road accident

నందమూరి హరికృష్ణ దుర్మరణం

Updated By ManamWed, 08/29/2018 - 08:19
hari krishna

హైదరాబాద్‌ : నందమూరి కుటుంబంలో తీవ్ర విషాదం చోటుచేసుకుంది. దివంగత ముఖ్యమంత్రి ఎన్టీఆర్‌ కుమారుడు, సినీనటుడు నందమూరి హరికృష్ణ రోడ్డు ప్రమాదంలో మృతి చెందారు. నల్గొండ జిల్లా నార్కెట్‌పల్లి వద్ద జరిగిన ప్రమాదంలో తీవ్రంగా గాయపడగా, ఆయనను హుటాహుటీన కామినేని ఆస్పత్రికి తరలించారు.

తీవ్ర గాయాలపాలై దాదాపు మూడు గంటల పాటు మృత్యువుతో పోరాడిన హరికృష్ణ చివరకు కన్నుమూశారు. ఈ విషయం తెలుసుకున్న హరికృష్ణ కుమారులు జూనియర్ ఎన్టీఆర్, కల్యాణ్‌రామ్‌లు హుటాహుటిన అక్కడకు వెళ్లగా.. ఆయన బావ, ఏపీ సీఎం చంద్రబాబునాయుడు ప్రత్యేక విమానంలో హైదరాబాద్‌కు బయల్దేరారు. అయితే హరికృష్ణ పెద్ద కుమారుడు నందమూరి జానకి రామ్ కూడా నల్గొండ జిల్లా మునగాల మండలం ఆకుపాముల దగ్గర జరిగిన రోడ్డు ప్రమాదంలో దుర్మరణం చెందిన విషయం తెలిసిందే. మరోవైపు ఆయన మృతితో ఇటు కుటుంబసభ్యులు, అటు అభిమానులు తీవ్ర విషాదంలో మునగగా.. పలువురు ప్రముఖులు తమ సంతాపాన్ని ప్రకటిస్తున్నారు. 

HarikrishnaHarikrishnaHarikrishna

 



కారు ప్రమాదంపై స్పందించిన జీవీఎల్

Updated By ManamSat, 08/25/2018 - 11:39
GVL narasimharao

విజయవాడ: రోడ్డు ప్రమాద ఘటనకు సంబంధించి తనపై వస్తున్న విమర్శలు, ఆరోపణలపై బీజేపీ ఎంపీ జీవీఎల్ నరసింహారావు ట్విట్టర్‌లో స్పందించారు. నిన్న విజయవాడ సమీపంలో ఎంపీ కారు అదుపు తప్పి ఇద్దరు మహిళలను ఢీకొన్న విషయం తెలిసిందే. ఈ ఘటనలో ఓ మహిళ మృతి చెందగా, మరొకరు తీవ్రంగా గాయపడ్డారు. అయితే ప్రమాదం జరిగిన వెంటనే అక్కడ నుంచి ఎంపీ వెళ్లిపోయారంటూ టీడీపీ ఆరోపణలు చేసింది.

దీనిపై జీవీఎల్ మాట్లాడుతూ...‘ప్రమాదం జరిగిన సమయంలో వెనుక సీటులో కూర్చొని నిద్రపోతున్నాను. 45 నిమిషాల పాటు ప్రమాద ఘటనా స్థలంలో ఉన్నారు. ఆ ప్రాంతానికి పోలీసులు చేరుకొని... గాయపడిన మహిళను అంబులెన్స్‌లో ఆస్పత్రికి చేర్చేంతవరకూ అక్కడే ఉన్నాను. మృతి చెందిన మహిళ కుటుంబాన్ని కూడా పరామర్శించాను.’అని ట్వీట్ చేశారు. పార్టీ సమావేశం ముగించుకుని వెళుతుండగా ఈ ప్రమాదం జరిగినట్లు తెలిపారు. 



పెళ్లికి వెళుతుండగా ‘అనంత’లో విషాదం..

Updated By ManamFri, 08/24/2018 - 11:30
  • అనంతపురం జిల్లాలో ఘోర ప్రమాదం

  • బొలేరో వాహనం బోల్తాపడి ఆరుగురు దుర్మరణం, 10మందికి గాయాలు

Six killed in Anantapur road accident

అనంతపురం : మరికాసేపట్లో పెళ్లి వేడుకలో సరదాగా పాల్గొనాల్సి ఉంది. అంతలోనే వారిని మృత్యువు కబళించింది. అనంతపురం జిల్లా పెనుకొండ మండలం సత్తారుపల్లి వద్ద శుక్రవారం ఉదయం బొలేరో వాహనం అదుపు తప్పి బోల్తా పడింది. ఈ దుర్ఘటనలో ఆరుగురు దుర్మరణం చెందగా, మరో పదిమంది తీవ్రంగా గాయపడ్డారు. వీరంతా పెళ్లి వేడుకలో పాల్గొనేందుకు ధర్మవరం వెళుతుండగా ఈ ప్రమాదం జరిగింది.

అయితే అతివేగమే ప్రమాదానికి కారణమని తెలుస్తోంది. మరోవైపు ప్రమాదాన్ని గమనించిన స్థానికులు అప్రమత్తమై... వాహనంలో చిక్కుకుపోయినవారిని వెలికి తీసి, పోలీసులకు సమాచారం ఇచ్చారు. ఘటనాస్థలానికి చేరుకున్న పోలీసులు... క్షతగాత్రులను చికిత్స నిమిత్తం ఆస్పత్రికి తరలించారు. మృతులు గోపాల్‌రెడ్డి, అంజినప్ప, రవీంద్రారెడ్డి, వెంకటప్ప, వడ్డె అంజి, వెంకటస్వామిగా గుర్తించారు.  ఇందుకు సంబంధించి పూర్తి వివరాలు తెలియాల్సి ఉంది.



హిమాచల్‌లో ఘోర ప్రమాదం

Updated By ManamThu, 08/23/2018 - 13:40
11 people killed after a car rolled down in Himachal Pradesh

కులూ: హిమాచల్ ప్రదేశ్‌లో బుధవారం జరిగిన ఘోర రోడ్డు ప్రమాదంలో 11మంది దుర్మరణం చెందారు. కులూ జిల్లా రోహాంగ్ సమీపంలో ఇవాళ ఉదయం ఓ కారు అదుపు తప్పి రోడ్డు పక్కనున్న లోయలోకి బోల్తా పడింది. దీంతో అందులో ప్రయాణిస్తున్నవారంతా మృత్యువాత పడ్డారు. సమాచారం అందుకున్న పోలీసులు ఘటనా స్థలానికి చేరుకుని, మృతదేహాలను వెలికి తీశారు. అయితే మృతుల వివరాలు తెలియాల్సి ఉంది.



చిత్తూరు జిల్లాలో ఘోర రోడ్డు ప్రమాదం

Updated By ManamTue, 08/21/2018 - 16:54
five killed in chittoor district road accident

చిత్తూరు : చిత్తూరు జిల్లాలో జరిగిన ఘోర రోడ్డు ప్రమాదంలో ఐదుగురు దుర్మరణం చెందారు. కుప్పం నియోజకవర్గం పోడూరు వద్ద లారీ, కారు ఒకదానికొకటి ఢీకొనడంతో ఈ ప్రమాదం జరిగింది. కారులో ప్రయాణిస్తున్న నలుగురు ఘటనా స్థలంలోనే మృతి చెందగా, మరొకరు ఆస్పత్రిలో చికిత్స పొందుతూ మరణించారు. మృతుల్లో నలుగురు పురుషులు, ఒక వృద్ధురాలు ఉన్నారు.

వీరంతా తమిళనాడు ధర్మపురికి చెందినవారు. పలమనేరులోని విరూపక్షపురం వెళుతుండగా ఈ ప్రమాదం చోటుచేసుకుంది. సమాచారం అందుకున్న పోలీసులు ఘటనా స్థలానికి చేరుకుని, కేసు నమోదు చేశారు. మృతదేహాలను పోస్ట్‌మార్టం నిమిత్తం కుప్పం ప్రభుత్వ ఆస్పత్రికి తరలించారు.



కశ్మీర్‌లో ఘోర ప్రమాదం.. 11మంది మృతి

Updated By ManamTue, 08/21/2018 - 13:33

Jammu Kashmirకశ్మీర్/జమ్ము: జమ్ముకశ్మీర్‌లో ఘోర ప్రమాదం జరిగింది. 12మందితో వెళ్తున్న ఓ వాహనం అదుపుతప్పి నదీ లోయలో పడిపోవడంతో 11మంది మృతి చెందగా.. ఓ ఐదేళ్ల బాలుడు తీవ్ర గాయాలతో భయటపడ్డాడు. ప్రస్తుతం అతడికి చికిత్సను అందిస్తున్నట్లు స్థానిక పోలీసులు చెప్పారు. వీరందరూ గులబ్‌ఘర్ నుంచి కిస్త్‌వర్‌కు వెళుతుండగా ఈ ప్రమాదం జరిగింది. మచైల్ మాత్రను దర్శించుకున్న వీరిందరూ మంగళవారం ఉదయం సమయంలో తమ స్వగ్రామానికి వెళుతుండగా ఈ ఘటన చోటుచేసుకున్నట్లు పోలీస్ అధికారి తెలిపారు. 



గుజరాత్‌లో ఘోర రోడ్డు ప్రమాదం.. ఏడుగురు మృతి

Updated By ManamMon, 08/13/2018 - 10:58

road accidentగాంధీనగర్: గుజరాత్‌లో ఘోర రోడ్డు ప్రమాదం జరిగింది. పంచమహల్ సమీపంలో ఈ తెల్లవారుజామున జరిగిన రోడ్డు ప్రమాదంలో ఏడుగురు మృతి చెందారు. చనిపోయిన వారంతా ఏడు నుంచి 16సంవత్సరాల మధ్య పిల్లలని సమాచారం. 10 మందితో ప్రయాణిస్తున్న ఓ కారు అదుపుతప్పి  పక్కనే ఉన్న కాలువలోకి దూసుకెళ్లగా ఈ ప్రమాదం జరిగింది. కారును చూసిన స్థానికులు వారిని రక్షించేలోపే జరగాల్సిన ఘోరం జరిగిపోయింది. కారు నుంచి ముగ్గురు పెద్దవాళ్లను మాత్రం రక్షించినట్టు తెలుస్తోంది. ఈ ముగ్గురికీ గాయాలు కాగా, పోలీసులు వారిని ఆసుపత్రికి తరలించారు. విషయం తెలుసుకున్న పోలీసులు సంఘటనా స్థలానికి చేరుకొని కేసు నమోదు చేసుకున్నారు.



కడపలో ఘోర రోడ్డు ప్రమాదం

Updated By ManamFri, 08/10/2018 - 13:41

Horrific road accident In Kadapa

కడప: జిల్లాలో ఘోర రోడ్డు ప్రమాదం జరిగింది. ముద్దనూరు మండలం తిమ్మాపురం వద్ద శుక్రవారం మధ్యాహ్నం ఈ ప్రమాదం చోటుచేసుకుంది. టిప్పర్- ట్రాక్టర్ పరస్పరం ఢీకొన్నాయి. దీంతో అదుపుతప్పిన టిప్పర్ అటుగా వెళ్తున్న కారుపైకి దూసుకెళ్లింది. ఈ ప్రమాదంలో కారులో ప్రయాణిస్తున్న నలుగురు దుర్మరణం చెందారు. ఈ కారు కర్ణాటక నుంచి బల్లారికి వెళ్తున్నట్లుగా సమాచారం.

స్థానిక సమాచారం మేరకు ఘటనాస్థలికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు. పోస్టుమార్టం నిమిత్తం మృతదేహాలను స్థానికంగా ఉన్న ఆస్పత్రికి తరలించారు. అయితే ఈ ఘటనలో చనిపోయిన వారు ఏ ప్రాంతానికి చెందిన వారు..? అనే విషయం తెలియరాలేదు. ఈ ప్రమాదం జరిగిన అనంతరం టిప్పర్ డ్రైవర్ పరారీలో ఉన్నట్లు తెలుస్తోంది. కాగా ఈ ఘటనకు సంబంధించి మరింత సమాచారం తెలియాల్సి ఉంది.



మంత్రి ‘కాల్వ’కు తృటిలో తప్పిన ప్రమాదం

Updated By ManamFri, 08/03/2018 - 17:20

kalva srinivasuluఅనంతపురం : మంత్రి కాల్వ శ్రీనివాసులుకు తృటిలో ప్రమాదం తప్పింది. అనంతరం జిల్లా కాల్వపల్లి వద్ద ఆయన ప్రయాణిస్తున్న వాహనం అదుపు తప్పి కల్వర్టు రెయిలింగ్‌ను ఢీకొంది. అయితే కారులో ఉన్న మంత్రి కాల్వ శ్రీనివాసులు, జెడ్పీ  ఛైర్మన్ నాగరాజు సురక్షితంగా బయటపడ్డారు.

కాగా ఎదురుగా వస్తున్న వాహనాన్ని తప్పించబోయిన సందర్భంగా ఈ ప్రమాదం చోటుచేసుకున్నట్లు తెలుస్తోంది. ఇందుకు సంబంధించి పూర్తి వివరాలు తెలియాల్సి ఉంది.



తమిళనాడులో ఘోర రోడ్డు ప్రమాదం.. ఏడుగురు మృతి

Updated By ManamWed, 08/01/2018 - 11:49

road accidentచెన్నై: తమిళనాడులో ఘోర రోడ్డు ప్రమాదం జరిగింది. కోయంబత్తూరు సుందరాపురం సమీపంలో వేగంగా వచ్చిన లగ్జరీ కారు బస్టాండ్‌లోని జనంపైకి దూసుకెళ్లింది. ఈ ప్రమాదంలో ఏడుగురు అక్కడికక్కడే మరణించగా.. మరో ఏడుగురికి తీవ్ర గాయాలయ్యాయి.మృతుల్లో ముగ్గురు మహిళలు, ఇద్దరు కాలేజీ విద్యార్థులు ఉన్నారు. గాయపడ్డవారిని కోయంబత్తూరు ప్రభుత్వ ఆసుపత్రికి తరలించి చికిత్స అందిస్తున్నారు. క్షతగాత్రుల పరిస్థితి విషమంగా ఉన్నట్లు తెలుస్తోంది. అతివేగమే ఈ ప్రమాదానికి కారణమని ప్రత్యక్షసాక్ష్యులు చెబుతున్నారు. సంఘటనా స్థలానికి చేరకున్న పోలీసులు కేసు నమోదు చేసుకొని దర్యాప్తును ప్రారంభించారు.





Related News