aamir khan

మత్తెక్కిస్తున్న కత్రినా ఫస్ట్‌లుక్

Updated By ManamFri, 09/21/2018 - 14:24
Katrina Kaif

బాలీవుడ్‌లో భారీ బడ్జెట్‌తో తెరకెక్కుతున్న ప్రతిష్టాత్మక చిత్రం ‘థగ్స్ ఆఫ్ హిందోస్థాన్’. అమితాబ్ బచ్చన్, ఆమిర్ ఖాన్, కత్రినా కైఫ్, ఫాతిమా సనా షేక్ ప్రధానపాత్రలలో నటిస్తున్నారు. ప్రస్తుతం షూటింగ్ జరుపుకుంటున్న ఈ చిత్రం నుంచి తాజాగా కత్రినా కైఫ్ లుక్‌ను విడుదల చేశారు. సురైయ్యా అనే పాత్రలో కత్రినా కైఫ్ కనిపిస్తుండగా.. నర్తకిగా నిషా కళ్లతో పిచ్చెక్కిస్తోంది. ఇక ఈ చిత్రానికి విజయ్ కృష్ణ ఆచార్య దర్శకత్వం వహిస్తుండగా.. అజయ్, అతుల్ సంగీతం అందిస్తున్నారు. ఆదిత్య చోప్రా నిర్మిస్తున్న ఈ చిత్రం నవంబర్ 8న ప్రేక్షకుల ముందుకు రానుంది. యాక్షన్ అడ్వంచరస్ చిత్రంగా తెరకెక్కుతున్న ఈ చిత్రంపై భారీ అంచనాలు ఉన్నాయి.

 



‘యుద్ధనారి’గా ‘దంగల్’ బ్యూటీ.. వావ్ అనిపిస్తున్న ఫస్ట్‌లుక్

Updated By ManamWed, 09/19/2018 - 13:03
Fatima

అమితాబ్ బచ్చన్, ఆమిర్ ఖాన్, కత్రినా కైఫ్, ఫాతిమా సనా షేక్ ప్రథాన పాత్రలలో విజయ్ కృష్ణ ఆచార్య తెరకెక్కిస్తున్న చిత్రం ‘థగ్స్ ఆఫ్ హిందోస్థాన్’. భారీ బడ్జెట్‌తో తెరకెక్కుతున్న ఈ చిత్రంపై బాలీవుడ్‌లో చాలా అంచనాలే ఉన్నాయి. యాక్షన్ అడ్వేంచర్‌గా ఈ చిత్రం తెరకెక్కుతుండటం.. మొదటిసారి ఇందులో అమితాబ్, ఆమిర్ కలిసి నటిస్తుండటంతో అటు అభిమానులతో పాటు ఇటు విమర్శకులు కూడా సినిమాపై అంచనాలను పెట్టుకుంటున్నారు.

కాగా ఈ చిత్రంలో అమితాబ్‌కు సంబంధించిన లుక్ మంగళవారం విడుదల చేయగా.. తాజాగా ఫాతిమా సనా షేక్ ఫస్ట్‌లుక్ రిలీజ్ చేసింది చిత్ర యూనిట్. అందులో జఫీరాగా యుద్ధనారి లుక్‌లో దర్శనమిచ్చిన ఫాతిమా వాహ్వా అనిపిస్తోంది. ఇక ఈ చిత్రంలో ఆమె అమితాబ్ కుమార్తెగా నటించనుంది. కాగా యశ్‌చోప్రా బ్యానర్‌పై ఆదిత్య చోప్రా నిర్మిస్తున్న ఈ చిత్రం నవంబర్ 8న ప్రేక్షకుల ముందుకు రానున్న విషయం తెలిసిందే.



‘ఖుదాబక్ష్‌’గా మెగాస్టార్.. ఫస్ట్‌లుక్ రిలీజ్

Updated By ManamTue, 09/18/2018 - 12:01
Amitabh Bachchan

బాలీవుడ్ మెగాస్టార్ అమితాబ్ బచ్చన్, మిస్టర్ పర్‌ఫెక్షనిస్ట్ అమీర్ ఖాన్ ప్రధానపాత్రలలో నటిస్తున్న చిత్రం ‘థగ్స్ ఆఫ్ హిందోస్థాన్’. 1839లో ఫిలిప్ మేడోస్ టేలర్ రచించిన ‘కన్‌ఫెషన్స్ ఆఫ్ ఎ థగ్’ అనే నవల ఆధారంగా తెరకెక్కుతున్న ఈ చిత్రానికి విజయ కృష్ణ ఆచార్య దర్శకత్వం వహిస్తున్నాడు. ప్రస్తుతం షూటింగ్ జరుపుకుంటున్న ఈ చిత్రం నుంచి తాజాగా అమితాబ్ ఫస్ట్‌లుక్‌ను చిత్ర యూనిట్ విడుదల చేసింది. ఖుదాబక్ష అనే కమాండర్ పాత్రలో బిగ్ బీ కనిపిస్తుండగా.. ఆయన ఆహార్యం కొత్తగా అందరినీ మెప్పిస్తోంది. ఇక కత్రినా కైఫ్, ఫాతిమా సనా షేక్, రోనిత్ రాయ్ తదితరులు ముఖ్యపాత్రలలో నటిస్తున్న ఈ చిత్రాన్ని ఆదిత్య చోప్రా నిర్మిస్తుండగా.. దీపావళి కానుకగా నవంబర్ 8న ప్రేక్షకుల ముందుకు రానుంది.



థగ్స్ ఆఫ్ హిందోస్థాన్‌కు రిలీజ్ డేట్ ఫిక్స్

Updated By ManamMon, 09/17/2018 - 15:09

Thugs Of hindostanఅమితాబ్ బచ్చన్, ఆమిర్ ఖాన్ ప్రథానపాత్రలో తెరకెక్కుతున్న చిత్రం ‘థగ్స్ ఆఫ్ హిందోస్థాన్’. యాక్షన్ అండ్వేంచర్ చిత్రంగా తెరకెక్కుతున్న ఈ చిత్రానికి విజయ్ కృష్ణ ఆచార్య దర్శకత్వం వహిస్తున్నాడు. కాగా ఈ చిత్రానికి విడుదల తేదిని తాజాగా వెల్లడించింది చిత్ర యూనిట్. దీపావళి కానుకగా నవంబర్ 8న ఈ చిత్రం ప్రేక్షకుల ముందుకు రానున్నట్లు మూవీ యూనిట్ తెలిపింది. ఇక కత్రినా కైఫ్, ఫాతిమా సనా షేక్, రోనిత్ రాయ్ తదితరులు కీలక పాత్రలలో నటిస్తున్న ఈ చిత్రానికి అజయ్- అతుల్ సంగీతం అందిస్తుండగా.. యశ్‌రాజ్ ఫిలింస్‌ పతాకంపై ఆదిత్య చోప్రా నిర్మిస్తున్నాడు.



జాతీయ అవార్డు గ్రహీత ప్రాణం కాపాడిన ఆమిర్

Updated By ManamMon, 09/10/2018 - 13:00

Aamir Khanతన సినిమా కోసం పనిచేసిన జాతీయ అవార్డు గ్రహీత ప్రాణాన్ని బాలీవుడ్ మిస్టర్ పర్‌ఫెక్షనిస్ట్ ఆమిర్ ఖాన్‌ కాపాడారు. దీంతో సోషల్ మీడియాలో ఆయనపై ప్రశంసలు కురిపిస్తున్నారు నెటిజన్లు. కాగా ఆమిర్ నటించిన ‘దంగల్‌’ చిత్రానికి పనిచేసిన సౌండ్ డిజైనర్ సాజిత్ కోయేరి తీవ్ర అస్వస్థతకు గురై గురువారం ముంబైలోని ఓ ప్రైవేట్ ఆసుపత్రిలో చేరాడు. అయితే అక్కడున్న డాక్టర్లు కనీసం ట్రీట్‌మెంట్ ఇవ్వకుండా అతడిని అలానే వదిలేశారు. దీంతో అతడి పరిస్థితి క్షీణిస్తుండటంతో ఏమీ చేయాలో పాలుపోని సాజిత్ కుటుంబసభ్యులు ఆమిర్‌ను ఆశ్రయించారు.

విషయం తెలుసుకున్న ఆమిర్ వెంటనే సాజిత్‌ను కొకిలాబెన్ ఆసుపత్రికి మార్పించడమే కాకుండా.. అనిల్ అంబానీతో మాట్లాడి అత్యవసర చికిత్స అందేలా చర్యలు తీసుకున్నాడు. దీంతో కోలుకున్న సాజిత్.. పెద్ద ప్రమాదం నుంచి బయటపడ్డాడు. ఈ విషయం తెలుసుకున్న నెటిజన్లు ఆమిర్‌ను ప్రశంసలతో ముంచెత్తుతున్నారు. కాగా ‘బర్ఫీ’, ‘హైదర్’, ‘ఓంకార’, ‘దంగల్’ వంటి హిట్ చిత్రాలకు సాజిత్ పనిచేశాడు. ఓంకార చిత్రానికి గానూ ఆయనకు జాతీయ అవార్డు కూడా లభించింది.



ఆమిర్ చేతిలో ‘మహాభారతం’.. నెక్ట్స్ ప్రాజెక్ట్ అదేనా..?

Updated By ManamMon, 08/06/2018 - 12:56

Aamir Khanమహాభారతం.. భారతదేశంలోని చాలా మంది నటీనటులు, దర్శకుల డ్రీమ్ ప్రాజెక్ట్ ఇది. అందులో రాజమౌళి, ఆమిర్ ఖాన్, మోహన్‌లాల్ తదితరులు ఉన్నారు. ఈ ప్రాజెక్ట్‌ను తెరకెక్కించాలని రాజమౌళి ఒకసారి తెలపగా.. ఏదో ఒకరోజు మహాభారతం చేయాలనుందని ఆమిర్ కూడా పేర్కొన్నారు. అంతేకాదు ఈ ఇద్దరి కాంబినేషన్లోనే ఈ ప్రాజెక్ట్ తెరకెక్కనుందని వార్తలు కూడా వచ్చాయి. అయితే దానికి సంబంధించిన పనులు మాత్రం ఇప్పటికీ ప్రారంభం కాలేదు. కానీ తాజాగా ఆమిర్‌ను చూస్తుంటే ఆ ప్రాజెక్ట్‌ త్వరలోనే సెట్స్ పైకి వెళ్లేలా ఉంది. 

వివరాల్లోకి వెళ్తే.. ఇటీవల ముంబై ఎయిర్‌పోర్ట్‌లో ఆమిర్‌ఖాన్ ఓ బుక్ పట్టుకొని కనిపించారు. దానిమీద ‘కండెన్స్‌డ్ మహాభారత ఆఫ్ వ్యాస’ అని రాసి ఉంది. దీంతో ఈ ప్రాజెక్ట్‌ను తెరకెక్కించేందుకు ఆమిర్ ఖాన్ సిద్ధమయ్యాడని పలువురు బాలీవుడ్ ప్రముఖులు భావిస్తున్నారు. ఇదిలా ఉంటే మహాభారతాన్ని తెరకెక్కిస్తే అందుకు వెయ్యి కోట్లు ఇచ్చేందుకు తాను సిద్ధంగా ఉన్నానని ప్రముఖ వ్యాపారవేత్త ముఖేశ్ అంబానీ ప్రకటించిన విషయం తెలిసిందే.



షారూక్ ముద్దాడుతున్న ఆ నటి ఎవరబ్బా..?

Updated By ManamWed, 06/13/2018 - 10:57

shah rukh బాలీవుడ్ నటులు షారూక్, గుల్షన్ గ్రోవర్‌లు ఓ నటిని ముద్దాడేందుకు పోటీ పడుతున్న ఫొటో ఒకటి గత రెండు రోజులుగా సోషల్ మీడియాలో చక్కర్లు కొడుతోంది. దీంతో ఆ ఫొటోలో ఉన్న నటి ఎవరంటూ నెటిజన్లు ఆరా తీశారు. వారిలో కొందరు సమాధానాన్ని చెప్పగా, మరొకొందరు దాని వెనుక కథను కూడా చెప్పేస్తున్నారు. ఇంతకు ఆ కహాని ఏమిటి, ఆ నటి ఎవరు అంటే..

అక్కడున్నది మరెవరో కాదు బాలీవుడ్ మిస్టర్ ఫర్‌పెక్షనిస్ట్ ఆమిర్ ఖాన్. 1995లో అశుతోశ్ గోవారికర్ తీసిన బాజీ చిత్రంలో ఓ సన్నివేశం కోసం ఆమిర్ అమ్మాయి వేషం వేసుకున్నాడు. ఆ వేషంలోనే ఉన్న ఆమిర్‌ను షూటింగ్ తరువాత షారూక్, గుల్షన్‌లు ముద్దాడుతూ ఓ ఫొటో తీసుకున్నారు. ఇదే ఫొటో తాజాగా వైరల్‌ అయ్యింది.



కుమార్తెతో ఆమిర్ ‘దంగల్’ ఫోజు.. నెటిజన్ల విమర్శలు

Updated By ManamThu, 05/31/2018 - 12:22

Aamir khan బాలీవుడ్ మిస్టర్ పర్‌ఫెక్షనిస్టు ఆమిర్ ఖాన్ వివాదాలకు కాస్త దూరంగానే ఉంటారు. అయితే ఇటీవల అతడు ఫేస్‌బుక్‌లో పోస్ట్ చేసిన ఓ ఫొటోపై తాజాగా నెటిజన్లు విమర్శలు చేస్తున్నారు. ఆ ఫొటోలో తన కుమార్తె ఇరా ఖాన్‌తో కలిసి ఆమిర్ స్పోర్ట్స్ మూడ్‌లో ఉండగా.. ఇలాంటి ఫోజ్‌లు ఏంటంటూ కొంతమంది ప్రశ్నిస్తున్నారు.

అయితే అమీర్ కజిన్ అయిన మన్సూర్ ఖాన్ పుట్టినరోజు వేడుకల్లో ఇటీవల ఆమిర్ ఖాన్‌ కుటుంబంతో సహా పాల్గొన్నాడు. అక్కడ తన కుమార్తెతో దంగల్ సీన్‌ను తలపించేలా ఓ ఫోజ్‌ను పెట్టాడు. దానికి సంబంధించిన ఫొటోనే ఆయన సోషల్ మీడియాలో పోస్ట్ చేయగా, అసభ్యకరంగా ఉందంటూ పలువురు కామెంట్లు చేస్తున్నారు. ఇక కొంతమందైతే ‘ఎంత కుమార్తె అయినా అలాంటి ఫోజులేంటి’, ‘రంజాన్ మాసంలో ఇలాంటి ఆటలేంటి‘, ‘కనీసం ఇరా ఖాన్ మంచి దుస్తులైన వేసుకొని ఉండాల్సింది’ అంటూ కామెంట్లు చేస్తున్నారు. మరోవైపు ‘ఓ తండ్రి తన కుమార్తెను ప్రేమించకూడదా ఇదే ఫొటోలో కొడుకు ఉండి ఉంటే ఇలాంటి విమర్శలు చేసేవారా’ అంటూ కొందరు ఆమిర్‌కు మద్దతును ఇస్తున్నారు. ప్రస్తుతం ఈ ఫొటో సోషల్ మీడియాలో వైరల్‌గా మారింది.
 



అందుకే సంజయ్ బయోపిక్‌లో నటించలేదు

Updated By ManamFri, 05/25/2018 - 10:24

Aamir Khan  బాలీవుడ్ నటుడు సంజయ్ దత్ జీవిత కథ ఆధారంగా తెరకెక్కుతున్న చిత్రం ‘సంజు’. రణ్‌బీర్ కపూర్ ఇందులో ప్రధాన పాత్రలో నటిస్తుండగా, రాజ్ కుమార్ హిరాణీ ఈ చిత్రానికి దర్శకత్వం వహించాడు. అనుష్క శర్మ, సోనమ్ కపూర్, మనీషా కొయిరాలా, పరేశ్ రావల్, మాధురీ దీక్షిత్ తదితరులు ముఖ్యపాత్రలలో కనిపించనున్నారు. అయితే ఈ మూవీ గురించిన ఓ ఆసక్తికర విషయాన్ని తాజాగా మీడియాతో పంచుకున్నాడు మిస్టర్ పర్‌ఫెక్షనిస్టు ఆమీర్ ఖాన్.

సంజయ్ దత్ సినిమాను తెరకెక్కించాలనుకున్నప్పుడు దర్శకుడు రాజ్ కుమార్ హిరానీ తనను కలుసుకొని, ఈ చిత్రంతో భాగస్వామి అవ్వాలని కోరారని, అందుకోసం సంజయ్ దత్ తండ్రి పాత్ర సునీల్ దత్ పాత్రను చేయమని అడిగారని ఆమీర్ తెలిపారు. నిజానికి చెప్పాలంటే సునీల్ దత్ పాత్ర తనకు ఎంతగానో నచ్చిందని, కానీ రణ్‌బీర్‌కు తండ్రిగా అనగానే వెనుకడగు వేశానని పేర్కొన్నారు. పాత్రల ఎంపికలో తనకు పరిధులు ఉన్నందునే సంజయ్ దత్ బయోపిక్‌లో నటించలేకపోయానని అన్నారు. ఇక సంజయ్ పాత్రకు రణ్‌బీర్ సరిగ్గా సరిపోయారని కితాబిచ్చారు.
 
 



మిస్ట‌ర్ ప‌ర్‌ఫెక్ష‌నిస్ట్‌కు 30 ఏళ్ళు

Updated By ManamSun, 04/29/2018 - 16:41

aamirసినిమా సినిమాకి న‌టుడిగా ఎద‌గ‌డం అనేది అతి త‌క్కువ మందిలో చూస్తుంటాం. అలాంటి అరుదైన క‌థానాయ‌కుల్లో బాలీవుడ్ న‌టుడు అమీర్ ఖాన్ ఒక‌రు. ల‌వ‌ర్ బోయ్‌, ట‌పోరి, ఐపీఎస్ ఆఫీస‌ర్‌, విలేజ‌ర్‌, ఫ్రీడ‌మ్ ఫైట‌ర్‌, టెర్ర‌రిస్ట్‌, ఆర్ట్ టీచ‌ర్‌, ఇంజ‌నీర్‌, రెజ్ల‌ర్‌, రాక్ స్టార్‌.. ఇలా క్యారెక్ట‌ర్ ఏదైనా ఆ పాత్ర కోసం నూటికి నూరు శాతం ఎఫ‌ర్ట్ పెట్టే క‌థానాయ‌కుడు అమీర్‌. 'ఖ‌యామ‌త్ సే ఖ‌యామ‌త్ త‌క్' (ప‌వ‌న్ క‌ల్యాణ్ మొద‌టి సినిమా 'అక్క‌డ అమ్మాయి ఇక్క‌డ అబ్బాయి'కి ఈ సినిమానే ఆధారం)తో హీరోగా తొలి అడుగులు వేసిన అమీర్‌.. ఆ చిత్రంతో మంచి విజ‌యాన్ని అందుకోవ‌డ‌మే కాకుండా, 'ఉత్త‌మ నూత‌న న‌టుడి'గా ఫిల్మ్‌ఫేర్ అవార్డును, స్పెష‌ల్ మెన్ష‌న్ కేట‌గిరిలో జాతీయ అవార్డును సొంతం చేసుకున్నారు. జూహీ చావ్లా క‌థానాయిక‌గా న‌టించిన ఈ సినిమాకి మ‌న్సూర్ ఖాన్ ద‌ర్శ‌క‌త్వం వ‌హించారు. ఆనంద్ - మిలింద్ సంగీత‌మందించిన ఈ సినిమా ఏప్రిల్ 29, 1988న విడుద‌లైంది. అంటే.. క‌థానాయ‌కుడిగా అమీర్ ప్ర‌యాణం మొద‌లై నేటితో 30 ఏళ్ళు పూర్త‌వుతోంద‌న్న‌మాట‌.  





Related News