padma awards

ఇసైజ్ఞానికి పద్మ విభూషణ్ అవార్డు

Updated By ManamTue, 03/20/2018 - 19:17

i1న్యూఢిల్లీ: రాష్ట్రపతి భవన్‌లో పద్మ అవార్డుల ప్రదానోత్సవం ఘనంగా జరిగింది. ఈ కార్యక్రమానికి రాష్ట్రపతితో పాటు ప్రధాని కూడా హాజరయ్యారు. సంగీత దర్శకుడు ఇళయరాజాకు పద్మ విభూషణ్‌ను రాష్ట్రపతి ప్రదానం చేశారు. క్రికెటర్ ధోనీకి పద్మభూషణ్ దక్కింది. సంగీత విభాగంలో గులాబ్ ముస్తఫాఖాన్‌కు పద్మ విభూషణ్, సాహిత్యరంగంలో పరమేశ్వరన్‌కు పద్మ విభూషణ్, షట్లర్ కిడాంబి శ్రీకాంత్‌కు పద్మశ్రీ, టెన్నిస్ ప్లేయర్ సోమ్‌దేవ్ దేవ్‌వర్మన్‌కు పద్మశ్రీ అవార్డులను రాష్ట్రపతి ప్రదానం చేశారు. ఈ కార్యక్రమానికి ఎల్‌కే అద్వానీ, ఉపరాష్ట్రపతి వెంకయ్యనాయుడు, హోం మంత్రి రాజ్‌నాథ్ సింగ్‌తో పాటు పలువురు ప్రముఖులు హాజరయ్యారు. పద్మ విభూషణ్ అందుకోవడంపై సంగీత దర్శకుడు ఇళయరాజా సంతోషం వ్యక్తం చేశారు. ఇళయరాజా జూన్ 2, 1943లో తమిళనాడులోని మధురై జిల్లా పన్నైపురంలో జన్మించారు. తన 30ఏళ్ల సినీ ప్రస్థానంలో దాదాపు 5వేల పాటలకు, 1000 సినిమాలకు సంగీత దర్శకత్వం వహించారు. ఉత్తమ సంగీత దర్శకుడిగా నాలుగుసార్లు జాతీయ అవార్డు అందుకున్నారు. 



‘ఇశై జ్ఞాని’కి పద్మ విభూషణ్

Updated By ManamFri, 01/26/2018 - 08:08

padmavibushan కేంద్ర ప్రభుత్వం 2018గాను ప్రతిష్ఠాత్మక పౌర పురస్కారం ‘పద్మ’ అవార్డులకు ఎంపికైనవారి పేర్లను గురువారం ప్రకటించింది. వీరిలో కొదరు విదేశీయులు, భారత సంతితి ప్రముఖులు, ప్రవాస భారతీయులు కూడా ఉన్నారు. అత్యున్నతమైన పద్మ విభూషణ్ పురస్కారం ప్రముఖ సంగీత దర్శకుడు ‘ఇశై జ్ఞాని’ ఇళయరాజా, మరో సంగీత విద్వాంసుడు గులాం ముస్తఫాఖాన్‌లతోపాటు పరమేశ్వరన్ (సాహిత్యం-విద్య)ను వరించింది. ఈ ఏడాది ‘అజ్ఞాత ధీరోదాత్తుల’ను పద్మ పురస్కారంతో గౌరవిస్తామన్న హామీకి అనుగుణంగా 85 మంది పేర్లతో గురువారం జాబితాను విడుదల చేసింది.

ఈ మేరకు ముగ్గురికి పద్మ విభూషణ్, 9 మందికి పద్మభూషణ్, 73 మందికి పద్మశ్రీ పురస్కారం అందజేయనున్నట్లు వెల్లడించింది. ఏటా గణతంత్ర దినోత్సవం సందర్భంగా వివిధ రంగాల్లో విశిష్ట సేవలందించినవారికి పద్మ పురస్కారాలు ప్రకటించడం ఆనవాయితీ. ఇందులో భాగంగా ప్రకటించిన పద్మభూషణ్ అవార్డు పొందిన దిగ్గజాల్లో మహేంద్ర సింగ్ ధోనీ (క్రికెట్), పంకజ్ అద్వానీ (బిలియర్డ్స్-స్నూకర్), ఫిలిపోస్ మార్ క్రిసోస్తోమ్ (ఆధ్యాత్మిక రంగం), అలెగ్జాండర్ కడాకిన్ (పబ్లిక్ అఫెయిర్స్-మరణానంతరం), రామచంద్రన్ నాగస్వామి (ఆర్కియాలజీ), వేద్‌ప్రకాశ్ నందా (సాహిత్యం-విద్య), లక్ష్మణ్ పాయ్ (చిత్రకళ), అరవింద్ పారిఖ్, శారదా సిన్హా (కళలు-సంగీతం) ఉన్నారు.

ఈ ఏడాది కొత్త విధానం
పద్మ అవార్డుల కోసం రాష్ట్ర ప్రభుత్వాలతో పాటు కేంద్రపాలిత ప్రాంతాలు, కేంద్ర మంత్రిత్వశాఖలు సహా భారతరత్న, పద్మ విభూషణ్ అవార్డులు పొందినవారు, గవర్నర్లు, కేంద్ర-రాష్ట్ర మంత్రులు, ఎంపీలు కూడా అర్హుల పేర్లను ప్రతిపాదించవచ్చు. ఈ ఏడాది తొలిసారి స్వీయ ప్రతిపాదన అవకాశం కల్పించడంతో సుమారు 15,700కుపైగా దరఖాస్తులు వచ్చాయని ఒక అధికారి తెలిపారు. ఈ ప్రతిపాదనలన్నిటినీ ప్రధానమంత్రి ఏర్పాటు చేసిన పద్మ అవార్డుల కమిటీ పరిశీలించి తుది నిర్ణయం ప్రకటించింది.   ఈసారి పద్మ అవార్డులలో అత్యధికం కర్ణాటక రాష్ట్రానికి దక్కగా, మహారాష్ట్ర రెండో స్థానంలో ఉంది. అలాగే 14 మంది విదేశీయులు కూడా ఈ పురస్కారానికి ఎంపిక కావడం విశేషం.



ధోనీకి పద్మభూషణ్.. శ్రీకాంత్‌కు ‘పద్మశ్రీ’

Updated By ManamThu, 01/25/2018 - 23:22
  • ధోనీకి పద్మభూషణ్ 

  • పద్మ అవార్డులను ప్రకటించిన కేంద్ర ప్రభుత్వం

ms dhoniన్యూఢిల్లీ: గణతంత్ర దినోత్సవం సందర్భంగా కేంద్ర ప్రభుత్వం వివిధ రంగాలకు చెందిన 85 మంది ప్రముఖులకు ప్రతిష్టాత్మక పద్మ పౌర పురస్కారాలను ప్రకటించింది. ఇందులో క్రీడా రంగానికి సంబంధించి తెలుగు తేజం, హైదరాబాద్ స్టార్ షట్లర్ కిదాంబి శ్రీకాంత్‌కు పద్మశ్రీ అవార్డు లభించింది. గతేడాది శ్రీకాంత్ అద్భుత ప్రతిభ కనబరిచాడు. ఒకే క్యాలెండర్ ఇయర్‌లో నాలుగు సూపర్ సిరీస్ టైటిళ్లు గెలిచిన భారత తొలి షట్లర్‌గా ఘనత సాధించాడు. టీమిండియా మాజీ కెప్టెన్, జార్ఖండ్ క్రికెటర్ మహేంద్ర సింగ్ ధోనీకి పద్మభూషణ్ అవార్డు వరించింది. గత ఏడాది ఆస్ట్రేలియా, న్యూజిలాండ్, ఇంగ్లండ్ జట్లతో జరిగిన సిరీస్‌లలో ధోనీ తన తెలివైన ఎత్తుగడలను, జట్టుకు తనవంతు సహకారాన్ని అందిస్తూ టీమిండియాకు అండగా నిలిచాడు.

త్రిపురకు చెందిన భారత టెన్నిస్ ప్లేయర్ సోమ్‌దేవ్ దేవ్‌వర్మన్‌కు పద్మశ్రీ అవార్డు లభించింది. మహారాష్ట్రకు చెందిన స్విమ్మర్ మురళీ కాంత్ పెట్కర్‌కు కూడా పద్మశ్రీ అవార్డు లభించింది. ఈయన 1972లో జర్మనీలో జరిగిన పారాలింపిక్స్‌లో భారత్‌కు తొలి పారాలింపిక్ స్వర్ణ పతకాన్ని అందించారు. 50 మీటర్ల ఫ్రీ స్టైల్‌లో 37.33 సెకన్లతో వరల్డ్ రికార్డును నెలకొల్పారు. అంతేకాకుండా అదే ఒలింపిక్స్‌లో మరో మూడు (జావెలిన్, ప్రెసిషన్ జావెలిన్, స్లాలోమ్) ఈవెంట్లలో ఈయన ఫైనలిస్ట్‌గా నిలిచారు. అంతేకాకుండా భారత ఆర్మీలో ఈయన ఎలక్ట్రానిక్స్ అండ్ మెకానికల్ ఇంజినీరింగ్‌లో జవాన్‌గా పనిచేశారు. 1965లో జరిగిన ఇండియా, పాకిస్థాన్ యుద్ధంలో ఈయనకు వెన్నెముకలో బుల్లెట్ దిగడం వల్ల చేతిని కోల్పోయారు.



పద్మ అవార్డ్స్‌ను ప్రకటించిన కేంద్రం

Updated By ManamThu, 01/25/2018 - 20:12

padma awardsన్యూఢిల్లీ: గణతంత్ర దినోత్సవాన్ని పురస్కరించుకుని కేంద్ర ప్రభుత్వం 2017 సంవత్సరానికి గానూ పద్మ అవార్డులను ప్రకటించింది. పలు రంగాల్లో సేవలందించిన వారికి ఈ అవార్డులను ప్రకటించింది. సంగీత దర్శకుడు ఇళయరాజాకు పద్మ విభూషణ్ దక్కింది. పద్మ అవార్డులకు అర్హులైన వారిగా ప్రకటించిన వారి వివరాలివే..

భజ్జు శ్యామ్(పెయింటర్)(మధ్యప్రదేశ్)
అర్‌వింద్ గుప్తా(శాస్త్రవేత్త)(మహారాష్ట్ర)
సుదాన్ష్ బిస్వాస్(సేవారంగం)(పశ్చిమబెంగాల్) 
సుభాషిణి మిస్త్రీ(సేవారంగం)
లక్ష్మీకుట్టి(వైద్యరంగం)(కేరళ)
రాజగోపాలన్ వాసుదేవన్(సేవారంగం)(తమిళనాడు)
సలగత్తి నరసమ్మ(జనని అమ్మ)(కర్ణాటక)
విజయలక్ష్మి నవనీతకృష్ణన్(తమిళ్ ఫోక్ ఎన్‌సైక్లోపీడియా)(తమిళనాడు)
మురళీకాంత్(క్రీడారంగం)

 





Related News