congress

రాహుల్ పర్యటనలో మార్పులు

Updated By ManamThu, 10/18/2018 - 19:27
Small Changes in Rahul Gandhi Telangana Tour

హైదరాబాద్ : ఏఐసీసీ అధ్యక్షుడు రాహుల్ గాంధీ తెలంగాణ రాష్ట్ర పర్యటనలో స్వల్ప మార్పులు చోటుచేసుకున్నాయి. ఈ నెల 20న ఆయన నాందేడ్ నుంచి నేరుగా బైంసాకు రానున్నారు. అక్కడ మధ్యాహ్నం 12.30 గంటల నుంచి 1.30 వరకూ తెలంగాణ కాంగ్రెస్ పార్టీ ఏర్పాటు చేసిన బహిరంగసభలో పాల్గొంటారు. అనంతరం మధ్యాహ్నం 2.30 గంటల నుంచి 3.30 గంటల వరకూ కామారెడ్డి బహిరంగ సభలో ప్రసంగిస్తారు. 

ఇక సాయంత్రం అయిదు గంటల నుంచి ఆరు గంటల వరకూ చార్మినార్ వద్ద రాజీవ్ సద్భావన దినోత్సవ కార్యక్రమంలో రాహుల్ పాల్గొంటారు. రాత్రి ఏడు గంటలకు శంషాబాద్ విమానాశ్రయం నుంచి ఢిల్లీ బయల్దేరి వెళతారు.



ఎన్డీ తివారీ కన్నుమూత

Updated By ManamThu, 10/18/2018 - 16:49
ND Tiwari passes away at Max Hospital in Saket in Delhi

న్యూఢిల్లీ : ఉత్తరప్రదేశ్, ఉత్తరాఖండ్ మాజీ ముఖ్యమంత్రి, కాంగ్రెస్ పార్టీ సీనియర్ నేత ఎన్డీ తివారీ (93) కన్నుమూశారు. కొన్నాళ్లుగా తీవ్ర అనారోగ్యంతో బాధపడుతున్న ఆయన ఆస్పత్రిలో చికిత్స పొందుతూ గురువారం తుదిశ్వాస విడిచారు. ఢిల్లీ సాకేత్‌లోని మ్యాక్స్ ఆస్పత్రిలో చికిత్స పొందుతూ కన్నుమూశారు. ఆయన బ్రెయిన్‌లో రక్తస్రావం, మూత్ర పిండాల సమస్యతో బాధపడుతున్నారు. దీంతో ఆయనను కుటుంబసభ్యులు ఈ ఏడాది జూలై 8న మ్యాక్స్ ఆస్పత్రిలో చేర్చారు. అప్పటి నుంచి తివారీ ఆస్పత్రిలోనే చికిత్స పొందుతున్నారు.

1925 అక్టోబర్ 18న బ్రిటిష్ ఇండియాలోని బలూటీలో ఎన్డీ తివారీ జన్మించారు. ఎన్డీ తివారీ పూర్తి పేరు పండిట్ నారాయణ దత్ తివారీ. రెండు రాష్ట్రాలకు ముఖ్యమంత్రిగా పనిచేసిన ఘనత ఉంది. ఉత్తర ప్రదేశ్, ఉత్తరాఖండ్ రాష్ట్రాలకు సీఎంగా పనిచేశారు. కాంగ్రెస్ పార్టీలో అత్యంత కీలక నేతగా పనిచేసిన ఆయన  యూపీకి మూడుసార్లు ముఖ్యమంత్రిగా పనిచేశారు. 1976లో తొలిసారి ముఖ్యమంత్రి పదవి చేపట్టారు. 1984లో రెండోసారి, 1988లో మూడోసారి యూపీ ముఖ్యమంత్రిగా సేవలు అందించారు. 

దీంతో పాటు కేంద్రమంత్రిగా కూడా పనిచేసిన అనుభవం ఎన్డీ తివారీకి ఉంది. 1986లో విదేశీ వ్యవహారాల శాఖ మంత్రిగా పనిచేశారు. 1987 నుంచి 1988 వరకు కేంద్ర ఆర్థిక శాఖ మంత్రిగానూ పనిచేసిన అనుభవం ఉంది. యూపీ నుంచి ఉత్తరాఖండ్ విడిపోయిన తర్వాత ఆ రాష్ట్రానికి మూడో ముఖ్యమంత్రిగా ఎన్డీ తివారీ సేవలు అందించారు. 

2002 నుంచి 2007 మధ్య ఆయన ఉత్తరాఖండ్ సీఎంగా పనిచేశారు. అలాగే ఉమ్మది ఆంధ్రప్రదేశ్‌కు గవర్నర్‌గా 2007  2009 వరకూ పని చేశారు. ఎన్డీ తివారీ మృతి పట్ల కాంగ్రెస్ పార్టీ అధ్యక్షుడు రాహుల్ గాంధీ, యూపీఏ అధినేత్రి సోనియాగాంధీ, పలువురు పార్టీనేతలు సంతాపం తెలిపారు. అలాగే బీజేపీ జాతీయ అధ్యక్షుడు అమిత్ షా, బీజేపీ నేతలు సంతాపం వెలిబుచ్చారు.



కాంగ్రెస్‌ తీర్థం పుచ్చుకున్న షమీ భార్య

Updated By ManamWed, 10/17/2018 - 12:30

Hasin Jahanముంబయి: క్రికెటర్ మహ్మద్ షమీ భార్య హసీన్ జహాన్ రాజకీయాల్లోకి ఎంట్రీ ఇచ్చింది. ముంబయిలో కాంగ్రెస్ అధ్యక్షుడు సంజయ్ నిరుపమ్ సమక్షంలో ఆమె ఆ పార్టీ తీర్థం పుచ్చకుంది. అయితే కొన్ని నెలల క్రితం షమీపై హసీన్ మ్యాచ్‌ ఫిక్సింగ్ ఆరోపణలతో పాటు వేధింపు ఆరోపణలు చేసింది. అయితే ఫిక్సింగ్ విషయంలో బీసీసీఐ షమీకి క్లీన్ చిట్ ఇవ్వడంతో సైడ్ అయిపోయింది. ఆ తరువాత నుంచి షమీకి దూరంగా ఉంటున్న ఆమె మోడల్‌గా రీ ఎంట్రీ ఇచ్చింది. ప్రస్తుతం ఓ బాలీవుడ్ చిత్రంలోనూ నటిస్తున్న ఈ భామ, ఇప్పుడు రాజకీయాల్లో కూడా ఎంట్రీ ఇచ్చింది.  



గోవాలో కాంగ్రెస్‌కు షాక్

Updated By ManamTue, 10/16/2018 - 22:17
  • బీజేపీ గూటికి ఇద్దరు ఎమ్మెల్యేలు 

  • ఢిల్లీలో అమిత్ షాతో సమావేశం

  • మరికొందరు వస్తారని వెల్లడి

 Congressన్యూఢిల్లీ: గోవా అసెంబ్లీలో అతిపెద్ద పార్టీగా ఉన్న తమను ప్రభుత్వ ఏర్పాటుకు ఆహ్వానించాలని డిమాండ్ చేస్తున్న కాంగ్రెస్ పార్టీకి ఊహించని షాక్ తగిలింది. కాంగ్రెస్ పార్టీకి చెందిన ఇద్దరు ఎమ్మెల్యేలు సుభాష్ శిరోడ్కర్, దయానంద్ సటోపె ఆ పార్టీని వీడారు. మంగళవారం వీరిద్దరూ ఢిల్లీకి వెళ్లి బీజేపీ జాతీయ అధ్యక్షుడు అమిత్ షాను కలిశారు. అనంతరం తామిద్ద రూ బీజేపీలో చేరుతున్నట్టు ఎమ్మెల్యేలు ప్రకటిం చారు. అంతేగాక రాబోయే రోజుల్లో మరికొంత మంది కాంగ్రెస్ ఎమ్మెల్యేలు బీజేపీలో చేరుతారని బాంబు పేల్చారు. ఇద్దరు ముగ్గురు ఎమ్మెల్యేలు వస్తారని శిరోద్కర్ తెలిపారు. వీరిద్దరూ ఎమ్మెల్యే పదవులకు రాజీనామా చేశారు. గోవా అసెంబ్లీలో మొత్తం 40 సీట్లు ఉన్నాయి. కాంగ్రెస్‌కు 16 మంది ఎమ్మెల్యేలు ఉండగా, తాజాగా ఇద్దరు బీజేపీ గూ టికి చేరడంతో ఆ బలం 14కు పడిపోయింది. బీజే పీకి 14 మంది ఎమ్మెల్యేలు ఉండగా, ఎంజీపీ, జీఎఫ్‌పీలకు ముగ్గురు చొప్పున ఎమ్మెల్యేలు ఉన్నా రు. మరో ముగ్గురు ఇండిపెండెంట్లు, ఓ ఎన్‌సీపీ ఎమ్మెల్యే ఉన్నారు. కాగా తమ పార్టీకి చెందిన ఇద్ద రు ఎమ్మెల్యేలను బెదిరించి బీజేపీలో చేర్చుకున్నా రని కాంగ్రెస్ పార్టీ ఆరోపించింది. కాగా గత కొది ్దరోజులుగా ఢిల్లీలోని ఎయిమ్స్‌లో చికిత్స పొందు తున్న గోవా సీఎం మనోహర్ పారికర్ డిశ్చార్జి అయిన సంగతి తెలిసిందే. కొంతకాలంగా కేన్స ర్‌తో బాధపడుతున్న పారికర్ ప్రస్తుతం గోవాలోని తన ప్రైవేట్ నివాసంలో చికిత్స పొందుతున్నారు.



కేసీఆర్ మక్కీకి మక్కీ కాపీ కొట్టారు..

Updated By ManamTue, 10/16/2018 - 20:31
Uttam kumar reacts on trs election manifesto

హైదరాబాద్ : టీఆర్ఎస్ ఎన్నికల మేనిఫెస్టోపై కాంగ్రెస్ పార్టీ స్పందించింది. మక్కీకి మక్కి తమ మేనిఫెస్టోను కాపీ కొట్టారని తెలంగాణ పీసీసీ అధ్యక్షుడు ఉత్తమ్ కుమార్ రెడ్డి ఆరోపించారు. ఆయన మంగళవారం గాంధీభవన్‌లో మీడియా సమావేశంలో మాట్లాడుతూ...‘ నిరుద్యోగ భృతి ఇస్తామంటే మమ్మల్ని తప్పుబట్టిన కేసీఆర్ ఇప్పుడు తాను ఎలా హామీ ఇచ్చారు. మావి తప్పుడు హామీలన్న ఆయన ఇప్పుడేమి చెబుతారు. మా హామీలపై దక్షిణాది రాష్ట్రాల అన్ని బడ్జెట్‌లు కలిపినా సరిపోవన్న ఆయన ఇప్పుడేమి అంటారు?. రైతులు ఆత్మహత్య చేసుకుంటే ఒక్క కుటుంబాన్ని కూడా కేసీఆర్ పరామర్శించలేదు.

టీఆర్ఎస్ మునిగిపోయే నావ అని కేసీఆర్ చెప్పకనే చెప్పారు. టీఆర్ఎస్ నాలుగున్నరేళ్ల పాలనలో అన్ని వర్గాలు ఇబ్బంది పడ్డారు. నలభై లక్షల గిరిజనుల్లో కేసీఆర్ ఒక్కరికి కూడా సెంట్ భూమి ఇవ్వలేదు. ముస్లింలకు 12 శాతం రిజర్వేషన్లలోనూ మోసం చేశారు.  రాబోయే కాంగ్రెస్ ప్రభుత్వంలో నెలకు కుటుంబంలోని ఒక్కొక్కరికీ 7కేజీల బియ్యం ఇస్తుంది. దళితులు, గిరిజనులకు తొమ్మిది రకాల రేషన్ వస్తువులును ఉచితంగా ఇస్తాం. సంవత్సరానికి ఆరు వంట గ్యాస్ సిలిండర్లను ఉచితంగా అందిస్తాం.’ అని హామీ ఇచ్చారు. 



ఎనిమిదే ఇస్తాం... 12 సీట్లు ఇవ్వాల్సిందే..

Updated By ManamTue, 10/16/2018 - 16:13
  • మహాకూటమిలో కొలిక్కి రాని సీట్ల సర్దుబాటు

  • టీజేఎస్‌కు 8 సీట్లు ఇచ్చేందుకు కాంగ్రెస్ సంసిద్ధత

  • తమకు 12 సీట్లు ఇవ్వాల్సిందేనని టీజేఎస్ పట్టు

Mahakutami Seat sharing: TJS Demands 12 seats to Congress

హైదరాబాద్  : టీఆర్‌ఎస్ పార్టీ అభ్యర్థులను ప్రకటించి ఇన్ని రోజులైన ఇప్పటి వరకు మహా కూటమిలో ఏ పార్టీకి ఎన్ని సీట్లు అనే విషయంలోనే స్పష్టత లేదు. కూటమిలో సీట్ల సర్దుబాట్లుపై ఇంకా కొలిక్కి రాలేదు. టీజేఎస్‌కు ఎనిమిది సీట్లు ఇచ్చేందుకు కాంగ్రెస్ సంసిద్ధత వ్యక్తం చేయగా...తమకు 12 సీట్లు ఇవ్వాల్సిందేనని ఆ పార్టీ పట్టుబడుతోంది. దీంతో సీట్ల సర్ధుబాట్ల పంచాయితీ కొనసాగుతోంది.

కాగా ముందుగా అభ్యర్థులను ప్రకటించాలని సీనియర్ నేతలు కోరుతున్నా ఇప్పటి వరకు సీట్ల సర్దుబాటు పై టీజేఎస్ పార్టీ నాయకులు తీవ్ర అసంతృప్తిలో ఉన్నారు. టీఆర్‌ఎస్ పార్టీ ప్రకటించిన అభ్యర్థులు ఆయా నియోజక వర్గల్లో జోరుగా ప్రచారం చేస్తుడటంతో మహాకూటమి అశావాహులకు నిరుత్సాహానికి లోనవుతున్నారు. సీట్ల విషయంపై చర్చలు మీద చర్చలు జరిపిన ఇప్పటి వరకు ఏలాంటి నిర్ణయంతీసుకోలేక పోవడంతో  టికెట్ వస్తుందో రాదో.. ప్రచారం చేయాలా వదా అనే సందిగ్దంలో ఉంన్నారు. 

అటు సీపీఐ పార్టీ నాయకులలో కూడా అసంతృప్తి కి లోనవుతున్నారు. సీట్ల సర్దుబాటు జరుగక ముందే పదవుల విషయాలు బయటికి రావడంతో ఆయా పార్టీ నేతలు గుర్రు మీద ఉన్నారు. తొందరగా సీట్ల విషయం తేల్చాలని సీనియర్ నేతల పట్టు పడుతున్నారు. కాంగ్రెస్ పార్టీ గుర్తుతో పోటి చేయడానికి టీజేఎస్ నాయకులు ఒప్పుకోవడం లేదు. ఎట్టి పరిస్థితిలో టీజేఎస్ గుర్తుపైనే ఎన్నికలకు వెళ్తామని ఆ పార్టీ నాయకులు తెలిపారు. 

ఆ వార్తల్లో వాస్తవం లేదు...
మరోవైపు మహా కూటమి ఎన్నికల్లో గెలుస్తే కోదండరాం కు డిప్యూటి సీఎం ఇస్తామని వస్తున్న వార్తల్లో  ఎలాంటి వాస్తవం లేదని ఆ పార్టీ అధికార ప్రతినిధి  తెలిపారు. కావాలనే కొందరు తమ పార్టీ మీద తప్పుడు  ప్రచారం చేస్తున్నారని, జానా రెడ్డితో జరిగిన సమావేశంలో పదవులపై ఎలాంటి చర్చ జరుగలేదని తెలిపారు.  టీజేఎస్ పార్టీ అభ్యర్థులు కాంగ్రెస్ పార్టీ గుర్తు మీద పోటి చేయడం, ఎన్నికలలో కోదండరాం పోటి చేయకపోవడం లాంటి విషయాలు అవాస్తవమైనవని, ఎవరో కావాలనే మీడియాలో తప్పుడు సమాచారం ఇచ్చారని అన్నారు. మహాకూటమిలో టీజేఎస్‌కు సముచిత స్థానం ఉందని తెలిపారు. 
 



రాజకీయాలకు మెగాస్టార్ గుడ్‌బై..?

Updated By ManamTue, 10/16/2018 - 11:10

Chiranjeeviహైదరాబాద్: ‘ఖైదీ నంబర్.150’తో రీ ఎంట్రీ ఇచ్చి.. ప్రస్తుతం వరుస సినిమాలను ఒప్పుకుంటున్న మెగాస్టార్ చిరంజీవి ఇక రాజకీయాలకు గుడ్‌బై చెప్పనున్నారా..? అంటే అవుననే వార్తలే వినిపిస్తున్నాయి. ఇటీవల చిరంజీవి కాంగ్రెస్ పార్టీ సభ్యత్వ కాలపరిమితి ముగియగా.. దాన్ని పునరుద్ధరించుకోలేదు. అలాగే తెలంగాణలో సార్వత్రిక ఎణ్నికలు సమీపిస్తుండుగా.. పార్టీ తరఫున ప్రచారం చేయాలని ఇటీవల రాహుల్ గాంధీ, చిరంజీవిని కోరారట. దానికి కూడా చిరంజీవి నుంచి ఎలాంటి స్పందన లేనట్లు సమాచారం. రాజకీయాలకు దూరంగా ఉండాలనుకున్నంటునందుకే రాహుల్‌కు, చిరంజీవి ఏ మాట చెప్పలేదని లోగుట్టు. మరోవైపు చిరంజీవి ప్రస్తుతం తన డ్రీమ్ ప్రాజెక్ట్ సైరా నరసింహారెడ్డిలో నటిస్తున్నారు. ఈ చిత్రాన్ని వచ్చే ఏడాది ప్రేక్షకుల ముందుకు తీసుకురావాలనుకుంటున్నారు. ఇలాంటి సమయంలో మళ్లీ ప్రచారంకు వెళితే షూటింగ్‌కు ఇబ్బందులు ఎదురయ్యే అవకాశాలు ఉన్నందునే రాహుల్‌కు స్పందించలేదని కూడా కొందరు అంటున్నారు.

కాగా 2008లో ప్రజారాజ్యం పేరిట పార్టీని స్థాపించిన మెగాస్టార్ చిరంజీవి.. 2009 ఎన్నికల్లో ఆ పార్టీ నుంచి పోటీ చేశారు. వైఎస్ మరణం తరువాత తన పార్టీని కాంగ్రెస్‌లో కలిపిన చిరు.. ఇన్ని రోజులు ఆ పార్టీ నేతగా కొనసాగుతూ వచ్చారు. అంతేకాదు కాంగ్రెస్ తరఫున కేంద్ర సహాయ మంత్రిగానూ చేశారు. అయితే మళ్లీ సినిమాల్లో బిజీ అయిపోవాలనుకున్న చిరు, రాజకీయాలకు గుడ్ బై చెప్పేందుకే నిర్ణయం తీసుకున్నట్లు సన్నిహిత వర్గాల సమాచారం.

ఇదిలా ఉంటే చిరంజీవి సోదరుడు పవర్‌స్టార్ పవన్ కల్యాణ్.. జనసేనను స్థాపించి వచ్చే ఎన్నికల్లో పోటీ చేయాలనుకుంటున్నాడు. ఈ క్రమంలో చిరంజీవితో పాటు మెగా కుటుంబమంతా ఆ పార్టీ తరఫున ప్రచారం చేస్తారని వార్తలు కూడా వస్తున్నాయి. ఇలాంటి సమయంలో చిరు మొత్తం రాజకీయాలకే గుడ్‌బై చెప్తున్నాడని వార్తలు రావడం విశేషం.



కాంగ్రెస్‌లోకి బిగ్‌షాట్స్

Updated By ManamTue, 10/16/2018 - 06:20
  • ఎమ్మెల్సీ రాములు నాయక్ బాటలోనే మరికొందరు..!

  • మండలి చైర్మన్ స్వామిగౌడ్‌తో కాంగ్రెస్ మంతనాలు?...

  •  టీఆర్‌ఎస్‌ను వీడే ప్రసక్తిలేదని తేల్చి చెప్పిన కౌన్సిల్ చీఫ్

 Congressహైదరాబాద్: ఎన్నికల్లో గెలుపు కోసం సొంత వనరులు, శక్తులు సిద్ధం చేసుకోవడంతో పాటు, ఇతర పార్టీల్లోని గెలుపు వీరులను ఆకర్షించడానికి ప్రతి ఒక్క పార్టీ ‘ప్రత్యేక’ కృషి చేస్తోంది. 105 మంది సిట్టింగులను ప్రకటించిన అధికార టీఆర్‌ఎస్‌ను ఈ సారి ఎలాగైనా దెబ్బకొట్టాలనే ఉద్దేశంతో కాంగ్రెస్ పార్టీ నేతలు ఆపరేషన్ ఆకర్ష్‌కు పావులు కదుపుతున్నారు. టీఆర్‌ఎస్ ముఖ్యనేతలను టార్గెట్ చేసుకుని కాంగ్రెస్ రాష్ట్ర, జాతీయ నేతలు వ్యూహం అమలు చేస్తున్నారు. రాష్ట్రంలో ఎన్నికల వాతావరణం తాండవిస్తున్న కొద్దీ పరిణామాలు అనునిత్యం మారుతున్నాయి. వీటిని గమనిస్తున్న కొందరు బిగ్‌షాట్స్ కాంగ్రెస్ వైపు కదులుతున్నారు. జిల్లాల్లో పేరున్న టీఆర్‌ఎస్ ముఖ్యనేతలు, ప్రజల్లో  పలుకుబడి ఉన్న నాయకులు, ప్రజాప్రతినిధులతో టీపీసీసీ నేతలే గాక, ఎఐసీసీ అగ్రనేతలు నేరుగా రంగంలోకి దిగి టీఆర్‌ఎస్ నుంచి నేతలను రప్పించేందుకు పథకాలు వేస్తున్నారు. దీనితో కొందరు ఎమ్మెల్సీలు,ఎంపీలు కాంగ్రెస్‌లో చేరడానికి సిద్ధమవుతున్నారని సమాచారం. ఉద్యమంలో పుట్టి ఆవిర్భావం నుంచి టీఆర్‌ఎస్‌లోనే ఉన్న నాయకులతో పాటు, కాంగ్రెస్ నుంచి టీఆర్‌ఎస్‌లోకి ఫిరాయించిన నేతలు కూడా  ఘర్ వాపసీకి రెడీ అయ్యారు. ప్రతి రోజూ ఎవరో ఒక నేత టీఆర్‌ఎస్‌కు గుడ్ బై చెప్పేందుకు ముందుకు వస్తున్నారని టీపీసీసీ నేతలు చెబుతున్నారు.  గులాబీ దళంలోని పెద్ద నేతలు కాం గ్రెస్‌లో చేరేందుకు ఆసక్తి చూపుతున్నారని టీపీసీసీ చీఫ్ ఉత్తమ్ కుమార్ రెడ్డి  ఇటీవల మీడియా సమావేశంలో వెల్లడించిన విషయం తెలిసిందే. ఆ పెద్దలెవరో ఉత్తమ్ వెల్లడించనప్పటికీ, వారెవరో రోజుకొకరి పేరు బయటకు వస్తోంది.

ఈ నెల 20 న రాష్ట్రానికి వస్తున్న ఎఐసీసీ అధ్యక్షులు రాహుల్ గాంధీ సమక్షంలో  వీరంతా కాంగ్రెస్ పార్టీలో చేరనున్నారు. ఎమ్మెల్సీ భూపతిరెడ్డి ఇప్పటికే కాంగ్రెస్‌లో చేరి టీఆర్‌ఎస్ కు పెద్ద ఝలక్ ఇచ్చారు. రాజ్యసభ సభ్యుడు డీఎస్ ఘర్ వాపసీకి సిద్ధమయ్యారు. వారితో  పాటు మాజీమంత్రి గడ్డం వినోద్ కూడా కాంగ్రెస్ లో చేరుతున్నారు. టీఆర్‌ఎస్ పార్టీకి రాజీనామా చేస్తున్నట్లు ఆయనే స్వయంగా ప్రకటించారు. వినోద్‌తో పాటు ఆయన సోదరుడు, టీఆర్‌ఎస్ ప్రభుత్వసలహాదారు జి వివేక్ కూడా కాంగ్రెస్‌లో చేరతారనే ప్రచారం జరుగుతోంది. ఆయనతో కాంగ్రెస్ నేత కొప్పుల రాజు మాట్లాడినట్లు తెలిసింది. రాహుల్ సమక్షంలో చేరుతారంటూ వివేక్ చేరికను కాంగ్రెస్ వర్గాలు ధృవీకరించినప్పటికీ, ఆయన అనుచరులు మాత్రం కొట్టివేస్తున్నారు.  తాజాగా ఎమ్మెల్సీ రాములు నాయక్ టీఆర్‌ఎస్‌కు షాక్ ఇచ్చారు. కాంగ్రెస్ పార్టీ రాష్ట్ర వ్యవహారాల ఇంచార్జీ డాక్టర్ రామచంద్రకుం తియాను శనివారం ఉదయం గోల్కొండ హోటల్‌లో కలిశారు. కుంతియాను రాములునాయక్ కలిశారన్న సమాచారంతో టీఆర్‌ఎస్ నుంచి నాయక్‌ను సస్పెండ్ చేస్తున్నట్లు టీఆర్‌ఎస్ కార్యదర్శి, ఎమ్మెల్సీ పల్లా రాజేశ్వర్ రెడ్డి ప్రకటించారు. రాములు నాయక్ కూడా రాహుల్ సమక్షంలో కాంగ్రెస్‌లో చేరనున్నారు.  ఈయనతో పాటు చేవెళ్ల ఎంపీ కొండా విశ్వేశ్వర్‌రెడ్డి కూడా కాంగ్రెస్‌లో చేరేందుకు రంగం సిద్ధమైంది. ఆయన ఢిల్లీలో రాహుల్ కోర్ కమిటీ సభ్యుడు కొప్పుల రాజుతో సమావేశమైనట్లు సమాచారం.  ఆ తర్వాత ఎఐసీసీ ప్రధాన కార్యదర్శి, రాజ్యసభలో విపక్ష నాయకుడు గులాంనబీ ఆజాద్ తో కూడా భేటీ  అయ్యారు.  రాష్ట్రంలో ఎక్కడైనా  శాసనసభ స్థానం నుంచి పోటీ చేసేందుకు  విశ్వేశ్వర్‌రెడ్డి ఆసక్తి చూపగా అందుకు ఆజాద్, కొప్పుల రాజు కూడా గ్రీన్ సిగ్నల్ ఇచ్చారు.  విశ్వేశ్వర్ రెడ్డికి తాండూరు టికె ట్ ఇచ్చేందుకు కాంగ్రెస్ పెద్దలు హామీ ఇచ్చారు. ఆయన ప్రాతినిధ్యం వహి స్తున్న చేవెళ్ల పార్లమెంట్ స్థానం నుంచి సబితా ఇంద్రారెడ్డి తనయుడు పి. కార్తీక్‌కు టికెట్ ఇచ్చే  అవకాశాలున్నాయి. ఈ విషయమై కార్తీక్‌ను ఒప్పించడం పెద్దపని కా దనే ధీమాలో కాంగ్రెస్ నేతలు ఉ న్నారు. కార్తీక్  ఆశిస్తున్న రాజేంద్ర నగర్ సీటును శాసనమండలి చైర్మన్ స్వామిగౌడ్‌కు ఇవ్వాలనే ప్రతిపాదన కాంగ్రెస్ లో ఉన్నట్లు సమాచారం. స్థానికుడు, బీసీ సామాజిక వర్గానికి చెందిన స్వామిగౌడ్ కాంగ్రెస్‌లో చేరితే టీఎన్జీఓలతో పాటు గౌడ సామాజిక వర్గానికి చెందిన ఓట్లను అనుకూలంగా మార్చుకోవ చ్చని కాంగ్రెస్ ఆలోచన. అంతేగాక కేసీఆర్ బలం, బలహీనతలు తెలిసి న వ్యక్తిగా స్వామిగౌడ్ సేవలను విని యోగించుకోవాలని అనుకుంటోంది.  ఈ నేపథ్యంలో స్వామిగౌడ్‌తో టీపీసీసీ అగ్రనాయకులు ఇటీవల భేటీ ఆయినట్లు తెలిసింది. మధ్యాహ్నం లంచ్ కోసం స్వామిగౌడ్‌తో కలిసినప్పటికీ, పార్టీలో చేరాలని కోరేందుకే ప్రత్యేకంగా విందు  ఏర్పాటు చేసినట్లు చెబుతున్నారు. మండలి చైర్మన్ పదవిని మాజీ స్పీకర్ కెఆర్ సురేష్ రెడ్డికి ఇస్తానని కేసీఆర్ హామీ  ఇవ్వడంతో స్వామిగౌడ్  అసంతృప్తితో రగిలిపోతున్నారన్న సమాచారం మేరకు కాంగ్రెస్ నేతలు ఆయన్ను కలిశారు. రాజేంద్రనగర్ సీటుతో పాటు మంత్రి పదవిని కూడా కాంగ్రెస్  ఆఫర్ చేసింది.  అయితే, కాంగ్రెస్ నేతల హామీలు విన్న తర్వాత తాను టీఆర్‌ఎస్ పార్టీలోనే ఉంటానని, టీఆర్‌ఎస్ అధినేత కేసీఆరే తన గాడ్ ఫాదర్  స్పష్టం చేశారు.  ఎట్లాగైనా ఆయన్నుచేర్చుకుని పూర్వ రంగా రెడ్డి జిల్లాలో క్లీన్ స్వీప్ చేయాలనే లక్ష్యంతో కాంగ్రెస్ పార్టీ పట్టుదల తో ఉంది. ఆయన్ను ఒప్పించేం దుకు పావులు కదుపు తోంది. స్వా మిగౌడ్ కాంగ్రెస్‌లో చేరేందుకు అంగీకారం తెలిపితే  రాహుల్ సమక్షంలో కాంగ్రెస్‌లో చేర్పించేందుకు టీపీసీసీ అగ్రనేతలు తగు ఏర్పాట్లు చేస్తున్నారు.



20న రాష్ట్రానికి రాహుల్

Updated By ManamMon, 10/15/2018 - 23:42
  • సన్నాహక సమావేశాల్లో నేతలు.. భారీ జనసమీకరణకు కసరత్తు

  • భైంసా, కామారెడ్డిలో ఏర్పాట్ల పర్యవేక్షణ.. కేసీఆర్‌ను తరిమికొట్టాలి: ఉత్తమ్ 

imageహైదరాబాద్ః తెలంగాణలో ఒక రోజు పర్యటన నిమిత్తం ఈ నెల 20న రాష్ట్రానికి వస్తున్న ఎఐసీసీ అధ్యక్షుడు రాహుల్ గాంధీ సభలను విజయవంతం చేసేందుకు టీపీసీసీ వ్యూహాత్మకంగా వెళుతోంది. టీఆర్‌ఎస్ సభలకు మించి ప్రజలను తరలించేందుకు ఏర్పాట్లు చేస్తున్నారు. రాహుల్ గాంధీ సభ ఏర్పాట్ల పరిశీలనకు సోమవారం టీపీసీసీ అధ్యక్షుడు ఎన్ ఉత్తమ్ కుమార్ రెడ్డి, సీఎల్పీ మాజీ నేత కె జానారెడ్డి, ప్రచార కమిటీ చైర్మన్ మల్లు భట్టి విక్రమార్క, ఎఐసీసీ కార్యదర్శులు బోసురాజు, శ్రీనివాసన్ క్రిష్ణన్, సలీం అహ్మద్, అదిలాబాద్ ఇంచార్జీ మాజీ మంత్రి సబితా ఇంద్రారెడ్డి, ఎఐసీసీ నేత శ్రీనివాస్ తదితరులు భైంసా, కామారెడ్డి పట్టణాలకు చేరుకుని ఏర్పాట్లను పరిశీలించారు.

ఈ సభలను ప్రతిష్టాత్మకంగా తీసుకోవాలని, జన సమీకరణపై ప్రత్యేక దృష్టి సారించాలని స్థానిక నేతలను కోరారు.సన్నాహక సమావేశాలను నిర్వహించారు. భైంసాలో మెయిన్‌రోడ్డులో ఉన్న స్థలాన్ని పరిశీలించారు. imageకామారెడ్డిలో ఆర్ట్ట్‌‌స కళాశాల మైదానాన్ని పరిశీలించారు. ఈ సందర్భంగా జరిగిన సమావేశాల్లో కాంగ్రెస్ రాష్ట్ర వ్యవహారాల ఇంచార్జీ డాక్టర్ రామచంద్ర కుంటియా, మండలిలో విపక్ష నాయకుడు మహ్మద్‌అలీ షబ్బీర్, ఎఐసీసీ కార్యదర్శి మధుయాష్కీ గౌడ్ ఇతర ముఖ్యనాయకులు పాల్గొన్నారు.ఈ సందర్భంగా ఉత్తమ్ మాట్లాడుతూ, రాబోయే ఎన్నికలు కేసీఆర్ కుటుంబానికి తెలంగాణ ప్రజలకు మధ్య జరుగుతున్నాయని, ఈ సమరంలో దద్దమ్మ కేసీఆర్ కుటుంబాన్ని తరిమికొట్టాలని పిలుపునిచ్చారు. చేతగాక 9 నెలల ముందుగానే  కాడివదిలేసిన కేసీఆర్‌కు బుద్ధిచెప్పాలని కోరారు. టీఆర్‌ఎస్ ప్రజావ్యతిరేక విధానాలను ఇంటింటా చాటాలని పిలుపునిచ్చారు. రాహుల్ సభలతో రాష్ట్రంలో పరిస్థితి పూర్తిగా కాంగ్రెస్ కు అనుకూలంగా మారబోతోందని, టీఆర్‌ఎస్ బడా నాయకులు రాహుల్ సమక్షంలో కాంగ్రెస్ లో చేరబోతున్నారని చెప్పారు.

వినోద్ విషయం పునఃపరిశీలించాలి: వీహెచ్
కాంగ్రెస్ పార్టీలో జి వెంకటస్వామి కుటుంబం అన్ని పదవులు అనుభవించిందని, టీఆర్‌ఎస్ లో చేరిన ఆయన కొడుకు జి వినోద్ తిరిగి కాంగ్రెస్ లో చేర్చుకునే అంశంపై పునః పరిశీలించాలని ఎఐసీసీ కార్యదర్శి వీహెచ్ కోరారు. చెన్నూరులో కాంగ్రెస్ పార్టీ బలంగా ఉందని చెప్పారు. వారికిష్టం వచ్చినప్పుడు పార్టీలు మారుతారు..,మళ్లీ వస్తారా ? అని సోమవారం ఇక్కడ ప్రశ్నించారు. ఇందిరాగాంధీ కాలి గోటికి కూడా కేసీఆర్ సరిపోరని విమర్శించారు. కేసీఆర్ కు లివర్ ఫెయిలైందని మేమెలా చెబుతామని ప్రశ్నించారు. జనసేన అధినేత వచ్చే ఎన్నికల్లో తటస్థంగా ఉండాలని, కేసీఆర్‌కు ప్రయోజనం కలిగించే విధంగా వ్యవహరించవద్దని వీహెచ్ కోరారు.

17 నుంచి ప్రచారంలోకి  - జగ్గారెడ్డి
ఈ నెల 17 నుంచి ఎన్నికల ప్రచారంలోకి వెళుతున్నట్లు మాజీ ఎమ్మెల్యే జగ్గారెడ్డి చెప్పారు. సంగారెడ్డి నుంచి తనతో పాటు తన సతీమణి నిర్మల కూడా నామినేషన్ దాఖలు చేయనున్నట్లు వెల్లడించారు.తన కూతురు జయారెడ్డి ప్రచారం ఈ నెల 17 తో ముగుస్తుందన్నారు.  కాంగ్రెస్ పార్టీ అధికారంలోకి వస్తే కక్ష సాధింపు చర్యలు ఉండవని చెప్పారు.ఈ విషయం పీసీసీ చీఫ్ ఉత్తమ్ కుమార్ రెడ్డి కూడా చెప్పినట్లు జగ్గారెడ్డి తెలిపారు. నిరుద్యోగులకు ప్రత్యేక బోర్డు ఏర్పాటుకు మేనిఫెస్టో కమిటీకి వినతిపత్రం సమర్పించినట్లు చెప్పారు.

కేసీఆర్ పద్దతి నచ్చకే కాంగ్రెస్‌లో చేరికలు: గజ్జల 
టీఆర్‌ఎస్ అధినేత కేసీఆర్ వ్యవహార ధోరణి నచ్చకనే పెద్ద సంఖ్యలో టీఆర్‌ఎస్ నేతలు కాంగ్రెస్ పార్టీలో చేరుతున్నారని టీపీసీసీ అధికార ప్రతినిధి గజ్జల కాంతం చెప్పారు. తెలంగాణ ప్రజలను మోసం చేసిన కేసీఆర్ కు ప్రజలు బుద్ధిచెప్పబోతున్నారని తెలిపారు.



కొందరు ద్రోహులు కేసీఆర్‌ను కలవనియ్యలే..

Updated By ManamMon, 10/15/2018 - 16:01
Ramulu Naik Reacts on Suspention

హైదరాబాద్ : పార్టీ వ్యతిరేక కార్యకలాపాలతో సస్పెన్షన్‌కు గురైన ఎమ్మెల్సీ రాములు నాయక్ స్పందించారు. తనపై పడిన సస్పెన్షన్ వేటుపై ఆయన మాట్లాడుతూ... గిరిజన రిజర్వేషన్లపై ఈ నెల 5న టీఆర్ఎస్ అధ్యక్షుడు కేసీఆర్‌కు లేఖ రాశాను. లేఖ రాసిన తర్వాత కొందరు తెలంగాణ ద్రోహులు నన్ను కేసీఆర్‌ను కలవనివ్వలేదు. గిరిజన రిజర్వేషన్లు అడిగినందుకే నన్ను పార్టీ నుంచి సస్పెండ్ చేస్తారా’ అని ప్రశ్నించారు. 

కాగా రాములు నాయక్ ఇల్లందు ఎమ్మెల్యే టికెట్ కోసం పట్టుబట్టడంతో అధిష్టానం బుజ్జగింపులు చేపట్టినా... ఆయన తన పట్టువీడలేదు. ఈ నేపథ్యంలో ఆయన ఆదివారం కాంగ్రెస్ పార్టీ రాష్ట్ర ఇన్‌ఛార్జ్ కుంతియాను కలిశారు. తనకు ఇల్లందు టికెట్ ఇచ్చేందుకు కాంగ్రెస్ సుముఖంగా ఉన్నట్లు సిగ్నల్స్ రావడంతో రాములు నాయక్ ‘కారు’ దిగి హస్తం చేయి పట్టుకునేందుకు సిద్ధమయ్యారు. ఈ విషయం తెలిసిన టీఆర్ఎస్ పార్టీ వ్యతిరేక కార్యక్రమాలకు పాల్పడుతున్నారంటూ సస్పెన్షన్ వేటు వేసింది. మరోవైపు కాంగ్రెస్‌లో చేరికపై రాములు నాయక్ అధికారికంగా క్లారిటీ ఇవ్వనున్నారు.





Related News