vairamuthu

ప్లీజ్ అమ్మకు కాల్ చేయొద్దు: చిన్మయి

Updated By ManamFri, 10/12/2018 - 18:04
Please do not call my mother, says Chinmayi Sripaada ‏

చెన్నై : ‘మీ టూ’ ఉద్యమంలో భాగంగా తనకు ఎదురైన, పలువురు తనతో షేర్ చేసుకున్న లైంగిక వేధింపులను గాయినీ, డబ్బింగ్ ఆర్టిస్ట్ చిన్మయి శ్రీపాద ట్విట్టర్ ద్వారా షేర్ చేసిన విషయం తెలిసిందే. అయితే లైంగిక ఆరోపణలకు సంబంధించి ప్రముళ తమిళ రచయిత వైరిముత్తు తనతో పాటు చాలా మంది సింగర్లను వేధించిన విషయాన్ని చిన్మయి బయటపెట్టారు.

ఈ విషయంలో చిన్మయి తల్లి పద్మసిని కూడా కుమార్తెకు మద్దతుగా నిలిచారు. 2004లో ఒక సినిమా ఆడియో ఆవిష్కరణ కార్యక్రమం కోసం స్విట్జర్లాడ్‌కు వెళ్లన తమకు వైరిముత్తు నుంచి ఎదురైన చేదు అనుభావాన్ని వివరించిన విషయం తెలిసిందే. దీంతో చెన్నైలోని పలు మీడియా సంస్థల ప్రతినిధులు పద్మాసిని  ఇంటర్వ్యూ కావాలంటూ ఫోన్ కాల్స్ వెల్లువెత్తాయి. 

ఈ నేపథ్యంలో చిన్మయి శ్రీపాద శుక్రవారం దయచేసి తన తల్లిని వేధించవద్దంటూ ట్విట్టర్ ద్వారా చెన్నై మీడియాకు విజ్ఞప్తి చేశారు. తన తల్లికి ఇప్పుడు 69 ఏళ్లు అని, ఇప్పటికే ఆమె చాలా స్ట్రెస్ తీసుకున్నారని, స్టేట్‌మెంట్ల కోసం తన తల్లికి కాల్ చేయవద్దని ఆమె కోరారు. ఈ మేరకు చిన్మయి ట్వీట్ చేశారు.
 



ఇది మంచి పరిణామం: చిన్మయి తల్లి

Updated By ManamWed, 10/10/2018 - 15:55
Chinmayi Sripada mother padmhasini

చెన్నై : సింగర్‌, డబ్బింగ్‌ ఆర్టిస్ట్‌ చిన్మయి శ్రీపాద లైంగిక వేధింపుల విషయంలో గళమెత్తిన విషయం తెలిసిందే. ఈ సందర్భంగా కూతురికి ఆమె తల్లి పద్మాసిని మద్దతుగా నిలిచారు. లైంగిక వేధింపులను మహిళలు ధైర్యంగా బహిర్గతం చేయడం మంచి పరిణామం అని ఆమె వ్యాఖ్యానించారు. లైంగిక వేధింపులకు పాల్పడేవారిని ఉపేక్షించరాదని పద్మాసిని అన్నారు. 

ఎంతటి వారైనా సరే చర్యలు తీసుకోవాల్సిందేనని పేర్కొన్నారు. కాగా ప్రముఖ తమిళ రచయిత వైరముత్తు.. పలువురు స్త్రీల పట్ల అమానుషంగా ప్రవర్తించారని, ఆయన వల్ల తమకు ఎదురైన చేదు అనుభవాలను చిన్మయి తన ట్వీట్టర్‌లో పేర్కొన్నారు. అంతేకాకుండా ‘వైరముత్తు మా పట్ల ఈ విధంగా నడుచుకున్నాడు’ అంటూ ఆ అమ్మాయిలు పేర్కొన్న విషయాలను చిన్మయి తన ట్వీటర్‌లో ఒక్కొక్కటిగా పోస్ట్‌ చేస్తూ వచ్చిన విషయం తెలిసిందే. దీనిపై చిన్మయికి ఆమె తల్లి సపోర్టుగా నిలిచారు.



అమ్మవారిపై అతడు రాసింది తప్పు కాదు

Updated By ManamFri, 01/19/2018 - 13:27

Vairamuthuచెన్నై: తమిళుల దేవత అండాల్ అమ్మవారిపై ప్రముఖ కవి, రచయిత వైరముత్తు రాసిన మాటల్లో తప్పులేదని మద్రాసు హైకోర్టు స్పష్టం చేసింది. అండాల్ అమ్మవారిపై వైరముత్తు అనుచిత వ్యాఖ్యలు చేశారంటూ దాఖలైన పిటిషన్‌ను ముంబై హైకోర్టు విచారించింది. ఈ నేపథ్యంలో వైరముత్తు అన్న మాటల్లో ఏ విధమైన తప్పు లేదని తెలిపింది.

అయితే ఒక పత్రికలో అండాల్ అమ్మవారి గురించి రాసిన వైరముత్తు.. ఆమెను 'దేవదాసి'తో పోల్చారు. దీంతో పలు హిందూ సంఘాలు ఆయనపై విమర్శలు కురిపించారు. అమ్మవారిని దేవదాసితో పోల్చడం ఏంటంటూ వారు ఆగ్రహం వ్యక్తం చేశారు. ఈ నేపథ్యంలో దానికి సమాధానమిచ్చిన వైరముత్తు తన దృష్టిలో దేవదాసి అంటే దేవుడి కోసం సేవ చేసేవాళ్లని చెప్పారు. తనకు అండాల్ అమ్మలాంటిదని, తాను ఎవరినీ కించపరిచేలా ఈ వ్యాఖ్యలు రాయలేదని, ఆ వ్యాఖ్యల వలన ఎవరైనా బాధపడి ఉంటే క్షమించాలని కోరారు. అయినా హిందూ సంఘాలు మాత్రం అతడి చంపేస్తామంటూ బెదిరించారు. ఇలాంటి సమయంలో తాజాగా హైకోర్టు తీర్పుతో వైరముత్తుకు కాస్త ఊరట లభించినట్లైంది.



గోదాదేవిపై వివాదాస్పద వ్యాఖ్యలు!

Updated By ManamWed, 01/10/2018 - 14:14

vairamuthuగోదాదేవిపై తమిళ రచయిత వైరముత్తు చేసిన వ్యాఖ్యలు వివాదాస్పదమవుతున్నాయి.   గోదాదేవిపై వైరముత్తు ఓ పత్రికకు రాసిన వ్యాసం దుమారం రేపుతోంది. ఇది దేవతామూర్తిగా పూజలందుకుంటున్న గోదాదేవి ప్రతిష్టను దిగజార్చేలా ఉందని పలువురు మండిపడుతున్నారు. వైరముత్తు వ్యాఖ్యల పట్ల తమిళనాడు బీజేపీ నేతలు తీవ్ర అభ్యంతరం వ్యక్తంచేస్తున్నారు. 

దేవతామూర్తిగా, మహిమాన్విత మూర్తిగా తమిళుల చేత పూజలందుకుంటున్న గోదాదేవిని దేవదాసిగా వ్యాఖ్యానించడం సరికాదని తమిళనాడు బీజేపీ అధ్యక్షురాలు తమిళిసై సౌందరరాజన్ మండిపడ్డారు. తన వాఖ్యల పట్ల వైరముత్తు విచారం వ్యక్తంచేస్తే సరిపోదని...వెంటనే సదరు వ్యాస్యాన్ని ఉపసంహరించుకోవాలని డిమాండ్ చేశారు. లిఖితపూర్వకంగా తన వ్యాఖ్యలను ఉపసంహరించుకోవడంతో పాటు...ఇకపై ఇలాంటి వ్యాసాలతో హింధువుల మనోభావాలను గాయపర్చబోనని క్షమాపణ కోరాలని డిమాండ్ చేశారు. 





Related News