Mithali Raj

చివరి టీ20 వరల్డ్ కప్

Updated By ManamTue, 11/13/2018 - 23:32

Mithali Rajగయానా: టీమిండియాకు ఆడిన 46 టీ20 మ్యాచ్‌లకు గాను మూడింటిలో మాత్రమే మిథాలీ రాజ్ ఓపెనర్‌గా బరిలోకి దిగలేదు. తాజాగా ప్రస్తుతం జరుగుతున్న మహిళల టీ20 వరల్డ్ కప్‌లో న్యూజిలాండ్ మ్యాచ్‌లోనూ ఓపెనర్‌గా ఆడలేదు. ఎందుకంటే బలమైన కివీస్ జట్టుపై మిడిలార్డర్‌లో సీనియర్ ప్లేయర్ ఉండాలన్న ఉద్దేశంతో మిథాలీకి మిడిలార్డర్ బాధ్యతను అప్పగించారు. దీంతో 20 ఏళ్ల వికెట్ కీపర్/బ్యాట్స్‌వుమెన్ తానియా భట్ టాపార్డర్‌లో బరిలోకి దిగింది. ఆ ఒక్క మ్యాచ్‌లోనే ఈ ప్రయోగం జరిగింది. కానీ చిరకాల ప్రత్యర్థి పాకిస్థాన్‌తో జరిగిన మ్యాచ్‌లో అత్యంత విజయవంతమైన జోడీ మిథాలీ-స్మృతి మంధాన జట్టును గెలిపించింది. మిథాలీ ఎన్నడూ ఆగ్రహానికి లోనుకాలేదు. లక్ష్యం ఎంతటి పెద్దదైనా ప్రశాంతంగా ఆడుతూ తన సత్తా ఏంటో చూపిస్తుంది. అయితే పాక్‌తో మ్యాచ్‌లో మంధానతో కలిసి తొలి వికెట్‌కు 73 పరుగుల కీలక భాగస్వామ్యాన్ని అందించడంతో పాటు తాము ఎంతటి ప్రమాదకరమైన జోడీనో తెలియజేసింది. సాధారణంగా ఇన్నింగ్స్ ప్రారంభించేందుకు మిథాలీ ఇష్టపడుతుంది. కానీ కివీస్‌తో మ్యాచ్‌లో మిడిలార్డర్‌ను బలోపేతం చేయడం కోసం ఆమెను కింది ఆర్డర్‌లో వేసింది. ‘తొలిసారి మేము బలమైన జట్టుతో ఆడబోతున్నాం. ఎవరో ఒకరు సీనియర్ ప్లేయర్ మిడిలార్డర్‌లో ఉండాలని మేనేజ్‌మెంట్ నిర్ణయించివుండొచ్చు. ఎందుకంటే బలమైన జట్టుతో ఆడేటప్పుడు మిడిలార్డర్ కూడా బలంగా ఉండాలి’ అని మిథాలీ చెప్పింది. అయితే పాకిస్థాన్‌తో మ్యాచ్‌లో మిథాలీ మళ్లీ టాపార్డర్‌లో ఆడింది. పాక్ జట్టులో స్పిన్నర్లు అధికంగా ఉండటం వల్ల తన బ్యాటింగ్ ఆర్డర్ మార్చివుంటారని ఆమె చెప్పింది. ‘బహుశా పాక్ జట్టుల్లో స్పిన్నర్లు ఎక్కువగా ఉన్నారని వాళ్లు భావించివుండొచ్చు. తెలివిగా నన్ను ఇన్నింగ్స్‌ను ప్రారంభించమన్నారు.. ప్రారంభించాను’ అని మిథాలీ తెలిపింది. మిథాలీ ఏమాత్రం ఆందోళన చెందని బ్యాట్స్‌వుమెన్. సింగిల్స్, డబుల్స్ తీస్తూ అప్పుడప్పుడు బంతిని బౌండరీలకు తరలిస్తుంది. కావల్సిన రన్ రేట్ సరిగా వస్తుందో లేదో చూసుకుంటుంది.

   ఆమెలోని ఈ పరిణితితత్వం జట్టులోని యువ క్రికెటర్లకు ఓ పాఠం. విజయవంతంగా పరుగులు సా దించడంలో రహస్యమేంటంటే.. ప్రశాతంగా ఉండట మే. ‘ఓపెనర్‌గా పరుగులు ఎలా రాబట్టాలి అనే దానిపై ఎక్కువగా ఆలోచించను. కానీ ఓ బ్యాట్స్‌వుమెన్‌గా బంతిపై దృష్టి పెట్టి దాన్ని చితగ్గొడతాను. బ్యాటింగ్ అంటేనే చితగ్గొట్టడం. మనం ప్లాన్ చేసుకుని బరిలోకి దిగటేం. ఎందుకంటే మన మీద ప్రత్యర్థి జట్టు విభిన్నమైన ప్లాన్‌తో బరిలోకి దిగుతుంది. కనుక నువ్వు ఏదైనా ప్లాన్ చేసుకుని బ్యాటింగ్‌కు దిగితే ఎక్కువ సేపు క్రీజులో ఉండలేవు. ఓ బ్యాట్స్‌వుమన్‌గా నేను బం తిని జాగ్రత్తగా గమనిస్తాను. బం తిని భారీ షాట్‌కు గానీ, సింగిల్ రన్‌కు గానీ చితగ్గొడతాను’ అని మిథాలీ వివరించింది. పాక్‌తో మ్యాచ్‌లో 47 బంతుల్లో 56 పరుగులతో జట్టుకు గట్టి పునాది వేసినప్పటికీ మిథాలీ అసంతృప్తి వ్యక్తం చేసింది. ఎందుకంటే తాను చివరి వరకు ఉండి జట్టును గెలిపించలేకపోయానని బాధపడింది. ‘చివరి వరకు ఉండి జట్టును గెలిపించాలనుకున్నాను. కానీ భారీ షాట్ కొట్టబోయి అవుటయ్యాను’ అని ఆమె ఆవె దన వ్యక్తం చేసింది. జట్టులో అనేక మార్పులు వస్తున్న నేపథ్యంతో బహుశా తనకు ఇది చివరి టీ20 వరల్డ్ కప్ కావచ్చని మిథాలీ తెలిపింది. ‘జట్టు రూపాంతరం చెందుతుండటం, అనేక మంది యువ క్రికెటర్లు జట్టులోకి రావడం చూస్తుంటే.. ఒకానొక దశలో నేను బాగా ఆడుతున్నానా? అని నన్ను నేను ప్రశ్నిం చుకుంటాను. జట్టు గురించి ఆలోచిం చేటప్పుడు నేను ఇంకా కొనసాగ డం కరెక్టేనా? అని అనుకుంటా ను. జట్టు స్థిరపడతోంది. అందుకే టీ20 ఫార్మాట్‌లో నాకు ఇది చివరి వరల్డ్ కప్ కావచ్చు’ అని మిథాలీ పేర్కొంది.

ఒకట్రెండేళ్లు ఆడతానేమో?
ఇంటర్నేషనల్ కెరీర్‌లో మిథాలీ తనకు తానుగా ఓ టైమ్ పెట్టుకుంది. ఇక ఒకట్రెండేళ్లు మాత్రమే ఆడతానేమో అని ఆమె చెప్పింది. 1999లో కెరీర్ ప్రారంభించిన మిథాలీ వచ్చే నెలలో 36వ పుట్టినరోజు జరుపుకోబోతోంది. ‘ఓ లాయర్, డాక్డర్‌తో పోలిస్తే స్పోర్ట్స్‌పర్సన్ కెరీర్ చాలా చిన్నది. దీంతో నా శక్తిసామర్థ్యాల కొలది వీలైనన్ని ఎక్కువ మ్యాచ్‌లు ఆడేందుకు ప్రయత్నిస్తున్నాను. దేశానికి ప్రాతినిధ్యం వహించేటప్పుడు చెమటోడ్చడంలో ఒక్క శాతం కూడా నిర్లక్ష్యంగా ఆడలేం. నా రిటైర్మెంట్‌కు ఒకట్రెండేళ్లు మాత్రమే ఉన్నాయని నమ్ముతున్నాను. ఫిట్‌గా ఉండాలని అహర్నిశలు శ్రమిస్తున్నాను’ అని మిథాలీ పేర్కొంది. క్రికెట్‌లో తన ఆరంగేట్రాన్ని ఆమె గుర్తు చేసుకుంది. అంతేకాదు ఇప్పుడు మహిళల క్రికెట్‌కు లభిస్తున్న ఆదరణకు ఆమె ఉప్పొంగిపోతోంది. ‘1999లో నేను టీమిండియాకు అరంగేట్రం చేసినప్పుడు రెండేళ్లపాటు అంతర్జాతీయ పర్యటనలు లేవు. కానీ జెమీమా రొడ్రిగ్వెజ్ లేదా పూజా వస్ట్రాకర్ అప్పుడే 20 మ్యాచ్‌లు ఆడారు. నాకు ఇటువంటి అవకాశాలు లేవు. ఇప్పటి యువ క్రికెటర్లతో అప్పటి 16 ఏళ్ల మిథాలీని పోలిస్తే.. ఇప్పటి వాళ్లు మ్యాచ్‌లకు ప్రిపేర్ కావడంలో నా కంటే చాలా ముందున్నారు’ అని మిథాలీ చెప్పింది. నిజానికి ఆమె డాన్సర్ కావాల్సింది. తండ్రి ప్రోద్బలంతో క్రికెటర్ అయింది. ‘ఆరంభంలో నేను డాన్స్ నేర్చుకునేదాన్ని. ఎనిమిది సంవత్సరాలు భరత నాట్యం నేర్చుకున్నాను. నా తండ్రి (దొరై రాజ్) ప్రోద్బలంతో క్రికెట్‌లోకి వచ్చాను. నిద్రపోవడమన్నా, ఉదయాన్నే లేవడమన్నా నాకు చాలా ఇష్టం. క్రికెట్‌ను కెరీర్‌గా ఎంచుకోమని మా డాడి ఫోర్స్ చేశారు. నేను క్రికెట్‌లోకి రావడానికి అదొక్కటే కారణం’ అని మిథాలీ వివరించింది. 2017లో జరిగిన మహిళల వరల్డ్ కప్ భారత్‌లో మహిళల క్రికెట్‌కు టర్నింగ్ పాయింట్‌గా నిలిచింది. ఆ టోర్నీలో మిథాలీ రాజ్ నేతృత్వంలోని టీమిండియా ఫైనల్‌కు వెళ్లడంతో యావత్ భారత దేశంలో మహిళల క్రికెట్‌పై దృష్టిసారించింది. దీంతో మిథాలీతో పాటు స్మృతి మంధాన, హర్మన్‌ప్రీత్ కౌర్, వేద కృష్ణమూర్తి రాత్రికి రాత్రి స్టార్స్ అయిపోయారు.



మెరిసిన మిథాలీ

Updated By ManamTue, 11/13/2018 - 00:10
  • ఐసీసీ మహిళల టీ20 ప్రపంచకప్

mithaliప్రొవిడెన్స్ (గయనా): ఐసీసీ మహిళల టీ20 ప్రపంచకప్‌లో భాగంగా ఆదివారం పాకిస్థాన్‌తో జరిగిన మ్యాచ్‌లో భారత మహిళల జట్టు 7 వికెట్లతో విజయం సాధించింది. తొలుత టాస్ ఓడి బ్యాటింగ్ కు దిగిన పాక్ జట్టు టీమిండియా బౌలర్ల ధాటికి ఏడు ఓవర్లలోనే 30 పరుగులకు మూడు కీలక వికెట్లు కోల్పోయింది. అయితే బిస్మా మరూఫ్, నిదా దర్ ఎదురుదాడికి దిగారు. వీరిద్దరూ భారత బౌలర్లపై విరుచుకపడ్డారు. తొలి ఓవర్‌లోనే ఓపెనర్ అయేుషాను పేసర్ అరుంధతి డకౌట్ చేయగా... మూడో ఓవర్‌లో కెప్టెన్ జావేరియా ఇచ్చిన క్యాచ్‌ని స్మృతి వదిలేసింది. కానీ వెంటనే ఒమైమా (3), జావేరియా (17) రనౌట్లు కావడంతో పాక్ కష్టాల్లో పడింది. తర్వాత క్రీజులోకి వచ్చిన మరూఫ్ (53) వరుస బౌండరీలతో 44 బంతుల్లో అర్ధ శతకం సాధించించి. చివరి రెండో ఓవర్లలో భారత బౌలర్లు నాలుగు వికెట్లు తీశారు. హేమలత వేసిన 19 ఓవర్‌లో తొలి బంతికి బిస్మా ఔటవ్వగా... ఆ తర్వాత బంతికే నిదా దర్ (52) హర్మన్‌ప్రీత్‌కు క్యాచ్ ఇచ్చి పెవిలియన్ చేరింది. దీంతో పాక్ నిర్ణీత 20 ఓవర్లలో 7 వికెట్లకు 133 పరుగులు చేసింది. తర్వాత 134 పరుగుల లక్ష్యంతో బరిలోకి దిగిన టీమిండియాకు ఓపెనర్ మిథాలీరాజ్ (56) అర్ధ శతకం నమోదు చేసి భారత్‌కు విజయనందించింది. ఈ విజయంతో భారత్ వరుసగా రెండో విజయాన్ని అందుకుంది. అర్ధ శతకంతో ఆకట్టుకున్న మిథాలీ రాజ్‌కు మ్యాన్ ఆఫ్ ది మ్యాచ్ అవార్డు లభించింది. గురువారం జరగబోయే మ్యాచ్‌లో భారత్ మహిళల జట్టు ఐర్లాండ్‌తో పోటీపడనుంది.



మిథాలీ రికార్డు సెంచరీ

Updated By ManamThu, 10/25/2018 - 01:35
  • రెండో మ్యాచ్‌లోనూ భారత్ విజయం

  • 2-0తో టీ20 సిరీస్ కైవసం

  • 28 పరుగులతో ఆస్ట్రేలియా ఓటమి 

Mithaliముంబై: హైదరాబాద్ క్రికెట్ స్టార్ మిథాలీ రాజ్ రికార్డు సెంచరీ చేసింది. మూడు మ్యాచ్‌ల టీ20 సిరీస్‌లో భాగంగా బుధవారమిక్కడ జరిగిన రెండో మ్యాచ్‌లో మిథాలీ అజేయ సెంచరీ చేయడంతో భారత జట్టు 28 పరుగులతో ఆస్ట్రేలియాపై గెలిచింది. దీంతో భారత్ 2-0 ఆధిక్యంలో నిలిచి సిరీస్‌ను కైవసం చేసుకుంది. ఇదే ముంబై క్రికెట్ అసోసియేషన్‌కు చెందిన బాంద్రా కుర్లా మైదానంలో చివరి, మూడో మ్యాచ్ జరగనుంది. స్మృతి మంధనతో కలిసి ఇన్నింగ్స్‌ను ప్రారంభించిన సీనియర్ ప్లేయర్ మిథాలీ ఆసీస్ బౌలర్లపై విరుచుకుపడింది. 61 బంతుల్లోనే 105 పరుగులు చేసి అజేయంగా నిలిచింది. ఈ క్రమంలో గతంలో టీ20లో స్మృతి మంధన అత్యధిక స్కోరు 102 పరుగులకు మిథాలీ బద్దలు కొట్టింది. 31 బంతుల్లోనే అర్ధ సెంచరీ పూర్తి చేసిన మిథాలీ 59 బంతుల్లో సెంచరీ సాధించింది. మిథాలీ సెంచరీతో భారత జట్టు నిర్ణీత 20 ఓవర్లలో 5 వికెట్ల నష్టానికి 184 పరుగులు చేసింది. తర్వాత భారత బౌలర్లు ఆస్ట్రేలియా ను 9 నష్టానికి 156 పరుగులకు కట్టడి చేశారు. స్మృతి (1), జెమీమా రోడ్రిగ్వెజ్ (5), డి. హేమలత (2), అను జ పాటిల్ (0) తక్కువ పరుగులకే వెనుదిరిగాడు. అయిన ప్పటికీ మిథాలీ ఏమాత్రం నిరాశ చెందకుం డా 18 ఫోర్లు, 1 సిక్స్‌తో అభిమానులను అలరించింది. 

ప్రపంచ మహిళల క్రికెట్ ఉత్తమ బ్యాట్స్‌వుమెన్‌లలో ఒకరుగా పేరొందిన మిథాలీ వచ్చే నెలలో కరేబియన్‌లో జరగనున్న వరల్డ్ టీ20 టోర్నీకి తన సంసిద్ధతను తెలిపింది. భారత జట్టు కెప్టెన్ హర్మన్‌ప్రీత్ కౌర్ (33 బంతుల్లో 57) మిథాలీ అండగా నిలిచింది. వీరిద్దరూ 85 పరుగుల భాగస్వామ్యం అందించడంతో భారత జట్టు 175 పరుగుల మార్క్‌ను దాటింది. కౌర్ ఇన్నింగ్స్‌లో 6 ఫోర్లు, 3 సిక్సర్లు ఉన్నాయి. వరుస విరామ సమయాల్లో వికెట్లు కోల్పోయిన ఆస్ట్రేలియా జట్టు ఏ దశలోనూ లక్ష్యాన్ని ఛేదించేదిగా కనిపించలేదు. ఓపెనర్ తహిల మెక్‌గ్రాత్ (47) కాస్త ప్రతిఘటించినట్టు కనిపించింది. కానీ ఇతర ప్లేయర్స్ మద్దతు తనకు లభించకపోవడంతో ఆమె కూడా ఏమీ చేయలేకపోయింది. ఆఫ్ స్పిన్నర్ దీప్తి శర్మ (2-32), పూనమ్ యాదవ్ (2-29), అనుజ పాటిల్ (2-31) రెండేసి వికెట్లు పడగొట్టగా.. రాధా యాదవ్, పూజా వస్త్రాకర్, హర్మన్‌ప్రీత్ కౌర్ తలో వికెట్ తీసుకున్నారు. 

సంక్షిప్త స్కోరు
ఇండియా-ఎ: 184/5; ఆస్ట్రేలియా-ఎ: 156/9.



చివరి వన్డేలో లంక విజయం

Updated By ManamMon, 09/17/2018 - 07:03
  • మిథాలీ అజేయ శతకం వృథా

  • ఐసీసీ మహిళల చాంపియన్‌షిప్

imageకటునాయకే: ఐసీసీ మిహ ళల చాంపియన్‌షిప్‌లో భాగంగా భారత్‌తో జరుగుతున్న మూడు మ్యాచ్‌ల వన్డే సిరీస్‌లో శ్రీలంక జట్టు చివరి మ్యాచ్లో 3 వికెట్లతో టీమిండియాపై విజయం సాధించింది. ఆదివారమి క్కడ జరిగిన చివరి మ్యాచ్‌లో తొలుత బ్యాటింగ్ చేసిన భారత మహిళల జట్టు నిర్ణీత 50 ఓవర్లలో 5 వికెట్ల నష్టానికి 253 పరుగులు చేసింది. భారత్ బ్యాటిం గ్‌లో కెప్టెన్ మిథాలీ రాజ్ (125 నాటౌట్) అజేయ శతకంతో కెప్టెన్ ఇన్నింగ్స్ ఆడగా, ఓపెనర్ స్మృతి మంధన అర్ధ శతకంతో రాణించింది. దీంతో భారత్ జట్టు 50 ఓవర్లలో 253 పరగులు చేయగలిగింది. అనంతరం 254 పరుగుల లక్ష్యంతో బరిలోకి దిగిన లంక జట్టు 49.5 ఓవర్లలో 7 వికెట్లు నష్టపోయి లక్ష్యాన్ని చేధించింది. ఉత్కంఠభరితంగా సాగిన ఈ మ్యాచ్లో చివరికి  లంక జట్టుకే విజయం వరించింది. లంక బ్యాటింగ్‌లో ఓపెనర్ జయన్‌గని (115) శతకంతో అదరగొట్టగా, మరో ఓపెనర్ హసిని పెరీరా (45) పరుగులతో ఫర్వాలేదనిపింది. భారత్ బౌలింగ్‌లో గోస్వామి, జోషీ చెరో రెండు వికెట్లు దక్కించుకున్నారు. మూడు మ్యాచ్‌ల వన్డే సిరీస్‌లో భారత్ జట్టు 2-1తో సిరీస్ కైవసం చేసుకుంది. ఇక ఇరు జట్ల మధ్య జరగనున్న ఐదు మ్యాచ్‌ల టీ20 సిరీస్ బుధవారం ప్రారంభంకానుంది.



రికార్డు సృష్టించిన మిథాలీ రాజ్

Updated By ManamWed, 09/12/2018 - 11:55

Mithali Rajభారత మహిళా క్రికెట్ టీమ్ కెప్టెన్ మిథాలీ రాజ్ రికార్డు సృష్టించారు. అంతర్జాతీయ మహిళా క్రికెట్‌లో అత్యధిక వన్డేలకు నాయకత్వం వహించిన కెప్టెన్‌గా మిథాలీ నిలిచారు. మంగళవారం శ్రీలంకతో జరిగిన మ్యాచ్‌లో మిథాలీ ఈ మైలురాయిని అందుకున్నారు. కాగా ఇప్పటివరకు 195 వన్డేలను ఆడిన మిథాలీ 118 వన్డేలను కెప్టెన్‌గా వ్యవహరించారు. దీని ద్వారా ఇంగ్లండ్ మాజీ మహిళా క్రికెటర్ చార్లెస్ ఎడ్వర్ట్ పేరిట ఉన్న రికార్డును బ్రేక్ చేశారు.



మిథాలీ రాజ్‌కు పగ్గాలు

Updated By ManamFri, 08/24/2018 - 02:47
  • మాన్సికి జట్టులో చోటు.. శ్రీలంక పర్యటనకు భారత మహిళల జట్ల ఎంపిక

MithaliRajన్యూఢిల్లీ: శ్రీలంక పర్యటనకు త్వరలో వెళ్లనున్న భారత మహిళల క్రికెట్ వన్డే, టీ20 జట్లను గురువారం ఎంపిక చేశారు. పేసర్ మాన్సి జోషికి మళ్లీ చోటు దక్కింది. గతేడాది ఐసీసీ మహిళల వరల్డ్ కప్‌లో చివరిసారి పాల్గొన్న మాన్సి మోకాలి గాయంతో దాదాపు ఏడాది కాలం క్రికెట్‌కు దూరమైంది. ఇటవల మహిళల చాలెంజ్ ట్రోఫీలో మళ్లీ ఆమె మైదానంలోకి అడుగుపెట్టింది. శ్రీలంకలో జరిగిన ఐసీసీ వుమెన్స్ చాంపియన్‌షిప్‌లో భారత మహిళల జట్టు 3 వన్డేలు, ఐదు టీ20 మ్యాచ్‌లు ఆడుతుంది. వన్డే మ్యాచ్‌లో సెప్టెంబర్ 11, 13, 16వ తేదీల్లో గాలే, కతునాయకే వేదికల్లో జరగనుండగా.. 19, 21, 22, 24, 25 తేదీల్లో టీ20 మ్యాచ్‌లు జరుగుతాయి. 

ఐసీసీ మహిళల చాంపియన్‌షిప్‌కు భారత జట్లు
వన్డే జట్టు: మిథాలీ రాజ్ (కెప్టెన్), హర్మన్‌ప్రీత్ కౌర్ (వైస్ కెప్టెన్), స్మృతి మంధన, పూనమ్ రౌత్, దీప్తీ శర్మ, డి. హేమలత, జెమీమా రొడ్రిగ్వెస్, వేద కృష్టమూర్తి, తన్య భాటియా (వికెట్ కీపర్), ఎక్తా బిస్ట్, పూనమ్ యాదవ్, రాజేశ్వరీ గైక్వాడ్, ఝులన్ గోస్వామి, మన్సి జోషి, శిఖ పాండేజ. టీ20 జట్టు: హర్మన్‌ప్రీత్ కౌర్ (కెప్టెన్), స్మృతి మంధన (వైస్ కెప్టెన్), మిథాలీ రాజ్, వేద కృష్టమూర్తి, జెమీమా రోడ్రిగ్వెస్, డి. హేమలత, దీప్తి శర్మ, అనుజ పాటిల్, తన్య భాటియా (వికెట్ కీపర్), పూనమ్ యాదవ్, ఎక్తా బిస్ట్, రాధా యాదవ్, అరుంధతి రెడ్డి, శిఖ పాండే, మాన్సి జోషి. 



ధ్యైర్యాన్ని కూడగట్టుకోవాలి

Updated By ManamSat, 07/21/2018 - 22:47
  • సహచరులకు మిథాలీ సూచన .. త్వరలో శ్రీలంక టూర్  

న్యూఢిల్లీ: భారత మహిళల క్రికెట్ జట్టు కోచ్ తుషార్ అరొథె తన పదవికి రాజీనామా చేసిన నేపథ్యంలో జట్టు mithaliసభ్యులందరూ వీలైనంత త్వరగా ధ్యైర్యాన్ని కూడగట్టుకోవాలని మిథాలీ రాజ్ సూచించింది. ఆసియా కప్‌లో పేలవ ప్రదర్శన, సీనియర్ సభ్యులతో సత్సంబంధాలు లేకపోవడం వంటి కారణాలతో తుషార్ రాజీనామా చేశారు. ‘వారం రోజుల్లో మేమందరం క్యాంప్‌లో కలవబోతున్నాం.

మొట్టమొదటి అంశమేంటంటే.. మేమందరం మళ్లీ ధ్యైర్యాన్ని కూడగట్టుకోవాలి. ఇటువంటి విషయాలు క్రీడాకారుల జీవితాల్లో మామూలే. కానీ ఎవరికి వారు ప్రాధాన్యతలను గుర్తించాలి. త్వరలోనే శ్రీలంక పర్యటనకు వెళ్లనున్నాం. అంతేకాకుండా వరల్డ్ కప్‌కు కూడా సిద్ధపడాలి. కోచ్ వంటి విషయాలపై ఎక్కువగా దృష్టి పెట్టకూడదు’ అని మిథాలీ చెప్పింది. ఉన్నఫళంగా కోచ్‌ను తొలగించడం ఇదేమీ కొత్త కాదు. 2017లో ఐసీసీ వరల్డ్ కప్‌కు రెండు నెలల ముందు కోచ్ పూర్ణిమా రావ్‌ను కోచ్ పదవి నుంచి తొలగించారు. ఈ టోర్నీ ఫైనల్లో ఇంగ్లాండ్ చేతిలో ఇండియా ఓటమిపాలైంది. ‘నేను ఎక్కువగా చెప్పలేను. మేనేజ్‌మెంట్ నిర్ణయాల్లో బీసీసీఐదే ఏకైక అధికారం. అలాంటి నిర్ణయం ఎందుకు తీసుకున్నారో వాళ్లు మాత్రమే చెప్పగలరు. బోర్డ్ రూమ్‌లో జరిగిన ఆ సమావేశంలో ఏం జరిగిందో నేను చెప్పలేను. కానీ ఒక సీనియర్ ప్లేయర్‌గా కోచ్‌గా ఎవరున్నా అతనికి గానీ, ఆమెకు గానీ వ్యతిరేకిని మాత్రం కాదు. ఒక ప్లేయర్‌గా కోచ్ జట్టుకు సహాయపడాలని కోరుకుంటాను.

 అమ్మాయిలందరూ క్యాంప్‌కు వచ్చినప్పుడు ఒక అనుభవజ్ఞురాలిగా వాళ్లందరికీ దిశా నిర్దేశం చేస్తాను. అటువంటి సంఘటనలు కొన్నిసార్లు జట్టు మానసిక స్థితిపై ప్రభావం చూపుతాయి. ఎవ్వరూ వార్తా పత్రికలు చదవడం లేదని గానీ, ఎటువంటి ప్రశ్నలూ వేయడం లేదని గానీ చెప్పలేను. ఇది అన్ని చోట్లా ఉన్నదే. కానీ ఉన్నత స్థాయిలో పోటీ చేసేటప్పుడు మనకున్న వనరులలో ఉత్తమమైనదాన్ని ఉపయోగించుకోవాలి. మాది బలమైన జట్టే. కానీ ఉత్తమ వ్యూహాలు రచించుకోవాలి. ఎందుకంటే టీ20 అనేది చాలా ఫాస్ట్‌గా ఆడాల్సి వుంటుంది’ అని మిథాలీ వివరించింది.

 తదుపరి భారత మహిళల జట్టు శ్రీలంక పర్యటనకు వెళ్లనుంది. అంతకుముందు బెంగళూరులో 10 ప్రాక్టీస్ క్యాంప్‌లో పాల్గొననుంది. ‘శ్రీలంక పర్యటన మాకు చాలా ముఖ్యమైంది. వన్డేల ద్వారా పాయింట్లు వస్తాయి కాబట్టి ఈ పర్యటనలో గెలవడం కూడా చాలా ముఖ్యం. ఆసియా కప్‌లో ఓటమి తర్వాత కాస్త నిరుత్సాహాం చెందాం. కానీ ఐదు మ్యాచ్‌ల టీ20లో విజయం మాలో విశ్వాసాన్ని నింపింది. శ్రీలంక వన్డే సిరీస్‌లో గెలవడం ద్వారా వరల్డ్ కప్‌లో విశ్వాసంతో అడుగుపెడతాం’ అని మిథాలీ పేర్కొంది.



మిథాలీపై త్వరలో సినిమా

Updated By ManamWed, 09/27/2017 - 19:27
  • నిర్మాణ హక్కులు పొందిన వయాకామ్18 సంస్థ

న్యూఢిల్లీ: సైనా నెహ్వాల్, కపిల్ దేవ్‌ల తర్వాత ఇప్పుడు భారత మహిళా క్రికెట్ జట్టు కెప్టెన్ మిథాలీ రాజ్‌పై సినిమా రానున్నట్టు వార్తలు వస్తున్నాయి. ఈ సినిమా నిర్మాణ హక్కులను పొందినట్టు వయాకామ్18 మోషన్ పిక్చర్స్ సంస్థ తెలిపింది. ఇంగ్లండ్‌లో ఈ ఏడాది జరిగిన ఐసీసీ మహిళల వరల్డ్ కప్‌లో టీమిండియాను ఫైనల్ వరకు తీసుకెళ్లడంతో మిథాలీ రాజ్ అందరి ప్రశంసలు అందుకుంది. కానీ ఫైనల్లో ఆతిథ్య జట్టు చేతిలో మిథాలీ సేన ఓటమిపాలైనప్పటికీ ఆమె బ్యాటింగ్ పోరాటం అందరినీ ఆకట్టుకుంది. తనపై తీస్తున్న ఈ సినిమా చాలా మందికి స్ఫూర్తిదాయకంగా ఉంటుందన్న ఆశాభావాన్ని మిథాలీ వ్యక్తం చేసింది. 





Related News