దృష్టికి ఈయన తీసుకెళ్లిన సమస్యలు ఎంత వరకు పరిష్కారమవుతాయో వేచి చూడాల్సిందే మరి.



అవసరానికి మించి భూసేకరణ: పవన్‌

Updated By ManamSun, 07/22/2018 - 13:38
pawan
  • రైతుల్ని ఏడిపించినవారు నాశనం అవుతారు..

  • ప్రభుత్వాలు భూదాహం తగ్గించుకోవాలి

అమరావతి : చంద్రబాబు నాయుడు సర్కార్‌పై జనసేన అధ్యక్షుడు పవన్‌ కల్యాణ్‌ మరోసారి విరుచుకుపడ్డారు. రాజధాని నిర్మాణం పేరుతో అవసరానికి మించి భూసేకరణ జరుగుతుందని ఆరోపించారు. పవన్‌ ఆదివారం ఉండవల్లిలో రైతులతో భేటీ అయ్యారు. ఈ సందర్భంగా ఆయన  మాట్లాడుతూ...‘భూసేకరణ చేస్తారని ఎన్నికలకు ముందు తెలిస్తే నేనే వేరేలా ఉండేవాడ్ని. అభివృద్ధికి వ్యతిరేకం అని తెలిస్తే టీడీపీకి మద్దతు ఇచ్చేవాడిని కాదు. భూసేకరణ చేస్తే ఎదురు తిరగండి. 

భూసేకరణ జరిగితే చెప్పండి. మీతో కలిసి ఆందోళన చేస్తా. బలవంతంగా భూములు లాక్కోవాలని చూస్తే ప్రాణాలు ఇవ్వడానికి ముందుంటా. అవసరానికి మించి భూములు తీసుకుంటే జనసేన ముందుండి పోరాటం చేస్తుంది. పంట భూముల్ని బీడు భూములుగా చూపడం సరికాదు. పోలీసులు, అధికారులను నెగిటివ్‌గా చూడొద్దు.  వాళ్లు ప్రభుత్వ నిర్ణయాలను అమలు చేసేవారు మాత్రమే.

 కొందరు చావులు, ఏడుపులతో రాజధాని వద్దు. రైతులు అభివృద్ధికి ఆటంకం కావద్దు, రైతుల్ని ఏడిపిస్తే నాశనం అవుతారు. ప్రభుత్వాలు భూదాహాన్ని తగ్గించుకోవాలి. సంపద కొద్దిమంది చేతుల్లోకి వెళ్లడాన్ని జనసేన సహించదు. రాజ్యాంగం అందరికి సమానం. ఎవరు ఎవరికీ బానిసలు కాదు’ అని అన్నారు.





Related News