china

ఆరు నెలల్లో 4లక్షలకు పైగా సైబర్ దాడులు 

Updated By ManamMon, 11/12/2018 - 09:50

 Cyber Attacksన్యూఢిల్లీ: పెరుగుతున్న టెక్నాలజీతో పాటు సైబర్ దాడులు క్రమంగా పెరిగిపోతున్నాయి. ఈ క్రమంలో ఈ ఏడాది జనవరి-జూన్ మధ్య కాలంలో భారత దేశంపై 4.36లక్షల సైబర్ దాడులు జరిగినట్లు సైబర్ సెక్యూరిటీ సంస్థ ఎఫ్ సెక్యూర్ తెలిపింది. రష్యా, అమెరికా, చైనా, నెదర్లాండ్స్ దేశాల నుంచి ఎక్కవ మంది సైబర్ నేరగాళ్లు భారత్‌పై దాడి చేసినట్లు ఆ సంస్థ వెల్లడించింది. రష్యా నుంచి అత్యధికంగా 2,55,589.. అమెరికా నుంచి 1,03,458, చైనా నుంచి 42,544, నెదర్లాండ్స్ నుంచి 19,169.. జర్మనీ నుంచి 15,330 మంది సైబర్ దాడి చేసినట్లు ఆ సంస్థ పేర్కొంది.

ప్రపంచవ్యాప్తంగా ఈ దాడులను ఎదుర్కొంటున్న జాబితాలో భారత్‌ 21వ స్థానంలో ఉందని.. భారత నెటిజన్లను 6,95,396మంది హ్యాకర్లు లక్ష్యంగా చేసుకున్నారని వెల్లడించింది. ఇక దాడులు చేస్తున్న జాబితాలో భారత్ 13వస్థానంలో ఉందని.. మొత్తం 73,482మంది హ్యాకర్లు ఇక్కడి నుంచి దాడులు చేస్తున్నారని ఎఫ్ సెక్యూర్ తెలిపింది.



వార్తలు చదువుతున్నది.. ఏఐ!

Updated By ManamFri, 11/09/2018 - 23:38
  • చైనాలో తొలిసారి ‘కృత్రిమ మేధస్సు’ న్యూస్‌రీడర్

  • అధికార చానల్ సిన్హూవాలో ప్రవేశపెట్టిన సర్కారు

  • 24 గంటలూ...365 రోజులూ వార్తలు చదివే రోబో

chinaబీజింగ్: అనేక భారీ నిర్మాణాలతో సంచలనాలు సృష్టించే చైనా.. మరో అద్భుతం సాధించింది. ప్రపంచంలోనే తొలిసారి కృత్రిమమేధ(ఆర్టిఫిషియల్ ఇంటెలిజెన్స్-ఏఐ)తో నడిచే న్యూస్ యాంకర్‌ను రూపొందించింది. చైనా అధికారిక మీడియా సిన్హూవాలో ఇకపై ఏడాదిపాటు.. 24 గంటలూ అలుపూసలుపూ లేకుండా వార్తలు చదివి వినిపించనుంది. ఈ మేరకు శుక్రవారం లాంఛనంగా ఆ ఏఐ న్యూస్ రీడర్ వార్తలు చదివాడు. ఈ న్యూస్ రీడర్ ఏ మాత్రం ఆలసిపోకుండా ప్రపంచవ్యాప్తంగా ఉన్న వార్తలను 24 గంటలు.. 365 రోజులూ అందిస్తాడని ఆ చానల్ సగర్వంగా ప్రకటించింది. ప్రస్తుతం తూర్పు చైనాలోని జెజియాంగ్ ప్రావిన్స్‌లో జరుగుతున్న ప్రపంచ ఐదో ఇంటర్నెట్ సదస్సులో ఈ ఏఐ న్యూస్ రీడర్‌ను ఆ ఛానల్ ఆవిష్కరించింది. ముదురు రంగు సూట్, టై ధరించి.. అచ్చం మనిషిలాగే భావోద్వేగాలు వ్యక్తం చేస్తూ ఏఐ న్యూస్ రీడర్ వార్తలు చదవడం విశేషం. ఈ న్యూస్ రీడర్‌ని సిన్హూవా న్యూస్ ఏజెన్సీ, చైనా సెర్చ్ ఇంజిన్ సొగోవ్.కామ్ సంయుక్తంగా రూపొందించాయి. మెషీన్ లెర్నింగ్ ద్వారా దీన్ని అభివృద్ధి చేశారు. ఏయే సందర్భాల్లో ఎలా ప్రవర్తించాలి, ముఖ కవళికలను ఎలా మార్చాలి తదితర అంశాల్లో తర్ఫీదునిచ్చారు. దీంతో తెరపై అచ్చం ఓ మనిషే వార్తలు చదువుతున్నాడన్న భావన కలుగుతుంది. ఆ న్యూస్ రీడర్ తమ రిపోర్టింగ్ బృందంలో సభ్యుడిగా మారాడని.. 24 గంటలూ పనిచేస్తాడని సిన్హూవా తెలిపింది. తమ అధికారిక వెబ్‌సైట్, ఇతర సామాజిక మాధ్యమాల్లో అతని సేవలు వినియోగించుకుంటామని పేర్కొంది. ఖర్చులు తగ్గించుకోవడం.. సామర్థ్యాలను పెంచుకోవడంలో భాగంగా కృత్రిమ మేధను ఉపయోగించుకుంటున్నామని ఆ చానల్ వెల్లడించింది.



మూత్రం తాగించి... బొద్దింకలు తినిపించి..

Updated By ManamThu, 11/08/2018 - 13:32
  • చైనాలో ఉద్యోగులపై అమానుషం, దారుణంగా శిక్షలు

Chinese staff forced to drink urine and eat roaches

చైనాలో ఓ ప్రయివేట్ కంపెనీ ఉద్యోగుల పట్ల అతి దారుణంగా వ్యవహరించిన తీరు తీవ్ర విమర్శలకు దారితీసింది. అంతేకాకుండా సిబ్బంది పట్ల కంపెనీ యాజమాన్యం వ్యవహరించిన అమానుషంపై అక్కడ మానవ హక్కుల సంఘాలు...కేసులు పెట్టాయి. తమ సిబ్బందికి ఇచ్చిన టార్గెట్లు పూర్తి చేయడంలో విఫలం అయినవారిపట్ల  ఆ కంపెనీ.. ఎలా వ్యవహరించిందో తెలుసుకోవాలంటే ఇది చదవాల్సిందే.

సాధారణంగా ఏదైనా కంపెనీ ...తమ లక్ష్యాలను సాధించడానికి, పోటీని తట్టుకునేందుకు సిబ్బందికి నెలవారీ టార్గెట్స్ ఇవ్వడం మనం వింటున్నదే...చాలాయేళ్లుగా చూస్తున్నదే. అప్పటికీ పనితీరు, ఫలితాల్లో మార్పు రాకపోతే వారిని విధుల నుంచి తప్పించడమో, ఇంక్రిమెంట్లు, ప్రమోషన్లలో కోత విధించడమో చేస్తారు. అలాగే పలు టీవీ చానల్స్‌లో ఏదైనా కార్యక్రమంలో పాల్గొనేవారికి టాస్క్‌లు ఇవ్వడం మనం చూస్తుంటాం. బురదలో పొర్లాడటం, బొద్దింకలు ఉన్న పెట్టెలో చేతులు పెట్టడం, వంటిపై పాములు, జెర్రెలు, బల్లులు వేయించుకోవడం వంటివి చూసేవుంటాం. 

అయితే చైనాలో ఈ కంపెనీ మాత్రం సిబ్బందిపట్ల కఠినంగా వ్యవహరించడమే కాకుండా, హేయమైన చర్యలకు పాల్పడింది. గుయ్‌జో ప్రావిన్స్‌లోని  ఏడాది క్రితం ప్రారంభమైన హౌస్ రినోవేషన్ కంపెనీ (ఇంటి పునర్నిర్మాణ సంస్థ) తమ సిబ్బందికి ప్రత్యేక టాస్క్‌లతో పాటు, నెలవారీ టార్గెట్స్ విధిస్తోంది. వాటిని పూర్తి చేయకున్నా, లేకుంటే పనిలో తప్పులు వచ్చినా... యాజమాన్యం మాత్రం అత్యంత కఠినంగా శిక్షలు విధిస్తోంది. 

​    ​Chinese staff forced to drink urine and eat roaches

ఆ తప్పుల చిట్టాను నెలాఖరుకు లెక్కించి... సహ ఉద్యోగుల సమక్షంలోనే.. గుండు కొట్టించడం, బలవంతంగా యూరిన్ తాగించడం, బొద్దింకలు తినిపించడంతో పాటు చివరకూ బెల్ట్ దెబ్బలు కూడా చవిచూడాల్సిందే. అలే యూనిఫారం వేసుకోకుండా విధులకు వస్తే చచ్చినట్లు రూ.500 ఫైన్ కట్టాల్సిందే. ఇక ఉద్యోగులు గ్లాసుల్లో యూరిన్ తాగే దృశ్యాలు, కొందరు ఉద్యోగులను బెల్టులతో కొడుతున్నప్పుడు దృశ్యాలను...కొందరు రహస్యంగా తీసిన వీడియో ప్రస్తుతం సోషల్ మీడియాలో వైరల్‌గా మారింది.

ఆ వీడియో వెలుగులోకి రావడంతో సదరు సంస్థపై మానవ హక్కుల సంఘాలు...ఫిర్యాదులతో పాటు న్యాయస్థానాన్ని ఆశ్రయించాయి. దీంతో కంపెనీకి చెందిన ముగ్గురు మేనేజర్లకు అయిదు రోజుల నుంచి పదిరోజుల పాటు జైలుశిక్ష కూడా పడింది.

Chinese staff forced to drink urine and eat roaches

అయితే సరైన ఉపాధి లేకపోవడంతో... కుటుంబాన్ని పోషించుకునేందుకు అంత కఠిన శిక్షలు అమలు చేస్తున్న ఆ కంపెనీలో పనిచేసేందుకు సిబ్బంది మొగ్గు చూపటం గమనార్హం. అలాగే మరి కంపెనీల్లో అయితే... ప్రమోషన్స్ పెంచుకునేందుకు ఉద్యోగులు నడిరోడ్డుపై నిలబడి పరస్పరం చెంప దెబ్బలు కొట్టుకోవడం... బలవంతంగా ముద్దులు పెట్టుకోవడం వంటి చర్యలపై గతంలో కూడా కేసులు నమోదు అయ్యాయి.



కృత్రిమ చందమామ ప్రయోగం

Updated By ManamFri, 10/19/2018 - 23:49
  • ఆకాశంలో చైనా జాబిల్లి!

  • 2020నాటికి గగనంలో నిలబెట్టే  యోచన

  • చెంగ్డూ నగరంపై కాంతి వెదజల్లేలా ఏర్పాట్లు

బీజింగ్: అంతరిక్షంలో  మరో అద్భుతాన్ని సృష్టించేందుకు చైనా సన్నద్ధమవుతోంది. చందమామను పోలిన కృత్రిమ చందమాను రూపొందించిన అంతరిక్షంలోకి ప్రయోగించాలని భావిస్తోంది. తద్వారా తన నగరాలపై రాత్రి సమయాల్లో కాంతి వెదజల్లేలా చూస్తోంది. 2020లో ఈ రకమైన చందమామలను కక్ష్యలోకి ప్రవేశపెట్టాలని భావిస్తోంది. పైగా ఈ కృత్రిమ చందమామలు అసలు చందమామల కన్నా ఎన్నోరెట్లు ఎక్కువ వెలుగునిస్తాయి.

image


2020 నాటికి కృత్రిమ చందమామను ఆకాశంలో నిలబెట్టాలని భావిస్తోంది.  నైరుతి ప్రాంతంలోని సిచువాన్ రాష్ట్రంలోగల చెంగ్‌డూ నగరంపై తొలి చందమామ వెలుగులు వెదజల్లనున్నది. చంద్రునితో పాటే ఇవీ సూర్యుని కాంతిని సేకరించి నగరాలను కాంతివంతం చేస్తాయి. కాకపోతే చంద్రునికన్నా వీటి కాంతి ఎనిమిది రెట్లు అధికంగా ఉంటుంది. మొట్టమొదటి మానవనిర్మిత చందమామను సిచాంగ్ ఉపగ్రహ కేంద్రం నుంచి ప్రయోగిస్తారు. ఈ ప్రయోగం విజయవంతమైతే 2022లో మరో మూడింటిని ఎగురవేస్తామని చైనా అధికారి ఒకరు చెప్పారు. అంతా సవ్యంగా జరిగితే ఇక వీధిదీపాల అవసరమే ఉండదని ఆయన అంటున్నారు.
 

image

 



మసూద్‌కు మద్దతు సబబే

Updated By ManamSun, 09/30/2018 - 04:20
  • ఉగ్రవాద చర్యలపై ఆధారాలున్నాయా?

  • అందుకే భారత్ తీర్మానంపై వీటో చేశాం

  • భద్రతా మండలిలో ఏకాభిప్రాయం లేదు

  • చైనా విదేశాంగశాఖ మంత్రి వాంగ్ యీ

China-Masood-Azharబీజింగ్: ఐక్యరాజ్యసమితిలో ఉగ్రవాది మసూద్ అజహర్‌కు వ్యతిరేకంగా భారత్ ప్రవేశపెట్టిన తీర్మానంపై వీటో చేయడాన్ని చైనా సమర్థించుకుంది. ఉగ్రవాద చర్యలకు పాల్పడినట్లుగా మసూద్‌కు వ్యతిరేకంగా ఆధారాలున్నాయా? అని ప్రశ్నించింది.  మసూద్ విషయంలో ఐరాస భద్రతా మండలి సభ్యదేశాల మధ్య ఏకాభిప్రాయం లేదని, ఇది భారత్-పాకిస్థాన్ మధ్య సమస్య అని పేర్కొంది. మసూద్ విషయంలో భారత్-పాకిస్థాన్‌లు ఒక ఏకాభిప్రా యానికి వస్తేనే తాము అనుకూలంగా ఓటు వేస్తామని తెలిపింది. పాకిస్థాన్ కేంద్రంగా పనిచేస్తున్న జైషే మహ్మద్ ఉగ్రవాద సంస్థ అధినేత మసూద్ అజహర్‌ను  అంతర్జాతీయ ఉగ్రవాదిగా గుర్తించాలంటూ భారత్ అనేకసార్లు తీర్మానాలు పెట్టిన విషయం తెలిసిందే. ఇండియాలో అనేక ఉగ్రదాడులు వెనుక మసూద్ హస్తం ఉంది. దేశవ్యాప్తంగా సంచలనం సృష్టించిన ఉరి ఘటనలో 17 మంది సైనికులు అమరుల య్యారు. ఈ దాడికి మసూదే వ్యూహ రచన చేశారని విచారణలో తేలింది.  ఈనేపథ్యంలో భారత్ పెట్టిన తీర్మానాలపై ఓటింగ్‌లో మాత్రం చైనా వీటో చేయడంతో అవి వీగిపోతున్నాయి. ఈ అంశంపై చైనా విదేశాంగశాఖ మంత్రి వాంగ్ యీ తొలిసారి పెదవి విప్పారు. మసూద్ అజహర్ విషయంలో ఐరాస భద్రతా మండలి సభ్య దేశాల మధ్య ఏకాభిప్రాయంలేదని అన్నారు. కాగా, మసూద్‌ను అంతర్జాతీయ ఉగ్రవా దిగా గుర్తించేందకు అమెరికా, బ్రిటన్, ఫ్రాన్స్ అనుకూలంగా ఉండగా.. చైనా వ్యతిరేకిస్తోంది. రష్యా తటస్థంగా వ్యవహరిస్తోంది.



వాణిజ్య యుద్ధం... కొరివితో తల గోక్కోవడమే

Updated By ManamSat, 09/22/2018 - 22:18

US-CHINAన్యూఢిల్లీ: అమెరికా అధ్యక్షుడు డొనాల్డ్ ట్రంప్ శారీరక బరువునే కాకుండా ఇతర దేశాలతో వర్తక సంబంధాలలో అమెరికాకు అనవసర భారంగా పరిణమి స్తున్న వాటిని తగ్గించుకోవాలని చూస్తున్నారు. సుమారుగా 129 కిలోల బరువుండే ట్రంప్ అమెరికా ఇంతకుముందు కుదుర్చుకున్న ఒప్పందాలు, ఒడంబడికలపై తిరిగి చర్చలు జరిపేందుకు ఇష్టపడుతు న్నారు. ఆయన ఈ విషయంలో ప్రధానంగా చైనాను లక్ష్యంగా చేసుకున్నారు. చైనా ప్రధాని జిన్‌పింగ్ సుమారుగా 64 కిలోల బరువుంటారు. ట్రంప్ 200 బిలియన్ డాలర్ల విలువ చేసే చైనా దిగుమతులపై ఇటీవల రెండో విడత (10 శాతం) సుంకాలు విధించారు. దీనికి ప్రతిగా చైనా కూడా సుంకాల విధింపునకు దిగితే, తామూ మరిన్ని సుంకాలు విధిస్తామని అదే సమయంలో ట్రంప్ హెచ్చరించారు. అగ్ర రాజ్య అధినేత అలా హెచ్చరించగలిగిన స్థితిలోనే ఉన్నారు. ఎందుకంటే, అమెరికా నుంచి చైనా చేసుకుంటున్న దిగుమతుల కంటే, చైనా నుంచి అమెరికా చేసుకుంటున్న దిగుమతులు చాలా ఎక్కువ. చైనా స్థూల జాతీయోత్పత్తి (జి.డి.పి) 12.2 ట్రిలియన్ డాలర్లకన్నా  అమెరికా జి.డి.పి 19.3 ట్రిలియన్ డాలర్లు చాలా ఎక్కువ. ఆ విధంగా అమెరికా సామర్థ్యమే ఎక్కువ. శారీరకంగా, ఆర్థికంగా, స్వాభావికంగా ట్రంప్ బలమే ఎక్కువ. అమెరికా మేధా ఆస్తికి మెరుగైన సంరక్షణ అవసరమని ట్రంప్ కోరుకుంటున్నారు. ఆయన అలా కోరుకోవడంలో తప్పు లేదు. మేధా ఆస్తి హక్కులను రక్షించడంలో చైనా చరిత్ర బలహీనంగా ఉంది. దాన్ని సరైన మార్గంలో పెట్టేందుకు, మేధా ఆస్తి హక్కులు కాపాడుకునేందుకు చైనాతో వాణిజ్య యుద్ధానికి సైతం ట్రంప్ వెనుకాడదలచుకోలేదు. 

డ్రాగన్ ప్రతి దాడి
కానీ, చైనా తెంపరితనంతో ప్రతీకార సుంకాల విధింపునకు దిగుతుందనడంలో సందేహం లేదు. సెప్టెంబర్ 24 నుంచి 60 బిలియన్ డాలర్ల విలువ చేసే అమెరికా దిగుమతులపై సుంకాల విధింపునకు అది రంగం సిద్ధం చేసుకుంది. దీనివల్ల మొదటగా నష్టపోయేది అమెరికన్ రైతులు. అమెరికన్ సోయాబీన్‌కు చైనా అతి పెద్ద కొనుగోలుదారుగా ఉంది. ధరను బాగా తగ్గించకుండా, ఇతర కొనుగోలుదార్లను చూసుకునేందుకు అమెరికన్ రైతులకు ఉన్న అవకాశాలు తక్కువ. వాణిజ్య యుద్ధం వల్ల రెండు దేశాలు నష్టపోకుండా ఉండడం కష్టం. చైనాలో యాపిల్, స్టార్‌బక్స్ తదితర అమెరికన్ కంపెనీలు పనిచేస్తున్నాయి. చైనా వాటికి ఎంతో కొంత తప్పకుండా నష్టం కలిగించగలదు. వాటికి చైనా పెద్ద మార్కెట్‌గా ఉంది. ప్రపంచ జి.డి.పిలో ప్రపంచ వాణిజ్య వాటా 50 శాతం పైగానే ఉంటుంది. కనుక, దానికి ఏ విధమైన అవాంతరం వాటిల్లినా ఆర్థిక వృద్ధిపై ప్రతికూల ప్రభావం పడుతుంది. వాణిజ్య యుద్ధం వల్ల వాణిజ్య భాగస్వాముల సమతూకాలలో మార్పుచేర్పులుంటాయి. సోయాబీన్లను చైనా మరెక్కడి నుంచో కొనుగోలు చేస్తే, వస్త్రాలకు చైనా మరో వనరు చూసుకుంటుంది. అయితే, ఆశించిన స్థాయిలో ఉండగల సరఫరాదార్లను అది కనుగొనవలసి ఉంటుంది. పూర్తి స్థాయి వాణిజ్య యుద్ధం మొదలైతే ఎస్ అండ్  పి మార్కెట్ క్యాపిటలైజేషన్ 6 ట్రిలియన్ డాలర్లు తగ్గుతుందని గోల్డ్‌మన్ శాక్స్ అంచనా వేసింది. అది ఇంకా అనేక విధాలుగా నష్టం వాటిల్లజేస్తుంది. 

ఉదాహరణకు, రుణ భారం అధికమవుతుంది. ప్రపంచ వ్యాప్తంగా కంపెనీల రుణం 237 ట్రిలియన్ డాలర్లుగా ఉన్నట్లు ఒక అంచనా. ప్రపంచ కంపెనీల మొత్తం మార్కెట్ క్యాపిటలైజేషన్ దాదాపు 69 ట్రిలియన్ డాలర్లుగా ఉంది. కనుక, వాణిజ్య యుద్ధాల ఫలితంగా మార్కెట్ క్యాపిటలైజేన్ తగ్గితే, రుణాలను తిరిగి చెల్లించడంపైన కూడా దాని ప్రభావం ఉంటుందని నిపుణులు చెబుతున్నారు. తక్షణం రుణాల చెల్లింపునకు ఒత్తిడి వస్తే కంపెనీలు అల్లల్లాడతాయి. ఇంకా అనేక రకాల సవాళ్ళు ఎదురవుతాయి. రూపాయి పతనాన్ని అరికట్టేందుకు భారతదేశ ఆర్థిక మంత్రిత్వ శాఖ ఒక ప్రణాళికను రూపొందిస్తోంది. బహుశా, మూలధనాన్ని కాపాడుకోవడం ద్వారా అది ఆ పనికి శ్రీకారం చుట్టాల్సి ఉంటుంది. బ్యాంకుల ఏకీకరణ వల్ల ఆశించిన ఫలితం దక్కక పోవచ్చు. మన దేశంలో సుమారు 100 ప్రభుత్వ రంగ సంస్థలు నిరంతరం నష్టాలను పోగేస్తూనే ఉన్నాయి. పన్ను చెల్లింపుదార్ల నిధులతో అవి నెట్టుకొస్తున్నాయి. మూలధనాన్ని కాపాడుకోవాలనే అభిమతం ప్రభుత్వానికి లేకపోతే కరెన్సీ విలువ క్షీణించి తీరుతుందని ఆర్థిక నిపుణుల ఉవాచ.



మళ్లీ రాజుకున్న సుంకాల వేడి

Updated By ManamWed, 09/19/2018 - 00:23
  • చైనాపైకొత్తగా 10 శాతం సుంకాలు విధించిన ట్రంప్ 

  • వచ్చే ఏడాది నుంచి 25 శాతానికి పెంపు

US-CHINAవాషింగ్టన్: కొంత కాలంగా వాణిజ్య పరంగా చైనాను హెచ్చరిస్తూ వస్తున్న అమెరికా మంగళవారం అన్నంత పనీ చేసింది. చైనాకు చెందిన మరో200 బిలియన్ డాలర్ల విలువైన వస్తువుల దిగుమతులపై 10 శాతం సుంకాలను విధిస్తున్నట్లు అమెరికా అధ్యక్షుడు డొనాల్డ్ ట్రం ప్ ప్రకటించారు. ఈ నెల 24 నుంచి ఈ సుంకాలు అమలు కానున్నట్లు ఆయన  తెలిపా రు. అయితే పెంచిన ఈ సుంకాలు ఈ ఏడాది చివరి వరకు మాత్రమే వర్తిస్తాయని ఆయన చెప్పారు. వచ్చే ఏడాది జనవరి 1 నుంచి సుంకా లు 25 శాతానికి పెరుగుతాయని ఆయన  వెల్లడించారు. చైనా అనుచిత వాణిజ్య విధానా ల్లో మార్పు తీసుకురానందుకే ఈ నిర్ణయం తీసుకున్నట్లు ట్రంప్ పేర్కొన్నారు. ఈ కొత్త అదనపు సుంకాలు అమెరికన్ కంపెనీలు సము చితంగా చైనా కంపెనీల వ్వవహార శైలికి ప్రతిగా వ్యవహరించే అవకాశం కల్పిస్తాయని అన్నారు.  కాగా ఈ ఏడాది మొదట్లోనే 50 బిలియన్ డాలర్ల విలువైన చైనా వస్తువులపై 25 శాతం సుంకా లను అమెరికా విధించింది. చైనా నుంచి దిగు మతి చేసుకున్న వస్తువులను కొనుగోలు చేసే వారు ఆయా వస్తువుల ఖరీదులలో పెరుగు దలను క్రమంగా చవిచూస్తారు. ‘‘ఒక వేళ చైనా మా రైతులు, పరిశ్రమలపై ప్రతీకార చర్యలకు పాల్పడితే మేము వెంటనే మూడో దశలో భాగం గా 267 బిలియన్ డాలర్ల సుంకాలను అదనంగా విధిస్తాం ’’ అని ట్రంప్ చైనాను హెచ్చరించారు. గత కొన్ని నెలల నుంచి చైనా దాని అనుచిత వాణిజ్య విధానాలను మార్చుకోవాలని అమెరికా హెచ్చరిస్తూ వస్తోంది. ఆ దేశం తీసుకోవాల్సిన మార్పుల గురించి తాము ఎప్పటికప్పుడు తాము అనువైన అవకాశాలు కల్పించినట్లు అమె రికా పేర్కొంది. అయినా చైనా వాణిజ్య విధా నాల్లో మార్పురాలేదని అమెరివా ఆరోపించింది. చైనా అమెరికాల మధ్య కొనసాగుతున్న వాణిజ్య యుద్దం కారణంగా ఇరు దేశాలు సుంకాలు, ప్రతి సుంకాలకు పాల్పడుతున్నాయి. తాజాగా విధిచిన సుంకాలపై చైనా దీటుగా స్పందిస్తూ అమెరికాకు ప్రతి సుంకాలు తప్పవని హెచ్చరిం చింది. అయితే ఈ పరిస్థితులపై చర్చించడానికి అమెరికా సిద్ధంగా ఉన్నట్లు ట్రంప్ తెలిపారు. 



చేనాను తాకిన సూపర్ టైపూన్

Updated By ManamSun, 09/16/2018 - 22:22
  • 24 లక్షల మంది సురక్షిత ప్రాంతాలకు తరలింపు

  • గ్వాంగ్‌డాంగ్‌ను తాకిన మంగ్‌ఖుట్ టైపూన్

  • ఫిలిప్పీన్స్‌కు కోలుకోలేని దెబ్బ

  • వివిధ ప్రమాదాల్లో 64 మంది మృతి

  • ఉత్తర కరోలినాలో కొనసాగుతున్న బీభత్సం

chinaబీజింగ్/ట్యగెగారో: ఫిలిప్పీన్స్‌లో బీభత్సం సృష్టించిన మంగ్‌ఖుట్ సూపర్ టైపూన్ ఆదివారం చైనాను తాకింది. దేశ దక్షిణ ప్రాంతంలోని గ్వాంగ్‌డాంగ్ రాష్ట్రంలోని జియాంగ్‌మెన్ నగరం వద్ద తీరం దాటింది. టైపూన్ ప్రమాద తీవ్రత నేపథ్యంలో 24 లక్షల మందికిపైగా ప్రజలను సురక్షిత ప్రాంతాలకు తరలించారు. దాదాపు 400 విమానాల రద్దు చేశారు. సముద్రంలో చేపల వేటకువెళ్లిన 48 వేల జాలర్ల బోట్లను వెనక్కి రప్పించారు. గంటకు 162 కిలోమీటర్ల వేగంతో ఈదురు గాలులు వీస్తున్నాయి. అనేక ప్రాంతాల్లో ఇప్పటికే రక్షణ చర్యలు ప్రారంభించారు. కాగా,  ప్రపంచవ్యాప్తంగా ప్రస్తుత సంవత్సరంలో అతి పెద్దదైన మంగ్‌ఖుట్ టైపూన్ సూపర్ టైఫూన్ ధాటికి ఫిలిప్పీన్స్ ఉత్తర తీర ప్రాంతం చిగురుటాకులా వణికిపోయింది. అత్యధిక ప్రభావం పడిన లుజాన్ దీవితో పాటు ఇతర ప్రాంతాల్లో చోటు చేసుకున్న ప్రమాదాల్లో మృతుల సంఖ్య ఆదివారంనాటికి 64కి చేరుకుందని అధికారులు తెలిపారు.  అనేక ప్రాంతాల్లో కొండచరియలు విరిగిపడ్డాయి. వందల సంఖ్యలో ఇళ్లు నేలమట్టమయ్యాయి. దాదాపు 50 లక్షల మందిపై తీవ్ర ప్రభావం చూపనుందని అధికారులు అంచనా వేశారు. ఫిలిప్పీన్స్‌లో బీభత్సం సృష్టించిన టైపూన్ తన దిశను మార్చుకుని హాంగ్‌కాంగ్, చైనా దిశగా ప్రయాణించడం ప్రారంభించింది. ఆదివారం సాయంత్రానికి  చైనా తీరాన్ని తాకింది. 20 అడుగుల ఎత్తు వరకు సముద్ర అలలు ఎగిసిపడు తాయన్న హెచ్చరికల నేపథ్యంలో ప్రజలను సురక్షిత ప్రాంతాలకు తరలించారు. మరోవైపు, అమెరికాలోని ఉత్తర కరోలినా కూడా భీకర హరికేన్ ‘ఫ్లారెన్స్’ ధాటికి విలవిలలాడుతోంది. వరదల్లో చిక్కుకున్న వందలాది మందిని రక్షించేందుకు నేవీ, కోస్ట్‌గార్డ్, పౌర, స్వచ్ఛంద సేవా బృందాలు పెద్ద సంఖ్యలో రంగంలోకి దిగాయి. వివిధ ప్రమాదాల్లో మృతి చెందిన వారి సంఖ్య 11కు చేరిందని అధికారులు తెలిపారు. గంటకు 145 కిలోమీటర్ల వేగంతో ఈదురుగాలులు వీస్తున్నాయని, భారీ వర్షాలు కురుస్తున్నాయని చెప్పారు. దాంతో ఉత్తర కరోలినాలోని నదులన్నీ ప్రమాదస్థాయిని మించి పొంగిపొర్లుతున్నాయని, కొన్ని ప్రాంతాల్లో ఒక్కరోజే 60 సెంటీమీటర్లకు పైగా వర్షం కురిసిందని తెలిపారు. 



అలీబాబా సంచలన నిర్ణయం

Updated By ManamSat, 09/08/2018 - 13:35

Jack Maబీజింగ్: చైనా అత్యంత సంపన్నుడు, అలీబాబా సహ వ్యవస్థాపకుడు, చైర్మన్ జాక్ మా సంచలన నిర్ణయం తీసుకున్నారు. సోమవారం జాక్ మా 54వ పుట్టినరోజు కాగా.. ఆ రోజున తాను రిటైర్‌మెంట్ తీసుకోనున్నట్లు ప్రకటించారు. విరమణ ముగింపు కాదని, మరో శకానికి ప్రారంభం అని తెలిపిన జాక్ మా.. తన తదుపరి సమయాన్ని ఫిలాంత్రఫీ కోసం కేటాయిస్తానని జాక్ మా వెల్లడించారు.

అయితే ఇంగ్లీష్ టీచర్ అయిన జాక్ మా.. 1999లో ఇ-కామర్స్ రంగంలోకి అడుగుపెట్టి అలీబాబా సంస్థను స్థాపించారు. తక్కువ కాలంలో ఈ సంస్థ వేగంగా అభివృద్ధి చెంది బిలియన్ డాలర్ల కంపెనీగా అవతరించింది. ఆ తరువాత 2013లో సీఈవో పదవి నుంచి తప్పుకున్న జాక్ మా.. ఆ తరువాత నుంచి కంపెనీ చైర్మన్‌గా వ్యవహరిస్తున్నారు. మైక్రోసాఫ్ట్ వ్యవస్థాపకుడు బిల్‌గేట్స్ తనకు ఆదర్శమని, బిల్‌గేట్స్ నుంచి నేర్చుకోవాల్సింది చాలా ఉంది. ఇంకా సంపన్నుడిగా ఎదగాలని కాదు. ముందుగానే రిటైర్ అవ్వాలని అంటూ ఓ ఇంటర్వ్యూలో చెప్పిన జాక్ మా.. తాజాగా రిటైర్‌మెంట్ ప్రకటించి, అందరికీ షాక్ ఇచ్చాడు.



చేతులు క‌లిపిన చైనా, ర‌ష్యా

Updated By ManamSat, 08/11/2018 - 15:29
china helps Russia thwart US bid to freeze bank’s assets

ఉత్త‌ర‌కొరియాపై మ‌ళ్లీ ఆంక్ష‌లు విధించేందుకు అమెరికా చేస్తున్న య‌త్నాన్ని చైనా, ర‌ష్యాలు అడ్డుకున్నాయి. ఆగ్రోసూయుజ్ క‌మ‌ర్షియ‌ల్ బ్యాంకు ఉత్త‌ర‌కొరియాకు సాయం చేస్తోంద‌ని అమెరికా ఆరోప‌ణ‌. దీంతో ఆ బ్యాంకుపై ఆంక్ష‌లు విధించాల‌ని గ‌త వారం ఐక్య‌రాజ్య‌స‌మితిని అమెరికా కోరింది.

అయితే, ర‌ష్యాకు చెందిన ఆ బ్యాంకుపై చ‌ర్య‌లు తీసుకోవ‌డాన్ని చైనా శుక్ర‌వారం ఖండించింది. త‌మ బ్యాంకుపై మోపిన ఆరోప‌ణ‌ల‌పై ర‌ష్యా అనుమానం వ్య‌క్తం చేసింది. దీంతోపాటు ఉత్త‌రకొరియాకు చెందిన మ‌రో మూడు ఆర్థిక సంస్థ‌ల‌పై చ‌ర్య‌లు తీసుకోవాల‌న్న డిమాండ్‌ను తోసిపుచ్చాయి.

అమెరికాతో చ‌ర్చ‌ల‌కు ఉత్త‌ర‌కొరియా ముందుకు వ‌చ్చినందున ఆ దేశంపై ఆంక్ష‌లు స‌డ‌లించాల‌ని కూడా కోరాయి. కాగా, ఉత్త‌ర కొరియాపై మ‌రిన్ని ఆంక్ష‌లు విధించేందుకు అమెరికా ప్ర‌య‌త్నించ‌డం మూడు వారాల్లో ఇది రెండోసారి.





Related News