tdp

రోజాపై అనుచిత వ్యాఖ్యలు.. టీడీపీ ఎమ్మెల్యేకు షాక్

Updated By ManamTue, 09/18/2018 - 12:25

Roja, Bode Prasadఅమరావతి: సినీ నటి, నగరి ఎమ్మెల్యే రోజాపై అనుచిత వ్యాఖ్యలు, అసభ్యపదజాలంతో దూషించినందుకు గానూ టీడీపీ ఎమ్మెల్యే బోడె ప్రసాద్‌పై కేసు నమోదు చేయాలని హైకోర్టు ఆదేశాలు జారీ చేసింది. ఈ విషయంపై పోలీసులకు ఫిర్యాదు చేసినప్పటికీ.. వారు పట్టించుకోకపోవడంతో ఆమె హైకోర్టును ఆశ్రయించారు. విచారణ జరిపిన హైకోర్టు బోడె ప్రసాద్‌పై కేసు నమోదు చేయాలని ఆదేశించింది.

అయితే ఈ ఏడాది జూలైలో జరిగిన ఓ కార్యక్రమంలో బోడే ప్రసాద్ మాట్లాడుతూ.. తనపై రోజా చేస్తున్న పిచ్చి విమర్శలను ప్రజలు నమ్మరని అన్నారు. అంతటితో ఆగకుండా అదే రోజాను తాను ఓ వ్యభిచారి, బ్రోతల్ హౌస్ నడుపుతుందని అంటే కచ్చితంగా నమ్మేస్తారని అసభ్యంగా మాట్లాడారు. దీనిపై వైసీపీ నేతలు మండిపడిన విషయం తెలిసిందే.



ఎంపీనా..? ఎమ్మెల్యేనా..? అధిష్టానమే డిసైడ్ చేస్తుంది 

Updated By ManamMon, 09/17/2018 - 14:42

Ashok Gajapati Rajuఅమరావతి: తాను ఎంపీగా వెళ్లాలా..? లేక ఎమ్మెల్యేగా..? పోటీ చేయాలా అన్నది అధిష్టానమే నిర్ణయిస్తుందని మాజీ కేంద్రమంత్రి అశోక్ గజపతి రాజు అన్నారు. ముఖ్యమంత్రి చంద్రబాబునాయుడుతో భేటీ అనంతరం అశోక్ గజపతి రాజు మాట్లాడుతూ.. తనకైతే ఎంపీగా బరిలో నిలవాలనుందని, తన కుమార్తె ఎన్నికల్లో పోటీ చేసే విషయంలో ఏమీ చెప్పలేనని అన్నారు.

బాబ్లీ ఘనటలో ధర్మాబాద్ పోలీసులు టీడీపీ నేతలతో దారుణంగా వ్యవహరించారని, ఐదు రోజులు తాగునీటికి కూడా తీవ్ర ఇబ్బందులు పెట్టారని దుయ్యబట్టారు. తెలంగాణ రైతు హక్కుల కోసం టీడీపీ పోరాటం చేసిందని అశోక్ గజపతి రాజు అన్నారు. జాతీయ పార్టీలన్నీ ప్రజలకు దూరం అవుతున్నాయని, బీజేపీ ప్రజలకు న్యాయం చేయలేకపోయిందని చెప్పారు. ఇక తండ్రి పాలన తెస్తానని జగన్ చెబితే నమస్కారం పెడతామని, వైఎస్ఆర్ లాంటి దారుణ పాలన ఎవరికీ అవసరం లేదని అశోక్ గజపతిరాజు అన్నారు.



కార్మికుడిపై చింతమనేని దాడి.. కార్మిక సంఘాల ధర్నా

Updated By ManamSun, 09/16/2018 - 10:47

Chintamaneni Prabhakarఅమరావతి: ఏపీ ప్రభుత్వ చీఫ్ విప్ చింతమనేని ప్రభాకర్ మరోసారి వివాదంలో చిక్కుకున్నారు. ఏలూరు లిక్కర్ డిపోలో ఓ కార్మికుడిపై చింతమనేని దాడికి పాల్పడ్డాడు. ఈ నేపథ్యంలో ఆయనను అరెస్ట్ చేయాలని ఐఎఫ్టీయూ డిమాండ్ చేసింది. తన మాట వినకపోవడంతో కులం పేరుతో దూషిస్తూ చింతమనేని కొట్టారని ఐఎస్టీయూ ప్రధాన కార్యదర్శి కె.పొలారి ఆరోపించారు.

దాడికి పాల్పడ్డ చింతమనేనిపై ఎస్సీ, ఎస్టీ వేధింపుల కేసు నమోదు చేయాలని డిమాండ్ చేశారు. ఈ సందర్భంగా పొలారి మాట్టాడుతూ.. 27కేసుల్లో ముద్దాయిగా ఉన్న చింతమనేని ఏలూరు లిక్కర్ డిపోలోని హమాలీ కార్మికుడిపై దాడి చేయడాన్ని ఖండిస్తున్నట్లు పేర్కొన్నారు.



జయసుధకు కేటీఆర్ ఫోన్

Updated By ManamThu, 09/13/2018 - 09:41

KTR, Jayasudhaహైదరాబాద్, సెప్టెంబర్ 12(మనంప్రతినిధి) ః సహజనటి, మాజీ ఎమ్మెల్యే జయసుధకు టీఆర్‌ఎస్ పార్టీలో చేరాలని ఆహ్వానం అందింది. రాష్ట్ర మంత్రి కె తారకరామారావు ఇటీవల ఆమెకు స్వయంగా ఫోన్ చేసి తమ పార్టీలో చేరాలని ఆహ్వానించినట్లు సమాచారం. కేటీఆర్ ఆహ్వానంపై ఆలోచించి చెబుతానని జయసుధ చెప్పారు. ప్రస్తుతం తెలుగుదేశం పార్టీలో ఉన్న జయసుధ, క్రియాశీలక రాజకీయాలకు దూరంగా ఉన్నారు. గతంలో సికింద్రాబాద్ నుంచి కాంగ్రెస్ పార్టీ తరపున పోటీ చేసి గెలిచారు.  ఆ తర్వాత రాజకీ యాలకు దూరమయ్యారు. ఎమ్మెల్యేగా ప్రజల్లో  మంచిపేరు సంపాదించారు. తన వద్దకు వచ్చే ప్రజల సమస్యలను ఓపికగా విని వాటిని పరిష్కరించేందుకు ప్రయత్నించేవారని,గర్వం ఏ మాత్రం లేదనే పేరుంది. టీడీపీలో ఉన్నప్పటికీ రాజకీయాలకు దూరంగా ఉన్న ఆమెను టీఆర్‌ఎస్ పార్టీలో చేర్చుకుంటే  పార్టీకి కొంత ప్రయోజనం కలుగుతుందనే ఆలోచనతో టీఆర్‌ఎస్ లో చేరాలని కేటీఆర్ ఆహ్వానించినట్లు టీఆర్‌ఎస్ వర్గాలు చెప్పాయి. తెలంగాణ రాష్ట్రాన్ని అభివృద్ధిపథంలోకి తీసుకువెళుతున్నారని అమె కితాబిచ్చారు. 



రేపు ఏ పార్టీలో ఉంటానో తెలీదు: విష్ణు కుమార్ రాజు

Updated By ManamWed, 09/12/2018 - 09:58

Vishnu Kumar Rajuఅమరావతి: రేపు ఏ పార్టీలో ఉంటానో తెలీదంటూ బీజేపీ శాసనసభాపక్ష నేత విష్ణుకుమార్ రాజు సంచలన వ్యాఖ్యలు చేశారు. తాను ఏ పార్టీలో ఉన్నా ఉన్నది ఉన్నట్టు మాట్లాడతానని తేల్చి చెప్పారు. ఏపీకి బీజేపీ ఇచ్చిన నిధుల విషయాన్ని అసెంబ్లీలో ప్రస్తావిస్తుండగా, టీడీపీ నేతలు కల్పించుకుని వాస్తవాలు మాట్లాడాలని సూచించారు. దీంతో స్పందించిన విష్ణుకుమార్ రాజు తాను ఏ పార్టీలో ఉన్నా వాస్తవాలే మాట్లాడతానని, ఉన్నది ఉన్నట్టు మాట్లాడడం తన నైజమని అన్నారు.

గుజరాత్‌లో పటేల్ విగ్రహానికి కేంద్రం రూ.2,500 కోట్లు ఇచ్చిందని ఆరోపిస్తున్నారని, నిజానికి ఆ విగ్రహం కోసం ఇచ్చింది రూ.300 కోట్లేనని విష్ణుకుమార్ రాజు స్పష్టం చేశారు. అమరావతి నిర్మాణానికి కేంద్రం నిధులు ఇవ్వాల్సి ఉందన్న ఆయన, అందుకోసం తాను కూడా పోరాడతానని పేర్కొన్నారు.



వైసీపీకి మరో షాక్.. టీడీపీలోకి మరో కీలక నేత

Updated By ManamWed, 09/12/2018 - 08:56

Sunil అమరావతి: వైసీపీ మరో షాక్ తగిలింది. కాకినేత కీలక నేత చెలమలశెట్టి సునీల్ వైసీపీని వీడనున్నారు. ప్రస్తుతం కాకినాడ పార్లమెంట్ నియోజకవర్గానికి వైసీపీ ఇంచార్జ్‌గా ఉన్న సునీల్ టీడీపీ తీర్థం పుచ్చుకోనున్నారు. దీనికి సంబంధించి రంగం సిద్ధం చేసుకున్నారు. ఈ మేరకు మంగళవారం సాయంత్రం ఏపీ ముఖ్యమంత్రి చంద్రబాబు నాయుడుని మర్యాదపూర్వకంగా కలిసిన సునీల్, టీడీపీలో చేరనున్నతెలిపారు. వచ్చే నెల రెండో వారంలో చంద్రబాబు సమక్షంలో సునీల్ టీడీపీ కండువాను కప్పుకోనున్నారని తెలుస్తోంది. అయితే ఎన్నికలు దగ్గరపడుతుండగా.. టీడీపీలోకి వలసలు పెరుగుతున్న విషయం తెలిసిందే.



సుత్తి.. హస్తం.. సైకిలు పొత్తుకు సై..!

Updated By ManamTue, 09/11/2018 - 19:51
  • మహాకూటమిగా ముందస్తుకు విపక్షాలు..

  • త్వరలో ఢిల్లీకి వెళ్లనున్న మూడు పార్టీల నేతలు 

Congress, CPI, TDP, Mass Alliance, Telangana stateహైదరాబాద్: తెలంగాణలో టీఆర్ఎస్‌కు పోటీగా విపక్షాలు మహాకూటమిగా అవతరించాయి. కాంగ్రెస్, టీడీపీ, సీపీఐ మధ్య పొత్తు ఖరారు అయింది. త్వరలో ఢిల్లీకి మూడు పార్టీల నేతలు వెళ్లనున్నట్టు తెలుస్తోంది. అంతేకాక, ఎన్నికల కమిషన్ నిపుణులను కూడా నేతలు కలిసే అవకాశం ఉంది. తెలంగాణలో ముందస్తు ఎన్నికలపై సుప్రీంకోర్టులో పిటిషన్ వేసే యోచనలో కూడా ఉన్నట్టు తెలిసింది. మూడు పార్టీలు కలిసి కామన్ మేనిఫెస్టో విడుదల చేసే యోచనలో విపక్ష నేతలు కసరత్తు ప్రారంభించినట్టు కనిపిస్తోంది. అన్ని పార్టీల నేతలంతా కలిసి భారీ బహిరంగ సభ నిర్వహించాలని నిర్ణయించినట్టు తెలుస్తోంది. ఈ నేఫథ్యంలో రాజ్‌భవన్‌లో గవర్నర్‌ నరసింహన్‌ను కలిసిన అఖిలపక్షం నేతలు.. ఆపద్ధర్మ ముఖ్యమంత్రిని తొలగించి రాష్ట్రపతి పాలన విధించాలని సూచించినట్టు తెలిసింది. ఆపద్ధర్మ ముఖ్యమంత్రి ఉంటే ఎన్నికలు నిస్పక్షపతంగా జరగవని గవర్నర్‌కు ఫిర్యాదు చేసినట్టు విశ్వసనీయ సమాచారం. 

కేసీఆర్‌ను తొలగించాల్సిందే: ఉత్తమ్
ప్రీ అండ్ ఫెయిర్ ఎన్నికలు జరగాలంటే ఆపద్ధర్మ ముఖ్యమంత్రి కేసీఆర్‌ను తొలగించాల్సిందేనని టీపీసీసీ అధ్యక్షులు ఉత్తమ్ కుమార్ రెడ్డి గవర్నర్‌కు ఫిర్యాదు చేశారు. తెలంగాణ రాష్ట్ర ప్రజల ప్రజాస్వామిక హక్కులను కాలరాస్తున్నారని ఆయన విమర్శించారు. ముఖ్యమంత్రే ఎన్నికల షెడ్యూల్‌ని ఎలా ప్రకటిస్తారని ఉత్తమ్ సూటిగా ప్రశ్నించారు. ఎన్నికల కమిషన్‌ను ఒక అధికారి టీఆర్ఎస్ తరపున ఏ విధంగా కలిసి అడుగుతారని మండిపడ్డారు. కేసీఆర్ వ్యాఖ్యలను ఈసీ స్టుపిడ్ అండ్ సిల్లీగా పేర్కొందని అన్నారు. 

మోడీతో కుమ్మక్కై కేసీఆర్ ముందస్తుకు..: ఎల్ రమణ
ప్రధాని నరేంద్ర మోదీతో కుమ్మక్కై కేసీఆర్ తెలంగాణ రాష్ట్రంలో ముందస్తు ఎన్నికలకు వెళ్తున్నారని ఆ రాష్ట్ర టీడీపీ అధ్యక్షుడు ఎల్ రమణ విమర్శించారు. కుటుంబ రాజకీయ మనుగడ కోసమే ఈ ప్రయత్నాలు జరుగుతున్నట్టు ఆయన ఆరోపించారు. కాంగ్రెస్ నేత షబ్బీర్ అలీపైనా దాడులు జరిగాయని అన్నారు. ముందస్తుపై రాష్ట్రపతిని కూడా కలవాలని నిర్ణయించినట్టు తెలిపారు. జాతీయ స్థాయి పార్టీలనూ కలుస్తామన్నారు. ఆపద్ధర్మ ముఖ్యమంత్రిని తొలగిస్తేనే ప్రజాస్వామ్య మనుగడ ఉంటుందని రమణ తెలిపారు.

కాగా, 20 లక్షలకు పైగా ఓటర్ల పేరు గల్లంతయ్యాయని తెలంగాణ జనసమితి (టీజేఎస్‌) అధ్యక్షులు ప్రొఫెసర్‌ కోదండరాం విమర్శించారు. దొడ్డిదారిన అధికారంలోకి రావాలని చూస్తున్నారని మండిపడ్డారు. గవర్నర్ తమ అభ్యర్థనపై స్పందించలేదని కోదండరాం తెలిపారు. 



కర్నూల్‌లో ఘోరం.. టీడీపీ కార్యకర్త దారుణ హత్య

Updated By ManamTue, 09/11/2018 - 10:41

Ramakrishnaకర్నూల్: జిల్లాలో ఘోరం జరిగింది. కృష్ణగిరి మండలం అలంకొండకు చెందిన టీడీపీ కార్యకర్త రామకృష్ణను గుర్తు తెలియని దుండగులు బండరాయితో దారుణంగా హత్య చేశారు. దీంతో అతడి గ్రామంలో ఉద్రిక్త పరిస్థితులు నెలకొన్నాయి. మరోవైపు ఈ హత్యను ఖండించిన టీడీపీ నేతలు, హంతకులను అరెస్ట్ చేయాలని డిమాండ్ చేశారు. కాగా పందిర్లపల్లిలో రామకృష్ణ రేషన్ డీలర్‌గా పనిచేస్తుండగా.. పాతకక్షలే ఈ హత్యకు కారణమని పోలీసులు ప్రాథమికంగా తేల్చారు. కేసును నమోదు చేసుకొని దర్యాప్తును ప్రారంభించారు.



'టీడీపీలోనే ఉన్నా.. రాజీనామా చేయలేదు'

Updated By ManamMon, 09/10/2018 - 20:29

TDP, R Krishnaiah, BC welfare committee, BC meetingహైదరాబాద్‌: ఇప్పటికీ తాను టీడీపీలోనే ఉన్నానని ఆ పార్టీ మాజీ ఎమ్మెల్యే ఆర్.కృష్ణయ్య స్పష్టం చేశారు. టీడీపీకి తాను రాజీనామా చేయలేదని నొక్కివక్కాణించారు. అబిడ్స్ సిద్ధార్థ హోటల్‌లో జాతీయ బీసీ సంక్షేమ సంఘం ఆధ్వర్యంలో 112 బీసీ కులాల సమావేశం జరిగింది. ఈ సమావేశానికి ఆర్. కృష్ణయ్య ముఖ్య అతిధిగా హాజరయ్యారు. ఈసారి జరగబోయే శాసనసభ ఎన్నికల్లో మళ్ళీ ఎల్‌బీ నగర్ నుంచే తాను పోటీ చేయనున్నట్టు చెప్పారు.

అక్కడి ప్రజలు, పార్టీ శ్రేణులు, కార్యకర్తల నుంచి ఒత్తిడి వస్తోందన్నారు. ఇతర ప్రాంతాల నుంచి కూడా పోటీ చేయాలని ప్రజలు కోరుతున్నారని చెప్పారు. ఈ విషయంలో తాను ఎలాంటి స్పష్టమైన నిర్ణయం తీసుకోలేదని తెలిపారు. రాబోయే కీలక అసెంబ్లీ ఎన్నికల్లో అన్ని రాజకీయ పార్టీలు బీసీలకు 65 సీట్లు కేటాయించాలని ఆర్.కృష్ణయ్య డిమాండ్ చేశారు. 



శివార్లపైనే టీడీపీ టార్గెట్!

Updated By ManamMon, 09/10/2018 - 13:37
  • సెక్యూలర్ ఓట్లు రాబట్టే యత్నం...

TDP eyes to sweep city outskirts of hyderabad seats in Telangana assembly elections

హైదరాబాద్ : గత ఎన్నికల్లో మంచి ఫలితాలను రాబట్టిన టీడీపీ ఈసారి కూడా ఎన్నికల్లోను సత్తా చాటాలనుకుంటోంది. తమ అభ్యర్థులపై ఇప్పటికే టీడీపీ జాతీయ అధ్యక్షుడు చంద్రబాబు నాయుడు పార్టీ వర్గాలకు నిర్ణయం తీసుకోవాలని సూచించారు. తెలంగాణ టీడీపీకి ఇప్పటికీ మంచి పట్టు ఉన్నట్టు పార్టీ వర్గాలు పేర్కొంటున్నాయి. టీడీపీలో పోటీ చేసి గెలిచిన వారు పార్టీ వీడి పోయినా కార్యకర్తల బలం తగ్గలేదని సమాచారం.

కాంగ్రెస్, టీడీపీతో పొత్తుకు ఇరు వర్గాల నుంచి సానుకూల స్పందనలు వస్తున్నాయి. ఇరు పార్టీలు కలిసి పోటీ చేసినా నగర శివార్లలో మాత్రం తమ పార్టీకే మంచి మద్దతు ఉన్నదని టీడీపీ పార్టీ వర్గాలు పేర్కొంటున్నాయి. నగర శివారుల్లో తమ పార్టీ అభ్యర్థులకే టికెట్ ఇవ్వాలని కోరనుంది.

గత ఎన్నికల్లో ఎల్‌బినగర్, కంటోన్మెంట్, జూబ్లీహిల్స్, సనత్‌నగర్, కూకట్‌పల్లి, కుత్బుల్లాపూర్, రాజేంద్రానగర్, మహేశ్వరం, ఇబ్రహీంపట్నంలలో విజయం సాధించింది. గెలిచిన అభ్యర్థులు పార్టీలు మారినా ఓట్లు మాత్రం ప్రజల్లో టీడీపీకే సానుకూల స్పందన ఉన్నట్టు సమాచారం. 

ఎక్కువ శాతం సెక్యూలర్ ఓట్లు ఉన్నందున తమ పార్టీ అభ్యర్థులనే నిలబెట్టేందుకు టీడీపీ సిద్ధమైంది. మహేశ్వరం నియోజకవర్గంలో దేవేందర్‌గౌడ్‌కు గట్టి పట్టు ఉందని పార్టీ వర్గాలు చెబుతున్నాయి. శేరిలింగంపల్లిలోనూ బలమైన క్యాడర్ ఉందని ఇక్కడ గతంలో టీడీపీ అభ్యర్థి పోటీ చేసి విజయం సాధించడంతో తమ అభ్యర్థినే నిలబెట్టేందుకు సన్నద్దమవుతోంది.

ఉప్పల్‌లో గత ఎన్నికల్లో టీడీపీ మద్దతుతో బీజేపీ అభ్యర్థి విజయం సాధించాడని, ఇక్కడ నుంచి కూడా తమ అభ్యర్థిని బరిలోకి దించ నున్నట్టు సమాచారం. కూకట్‌పల్లిలోనూ టీడీపీకి మంచి పట్టు ఉందని, తమ అభ్యర్థికే ఇక్కడి నుంచి టికెట్ కేటాయించేలని పార్టీ వర్గాలు కాంగ్రెస్‌ను కోరనున్నట్టు సమాచారం.

ఇబ్రహీంపట్నంలో గత ఎన్నికల్లో మంచి మెజారిటీతో టీడీపీ అభ్యర్థి గెలవడంతో ఇప్పటికీ అక్కడ పార్టీ బలంగా ఉందని, తమ అభ్యర్థి తప్పనిసరిగా పోటీ చేస్తాడని పార్టీ వర్గాలు చెబుతున్నాయి. రాజేంద్రనగర్, ఎల్‌బీ నగర్‌లోనూ టీడీపీకి మంచి పట్టు ఉందని, ఇక్కడి నుంచి కూడా తమ అభ్యర్థికే టికెట్ ఆశిస్తున్నట్టు పార్టీ వర్గాలు పేర్కొన్నాయి.

గత ఎన్నికల్లో మంచి ఫలితాలు సాధించిన తమ పార్టీ నుంచి గెలిచిన నేతలు వలస వెళ్లినా క్యాడర్ బలంగా ఉన్నట్టు పార్టీ వర్గాలు చెబుతున్నాయి. ఈ ఎన్నికల్లోనూ తమకే అధికంగా సీట్లు వస్తాయని ఆశిస్తున్నట్టు పార్టీ వర్గాలు పేర్కొంటున్నాయి.





Related News