reservation

రిజర్వేషన్ కుంపటి

Updated By ManamTue, 09/18/2018 - 04:13

imageటీఆర్‌ఎస్ ప్రభుత్వానికి ముస్లిం, షెడ్యూల్డ్ తెగ లు (ఎస్.టి.), బి.సి. రిజర్వేషన్ల పెంపు అమలు సవాలుగా మారింది తెలంగాణ ఉద్యమంలో కెసిఆర్ ముస్లింలకు, ఎస్‌టిలకు 12% శాతం రిజర్వేషన్లు పెంచి అమలు జరుపుతాయని వాగ్దా నం చేసారు కాని రాజ్యాంగబద్దంగా అమలు అనేక చిక్కుముడులు ఉన్నవి. టీఆర్‌ఎస్ అధికా రంలోకి వచ్చిన తరు వాత ఎన్నికల వాగ్దానం నెరవేర్చుటలో భాగంగా ఎస్‌టి రిజర్వేషన్ విద్య, ఉద్యోగాలలో 6% శాతం నుంచి 12 శాతానికి పెంచడానికి చల్లపు అధ్యక్షతన కమిషన్‌ను ఏర్పా టు చేసి సదరు కమిషన్ ఎస్‌టీలపై అధ్యయనం చేసి ప్రస్తుతం ఉన్న 33 తెగలతో కలిపి ‘కైతలం బాడి’, బిసిఏ జాబితాలోని ‘బోయ’ కులాన్ని ఎస్‌టీ జాబితాలో కలిపి రిజర్వేషన్‌ను 6 నుంచి 12 శాతానికి పెంచాలని ప్రతిపాదించింది. ప్రభు త్వం ఆమో దం తెల్పి ప్రత్యేక రిజర్వేషన్ చట్టం చేసి ఎస్‌టి రిజర్వేషన్‌ను 6 నుంచి 12 శాతం ముస్లిం రిజర్వేషన్ బిసిఇ. కేటగిరిలో 4 నుండి 12 శాతాని పెంచి మొత్తం రిజర్వేషన్ 64 శాతం అమలు పరుచుటకు రాష్ట్రపతి ఆమోదం కొరకు కేంద్రానికి పంపింది.

image


 నిజానికి ఏదైనా తెగను లేద కులాన్ని ఎస్‌సి లేదా ఎస్‌టి జాబితాలో చేర్చాలంటే రాష్ట్ర ప్రభుత్వానికి గాని రాష్ట్ర ప్రభు త్వం ఏర్పాటు చేసిన ఎస్‌టి కమిషన్‌కు ఏలాంటి అధికారం లేదు. ఆర్టికల్ 338ఏ ప్రకారం ఏదైన తెగను ఎస్‌టి జాబితాలో చేర్చుటకు కేంద్ర ప్రభు త్వం ఏర్పాటు చేసిన ఎస్‌టి కమిషన్‌కు మాత్ర మే అధికారం ఉంది. తద్వారా ఆర్టికల్ 342 ప్రకారం పార్లమెంటు ఆమోదం ద్వారా రాష్ట్రపతి ఉత్తర్వులను జారీ చేస్తారు. రిజర్వేషన్ పెంపు మాత్రం రాష్ట్ర ప్రభుత్వ పరిధిలో ఉంది. రాష్ట్రం లో షెడ్యూల్డ్ తెగల (ఎస్‌టి) జనాభా 2011 లెక్కల ప్రకారం 9.34 శాతంగా ఉంది. ఇప్పటికి ప్పుడు రాష్ట్ర ప్రభుత్వం ఎస్‌టి రిజర్వేషన్లను 6 నుంచి 9 శాతానికి పెంచవచ్చు. కానీ మొత్తం రిజర్వేషన్లు 50 శాతం మించుతున్నవి. అందులో ప్రస్తుతం అమలు జరుగుతున్న బిసి రిజర్వేషన్లు 29 శాతం తగ్గిస్తే బిసిలు వూరుకునే పరిస్థితి లేదు. మరోవైపు ఎస్‌టి  రిజర్వేషన్ 6 శాతం బంజారాలైన ‘లంబాడిలు’ అనుభవిస్తున్నారని లంబాడిలను ఎస్‌టి జాబితా నుంచి తొలగించా లని ఆదివాసీ తెగలు ఉద్యమం చేస్తున్నారు. కావున ఎస్‌టిలను వర్గీకరించి ఆదివాసీలకు న్యాయం చేయవలసి ఉంది. 

ముస్లిం రిజర్వేషన్లు ప్రస్తుతం అమలు పరు స్తున్న 4శాతం నుంచి 12 శాతం పెంచడానికి సుధీర్ అధ్యక్షతన కమిటీని వేశారు. సదరు కమి టీ ముస్లింలకు విద్య, ఉద్యోగాలలో 9  శాతానికి తగ్గకుండా 12 శాతానికి మించకుండా రిజర్వేష న్లు బిసిఇ కేటగిరిలో కల్పించాలని సూచించింది. ఇందుకు బిసి కమిసన్ 10 శాతం రిజర్వేషన్లు కల్పించవచ్చునని నివేదిక ఇచ్చింది. ప్రభుత్వ 4 నుంచి 12 శాతానికి పెంచి చట్టం చేసి కేంద్ర ప్రభుత్వ ఆమోదం కోసం పంపింది. వాస్తవానికి ముస్లింల జనాభా 12.68 శాతం ఉంది బిసిఇ కేటగిరిలో 15 ముస్లిం వర్గాలను సామా జికంగా విద్యాపరంగా వెనుకబడిన వర్గాలుగా కమిషన్ గుర్తించింది. ఇందులో ముస్లిం వర్గాలైన సయ్య ద్, మొగల్, పఠాన్‌లు, ఇరాని, అరబ్, బోరా, ఇమామ్, కుచ్చి మినన్, మిర్జా వంటి వారిని బిసిలుగా గుర్తించలేదు అమలు పరుస్తున్న రిజ ర్వేషన్ హైకోర్టు కొట్టి వేసింది. సుప్రీం కోర్టు మధ్యంతర ఉత్తర్వు ద్వారా 14 ముస్లిం వర్గా లకు రిజర్వేషను అమలు జరుగుతుంది. సుప్రీం కోర్టు తుది తీర్పు రావవలసి ఉంది మరోవైపు జాతీయ బిసి కమీషన్ 2015లో ముస్లింలను ఒబిసి జాబితాలో కలుపుటకు తిరస్కరించింది నిజానికి సామాజికంగా విద్యాపరంగా వృద్ధి చెం దిన ముస్లింలను మినహాయిస్తే వీరి జనాభా 8 శాతానికి మించి ఉండే అవకాశం లేదు. 

రాష్ట్రంలో బిసి కులాలకు అమలు పరు స్తున్న 25% శాతం రిజర్వేషన్లను 50 శాతా నికి పెంచాలని బిసిలు ఉద్యమం చేస్తున్నారు. ప్రభు త్వం చేపట్టిన సమగ్ర కుటుంబ సర్వే ప్రకారం వీరి జనాభా 51 శాతంగా ఉంది బిసిఏ గ్రూపు లోని కులాలు ప్రభుత్వం అమలు పరుస్తున్న స్థానిక సంస్థలలోని 34 శాతం రిజర్వేషన్ల ను అయిదు గ్రూపులుగా విద్య ఉద్యోగాలలో మాది రిగా వర్గీకరించి అమలు పరుచాలని డిమాండ్ చేస్తున్నారు. 

మండల్ కమిషన్ తీర్పులో సుప్రీంకోర్టు 50 శాతం రిజర్వేషన్లు మించరాదని తేల్చిచెప్పుతూ ప్రత్యేక పరిస్థితులు ఆమోదించదగినకుగణన ఆయా కులాల సామాజిక వెనుకబాటు లెక్కలు ప్రభుత్వం వద్ద ఉన్నట్లయితే 50 శాతం మించి రిజ ర్వేషన్లు కల్పించుకోవచ్చని చెప్పింది కొన్ని బిసి కులాలు వారిని షెడ్యూల్డ్ కులాలు లేదా షెడ్యూల్డ్ తెగల జాబితాలలో చేర్చాలని కొన్ని కులాలు బిసిడి నుండి బిసిఏ గ్రూపులోకి మార్చా లని డిమాండ్ చేస్తున్నవి, ప్రభుత్వం బిసి కులా లను ఆర్థికంగా సహాయం చేసి అయా కులాలను ఆర్థిక పరిపుష్ఠి చేయాలని ప్రత్యేకంగా అత్యంత వెనుకబడిన తరగతుల (ఎంబిసి) కార్పోరేషన్‌కు 1000 కోట్లు కెటాయించింది. నాయీ బ్రాహ్మ ణులు (మంగలి) వారికి 250 కోట్లు, రజక వారి కి 250 కోట్లు కేటాయించింది. గొల్ల కురుమలకు గొర్రెల పంపిణిని చేపట్టింది. నేటికి ఎంబిసి కు లాలను గుర్తించి ఏలాంటి ఆర్థిక సహాయం చేయలేదు. నాయీ బ్రాహ్మణ, రజక ఫెడరేషన్ల ను పునరుద్దరించ లేదు. శాలివాహన, భట్రాజు, గంగ పుత్ర, సగర, వడ్డెర వంటి కులాల ఫెడరే షన్లను పునర్దురించి ఆర్థిక సహాయం చేయాలని కోరుతున్నారు. 

తెలంగాణ రాష్ట్రం భౌగోళికంగా, సామాజి కంగా, సాంస్కృతికంగా ఆర్థికంగా దేశంలో ప్రత్యే క పరిస్థితులు ఉన్నవి దీనిని నార్త్ ఈస్ట్ రాష్ట్రా లలో ఉన్న ప్రత్యేక పరిస్థితులతో పోల్చవచ్చు. కేంద్ర ప్రభుత్వం అదే కోణంలో రిజర్వేషన్ చట్టా న్ని చూడవలసి ఉంది. ముందుగా రాష్ట్ర ప్రభు త్వం (1) ఎస్‌టి రిజర్వేషన్లు 6 నుంచి 9 శా తానికి పెంపు (2) బిసి రిజర్వేషన్లను 29% శా తం నుండి 50 శాతం పెంపు (3) షెడ్యూల్డ్ కులాల వర్గీకరణ (4) షెడ్యూల్డ్ తెగల వర్గీకరణ (5) స్థానిక సంస్థల బిసి 34శాతం రిజర్వేషన్లు అయిదు గ్రూపులుగా వర్గీకరణ వంటి సున్నిత న్యాయ బద్దమైన అంశాలపై శాస్త్రీయ బద్ధంగా విచారణ జరుపవలసి ఉంది. వీటి సాధన కోసం రాష్ట్రంలోని అన్ని రాజకీయ పార్టీలు, కుల సం ఘాలు, సామాజిక సంఘాలు సకల జనులను ఒక్క తాటిపైకి తెచ్చి కేంద్ర ప్రభుత్వాన్ని ఒప్పిం చి ఏ విధంగా తెలంగాణ సాధించామో అదే విధంగా రిజర్వేషన్ల సమస్యను సాధించవలసి ఉంది. తమిళనాడులో అమలు జరుగుతున్న 69 శాతం రిజర్వేషన్ల మాదిరిగా తెలంగాణ రిజర్వేష న్లను ఎస్‌సి 15 శాతం, ఎస్‌టి 9శాతం, బిసి 50శాతం మొత్తం 74శాతం రిజర్వేషన్ చట్టాన్ని ఒకేసారి ఆమోదించి రాజ్యాంగం తొమ్మిదవ షె డ్యూల్‌లో చేర్చాలి లేదంటే 2019లో వచ్చే సార్వ త్రిక ఏన్నికలలో టీఆర్‌ఎస్‌కు తలనొప్పిగా మారే పరిస్థితి ఉంది. 

- కోడెపాక కుమార స్వామి
9490959625



రిజర్వేషన్ల కోసం 17ఏళ్ల బాలిక ప్రాణత్యాగం.. 

Updated By ManamTue, 09/11/2018 - 15:36
  • మరాఠి రిజర్వేషన్ల కోసం ఇంటర్ విద్యార్థిని ప్రాణత్యాగం..

  • హాస్టల్ గదిలో ఉరేసుకొని బలవన్మరణం.. సూసైడ్ నోట్‌ లభ్యం.. 

Class 11 girl, suicide, reservation, Maratha communityముంబై: మరాఠా రిజర్వేషన్ల కోసం డిమాండ్ చేస్తూ 17ఏళ్ల బాలిక ఆత్మహత్య చేసుకుంది. ఈ ఘటన అహ్మద్ నగర్ జిల్లాలో సోమవారం చోటుచేసుకుంది. రాధాభాయ్ కాలే ఉమెన్స్ కాలేజీలో ఇంటర్ చదువుతున్న కిషోరి బాబన్ కకడే హాస్టల్ గదిలోని సీలింగ్ ఫ్యాన్‌కు ఉరేసుకొని బలవన్మరణానికి పాల్పడినట్టు ఎస్పీ రంజన్ కుమార్ శర్మ తెలిపారు. ఘటనా స్థలంలో కిషోరి పక్కన సూసైడ్ నోట్‌ను పోలీసులు స్వాధీనం చేసుకున్నారు. మరాఠా కమ్యూనిటీల రిజర్వేషన్ల కోసం త్యాగం చేసుకుంటున్నట్టుగా సూసైడ్ నోట్‌లో ఉన్నట్టు పోలీసులు తెలిపారు.

ఈ ఏడాది 10వ తరగతి పరీక్షలో 89 శాతం మార్కులతో పాసైయ్యానని, కానీ, సైన్స్‌ విభాగంలో సీటు రాలేదని నోట్‌లో పేర్కొన్నట్టు ఎస్పీ శర్మ తెలిపారు. బాలిక కిషోరి తండ్రి పేదరైతు. కుమార్తె కాలేజీ అడ్మిషన్ కోసం నాన్ డివిజన్ కింద రూ.8వేలు చెల్లించాడు. తనకంటే 76 శాతం తక్కువ మార్కులు సాధించిన బాలికలకు రూ.1000తో రిజర్వడ్ కేటగిరీ కింద అడ్మిషన్ ఇచ్చారని వాపోయింది. మరాఠి కావడం కారణంగా తాను వివక్షకు గురైనట్టు కిషోరి ఆరోపించింది. తన ప్రాణత్యాగంతోనైనా మరాఠి కమ్యూనిటీలకు రిజర్వేషన్ల ఉద్యమానికి చేయూతనిస్తుందని ఆశిస్తున్నట్టు నోట్‌లో పేర్కొంది.  



కోటా కొట్లాట

Updated By ManamThu, 07/26/2018 - 01:33

కార్యకారణ సంబంధాల్లో ‘కార్యం’ కేంద్రంగా పరిష్కారించేందుకు ప్రయత్నిస్తే తాత్కాలిక ఉపశమనానికి దారితీస్తుందే గానీ శాశ్వత పరిష్కారాన్ని అందించ జాలదు. పైగా అలాంటి ప్రయత్నాల వల్ల శాశ్వత పరిష్కారం మరింత జటిల మవుతుంది. అయితే శాశ్వత పరిష్కారం కోసం ఎదురుచూస్తూ, సమకాలీన జరూరు సమస్యలకు తాత్కాలిక పరిష్కారం కోసం ప్రజలు ఎదురు చూస్తూ కూర్చోలేరు. కుల, మత, ప్రాంత, జెండర్ తదితర అస్తిత్వాలు తమ ఉనికి లేదా ఆత్మగౌరవం కోసం తరంగాలుగా ఉద్యమిస్తున్నాయి. ఈ నేపథ్యంలో మరాఠాల రిజర్వేషన్ ఉద్యమం మళ్ళీ రాజుకుంది. విద్య ఉద్యోగ రంగాల్లో మరాఠా సామాజికవర్గానికి రిజర్వేషన్లు డిమాండ్ చేస్తూ మహారాష్ట్రలో జరుగుతున్న ఆందో ళనలు హింసాత్మకంగా మారాయి. ఈ ఘర్షణల్లో ఒక కానిస్టేబుల్ మరణించగా, ముగ్గురు ఆందోళనకారులు ఆత్మహత్యలకు పాల్పడ్డారు. అయితే ‘మరాఠా క్రాంతి మోర్చా’ ప్రధాన డిమాండ్లను ప్రభుత్వం అంగీకరించిందని, రిజర్వేషన్లు కల్పించటానికి రాష్ట్ర ప్రభుత్వం సాధ్యమైనంత త్వరలో ఒక నివేదికను తయారు చేస్తోందని ఉన్నతాధికారులు ప్రకటించారు.

గతంలో మహారాష్ట్ర రైతుల మహా పాదయాత్ర (లాంగ్ మార్చ్) సందర్భంలోనూ రాష్ట్ర ప్రభుత్వం ఆందోళన కారుల డిమాండ్లన్నిటినీ ఆమోదించినట్లు ప్రకటించినా, ఇప్పటి దాకా ఒక్కదాన్ని కూడా పట్టించుకున్న పాపాన పోలేదు. ఈ అనుభవం నేపథ్యంలో హామీలతో సరిపెట్టకుండా ప్రభుత్వం తమ సమస్యల్ని పరిష్కరించేదాకా ఆందోళన సాగించా లనే పట్టుదలతో ఉన్నారు. దేశవ్యాప్తంగా అనేక ప్రాంతాల్లో రిజర్వేషన్ల వ్యతిరేక, అనుకూల, వర్గీకరణ ఉద్యమాలు పుట్టుకురావడంతో జాతీయ స్థాయిలో రిజర్వే షన్ల విధానాన్ని, లబ్ధిదారుల వర్గీకరణను పునఃసమీక్షించాల్సిన అవసరం ఏర్ప డింది. మహారాష్ట్రలో మరాఠాలతో పాటు రాజస్థాన్‌లో గుజ్జర్లు, ఆంధ్రప్రదేశ్‌లో కాపులు తదితర సామాజిక సమూహాలు రిజర్వేషన్ల కోటా కోసం ఉద్యమిస్తు న్నాయి. పర్యవసానంగా కొత్తగా కోటాను, పునఃవర్గీకరణ కోరుతున్న వర్గాలకు, అంతకుముందున్న ప్రజా సమూహాలకు మధ్య వైషమ్యాలు తలెత్తి, బడుగు బలహీన వర్గాల ఐక్యతకు విఘాతం కలిగే పరిణామాలు సంభవించాయి.  

రాష్ట్ర జనాభాలో 33 శాతంగా ఉన్న మరాఠా సామాజిక సమూహానికి ప్రభుత్వ ఉద్యోగాల్లో, విద్యాసంస్థల్లో రిజర్వేషన్లు కల్పించాలంటూ డిమాండ్ చేస్తూ మారాఠా సంఘాలు కొంతకాలంగా ఉద్యమిస్తున్నాయి. ‘మరాఠా క్రాంతి మోర్చా’ గత కొంతకాలంగా జల సమాధి తదితర రూపాల్లో నిరసనలు చేపడు తుండడం విదితమే. కాగా మరాఠాలకు రిజర్వేషన్లపై ప్రభుత్వం గత ఏడాది ఇచ్చిన హామీలను అమలు చేయాలంటూ సోమవారం నిరసనల్లో పాల్గొన్న 28 ఏళ్ళ రైతు కాకాసాహెబ్ షిండే ఔరంగాబాద్‌లో గోదావరి నదిలో దూకి ఆత్మ హత్యకు పాల్పడ్డాడు. అందుకు నిరసనగా మరాఠా సంస్థలు మంగళ, బుధ వారాలు రాష్ట్ర బంద్‌ను పాటించాయి. 1990 మండల్ కమిషన్ నివేదిక దేశంలో 52 శాతంగా ఉన్న ‘ఇతర వెనకబడిన వర్గాలు’ (ఓబీసీ)లకు కేంద్ర ప్రభు త్వంలోనూ, ప్రభుత్వ రంగసంస్థల్లోనూ 27 శాతం రిజర్వేషన్లు (ఎస్సీ, ఎస్టీ రిజర్వే షన్లను కలుపు కుంటే మొత్తం 49 శాతం రిజర్వేషన్లు) కల్పించవచ్చనే సూచనను కేంద్ర ప్రభుత్వం 1992లో అమలు చేసింది. అయితే దేశవ్యాప్తంగా అనేక సామాజిక సమూహాలు వివిధ రూపాల్లో కోటా కోసం ఉద్యమిస్తున్నాయి.

 మొత్తం రిజర్వేషన్లు 50 శాతానికి మించరాదని సుప్రీంకోర్టు తీర్పు ఉన్నప్పటికీ, రాజకీయ పక్షాలు తమ ఓటు బ్యాంకు ప్రయోజనాల కోసం వివిధ సామాజిక సమూహాల ఆశలు, ఆకాంక్షలను సంతృప్తి పరచేందుకు ఆయా కోటాలను పరిమితికి మించి పెంచు తున్నట్లు ప్రకటిస్తుండడమే కాక, శాసనసభల్లో తీర్మానాలు చేస్తున్నాయి. రిజర్వేషన్లపై పరిమితి విధిస్తూ సుప్రీంకోర్టు తీర్పు చెప్పిన నేపథ్యంలో అమలు కాని రిజర్వేషన్ కోటాలను కేటాయిస్తూ, న్యాయస్థానాల్లో చుక్కెదురైనప్పుడు పార్ల మెంట్‌లో రాజ్యాంగ సవరణలు చేయాలని అభ్యర్థిస్తూ చేతులు దులుపు కుంటున్నాయి. కోటా కేటాయింపులు పెంచేందుకు తమ పార్టీకి చిత్తశుద్ధి ఉందని, రాజ్యాంగపరిమితుల వల్ల అది సాధ్యం కావడం లేదని ఆయా సామాజిక సమూ హాలను బుజ్జగించేందుకు రాజకీయపక్షాలు ప్రయత్నిస్తూనే ఉన్నాయి. రాజస్థాన్‌లో గుజ్జర్లు ఉద్యమించి 21 శాతం ఓబీసీ, ఒక్క శాతం ఎమ్‌బీసీ రిజర్వేషన్ కోటాను సాధించారు. 

2017 ఆగస్టులో మరాఠాలు ఓబీసీ రిజర్వేషన్ కల్పించాలనే ఉద్యమంలో భాగంగా ఔరంగాబాద్ నిరసన ప్రదర్శన పెద్ద ఎత్తున జరుగుతున్న సమ యంలోనే అక్కడికి 180 కిలోమీటర్ల దూరంలోని కొపార్డిలో ముగ్గురు దళిత యువకులు 15 ఏళ్ళ మరాఠీ అమ్మాయిని అత్యాచారం, హత్య చేసిన ఉదంతం తీవ్ర సంచలనం సృష్టించింది. యుద్ధవీరులుగా ప్రసిద్ధి కెక్కి, క్షత్రియ సామాజిక హోదా అనుభవిస్తున్న మరాఠాలు ఓబీసీ కోటా కోసం ఉద్యమించడంపై రిజ ర్వేషన్ సామాజిక సమూహాలలో ప్రధానంగా ఎస్టీలలో తీవ్ర అసంతృప్తి చోటు చేసుకొని ఉన్న తరుణంలో ఈ అత్యాచారం, హత్య ఉదంతం ఆ వర్గాల మధ్య వైషమ్య పూరిత వాతావరణాన్ని ఏర్పరచింది. ఇదే క్రమంలో భీమా కోరేగాం, బుద్రుక్ వివాదాలు మరాఠాలు, దళితులకు మధ్య వైషమ్యాలను తీవ్రతరం చేసింది. ఈ వైషమ్యాన్ని అడ్డుపెట్టుకుని సంఘపరివార్ సంస్థలు మరాఠాలను రెచ్చగొడుతూ దళిత, బలహీనవర్గాలపై దాడులకు పాల్పడుతున్నట్లు అనేక కథ నాలు వచ్చాయి. అదే సమయంలో ఎస్సీ రిజర్వేషన్ హోదాలో ఉన్న మాల- మాదిగ తదితర సమూహాల మధ్య వర్గీకరణ చిచ్చు రగిలింది. పట్టపు మత్య్స కారులు, చాకలి తదితర కుల సమూహాల వాళ్ళు తమను ఎస్టీలుగా పరిగణిం చాలని ఎప్పటి నుంచో డిమాండ్ చేయడంపై ఇదివరకటి నుంచి ఎస్సీలుగా ఉన్న సామాజిక సమూహాలు ఆగ్రహం వ్యక్తం చేస్తున్నాయి. ఎస్టీ రిజర్వేషన్ సమూ హాల్లోని అడవిలోని ఆదివాసీ జాతులకు, పట్టణ ప్రాంతాల్లోని లంబాడా తదితర ఆదివాసీ తెగలకు మధ్య ఒక యుద్ధవాతావరణం ఏర్పడింది. బీసీలలో మెజా రిటీ- మైనారిటీ (ఎంబీసీ) బీసీలకు మధ్య, బీసీ కేటగిరీలోకి చేర్చాలని డిమాండ్ చేస్తున్న ముస్లింలు, కాపులు- ఇతర వెనుకబడిన తరగతుల ప్రజానీకానికి మధ్య సరికొత్త వైరుధ్యాలు తలెత్తుతున్నాయి.

ప్రపంచ ఆర్థిక సామాజిక సంక్షోభం తీవ్రం కావడంతో యుద్దాలు- అంత ర్యుద్ధాలు, సామాజిక రాజకీయ అస్తవ్యస్తతకు పరిష్కారంగా మత, జాతి తదితర అస్తిత్వ దురహంకారాలతో ఫాసిస్టు/ఫాసిస్టు ధోరణి గల రాజ్యాలు ఉనికిలోకి వచ్చాయి. దానికి సమాంతరంగా రాజ్యంలోనే కాకుండా అంతర్జాతీయ సమాజం లో కూడా ఫాసిజం వ్యవస్థీకృతమైంది. భారత్ కూడా ఆ పరిణామాలకు మిన హాయింపు కాదు. వ్యవసాయ రంగం తీవ్ర సంక్షోభంలో కొట్టుమిట్టాడు తుండ డంతో గ్రామాలలోని చేతివృత్తులు, చిన్న వ్యాపారాలు ప్రపంచీకరణ దెబ్బకు కుదేలై కోట్లాది ప్రజల జీవన ప్రమాణాలు ఘోరంగా దెబ్బతిన్నాయి. ప్రపంచ ఆర్థిక సంక్షోభం కారణంగా వాణిజ్య, పారిశ్రామిక రంగాలు ఉదాసీనంగా మారడంతో దేశ ప్రజల జీవనప్రమాణాలు ఘోరంగా తయారయ్యాయి. దాంతో ఈ సంక్షోభం నుంచి బయటపడేందుకు సమాజంలోని వివిధ ప్రజా సమూ హాలు తమ అస్తిత్వం పునాదిగా పరిష్కారాలను డిమాండ్ చేస్తూ ఉద్యమించడం ప్రారంభించారు. మహారాష్ట్ర రైతాంగ లాంగ్ మార్చ్ కూడా అందులో భాగమే.

 దేశ ప్రత్యేకతలకు తగినట్లు కులం, మతం రూపంలో సమాజంలో ఫాసిజం వివృతమవుతుండడం ప్రజాస్వామిక వాదులకు ఆందోళన కలిగిస్తోంది. ‘కార్యం’ కేంద్రిత అస్తిత్వ ఉద్యమాలు వాటికవే మౌలిక సామాజిక మార్పును తీసుకు రాగలవని భావించడం చారిత్రక అర్థరాహిత్యమే కానీ వేరొకటి కాదు. సామాజి కార్థిక సంబంధాల పాదార్థిక ‘కారణం’, అస్తిత్వ ఉద్యమాల రూపంలోని ‘పర్యవ సానం’ లేదా ‘కార్యం’-ఈ రెండింటి పునాదిగా సమగ్ర సామాజిక విప్లవం కోసం కృషిచేయవలసిన చారిత్రక అవసరాన్ని గుర్తించాలి. సార్వత్రక ఎన్నికలు సమీ పిస్తున్న సమయంలో కుల, మత, జాతి తదితర అస్తిత్వాల ప్రాతిపదికన సామా జిక వైషమ్యాలు రెచ్చగొట్టి ఓటు బ్యాంకులను సృష్టించుకోవాలని చూస్తున్న వివిధ అస్తిత్వ ఉద్యమ సంస్థలు, రాజకీయ పార్టీల కార్యకలాపాల పట్ల ప్రజలు అప్రమత్తంగా ఉండాలి. మహారాష్ట్ట్ర పరిణామాల నుంచి గుణపాఠం తీసుకోవాలి.



కొత్త డిమాండ్లతో టీఆర్ఎస్ ఎంపీల ఆందోళన

Updated By ManamTue, 03/06/2018 - 12:13

trs-mps-protest-in-lok-sabhaన్యూఢిల్లీ : పార్లమెంట్ ఉభయ సమావేశాలు రెండో రోజు కూడా ఏపీ ఎంపీల నిరసనల మధ్య వాయిదా పడ్డాయి. ఓ వైపు ఏపీకి ప్రత్యేక హోదా ఇవ్వాలని డిమాండ్ చేస్తూ ఆందోళనకు దిగగా.. మరోవైపు లోక్‌సభలో టీఆర్‌ఎస్ ఎంపీలు కూడా ఆందోళనకు దిగారు.  పార్లమెంట్ ఆవరణలోని గాంధీ విగ్రహం దగ్గర గులాబీ పార్టీ ఎంపీలు ధర్నాకు దిగారు. రిజర్వేషన్ల అమలు అధికారం రాష్ట్రాలకు అప్పగించాలని డిమాండ్ చేస్తూ ధర్నా చేయడం జరిగింది. సభ ప్రారంభమైన కొద్దిసేపటికే టీఆర్‌ఎస్ ఎంపీలు.. రిజర్వేషన్ల అమలు రాష్ర్టాలకే అప్పగించాలంటూ నినదిస్తూ ప్లకార్డులు ప్రదర్శించారు.

రాష్ట్రంలో ఆరోగ్య విధానం, విద్యా విధానం, వ్యవసాయ విధానం, అర్బన్ డెవలప్‌మెంట్, రిజర్వేషన్ల నియామకం రాష్ట్రాలకు అప్పగించాలని సీఎం కేసీఆర్ డిమాండ్ చేసిన సంగతి తెలిసిందే. ఢిల్లీలో పెత్తనం పెట్టుకుని చిల్లరమల్లర రాజకీయ లబ్ధి కోసం 130 కోట్ల మంది ప్రజల ఘోసను రెండు పార్టీలు పోసుకుంటున్నాయని ఆవేదన వ్యక్తం చేశారు.



చట్టసభల్లో దళితులకు రిజర్వేషన్ లోపిస్తే?!

Updated By ManamTue, 01/02/2018 - 22:14

reservationచరిత్రను చరిత్రగా చదువుకుంటే ఏమో కానీ, వర్తమానంలోంచి చరిత్రలోకి తొంగి చూడడం చాలా ఆసక్తికరంగా ఉంటుంది. చట్టసభల్లో ముస్లిం ప్రతినిధుల సంఖ్య తగ్గిపోతుండడం కొంతకాలంగా చర్చలో ఉన్నప్పటికీ, ఏకంగా ముస్లిం ఓటే సోదిలోకి రాకపోవడం 2017 గుజరాత్ ఎన్నికలలో ప్రముఖంగా చర్చలోకి వచ్చింది. ఒకసారి 1916కు వెడితే, అల్పసంఖ్యాక మతస్థులకు కూడా చట్టసభల్లో రిజర్వేషన్ కల్పించి సత్వర స్వయంపాలనకు కలసి కృషి చేయాలని కాంగ్రెస్-ముస్లిం లీగ్‌ల మధ్య ఆ ఏడాదే లక్నోలో ఒప్పందం కుదిరింది. అంటే, ముస్లింలు సహా అల్పసంఖ్యాక మతస్థులకు చట్టసభల్లో రిజర్వేషన్ కల్పించే ఆలోచన అంతరించి, చివరికి ముస్లిం ఓటు కూడా చెల్లని నోటుగా మారిపోయే పరిస్థితి 2017 నాటికి వచ్చిందన్నమాట. రాజ్యాంగరక్షణ ఉంది కనుక ముస్లింల ఓటుహక్కుకు ఢోకా లేదను కున్నా, ఆ హక్కును తమ సామూహిక ప్రయోజనాల కోసం వ్యూహాత్మకంగా వాడుకునే అవకాశం, తద్వా రా తమ రాజకీయ అస్తిత్వాన్ని చాటుకునే అవకాశం వారికి లోపిస్తున్నాయన్నమాట. ఆ విధంగా వారు ప్రాబల్యవర్గాల  ఆశ్రితజనంగా, రెండో తరగతి పౌరులు గా మారుతున్నారన్నమాట. ఈ సందర్భంలో  తలెత్తే ఇంకొక ఆసక్తికరప్రశ్న ఏమిటంటే, భారత రాజ్యాంగం ఎస్సీ, ఎస్టీలకు చట్టసభల్లో  సీట్లు రిజర్వ్ చేసి ఉండక పోతే వారి పరిస్థితి కూడా ఇలాగే ఉండేది కాదా అని! 

ముస్లింల ఇప్పటి అనుభవం నుంచి చూసినప్పుడు, దళితుల విషయంలో గాంధీ కన్నా అంబేడ్కర్ ఎక్కువ ముందుచూపుతో, ఆచరణ దృష్టితో వ్యవహరించారని రుజువవుతోంది. గాంధీ ఆదర్శవాదమే నెగ్గి, ఎస్సీ, ఎస్టీలకు చట్టసభల్లో రిజ ర్వేషన్ కల్పించి ఉండకపోతే, వారు కూడా రెండవ తరగతి పౌరులుగా మిగిలిపోయి ఉండేవారేమో! ఇప్పుడు బీజేపీ సహా హిందుత్వవర్గాలు ముస్లింల విషయంలో సరిగ్గా గాంధీ తరహా ఆదర్శవాదాన్నే బాహాటంగా నొక్కి చెబుతున్నాయి.

చట్టసభల్లో రిజర్వేషన్ డిమాండ్ మొదట తలెత్తినది ముస్లింల నుంచే. 1906లో ఢాకాలో ఏర్ప డిన ముస్లిం లీగ్ ప్రధాన డిమాండ్లలో ముస్లింలకు ప్రత్యేక నియోజకవర్గాలు ఒకటి. ఆ మేరకు 1916లో కుదిరిన లక్నో ఒప్పందానికి రూపకర్తలు తిలక్, జిన్నా, అనిబిసెంట్‌లు కాగా; సమర్థకుడు గాంధీ. అయితే, ఉభయపక్షాలకూ కొన్ని అభ్యంతరాలు ఉండ డంతో 1931 నాటికి కూడా అది సాకారం కాలేదు. అదే ఏడాది, లండన్‌లో జరిగిన రౌండ్ టేబుల్ సమ్మేళనంలో గాంధీకి సవాలుగా మారింది, ఈ డిమాండ్ కాదు; దళితులకు ప్రత్యేక నియోజక వర్గాలన్న అంబేడ్కర్ డిమాండ్. అంబేడ్కర్ సార థ్యంలో అప్పుడు జరిగిన అల్పసంఖ్యాకుల ఒప్పం దం, భారత్‌లోని ముస్లింలకు, దళితులకే కాక, క్రైస్తవులకు, ఆంగ్లో-ఇండియన్లకు, భారత్‌లో స్థిరపడిన యూరోపియన్లకు కూడా ప్రత్యేక నియోజకవర్గాలను కోరింది. దళితులకు అసలు సిసలు ప్రతినిధిని తనేనన్న గాంధీ, అస్పృశ్యతకు వ్యతిరేకంగా సవర్ణ హిందువులలో సంస్కరణ తేవడానికి తను చేస్తున్న ప్రయత్నాలను ప్రత్యేక నియోజకవర్గాలు నీరుగారుస్తా యనీ, హిందువులను సాయుధ శిబిరాలుగా చీల్చి వేస్తాయనీ, తమపై ఆధారపడి జీవించే దళితులపై అగ్రవర్ణాలు ప్రతీకారానికి దిగి అణచివేస్తాయనీ, ఆ నేరంలో తను దోషిని కాలేననీ వాదించారు. అంబేడ్కర్  వైపే మొగ్గు చూపిన బ్రిటిష్ ప్రభుత్వం దళితులకు, అల్పసంఖ్యాక మతస్థులకు ప్రత్యేక నియోజక వర్గాలను ఆమోదిస్తూ 1932లో ‘కమ్యూ నల్ అవార్డ్’ను ప్రకటించింది. పుణెలోని ఎరవాడ జైలులో ఉన్న గాంధీ దానిపై తీవ్రంగా స్పందిస్తూ ఆమరణ నిరశనకు దిగారు. ఉమ్మడి నియోజక వర్గాలకైనా అంగీకరిస్తాను కానీ, దళితులకు దళితులు మాత్రమే వోటువేసే ప్రత్యేక నియోజకవర్గాలను అంగీకరించననీ, అందుకు ప్రతిగా దళితులకు బ్రిటిష్ ప్రభుత్వం ఇవ్వజూపిన సీట్ల కన్నా ఎక్కువ సీట్లు ఇవ్వడానికి సమ్మతిస్తాననీ స్పష్టం చేశారు. గాంధీ నిరశనతో దేశవ్యాప్తంగా వచ్చిన ఒత్తిడికి తలవొగ్గిన అంబేడ్కర్, ప్రత్యేక నియోజకవర్గాలకు బదులు ఉమ్మడి నియోజకవర్గాలను ఆమోదించవలసి వచ్చింది. ‘పుణె ఒప్పందం’గా అది ప్రసిద్ధమైంది. 
అంటే, ఏం జరిగిందన్నమాట! దేశం స్వతంత్రమై, నూతన రాజ్యాంగంలోకి అడుగుపెట్టేసరికి ముస్లిం నియోజకవర్గాల (ప్రత్యేకంగానా, ఉమ్మడి గానా అన్నది అలా ఉంచితే) ప్రతిపాదన అదృశ్యమై, మొదట్లో గాంధీ సుతరామూ ఇష్టపడని చట్టసభలలో దళితుల రిజర్వేషన్ నిజమైంది. స్వాతంత్య్ర పోరాటంలో ముస్లిం సాయం కోసం వారికి ప్రత్యేక నియోజకవర్గాల ఆలోచన చేయడం అప్పటికి అర్థ వంతమనిపించి, దేశవిభజన జరిగాక ఆ అవసరం కనిపించి ఉండకపోవచ్చు, లేదా దేశవిభజన కలి గించిన  భావోద్వేగాల మధ్య ముస్లింలకు చట్టసభల్లో రిజర్వేషన్ కల్పించే సాహసం లోపించి ఉండవచ్చు. కారణం ఏమైనా, మతప్రాతిపదికపై రిజర్వేషన్లను రాజ్యాంగం వ్యతిరేకించింది. రాజకీయపక్షాలు ఐచ్ఛి కంగా తమకు ఎన్నికలలో టికెట్ ఇవ్వగల అవకాశం ఒక్కటే ముస్లింలకు మిగిలింది. ఆయా రాష్ట్రాలలోని కొన్ని ముస్లిం ప్రాంతాలలో ప్రభావం చూపగల ముస్లిం పార్టీలను అలా ఉంచితే, కేంద్రంలో, అనేక రాష్ట్రాలలో చాలాకాలంపాటు కాంగ్రెస్ అధికారమే కొనసాగింది కనుక, ముస్లింలతో ఆ పార్టీకి ముందు నుంచీ ఉన్న బంధమూ, సెక్యులర్ భావన, లేదా ఓట్ల అవసరాల కారణంగానే కావచ్చు;  ముస్లింలకు యథాశక్తి టికెట్లు ఇచ్చి చట్టసభల్లో ప్రాతినిధ్యం కల్పిస్తూ వచ్చింది. ఇతర సెక్యులర్ పార్టీలు కూడా ఆ ఒరవడిని అనుసరించాయి. కానీ బీజేపీ అధికార విస్తరణతో మతప్రాతిపదికపై జనంలో చీలిక పదు నెక్కి మెజారిటీ మతస్థులను ఒకే వోటుబ్యాంకుగా సమీకరించే అవకాశం ఉన్న ప్రతి చోటా, కాంగ్రెస్ తదితర పక్షాలు కూడా మెజారిటీ మతస్థుల వోటు వేటలో పడి, ఆ మేరకు ముస్లింలను ‘దూరం’గా  ఉంచే పరిస్థితి ఏర్పడింది.  ముస్లిం అభ్యర్థుల సంఖ్య తగ్గడం, వారి వోటు ఆరోవేలుగా మారిపోవడం దాని క్రమపరిణామాలే. గుజరాత్ ఎన్నికలలో కనిపించింది అదే. మత ప్రాతిపదికపై మెజారిటీ ప్రజలు ఒక అతి పెద్ద ఓటు బ్యాంకుగా మారిపోగల అవకాశాన్నీ; ఫలితంగా, దేశ జనాభాలో (2011 లెక్కలప్రకారం) 14 శాతానికి పైగా ఉన్న ఒకవర్గం చట్టసభల్లో ప్రాతిని ధ్యాన్నే కాక, తమ వోటు ప్రభావాన్నీ, తద్వారా ప్రజాస్వామిక రాజకీయ అస్తిత్వాన్నీ కూడా కోల్పోగల పరిస్థితినీ రాజ్యాంగకర్తలు ఊహించకపోవడం ఆశ్చర్యకరమే. 

దళిత నియోజకవర్గాలను వ్యతిరేకించడానికి గాంధీ చెప్పిన కారణాలూ విచిత్రంగానే కనిపిస్తాయి. రాజ్యాంగబద్ధ ప్రజాస్వామిక పాలనను తెచ్చు కుంటున్న స్వతంత్ర భారతదేశంలో అందరి హక్కులకూ రక్షణ లభిస్తుందని, లభించాలనీ, అది ప్రభు త్వాల బాధ్యత అనీ ఆయనకు తెలియదని భావించలేం. అయినాసరే, దళితులకు (ప్రత్యేకంగానే కానీ, ఉమ్మడిగా కానీ) నియోజకవర్గాలు కేటాయిస్తే, హిందువులు సాయుధ శిబిరాలుగా చీలి, అగ్రవర్ణాల ఆధిపత్యం కింద దళితుల బతుకు ఇంకా దుర్భర మవుతుందని ఆయన అనడం బెదిరింపుగా ధ్వనిస్తుంది తప్ప, హేతుబద్ధంగా కనిపించదు. అంత వరకూ యావద్భారతీయులకూ తనే ఏకైక ప్రతినిధి ననుకున్న గాంధీ ఎట్టకేలకు జిన్నా ప్రభావాన్ని గుర్తించి ముస్లిం నాయకత్వాన్ని ఆయనకు విడిచి పెట్టినా, దళిత నాయకత్వ విషయంలో మాత్రం అంబేడ్కర్‌తో హోరాహోరీకి దిగారు. చివరికది తన అహాన్ని గాయపరిచే ఘర్షణగా పరిణమించడం వల్లనే ఆయన ఇలా హేతుబద్ధం కాని బెదిరింపులకు దిగా రని భావించే అవకాశమూ ఉంది. ఇంకోవైపు, సవర్ణ హిందువుల సంస్కరణకు తను చేస్తున్న కృషి ఫలించి; వారికీ, దళితులకూ మధ్య సరికొత్త స్నేహ వారధి ఏర్పడుతుందని -ఒక ఆదర్శవాదిగా ఆయన నిజంగానే నమ్మి ఉండవచ్చు. స్వాతంత్య్రం వచ్చిన ఇన్నేళ్లలో అది ఏర్పడిన దాఖలాలు లేవు. 

కనుక, ముస్లింల ఇప్పటి అనుభవం నుంచి చూసినప్పుడు, దళితుల విషయంలో గాంధీ కన్నా అంబేడ్కర్ ఎక్కువ ముందుచూపుతో, ఆచరణ దృష్టితో వ్యవహరించారని రుజువవుతోంది. గాంధీ ఆదర్శవాదమే నెగ్గి, ఎస్సీ, ఎస్టీలకు చట్టసభల్లో రిజ ర్వేషన్ కల్పించి ఉండకపోతే, వారు కూడా రెండవ తరగతి పౌరులుగా మిగిలిపోయి ఉండేవారేమో! ఇప్పుడు బీజేపీ సహా హిందుత్వవర్గాలు ముస్లింల విషయంలో సరిగ్గా గాంధీ తరహా ఆదర్శవాదాన్నే బాహాటంగా నొక్కి చెబుతున్నాయి. వారి రాజకీయ అస్తిత్వానికి, హక్కులకు ప్రతిగా ‘అభివృద్ధి’ని ఎర వేస్తున్నాయి. రెండు దశాబ్దాల బీజేపీ పాలనలో గుజరాత్ ముస్లింలలోని ఒకవర్గం ఈ వైఖరితో సమాధానపడి, తమకు రాజకీయ ప్రాతినిధ్యం కన్నా అభివృద్ధే ముఖ్యమని అంతే బాహాటంగా చెబు తోంది. మెజారిటీ మతస్థులు ఒకే వోటు బ్యాంకుగా మారే క్రమం దేశమంతటా విస్తరించి నప్పుడు ముస్లింలు ఇలా సమాధాన పడడం దేశవ్యాప్తమవుతుంది. అప్పుడు, ‘హిందూస్థాన్‌లోని విదేశీ జాతులు హిందూజాతిలో కలసి పోవాలనీ, లేదా పౌరహక్కులు సహా అన్ని హక్కులకూ దూరం కావాలనీ’ అన్న ఆర్.ఎస్.ఎస్ నేత గోల్వాల్కర్ (‘వుయ్ ఆర్ అవర్ నేషన్‌హుడ్ డిఫైన్డ్’ అనే రచనలో) ఆకాంక్ష నిజమవుతుంది. రిజర్వేషన్ లోపించి, దళితుల విషయంలో కూడా అదే జరిగినప్పుడు దేశ దృశ్యం ఎలా ఉంటుందన్నదే ఈ సందర్భంలో ఆసక్తిని రేపే ప్రశ్న. 
                                                                                                                
కల్లూరి భాస్కరం 
9703445985



ఆన్‌లైన్‌లో రైల్వే రిజర్వేషన్లకు ఎస్‌బీఐ, ఐసీఐసీఐ డెబిట్ కార్డులు చెల్లవు

Updated By ManamSun, 09/24/2017 - 19:36

న్యూఢిల్లీ: డెబిట్ కార్డుల ద్వారా ఆన్‌లైన్ రైల్వే టికెట్ల బుకింగ్ విధానాన్ని రైల్వే శాఖ మరింత కఠినతరం చేసింది. పలు బ్యాంకులను డెబిట్ కార్డ్ పేమెంట్ గేట్‌వే నుంచి తొలగించింది. ఇందులో ఎస్‌బీఐ, ఐసీఐసీపై బ్యాంకులు కూడా ఉండటం గమనార్హం. ఆయా బ్యాంకులు వినియోగదారుల నుంచి వసూలు చేసే కన్వీనియన్స్ ఫీజులో వాటా ఇచ్చేందుకు నిరాకరించడంతో ఈ నిర్ణయం తీసుకున్నామని రైల్వే అధికారులు తెలిపారు.

సాధారణంగా ఆన్‌లైన్‌లో టికెట్ బుకింగ్ సదుపాయం కల్పించినందుకు గాను ఇండియన్ రైల్వే కేటరింగ్ అండ్ టూరిజం కార్పొరేషన్ రూ.20 మేర కన్వీనియన్స్ ఫీజు వసూలు చేసేది. అయితే, పెద్ద నోట్ల రద్దు తరవాత ఈ ఫీజు తీసుకోవటం లేదు. అయితే బ్యాంకులు వసూలు చేస్తున్న కన్వీనియన్స్ ఫీజులో తమకూ కొంత వాటా దక్కుతుందని భావించినా అవి నిరాకరించడంతో ఈ నిర్ణయం తీసుకున్నట్లు తెలిసింది.





Related News