allu arjun

విరాళాలు ఇవ్వండి.. బన్నీ జీప్ గెలవండి

Updated By ManamThu, 09/13/2018 - 13:47

Bunnyఅల్లు అర్జున్ హీరోగా వక్కంతం వంశీ తెరకెక్కించిన చిత్రం ‘నా పేరు సూర్య’. ఈ చిత్రంలో బన్నీ ఆర్మీ ఆఫీసర్ పాత్రలో కనిపించగా.. అందులో అతడు ఒక జీప్‌ను వాడిన విషయం తెలిసిందే. కాగా ఇప్పుడు ఈ జీప్‌ను అభిమానులకు ఇవ్వనున్నారు. అయితే దీనికి ఓ పనిచేయాల్సి ఉంది. అదేంటంటే..

ఇటీవల పడిన భారీ వర్షాలకు కేరళ అతలాకుతలం అయిన విషయం తెలిసిందే. ఈ నేపథ్యంలో సామాన్యులు మొదలుకొని ఎంతోమంది ప్రముఖులు కేరళవాసులకు సాయం చేశారు. ఈ క్రమంలో అల్లు అర్జున్ కూడా తన వంతున 25లక్షల రూపాయలను ఇచ్చారు. ఇంతటితో ఆగకుండా ఇప్పుడు మరో అడుగు ముందుకేసిన బన్నీ.. ‘నా పేరు సూర్య’లో తాను వాడిన జీప్‌ను దాతలకు ఇచ్చేందుకు సిద్ధమయ్యాడు. వెయ్యి రూపాయలు, అంతకుమించి కేరళకు విరాళాలు ఇచ్చే వారిలో ఒక లక్కీ పేరును సెలక్ట్ చేసి వారికి బన్నీ జీప్‌ను ఇవ్వనున్నారు. అంతేకాదు ఆ విరాళాలు ఇచ్చిన ప్రతి ఒక్కరికీ నా పేరు సూర్యలో బన్నీ వేసుకున్న టీ-షర్ట్‌ను ఇవ్వనున్నారు. ఇంకెందుకు ఆలస్యం బన్నీ జీప్‌ను గెలవాలనుకుంటే వెంటనే కేరళకు సహాయం చేయండి మరి.



హిందీలో దుమ్మురేపుతున్న బన్నీ మూవీ

Updated By ManamWed, 09/12/2018 - 10:23

Na Peru Surya Na Illu Indiaస్టైలిష్ స్టార్ అల్లు అర్జున్ హీరోగా వక్కంతం వంశీ తెరకెక్కించిన చిత్రం ‘నా పేరు సూర్య- నా ఇల్లు ఇండియా’. ఎన్నో అంచనాల మధ్య ప్రేక్షకుల ముందుకు వచ్చిన ఈ చిత్రం అనుకున్నంత మేర వారిని ఆకట్టుకోలేకపోయింది. అయితే ఇప్పుడు ఈ చిత్రం హిందీలో దుమ్మురేపుతుంది.

బన్నీకి నార్త్‌లో మంచి ఫాలోయింగ్ ఉంది. అతడి డబ్బింగ్ చిత్రాలు యూట్యూబ్‌లో రికార్డు సృష్టించాయి. ఈ నేపథ్యంలో బన్నీ నా పేరు సూర్య చిత్రాన్ని డబ్బింగ్ చేసి గత వారం థియేటర్లలో రిలీజ్ చేశారు. విడుదలైన అన్ని చోట్ల ఈ చిత్రం మంచి కలెక్షన్లను సాధిస్తోంది. ఈ విషయాన్ని అక్షయ్ రతీ అనే క్రిటిక్ తెలిపాడు. కాగా 1983 వరల్డ్ కప్ ఆధారంగా తెరకెక్కుతున్న స్పోర్ట్స్ బయోపిక్‌లో ఓ పాత్ర కోసం బన్నీని సంప్రదించినట్లు ఇటీవల వార్తలు వచ్చిన విషయం తెలిసిందే.

 

 



శ్రీకాంత్ పాత్రలో బన్ని

Updated By ManamSat, 09/08/2018 - 01:55

image1983లో ఇండియాకు క్రికెట్ వరల్డ్ కప్‌ను అందించిన కెప్టెన్ కపిల్‌దేవ్ జీవిత కథతో ‘83’ చిత్రం రూపొందనున్న విషయం తెలిసిందే. ఈ చిత్రంలో కపిల్ దేవ్ పాత్రను రణవీర్‌సింగ్ పోషిస్తారు. అప్పటి క్రికెట టీమ్‌లో కీలక ప్లేయర్ అయిన కృష్ణమాచారి శ్రీకాంత్ పాత్రను టాలీవుడ్ హీరో అల్లు అర్జున్ పోషించే అవకాశం ఉందని తెలుస్తోంది. ఈ చిత్రానికి కబీర్ ఖాన్ దర్శకత్వం వహించనున్నారు. బన్ని ఈ చిత్రంలో చేయబోయే పాత్ర గురించి అధికారిక ప్రకటన వెలువడాల్సి ఉంది.

గతంలో బన్నికి బాలీవుడ్‌లో నటించే అవకాశాలు వచ్చినా చెయ్యలేదు. దీన్ని దృష్టిలో ఉంచుకొని బన్ని ఈ సినిమా చెయ్యడానికి ఓకే చెబుతాడా లేదా అనే సందేహమే. బాలీవుడ్‌లో సినిమాలు చెయ్యన్నప్పటికీ అక్కడి ప్రముఖులతో బన్నీకి మంచి అనుబంధమే ఉంది. అప్పుడప్పుడు వారిని కలుస్తుంటారు బన్ని. ఇదిలా ఉంటే.. తన తదుపరి చిత్రం విషయంలో బన్ని చాలా ఆచి తూచి అడుగేస్తున్నట్టు తెలుస్తోంది. విక్రమ్ కె.కుమార్  దర్శకత్వంలో ఓ సినిమా చెయ్యబోతున్నట్టు ఆమధ్య వార్తలు వచ్చాయి. దీనిపై బన్ని ట్విట్టర్‌లో స్పందిస్తూ.. తన తదుపరి సినిమా చాలా డిఫరెంట్‌గా ఉండాలని కోరుకుంటున్నానని అందుకే కాస్త ఎక్కువ సమయం తీసుకుంటున్నానని తెలిపారు.



బాలీవుడ్ బయోపిక్‌లో అల్లు అర్జున్..?

Updated By ManamFri, 09/07/2018 - 11:25

Allu Arjunటాలీవుడ్ స్టైలిష్ స్టార్ అల్లు అర్జున్ బాలీవుడ్ లో ఆరంగేట్రం చేయబోతున్నాడా..? బాలీవుడ్‌లో తెరకెక్కుతున్న స్పోర్ట్స్ బయోగ్రఫీలో బన్నీ కనిపించనున్నాడా..? అంటే అవుననే మాటలే వినిపిస్తున్నాయి. 1983లో టీమిండియా ప్రపంచ కప్‌ను సాధించగా.. దాని ఆధారంగా బాలీవుడ్‌లో ఓ చిత్రాన్ని తెరకెక్కిస్తున్నారు. కబీర్ ఖాన్ దర్శకత్వం వహిస్తున్న ఈ చిత్రానికి 83 అనే టైటిల్‌ను ఖరారు చేశారు.

ఇక ఈ చిత్రంలో రణ్‌వీర్ సింగ్ కపిల్ దేవ్ పాత్రలో కనిపిస్తుండగా.. కృష్ణమాచారి శ్రీకాంత్ పాత్రకు అల్లు అర్జున్ కోసం సంప్రదింపులు జరిపినట్లు తెలుస్తోంది. 1983లో భారత్ వరల్డ్ కప్‌ సాధనలో శ్రీకాంత్ పాత్ర కూడా కీలకం. అందుకే ఈ పాత్రను ఒక స్టార్ హీరోతో చేయించాలని చిత్ర యూనిట్ అనుకుందట. బన్నీ చిత్రాలు హిందీలో డబ్ అయ్యి యూట్యూబ్‌లో సంచలనం సృష్టించాయి. అందునా అక్కడ ఈ హీరోకు మంచి ఫ్యాన్ ఫాలోయింగ్ ఉంది. ఈ నేపథ్యంలో ఇందులో బన్నీ ఉంటే బావుంటుందని భావించిన టీం, శ్రీకాంత్ పాత్రకు ఎంచుకున్నట్లు సమాచారం. ఇక ఇందులో నటించేందుకు బన్నీ కూడా ఆసక్తిని చూపుతున్నట్లు టాక్. ఒకవేళ ఇదే నిజమైతే మెగా అభిమానులకు పండగే.



కోలీవుడ్ స్టార్ దర్శకుడితో అల్లు అర్జున్..?

Updated By ManamWed, 08/29/2018 - 12:31

Allu Arjunఈ సారి ఎలాగైనా పెద్ద విజయాన్ని సొంతం చేసుకోవాలనుకుంటున్న అల్లు అర్జున్ కథల విషయంలో పక్కగా ప్లాన్ వేసుకుంటున్నాడు. మూస కథలు కాకుండా, కొత్తదనం వైపే దృష్టి పెడుతున్న స్టైలిష్ స్టార్.. తాజాగా కోలీవుడ్ స్టార్ డైరక్టర్‌తో పనిచేయనున్నట్లు వార్తలు వినిపిస్తున్నాయి. ‘శౌర్యం’, ‘శంఖం’, ‘దరువు’ చిత్రాలతో తెలుగువారికి దగ్గరైన కోలీవుడ్ దర్శకుడు శివ- బన్నీ కాంబినేషన్లో ఓ చిత్రం తెరకెక్కనున్నట్లు సమాచారం.

ప్రస్తుతం శివ, అజిత్ హీరోగా ‘విశ్వాసం’ను తెరకెక్కిస్తున్నాడు. ఈ తరువాత బన్నీ-శివ కాంబో సెట్స్ పైకి వెళ్లే అవకాశాలు ఉన్నాయి. ఇక ఈ చిత్రాన్ని ఙ్ఞానవేల్ నిర్మించనున్నట్లు సమాచారం. కాగా లింగుస్వామి దర్శకత్వంలో ఙ్ఞానవేల్ నిర్మాణంలో బన్నీ ఓ బైలింగ్వల్ చిత్రానికి ఓకే చెప్పిన విషయం తెలిసిందే. ఈ సినిమా పూజా కార్యక్రమాలను కూడా పూర్తి చేసుకుంది. అయితే కొన్ని కారణాల వలన ఈ కాంబినేషన్ సెట్స్ మీదకు వెళ్లలేకపోయింది. మరోవైపు శివ కూడా ఙ్ఞానవేల్ నిర్మాణంలో ఓ చిత్రం చేయాల్సి ఉంది. దీంతో ఈ కాంబోలో ఓ చిత్రం రాబోతున్నట్లు టాక్. 



బన్నీ మూవీపై ఆసక్తికర వార్త..!

Updated By ManamThu, 08/23/2018 - 11:54

Bunny‘నా పేరు సూర్య- నా ఇల్లు ఇండియా’తో పరాజయం చూసిన అల్లు అర్జున్.. ఈ సారి మంచి విజయాన్ని సొంతం చేసుకోవాలని భావిస్తున్నాడు. దీంతో ఇంకా కథలనే వింటున్న బన్నీ, దేనిపైనా అధికారిక ప్రకటన చేయలేదు. ఇలాంటి సమయంలో బన్నీ తదుపరి ప్రాజెక్ట్‌కు సంబంధించిన ఓ వార్త టాలీవుడ్‌లో హల్‌చల్ చేస్తోంది. అదేంటంటే మగధీర లాంటి కాన్సెఫ్ట్‌తో బన్నీ తదుపరి చిత్రం ఉండబోతుందట. మనం ఫేమ్ విక్రమ్ కుమార్ ఈ సినిమాకు దర్శకత్వం వహించబోతున్నట్లు తెలుస్తోంది. మామూలుగా ఈ ఇద్దరి కాంబోలో ఇప్పటికే చిత్రం సెట్స్‌పైకి ఎక్కాల్సి ఉండాల్సింది. అయితే కొన్ని కారణాల వలన ఈ కాంబో లేట్ అవుతూ వస్తోంది. ఇక ఇప్పటికే కథ కూడా ఓకే అయ్యిందని, త్వరలోనే దీనిపై అధికారిక ప్రకటన రానుందని సమాచారం. ఇక దీన్ని గీతా ఆర్ట్స్ తెరకెక్కించనున్నట్లు తెలుస్తోంది. ఒకవేళ ఇదే నిజమైతే బన్నీని మరో కొత్త లుక్‌లో చూడచ్చొన్న మాట.



మెగాస్టార్‌కు వెల్లువెత్తుతున్న శుభాకాంక్షలు

Updated By ManamWed, 08/22/2018 - 12:08

Celebrities birthday wishes to Megastar Chiranjeeviమెగాస్టార్ చిరంజీవి ఇవాళ 63వ పుట్టనరోజును జరుపుకుంటున్నారు. ఈ సందర్భంగా సోషల్ మీడియాలో ఆయనకు శుభాకాంక్షలు వెల్లువెత్తుతున్నాయి. ‘హ్యాపీ బర్త్‌డే వన్ అండ్ ఓన్లీ మెగాస్టార్’ అంటూ అభిమానులు శుభాకాంక్షలు చెబుతుండగా.. ‘హ్యాపీ బర్త్‌డే మెగాస్టార్, ఎంతోమందికి మీరు స్ఫూర్తి’ అంటూ పలువురు ప్రముఖులు కామెంట్లు పెడుతున్నారు.

ఇక చిరంజీవికి శుభాకాంక్షలు చెప్పిన వారిలో నాగార్జున, వెంకటేశ్, అల్లు అర్జున్, కొరటాల శివ, అనిల్ రావిపూడి, నాగశౌర్య, కాజల్ అగర్వాల్, వరుణ్ తేజ్, సాయి ధరమ్ తేజ్, శ్రీనువైట్ల, వంశీ పైడిపల్లి, సుధీర్ బాబు, అనుపమ పరమేశ్వరన్, గోపిచంద్ మలినేని, రాధిక, లావణ్య త్రిపాఠి, మెహర్ రమేశ్, సప్తగిరి, కల్యాణి ప్రియదర్శన్, ఈషా రెబ్బా, శ్రీకాంత్, ప్రదీప్, మెహ్రీన్, హరీశ్ శంకర్ తదితరులు ఉన్నారు. కాగా ప్రస్తుతం చిరంజీవి ప్రతిష్టాత్మక సైరా నరసింహారెడ్డిలో నటిస్తున్న విషయం తెలిసిందే.



కేళర వరద బాధితులకు బన్నీ సాయం

Updated By ManamMon, 08/13/2018 - 17:23
  • కేరళ తుఫాన్ బాధితుల సహయార్థం 25 లక్షలు ప్రకటించిన అల్లు అర్జున్

allu arjun

హైదరాబాద్ : భారీ వర్షాలు, వరదలతో అతలాకుతలం అవుతున్న కేరళ ప్రజలను ఆదుకునేందుకు మరో హీరో ముందుకు వచ్చారు. ఇప్పటికే యంగ్ హీరో విజయ్ దేవరకొండ కేరళ తుపాన్ బాధితులకు రూ.5 లక్షలు సాయం అందిస్తే... తాజాగా టాలీవుడ్ స్టైలిష్ స్టార్ అల్లు అర్జున్ ముందుకొచ్చారు.

వరద బాధితులను ఆదుకునేందుకు అతడు తనవంతు సాయంగా రూ.25 లక్షల ఆర్థిక సాయం ప్రకటించాడు. అంతేకాకుండా ఎర్నాకులం, పాలక్కాడ్, మలప్పురం, కలికట్ ప్రాంతాల్లో  రెడ్ అలర్ట్ అమల్లో ఉండడంతో ప్రజలంతా అప్రమత్తంగా ఉండాలని కోరాడు. అలాగే అభిమానులు సహాయ కార్యక్రమాల్లో పాల్గొనాలని పిలుపిచ్చారు. కేరళ ప్రజలు తనపై చూపే ఆదరణ, అభిమానంతో తన హృదయంలో వారికి ప్రత్యేక స్థానం ఉందంటూ...వరదలు, వర్షాలతో అతలాకుతలం అవుతున్న వారికి తన వంతు చిరుసాయం అందిస్తున్నట్లు తెలిపాడు. ఈ మేరకు అల్లు అర్జున్ ట్వీట్ చేశాడు.

కాగా మాలీవుడ్‌లో అల్లు అర్జున్‌కు ఫ్యాన్ ఫాలోయింగ్ విపరీతంగా ఉన్న విషయం తెలిసిందే. బన్నీ నటించిన ప్రతీ చిత్రాన్ని స్ట్రెయిట్ సినిమాల మాదిరిగానే ఆదరిస్తూ వస్తున్నారు. తనను ఇన్నేళ్ళుగా ఆదరిస్తున్న కేరళ ప్రజలు ఇబ్బందుల్లో ఉన్నారనే విషయం అతడిని తీవ్రంగా కలచివేసింది. దీంతో ఉడతా భక్తిగా పాతిక లక్షలు విరాళం అందించారు. కాగా కేరళలో వర్షాలు, వరదలతో ఇప్పటివరకూ 37మంది మృతి చెందారు.



మొదటిసారి కొత్త దర్శకుడితో..

Updated By ManamSat, 08/04/2018 - 23:40

image‘నా పేరు సూర్య’ తర్వాత అల్లు అర్జున్ ఏ సినిమా కమిట్ అవ్వలేదు. ఈ విషయంలో ప్రేక్షకులు, అభిమానులు అసంతృప్తిగా ఉన్నారని తెలుసుకున్న బన్నీ ‘‘మీరు నాపై చూపిస్తున్న ఆదరణకు ధన్యవాదాలు. నేను చేయబోయే కొత్త సినిమా ఏమిటనేది తెలుసుకోవాలంటే కొన్ని రోజులు ఆగాలి. మీ అందరూ ఎంజాయ్ చేసే ఓ మంచి సినిమా ఇవ్వాలని ప్రయత్నిస్తున్నాను’’ అంటూ అభిమానులను ఉద్దేశించి అల్లు అర్జున్ పేర్కొన్నారు.

ప్రస్తుతం అల్లు అర్జున్ కథలు వింటున్నారని తెలుస్తోంది. ఈ క్రమంలోనే దిల్‌రాజు ఓ కథ వినిపించారట. బన్నికి కథ బాగా నచ్చిందట. అతను చేయబోయే సినిమా దిల్‌రాజు బేనర్‌లోనే ఉంటుందని తెలుస్తోంది. ఈ చిత్రం ద్వారా ఓ కొత్త దర్శకుడు పరిచమయ్యే అవకాశం ఉంది. ఇప్పటివరకు కొత్త దర్శకులతో సినిమాలు చెయ్యని బన్ని మొదటిసారి ఓ కొత్త దర్శకుడికి అవకాశం ఇస్తున్నారన్నమాట. 



రూమర్లను ఖండించిన దిల్ రాజు

Updated By ManamFri, 08/03/2018 - 09:27

Dil Raju, Bunny టాలీవుడ్ టాప్ నిర్మాతగా దూసుకుపోతున్న దిల్ రాజు ఇటీవల వచ్చిన పుకారును ఖండించాడు. బన్నీతో దిల్ రాజు ఓ చిత్రాన్ని చేయబోతున్నాడని, ఈ చిత్రానికి ‘సభకు నమస్కారం’ అనే టైటిల్‌ను పెట్టినట్లు ఇటీవల కథనాలు రాగా.. వాటిని కొట్టివేశాడు దిల్ రాజు. ప్రస్తుతం తాను మహేశ్ చిత్రాన్ని తెరకెక్కిస్తున్నానని, దీని తరువాత తన తదుపరి ప్రాజెక్ట్ ఇంకా ఏమీ అనుకోలేదని దిల్ రాజు చెప్పాడు. కాగా నితిన్‌తో దిల్ రాజు నిర్మించిన ‘శ్రీనివాస కళ్యాణం’ ఆగష్టు 9న ప్రేక్షకుల ముందుకు రానున్న విషయం తెలిసిందే. మరోవైపు నా పేరు సూర్యతో ఢీలాపడ్డ అల్లు అర్జున్, తన తదుపరి చిత్రం కోసం ఇంకా కథలను వింటున్నాడు.





Related News