ranveer singh

ముంబై చేరుకున్న దీప్‌వీర్ జంట

Updated By ManamSun, 11/18/2018 - 15:42
Deepika Padukone, Ranveer Singh, Italy Wedding

ముంబై: బాలీవుడ్‌ కొత్త జంట దీపిక పదుకొణె, రణ్‌వీర్‌ సింగ్‌ ఆదివారం ఉదయం ముంబైకి చేరుకున్నారు. ఇటలీలో వివాహ బంధంతో ఒక్కటైన దీపిక, రణ్‌వీర్‌కి ముంబై ఎయిర్‌పోర్ట్‌లో ఘన స్వాగతం లభించింది. ఫొటోగ్రాఫర్లు, అభిమానులు పెద్దఎత్తున ఎయిర్ పోర్టుకు చేరుకొని వారిద్దరి ఫొటోలు తీసేందుకు ఉత్సాహపడ్డారు. ప్రముఖ ఫ్యాషన్‌ డిజైనర్‌ సవ్యసాచి డిజైన్‌ చేసిన సల్వార్‌ కమీజ్‌, షేర్వాణీలు వీరు ధరించారు‌. సతీమణి దీపికాను రణ్‌వీర్ తన ఇంటికి తీసుకెళ్లారు.

ఈనెల 21న బెంగళూరులో వివాహ విందును ఏర్పాటుచేయనున్నారు. అనంతరం 28న ముంబయిలో మరో విందు కార్యక్రమాన్ని ఇవ్వనున్నారు. వివాహ విందు కార్యక్రమం అనంతరం వారిద్దరూ తమ కొత్త నివాసంలో అడుగుపెట్టబోతున్నారట. ప్రస్తుతం రణ్‌వీర్‌ ‘సింబా’ చిత్రంతో బిజీగా ఉండగా.. దీపిక ప్రముఖ బాలీవుడ్‌ డైరెక్టర్ మేఘనా గుల్జార్‌తో కలిసి పనిచేయనున్నారు.



‘దీప్‌వీర్‌’కు కండోమ్ కంపెనీ విషెస్

Updated By ManamThu, 11/15/2018 - 13:50
Deepika and Ranveer Singh

మూడుముళ్ల బంధంతో ఒకటైన దీపిక పడుకొనె-రణవీర్ సింగ్‌కు డ్యూరెక్స్ కండోమ్ కంపెనీ తనదైన శైలిలో వివాహ శుభాకాంక్షలు తెలిపింది. డ్యూరెక్స్ కండోమ్ బ్రాండ్‌కు రణవీర్ బ్రాండ్ అంబాసిడర్‌గా వ్యవహరిస్తున్న విషయం తెలిసిందే. ఓ కండోమ్ ప్రోడక్ట్‌కు బాలీవుడ్‌లో తొలిసారి ఓ హీరో ప్రమోట్ చేయడం విశేషం.  

ఈ సందర్భంగా డ్యూరెక్స్ కంపెనీ దీపిక-రణవీర్ జంటకు ఓ వైపు విషెస్ చెబుతూనే మరోవైపు తన ఉత్పత్తిని ప్రచారం చేస్తూ...‘ఇక నుంచి మీరు అఫీషియల్‌గా రింగ్ తొడుక్కుంటారంటూ’ డబుల్ మీనింగ్ వచ్చేలా ట్వీట్ చేసింది. ఈ ట్వీట్ ఇప్పుడు సోషల్ మీడియాలో వైరల్ అవుతోంది.

గతంలో కూడా డ్యూరెక్స్... బాలీవుడ్ హీరోయిన్ సోనమ్ కపూర్-ఆనంద్ అహూజా వివాహ సందర్భంగా కూడా విష్ చేసింది. అలాగే ‘విరుష్క’ జంటకు ‘కంగ్రాచ్యులేష‌న్స్‌… విరాట్‌, అనుష్క‌… మీ మ‌ధ్య‌కు దేన్ని అడ్డురానీయ‌కండి.. ఒక్క డ్యూరెక్స్ మిన‌హా’ అంటూ ట్వీట్ చేసింది.

మరోవైపు ‘అమూల్’ కంపెనీ కూడా  దీపిక-రణవీర్ జంటను విష్  ‘రణవీర్ ఇకపై సింగల్ కాదు.. ది దిపిక్టిన్ ఆఫ్ టేస్ట్’ అని ట్వీట్ చేయడం విశేషం. 

ఇక  దీపిక-రణవీర్‌సింగ్‌ వివాహం బుధవారం ఇటలీలోని లేక్ కోమోలో కుటుంబసభ్యులు, సన్నిహితుల సమక్షంలో ఘనంగా జరిగిన విషయం తెలిసిందే. అయితే ఈ పెళ్లికి సంబంధించిన ఫోటోలు మాత్రం ఇప్పటివరకూ బయటకు రాలేదు. అయితే వేడుకకు సంబంధించిన ఫోటోల కోసం చూస్తూ చూస్తూ...ఇలా అయిపోయారంటూ కేంద్రమంత్రి స్మృతి ఇరానీ తన ఇన్‌స్ట్రాగ్రామ్‌లో ఓ ‘అస్థిపంజరం’ ఫోటోను ఫన్నీగా షేర్ చేశారు.

Deepika Padukone And Ranveer Singh Wedding

 



రణ్‌వీర్, దీపికా పెళ్లి విల్లా ఇదే

Updated By ManamMon, 11/05/2018 - 15:41
Ranveer Singh, Deepika Padukone

బాలీవుడ్ ప్రేమపక్షులు రణ్‌వీర్, దీపికా పదుకునేల వివాహం ఈ నెల 14, 15 తేదీలలో జరగనుంది. ఇటలీలోని డేల్ బాల్బనెల్లోలో విల్లాలో ఈ ఇద్దరు డెస్టినేషన్ తరహా వెడ్డింగ్‌ను చేసుకోనున్నారు. ఈ విల్లా ప్రపంచంలోనే అతిపెద్ద మూడో సరసు కోమోకు దగ్గర్లో ఉంటుంది.

చుట్టూ పచ్చదనంతో నిండి ఉన్న ఈ ప్రాంతంలో పెళ్లి చేసుకోవాలనుకుంటే రోజుకు ఎనిమిదిన్నర నుంచి 25లక్షల రూపాయలు చెల్లించాల్సి ఉంటుంది. ఇక ఈ విల్లాలకు సమీపంలో గోథె ఆర్కిటెక్చర్‌తో నిర్మించిన సంప్రదాయక గ్రామాలు ఉంటాయి. అక్కడకు వెళ్లిన పర్యాటకులు ఆ గ్రామాలలో షాపింగ్ చేసి వస్తుంటారు. ఇదిలా ఉంటే ప్రముఖ హాలీవుడ్ నటుడు జార్జి తిమూతి క్లూనీ, పాప్ గాయకురాలు మడోనాలకు ఈ ప్రాంతంలో సొంత విల్లాలు ఉన్నాయి.



పెళ్లి సందడి మొదలైంది

Updated By ManamFri, 11/02/2018 - 15:04
Deepika Padukone

గత ఆరు సంవత్సరాలుగా ప్రేమలో ఉన్న బాలీవుడ్ ప్రేక్షపక్షులు రణ్‌వీర్ సింగ్, దీపికా పదుకొనే పెళ్లితో ఒకటవ్వనున్న విషయం తెలిసిందే. ఈ నెల 14, 15న ఇటలీలో వీరిద్దరి వివాహం జరగనుంది. దానికి సంబంధించిన పూజా కార్యక్రమాలు శుక్రవారం ప్రారంభం అయ్యాయి. ఈ వివరాలను దీపికా హెయిర్ స్టైలిష్ట్ షాలీనా నటానీ సోషల్ మీడియాలో షేర్ చేసుకున్నారు. అందులో కాషాయం రంగు పంజాబీ డ్రస్‌ను ధరించిన దీపికా మొహంలో పెళ్లి కల ఉట్టిపడుతోంది. ఇక మరోవైపు రణ్‌వీర్ ఇంట కూడా పెళ్లి పనులు ప్రారంభమైనట్లు తెలుస్తోంది. కాగా పద్మావత్ తరువాత సినిమాలకు కాస్త దూరంగా ఉన్న దీపికా.. త్వరలో ఇర్ఫాన్ ఖాన్ చిత్రంలో నటించనుంది. అలాగే షారూక్ ఖాన్ జీరోలో అతిథిపాత్రలో మెరవనుంది. మరోవైపు రణ్‌వీర్ సింగ్ ప్రస్తుతం సింబా(టెంపర్ రీమేక్‌), గల్లీ బాయ్‌లలో నటించనున్నాడు.

Deepika Padukone


ఆ తేదీలోనే దీపికా, రణ్‌వీర్ పెళ్లంట?

Updated By ManamMon, 10/22/2018 - 13:30

ranveer singh, deepika padukone, love marriage, nov 15 marriageగతకొంత కాలంగా ప్రేమలో మునిగితేలుతున్న బాలీవుడ్‌ అందాల భామ దీపికా పదుకొణె, రణ్‌వీర్‌ సింగ్‌ పెళ్లి బంధంతో ఒక్కటి కాబోతున్నారు. నవంబర్‌ 14, 15 తేదీల్లో వీరి వివాహ వేడుక జరగబోతోన్నట్టు బాలీవుడ్ వర్గాల సమాచారం. అయితే ఇటలీలోని లేక్‌ కోమోలో వీరి వివాహం అంగరంగ వైభవంగా జరగబోతున్నట్లు తెలుస్తోంది. రణ్‌వీర్‌, దీపిక నవంబర్‌ 15నే వివాహం చేసుకోవాలనుకోవడానికి కారణం ఉందట. అదేంటో తెలుసా? వీరిద్దరూ జంటగా నటించిన తొలి చిత్రం ‘గోలియోంకీ రాస్‌లీలా రామ్‌లీలా’. 2013లో నవంబర్‌ 15న ఈ చిత్రం విడుదలైంది. ఈ సినిమాతో దీపికా, రణ్‌వీర్‌ల మధ్య ప్రేమ పుట్టింది.

దాంతో ఒక్కటి చేసిన ‘రామ్‌లీలా’ సినిమా విడుదలైన రోజునే తమ వివాహ వేడుకను జరుపుకోవాలని నిర్ణయించారట. అందుకే 15వ తేదీని పెళ్లి తేదీగా నిర్ణయించారట. మరో విశేషం కూడా ఉంది. ‘రామ్‌లీలా’ సినిమా 15వ తేదీన విడుదలైనట్టే.. వచ్చే నవంబర్‌ 15తో ఐదేళ్లు పూర్తవుతుంది. అందులోనూ దీపిక, రణ్‌వీర్‌ల వివాహం రెండు పద్ధతుల్లో జరగనుంది. దీపిక బెంగళూరు అమ్మాయి కాగా, రణ్‌వీర్‌ మహారాష్ట్రకు చెందిన సింధి కుటుంబంలో పుట్టారు. వీరిద్దరికి సంప్రదాయాలకు తగిన విధంగా దక్షిణ భారతీయ సంప్రదాయంలో, సింధి సంప్రదాయంలో వివాహాలు జరిపించేందుకు సన్నాహాలు చేస్తున్నట్టు సమాచారం.  



హీరో, హీరోయిన్ పెళ్లి డేట్‌ ఫిక్స్ 

Updated By ManamSun, 10/21/2018 - 17:12
Deepika Padukone And Ranveer Singh Are Getting Married In November

ముంబై : బాలీవుడ్‌లో హాట్ టాఫిక్‌ దీపికా పదుకోనె, రణవీర్ పెళ్లి వార్త. వీళిద్దరి పెళ్లిపై ఇప్పటికే చాలా వార్తలు వెలువడ్డాయి. తాజాగా ఆ ఊహాగానాలకు హీరో, హీరోయిన్ పుల్‌స్టాఫ్ పెట్టేశారు. తమ వివాహ తేదీని రివీల్ చేసేశారు. ఇందుకు సంబంధించి దీపిక తన ట్విట్టర్‌లో ప్రకటన చేసింది. నవంబర్  14, 15 తేదీల్లో తమ వివాహం జరగనున్నట్లు ఈ జంట  వెల్లడించాయి.  ఇదే విషయాన్ని రణవీర్ కూడా షేర్ చేశాడు.

కాగా దీపిక పెళ్లి తేదీ ఫిక్స్ అయిందని, దీంతో పెళ్లి షాపింగ్‌లో ఆమె బిజీగా ఉందంటూ వార్తలు చక్కర్లు కొట్టాయి కూడా. అయితే ఇప్పటికే డేటింగ్‌లో ఉన్న వీరిద్దరూ ...తమ పెళ్లిపై మాత్రం పబ్లిక్‌గా క్లారిటీ ఇవ్వలేదు. దీంతో హాట్ కపుల్ పెళ్లి వ్యవహారంపై రోజుకో వార్త వెలువడింది. 

అంతేకాకుండా దీపికా, రణవీర్ తమ కెరీర్‌పై దృష్టి పెట్టారని, ఆ తర్వాతే వివాహబంధం గురించి ఆలోచిస్తారనే వార్తలు వచ్చాయి. వీటన్నింటీ  ఒక్క ట్వీట్‌తో కొట్టిపారేస్తూ పెళ్లి వార్తను షురూ చేసేశారు. రామ్‌లీలా, బాజీరావ్ మస్తానీ చిత్రాల్లో కలిసి నటించిన ఈ జంట ... స్క్రీన్‌పై ఫుల్ రొమాన్స్ పండించారు కూడా. 



రణ్‌వీర్‌తో చిందులేసిన దీపికా.. వీడియో వైరల్

Updated By ManamSat, 10/06/2018 - 12:28

Ranveer Singh, Deepika Padukoneబాలీవుడ్‌లో ప్రస్తుతం ఉన్న ప్రేమజంటలలో రణ్‌వీర్ సింగ్, దీపికా పదుకునే ఒకరు. గత రెండు సంవత్సరాలుగా ఈ ఇద్దరు ప్రేమలో ఉన్నారు. అంతేకాదు ఈ ఏడాది వివాహం చేసుకునేందుకు కూడా ఈ ఇద్దరు ప్లాన్ చేసుకున్నారని, దానికి తగ్గట్లు పనులు కూడా జరుగుతున్నాయని వార్తలు పుకార్లు చేస్తున్నాయి. ఇదిలా ఉంటే తాజాగా ముంబయిలో జరుగుతున్న ‘లీడర్‌షిప్‌ సమ్మిట్‌’లో ఈ ఇద్దరు వేసిన డ్యాన్స్ ఇప్పుడు వైరల్‌గా మారింది.

‘పద్మావత్’ చిత్రంలోని ‘కలి బలి’ అనే పాటకు తన దీపికా, రణ్‌వీర్ ఇద్దరు స్టెప్పులు వేశారు. సినిమాలో ఈ పాటలో రణ్‌వీర్ ఆడిపాడగా.. అందులో తన డ్యాన్స్ మూమెంట్లను దీపికా చేత వేయించాడు. ఇక దీనికి సంబంధించిన వీడియోను తన సోషల్ మీడియాలో పంచుకున్న రణ్‌వీర్.. ‘‘ఇక్కడ ఏ హబీబీ జరుగుతోంది’’ అంటూ దీపికా పదుకునేకు ట్యాగ్ చేశాడు. ఈ వీడియో వైరల్‌గా మారగా.. వారి అభిమానులు సూపర్ జోడి అంటూ కామెంట్స్ ఇస్తున్నారు.

 



శత్రువులు, మాజీలు అందరూ ఒకే ఫొటోలో

Updated By ManamThu, 09/27/2018 - 10:45
Bollywood Stars

మామూలుగా శత్రువులు, మాజీ లవర్లు ఒకరికొకరు ఎదురుపడితే పలకరించుకోవడమే కష్టమే. కానీ ఇక్కడ మాత్రం అందరూ కలిసిపోయారు. అంతేకాదు హుషారుగా ఎంజాయ్ చేస్తూ ఫొటోలకు పోజ్‌లు ఇచ్చారు. బాలీవుడ్ హీరోలు షారూక్ ఖాన్, ఆమిర్ ఖాన్, రణ్‌బీర్ కపూర్, రణ్‌వీర్ సింగ్, హీరోయిన్లు అలియా భట్, దీపికా దర్శకనిర్మాత కరణ్ జోహార్ వీరందరూ ఒకే చోట కలిశారు. ఇంకేముంది అల్లరి అల్లరి చేస్తూ ఫొటోలు తీసుకున్నారు. ఇలా వీరందరూ కలిసి ఉన్న ఫొటో ఇప్పుడు సోషల్ మీడియాలో హల్‌చల్ చేస్తుండగా.. అందరినీ ఆకట్టుకుంటోంది.

కాగా షారూక్ ఖాన్, ఆమిర్ ఖాన్‌ల మధ్య ఒకప్పుడు విబేధాలు ఉండేవి. ఈ ఇద్దరు ఒకరి గురించి మరొకరు మాట్లడటానికి కూడా ఇష్టపడేవారు కాదు. అలాంటిది రెండు సంవత్సరాల క్రితం దుబాయ్‌లో జరిగిన ఓ కార్యక్రమంలో కలిసిపోయి, తమ ఫ్రెండ్‌షిప్‌ను చాటుకున్నారు. అంతేకాదు ఆ తరువాత కూడా ఒకరికి మరొకరు మద్దతును తెలుపుకుంటూ కలిసిపోయారు. ఇక రణ్‌వీర్ సింగ్‌తో ప్రేమలో పడకముందు దీపికా పదుకునే రణ్‌బీర్ కపూర్‌తో ప్రేమాయణం కొనసాగించిన విషయం తెలిసిందే. అయితే విబేధాల కారణంగా రణ్‌బీర్‌తో విడిపోయినప్పటికీ.. ఇటీవల ఈ ఇద్దరు ఓ చారిటీ కోసం కలిసి ర్యాంప్ వాక్ చేశారు. అంతేకాదు ఫొటోగ్రఫీ డే రోజు రణ్‌బీర్‌తో ఉన్న ఫొటోను షేర్ చేసిన దీపికా.. తాము మంచి స్నేహితులమని చెప్పకనే చెప్పింది.



సింధీ సంప్రదాయంలో...

Updated By ManamSat, 09/08/2018 - 02:35

బాలీవుడ్ జంట రణవీర్ సింగ్, దీపికా పదుకొన్ ఈ సంవత్సరం నవంబర్‌లో వివాహ బంధంతో ఒక్కటి కానున్న విషయం తెలిసిందే. వీరి వివాహం ఏ పద్ధతిలో జరగనుందనే విషయం చర్చనీయాంశంగా మారింది. అయితే సింధీ సంప్రదాయ పద్ధతిలోనే ఈ వివాహం జరిపించడానికి రణవీర్ సింగ్ కుటుంబ సభ్యులు ఆసక్తి చూపుతున్నారని తెలుస్తోంది. వారి సంప్రదాయ దుస్తులు, వంటకాలు, వివాహ పద్ధతి ప్రకారం ఉండాలని భావిస్తున్నారు.

image


స్నేహితులు, బంధువులు పెళ్లి కుమారుడి వస్త్రాలను చంపే సంప్రదాయమైన సాంత్ కార్యక్రమం కూడా పెళ్ళిలో ఉండాలని చెబుతున్నారు. దీపికా, రణ్‌వీర్‌ల వివాహం ఇటలీలోని ఓ సుందర సరస్సు సమీపాన అత్యంత వేడుకగా నిర్వహించేందుకు కుటుంబ సభ్యులు సన్నాహాలు చేస్తున్నారు. అయితే దీనికి సంబంధించి అధికారిక ప్రకటన ఇప్పటివరకు వెలువడలేదు. ఈ డెస్టినేషన్ వెడ్డింగ్‌కు బంధువులు, అత్యంత సన్నిహితులు మాత్రమే హాజరయ్యే అవకాశం ఉంది. 



బాలీవుడ్ బయోపిక్‌లో అల్లు అర్జున్..?

Updated By ManamFri, 09/07/2018 - 11:25

Allu Arjunటాలీవుడ్ స్టైలిష్ స్టార్ అల్లు అర్జున్ బాలీవుడ్ లో ఆరంగేట్రం చేయబోతున్నాడా..? బాలీవుడ్‌లో తెరకెక్కుతున్న స్పోర్ట్స్ బయోగ్రఫీలో బన్నీ కనిపించనున్నాడా..? అంటే అవుననే మాటలే వినిపిస్తున్నాయి. 1983లో టీమిండియా ప్రపంచ కప్‌ను సాధించగా.. దాని ఆధారంగా బాలీవుడ్‌లో ఓ చిత్రాన్ని తెరకెక్కిస్తున్నారు. కబీర్ ఖాన్ దర్శకత్వం వహిస్తున్న ఈ చిత్రానికి 83 అనే టైటిల్‌ను ఖరారు చేశారు.

ఇక ఈ చిత్రంలో రణ్‌వీర్ సింగ్ కపిల్ దేవ్ పాత్రలో కనిపిస్తుండగా.. కృష్ణమాచారి శ్రీకాంత్ పాత్రకు అల్లు అర్జున్ కోసం సంప్రదింపులు జరిపినట్లు తెలుస్తోంది. 1983లో భారత్ వరల్డ్ కప్‌ సాధనలో శ్రీకాంత్ పాత్ర కూడా కీలకం. అందుకే ఈ పాత్రను ఒక స్టార్ హీరోతో చేయించాలని చిత్ర యూనిట్ అనుకుందట. బన్నీ చిత్రాలు హిందీలో డబ్ అయ్యి యూట్యూబ్‌లో సంచలనం సృష్టించాయి. అందునా అక్కడ ఈ హీరోకు మంచి ఫ్యాన్ ఫాలోయింగ్ ఉంది. ఈ నేపథ్యంలో ఇందులో బన్నీ ఉంటే బావుంటుందని భావించిన టీం, శ్రీకాంత్ పాత్రకు ఎంచుకున్నట్లు సమాచారం. ఇక ఇందులో నటించేందుకు బన్నీ కూడా ఆసక్తిని చూపుతున్నట్లు టాక్. ఒకవేళ ఇదే నిజమైతే మెగా అభిమానులకు పండగే.





Related News