tollywood

సంక్రాంతి టార్గెట్‌గా ఎన్టీఆర్ బ‌యోపిక్‌?

Updated By ManamSun, 02/18/2018 - 22:57

ntr biopicమ‌హాన‌టుడు ఎన్టీఆర్ జీవిత క‌థ ఆధారంగా 'య‌న్‌.టి.ఆర్' పేరుతో ఓ బ‌యోపిక్ తెర‌కెక్క‌నున్న సంగ‌తి తెలిసిందే. బాల‌కృష్ణ టైటిల్ రోల్‌లో క‌నిపించ‌నున్న ఈ చిత్రానికి తేజ ద‌ర్శ‌క‌త్వం వ‌హించ‌నున్నారు. ఎం.ఎం.కీర‌వాణి స్వ‌రాలు అందించ‌నున్నారు. ఆగ‌స్టు నుంచి ప‌ట్టాలెక్క‌నున్న ఈ సినిమాని.. బాల‌య్య ఫేవ‌రేట్ సీజ‌న్ సంక్రాంతికి విడుద‌ల చేయ‌నున్నార‌ని టాలీవుడ్‌లో క‌థ‌నాలు వినిపిస్తున్నాయి. గ‌త ఏడాది సంక్రాంతికి 'గౌత‌మిపుత్ర శాత‌క‌ర్ణి'గానూ.. ఈ ఏడాది సంక్రాంతికి 'జై సింహా'గానూ సంద‌డి చేసి విజ‌యాలు అందుకున్న బాల‌య్య‌.. 'య‌న్‌.టి.ఆర్‌'తో సంక్రాంతి సీజ‌న్ ప‌రంగా హ్యాట్రిక్ అందుకుంటారేమో చూడాలి.



చ‌ర‌ణ్‌కు అన్న‌య్య‌గా మ‌రో హీరో

Updated By ManamSun, 02/18/2018 - 22:38

aryan rajeshరామ్ చ‌ర‌ణ్ క‌థానాయ‌కుడిగా బోయ‌పాటి శ్రీ‌ను ద‌ర్శ‌క‌త్వంలో ఓ సినిమా రూపొందుతున్న సంగ‌తి తెలిసిందే. కైరా అద్వాని క‌థానాయిక‌గా న‌టిస్తున్న ఈ చిత్రాన్ని డి.వి.వి.దాన‌య్య నిర్మిస్తున్నారు. ఇదిలా ఉంటే.. అన్న‌ద‌మ్ముల అనుబంధం నేప‌థ్యంలో సాగే ఈ చిత్రంలో చ‌ర‌ణ్‌కు న‌లుగురు అన్న‌య్యలు ఉంటారని టాలీవుడ్ స‌ర్కిల్స్‌లో క‌థ‌నాలు వినిపిస్తున్నాయి. వారిలో ఇద్ద‌రిగా ఇప్ప‌టికే సీనియ‌ర్ క‌థానాయ‌కుడు ప్ర‌శాంత్‌, యువ క‌థానాయ‌కుడు న‌వీన్ చంద్ర ఎంపిక కాగా.. మ‌రో పాత్ర‌లో ఆర్య‌న్ రాజేష్ ఎంపిక‌య్యాడ‌ని స‌మాచారం. నాలుగో అన్న‌య్య ఎవ‌రో తెలియాల్సి ఉంది. స్నేహ ఓ కీల‌క పాత్ర‌లో న‌టిస్తున్న ఈ చిత్రానికి దేవిశ్రీ ప్ర‌సాద్ సంగీత‌మందిస్తున్నాడు.  ప్ర‌స్తుతం రెండో షెడ్యూల్ జ‌రుపుకుంటున్న ఈ చిత్రం ద‌స‌రా కానుక‌గా విడుద‌ల కానుంది.

 



ఈ నెల‌ 23న ‘రా..రా’

Updated By ManamSun, 02/18/2018 - 21:47

raa raaశ్రీకాంత్ , నాజియా హీరో హీరోయిన్లుగా నటిస్తోన్న చిత్రం ‘రా రా’.  శ్రీమిత్ర చౌదరి సమర్పణలో విజి చెర్రీస్ విజన్స్ నిర్మించిన ఈ చిత్రం ఫిబ్రవరి 23న విడుదలవుతుంది. ఈ సందర్భంగా జరిగిన ప్రీ రిలీజ్ ఫంక్షన్‌లో హీరో శ్రీకాంత్, నాని, తరుణ్, రఘుబాబు, అలీ, హేమ, సదానంద్, నిర్మాత అశోక్, ప్రతాప్, ఖయ్యుమ్, భూపాల్ తదితరులు పాల్గొన్నారు.  

ఈ సంద‌ర్భంగా నాని మాట్లాడుతూ ‘‘నాకు ‘అష్టాచమ్మా’ నుండి శ్రీకాంత్‌గారితో మంచి పరిచయం ఉంది. నటుడిగా ఆయనేంటో అందరికీ తెలుసు. ఇప్పుడు హారర్ మూవీ ‘రా.. రా’ చేస్తున్నారు. ఈ సినిమా ఆయనకు మరో పెద్ద హిట్ చిత్రంగా నిలవాలని కోరుకుంటున్నాను’’ అన్నారు. తరుణ్ మాట్లాడుతూ ‘‘శ్రీకాంత్‌గారి 125వ సినిమా ఇది. అందరూ కమెడియన్స్ కలిసి ఈ సినిమాలో నటించారు. సినిమా పెద్ద సక్సెస్ సాధించాలని కోరుకుంటున్నాను’’ అన్నారు.

నిర్మాతలు మాట్లాడుతూ ‘‘శ్రీకాంత్‌గారితో 24 సంవత్సరాల అనుబంధం ఉంది. నా స్వంత బ్రదర్‌లాంటి వ్యక్తి. ఈ కథ విన్న తర్వాత విజయ్ డైరెక్ట్ చేయాలని అనుకున్నాం. శ్రీకాంత్‌గారి వంటి సీనియర్ హీరో ఇలాంటి సినిమా చేయడం గొప్ప విషయం. సినిమా తప్పకుండా అందరికీ నచ్చేలా ఉంటుంది’’ అన్నారు.

శ్రీకాంత్ మాట్లాడుతూ ‘‘హాస్యంతో కూడిన హర్రర్ ధ్రిల్లర్ చిత్రమిది. మనుషులకు, దెయ్యాలకు మధ్య సాగే సరదా ఆటలు సగటు సినిమా ప్రేక్షకుడిని మెప్పిస్తాయి. హర్రర్ కామెడీ థ్రిల్ల‌ర్‌ చిత్రం నేను తొలిసారి చేస్తున్నాను. ‘రా..రా ‘చిత్రం ప్రేక్షకుల ఆదరణకు నోచుకుంటుదని ఆశిస్తున్నాను. ఈ 23న విడుదలవుతున్న ఈ సినిమా నాకు మంచి సక్సెస్ అవుతుందనే నమ్మకం ఉంది’’ అన్నారు.



వేస‌వి కానుక‌గా ‘మెహబూబా’  

Updated By ManamSun, 02/18/2018 - 21:06

mehaboobaపూరి జగన్నాథ్ దర్శకత్వంలో ఆకాష్ పూరి హీరోగా  రూపొందుతున్న చిత్రం ‘మెహబూబా’. లావణ్య సమర్పణలో పూరి జగన్నాథ్ టూరింగ్ టాకీస్ పతాకంపై నిర్మిత‌మ‌వుతున్న‌ ఈ చిత్రానికి సందీప్ చౌతా సంగీత‌మందిస్తున్నారు. 1971 ఇండియా, పాకిస్తాన్ యుద్ధ నేపథ్యంలో సాగే ప్రేమకథగా రూపొందుతున్న ఈ చిత్రం షూటింగ్ పూర్తి చేసుకుంది. ప్రస్తుతం పోస్ట్ ప్రొడక్షన్ వర్క్ జరుగుతోంది. కాగా, పూరి జగన్నాథ్ కెరీర్‌లోనే డిఫరెంట్ మూవీగా రూపొందుతున్న ‘మెహబూబా’ చిత్రాన్ని సమ్మర్‌లో చాలా గ్రాండ్‌గా విడుదల చేసేందుకు సన్నాహాలు చేస్తున్నారు. ఆకాష్ పూరి సరసన నేహా శెట్టి హీరోయిన్‌గా నటిస్తున్న ఈ చిత్రానికి సంగీతం: సందీప్ చౌతా, సినిమాటోగ్రఫీ: విష్ణుశర్మ, ఎడిటింగ్: జునైద్ సిద్ధిఖీ, యాక్షన్: రియల్ సతీష్, ఆర్ట్: జానీ షేక్, కథ, స్క్రీన్‌ప్లే, మాటలు, నిర్మాత, దర్శకత్వం: పూరి జగన్నాథ్.   



'బిగ్ బాస్ -2'కి హోస్ట్‌గా అల్లు అర్జున్‌?

Updated By ManamSun, 02/18/2018 - 18:40

allu arjunస్టార్ మాలో ప్రసారమైన 'బిగ్ బాస్' ఎంత విజయవంతమైందో ప్రత్యేకించి చెప్పనక్కర్లేదు. ఎన్టీఆర్ హోస్ట్‌గా అలరించిన 'బిగ్ బాస్'లో శివబాలాజీ విన్నర్‌గా నిలిచిన విషయం తెలిసిందే. ఇదిలా ఉంటే.. జూలై నుంచి 'బిగ్ బాస్' రెండో సీజ‌న్ ప్రారంభం కానుంది. దీనికి కూడా ఎన్టీఆర్ హోస్ట్ చేయాల్సివుంది. అయితే,  ప్రస్తుతం ఎన్టీఆర్.. త్రివిక్రమ్ డైరెక్షన్‌లో ఓ సినిమా చేస్తున్నారు. ఇది మార్చి నుండి ప్రారంభం కానుంది. ఇక అక్టోబ‌ర్‌ నుంచి రాజమౌళి దర్శకత్వంలో రూపొంద‌నున్న మల్టీస్టారర్ మూవీలో కూడా ఎన్టీఆర్ నటించ‌నున్నారు. ఈ రెండు చిత్రాల బిజీ షెడ్యూల్ వల్ల 'బిగ్ బాస్-2'లో  ఎన్టీఆర్ పాల్గొనలేకపోతున్నారని సమాచారం. ఈ కార్యక్రమం కోసం ప్రతీ వారం ముంబై వెళ్లి రావడం.. కొంత ఒత్తిడితో కూడుకున్నదని ఎన్టీఆర్ సన్నిహిత వర్గాలు వెల్లడిస్తున్నాయి.

ఇదిలా వుంటే..ఎన్టీఆర్ స్థానంలో అదే స్థాయిలో ఫ్యాన్ ఫాలోయింగ్ ఉన్న ప్రభాస్, మహేష్ బాబు, అల్లు అర్జున్ పేర్లను కూడా 'స్టార్ మా' యాజమాన్యం పరిశీలిస్తున్నట్టు వార్తలు వినిపిస్తున్నాయి. అయితే ప్రభాస్ ‘సాహో’ చిత్రంతో, మహేష్ బాబు త‌న 25వ చిత్రంతో (వంశీ పైడిపల్లి మూవీ) బిజీగా ఉండే అవకాశం ఉంది.  దీంతో..‘నా పేరు సూర్య నా ఇల్లు ఇండియా’ తర్వాత స్టైలిష్ స్టార్ అల్లు అర్జున్ కొంత ఫ్రీగా ఉండడంతో.. ఆయ‌నే ఈ కార్యక్రమాన్ని హోస్ట్ చేసే అవకాశాలు ఎక్కువగా కనిపిస్తున్నాయని కథనాలు వినిపిస్తున్నాయి. త్వ‌ర‌లోనే ఈ విష‌యంపై క్లారిటీ వ‌స్తుంది.



మే నుంచి.. సాయిధ‌ర‌మ్‌, గోపీచంద్ చిత్రం​

Updated By ManamSun, 02/18/2018 - 18:28

saidharam tejమెగా హీరో సాయిధరమ్ తేజ్ వరుస సినిమాలతో బిజీగా ఉన్నారు. వరుస పరాజయాలు పలకరిస్తున్నా.. సాయిధ‌ర‌మ్ జోరు ఏ మాత్రం త‌గ్గ‌లేదు. ఒక‌వైపు యూత్‌ఫుల్ డైరెక్టర్ కరుణాకరన్ దర్శకత్వంలో చేస్తున్న‌ సినిమా ఇప్పటికే చిత్రీకరణ జరుపుకుంటుండగా.. మ‌రోవైపు చంద్రశేఖర్ యేలేటి ద‌ర్శ‌క‌త్వంలో రూపుదిద్దుకోనున్న చిత్రానికి సంబంధించిన‌ ప్రీ-ప్రొడక్షన్ పనులు శరవేగంగా జరుగుతున్నాయి. ఇదిలా వుంటే..'విన్న‌ర్' త‌రువాత గోపీచంద్ మలినేని డైరెక్షన్‌లో సాయిధ‌ర‌మ్ మ‌రో చిత్రాన్ని చేయ‌నున్న సంగ‌తి తెలిసిందే.  ఈ మూవీ మే నెల నుంచి ప‌ట్టాలెక్క‌నుంది. ఓ నవలాధారంగా ఈ చిత్రం తెర‌కెక్క‌నుంద‌ని స‌మాచారం.

కుటుంబ నేపథ్యంతో సాగే ఈ సినిమాని శ్రీ బాలాజీ సినీ మీడియా పతాకంపై జె.భగవాన్, జె.పుల్లారావు సంయుక్తంగా నిర్మిస్తున్నారు. సంగీత దర్శకుడిగా ప్రముఖ సంగీత దర్శకుడి పేరుని పరిశీలిస్తున్నారు. ఈ చిత్రానికి సంబంధించిన‌ పూర్తి వివ‌రాలు త్వరలోనే వెల్లడి కానున్నాయి.



'సాక్ష్యం' విడుద‌ల తేది ఖ‌రారైంది

Updated By ManamSun, 02/18/2018 - 16:59

saakshayamబెల్లంకొండ శ్రీ‌నివాస్‌, పూజా హెగ్డే జంట‌గా న‌టిస్తున్న చిత్రం 'సాక్ష్యం'. శ్రీ‌వాస్ ద‌ర్శ‌క‌త్వంలో అభిషేక్ నామా నిర్మిస్తున్న ఈ చిత్రం ప్ర‌స్తుతం శ‌ర‌వేగంగా షూటింగ్ జ‌రుపుకుంటోంది. ఇదిలా ఉంటే.. ఈ సినిమా విడుద‌ల తేదిపై చిత్ర బృందం క్లారిటీ ఇచ్చింద‌ని టాలీవుడ్ వ‌ర్గాలు పేర్కొంటున్నాయి. మే 11న వేస‌వి సంద‌ర్భంగా ఈ మూవీని విడుద‌ల చేయ‌బోతున్న‌ట్లు తెలిసింది. జ‌గ‌ప‌తిబాబు, శ‌ర‌త్ కుమార్‌, మీనా త‌దిత‌రులు కీల‌క పాత్ర‌ల్లో న‌టిస్తున్న ఈ చిత్రానికి సాయి మాధ‌వ్ బుర్రా మాట‌లు అందిస్తున్నారు.



వ‌ర్మ మ‌రో సంచ‌ల‌నం.. పోర్న్ క‌ల్యాణ్ 

Updated By ManamSun, 02/18/2018 - 16:28

rgvవాక్ స్వాతంత్ర్యం, వాక్ చాతుర్యం వుంది కాబట్టి ఏమైనా మాట్లాడొచ్చు అనే వైఖరి సంచ‌ల‌న ద‌ర్శ‌కుడు రాంగోపాల్ వర్మది. అందుకే ఎప్పుడూ ఏదో ఒక రూపంలో వివాదాల చుట్టూనే ఈ పేరు తిరుగుతూ ఉంటుంది. ఇటీవల జీఎస్టీ పేరుతో అడల్ట్ మూవీ తీసి..సామాజిక కార్యకర్త దేవిని దూషించిన నేపథ్యంలో.. పోలీస్ అధికారులతో మాట్లాడి బయట‌కి వచ్చిన వర్మ మరో కొత్త వివాదానికి తెర తీసారు. తాజాగా మళ్ళీ జనసేన అధినేత, పవర్ స్టార్ పవన్ కల్యాణ్‌ను ఉద్దేశించి ట్విట్టర్‌లో చెడామడా ట్వీట్లు చేసేశారు వ‌ర్మ‌. ఏకంగా పవన్ కల్యాణ్‌పై  పోర్న్ కల్యాణ్ అని హ్యాష్ ట్యాగ్ చేసారు ఈ వివాదాస్పద దర్శకుడు. “ప్రస్తుతం పోర్న్, పవన్..ఈ రెండింటికి పిచ్చ పాపులారిటీ ఉంది. పోర్న్ కల్యాణ్ అనేది అల్టిమేట్ బ్రాండ్ అవుతుందనేది నా ఆలోచన. వ్యక్తిగతంగా నాకు పోర్న్ మరియు పవన్ ఇద్దరూ ఇష్టమే” అంటూ ప్ర‌క‌టించ‌డ‌మే కాకుండా..  ''మీకు ఎక్కువగా పోర్న్ ఇష్టమా..? పవన్ ఇష్టమా..?'' అంటూ ఏకంగా ఓ సర్వేకు తెరతీశారు. 
వాక్ స్వాతంత్ర్యం ఉంటే ఏదైనా అనేముందు ఎవరిని అంటున్నాం? సమాజంలో వారి హోదా ఏంటి? అని ఆలోచించి మాట్లాడితే బాగుంటుందని పవన్ అభిమానులతో పాటు సాధారణ ప్ర‌జానీకం అభిప్రాయ‌ప‌డుతున్నారు. జనాలలో ఒక పాపులారిటీ ఉన్న వ్యక్తి, అదీ గాక..జనసేన అనే రాజకీయ పార్టీ పెట్టి ప్రజలకి సేవ చేయాలని ఉద్దేశ్యంతో రాజకీయాల్లోకి వచ్చిన వారిపై.. ఇటువంటి కామెంట్లు చేయడం మంచిది కాదని.. ఇది బాధాకరమైన విషయమని  తీవ్రమైన వ్యతిరేకత రావడంతో..అసలే టాపిక్‌ను డైవర్ట్ చేయడంలో దిట్ట అయిన ఆర్జీవి.. వచ్చే ఎన్నికల్లో జనసేన కీలకంగా మారనుందని ట్వీటడం కొసమెరుపు.

rgvఇదిలా ఉంటే.. ఇప్ప‌టివ‌ర‌కు ఈ పోలింగ్‌లో 32, 363 ఓట్లు న‌మోద‌య్యాయి. వీరిలో ఎక్కువ‌గా పోర్న్ వైపు మొగ్గు చూప‌డం విశేషం. ఇంకా పోలింగ్‌కు ఆరు గంటల స‌మ‌యం మిగిలి ఉంది. మ‌రి ఫైన‌ల్‌గా దేనికి మెజార్టీ ఓట్లు వ‌స్తాయో చూడాల‌ని నెటిజ‌న్లు ఆస‌క్తిగా ఎదురుచూస్తున్నారు.



'స‌వ్య‌సాచి' ఎప్పుడంటే..

Updated By ManamSun, 02/18/2018 - 15:48

savya sachi'ప్రేమ‌మ్' వంటి విజ‌య‌వంత‌మైన చిత్రం త‌రువాత యువ క‌థానాయకుడు నాగ‌చైత‌న్య‌, ద‌ర్శ‌కుడు చందు మొండేటి కాంబినేష‌న్‌లో వ‌స్తున్న చిత్రం 'స‌వ్య‌సాచి'. నిధి అగ‌ర్వాల్ హీరోయిన్‌గా న‌టిస్తున్న ఈ సినిమాలో మాధ‌వ‌న్‌, భూమిక కీల‌క పాత్ర‌ల్లో క‌నిపించ‌నున్నారు. ద్వి శ‌తాధిక చిత్రాల స్వ‌ర‌క‌ర్త ఎం.ఎం.కీర‌వాణి బాణీలు అందిస్తున్నారు. ఇదిలా ఉంటే.. ఈ సినిమా విడుద‌ల తేది గురించి టాలీవుడ్ స‌ర్కిల్స్‌లో ఓ వార్త హ‌ల్ చ‌ల్ చేస్తోంది. అదేమిటంటే.. మార్చి నెలాఖ‌రుక‌ల్లా చిత్రీక‌ర‌ణ పూర్తిచేసుకోనున్న ఈ మూవీని మే 24న విడుద‌ల చేయ‌డానికి స‌న్నాహాలు చేస్తున్నారని తెలిసింది. దీనిపై త్వ‌ర‌లోనే క్లారిటీ వ‌స్తుంది.



మ‌ళ్ళీ తండ్రి కాబోతున్న ఎన్టీఆర్‌

Updated By ManamSun, 02/18/2018 - 15:36

ntrనందమూరి అభిమానుల‌కు ఓ శుభవార్త.  అదేమిటంటే.. త్వ‌ర‌లో ఆ కుటుంబం నుంచి ఓ కొత్త అతిథి రాబోతున్నారు.  దీనికి సంబంధించి కాస్త వివ‌రాల్లోకి వెళితే.. యంగ్ టైగ‌ర్‌ ఎన్టీఆర్ త్వ‌ర‌లో మళ్ళీ తండ్రి కాబోతున్నారు. ఆయన సతీమణి లక్ష్మీ ప్రణతి ప్రస్తుతం ఆరు నెలల గర్భవతి. మే నెలాఖరు నాటికి ఆమెకు తొమ్మిది నెలలు నిండుతాయి.  అంటే.. మరికొద్ది రోజుల్లో నందమూరి వంశంలోకి బాబు గాని, పాప గాని అడుగుపెట్టబోతున్నార‌న్న‌మాట‌. ఇంతవరకు ఈ విషయం బయటకు రాకుండా చాలా జాగ్రత్తలు తీసుకున్నారు నందమూరి కుటుంబ స‌భ్యులు. అయితే ఈ రోజు సినీ రంగానికి చెందిన ప్రముఖులు.. ఎన్టీఆర్ ఇంటికి వెళ్లి రావడంతో ఈ వార్త బయటకి వచ్చింది. త్వ‌ర‌లోనే ఈ విషయంపై ఎన్టీఆర్ స్వ‌యంగా స్పందిస్తారేమో చూడాలి. ప్రస్తుతం  తార‌క్‌, ల‌క్ష్మీ ప్ర‌ణ‌తి దంపతుల‌కు ఒక బాబు (అభయ్ రామ్) ఉన్న విషయం తెలిసిందే. ఇదిలా ఉంటే..  మార్చి 23 నుంచి ఏస్ డైరెక్టర్ త్రివిక్రమ్ శ్రీనివాస్ కాంబినేష‌న్‌లో ఓ సినిమాను చేయనున్న ఎన్టీఆర్‌.. అక్టోబర్ నుంచి సక్సెస్‌ఫుల్ డైరెక్టర్ రాజమౌళి తెరకెక్కిస్తున్న మల్టీస్టారర్ మూవీలో కూడా నటించనున్నారు. మొత్తానికి... వ్య‌క్తిగ‌తంగానూ, వృత్తిగ‌తంగానూ ఎన్టీఆర్‌కు 2018 ప్ర‌త్యేకం కానుంద‌న్న‌మాట‌. 




Related News