Sensational Comments

ఆ పార్టీతో పొత్తుపై జేసీ సంచలన వ్యాఖ్యలు..

Updated By ManamTue, 08/28/2018 - 18:35

JC Divakar reddy, sensational comments, Political alliance, Telangana అమరావతి: తెలంగాణ రాష్ట్రంలో కాంగ్రెస్‌ పార్టీతో పొత్తు పెట్టుకొనే అంశంపై ఎంపీ జేసీ దివాకర్‌ రెడ్డి సంచలన వ్యాఖ్యలు చేశారు. కాంగ్రెస్‌తో టీడీపీ పొత్తు పెట్టుకోవడంలో తప్పులేదని అభిప్రాయపడ్డారు. మంగళవారం అమరావతిలో జేసీ మీడియాతో మాట్లాడారు. ఆంధ్రప్రదేశ్ రాష్ట్రంలో టీడీపీతో కాంగ్రెస్ పొత్తు అవసరం లేదన్నారు. కేంద్ర ప్రభుత్వాన్ని నాలుగేళ్లు నమ్మి మోసపోయామని, నమ్మిన వాడు ఎప్పుడూ చెడిపోడు అని జేసీ వ్యాఖ్యానించారు. తెలంగాణలో టీడీపీ ప్రభుత్వం ఏర్పాటు చేసే పరిస్థితి లేదని వ్యాఖ్యానించారు. రాష్ట్రంలో ముస్లింలు దూరమవుతారనే భయంతోనే కేసీఆర్ ముందస్తు అసెంబ్లీ ఎన్నికలకు వెళుతున్నారని విమర్శించారు. 

పార్టీ పొత్తుల విషయంలో ఎన్టీఆర్ నాటి పరిస్థితులు వేరని, ప్రస్తుత పరిస్థితులు వేరుగా ఉన్నాయన్నారు. ముందస్తు ఎన్నికలకు వెళ్లడమనేది కేసీఆర్ రాజకీయ కుయుక్తిగా జేసీ అభిప్రాయపడ్డారు. పార్లమెంట్ ఎన్నికల్లో బీజేపీతో టీఆర్‌ఎస్ పొత్తు ఉంటుందని జేసీ జోస్యం చెప్పారు. తెలంగాణలో టీడీపీ బలహీనంగా ఉందని, కాంగ్రెస్ పార్టీనే టీడీపీ మద్దతు కోరుతున్న పరిస్థితి ఉందని తెలిపారు. తెలంగాణలో కాంగ్రెస్ పార్టీతో పొత్తును ఏపీ ప్రజలు స్వాగతిస్తారని జేసీ అన్నారు. ఏపీలో మాత్రం కాంగ్రెస్‌తో పొత్తు అవసరం లేదని స్పష్టం చేశారు. 



అక్కడ ఆయన.. ఇక్కడ ఈయన.. ఇద్దరూ ఇద్దరే..!: రాహుల్

Updated By ManamTue, 08/14/2018 - 18:50

Congress Chief Rahul Sensational Comments Modi, Kcr Govt In Telangana Tour

హైదరాబాద్: కాంగ్రెస్ జాతీయాధ్యక్షుడు రాహుల్ గాంధీ తెలంగాణలో పార్టీ సత్తా ఏంటో చూపడానికి మిషన్ తెలంగాణకు  సిద్ధమవుతున్నారు. ఈ క్రమంలో వరుస పర్యటనలతో రాష్ట్రంలో బిజీబిజీగా గడుపుతున్నారు. రెండ్రోజులు తెలంగాణలో పర్యటిస్తున్న ఆయన నిరుద్యోగులు మొదలుకుని మహిళా సంఘాల వరకు అందరితో ప్రత్యేక సమావేశాలు, బహిరంగ సభలు ఏర్పాటు చేసి కేంద్ర, రాష్ట్ర ప్రభుత్వాలపై ధ్వజమెత్తారు. మంగళవారం నాడు నగరంలోని సరూర్‌నగర్‌ స్టేడియంలో పార్టీ శ్రేణులు ఏర్పాటు చేసిన విద్యార్థి-నిరుద్యోగ గర్జన సభ రాహుల్ గాంధీ నిరుద్యోగులను ఉద్దేశించి సుధీర్ఘ ప్రసంగం చేశారు.

మీ పాత్ర ఎనలేనిది..
"
తెలంగాణ ఏర్పాటులో విద్యార్థుల పాత్ర ఎనలేనిది. రాష్ట్రం కోసం అనేక మంది విద్యార్థులు త్యాగాలు చేశారు. నీళ్లు, నిధులు, నియామకాలు నినాదంతో పోరాడారు. రాష్ట్రం వస్తే నీళ్లు, నిధులు, ఉద్యోగాలు వస్తాయని కలలు కన్నారు. ఏ కలలు కోసమైతే పోరాడామో ఆ కలలు నెరవేరలేదు. మన ఉద్యోగాలు మనకు వస్తాయని ఆశపడ్డాం కానీ అమరవీరుల ఆకాంక్షలు నెరవేరలేదు. లక్ష ఉద్యోగాలు ఖాళీగా ఉన్నాయని ఎన్నికల్లో కేసీఆర్ చెప్పారు. నిరుద్యోగులందరికీ ఉద్యోగులిస్తామని హామీ ఇచ్చారు. నాలుగేళ్లలో పదివేల ఉద్యోగ ఖాళీలు కూడా భర్తీ చేయలేదు" అని యువరాజు విమర్శలు గుప్పించారు 

అక్కడ ఆయన.. ఇక్కడ ఈయన దండుకుంటున్నారు..!
"
కేంద్రంలో నరేంద్ర మోదీ.. రాష్ట్రంలో కేసీఆర్ దొందూ దొందే.. ఇద్దరూ దోచుకుంటున్నారు. రాఫెల్ కాంట్రాక్టును ప్రధాని మోదీ తన వాళ్లకు కట్టబెట్టారు. అనుభవం లేని అనిల్ అంబానీకి కాంట్రాక్ట్ ఇచ్చారు. ఫ్రాన్స్ ప్రధాని రాఫెల్ డీల్‌లో ఎలాంటి రహస్యం లేదని  చెప్పారు కానీ రక్షణమంత్రి నిర్మలాసీతారామన్ మాత్రం ఆ ఒప్పందం రహస్యమని పార్లమెంట్‌లో చెప్పారు. ఈ ఒప్పందంతో అనిలిల్ అంబానీకి ప్రధాని మోదీ కోట్ల రూపాయిల గిఫ్ట్ ఇచ్చారు. తెలంగాణలో కూడా రీ డిజైన్ల పేరుతో కేసీఆర్ కోట్లు దండుకుంటున్నారు. రైతుల నుంచి భూములు లాక్కుంటున్నారు. ఢిల్లీలో మోదీ రీ-డిజైన్ చేస్తుంటే.. ఇక్కడ కేసీఆర్ రీ-డిజైన్ చేస్తున్నారు. పాత ప్రాజెక్టుల పేర్లు మార్చి కోట్లు దండుకుంటున్నారు. రీడిజైనింగ్ పేరుతో రూ. 38వేల కోట్ల ప్రాజెక్టు లక్షకోట్లకు చేరింది. ప్రధాని చేసే రీడిజైన్లన్నింటినీ ఇక్కడుండే కేసీఆర్ సమర్థిస్తున్నారు. రూ. 2,500 కోట్ల ఇందిరాసాగర్ ప్రాజెక్టు 12వేల కోట్లకు చేరింది. కేంద్రంలో మోదీ, రాష్ట్రంలో కేసీఆర్ మాయమాటలు చెప్పి జనాలకు మభ్యపెడుతున్నారు. ప్రజలు తమ సమస్యలు చెప్పుకునే అవకాశం లేకుండా చేశారు" అని రాహుల్ చెప్పుకొచ్చారు. 

కేసీఆర్ కుటుంబానికే దక్కుతోంది!!
"
ధర్నా చౌక్‌లను తొలగించి అణచివేతకు గురిచేస్తున్నారు. జంతర్‌మంతర్, ఇందిరాపార్క్‌లో ధర్నాచౌక్‌లు తొలగించారు. రూ. నాలుగు కోట్ల ప్రజల పోరాట ఫలితం ఒక్క కేసీఆర్‌ కుటుంబానికే దక్కుతోంది. దేశంలో ఎక్కడా లేని విధంగా హైదరాబాద్‌లోనే స్కూల్ ఫీజులు అధికంగా ఉన్నాయి. నాలుగేళ్లలో 400 శాతం స్కూల్ ఫీజులు పెరిగాయి. పంటలకు నామమాత్రపు మద్దతు ధర మాత్రమే పెంచారు. దేశవ్యాప్తంగా రూ. 10 వేల కోట్ల మద్దతు ధర పెంచారు. కర్ణాటక ప్రజలకు హామీ ఇచ్చినట్లుగానే 31వేల కోట్ల రుణమాఫీ చేశాం. 140 డాలర్లున్న బ్యారల్ పెట్రోలియం ధర 70 డాలర్లకు తగ్గింది. అయినా మనదేశంలో మాత్రం పెట్రోలు ఎన్నడు తగ్గిన దాఖలాల్లేవ్.. పెరగడమే తప్ప తగ్గిన సందర్భాల్లేవ్" అని కేంద్ర, రాష్ట్ర ప్రభుత్వాలపై రాహుల్ దుమ్మెత్తి పోశారు. 

ఒక్క ప్రశ్నకూ సమాధానం లేదు.. " పార్లమెంట్‌లో నేను అడిగిన ఏ ప్రశ్నకు కూడా మోదీ నుంచి సమాధనం రాలేదు. నా కళ్లలో కళ్లు పెట్టి చూడాలంటే మోదీకి భయమేస్తోంది. నోట్ల రద్దు, జీఎస్టీని కేసీఆర్ చప్పట్లు కొడుతూ స్వాగతించారు. భేటీ బచావో, భేటీ పడావో అని మోదీ చెబుతున్నారు.. కానీ ఎవరినుండి రక్షించాలి? బీజేపీ ఎమ్మెల్యేలు, నేతల నుంచి ఆడపిల్లలను కాపాడుకోవాల్సిన పరిస్థితి వచ్చింది. దేశంలో ఇన్ని అత్యాచారాలు జరుగుతుంటే మోదీ మాత్రం నోరు విప్పడం లేదు. నోట్ల రద్దు, జీఎస్టీతో చిరు వ్యాపారులను కోలుకోలేకుండా చేశారు. కాంగ్రెస్ అధికారంలోకి వచ్చాక చిరు వ్యాపారులకు జీఎస్టీ ఇబ్బందులను తప్పిస్తాం. కాంగ్రెస్ వచ్చాక ఐదు రకాల శ్లాబులు ఉండవు. ఒకే రకమైన జీఎస్టీ ఉంటుంది. ఈ మోదీ ప్రభుత్వం పెట్రోల్ రేట్ల పేరుతో ప్రజల నుంచి ధనాన్ని పెట్టుబడిదారులకు కట్టబెడుతోంది. రాఫెల్ డీల్‌పై ఎప్పుడైనా.. ఎక్కడైనా చర్చించేందుకు మేం సిద్ధంగా ఉన్నాము. ఈ ఒప్పందం ద్వారా లక్ష కోట్ల కుంభకోణం జరిగింది. యూపీఏ హయాంలో రూ. 524 కోట్లతో కొనుగోలు చేయాలని ఉంటే ఒక్కో విమానానికి రూ. 1600 కోట్లు వెచ్చించి మరీ కొనుగోలు చేస్తున్నారు. ఈ రాఫెల్ డీల్ ద్వారా లక్ష ఉద్యోగాలకు గండి కొట్టారు" అని రాహుల్ విమర్శలు గుప్పించారు. 

పారాషూట్‌లో వచ్చే వాళ్లకు టికెట్లివ్వం..!
"
పార్టీ కోసం కష్టపడిన వారికే రానున్న ఎన్నికల్లో టికెట్ల ఇస్తాం.. కానీ పారాషూట్‌లో వచ్చే వారికి టికెట్లు ఇవ్వం. తెలంగాణలోని యువత కాంగ్రెస్ పార్టీలోకి రావాలి. మీ శక్తి, మీ సంపదను రాష్ట్రంలోని ఒక్క కుటుంబం దోచుకుంటోంది. మీ బలం, ప్రజల బలంతో తెలంగాణ అభివృద్ధికి కృషి చేయాలి.  కాంగ్రెస్ అధికారంలోకి వచ్చిన వెంటనే తెలంగాణలోని నిరుద్యోగులందరికీ ఉద్యోగాలిస్తాం. తమ భవిష్యత్ ఏంటని తెలంగాణ యువత ఆందోళనలో ఉంది. అంతేకాదు అతి తక్కువ ధరకే విద్య, వైద్యం అందిస్తాము. కాంగ్రెస్ ప్రభుత్వం ప్రజల ఆకాంక్షల కోసం పనిచేస్తుంది. తెలంగాణలో తప్పకుండా కాంగ్రెస్ ప్రభుత్వం ఏర్పడుతుంది" అని రాహుల్ గాంధీ ఈ సందర్భంగా స్పష్టం చేశారు. ఈ సమావేశానికి మాజీ మంత్రులు, ఎమ్మెల్యేలు, ఎమ్మెల్సీలు, ఎంపీలు తదితరులు హాజరయ్యారు. కాగా ఈ బహిరంగ సభ అనతరం రాహుల్ గాంధీ నగరంలోని శంషాబాద్ విమానాశ్రయానికి చేరుకుని ఢిల్లీకి తిరుగుపయనమయ్యారు.



నా మంత్రదండం మోదీని ఒక్క సీటు గెలవనివ్వదు!

Updated By ManamThu, 08/02/2018 - 13:12

TDP MP Siva Prasad Sensational Comments On PM Modi

న్యూ ఢిల్లీ: ఏపీకి ప్రత్యేక హోదా ఇవ్వాల్సిందేనని డిమాండ్ చేస్తూ గత కొద్దిరోజులు ఏపీకి చెందిన ఎంపీలు డిమాండ్ చేస్తున్న సంగతి తెలిసిందే. ఇప్పటికే పలుమార్లు హోదా ఇవ్వడం సాధ్యం కాదని తేల్చిచెప్పింది.. ఇటీవల అవిశ్వాస తీర్మానం రోజున స్వయాన ప్రధాని నరేంద్ర మోదీయే కుదరదని చంద్రబాబే అప్పట్లో ప్యాకేజీకి ఒప్పుకున్నారని స్పష్టం చేశారు. అయినా సరే ఏపీకి తప్పకుండా హోదా ఇచ్చి తీరాల్సిందేనంటూ టీడీపీ ఎంపీలు పట్టుబట్టారు. పార్లమెంట్ సమావేశాలు మొదలైన రోజు నుంచి ఓ వైపు రాజ్యసభ, లోక్‌సభ మరోవైపు పార్లమెంట్‌ ముందు పెద్ద ఎత్తున ఆందోళన చేపడుతున్నారు. 

ఇక.. చిత్తూరు టీడీపీ ఎంపీ శివప్రసాద్ విషయానికొస్తే ఈయన చేసిన తన రూటే సెపరేటు అన్నట్లుగా చేస్తూ జనాలను ఆకర్షిస్తుంటారు. గత పార్లమెంట్ సమావేశాలు మొదలుకుని నిన్నటి వరకూ పలు వేషాధారణలో కనిపిస్తూ హోదా ఇవ్వనందుకు నిరసన తెలియజేస్తున్నారు. అయితే తాజాగా మాయల పకీరు వేషంలో కనిపించి అందర్నీ ఆశ్చర్యపరిచారు. చేతిలో మంత్రదండం పట్టుకుని వచ్చిన ఆయన, ప్రధాని మోదీపై తనదైన శైలిలో విమర్శలు గుప్పించారు.

తన తోటి తెలుగుదేశం ఎంపీలతో కలసి పార్లమెంట్ లోని గాంధీ విగ్రహం ముందు కూర్చోని ఆయన నిరసనకు దిగారు. రాష్ట్రానికి హోదాను ఇవ్వని నరేంద్ర మోదీని మాయం చేసే రోజు దగ్గర్లోనే ఉందని ఈ సందర్భంగా శివప్రసాద్ వ్యాఖ్యానించారు. తన మంత్రదండం రాష్ట్రంలో బీజేపీకి ఒక్క సీటు కూడా దక్కనీయకుండా చేస్తుందని శివప్రసాద్ జోస్యం చెప్పారు. మరోవైపు టీడీపీ ఎంపీలు మురళీ మోహన్, రామ్మోహన్ నాయుడు, గల్లా జయదేవ్ తదితరులు ప్లకార్డులు పట్టుకుని నినాదాలు చేశారు.



పవన్‌‌.. నువ్వు నిజంగా ధైర్యవంతుడివా..?: అంబటి

Updated By ManamSat, 07/28/2018 - 18:04

YSRCP Leader Ambati Rambabu Sensational Comments Janasena Chief Pawan

అమరావతి: వైసీపీ అధినేత, ఏపీ ప్రధాన ప్రతిపక్ష నేత వైఎస్ జగన్ మోహన్‌రెడ్డిపై గత కొద్దిరోజులుగా జనసేనాధిపతి పవన్ కల్యాణ్ చేస్తున్న వ్యాఖ్యలపట్ల వైసీపీ ఎమ్మెల్యేలు, నేతలు పెద్ద ఎత్తున రియాక్టవుతున్నారు. తాజాగా వైసీపీ సీనియర్ నేత, అధికార ప్రతినిధి అంబటి రాంబాబు మాట్లాడుతూ.. జనసేనానిపై తీవ్ర విమర్శలు గుప్పించారు. 

నీకు నువ్వుగా చెప్పుకుంటే ఎలా..?
"
రాష్ట్రంలో అధికారంలోకి రావడానికి ప్రయత్నించేసిన భాగస్వామ్యపార్టీలు ఒక్కొక్కటిగా చీలిపోయాయి. టీడీపీతో నాలుగేళ్లు కలిసి పని చేసిన జనసేన పార్టీ విడిపోయి బయటకు వచ్చింది. కానీ టీడీపీకి బదులు ప్రధాన ప్రతిపక్షాన్ని పవన్‌ విమర్శిస్తున్నారు. అధికార పక్షం కన్నా మించిన విమర్శలు వైఎస్ జగన్‌పై, వైసీపీపై చేస్తున్నారు. ఇవి సంప్రదాయానికి విరుద్ధమైన అంశం. నా జీవితం తెరిచిన పుస్తకమని, తానే ఉత్తముడినని పవన్‌ నీకు నువ్వుగా చెప్పుకుంటున్నావ్. చంద్రబాబు అవినీతి చేస్తూ తాను నిప్పు అని చెప్పుకుంటున్నట్లుగా పవన్‌ తానే ఉత్తముడినని సర్టిఫికెట్‌ ఇచ్చుకుంటున్నారు. గుండాయిజం, కత్తులు, బాంబులు అన్నీ కూడా మా సంస్కృతి అన్నట్లుగా పవన్‌ విమర్శలు చేయడం సిగ్గు చేటు" అని అంబటి రాంబాబు హితవు పలికారు. 

మా స్థానం మీకు కావాలా..?
"
చంద్రబాబు దెబ్బకు తట్టుకోలేక మేం పారిపోయినట్లుగా పవన్‌ విమర్శలు చేయడం సరికాదు. మా స్థానంలో ఆయన ఉంటే ఒక ఊపు ఊపేసేవాడినని చెప్పుకుంటున్నారన్నారు. పవన్‌ కళ్యాణ్‌.. మీకు మా స్థానం కావాలని ఉందా?. పది అసెంబ్లీ సీట్లు ఉంటే.. అసెంబ్లీలో గందరగోళం చేయాలనే తాపత్రయం నిజంగా పవన్‌కు ఉండి ఉంటే 2014లో చంద్రబాబును, టీడీపీని ఉత్తుత్తినే ఎందుకు సపోర్టు చేశారు. మీకు బలం ఉన్న చోట ఎందుకు పోటీ చేయలేదు. మీది కూడా ఒక రాజకీయ పార్టీ అయితే అసెంబ్లీకి వెళ్లి ఊపేయాలన్న దృక్ఫథం ఉంటే ఎందుకు పోటీ చేయలేదు. ఇటీవల పవన్‌ కళ్యాణ్‌ తనకు చంద్రబాబు రాజ్యసభ సీటు ఇస్తానని మాట ఇచ్చారని స్వయంగా నీ నోటితోనే చెప్పావు. ఓట్లు చీలిపోతాయని, అలా వద్దు , రాజ్యసభ సీటు ఇస్తానంటే పోటీ నుంచి తప్పుకున్నారా? అందుకే ఇవాళ టీడీపీ నుంచి బయటకు వచ్చారా?. నేను చాలా ధైర్యవంతుడిని అని పవన్‌ చెప్పుకుంటున్నారని, అలాంటి ధైర్యం ఉంటే ఎందుకు పోటీ చేయలేదన్నారు. శుక్రవారం నాడు భీమవరంలో నిర్వహించిన సభలో ఓ విద్యార్థి  పవన్‌ను ప్రశ్నిస్తే.. పవన్‌ సమాధానం చెబుతూ.. ఒకానోక సందర్భంలో చాలా ప్రెస్టేషన్‌లో ఉన్నానని, రివాల్వార్‌తో కాల్చుకొని చనిపోవాలనుకున్నానని చెప్పారు. కాల్చుకునే మీరు ధైర్యవంతులా? పిరికివారా? ఒకసారి సైక్రాసిస్ట్‌ను కలిసి చూపించుకుంటే మంచిది" అని పవన్‌కు అంబటి పలు సలహాలు ఇచ్చారు.

లొంగిపోయారా?.. పారిపోయారా?
ప్రజారాజ్యం పార్టీలో ఉన్నప్పుడు 222 సీట్లకు పోటీ చేశారని, 18 సీట్లు గెలుచుకుని ఏం చేశారని అంబటి ప్రశ్నించారు. ఎవరి మీద ఫైట్‌ చేశారు, పారిపోయారా? లొంగిపోయారా? చేరిపోయారా? ఆ రోజు ఏమయ్యారని నిలదీశారు. ప్రజా సేవ చేయాలని, అసెంబ్లీకి వెళ్లాలని కోరిక ఉంటే ఆ రోజు ఎందుకు పోటీ చేయలేదన్నారు. ఆ రోజు చేయలేని మీరు.. ఈ రోజు చేస్తారని ప్రజలు మిమ్మల్ని నమ్మి ఓట్లు ఎలా వేయాలని ప్రశ్నించారు. ఎప్పుడు ప్రభుత్వాన్ని ప్రశ్నించారని మండిపడ్డారు. ఎవరిని ప్రశ్నించారని ధ్వజమెత్తారు.. చంద్రబాబు ఓటుకు కోట్లు కేసులో దొరికిపోతే ఎందుకు ప్రశ్నించలేదన్నారు. ఆ రోజు ఏం అడ్డమొచ్చిందన్నారు. విజయవాడ నడిబొడ్డున కాల్‌మనీ సెక్స్‌ రాకెట్‌ జరుగుతుంటే ఎందుకు ప్రశ్నించలేదన్నారు. 23 మంది ఎమ్మెల్యేలను చంద్రబాబు కొని, నలుగురిని మంత్రులుగా చేస్తే ఎందుకు పవన్‌ ప్రశ్నించలేదన్నారు. అది తప్పు కదా? అన్యాయం కాదా? మమ్మల్నే ప్రశ్నిస్తావా అని అంబటి ఫైర్‌ అయ్యారు.



నాకు అందరి గురించీ తెలుసు.. కానీ చెప్పను: పవన్

Updated By ManamFri, 07/27/2018 - 20:39

pawan vs jagan

భీమవరం: వైసీపీ అధినేత, ఏపీ ప్రధాన ప్రతిపక్షనేత వైఎస్ జగన్ మోహన్‌రెడ్డి చేసిన వ్యక్తిగత విమర్శలపై జనసేనాధిపతి పవన్ కల్యాణ్ మరోసారి స్పందించి కౌంటరిచ్చారు. భీమవరం బహిరంగ సభ వేదికగా మాట్లాడిన ఆయన జగన్ మొదలుకుని టీడీపీ ప్రభుత్వం, సీఎం చంద్రబాబుపై తీవ్ర విమర్శలు గుప్పించారు.

మీ బాంబులు.. వేటకొడవళ్లకు భయపడను!
"
పబ్లిక్ పాలసీల గురించి మాట్లాడి అసెంబ్లీకి వెళ్లమంటే జగన్ నాపై వ్యక్తిగత విమర్శలు చేస్తున్నారు. ఈ భీమవరం పట్టణానికి డంపింగ్ యార్డ్ పెట్టించి నాపై వ్యక్తిగత విమర్శలు చేయండి.. భరిస్తా.. అదేమీ చేయరు. అసెంబ్లీలో ఉండి ప్రభుత్వంపై పోరాడి సమస్యలు పరిష్కరించడం ప్రతిపక్షనేత బాధ్యత. దాన్ని వదిలిపెట్టి మీరు పారిపోయారు. ఆయనకు ముఖ్యమంత్రిని ఎదిరించే ధైర్యం లేదు. ఆ దమ్ములేకపోవడంతోనే పారిపోయారు. సీఎం అయితేనేం చేస్తానంటారు. వ్యక్తిగత విమర్శలు నేను కూడా చేస్తే తట్టుకోలేరు. నాకు సంస్కారం ఉంది. మీలా నేను కుసంస్కారిని కాదు. ఎవరు యూనివర్శిటిలో తువ్వాలుతో ఎందుకు తిరిగారో తెలుసు. కానీ తెలుసు కానీ చెప్పను. నాకున్న నెట్ వర్క్‌కి ఎవరు ఎక్కడ ఏం చేస్తున్నారో చెప్పగలను. నా వ్యక్తిగత జీవితం తెరిచిన పుస్తకం.. మంచో చెడో ఏదీ దాచేది లేదు. రహస్యాలేమీ లేవు. వాళ్లు చేసే ఫ్యాక్షనిజానికి, గూండాగిరికి భయపడేది లేదు. బాంబులు, వేటకొడవళ్లు, బరిసెలకు భయపడను" అని పవన్ తేల్చిచెప్పారు. 

నన్ను, నా పార్టీని డబ్బులతో కొనలేరు!
ఎంతో విశిష్టమైన చరిత్ర ఉన్న, గొప్పవాళ్లు పుట్టిన భీమవరంలో కనీసం డంపింగ్ యార్డ్ కూడా లేదు. ఈ ప్రాంతం నుంచి గెలిచిన బీజేపీ ఎంపీ గోకరాజు గంగరాజు డంపింగ్ యార్డు కూడా ఏర్పాటు చేయలేదు. ఆయన నిలబడ్డప్పుడు గోకరాజు అనుచరులు ‘పవన్ కల్యాణ్ ప్రచారానికి వస్తే ఎంత తీసుకుంటారు’ అని నా సన్నిహితుల్ని అడిగారట. వాళ్లు .. ‘పవన్ కల్యాణ్ ప్రేమతో పిలిస్తే వస్తాడు’ అని ఒక్కటే చెప్పారు. పవన్ కల్యాణ్‌ని, జనసేననీ ఎవరూ డబ్బుతో కొనలేరని గుర్తుపెట్టుకోండి. నేను ఆయన తరఫున ప్రచారం చేశాను. ఆ తర్వాత భీమవరంలో ఏదో సమస్య వస్తే దాన్ని పరిష్కరించమని చెప్పేందుకు ఫోన్ చేస్తే సమాధానం లేదు. ఆయన ఉరు దాటాక తెప్ప తగలేశారు. అసలు పశ్చిమ గోదావరి జిల్లాకి ఏం కావాలి..? ఏం చేస్తున్నారు..?భీమవరం పట్టణంలోనే చర్చిద్దాం.. ముఖ్యమంత్రి, వారి అబ్బాయి, వైసీపీ అధినేత జగన్, బీజేపీ ఎంపీ గోకరాజును పిలుద్దాం.. చర్చిద్ధాం" అని ఈసందర్భంగా పవన్ కల్యాణ్ ఒకింత ఛాలెంజ్ విసిరారు.

ఈ సారి ఆ 15 సీట్లు జనసేనకు ఇవ్వండి
" గత ఎన్నికల్లో 15 కి 15 సీట్లు టిడిపికి ఇచ్చారు. ఈసారి జనసేనకు ఇవ్వండి. ఇది ప్రశ్నించే పార్టీ మాత్రమే కాదు పాలించే పార్టీ కూడా. ఒకసారి ఆలోచించండి.. ఓటు వేయకపోయినా ప్రజల కోసం, వారికి అండగా ఉండే పార్టీ జనసేన. పార్టీ సిద్దాంతాలని చూడండి. ఇంట్లోవాళ్లతో, స్నేహితులతో చర్చించండి. జనసేన అధికార స్థాపనకు భీమవరం నుంచే బీజం వేద్దాం... ఈ గురు పౌర్ణమి పర్వదినాన" అని పవన్ కల్యాణ్ చెప్పుకొచ్చారు.



పాలిటిక్స్‌పై చలమేశ్వర్ షాకింగ్ కామెంట్స్

Updated By ManamSun, 07/22/2018 - 20:34

Justice Chelameswar Sensational Comments On Politics

హైదరాబాద్: సుప్రీంకోర్టు న్యాయమూర్తిగా పనిచేసిన జస్టిస్‌ చలమేశ్వర్‌ రాజకీయాలపై సంచలన వ్యాఖ్యలు చేశారు. ఓ కార్యక్రమంలో భాగంగా మాట్లాడిన ఆయన.. ప్రస్తుత రాజకీయాల్లో ‘తెంపరితనం’ పెరుగుతోందని వ్యాఖ్యానించారు. మేం చేసిందో వాస్తవమన్నట్లుగా రాజకీయ నేతలు ప్రవర్తిస్తున్నారని ఆయన విమర్శలు గుప్పించారు. ఏ మాత్రం విభేదించినా మాటల దాడితో ఉక్కిరి బిక్కిరి చేస్తున్నారన్నారు.



మోదీ, జగన్, పవన్‌లపై సోమిరెడ్డి సెన్సేషనల్ కామెంట్స్

Updated By ManamSat, 07/21/2018 - 19:07

Somireddy comments

నెల్లూరు: పార్లమెంట్‌లో టీడీపీ ప్రవేశపెట్టిన అవిశ్వాస తీర్మానం ప్రధాని నరేంద్ర మోదీ గజగజ వణికిపోయారని మంత్రి సోమిరెడ్డి చంద్రమోహన్‌రెడ్డి వ్యాఖ్యానించారు. నెల్లూరులోని జిల్లా తెలుగుదేశం పార్టీ కార్యాలయంలో మీడియాతో మాట్లాడిన ఆయన కేంద్ర ప్రభుత్వంపై తీవ్ర విమర్శలు గుప్పించారు. " మోదీ నియంతృత్వ పాలనను దేశవ్యాప్తంగా మొదటిసారి అన్ని పార్టీల నాయకులు ఎండగట్టే అవకాశం సీఎం చంద్రబాబు గారు తీసుకున్న అవిశ్వాస తీర్మానం నిర్ణయంతో లభించింది. టీడీపీ కారణంగా మోదీ గజగజ వణకడంతో పాటు దేశానికి సమాధానం చెప్పుకోవాల్సిన పరిస్థితి వచ్చింది. హోదా ఇవ్వలేమని ఖరాఖండిగా చెప్పిన మోదీ, ఏపీని ఏ విధంగా ఆదుకుంటారో చెప్పకపోవడం దురదృష్టకరం. తెలుగు ప్రజలంటే లెక్కలేకుండా.. ఏపీ అంటే నిర్లక్ష్యంగా వ్యవహరిస్తున్నారు. దేశంలోని తెలుగువారందరినీ అవమానించేలా లోక్ సభలో మోదీ వ్యవహరించారు. ఐదు కోట్ల ఆంధ్రుల భవిష్యత్‌కు సంబంధించి చర్చ జరుగుతుంటే మోదీ, రాహుల్ గాంధీ ఒకరిపై ఒకరు జోకులేసుకున్నారు.. రాహుల్‌ని తిట్టడానికి మోదీ గంటల సమయం తీసుకున్నారు"అని ఆయన చెప్పుకొచ్చారు. 

మోదీ, షా మెడలు వంచాం..!
"
2019 ఎన్నికల నాటికి దేశవ్యాప్తంగా మీ మీద విశ్వాసం పోయేందుకు ఏపీ విషయంలో మీ వైఖరే కారణం కాబోతోంది. తిరుపతి, నెల్లూరు సభల్లో ఏమని ఉపన్యిసాలిచ్చారో మర్చిపోవద్దు. ఒక్కసారి రివైండ్ చేసుకుని వినండి. కేవలం డైలాగులతో నాలుగేళ్లు కాలయాపన చేశారు. దేశంలో అభివృద్ధి కరువైపోయింది. అమిత్ షా, మోదీల మెడలు వంచి లోక్ సభలో సమాధానం ఇచ్చుకోవాల్సిన పరిస్థితి టీడీపీ తెచ్చింది. జగన్మోహన్ రెడ్డి, ఆయన పార్టీ నేతలు అసెంబ్లీ, పార్లమెంట్‌ను ఎగ్గొట్టి రోడ్లపై తిరుగుతున్నారు. మీ ఎంపీలు, ఎమ్మెల్యేలు ఎక్కడున్నారు. ప్రజాప్రతినిధులుగా మీరు అనర్హులు. లోక్ సభలో చర్చ జరుగుతుంటే కనీసం ఢిల్లీలో ప్రతిపక్ష పార్టీ ఎంపీలను కూడగట్టే ప్రయత్నం కూడా చేయలేదు" అని సోమిరెడ్డి విమర్శలు గుప్పించారు.

జగన్ జీరో.. జనసేనాని ఏమయ్యాడో?
ప్రస్తుత రాజకీయాల్లో జగన్ జీరో.. ఆయనకు ఎక్కడా చోటు లేదు. బీజేపీతో లాలూచీ రాజకీయాలు చేస్తున్నారు. అవిశ్వాసం పెట్టండి.. అందరినీ కూడగడతానన్న జనసేన నాయకుడు ఏమైపోయారు..ఆయన విధానాలేంటో ఎవరికీ అర్థం కావట్లేదు. టీడీపీ ఒక సారి మోదీపై యుద్ధం ప్రకటించాక వెనుదిరిగే ప్రసక్తే లేదు.. అవిశ్వాస తీర్మానంపై చర్చ రోజు మా పార్టీ నాయకులు గుండెలు అడ్డం పెట్టి నిలబడ్డారు. ఇప్పటికైనా ఆంధ్రులను మోసం చేసిన కారణాలపై దేశానికి బీజేపీ సమాధానం చెప్పాలి. ప్రత్యేక హోదా కోసం నిరంతరాయంగా,  రాజీలేకుండా టీడీపీ పోరాటం ముందుకు సాగుతుంది" అని మంత్రి సోమిరెడ్డి ఈ సందర్భంగా చెప్పుకొచ్చారు.



బాబు-మోదీ మహా నటులు!

Updated By ManamSat, 07/21/2018 - 17:30

YSRCP Leader Ambati Rambabu Sensational Comments On PM Modi and Chandrababu

విజయవాడ: ప్రత్యేక హోదా ఇచ్చేది లేదన్న ప్రధాని మోదీ మాటలు చాలా బాధ కలిగించాయని వైసీపీ నేత అంబంటి రాంబాబు ఆవేదన వ్యక్తం చేశారు. శుక్రవారం పార్లమెంట్‌లో జరిగిన అవిశ్వాస తీర్మానంపై మాట్లాడిన ఆయన.. ప్రధాని మోదీ, సీఎం చంద్రబాబు ఇద్దరూ మహా నటులని వ్యాఖ్యానించారు. ప్రధాని నటన మాత్రమే చేయగలరని.. చంద్రబాబు మాత్రం జీవించలగరని ఆయన విమర్శించారు. 

నాలుగేళ్లుగా ప్రత్యేక హోదాను వైసీపీ సజీవంగా ఉంచిందన్నారు. హోదా కోసం పోరాటంచేస్తుంటే వైసీపీ నేతలు, కార్యకర్తలపై కేసు పెట్టిన విషయాన్ని ఈ సందర్భంగా అంబటి ప్రస్తావనకు తీసుకొచ్చారు. అవిశ్వాసంలో పార్టీలను ఏకం చేసినట్లు చంద్రబాబు హడావుడి చేశారంతేనన్నారు. చంద్రబాబు ఏ లోపాయికారి ఒప్పందం కోసం ఢిల్లీకి వెళ్లారో చెప్పాలన్నారు.  ప్రత్యేక హోదా ఉచ్చులోకి మళ్లీ మళ్లీ టీడీపీని లాగుతామన్నారు.

హోదా అంశాన్ని సమాధి చేయడానికి ప్రధానితో కలిసి చంద్రబాబు అనేక ప్రయత్నాలు చేశారని ఆయన విమర్శలు గుప్పించారు. కేంద్రం కుంభకోణాలు అంటూ ఊదరగొడుతున్న టీడీపీ పార్లమెంట్‌లో ఎందుకు ప్రస్తావించలేదని ఈ సందర్భంగా ఆయన సూటి ప్రశ్న సంధించారు. రాష్ట్రంలో టీడీపీ అవినీతి గురించి మాట్లాడే బీజేపీ నేతలు పార్లమెంట్‌లో ఎందుకు మాట్లాడలేదని ప్రశ్నించాయరాయన. చంద్రబాబు-కేసీఆర్ మధ్య ఏం పంచాయితీ చేశారో టీడీపీ చెప్పాలని అంబటి డిమాండ్ చేశారు. కాగా.. శుక్రవారం పార్లమెంట్‌లో మాట్లాడిన ప్రధాని ప్రత్యేక ప్యాకేజీ మొదలుకుని పలు విషయాలపై మాట్లాడుతూ టీడీపీ, వైసీపీ, టీఆర్ఎస్ ప్రస్తావన తీసుకొచ్చారన్న విషయం తెలిసిందే.



2019లో టీడీపీ అడ్రస్ గల్లంతే!

Updated By ManamSat, 07/21/2018 - 16:56

Mla Roja On TDP

తిరుపతి: రానున్న ఎన్నికల్లో టీడీపీ అడ్రస్ గల్లంతవ్వడం ఖాయమని వైసీపీ ఎమ్మెల్యే రోజా జోస్యం చెప్పారు. శనివారం మీడియాతో మాట్లాడిన ఆమె.. పార్లమెంట్‌లో అవిశ్వాస తీర్మానంపై టీడీపీ ఎంపీ గల్లా జయదేవ్ ప్రసంగంపై తీవ్ర విమర్శలుగుప్పించారు. జయదేవ్ చేసిందంతా డ్రామా అని ఆమె అభివర్ణించారు. రాష్ట్ర ప్రయోజనాల ఏపీ ప్రభుత్వం ఏ రేంజ్‌లో ఆలోచిస్తోందో గల్లా డ్రామాతో కళ్లకు కట్టినట్లు చూపించిందని రోజా తీవ్రంగా మండిపడ్డారు.

ఈ డ్రామాలన్నింటినీ ఏపీ ప్రజలు గమనిస్తూనే ఉన్నారు.. రానున్న ఎన్నికల్లో(2019) టీడీపీకి ప్రజలే బుద్ధి చెబుతారని.. ఖచ్చితంగా తెలుగుదేశం గల్లంతవ్వడం ఖాయమని రోజా చెప్పుకొచ్చారు. ఏపీకి జరుగుతున్న అన్యాయం గురించి, విభజన హామీల అమలు, ప్రత్యేక హోదా కోసం పోరాటం చేస్తున్న ఏకైక పార్టీ వైసీపీనేని రోజా ఈ సందర్భంగా స్పష్టం చేశారు.



టీడీపీని ఉక్కిరిబిక్కిరి చేసిన హరిబాబు!

Updated By ManamFri, 07/20/2018 - 19:09

MP Kambampati Haribabu Sensational Comments On TDP | MP Haribabu Full Speech

న్యూ ఢిల్లీ: అవిశ్వాస తీర్మానంపై చర్చలో భాగంగా ఏపీ బీజేపీ ఎంపీ హరిబాబు ప్రసంగించారు. టీడీపీ కాంగ్రెస్‌తో చేతులు కలపడం దివంగత నేత ఎన్టీయార్ ఆశయాలకే విరుద్ధమని తీవ్ర ఆగ్రహం వ్యక్తం చేశారు. కాంగ్రెస్‌కు వ్యతిరేకంగా పుట్టిన పార్టీ టీడీపీ అని ఈసందర్భంగా ఆయన గుర్తు చేశారు. కానీ కాంగ్రెస్ పార్టీతోనే టీడీపీ చేతులు కలపడం ఆశ్చర్యమేస్తోందని హరిబాబు చెప్పుకొచ్చారు. కాంగ్రెస్‌తో కలిస్తే ఎన్టీఆర్ ఆత్మ క్షోభిస్తుందన్నారు. ఎన్టీఆర్ బతికున్నంత వరకూ కాంగ్రెస్‌తో అలుపెరగని పోరాటం చేశారన్నారు. మీరు ఎవరితో పొత్తు పెట్టుకున్నా మాకేమీ సమస్య లేదని.. ఎన్టీఆర్ ఆత్మ క్షోభిస్తుందని గుర్తు పెట్టుకోండని టీడీపీకి ఆయన సూచించారు.

టీడీపీ వైఖరి ఏపీ అభివృద్ధికి మంచిదికాదన్నారు. ఇవాళ పార్లమెంట్ సాక్షిగా కాంగ్రెస్-టీడీపీ చేతులు కలపడం ఆశ్చర్యమేస్తోందని హరిబాబు చెప్పుకొచ్చారు. కాంగ్రెస్ నేతలతో టీడీపీ నేతలు ఫ్లోర్ కో ఆర్డినేషన్ చేయడం తాను చూశానన్నారు. ఖర్గేజీ.. మీకు నిజంగా చిత్తశుద్ధి ఉంటే బిల్లులో హోదా ఇస్తామని ఎందుకు పొందుపరచలేదో చెప్పాలని హరిబాబు కౌంటరిచ్చారు. కానీ బీజేపీ మాత్రం హోదా అనే పేరు తప్ప.. హోదాతో వచ్చే అన్ని ప్రయోజనాలకు కల్పిస్తోందన్నారు.

అయితే.. హరిబాబు ప్రసంగానికి టీడీపీ ఎంపీలు అడ్డుతగిలి నిరసన వ్యక్తం చేశారు. ఏపీపై కాంగ్రెస్ మొసలి కన్నీరు కారుస్తోందని ఎంపీ హరిబాబు విమర్శలు గుప్పించారు. విభజనకు అనుకూలంగా టీడీపీ లేఖ ఇచ్చిందన్న విషయాన్ని ఈ సందర్భంగా ఆయన గుర్తు చేశారు. రాష్ట్ర విభజన జరుగుతున్న సమయంలో రాష్ట్రానికి ఏం కావాలో కనీసం టీడీపీ అడగలేదన్నారు. ఏపీకి కేంద్రం అన్ని విధాలుగా సాయం అందించిందన్నారు. నాబార్డ్, హడ్కో ద్వారా రుణాలు ఇప్పించాలని చంద్రబాబు కోరారని .. పోలవరం పూర్తి చేసేందుకు కట్టుబడి ఉన్నామన్నారు. పోలవరం ప్రాజెక్టును గడ్కరీ స్వయంగా పర్యవేక్షిస్తున్నారన్నారు. 

14వ ఫైనాన్స్ కమిషన్ కూడా రెవెన్యూ లోటు భర్తీ చేయాలని చెప్పిందని.. దానికి అనుగుణంగానే నిధులిస్తున్నామని హరిబాబు స్పష్టం చేశారు. ఆర్థిక వెసలుబాటలో 1750 కోట్లు రుణం రూపేణా ఇస్తామని కేంద్రం చెప్పిందన్నారు. విశాఖకు ప్రత్యేక రైల్వేజోన్ వచ్చి తీరుతుందని ఎంపీ హరిబాబు ఈ సందర్భంగా తేల్చిచెప్పారు. ఒక్క మాటలో చెప్పాలంటే టీడీపీని హరిబాబు తన ప్రశ్నలతో ఉక్కిరిబిక్కిరి చేశారని చెప్పడంలో ఎలాంటి అతిశయోక్తి లేదేమో. కాగా ఇవాళ్టి నుంచి ఇక హరిబాబుపై టీడీపీ నేతలు మాటలు యుద్ధం ప్రారంభిస్తారనేది కూడా జగమెరిగిన సత్యమే. 





Related News